الأخبار
أخبار إقليمية
قوش يجهش بالبكاء ويقول : أنا ممتن للبشير..!!
قوش يجهش بالبكاء ويقول : أنا ممتن للبشير..!!
قصر من قصور صلاح قوش


الإدعاء أسقط الاتهامات الموجهة لي لعدم كفاية الادلة
07-11-2013 05:36 AM
الخرطوم - اطلقت السلطات السودانية الاربعاء كل من مدير جهاز الامن والمخابرات السابق الفريق صلاح قوش واللواء صلاح احمد عبدالله المتهمين بالتخطيط لمحاولة انقلابية قالت الاجهزة الامنية انها احبطتها قبل نحو ثمانية اشهر.

واجهش قوش بالبكاء لحظة وصوله منزله والتقاءه اسرته التى بادلته الدموع وقال للصحفيين انه لازال (ابن الانقاذ منها وليها وفيها ولم تتغير مبادئه وانه لازال ابن الحركة الاسلامية والمؤتمر الوطني )معلنا نيته العودة للبرلمان ممثلا لدائرته مروى.

وقال قوش لرويترز أثناء حفل استقبال أقامه في منزله الفخم إن الإدعاء أسقط الاتهامات الموجهة له لنقص الأدلة وأضاف أن بعض الناس قاموا أيضا بوساطة لصالحه مضيفا أنه ممتن للبشير للإفراج عنه.

وقالت مصادر مطلعة ان الرئيس عمر البشير استجاب لوساطة قادتها عدة جهات فى الحزب الحاكم والحركة الاسلامية اضافة الى اسرة قوش وذويه بمنطقة مروى بشمال السودان .

وكان رئيس البرلمان احمد ابراهيم الطاهر ومجموعة من النافذين التقوا البشير ليل الثلاثاء ليلتمسوا منه العفو عن قوش واكدت المصادر ان الرئيس تجاوب مع النداءات وامر باخلاء سبيل قوش ومدير مكتبه اللواء امن صلاح احمد عبدالله .

واصدر وزير العدل قرارا بوقف الدعوة الجنائية رقم 1743 في مواجهة الرجلين ، وامر باطلاق سراحهما فورا وبرر الوزير قرار وقف الدعوى الجنائية ضد المتهمان انهما عملا ردها من الزمان في خدمة الوطن ولتحقيق المصلحة العليا للبلاد وفي اطار السعي لجمع الصف الوطني ولمواجهة التحديات التي تواجه البلاد وان القرار جاء بعد التشاور مع القيادة العليا للبلاد .

وقال قوش ان قرار وقف الدعوى ضده كان تطبيقا لنص المادة 58 من قانون الاجراءت الجنائية لعدم كفاية الادلة كما اشار الي القرار صادر من وزارة العدل ولفت الى انه كان علي علم بمحاولات الاهل مع الرئيس الجمهورية للعفو عنه .

وكان صلاج قوش ومجموعة المتهمين المدنين والعسكرين اوقفوا في فبراير الماضي بتهم تتعلق بالتخطيط لمحاولة انقلابية على نظام الحكم بالبلاد واطلق سراح العسكريين ومنتسبى جهاز الامن تباعا بعد عفو رئاسى .

وكونت وزارة العدل لجنة للتحقيق في المحاولة الانقلابية بقيادة المستشار العام كمال الدين صالح وابقت علي علي قوش واللواء صلاح احمد بعد ان وجهت لجنة التحري تهما لهما بتفويض النظام الدستوري والدعوة الي معارضة النظام بالقوة بالاضافة الي تهم تتعلق بالارهاب وهى تهم تصل عقوباته الي الاعدام .

و جددت محكمة الخرطوم وسط حبس قوش ومرافقه عدة مرات لاستكمال التحري .وبعد توجيه التهم من لجنة التحري تقدمت هيئة الدفاع عن المتهمين باستئناف ضد التهم الموجهة من لجنة التحري.


ويحكم البشير السودان منذ 24 عاما وصمد في وجه حركات تمرد وعقوبات أمريكية تجارية مفروضة منذ سنوات وأمر اعتقال أصدرته المحكمة الجنائية الدولية وفقدان معظم ثروة البلاد النفطية بانفصال جنوب السودان.

وأدى ارتفاع أسعار الغذاء الناجم عن فقدان النفط كمصدر للعملة الصعبة المستخدمة في استيراد الغذاء إلى عدد من الاحتجاجات ضد البشير منذ انفصال جنوب السودان في يوليو 2011 .

ويشكو بعض الإسلاميين داخل الجيش وفي حزب المؤتمر الوطني الحاكم من أن البشير وكبار القادة الآخرين تخلوا عن القيم الإسلامية لانقلاب 1989 ويشكون ايضا من تركيز اتخاذ القرارات في أيدي عدد قليل من الأشخاص ، لكن السودان لم يشهد الاضطرابات والاحتجاجات الحاشدة التي أطاحت بحكام في دول عربية مثل مصر وليبيا وتونس.

وقال شاهد إن صلاح قوش استقبل بحماسة لدى عودته إلى بيته حيث كان عدد كبير من أقاربه متجمعين، مشيرا إلى «تجمع عدد كبير من الناس يحتفلون. وذبحت عدداً من الخرفان إحتفالاً بالمناسبة» .

وارتدى قوش الجلباب الأبيض التقليدي والعمامة، وعانق مستقبليه بحرارة بالغة وهرع عدد كبير من رموز المجتمع السوداني لتهنئة الرجل .

وقال العميد محمد إبراهيم عبد الجليل «ود إبراهيم»، والذي أفرج عنه في وقت سابق بعد اتهامه بالتورط في قيادة ذات المحاولة الانقلابية بمنزل قوش، الذي جاءه مهنئا: «نحن نقود شأنا يختص بالإصلاح داخل المؤتمر الوطني، وليس هناك ما يمكن إخفاؤه، ولا يمكن إنكار قيادتنا لخط إصلاحي فيه».

ويحسب قوش من بين رجال حكم الإسلاميين الأقوياء، لكن هذا لم يشفع له في صراعات الطاقم الحاكم الطاحنة، وأقيل من منصبه في جهاز الأمن بطريقة «دراماتيكية»، ثم إطيح به لاحقا بذات الطريقة من مستشارية الأمن التابعة لرئاسة الجمهورية بسبب صراعات بينه وبين أطراف في الحكم، أشهرهم مساعد الرئيس د. نافع علي نافع.

وتقول تحليلات إن الرجل خرج من جهاز الأمن، لكنه يحتفظ بداخله بعلاقات وثيقة ومتشابكة و«مخيفة»، وتكمن خطورته من هذه العلاقات التي كونها في جهاز .

ويحتفظ الرجل أيضا، بعلاقات وثيقة مع دوائر وأجهزة استخبارات إقليمية ودولية ، وبعلاقة وثيقة مع الاستخبارات الغربية، ولا سيما جهاز المخابرات المركزية الأميركية (CIA)، التي تعاون معها جهاز الأمن السوداني في مجالات مكافحة الإرهاب إبان إدارته له.

وترأس قوش المخابرات السودانية لعقد حتى 2009 ثم عين مستشارا رئاسيا قبل إقالته من مهامه بداية 2011.

ووصفت صحيفة الشرق الاوسط اللندنية اعتقال مجموعة المحاولة التخريبية بانه أكبر تصدع في جسد الطاقم الحاكم في الخرطوم منذ إبعاد مجموعة د. حسن الترابي.
سودانتريبون


تعليقات 119 | إهداء 0 | زيارات 44074

صفحة 1 من 212>
التعليقات
#733087 [احمد]
3.00/5 (3 صوت)

07-30-2013 10:54 AM
والبيت الفي الصوره دي اوعي تقل لي ده بيت بس ما مقر الحزب والا سفاره ولا مستشفي امدرمان ولا محطه المواصلات الجديده علي العموم ده لو بيتك بقول ليك الزول الوطني ما بسرق وطنه والمؤمن ما بسرق المؤمنين لان انا فوضت امري لله فيك و عمر البشير العفا عنك لحد ما قعدت تبكي خلي يعفي عنك في الاخره الله اكبر عليكم ربنا يعذبكم دنيا واخره ويجعلكم عبره لمن يعتبر


#731146 [حيدر م]
4.13/5 (4 صوت)

07-27-2013 07:49 PM
*يا صلاح امشى واطلب السماح من نقد الله فهى لازال ميتا موتا سريريا منذ ان فعلت به الأمرين من التعذيب و التنكيل كما ان العديد من الشباب الذين عذبتهم و شردتهم هم الان خارج السودان لكن يمكنك طلب السماح منهم اذا هم وافقوا على ذلك. لكن عندى *ليك سؤال: كيف تطلب عفو من مات فى دارفور بتدبيرك *تحت قيادتك ومن قتل فى جنوب كردفان ايام توليك الامور ومن قتلوا غدرا وهم عزل بسد أمرى *بقواتك التى كانت ترتدى زى الشرطة وفى بورتسودان اثناء الاحداث المشهورة وفى تشاد عندما أشرفت على عمليتا غزو فاشلتين وفى الخرطوم حوادث مقتل الطلاب ثلاثة مرات فى جامعة الخرطوم ومرة بالنيلين وخلاف ذلك من المواطنين امثال على البشير **
استفتى ناسك وقومك امثال الساذج الكرسنى الذى يدعو للتمرد لمجرد اعتقالك هل العفو يوم القيامة وبعد ان يقوم الناس لرب العالمين جائز ؟ اسف ، اقصد هل هو ممكن!!!!*No it'


#731033 [umbadir]
3.50/5 (4 صوت)

07-27-2013 04:24 PM
اي زو ل يجهز لستة بالكيزان الفى محيطه : بيته-مدرسته-جامعته- مقر شغله
الحساب الف


#728771 [جوجو]
3.75/5 (3 صوت)

07-24-2013 10:54 AM
ياجماعة المسلمين الصائمين اتقوا الله فى انفسكم ولاتضيعوا صيامكم بالغيبه واثارة الفتن اللهم اغفر لجميع المعلقين وتقبل صيامهم واعفوا عنهم انك انت الغفور الرحيم اخيرا تذكروا شهر رمضان


#726188 [Aadam dredy]
2.38/5 (4 صوت)

07-21-2013 09:40 AM
يا رهيد هذه الفظه جلابه بغيضه وعفا عليها الزمن ولم تاتي اكلها لانها تدل على الغباء والجهل والحقد ، وكفايه لحدي كدي لانو اسيادكم اليهود زاتم قنعوا من خيرا فيها لتفريق البلد وانتم مثل الاضينات تتاببعون ببلاده كل من يقودكم للهلاك


#725220 [brair]
2.38/5 (4 صوت)

07-19-2013 07:04 PM
اما هلك الذين من قبلكم انهم كانوا اذا سرق فيهم الشريف تركوه واذا سرق الضعيف اقاموا عليه الحد مسائل واضحة وظهرك قوي ياود البلد


#724088 [مليون ميل ثورة]
1.88/5 (4 صوت)

07-18-2013 09:26 AM
هذا المدعو قوش قبح الله وجهه قتل كم واحد في سجون جهاز الامن .
عليك الله و بتبكي كمان ..البكا دا كان دايرنو لأهلك وقت يعدموك يا وسخ ..
.
.
.
.
.
الثورة خيار الشعب حرية-سلام-عدالة


#722754 [اوهاج ود كنتباى]
3.94/5 (7 صوت)

07-16-2013 12:19 PM
ياربى الدموع دى نزلت من ياتو عين؟
الحوصا ولا العوراء
دكتوك كابا ياصلاح بوش (مش قوش)


ردود على اوهاج ود كنتباى
United States [الامين عبدالرحيم] 07-18-2013 03:58 PM
عافاه الله وابتلاك

[husin] 07-17-2013 04:36 PM
رمضان كريم ولا يصح التهكم على شخص اصابه الله بعاهة ، عسى الله ان يعافيه ويبتليك..


#722423 [حران أحمد]
3.19/5 (6 صوت)

07-15-2013 11:40 PM
قعد يبكى بالله ؟؟ شوف رقة قلبه ...إن شاء ألله تكون ضقتا الرزالة بتاعة جماعتك مع المساجين السياسيين وتبقى ضد هذه الممارسات وإلا بكاك ما بفيدنا !!


#721562 [امجد النور]
4.41/5 (6 صوت)

07-14-2013 08:17 PM
من اين أتى صلاح قوش بكل هذه الأموال وكم تبلغ ثروته وماهى مصادرها


#721132 [حاتم]
3.25/5 (5 صوت)

07-14-2013 11:31 AM
والله ضحكنا حتى ضحك الضحك ذاااتو من ضحكنا
قال تم العفو عن قوش قال !!
ده شئ مضحك وتمثيليةكوميديه ساااخره
يعني التقول كانوا حاكموه او حيحاكموه في يوم من الايام
ياساده ياكرام قوش وكل ناس الانقلاب ما حيعملوا ليهم أي حاااجه
قلنا الكلام ده زمااان
دي ثمثيليه عبيطه لي شعب أعبط عشان صدقها ومرت عليهو
لا وشوف الكلام ده قوش حيتحكحك وحريجع لي قواعده تاااني
وحيشتغل في حكومة السجم دي زي الما حصل حاجه
المهم لابد من فك أسر اولاد الناس الماسكنهم في السجون وفي المعتقلات
بي تهم واهيه وكان حاتهم تهمش بوش أو قوش ده كااان زماان شنقوهم او ضربوهم رصاص
والزارعنا غير الله اليجي يقلعنا هيييع


#719758 [ابو جهينة]
4.07/5 (5 صوت)

07-12-2013 05:51 AM
@@@ يا صلاح انته عارف من ايام الجامعة والدراسة فى بادى الامر اُطلق عليك لقب ( صلاح بوش ) وسرعان ما تم تحريفه الى ( قوش ) والميكانيكية الاسطلاحية لوضع الالقاب حسب الافعال والتصرفات من بعض افراد المجتمع المحيطين بك حينها وحتى الان بل كل مجتمعنا الحاضر ليس لديه معنى لكلمة ( قوش ), اما لو سالت صغيرنا او قلت له تعال ل ( البوش حيفهما طايرة ولو كان يحبى ) . قبل ان اطيل وذى ما بنقول الحديث ذو شجون اتمنى ان يتفهمك اعضاء جلدتك ( ابناء مؤتمرك الوطنى ) دون تعديل الحرف الاول الى... ( ك ) .


#719755 [ابو جهينة]
4.00/5 (4 صوت)

07-12-2013 05:26 AM
@@@ عزيزى السودانى هل تعلم الفرق بين ( مهيرة بت عبود ) و ( وصلاح قوش ) ؟؟

@@@ اذا لم تجد الاجابة هنا , اقلب الصفحة ستجدها ( فى الاسفل )تحت عامود الدموع .


#719736 [ابن البادية]
4.13/5 (4 صوت)

07-12-2013 03:44 AM
ضكحنى كلام ود دارفور ..لماذا البكاء ؟ يا قوش هل عرفت قيمة الانسان وحريته في الحياة
وزي ما يقول اهلنا الدنيا دوارة ولا يظن الاخرين امثال نافع انه في بر الامان والخير
هذه عبرة ودرس لكل مجرم قتل الناس بالخرطوم او دارفور اوجبال النوبة وغيرها
والبادئ أظلم وهلاك الدنيا ليس ببعيد لكل انسان ظالم وجاقد يمارس البطش والعذاب في حق الاخرين
وامل ان تكون العصرة من بنى جلده درس وتوبة ولا تنفعك ابن الحركة الاسلامية واي اسلام تتحدثون وانتم في وادي والاسلام التسامح والهداية في وادي أخر واسال الله المولى القدير في رمضان ان يزيل كل ما يسمى بالاخوان الذين دمروا البلدان وحولوا احوال الناس الفقراء والمساكين الى بؤس وويل وعذاب في الحياة


#719735 [لقد كان لكم في رسول الله أسوة حسنة]
2.88/5 (6 صوت)

07-12-2013 03:44 AM
قال رسول الله صلى الله عليه وسلم

"ليس على المنتهب قطع ؛ ومن انتهب نهبة مشهورة فليس منا ".

صحيح أبي داود (4391 ) .
_________________________________

قال رسول الله صلى الله عليه وسلم

"إنها ستكون أمراء يكذبون ويظلمون فمن صدقهم بكذبهم وأعانهم على ظلمهم فليس منا ولست منهم ولا يرد على الحوض , ومن لم يصدقهم بكذبهم ولم يعنهم على ظلمهم فهو مني وأنا منه , وسيرد علي الحوض " .

صحيح أحمد (5|384) بإسناد صحيح
___________________________________

قال رسول الله صلى الله عليه وسلم

"من خرج من الطاعة ، وفارق الجماعة ، ثم مات ، مات ميتة جاهلية . ومن قتل تحت راية عمية ، يغضب للعصبة ، ويقاتل للعصبة ، فليس من أمتي . ومن خرج من أمتي على أمتي ، يضرب برها وفاجرها ، لا يتحاش من مؤمنها ، ولا يفي بذي عهدها ، فليس مني"


#719733 [بومدين]
4.50/5 (3 صوت)

07-12-2013 03:36 AM
الإختشـــو مـاتـو ..
مـن أين لـصــلاح ( قــوش ) هـذا الـقصــر الـمنيـف ؟؟؟.
قشــابي .. هـي قـرية غــبراء ، بائســـه ، تشــبه قـرانا الـتـعـيســه ، عـلي إمـتداد مـا كـان إســمـه الـسـودان ..
صـلاح ( قـوش ) .. مـثلـنا ولــد ، ونشــأ ، وترعـرع فـي الـكـراكـير ، والـجـخـانين ، والأزقـــه الـبائســــه .. مــتي نـزلــت عــلـيه لـيلـة الـقــدر .. وأصــبـح مـلـيونيرا .. مـا بين غـمـضـة عــين وإنتباهـتهـا ؟؟؟
هــل يســتطـيـع أي ( مـهـندس ) مـن أبناء دفـعـته ، ومـن هــم أفـضـل مـنه ، وأشــرف مــنه الـحـصــول عـلـي مـثل هــذا الـقـصــر ؟؟؟؟.
وإســتطـرادا !!!!!.
مــن أين لـحمــاده بت ( الـعـجـل الـمدوعـل ) نجــل أمير الـمؤمـنين ( قـدس ســره ) نافـع مـفـراكـه ، إبن قــرية ( اُم ظـق ) ؟؟؟؟.
مــن أين لــــه هــذه الـمـلـيارات ؟؟ والـشـركـات ؟؟ والـقصــور ؟؟؟ والـفـارهــات ؟؟؟ والإســتجمام ( وشـلـته ) فـي مصـايف أوربا ؟؟؟؟.
هــل تذكــرون مـاقـالـه عــنه زمــيلـه ، المهندس / محمد حســن الـبوشـي ؟؟؟.
قـال المهندس البوشي ( لا فض فــوه ) أبناءك ( سـاقطون ) ودخـلـوا الـجـامـعـات بقــبول خـاص .. عـلـي حساب زملائهـم ، مـن هــم أجــدر ، وأكـفـاء ، وأشــطــر منهـم ؟؟؟..
مـن أين لأبنائك السـيارات الـفـارهــه ، والشــركـات ، وأنا خـريـج مهندس بجـــداره .. وعــاطـــل !!! ..
قـالـهـا لــه فــي ( صـمـة ) وجـهـه الـصــفيق ، المشـخبط ، مـفـراكـه ، ودرب طـير ، وجــدري ؟؟؟.
أمـلـس الـكـلـب !!!!
مــن أين لـهـيثم بكـــري حســـن صــالـح .. بكـري حســن صــالـح ، الـبـعـامـه ، مـاغــيره ؟؟؟؟؟.
إبن قـرية ناوا .. الـذين أكــل ( الـنمتي ) نصــــف وجــوهـهـم ؟؟ ..
هـل كــان جـــد هـيثم .. الـنفــيدي ؟؟؟ أبراهيم طـلـب ؟؟؟ ..
هـيثم إبن بكــري حســن صــالـح .. مـاغــيروا .. مــن كــان أصـحـاب محــلات ( الـعـمـاري ) باعـــة الـصــعـوط ، فـي الســوق الـعـربي .. يتهــربون مـن الـتـعـامــل مـعـه .. لأنه لا يســدد دينه مـن التمباك الـذي يأكـلـه أكــل .. ويـدعـي كــذبا .. إنه ( لأمـــــه ) ؟؟؟؟.
مــن أين لـمـصـعـب الـزبير محمد صــالـح .. إبن الـزبير محمد صــالــح .. مـاغــيروا .. الـمـليارات .. والـقصــور ، والـشــركـات ، والـفـارهــات ؟؟؟؟؟.
مــن أين لأبناء حســن أحمــد الـبشـــير .. الـحــلاب بألـبان كــافــوري !؟؟؟؟؟.
مــت أين لـهــم هـــذه الـقـصــور .. وهــؤلاء الخــــدم .. والـحشــــــم ؟؟؟ والـشـركـات ، والـدولارات ، واليورهــات ؟؟؟.
إذا عــرفنا .. أن عبدالله الـبشـــير .. يعمــل قـــواد .. ويتجــول بإمــراته ( اللواء ) عـلـي الشـركات الـعـربيه ،( والـشــرفانين ) لــزوم الـكمشــنات ، والتنقيط ؟؟؟؟؟.
مـاذا يـعـمــل الباقـــون ؟؟؟؟؟.
مــن أين لـعـصــام الـترابي .. الـمـليارات .. والـشــركـات ، وخــيول الـســباق ، وكــلاب الـصــيد ؟؟؟
ولــؤي .. وزرياب .. وســوسو .. وفــوفـو .. الــــخ .. الـــخ .. الـــخ ؟؟؟.
لـمــاذا لــم يســتشـهـد هــؤلاء الـمـخـنثين ؟؟؟؟؟.
لـمـاذا لـم يتزوجـوا بنات الـحــور .. ويقام لـهـم عــراس الـشـهــيد ؟؟؟.
لـمـاذا .. يتزاوجـــون مـن بـعـض .. مثل عـصـابات الـمـافيا الـصـقلـيه ؟؟؟؟؟.
.. مــتي نـزلــت عــلـيهم لـيلـة الـقــدر .. وأصــبـحوا مـلـيونيرات .. مـا بين غـمـضـة عــين وإنتباهـتهـا ؟؟؟
حـقـيـقــة .. الإخـتشــو مــاتو !!!؟؟؟؟.


#719732 [zangazanga]
4.50/5 (3 صوت)

07-12-2013 03:36 AM
ياريد يتعظ قوش بالسجن الانفرادى التعود على خصومة وقتلهم ويتذكر هو لم يقتل خرج سالم من تلك السجن لو السجان كان هو لراح فيه أعوذ بالله وخروج قوش لمسرح السياسة مرة أخرى لحكمة يعلمو الله ننتظر ونشوف أفعال الرجل ماذا يفعل بنا لأن قوش ملك موت البشير فى قبض أرواح المواطنين نعوذ بالله من الشيطان الرجيم اللهم حوالينا ولا علينا وأرحمنا برحمتك يارب وجنبنا الاشرار من خلقك..


#719723 [الرهيد]
3.07/5 (6 صوت)

07-12-2013 02:24 AM
عملتوها واضحه ياجلابه........بجي يومكم


#719719 [الرهيد]
4.38/5 (5 صوت)

07-12-2013 02:10 AM
عملتوها واضحه يا جلابه عمومآ ضيعتو السودان


#719717 [psycho!!1]
3.13/5 (6 صوت)

07-12-2013 02:08 AM
It is some compensation for great evils that they enforce great lessons


#719706 [هوشي منه]
2.25/5 (4 صوت)

07-12-2013 01:42 AM
تمثيلية رخيصة ..


#719687 [AburishA]
2.75/5 (4 صوت)

07-12-2013 12:45 AM
مبروكل صك الغفران الرئاسي الذي الذي طهرك مما اقترفت يداك ورجعت لاهلك كيوم ولدتك أمكّ !!!
وما دام فيها دموع بالطبع بكرة سيمنوحك وسام النيلين من الطبقة الاولي الذي سيدخلك الفردوس الاعلى !!!!


#719673 [بت ملوك النيل]
3.32/5 (8 صوت)

07-12-2013 12:19 AM
انا ماعارف بس سميه هندوسه ارجل منو

و انا ارجل منو لانى لا أزرف دمعه على الانقاذ

وكل الحرائر الآئى فى السجون ارجل منو

واشك فى أنه سليل مهيره


#719641 [جهزو العود لربيع الواطي]
2.32/5 (7 صوت)

07-11-2013 11:04 PM
صدقت يا قوش يا حرامي
فعلا انت ممتن لاب جاعورة العوير لانو في عهد الفاسد المجرم المطلوب من الدالة الدولية قدرت تبني قصر اجمل من القصر الجمهوري على حساب الشعب السوداني يا لص


#719622 [abusafarouq]
4.00/5 (4 صوت)

07-11-2013 10:24 PM
البشير كذاب ما أطلق صلاح قوش بل الامريكان هم الذين أطلقو صلاح قوش قرار البشير تحصيل حاصل دغمسة ليس إلا وجدو نفسهم صلاح قوش صعب بلعو بسهولة لأنو صلاح قوش الرجل الاول للمخابرات الامريكية فى أفريقيا لا السودان فقط كان يتتبع الجماعات الاسلامية فى السودان وأفريقيا الان بعد حجب نشاط الاخوان فى مصر يأتى دور السودان عدم إيواء الاسلامين فى السودان أو تسليمهم أمريكا حين دخولهم السودان عن طريق مصر والرجل أطلق سراهه لمرحلة يتطلب إطلاقو ليقوم بالمهمة ترون فى الايام القادمة دور قوش يعمل ضد الاخوان المصرين من الفرار الجماعى للأسلامين الترنزيت عن طريق السودان الى ليبيا أو تونس الملجىء الوحيد للأسلامين بعد مصر ..


ردود على abusafarouq
United States [apumustafa] 07-12-2013 03:34 AM
ديل ناس انقلاب و28 الانعدموا في رمضان كان بيعدموا السودان هكذا الاسلام عندهم عفوا اية لايقدر يمس شعرة من هذا النوع من البشر اذا كان من اهل دارفور اوجنوب كردفان او النيل الازرق او الشرق او الشمال البعيد البيرطنوا كان اعدموهم زمان ولاكان سالوا احد لكن ربنا يزيدكم في سئاتكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#719616 [لا شماته]
3.80/5 (9 صوت)

07-11-2013 10:09 PM
رسالة مريم محجوب شريف إلى صلاح قوش من صفحتها في الفيسبوك:-
_________________________________

"واجهش قوش بالبكاء لحظة وصوله منزله والتقاءه اسرته التى بادلته الدموع" (منقول).
هل تجربة اعتقالك تكفي لأن تكون ضد الاعتقال السياسي ؟ بكائك لا يعنينا يا قوش بل تعنينا ماذا استفدت من درس، عندما أُعتقل والدنا عدة مرات ولسنوات طويلة مثله مثل كثر في بيوت الاشباح، لم يكن السبب ترتيبه الي انقلاب عسكري، فهو ضد الانقلابات العسكرية, بل اعتقل وعذب مثل كثير من المعتقلين والمعتقلات الشرفاء لصدق كلمتهم وانتمائاتهم السياسية . وعندما أُفرج عنه مرات ومرات لم يكن بالترجي ولسنا ممتنين للبشير بل بالضغط السياسي وشرف الكلمة التي يكتبها. وعندما أُعتقلنا ونحن طفلات مع والدتنا، عرفت عيوننا الصغيرة زنازينكم المظلمة وتفتح وعينا وخبراتنا الانسانية لأن نحدد موقفنا السياسي رغم رفض والدانا لتسيس الاطفال.


#719613 [حسن نصر الله]
2.63/5 (5 صوت)

07-11-2013 10:00 PM
أنه ممتن للبشير للإفراج عنه.
بلد ما عندها سيد ...............................................
بلد ما عندها سيد ...............................................
بلد ما عندها سيد ...............................................


#719594 [Rio]
2.38/5 (4 صوت)

07-11-2013 09:06 PM
لاتعليق ..


#719592 [الفنجري]
2.13/5 (5 صوت)

07-11-2013 09:04 PM
وقالت مصادر مطلعة ان الرئيس عمر البشير استجاب لوساطة قادتها عدة جهات فى الحزب الحاكم والحركة الاسلامية اضافة الى اسرة قوش وذويه بمنطقة مروى بشمال السودان .....
هييييييييييييي (الما عندو ضهر بتدق علي بطنو ...) والله لو كان من دار فور كان وكت دا ريحتو طير طير ... عجبي !!!!!!!!!!!!!!!!!!!!!!!!!!!


#719589 [ود الشمال]
4.00/5 (4 صوت)

07-11-2013 09:02 PM
كان متوقع إطلاق صراح هذا المجرم ، لأنة كما قال ابن الإنقاذ منها وليها وفيها وابن الحركة الإسلامية والمؤتمر الوطني ، ولم يكن موجود أي قضية إنما تصفية بين كوادر الحزب الحاكم وإعادة ترتيب بيت الحزب الحاكم القضية لا يخص الشعب السوداني ولا الدولة السودانية ولا القضاء السوداني ، وهذا دليل علي ان حكومة البشير يدين من يشاء ويعفوا ممن يشاء من الشعب السوداني ، والقضاء السوداني ليس له يد في أي قضية يخص الدولة .


#719567 [DR SAMI ALI]
4.54/5 (6 صوت)

07-11-2013 08:10 PM
هاااااااااااااااام

بصراحة يستاهل قوش كلو خير لان الشعب السوداني دائر كدة ومزيد من النهب لرجال الامن والضباط وكل منسوبي البشير ونافع الرجيم والموتمر الشيطاني ونتمني ان تعيشوا في رقاب الشعب للابد لانو الشعب داير كدة والمعارضة تعمل كلها لصالحها فقط...يااخي انا في السويد 10 سنوات وتجولت في النرويج وبعض الدول حتي الانسان السوداني اتغير اصبح حاقد واجوف واذا اردت ان تعيش بسلام ابتعد عن الانسان السوداني.


#719559 [الانقاذ قد دنا عذابها]
2.57/5 (6 صوت)

07-11-2013 07:22 PM
وتقول تحليلات إن الرجل خرج من جهاز الأمن، لكنه يحتفظ بداخله بعلاقات وثيقة ومتشابكة و«مخيفة»، وتكمن خطورته من هذه العلاقات التي كونها في جهاز .

ويحتفظ الرجل أيضا، بعلاقات وثيقة مع دوائر وأجهزة استخبارات إقليمية ودولية ، وبعلاقة وثيقة مع الاستخبارات الغربية، ولا سيما جهاز المخابرات المركزية الأميركية (CIA)، التي تعاون معها جهاز الأمن السوداني في مجالات مكافحة الإرهاب إبان إدارته له.
اسالني انا ياشيخنامهما كنت قوي ومهما كان لك من علاقات امنيه داخل وخارج السودان بمجرد ان تقلع الكاكي وتغادر مكتبك كل الناس بتنساك لانك كنت جوه شئ وبره شئ اخر الهيبه والنفوذ تنتهي مع خروجك من المكتب وكل الحولك يتنكروا لك ولامن يقابلوك تقول ديل ذي ولاءهم مافي اول ما تديهم ظهرك يدوك بعبوص.ارجع الف سنه لوراء مين خرج من المكتب مهما كان قوي النفوذ والعلاقات الامريكان تاني جابوا خبره.الامريكان بتهمهم مصاحهم فقط وليس الاشخاص.ارجع بالذاكره شوف واحد كان مصيره غير الاهمال من مرؤوسيه وحلفاؤه كان امريكان او غيرهم بعد ان فقد منصبه وقالوا اسال جرب ماتسال خبير


#719554 [ابوجلاجل]
2.44/5 (6 صوت)

07-11-2013 07:00 PM
ايها المعلقون الشرفاء لم تفهموني جيدا لم أقصد الاساءة لقبيله معينه وإن قبيلة الشايقيه تجد مني كل الاحترام والتقدير فهم أهل مروءة وكرم وتربطني بهم علاقة رحم ونسب ولكن ماقصدته أن بعد كل هذه البهدله ياتي ويقول سوف اعمل من داخل حزبي .اين عزة النفس وأستغفر الله العظيم اللهم إني صائم فلتعلمو جميعا ان جدتي من والدي كانت جدتها شايقيه .والسلام


#719553 [كسار الثلج]
2.29/5 (8 صوت)

07-11-2013 06:56 PM
بلد فوضى وشعب غشيم و سرحتو فيها يمين وشمال يا لصوص يا عديمي الذمم.


#719552 [نوارة]
3.25/5 (6 صوت)

07-11-2013 06:54 PM
ماشاءالله ده قصر قوش الساكن فيه جميل واسع ولاقصور ال ثاني بس خلي يتذكر الموت والقبر وضيق ود الاحد ويوم يسال من اين لك هذا المال


#719549 [سحار و عينو حارة]
2.63/5 (5 صوت)

07-11-2013 06:45 PM
أوووووك دا قصر بيت أو قصر جمهورى الخرابل شوفو عمة قوش كبيرة كحيفن عت تقول جبل . خلاص زولكم أستوى إنتظرو خبرو .وكمان عندى سؤال للبشير أبو جاعورة جماعة المحاولة الانقلابية بتاعين العدل والمساواة وين هم الان أم لحقو أمات طه ولا محاولة لى محاولة يختلف يعنى الانقلابات كمان فيه خيار وفقوس عنصرية ناس تعدم وناس تطلق سراحو والله ظلمكم بقى يمشى بكرعينو
حكاية الجنوبية راجلها مات فى الحرب يعنى مع الشهداء كلهم تزوجو نسوانهم الا الجنوبية أدوها كشك تعيش عيالة وزعلانة قالت ده ما ظلم هسى دى تزوجو نسوان وتدونى كشك .. سحار وعينو حارة بس ديل النار ما تسوى ليهم شيىء.


#719543 [مظاليم الصالح العام]
3.32/5 (11 صوت)

07-11-2013 06:13 PM
يا قوش في ذمتك ده قصر زول كان أهله يتاجرون في مواد التشاشة؟؟
هل تذكر الكوخ الخشبي الذي كنت تسكنه في سلبونا ببورتسودان؟؟


#719537 [المهاجر]
3.32/5 (6 صوت)

07-11-2013 06:00 PM
بالله عليكم هذا القصر أجمل من مطار الخرطوم
من قوت الشعب (كم كلف تشيده)

نرفع الاكف لرب العالمين ببركة هذا الشهر المبارك
أن تخسف بهم جميعا الارض وأهلهم وأبنائهم وكل الظالمين

يا رب أنك سميع عليم تجيب دعوة المظلومين آآآآممممميييييننننن


تموت الاسد فى الغابات جوعا ولحم الضأن تأكله الكلاب


#719534 [مظلوم شديد]
2.82/5 (8 صوت)

07-11-2013 05:58 PM
"معلنا نيته العودة للبرلمان ممثلا لدائرته مروى."
الجبن والخوَّر والبكاء عرفناه.
كمان جابت ليها غباء؟؟؟
أنت زول أسقطت عنك الحصانة لأنك كنت رهن محاكمة بجريمة الخيانة العظمى كيف تعود للبرلمان بدون إجراءات قانونية تبطل اسقاط الحصانة أم إعادتها كانت تبع حزمة الأجاويد؟؟


#719511 [صديق ضرار]
4.50/5 (10 صوت)

07-11-2013 05:13 PM
1 - وقال قوش لرويترز أثناء حفل استقبال أقامه في منزله الفخم إن الإدعاء أسقط الاتهامات الموجهة له لنقص الأدلة وأضاف أن بعض الناس قاموا أيضا بوساطة لصالحه مضيفا أنه ممتن للبشير للإفراج عنه.
2 - وقالت مصادر مطلعة ان الرئيس عمر البشير استجاب لوساطة قادتها عدة جهات فى الحزب الحاكم والحركة الاسلامية اضافة الى اسرة قوش وذويه بمنطقة مروى بشمال السودان .
3 - واكدت المصادر ان الرئيس تجاوب مع النداءات وامر باخلاء سبيل قوش ومدير مكتبه اللواء امن صلاح احمد عبدالله .

4 - واصدر وزير العدل قرارا بوقف الدعوة الجنائية رقم 1743 في مواجهة الرجلين ، وامر باطلاق سراحهما فورا وبرر الوزير قرار وقف الدعوى الجنائية ضد المتهمان انهما عملا ردها من الزمان في خدمة الوطن ولتحقيق المصلحة العليا للبلاد وفي اطار السعي لجمع الصف الوطني ولمواجهة التحديات التي تواجه البلاد وان القرار جاء بعد التشاور مع القيادة العليا للبلاد .
وقال قوش ان قرار وقف الدعوى ضده كان تطبيقا لنص المادة 58 من قانون الاجراءت الجنائية لعدم كفاية الادلة كما اشار الي القرار صادر من وزارة العدل ولفت الى انه كان علي علم بمحاولات الاهل مع الرئيس الجمهورية للعفو عنه .

كلام غريب : فهل فعلا أطلق سراح وشطبت القضية لعدم توافر الأدلة لإدانته ؟ أم هل هو عفو خاص من البشير – والمفهوم قانونا أن العفو الرئاسى لا يكون إلا بعد إدانة الشخص والحكم بالعقوبة عليه – فالعفو لا يسقط الإدانة بل يسقط العقوبة – راجعوا المتناقضات الإسلامية دى يا بتاعون المشروع الحضارى – والله بتلعبوا بالشعب لعب – لمن خليتونا فعلا عندنا قنابير – بالله العالم الخارجى يقول إيه علينا كشعب يمرر عليه الحاكمون تبريرات سخيفة وخاطئة – بئس الكيزان وليس بعدهم من ذنب
صديق ضرار


#719505 [وليد ذو الفقار]
3.13/5 (6 صوت)

07-11-2013 04:53 PM
تما يا قوش حليك كده انك ابن الانقاذ لان الانقاذ عمرها خلاص انتهي ناس يعدموهم في رمضان وناس يقتلوهم في رمضان بس قربت


#719503 [كربكان]
3.32/5 (6 صوت)

07-11-2013 04:51 PM
بعد التمكين تفقد الأشياء منطقها فى السودان...
يحدث هذا فقط فى السودان، فقط فى عهد الإنقاذ، وفقط عند تمكنهم من البلاد لمدة ربع قرن من الزمان. ماذا كنا نتوقع من الحكومة حول هذا الموضوع؟ لاشىء سوى العفو، فالمتورطين فى عملية الإنقلاب سوى كانت حقيقية أرادوا بها تغيير جلد الثعبان أو مفبركة لابعادهم خوفا من طموحاتهم فى الحكم، فهم كما قال قوش أبناء الإنقاذ ويخلصون لها ويحمونها خاصة ان كانت لديهم الكثير من الأسرار كما لدى قوش.
الأمر برمته عادى بمنطق الإنقاذ، (زيتهم فى بيتهم) ولا يهمهم فى الأمر شىء لانهم يدركون جيداً ان زوالهم يعنى فناؤهم من خارطة السياسة السودانية ولذا اجدى لهم أن يلموا صفوفهم بدلاً عن التشرزم.
نحن من أتاح الفرصة لهم بالتمكن من أمر البلاد، لا يجب علينا أن نلوم احداً وأكرر مرة أخرى ان هروبنا من السودان أضاع فرصة تأريخية لمصارعة هذا النظام فى بداياته قبل أن يتمكن ويحول ثروات البلاد والعباد الى خدمة مشاريعه وخاصة الأمنية منها. لقد هربنا لمجرد إعدام ضباط محاولة رمضان بينما كانت تلك هى الفرصة التأريخية لابعادهم بثورة شعبية.
للذين سيعلقون على أننى هارب أيضاً، أقول لهم نعم وأعترف بأننى ساهمت فى تمكين هذا النظام اللعين وجاهز للمساهمة فى العمل مع أى مجموعة جادة لمواصلة النضال من أجل زواله.


#719499 [حامدين]
4.75/5 (4 صوت)

07-11-2013 04:43 PM
ما كان لك ان تعمم و تتكلم عن قبيلة كاملة يا ابو جلاجل الفرد لايمثل العائلة فى مثل هذا خليك من قبيلة لكن الحقد والجهل والدونية وعدم الروجولة والله من كلامك برزت كل هذه المعانى احححح يارمضان ما عايز اجرح الصيام بس اقول المابتلحوا جدعوا ودائما القمة مستهدفة


#719497 [bat]
2.44/5 (10 صوت)

07-11-2013 04:42 PM
وفي الآخر تغشونا


#719482 [حامدين]
3.63/5 (6 صوت)

07-11-2013 04:16 PM
ياسلاااااام ملاحظة قوية يا مهوية ما قالوا ديل اولادم والشغلانة من اساسا مسرحية وتمثيل دلايل كبيرة واضحة من الايام الاولى للاعتقال صقيرونة ولذيذة بعد اطلاق سراحو


#719476 [صاروخ]
2.25/5 (8 صوت)

07-11-2013 04:05 PM
من أين لك هذا؟


#719465 [تينا]
3.10/5 (7 صوت)

07-11-2013 03:39 PM
اول افتكرت الفى الصوره مبنى سفاره اجنبيه . لا نقول الا حسبنا الله ونعم الوكيل . بس عاوزه اقول لبعض العنصروا الموضوع مافى داعى الحكايه ما حكاية عشان شمالى ولا غيرو الحكايه حكاية ولاء شديد ليهم بدليل الضباط الثمانيه وعشرين هل كانوا من الغرب كما تقولون وبرضو اعدموهم .انا بس بستغرب للبعض دائما يعنصروا ايى موضوع عشان بسببو يكيلوا لاهل الشمال والوسط وهل ناسين انو الحكومه دى لامه كثير من الغرب والشرق ومن كل اتجاه افظع الناس ؟ ونسيتو المناصير ونسيتو الان الرباطاب كلهم عايزين اشردوهم عشان انفزو سدودهم الزى وشهم دى ديل كانو من الغرب ولا ولا ما من الوسط المفتكرين اهلوا هم الحاكمين السودان مع انو فئه منو اما الباقى كلو مقهور زيكم . والغريبه المن الغرب والشرق وبقية الاتجاهات غير الشمال والوسط بجدو ليهم العذر ويقولوا ليك ديل خامنهم وديل مساعدين حله وايه وايه . مافى كلام زى دا ايى زول شارك فى الحكومه دى عندنا واحد واتمرغ فى نعيمها وحتى الكانو فيها وطلعوا منها وبدوا يعارضوها برضو اتمرغو فى نعيمها وبعد ما شبعو طلعوا واصبحتو تمجدوا فيهم . ليه ما برضوا سفوا حق السودان فتره ومشو .انظروا للامور بيتجرد وبدون غباين لمناطق محدده . بالله عليكم سيبكم من العنصريه وخلونا من دا شمالى ودا غرابى انظروا للموضوع من حيث هو سودانى وكفى . والله بقول الكلام دا وانا ما شايقيه بس بقول الحق و بكره العنصريه دى


ردود على تينا
United States [ود السليك] 07-29-2013 01:07 PM
اللهم بلغنا مقصدنا واعفي عننا واغفر لاخواننا اللذين سبقونا بالايمان وطهر بلادنا من الفاسدين والمفسدين وولي امورنا خيارنا امييييييييييييييييييييييييييييييييين

United States [الصوت] 07-20-2013 09:21 AM
يا بت الحلال لا يمكن ان ندس رؤوسنا في الرمال بهذه الطريقة انا والله كنت عاوز ولو مرة واحدة تكوني موضوعية وتعتذري للمهمشين المسحوقين ديل ... يا اختي انظري حولك الى : ارقى الاحياء من يقطنها ؟؟ ، ارقى الوظائف من يشغلها ؟؟ اكبر التجار من هم ؟؟؟ ليس على مستوى الخرطوم فحسب بل كل السودان شماله وغربه ووسطه وجنوبه وشرقه ؟؟؟؟ ثم اسألي نفسك كم هي نسبة هؤلاء من الكل ؟؟ بل ما هي نسبة المتعلمين فيهم الآن من الكل وما نصيب مناطقهم من التنمية مقارنة بالكل .... و المناصير البتتكلمي عنهم ديل هل التعويض الذي اخذوه اخذته اي فئة من المتضررين في السودان ؟؟؟ اسالي الذين دمر انبوب البترول حقولهم في الغرب والذين استولى المصفى في الابيض على اراضيهم ؟؟؟وبمناسبة المصفى ..ما الذي يجعل كل القائمين عليه شماليين حتى الخفير أُعْلِنت وظيفته في الدامر وجُلِب من هناك ؟؟؟ ثم من قال لك ان السدود التي تنشأ الآن مُضِرّة -هذا قول فيه شيئ من السطحية - ان هذه السدود لها مغزى بعيد جداً تدبري جيداً ستصلي اليه ؟؟؟
اما موضوع التنمية هذا فشيئ آخر وأنا فقط اسأل : منطقة تمثل ثلثي السودان الفضل مساحةً و ثمانين في المائة من الدخل القومي - قبل اكتشاف البترول الذي يستخرج بالكامل تقريباً الآن منها - وتقريباً خمسي سكان السودان و تسعة اعشار وقود الحرب في حروب السودان منذ الاستقلال علماً بأن العُشر الباقي هم القادة المنحدرين من الشمالية تحديداً .....منطقة مثل هذه تستخسر فيها حكومات الشماليين مجرد انبوب طوله لا يتجاوز الاربعمائة كيلو متر لتسقي انسانها وحيوانها الذي يمثل اكثر من ثلاثة ارباع ثروة السودان الحيوانية ومع ذلك تُنصّب السدود في الشمالية ... هل لغرضٍ برئ يا ترى ؟؟؟؟؟؟؟؟


#719458 [الصادق]
4.38/5 (8 صوت)

07-11-2013 03:31 PM
اهو دا السودان ( طيبة واجاويد )واكيد ناس الوساطة قالوا ( يا ريس الدنيا رمضان ومعليش فك سراحه ، ودي اخر مره ما ح يكررها تاني ) واكيد كتبوا صلاح قوش تعهد بعدم تكرار فعلته .. لكن عمر البشير ( راجل ) بس صلاح قوش طلع جبان ومره ( واجهش قوش بالبكاء لحظة وصوله منزله والتقاءه اسرته التى بادلته الدموع وقال للصحفيين انه لازال (ابن الانقاذ منها وليها وفيها ولم تتغير مبادئه وانه لازال ابن الحركة الاسلامية والمؤتمر الوطني )معلنا نيته العودة للبرلمان ممثلا لدائرته مروى) .. لكن كويس انو قال كده علشان لمن تمشي الانقاذ ما يعمل فيها (بطل)وانو عمل محاولة انقلابية.


#719454 [الله جابو]
2.74/5 (10 صوت)

07-11-2013 03:21 PM
صلاح قوش قاتل الاخ الشهيد علي البشير مستودع اسرار محاولة اغتيل حسني مبارك الفاشلة وبعدين يابشير
لماذا لايطلق سراح يوسف لبس لانه من الغرب وزغاوي ولاشنو؟ واحد غير عنصري يورينا السبب الذي يجعل يوسف لبس في السجن رغم العفو الرئاسي ورئيس الماولة الحاج ساطور يبقي نائب الرئيس


ردود على الله جابو
United States [الصوت] 07-21-2013 09:07 AM
الحاج ساطور ليس من شندي ولكنه من ابناء عمومة اهل شندي ... أليس هو من الجنجويد؟؟؟ ثم من هم الجنجويد يا ديمقراطية ؟؟؟؟؟

United States [الشمتان علي الكيزان] 07-11-2013 09:34 PM
لانو لبس ما ببكي و ما بيقول الروب ولو طلع المرة الجاية بقلبها في ابوهم

United States [ديموقراطية] 07-11-2013 08:22 PM
بي منطقك ده الحاج ساطور ده من شندي ؟ بلاش عنصرية


#719444 [الحقيقة مرة]
3.25/5 (10 صوت)

07-11-2013 03:08 PM
قوش يجهش بالبكاء ويقول : أنا ممتن للبشير..!!
_____

تهي تهي موقف مؤثر لكن بلطجي بشكر سفاح فيا للانسانية ذاتو المهم باختصار انو الكيزان بشتى مسمياتم بعد ما القطريين قالو تاني حيكبو قروشم في العمار بدل الدمار وشافو الحصل للعياط في مصر قامو من الخلعة مرقو المخبر قوش من الحفرة بسراع وقعدو اتاسفو ليهو واعيطو كلهم مع بعض عشان اتوسط ليهم مع امريكا شرطي العالم ما تقبل عليهم هم كمان وتفرتق عشتكم وهو حال الهلع الذي يفسر المحبة المتجددة والم**خيت السايلة بينم دي ما تستغربو اللا مبدئية والدناوة وسغارة النفس فهذه اصول التعامل في عالم الجريمة المنظمة وديل ناس محترفين وقوش مهما كان عراب ليهو وضعو وعصابتو في البلد يعني ما في داعي الشعب اشخصن الامور بالشكل دا ّ!


#719422 [مدحت عروة]
2.38/5 (9 صوت)

07-11-2013 02:44 PM
يا لدولة المؤسسات والقانون!!!!
الانقاذ حكومة بتاعة تهريج ومضحكة وانتيكة!!!!!
فى اسرائيل الكعبة دى مافى كبير على القانون واتسجن وزراء ومسؤلين كبار ولا فى واسطات ولا هم ابناء اسرائيل وخدموا الكيان الصهيونى ولا اى كلمة من الكلام الفارغ ده!!!!!
دولة مافيها حريات ومؤسسات ودستور يحترم وسيادة قانون تبقى دولة انتيكة ومضحكة ومقرفة وغير جديرة بالاحترام!!!!!
مجدى محجوب ايها السفلة امه لمن حفيت قدماها ما استجبتوا لها واطلقتم سراح فلذة كبدها مع انه ما حرامى زى ناس الحركة الاسلاموية اولاد الكلب واولاد الحرام وجيتوا بعد داك شنقتوه زى المجرم ايها المجرمون اخذكم الله اخذ عزيز مقتدر ببركة هذا الشهر الفضيل ايها السفلة الحقيرين!!!!!


ردود على مدحت عروة
European Union [umbadir] 07-27-2013 03:53 PM
دم مجدي ما حيروح
دم اركانجلو ما حيروح
دم اي سوداني ما حيروح

لا مكان لمقولة (عفا الله عما سلف) فى مقبل الايام .. القصاص ح يكون بالصف واي كوز مجرم يقيف فى الصف
يجب منع تكرار الجرائم دي فى المستقبل.. لا يجب ان تحصل فى السودان تاني
عاوزين مستقبل احسن من واقعنا ومن تاريخنا لاطفالنا القادمون

United States [الله جابو] 07-21-2013 11:09 AM
الاخ مدحت دم الاخ الشهيد مجدي في رقاب الاخوان المسلمين من لدن حسن البنا الي حسن الترابي ويدل علي خواء الفكر والنفاق و كذبهم والاسلام والشريعة منهم برأوينطبق عليهم المثل كالحمار يحمل اسفار واول من يسعر بهم النار هؤلاء الدجالين الذين ياكلون اموال الناس بالباطل قاتلي النفس التي حرمها الله كأنهم لم يقرأوا قوله تعالي من قتل نفسا كأنما قتل الناس جميعا ومن احياهما كأنما احي الناس جميعا .ان عدالة الله تعالي سوف تطالهم الي ان تقر عين والدة الاخ مجدي فان الله لا يظل احدا وحرم الظلم علي نفسه وجعلة محرما بين الناس فطوبي لروح الاخ مجدي وطوبي لوالديه علي صبرهما فان الله يمهل ولا يهمل


#719408 [الحلبي التركي]
2.63/5 (8 صوت)

07-11-2013 02:24 PM
الناس ديل خنازير جد جد ..


#719407 [حامدين]
4.50/5 (8 صوت)

07-11-2013 02:23 PM
الخمجان انت مخك مخجوج حاج ساطور دا من سنكات ولا 28 ضباط الاعدموهم ايام عيد رمضان ديل غرابه انت غرقان شديد خلاااص مسكين ولله الواحد يشفق عليك وعشان ماتعذب نفسك شوف ليك طبيب نفسى يكون شاااااطر


ردود على حامدين
United States [الصوت] 07-21-2013 09:41 AM
هناك حقيقة يجب ان نعرفها ان ال28 ضابطاًالذين أُعدموا ، أُعدموا في أوائل أيام الإنقاذ ووقتها كانت الانقاذ تروّج لفكرها العقائدي وتريد ان تظهر للباقين ان لها اسنان وايادي من حديد (( اضرب المربوط يخاف السايب )) وقتها لم تظهر نواجزها القبلية والجهوية بعد وما ان حصلت المفاصلة بينهما - القصر و المنشية - اي - الشمالية والغرابة - (( بعد مذكرة القصر الشهيرة )) حتى تبين ان اهل الشمال قد ركبوا ظهر الغرابة _ كالعادة - حتى ((القيف )) بس ، ((وتمسكنوا حتى تمكنوا )) بعدها ركلوهم الى داخل اليم (( ال10 سنوات الاولى من عمر انقاذهم ))ثم .... ثم ....ثم صار الخطاب و العمل والعفو ووووو ..... وكل مفاصل الثروة والسلطة - عينك عينك - شمالية الهوى مع بعض البهار ولوازم الزينة من هنا وهناك بغرض اكتمال الديكور ليس الا..


#719402 [مواطن]
2.72/5 (8 صوت)

07-11-2013 02:20 PM
مسرحية والشعب يصفق

لو كنتو مصريين كان اكتشفتو الحقيقة لكن بقيتو لينا زنج لا بتهشو ولا بتنشو


#719394 [m- h - m]
3.94/5 (7 صوت)

07-11-2013 02:13 PM
من اين أتى هؤلاء الاغبياء / يقولون انقلاب ثم يخرج بعفو من البشير - ماهذا الغباء - يلعبون بعقول الشعب المسكين .
هذا الرجل الشاذ - يحكم السودان 25 عاماً - سبحان الله - إلى متي ... هذا الصمت الذي لا ينتهي .. لا ينتهي .... لا ينتهي . برغم حوجتنا الصراخ ... الشعب يريد اسقاط النظام


#719382 [جدودنا زمان]
2.00/5 (7 صوت)

07-11-2013 01:53 PM
ما عندهم مكوة في بيتهم السمح ده


الجلابية دي مكرفسة شديد يا سيادة الجنرال قوش


ردود على جدودنا زمان
European Union [جدودنا زمان] 07-12-2013 12:21 AM
ولا سلفتها لجهازكم حسن السيرة يكووا بيها ظهور ابناء الشعب السوداني


#719381 [saif]
3.63/5 (9 صوت)

07-11-2013 01:51 PM
يرحمك اللة سعادة العقيد اركانحرب صلاح السيد حسين على ومن معك من الشهداءوبنقول لى بكرى حسن صالح بتعرف صلاح يابكرى ؟


#719372 [ظلال النخيل]
2.86/5 (11 صوت)

07-11-2013 01:38 PM
والله انها سياسة الكيل بمكيالين ناس يعدموا لأنهم من عامة الشعب السوداني ورعاع الشعب وناس خاصة يتم العفو عنهم لأنهم اخوانهم في التنظيم ومؤتمرجية...ما هذه القسمة الضيزي يا حكومة السودان ويا سيادة الرئيس .
في رقبتك يا سيادة الرئيس يوم القيامة سفك دماء 29 ضابطا و51 جنديا وروح مجدي محجوب وجرجس متعلقة بك يوم القيامة للقصاص ناهيك عن ال 300الف المبادين في دارفور والجنوب.
ألم يخدم أولئك الضباط والجنود الشرفاء الذين أعدمتهم السودان والوطن , لقد بذلوا أرواحهم في سبيل الوطن وحاربوا من أجله ومن أجل ترابه .أما الشهيدان مجدي وجرجس مالجنايةالتي ارتكباها؟؟ حوزة النقد الاجنبي ؟؟هل يعقل اعدام نفس بسبب حوزة النقد الاجنبي ؟؟؟ دأب الناس منذ الازل على حيازة المال أي النقد .وجعل المال للتداول يعني للحيازة والصرف . فحيازة مجدي للنقد الاجنبي كان أمرا عاديا لأن والده له النصيب الأوفر في البنك الاهلي التجاري ومالك فندق أراك بمعنى أنه رجل أعمال من قبل أن تولد ويولد أفراد حكمك الظالم المتجبر.
فين حتروح من ربنا أنت وحكومتك وتنظيمك ؟؟؟؟
لقد قدمت اليكم التماسات من اسر وأمهات وأبناء من أعدمتهم في رمضان وتذللت والدة مجدي حتى حاولت تقبيل قدميك فلم تعفو عنهم وأصررت على اعدامهم بقساوة شديدة...ثم ها أنت تعفو عن بني جلدتك من الجعليين (ود ابراهيم ) وأبناء عمومة الجعليين الشايقي (صلاح قوش وصلاح الدين آدم) وتزج بالاخرين من باقي القبائل في سجونك حتى الآن والجنحة واحدة....هل هي عزوة القبيلة ,,,,والله لا نرضى هذه العنصرية البغيضة ونرفع أكفنا الى الله عز وجل أن يقتص لنا ولأسرنا التي ظلمتها ..
أيها الرئيس وأيها الانقاذيون ارجعوا الى ربكم وكفروا عن خطاياكم برد المظالم التي اقترفتموها في حقنا أطلبوا العفو من ذوي الضحايا علها تخفف عنكم غضب الرب.
اللهم ببركة هذا الشهر الكريم الفضيل انصرنا على من ظلمنا وظلم الشعب السوداني اللهم اقتص لنا منه في الدنيا والاخرة اللهم أرنا فيه وفي حكومته يوما أسودا اللهم زلزل الأرض تحت أقدامهم اللهم شتت شملهم اللهم يتم أولادهم ورمل زوجاتهم وأنزل مصائبك عليهم يا جبار يامن لا ترضى الظلم لنفسك ولعبادك. اللهم أرح الشعب السوداني بإزالة هذا الكابوس الذي يحكمهم


ردود على ظلال النخيل
United States [زكريا أبو يحيى] 07-11-2013 04:46 PM
التحية لك يا اخي الكريم على تعليقك الجميل الله يجعل لك ذلك في ميزان حسناتك ببركة رمضان الكريم بل أين كل ذلك من مقتل المهندس الشهيد داوود يحيى بولاد الذي كان معهم اسلاميا في احلك ظروف الاسلاميين ظلاما ثم قتلوه بدم بارد حتى دون محاكمة .اللهم عليك بالظالمين يا رب العالمين ببركة هذا الشهر الكريم .


#719367 [حامدبن]
2.60/5 (6 صوت)

07-11-2013 01:33 PM
الخمجان انت مخك مخجوج حاج ساطور دا من سنكات ولا 28 ضباط الاعدموهم ايام عيد رمضان ديل غرابه انت غرقان شديد خلاااص مسكين ولله الواحد يشفق عليك وعشان ماتعذب نفسك شوف ليك طبيب نفسى يكون شاااااطر


ردود على حامدبن
United States [الخمجان] 07-11-2013 02:47 PM
اقرا التعليق عشرة مرات عشان تفهمو كويس لانو الظاهر مخك تقيل


#719363 [hilal0987]
4.25/5 (6 صوت)

07-11-2013 01:28 PM
تخيلوا معى بان قوش هذا من جنوب كردفان او دارفور او اى مكان غير الشمال ماذا كان سيحدث ؟ والله لو ما ضحينا بانفسنا لن ينصلح حالنا ولن يرضى الله عننا لاننا نرى الظلم والتلاعب بالقيم الاسلاميه ونسكت.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
3.35/10 (8 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة