الأخبار
أخبار إقليمية
الجاز : السودان لن يوقف صادرات نفط الجنوب
الجاز : السودان لن يوقف صادرات نفط الجنوب


07-13-2013 07:47 AM
أكد وزير النفط عوض احمد الجاز حرص السودان على جوار آمن وسلام مستدام و انفاذ مصفوفة اتفاق التعاون مع دولة جنوب السودان لافتاً الي ضرورة النظر للمستقبل وقال ان الخرطوم لن تغلق صادرات النفط الجنوبية اذا وجدت التزاما من جوبا.

وكان السودان اعلن عن اغلاق انابيب النفط التي تمر عبر الاراضي السودانية الى ميناء بورتسودان متهما جنوب السودان بدعم المتمردين الذين يقاتلون الخرطوم.

وقال الجاز في لقاء مع سفير بعثة الاتحاد الاوربي بالسودان توماس أوليشني بالخرطوم ان العاصمتين لاخيار لهما الا سوي جوار آمن ومن المصلحة العامة التعاون في انفاذ الاتفاق لمصلحة السودانين مشيرا الي ان بترول الجنوب لايعني للسودان سوى التعريفة المتفق عليها للنقل.

وفي خطوة مغايرة قبل البلدين مقترحات من الوسيط الافريقي ثابو امبيكي وتراجعا عن تبادل الاتهامات والسماح بمرور النفط وتصدير اول شحنة نفطية في يونيو الماضي.

وقال ان الحكومة السودانية على الرغم من اغلاق الجنوب لآبار النفط واعتدائه على هجليج على حد قوله وقع علي مصفوفه التعاون وبدأ جاداً في انفاذ صادر النفط مذكراً بالفترة المتبقية لاغلاق الانابيب حال عدم جدية الجنوب في بنود المصفوفة وقدم الجاز شرحاً عن العوامل الفنية التي يحتاجها انسياب النفط من مثل الحركة السريعة وانشاء الخط الصفري.

وقال ان الاتفاق واضح يحتاج فقط الي الجدية في التطبيق وقال ان الطرفان قد قبلا بمقترح امبيكي مؤكداً على ضرورة تطبيق ذلك علي ارض الواقع.

من جانبه اكد رئيس بعثة الاتحاد الاوروبي بالسودان توماس اوليشني حرص الاتحاد الاروبي على التعاون الفني والدبلوماسي بما يحقق استدامة وتطبيق مصفوفة التعاون بين البلدين الجارين مؤكداً اهمية النفط للطرفين .

وقال اننا نعمل بشكل لصيق لمساعدتهما على تجاوز العقبات من اجل استدامة التعاون وقال اننا نسعى مع الاتحاد الافريقي (لحلحلة) القضايا العالقة لانفاذ التعاون الموقع بين البلدين.


تعليقات 8 | إهداء 0 | زيارات 3714

التعليقات
#720897 [ssf]
0.00/5 (0 صوت)

07-14-2013 06:14 AM
اناسبق و سالت سؤال عن اسم الحيوان اللي في الصورة دي وسر ابديتة في هذة الوزارةحتي من زمن نميري ومن قبل اكتشاف البترول...فهل ياتري لان اسمة الجاز ولا جاز السودان دا بيحفروة في حوش بيتهم...جاتكم البلاء شعب اغبر


#720864 [الموجوعة]
0.00/5 (0 صوت)

07-14-2013 03:23 AM
حالتك الفي الصورة دي بتدل علي انك فترت من المشية و الجية .يعني امشي اقفل البلف امشي افتح البلف . تاني كان قال ليك امشي يا الجاز اقفل اوعك ما تمشي كدا كدا حيرجع في كلامو في نفس الوقت انت مستريح .والله بصراحة حالتك تحنن ودنيا رمضان بس بكره ما يقول ليك أممممممممممممم الله يكون في عونك.


#720785 [yasir abdelwahab]
0.00/5 (0 صوت)

07-13-2013 11:16 PM
بكره برقصو ويقوم يقول ليك...اقفل يا عوض...احسن حاجه تقول ليهو البلف اتحلج يا ريس دي امكن تحلك...
قومو لفو بلف يبلفكم..انت وهو..


#720777 [adil a omer]
0.00/5 (0 صوت)

07-13-2013 10:53 PM
اصحى يا عوض .. حصل البلف


#720763 [almujanter]
0.00/5 (0 صوت)

07-13-2013 10:13 PM
(أكد وزير النفط عوض احمد الجاز حرص السودان على جوار آمن وسلام مستدام و انفاذ مصفوفة اتفاق التعاون مع دولة جنوب السودان لافتاً الي ضرورة النظر للمستقبل وقال ان الخرطوم لن تغلق صادرات النفط الجنوبية اذا وجدت التزاما من جوبا.) الكلام دا أكدواالجاز وهو صاحي والا نايم ؟؟؟؟ يا جماعة الصورة لخصت كل الحاصل في السودان قيادة ، وحيكومة وشعباً. ما في داعي للتنظير الكتير ياتبقوا رجال زي المصريين يا خليكم نايمين كده(الله يحرأكو بـ "جاز" )


#720435 [almujanter]
2.00/5 (1 صوت)

07-13-2013 01:18 PM
لكن والله مصور ود حرام عديل كده


#720377 [hilal0987]
4.00/5 (1 صوت)

07-13-2013 12:20 PM
اتمنى ان تكونوا رجال مره واحده وتثبتوا على كلمتكم


#720309 [انصاري]
4.00/5 (1 صوت)

07-13-2013 11:06 AM
يعني كلام البشير " المدروس" طلع كلام خندريس"...!!؟


ردود على انصاري
[كاكا] 07-13-2013 01:59 PM
البشير قال ما تقفل البلف بس ما دي قالها بصوت منخفض سمع الجاز فقط



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة