الأخبار
أخبار إقليمية
المتعافي: نتطلع إلى حوار مع مزارعي الجزيرة لإقناعهم بالاستثمار
المتعافي: نتطلع إلى حوار مع مزارعي الجزيرة لإقناعهم بالاستثمار
المتعافي: نتطلع إلى حوار مع مزارعي الجزيرة لإقناعهم بالاستثمار


قال إن التمويل الذي أتيح لم يجده المشروع طيلة تاريخه
07-06-2013 12:13 PM



الخرطوم:محمد سعيد : اعترف وزير الزراعة الاتحادي عبدالحليم اسماعيل المتعافي بمواجهة مشروع الجزيرة عقبات في الري والادارة ، ودعا الى حوار مع مزارعي الجزيرة لاقناعهم بالاستثمار الصناعي لمنتجات المشروع.
ونفى المتعافي خلال مقابلة مع برنامج مؤتمر اذاعي الذي بثته الاذاعة السودانية امس، تدخله لفرض زراعة القطن المحور وراثيا.
وقال ان مشاريع حلفا الجديدة والرهد والسوكي والنيل الأبيض والنيل الأزرق اختارت زراعة القطن المحور وراثيا بعد نجاحه.
وكشف المتعافي عن وضع وزراته لخطة تمتد لحوالي«3» سنوات لايجاد حل لمشكلة الادارة والري بمشروع الجزيرة، قائلا ان الخطة بدأت بتغطية«20» قسماً من أقسام الادارة البالغة«114» قسماً .
وقال ان الامكانات والتمويل الذي توفر لمشروع الجزيرة لم يجده طيلة تاريخه.
واوضح وزير الزراعة انه تلقى شكاوى من المزارعين بوجود اختناقات في المياه تصل الى 30 مليون متر مكعب، موضحا انه طالب وزارة الموارد المائية بمد المشروع بحوالي«2» مليون متر مكعب، معربا عن مخاوف من اختناقات فى الري بالمشروع خلال شهر سبتمبر المقبل.
وكشف وزير الزراعة عن تطابق ارائهم مع لجنة مراجعة مشروع الجزيرة بشأن تقوية الري ودعم الادارة وحل مشكلة التمويل، مؤكدا على أن التحدي الأكبر يتمثل فى زيادة الانتاج وتوفير التمويل فى الوقت المناسب.
وأوضح المتعافي أن ما توفر من تمويل وامكانيات للموسم الزراعي للعام الحالي بالبلاد لم يتوفر طيلة السنوات الثلاث الماضية، مشيرا الى أن الدورة الزراعية موعودة بتغييرها عبر زراعة محاصيل شتوية.
وأشار الى أنهم يدرسون استثمارا تركيا فى المجال الزراعي بقيمة «300» مليون دولار تمهيدا لتوقيع العقود.

الصحافة


تعليقات 9 | إهداء 0 | زيارات 2233

التعليقات
#715515 [فرقتنا]
0.00/5 (0 صوت)

07-07-2013 01:33 AM
انتو ياجماعه نحن بدل ما ندعو ونشكو زي الولايا الافضل نطلع ولا كيف ياطلعنا ساندنا حاملي السلاح ولا الشارع ولا كيف لانو التاريخ ما برحم


#715507 [ود الباشا]
0.00/5 (0 صوت)

07-07-2013 01:01 AM
بالله دا كلام انت ما كيشة زى ما قلت المزارغبن ديل مساطيل هو وين ذاتو مشروع الجزيرة جز اضنيك ياخى بالله شوفوا المغصة دى وزير الزراعة هو ذاااتو رئيس مجلس الادارة واحد طبيب مستثمر وهو ذاتو وزير صحة وزير السدود اعطوه الكهرباء حتى القضائية مدورة بزنس ماخدين راحتم على الاخر الهطوا مدام الناس عارفة الساكت رضى ...و اهلنا زمان وصونا على الوطن


#715380 [ابو نور]
5.00/5 (1 صوت)

07-06-2013 08:36 PM
والله والله والله ياعفن يامناعفن المشروع على اجسادناواقسم بالله سوف تصل الى حد الاغتيال والدم عندنا نحنا ابناء الجزيرةومن كل السودان انت كنت حتة دكتور في ساجر بالسعودية واليوم عند عشرات الشركات وملايين الدولارات في البنوك الماليزية بعديين الارض عرض وبنقتل فيها ومماحتاجين فتوى من شيوحكم المنافقين زى عصام احمد البشيرالوسخ العفن ببكى على مرسى ونسئ جرائمكم في جنوب كردفان وعبدالحى يوسف الذى انسته الدنيا والسكن الفخمفى حى يثرب بشاعة وتنكيل وحرق في اهله ناس دارفور والنيل الازرق تبا لكم الساكت عن الحق شيطان اخرص.


#715350 [سودانى اطلاقا ما منفرج الأسارير]
0.00/5 (0 صوت)

07-06-2013 07:15 PM
يااهل السودان انتو ياللى فضل فيكم بعض عقل وتمكنتو من قراية كلام هذا المتعافى اليوم..
المتعافى دا اما انو عيان فى عقلو و"بيتعافى" وبدرى عليهم يسترد عافية مخو..او هو رجل هازل عامل نفسو اذكى من كووول الناس ويستخف بعقولهم.. اقروا الهراء اللى بيقول فيهو دا.. الراجل دا ايه حكايتو يا سيادة الرئيس .. ما فيش حد يشكمو او يقوللو تلت التلاته كم ؟ ايه الهرجله دى!!
(1) قال - فض فوه- عاوز يحاور المزارعين لآقناعم بألأستثمار الصناعى لمنتجات المشروع!!!دا موش ضحك على العقول كافه!! طبعن موش حنسأل عن منتجات المشروع..هو المشروع ذاتو وينو..هو فعلا ما كيشه
.زى ما وصف نفسو!!السودانيين هم الكيشه (بفتح الكاف والياء والشين)وحقو يرمو نفسهم فى الكوشه!!
(2)انت وزير الزراعه ورئيس مجلس ألأداره : مين اللى تدخل وفرض على المزارعين زراعة القطن المحوّر وراثيا وها انت تنفى وتتبرأ من ذلك.. هل فى هذا النوع من القطن اى عيوب ؟
(3) قال لسّ عاوز 3 سنين لأيجاد حل لمشكلة ألأداره والرى!! الخطه يا دوبك يدأت ب 20 قسم من 114 قسم؟
(4)المشروع وجد تمويل وتوفرت ليهو امكانات ما توفرت ليهو(مره قال)للموسم الزراعى طيلة ال 3 سنوات الماضيه (ومره تانيه قال)على مدى تاريخو الطويل!!الزول دا جادى ولآ الناس فقدت عقولا؟ياتو الصاح؟؟
(4)فى الفقره اللى بعدها قال انو اراؤهم تطابقت مع لجنة مراجعة المشروع لتقوية الرى وألأداره و"توفير التميل" اللى سبق وقال انو تم توفيرو..وان التحدى ألأكبر يتمثل فى زيادة ألأنتاج وتوفير التمويل!!!
(5)المزارعين اشتكو من اختناقات الرى ( عاوزين 30 مليون م.م. سيادتو طالب بمد المشروع ب 2 مليون م.م. الباقى يتمو (من بولن وبول بهائمن!! الله يكرم القارئين) وهو خايف من اختناقات تانيه فى شهر 9 .. بس ما ورّانا حيظل خائف لمتين ومن منو (طبعا ما من الله)
(6) سيادتو بيدرس فى استثمار تركى) ىكونش مع بتاع ألأسنان "راخر" وعلى وشك توقيع العقود .. دوسه عارف الموضوع؟؟
اها هل نحن موش بالله الجنّينا ام لا تزال وما تنفكو عقولنا نصاح ..


#715341 [fato]
0.00/5 (0 صوت)

07-06-2013 06:53 PM
المقصود من البداية تدمير المشروع ليكون في النهاية عرضة لما يعرف بالأستثمار وهو باب واسع للسرقة والكموشن واللهط بالدولار ولا عزاء للمزارعين وأسرهم ولا رأفة بحال الوطن المكلوم بفعل العاقين من أبناءه.


#715302 [امين]
0.00/5 (0 صوت)

07-06-2013 05:54 PM
دمر الله عقولكم ايها الانجاس الملاعين ذوي العاهات وكل ذي عاهة جبار افقرتم اهلنا وتركتموهم للجوع والمرض والجهل يااخوان الشياطين ياسفلة بعتم المشروع وتقاسمتم ثمنه أكلتم في بطونكم النار ياخبثاء وسوف تحرقكم النار في هذه الدنيا قبل الاخرة تامرتم على المشروع ومعكم الساقطين من المحسوبين من ابناء الجزيرة وهى منهم براء امثال عباس الترابي والمسمى ودبدر وود بدر بريئ منه وهذا الرجل احسب انه اقرب لليهود وهذا يظهر من قسمات وجهه يبدو عليه المكر والخبث والفجاجة قبحه الله اينما حل وسلط عليه الهوان والذل ولغيره ممن تسبب في دمار مشروع الجزيرة ودمار كل ممتلكات الشعب السوداني


#715130 [mohd]
5.00/5 (1 صوت)

07-06-2013 02:17 PM
قصدتم تدمير المشروع وبيع اصوله واختلاق المشاكل ونهبه

حتى تبيعوه للخليجيين والمصريين وغيرهم يا اعداء الانسانية واعداء المواطن يا مافيا الكيزان


ولكن هيهات يقعد مشروع الجزيرة اراضي بور حتى اقتلاعكم يا لصوص يا سدنة يا حقيرين يا عديمي الضمير

تف عليكم واحد واحد مشروع شغال من سنة 1925 ما في زول دمره الا انتوا دمر الله عظامكم


#715060 [زنقه زنقه]
0.00/5 (0 صوت)

07-06-2013 01:15 PM
والله نجنا بقت عندنا حساسيه شديده جداً من كلمة استثمار وخصخصة
لانكم دمرتوا بيها البلد
وما عدنا نصدقكم او نثق في نواياكم
ما عرفناه
وخبرناه
انها الكلمات التى تسبق البداية الحقيقية فى نهب وسرقة وتدمير اى جهة تنوون عليها
يا رب انتقم لنا منهم فى الدنيا قبل الاخرة


#715025 [اه لو اه تفيد مجروح]
5.00/5 (2 صوت)

07-06-2013 12:48 PM
والله العظيم يا المتعافن انت اخطر علي المزارع من البودة والعدار وكل الطفيليات الزراعية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة