الأخبار
أخبار إقليمية
شاب يقتل طليقته في الشارع العام بالخرطوم
شاب يقتل طليقته في الشارع العام بالخرطوم


07-07-2013 05:33 AM

الخرطوم: نبيل سليم
أقدم شاب في العقد الثالث من العمر على تسديد عدة طعنات لطليقته بمدية في صدرها مما أدى إلى وفاتها متأثرة بجراحها، ولاذ بعدها بالفرار إلى منزله، لكن ذويه أقنعوه بتسليم نفسه لقسم شرطة امتداد الدرجة الأولى.
وهبت الشرطة إلى مسرح الحادث شرق (أوزون) وباشرت الإجراءات اللازمة بمساعدة أفراد الأدلة الجنائية، ودونت بلاغاً تحت المادة (130) من القانون الجنائي.
وتعود تفاصيل الحادثة إلى وقوع الطلاق بين الزوج وزوجته أم (لبنت وولد) قبل عدة أشهر بسبب خلافات بينهما، وألح الزوج على إرجاعها لعش الزوجية لكنها تمسكت بالرفض.
وأبلغ شاهد عيان (السوداني) أن المجني عليها 30 سنة جاءت للعمل في محل مجوهرات ذائع الصيت (شرق أوزون) لأول مرة يوم أمس، وقال إنها تعمل في وردية المساء، وأوضح أن طليقها قدم إلى المحل بعد ساعة من قدومها في الساعة الرابعة مساء بحجة معرفة طبيعة عملها وقام بضربها، ومن ثم عادت المجني عليها إلى عملها عقب تقديم طليقها اعتذاراً لصاحب المحل والتعهد بعدم التعرض لها مرة أخرى، وأضاف (في المساء جاء الجاني إلى المحل مرة ثانية للحديث معها، وقام باستدراج طليقته إلى الخارج بعيداً عن الأنظار، وسدد لها عدة طعنات أردتها قتيلة في الحال ومن ثم لاذ بالفرار)، وأوضح أن المجني عليها تسكن بحي الديم.

السوداني


تعليقات 7 | إهداء 0 | زيارات 8014

التعليقات
#716279 [عصمتووف]
0.00/5 (0 صوت)

07-07-2013 10:36 PM
رجولة اخر زمن وكمان اب يعملها ويهرب الي احضان امة ماذا استفاد هذا الاخرق الارعن يا ربي من الجماعة السلفية الحربية والله السودان ده ما بقي حقنا نحن قاعدين مثل المؤجرين يا ربي نمشي وين الا الكواكب الفضائية لو الروس ولا اليانكي سمح لينا


#715975 [عامر احمد]
0.00/5 (0 صوت)

07-07-2013 02:14 PM
الاخ الكنزي ما هذا التعليق الذي في غير مكانه

اللهم ارحمها و اغفر لها و اسكنها فسيح

و القاتل ربنا ياخذ بيده و يهديه


#715776 [سيد اللبن]
4.50/5 (2 صوت)

07-07-2013 10:33 AM
شكله كان مكسر فيها شديد


#715702 [بريش منصور]
5.00/5 (7 صوت)

07-07-2013 09:37 AM
(فى داعى لى ده كله)...الآن بعد أن قتلتها هل ارتاحت نفسك؟؟ أم أنك ستواجه مصائب ومشاكل لا قبل لك بها!! لماذا التسرع ؟؟ لماذا لم تفكر فى إبنك وبنتك الصغار!! الآن أصبحوا أيتام بفقدانهم الأم الحنون والأب العطوف...لماذا يفكر البعض منا بطرق سلبية ثم ما يلبث أن يقول هذا من عمل الشيطان!! وأعوذ بالله من الشيطان الرجيم..والسعيد من شاف فى غيره، ويا كل من لديه مشاكل ومصائب مع زوجته أو طليقته، وما أكثر هؤلاء ..أقول إتعظوا بما أقدم عليه هذا الأحمق!!


#715672 [محمد]
5.00/5 (1 صوت)

07-07-2013 09:10 AM
الله يرحمه انا من سكان الديم وجارتنا المرحومه الله يرحمه وتم دفنها يوم اللجمعه


#715649 [كتاحة امريكا]
5.00/5 (2 صوت)

07-07-2013 08:45 AM
من الملاحظ ان العديد من الانات والمشاكل تدور رحاها حول الخلافات الزوجية ،
لنرجع الىاصل المشكلة البناء غير السوي ، قصص الحب الفاشلة ، الحياة غير مبنية على اسس قوية


النهاية ماسوية طلاق ومشاكل


ردود على كتاحة امريكا
United States [العوض] 07-07-2013 07:59 PM
هوي ياكتاحة سيب التنظير والله اغلب حالات الطلاق سببها عندنا القروش بت الكلب يعني ماعندكم هناك فى امريكا عدم توافق فى الاراء او النسيبه عندنا فى السودان قالت وامي قالت وامك واهلك واهلي وساكن مع نسابتوا وحق الايجار مازي القلت انت حب والبناء غير السوي اسس قوية دا كلام شنو ياكتاحة القروش التشدير الجرير الضحاكات الكضابات الهلل الدارهم الفلوس القرشينات الورق هي اساس المشاكل وام الحلول ..انتهي كلامي وليك حبي وكل احترامي ومن العوض ابدا ماتزعل

[احيييك على تعليقك يا كتاحة] 07-07-2013 05:11 PM
تعليق عاقل جدا،، واضيف لكلامك زواج صغار السن بدون تعوده على تحمل المسئولية الاسرية يعني اتكالي في المعيشة وداير يعيش على المدام.. بالله سمعتو في الجيل الزمان داك في واحد كان بيعرس ليهو مراة متزوجة.. الندالة ما شفناها إلا في الخليج عشان راتبها..

وأنا بأكد ليك انو خلافها معه بكون تلقاهو شايل ليهو جوال وهاك يا فيس بوك ودردشات ونضم بالليل ما حست بيه مسئول المرأة عندما تحس بعدم الامان في الرجل الامان الاسري والعاطفي تجاه الاطفال وبحب الراحة ويصحى الصباح يشرب الشاي وتاني يديها نومة أها دا ما زول عيشة ولا زول تربية ولا زول وليدات.. عينة هذا مفتكر أنو الزواج دا [ أمور غرف النوم) دا جيل متسرع وجيل متهور.

والغريب انو على حسب التقرير لاذ بالفرار.. دحين دا راجل.. الراجل يوم يسوي الشيء المفروض يثبت ويقيف ولا يمشي براها يبلغ.. ودا نتيجة لحركات الشفع الغير مسئولين وغير ناضجيين..

المراة قالت ما عايزك انت لو راجل صاح بتعرف ليه المراة رفضتك.. وبعدين ياها داير تشتغل بالحلال عشان تربي اللحم اللي سويته وتركته.. تربينهم بعيد عنك لانك غير مسئول وداير تنشئهم في جو غير جوك وطريقة غير طريقتك عشان يطلعوا رجال يفيدوا انفسهم ويفيدوا بلدهم..

حاجة واحدة الراجل لما يسوي الحاجة الحارة وباقتناع يقيف ويقول انا سويتها وأنا فعلت صدقني بتكبر في عيون الناس رغم كبر المصيبة والفقد بالنسبة للاطفال الذين تيتموا لا ام ولا اب.. نتيجة تهورك ونهايتك المساوية بتاع الافلام الهندية.. الله يرحمها ويغفر الله ويتولاها برحمته وغفرانه.


#715608 [الكنزي]
1.00/5 (2 صوت)

07-07-2013 08:06 AM
إن كيدكن عظيم


ردود على الكنزي
United States [عصمتووف] 07-07-2013 10:29 PM
وما ادراك انت اتقي حرمة الشهداء لا نعلم نحن بما حصل واسبابة فقط غير الرحمة لها ليس بايدينا شئ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة