الأخبار
أخبار إقليمية
عبد الواحد نور يناشد القبائل بوقف الاقتتال وتوجيه السلاح ضد المؤتمر الوطني
عبد الواحد نور يناشد القبائل بوقف الاقتتال وتوجيه السلاح ضد المؤتمر الوطني
عبد الواحد نور  يناشد القبائل بوقف الاقتتال وتوجيه السلاح ضد المؤتمر الوطني


قال : اسقاط الحكومة يعني انهاء كل مشاكل السودان
07-04-2013 05:26 AM
ناشد رئيس حركة تحرير السودان عبدالواحد محمد نور كل قيادات القبائل بدارفور وخاصة التي تقاتل في دارفور بضروة وقف القتال بين بعضها البعض والاتجاه الي حل كافة القضايا عبر الحوار وكشف ان القتال الدائر سببه المؤتمر الوطني الذي ينوي تفريغ قبائل دارفور بعد ان قام بتسليح القبائل في السابق لقتال الحركات المسلحة وبعد ان فشل يريد تفريغ السلاح عبر هذه القبائل لتقاتل فيما بينها خوفا من ان توجه السلاح ضد المؤتمر الوطني ودعا هذه القبائل وكل الحادبين علي مصلحة الوطن بتوجيه السلاح ضد المؤتمر الوطني وان يعمل الجميع علي اسقاطه وقال عبدالواحد في مقابله مع راديو دبنقا انه لا بد للجميع العمل مع بعض لانهاء حكومة الوطني وقال ان اسقاط الحكومة يعني انهاء كل مشاكل السودان وناشد نور قبائل البقاره والبني حسين والمحاميد والبني هلبه والقمر والمسيرية والسلامات بالجنوح للسلم والتعايش بدلا من الاقتتال وتساءل نور عن قيادات الادارات الاهليه وقال (اين ناظر الرزيقات وين سعيد في حل المشاكل ) وقال نور ان اهل دارفور في كان يعيشون اكثر من مائة عام في ود واحترام واخلاق مع بعض دون تفرقة لقبيلة او جهوية كانوا لا يفرقون بين احد ويكثرون من الكرم حياة تلقائية وان العلاقات كانت اخوية وليست قبلية عند ظهور اي مشكلة كانت تحل تحت الشجرة وان العلاقة بين المحاميد والبني حسين والفور والزغاوة وكل القبائل علاقة اخوية وعلاقة اسر لكن المؤتمر الوطني يريد تقسيم قبائل دارفور ويجب علي قيادات الادارة الاهلية حل المشاكل تحت الشجرة.

وتابع سبق وان وقعت مشكله تم حلها في ساعه وقال ان الوطني افتعل المشاكل وقسم اهل دارفور الي زرقة وعرب واليوم فكر ان العرب تفهموا الوضع وان السلاح يمكن ان يوجه للمؤتمر الوطني وقال(سماهم البقارة والابالة والبني حسين النوايبه) والان يريد تفريغ القبائل بدارفور لكن نقول يا شيخ موسي هلال ويا الشيخ الجدي يا ادم صبي ويا المقدوم وكل النظار والشراتي اين انتم وماذا فاعلون واهل دارفور يموتون بالمئات نريد ان نعمل مع بعض لحل كل المشاكل وتابع اتحركوا يا اهل دارفور اوقفوا الموت.

وشدد نور يجب ان نعمل من اجل اسقاط المؤتمر الوطني وقال عبدالواحد ان مشكلة دارفور هي مشكلة السودان وقال يجب ان تتوحد كل الحادبين علي مصلحة البلاد وقال نور (يا اهلي العرب بدارفور والسودان والجزيرة ان ما يحدث في دارفور يحدث في كل السودان ويجب علينا التوحد لاسقاط المؤتمر الوطني )


تعليقات 14 | إهداء 0 | زيارات 8230

التعليقات
#714041 [ود الباشا]
0.00/5 (0 صوت)

07-05-2013 05:58 AM
سمعنا عبد الواحد من قبل هذا ليس اسلوبه الجدا شنو واتمنى ان يكون صادقا حتى يكسب كلللل الشعب


#713900 [مرزوق]
0.00/5 (0 صوت)

07-04-2013 08:53 PM
اتقوا الله في ماتكتبون سوف تسألون عما كتبت ايديكم


#713753 [التويجري]
0.00/5 (0 صوت)

07-04-2013 05:46 PM
والله لو كان ده خطابك من زمان كان الشعب السوداني كلو وقف معاك.نحن مادايرين حقد وانتقام الشعب السوداني كلو مهمش والسبب بعض النفعيين عديمي الضمير.من كل القبائل. والحكاية ماعرب وغير عرب والسودام كلو مزيج وقبائل متداخلة والبتفاخر بي أي حاجة خليهو أطلع برة ويشوف نظرة العرب لينا.نحن سودانيين ونفتخر ودي البتوحدنا واي خطاب فيهو ذرة عنصرية حايرجعنا تاني لى الف سنة وري.وانا شمالي .


ردود على التويجري
European Union [عبد الدائم عبد اللطيف] 07-04-2013 11:05 PM
كلامك عين العقل وهذا المخبول عبد المش عارف ايه هو راس العنصرية مع المطبلين.. داهية فيهم كلهم

European Union [kout hiban] 07-04-2013 07:13 PM
مقدمتك رائعة ولكن خاتمتك عنصرية .لابد من التحرر


#713726 [Adam Ibrahim]
0.00/5 (0 صوت)

07-04-2013 04:57 PM
كلام عاقل!!.. برافو عبد الواحد..


#713541 [KALAS.]
0.00/5 (0 صوت)

07-04-2013 01:36 PM
يا راجل خلاص فاتك الزمن دا كان يكون من زمان و لكنك ضيعت الفرصة ، اهل دارفور لا يلتفتون اليك الان و الافضل تشوف ليك مكتب محاماة فى اى جهة و تخلص .


#713470 [من الجذور إلى البذور]
0.00/5 (0 صوت)

07-04-2013 12:43 PM
01- يا استاد عبد الواحد ... احترام الخصوصيات الادارية السودانية ضرورة وطنية ... يعني كسير التلج دا نوع من العبقرية .... و الحنكة السياسية .

02- لكن يا شيخنا ... الناس ديل اشتروا بعض الادارات الاهلية .... وكل الادارات الطائفية ..... من نصيبهم بتاع البترول ..... انتم الان تتعاطون ثلاثين ملايار دولار سنويا .... بالاضافة الى بترول الجنوب الدي تبيعون عبر التناكر .... غالبكم تشتروا الادارة الاهلية ... وبعد تحريز و توحيد السودان .... كلنا نبني البلد مجانيا ...

03- مافي داعى ... يا استاد يا قانوني ...تحاصروا السودان .... من الغرب والجنوب والشرق واقصي الشمال ....الى يوم القيامة .... عشان الاستاد القانوني علي عثمان وجماعته بتاعين التمكين .... يفرضوا علينا الجبايات ويطبعوا العملات .... وانتم ورفاقكم تاكلون تلك الميزانيات الدولاريات ....


#713350 [الطاهراحمدابراهيم]
4.00/5 (3 صوت)

07-04-2013 10:57 AM
بصراحة اعجبني جدا كلام عبد الواحد لانه فعلا كان ناس دارفور في الاضي اسرة واحدة ولا توجد قبلية ولا جهوية لا عرب لا زرقة الكل سوا سوا عايشين في وفاق وحب بل واتصاهروا مع بعضهم البعض واصبحوا اسرة واحدة وما يحدث الان لا يشبه اهل دارفور الكبري حيث تفشت القبلية والعنصرية في كل مدن وقري دارفور واصبحت الحرب بين القبائل لذلك يجب ان يتحدوا اهل دارفور ويوقفوا الحرب ضد بعضهم البعض حتي تعود دار لسابق عهدها وعلي الادارات الاهلية التدخل لوقف نزيف الحرب في دارفور ولمة لابدا نها ان عبدالواحد تحدث حديث هام وكلام عقل ونابع من القلب علي الجميع العمل به


#713345 [باحث عن الحق]
5.00/5 (2 صوت)

07-04-2013 10:53 AM
والله الصهيانه أنتوا وأعداء الوطن انتوا، انتوا النشرتوا العنصريه والفساد ودمرتم الحرث و النسل فى كل السودان!!!
وأخونا المناضل عبدالواحد على حق!!


ردود على باحث عن الحق
United States [MAHMOUDJADEED] 07-04-2013 06:15 PM
ما دام ده تفكيرك فلن تحصل على الحق الي يوم القيامة أيها الباحث عن الحق .


#713297 [مطر الرشاش]
0.00/5 (0 صوت)

07-04-2013 10:17 AM
ما رأيناه في احتفاليات سيكافا بالفاشر يقول لك يا عبد الواحد ما رأيك ؟ باعتك إسرائيل

التي ما عبرتك :الباع بلادو أخير ليهو النجعة بي ولادو لوقدرت فشلت أو شوشت على الحصل في الفاشر

كان تكون جدع وممكن تقدر تداوس ... اعقل وراجع نفسك والقبائل المتداوسن زول بسمعا كلامك

الني دة مافي ...


ردود على مطر الرشاش
United States [جابر جبرالله] 07-04-2013 04:27 PM
مطرطش


#713180 [A.nasir]
0.00/5 (0 صوت)

07-04-2013 09:07 AM
هذا الكلام لا يشبه عبد الواحد .!
ولو صدر منه فعلا.. فنقول له الان بدأت تسلك الطريق الصحيح .


#713171 [هالة]
0.00/5 (0 صوت)

07-04-2013 09:01 AM
ادا كان هدا ماتدعوا لة فنحن جمئعا معك


#713165 [سوداني كردفاني]
5.00/5 (3 صوت)

07-04-2013 08:59 AM
صوت العقل يا مناضل ثورة حتي النصر‎ ‎


#713074 [ehsan salih]
5.00/5 (3 صوت)

07-04-2013 07:40 AM
ياخـــرطوم ثــــــورى ثـــــــورى ضـــــــــد الحكم الدكتـــــــــــــاتورى
فاســــــــــــــدين فاســـــــــــدين تجــــــــــــــــــار الديـــــــــــــــــــــــن
قول للشــــــــــــــرطة قول للجـــــــــــــيش مالاقين حق العــــــــــــيش
مابــــــــــــرهبنا ولا بخوفــــــــــــنا بيت الأشــــــــباح الذالى أهلنــــــا
عـــــــــــزة قومى و قولى ليه الربـــــــــع قرن حــــــــــــــــــرام عليه


ردود على ehsan salih
[Rio] 07-04-2013 04:42 PM
مبسوط منك


#713033 [عبدالرحيم عباس الشيخ]
4.00/5 (3 صوت)

07-04-2013 05:59 AM
اعتقد القتال الدائر بسببكم انتم وخليك فى هناك مع اسيادك الصهاينة


ردود على عبدالرحيم عباس الشيخ
United States [sudani] 07-04-2013 01:13 PM
يا الجداد الالكتروني يا سجم...حتى اللغة العربية ما فاهمها يا طيرة و يا بصلة....القائد يتحدث عن مشكلة السودان بما فيه انت لعدم فهمك و جهلك مسئولية الجميع للخروج من النفخ

United States [freedom fighter] 07-04-2013 12:43 PM
يا ود الشيخ ده كلام قديم كلمة الصهاينه كان بستخدموها فى القرن الماضى اكثر من يتعامل معهم اليوم هم العرب كدا يوم سافر دبى او الدوحه او عمان او القاهره او او او او النماذج كثيره بعدين عصر العولمه والاقتصاد والشركات متعددة الجنسيات من ابداعاتهم انت الظاهر عليك كيسك فاضى ما قاعد تقرأ.

United States [الله جابو] 07-04-2013 10:18 AM
يا اخي الصهاية في قلب بلدان العرب الاقحاح من قطر اليالامارات والبحرين و الاردن الهاشمية مرورا بمصر قلب العروبة بعدين الذي يتعامل من الامركان وما عارف نفسة بتعامل مع الصهاينة ده يعتبر ما عنده عقل , قال صهاينة قال

European Union [مستغرب] 07-04-2013 09:53 AM
ايه التعليق الغبي دة ... اذا جنجوا للسلم اجنح لها

United States [هالة] 07-04-2013 09:10 AM
ويعنئ حكومةالانقادماصهاينةوهم بيبيعوافي البلدوبيبيدوافي
اهلهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة