الأخبار
أخبار إقليمية
والي الخرطوم: (80) ألف مجاهد بالولاية لردع أي عدوان
والي الخرطوم: (80) ألف مجاهد بالولاية لردع أي عدوان



07-09-2013 07:31 AM
أم درمان: أميمة:

قال مساعد رئيس الجمهورية العقيد عبد الرحمن الصادق المهدي إن البلاد تواجه تحديات عديدة، مشيراً للحركات المتمردة والمهددات والعدوان الخارجي.وأوضح خلال مخاطبته أمس تخريج (1500) مجاهد ومجاهدة من قوات الدفاع الشعبي بميدان الخليفة بأم درمان أن تخريج المجاهدين من المعسكرات المفتوحة رد بليغ للأعداء وسد للثغرات وسند لحماية المدنيين، مشيراً إلى أن الحكومة وجهت الدعوة لكافة القوى السياسية للحوار بغية التوافق على وضع دستور يحقق الوحدة الوطنية والاستقرار والنهضة. من جانبه أعلن والي الخرطوم الدكتور عبد الرحمن الخضر أن بتخريج هذا العدد بلغ عدد المجاهدين بالولاية (80) ألف مجاهد، معلناً جاهزيتهم لصد أي عدوان أو أي جهة تحاول النيل من هذا الوطن. وفي الوقت نفسه أعلنت منسقية الدفاع الشعبي أن المعسكرات المفتوحة بلغ عددها (23) معسكراً بمحليات الولاية السبع.

اخر لحظة


تعليقات 11 | إهداء 0 | زيارات 1971

التعليقات
#718148 [عصمتووف]
1.00/5 (1 صوت)

07-09-2013 10:19 PM
أعلن والي الخرطوم الدكتور عبد الرحمن الخضر أن بتخريج هذا العدد بلغ عدد المجاهدين بالولاية (80) ألف مجاهد،

يا والينا ما اسهل من طرح وضرب وقسمة الارقام لوكان صحيحا هما مغفلون ومغررون سوف يموتون فطائس كما قيل ما مصلحتهم في حماية الولاية هل تعود الروح هل يعود العضو المبتور وكم يبلغ ثمن الفطيس بعد اتفطس صفيحة زيت دسته دقيق ربع جوال سكر وغيره البيوت والحساب بالبنك اي مغفل يرضي بتمثيل هذا الدور البائخ يا ال80 الف فطيس ومعاق فكروا جيد لن تدخلو جنة ولن تتزوجوا الحور الدود بياكلكم ومنكر ونكير بيسالكم لماذا ازهقتم روح انسان مسلم هل تردون له دفاعا عن البشير ومشروعة الهلامي ام الدين مع العلم بان الدين يرفض القتل


#717915 [AburishA]
1.00/5 (1 صوت)

07-09-2013 02:48 PM
80 مجاهد!!! الناس ديل سودانيين ؟؟؟؟


#717859 [معاويـــــــــــــــــــــــــــــــة]
1.00/5 (1 صوت)

07-09-2013 01:27 PM
يعنى يا عبد الرحمن الخضر لو جا هجوم على الخرطوم والله اى ولايه حيردوا عليهو المجاهدين ديل
ويعنى الجيش السودانى عليهو السلام والله يا كيزان يا وسخ حتشوفوا شوف تمام وقريبا ان الله
فرتكتو الجيش والشرطه والان اعظم جيش فى افريقيا كان الجيش السودانى الان خليتوهو شلليات
ومليشيات لكن ان شاء الله الحصل على جاركم مرسى حيرسى عليكم فى القريب العاجل ومن هنا نناشد كل ذو ضمير حى فى القوات المسلحه السودانية المتبقيه ان يفهم جيدا انهم بقوا تمامة جرتق ليس الا


#717826 [Rebel]
1.00/5 (1 صوت)

07-09-2013 12:44 PM
* يعنى حوش الخليفه بقى مركز تخريج مليشيات المؤتمر الوطنى، و انت تتحدث عن إسقاط النظام يا الصادق الضليل؟
* هى مقصوده طبعا، و ناس المؤتمر الوطنى لا تنقصهم اماكن التخريج و الإحتفالات ايها الضليل، لكنك مهبول.
* مرحبا بالجبهه الثوريه فى العاصمه، و بها اكثر من 5 مليون مواطن سودانى لمؤآزرتهم و نصرتهم إنشاء الله. فسيبك من حكاية 80 الف مأجور و مغلوب على امره. هؤلاء لن يحموكم، صدقنى.


#717783 [أبو أحمد]
5.00/5 (2 صوت)

07-09-2013 12:01 PM
ياعبدالرحمن وقعتا مع ابوك لاسقاط النظام ولا أنت ولد عاق ؟؟؟ والله أنت وأبوك بتلعبوا بينا واحد يشوت ويدى للتانى واحد فى تخريج ( المجاهدين ) لحماية النظام والتانى يوقع لاسقاط النظام البتعملوا فيه أنت وأبوك أسموا ( سمك ، لبن ، تمر هندى ) كان الله فى عون الشعب السودانى الذى ابتلى بكم


#717760 [هيثم]
0.00/5 (0 صوت)

07-09-2013 11:44 AM
دوام الحال من المحال ( الباقي القرود وطير أبابيل )
الإسلام دين رحمة وعدل ومساواة


#717756 [أسامة الكردي]
0.00/5 (0 صوت)

07-09-2013 11:41 AM
أي عدوان يا ود الملازمين ، كمان عايز تبقى مجرم حرب ؟ سبحان الله


#717700 [Mohd]
0.00/5 (0 صوت)

07-09-2013 11:01 AM
والله انك كذاب ومنافق


هل هذا العدد كله اغبياء بعد ان علموا بسرقتكم وفسادكم وتعذيبكم وتضييع البلد

اليس لهم عقول يفكرون بها ؟

انتم تفكيركم كله دنيوي فقط ، اما هؤلاء هل جميعهم مجرمون ويريدون ان يشتروا الدنيا بالاخرة مثلكم ايها المنافق اللص الفاسد الكذاب لحماية عصابتكم الظالمة؟

هؤلاء لديهم الوقت لمحاسبة انفسهم عندما يأتون للنوم ولكن انتم تفكرون ماذا تسرقوا غدا وتخططون كيف تسرقوا وتنزعوا اراضي الناس مثل قرارك حق حدود امبدة
وانت عينك على الاراضي الشاغرة وبيعها ولا تفكر فيما فعلت في هذا اليوم وتحاسب نفسك

كل همك السرقة والفساد اما الاخرة فلا اعتقد انك انت ومن معك من عصابتك الحقيرة انكم مؤمنون بها وبعذاب القبر وعذابا لنار

جعلكم الله جميعها في قاع جهنم

وفضحكم في الدنيا قبل الاخرة


#717688 [murad]
0.00/5 (0 صوت)

07-09-2013 10:49 AM
والله ود المهدي دا حيرنا؟؟؟؟
يدعو للحوار و في نفس الوقت يعلن الحرب , تتحمل مسئولية دماء السودانيين التي اريقت هدرا و تتحمل مسئولية الاحتقان السياسي و دعمك للتمكين الذي اصبحت جزء منه منافحا عن سياساته و اجرامه بعد ان كنت نصيرا للمظلومين شركاؤك في الوطن , اصحاب الحق و الارض في كل مكان في السودان ؟؟؟
هل تعتقد انك و نظام الافك و الظلال مبعوثي العناية الالهية ام اصحاب حق ازلي لحكمنا رغم انفنا , لم نشهد لك و انت عقيد في الجيش المشاركة في اي قتال حتي عندما كنت في المعارضة و امرك اباك علي جيش الامة,كلما في الامر انكم تغررون بالشباب في معارك خاسرة و تختبئون انت ورئيسك و ازلام نظامك الفاسد خلف النساء و الاطفال, اعلم ان لا احد سوف يحارب معكم هذه حربكم انتم اصحاب التمكين , لن يموت هذا الشباب لتنعم انت و نظامك الفاسد و غدا سوف تدفعون الثمن غاليا.


#717503 [سايكو]
5.00/5 (3 صوت)

07-09-2013 08:59 AM
80 الف مرتزق و صائع ما بعملوا حاجه قدام ناس الجبهه الثوريه ، هم اصلا بجأهدوا دفاعا عن منو ؟؟؟
لو عن الدين فمافي كفار جأيين يهدوا الكعبه ، و لو عن الوطن فالوطن اتقسم و اتدمر و مافي ناس دمروا الوطن زيكم ، و لو علي المدنيين فما في نظأم قتل و اغتصب مدنيين زيكم وبالمجأهدين ديل زأتهم ، و لو دفاعا عن كراسيكم و ممتلكاتكم الجمعتوها من الحرام فدي ما عندنا بيها شغله ، و لو دخلوا اخوانا في الجبهه الثوريه احنا معاهم و بنرحب بيهم و هم اخواننا و ما عندنا معاهم مشكله و كلنا شفنا لما قوات العدل و المساواه دخلت الخرطوم ما اتعرضوا لاي مواطن و كانوا منضبطين جدا و بشهاده العالم كله ، فيا مرتزقه دي حربكم انتو و كل الشعب السوداني ضدكم و حتي ابناء الشمال و الوسط البتحاولوا تخوفوهم و توهموهم انه ناس الجبهه عايزين يقتلوكم و يغتصبوا نسائكم و غيرا من الاكاذيب ، مافي زول بصدقكم بعد دا و اهلا
باخواننا الثوار و خلي وداد بابكر و حماده نافع و ود الصادق الصعلوك و المتنفش التاني ود الميرغني يدافعوا عنكم يا تجأر الدين يا سفاكين الدماء .


#717419 [فاروق بشير]
0.00/5 (0 صوت)

07-09-2013 08:01 AM
هذا تاكيد لنهاية القوات المسلحة.
المفترض ان حميتها وواجبها هو ردع ونزع السلاح من المواطنين.
ماعقيدة المجندين؟
ان نافع والخضر هم ظل الله فى الارض.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة