في



الأخبار
أخبار السودان
البشير يصل نيجيريا للمشاركة في قمة الإتحاد الأفريقي حول أمراض الأيدز والسل والملاريا
البشير يصل نيجيريا للمشاركة في قمة الإتحاد الأفريقي حول أمراض الأيدز والسل والملاريا
البشير يصل نيجيريا للمشاركة في قمة الإتحاد الأفريقي حول أمراض الأيدز والسل والملاريا


07-14-2013 10:00 PM
(سونا)
وصل رئيس الجمهورية المشير عمر البشير فى الخامسة والربع من مساء اليوم الي مطار أبوجا العاصمة القومية لنيجيريا علي رأس وفد رفيع المستوي وذلك للمشاركة في أعمال القمة الأفريقية الخاصة بأمراض الأيدز والسل والملاريا والتي تستمر حتي الثلاثاء القادم .
وكان في إستقباله بالمطار سفير السودان لدي نيجيريا دكتور تاج السرمحجوب وأعضاء البعثة السودانية لدي نيجيريا وبالإضافة الي سفير السودان لدي الأتحاد الافريقي الفريق عبد الرحمن سرالختم ووزير الصحة بحر إدريس أبوقردة والقنصل الفخري السوداني بولاية كانو الأستاذ محمد عثمان الطيب وعدد من قيادات الجالية السودانية بنيجيريا . ويرافق السيد الرئيس عدد من كبار المسئولين وعلي رأسهم وزير رئاسة الجمهورية ووزير الخارجية

وكانت وزيرة الدولة بوزارة الشئون الخارجية النيجيرية قد قالت إن القمة سيشارك فيها أكثر من ثلاثين رئيسا بالإضافة إلي الأمين العام لأمم المتحدة وعدد من قيادات المنظمات الدولية وشركاء الإتحاد الأفريقي في مجال الصحة .
وتشمل الجلسة الإفتتاحية كلمة ترحيب من الرئيس النيجيري كما سيخاطبها في كلمات قصيرة كل من رئيس جمهورية ساحل العاج ورئيسة جمهورية ملاوي والرئيس اليوغندي والرئيس التونسي والأمين العام للامم المتحدة بان كي مون .






تعليقات 23 | إهداء 0 | زيارات 4062

التعليقات
#721865 [عكوه]
3.50/5 (2 صوت)

07-15-2013 09:35 AM
البشير قال من قبل على اوكامبو ان يبل امر قبضه ويشرب مويته ولكن يبدو ان اهالي الضحايا واقاربهم هم من شربو حتى الارتواء من مياه امر القبض طالما يجتمع البشير والامين العام للامم المتحده وقادة الاتحاد الافريقي في قاعه واحده !!!
مافي وااااااحد من اقرباء الضحايايأخذ ثأره بيده بعد ان خذلهم المجتمع الدولى !!!!


#721809 [عنيد]
0.00/5 (0 صوت)

07-15-2013 07:24 AM
وكان في إستقباله بالمطار سفير السودان لدي نيجيريا دكتور تاج السرمحجوب وأعضاء البعثة السودانية لدي نيجيريا وبالإضافة الي سفير السودان لدي الأتحاد الافريقي الفريق عبد الرحمن سرالختم ووزير الصحة بحر إدريس أبوقردة والقنصل الفخري السوداني بولاية كانو الأستاذ محمد عثمان الطيب وعدد من قيادات الجالية السودانية بنيجيريا . == يا شباب خليكم معاي شويه البشكير ده وصل دار الموتمر الوطني ولا نيجيريا - يا تعيس ولا حتي رئيس فرقة شعبية من نجيريا في الاستقبال غير مزكور مهههههههههههههههههههههههازل


#721794 [كاك]
0.00/5 (0 صوت)

07-15-2013 05:17 AM
دجاجي يلقط الحبه


#721779 [الممكون]
0.00/5 (0 صوت)

07-15-2013 04:09 AM
يا إلهنا مكن عبادك من القبض على هذا القاتل الآثم


#721770 [سودانى]
0.00/5 (0 صوت)

07-15-2013 03:16 AM
عمك طوالى لافى عمتو وطابق مرتو حقت. المرقة


#721757 [محب البشبر]
3.50/5 (5 صوت)

07-15-2013 02:27 AM
نسال الله جلت قدرته ان يحفظ الرئيس البشير ويعودسالم غانم لشعبه الذى احبه رغم كيد المنافقين الحاقدين ونقول لهم موتوا بغيظكم


ردود على محب البشبر
European Union [كاره الظلم] 07-15-2013 03:29 AM
وفرضنا رجع بالسلامة خلاص دة كل المنى والزلم الاعترف بيهو ايام وجع الحلق خلاص عفا الله عما سلف لا ياشيه .. نحن ذاتنا ما مقتنعين بي محكمة مجرم حرب قتل مئات الالف ويمشي يقعد في الكندشة الطبيعية في اوروبا .. دايرين ليهو مصير القذافي بالكربووووووووووووووووووووووووووون ويا رب يجع لينا بالسلامة للقصاص الرباني وليس قصاص الكندشة والموية الباردة في لا هاااااااااااااااااااااااي

United States [الكاهلي] 07-15-2013 03:15 AM
يا رب ببركة هذا الشهر الكريم انتقم من كل الكيزان والموالين والمطبلين ياااارب اقتلهم بددا ولا تغادر منهم احدا..
وباذن الله يا منافق يا خبيث ستحشر مع من احببت اكبر مجرمي البشرية واغبى حاكم في تاريخ البشرية وافسد واظلم طاغية في التاريخ وياااااااااااارب تحشر معه يوم القيامة قول آمين يا ..

European Union [خالد حسن] 07-15-2013 03:13 AM
حباك برص .. انت العينك منو متحدث باسمنا ..
البشير مجرم لعنه الله حيا وميتا
البشير ده مابحبوه الا الكلاب والمجرمين والهبنقه والهتيفه والنفعيين


#721748 [Rio]
3.00/5 (2 صوت)

07-15-2013 02:09 AM
والله انا عندي احساس كده انه بشة ده ماجاي راجع يااااااااااااااااااااااااااااارب ماجي راجع ببركة رمضان


#721733 [patista]
5.00/5 (1 صوت)

07-15-2013 01:32 AM
الهم ندعوك ببركة هذا الشهر الكريم ان لا يعود هذا المجرم الاثيم و ان تكون هذه اخر سفرة له قبل السفر الى لاهاي قولوا امين


#721728 [مقهور]
0.00/5 (0 صوت)

07-15-2013 01:28 AM
الحمد لله والصلاة والسلام على رسول الله اللهم فارج الهم وكاشف الغم نسألك ببركة هذا الشهر الكريم
أن تبعد عنا هذا الحاكم الظالم المستبداللهم عجل في رحيله إلى محكمة لاهاي اللهم إنك تعلم أنه قتل شعبه وإنه أحل الربا وأذنت لمن يفعل ذلك بحرب من الله ورسوله كما جاء في محكم تنزيلك :
(يا أيها الذين آمنوا اتقوا الله و ذروا ما بقي من الربا إن كنتم مؤمنين* فإن لم تفعلوا فأذنوا بحرب من الله و رسوله، وإن تبتم فلكم رؤوس أموالكم لا تظلمون و لا تظلمون﴾
نسألك يا مجيب الدعوات أن تعلن عليه الحرب فقد أحل الربا وطغى وإستبد بشعبه ونحن الضعفاء لا ملجأ لنا إلا إليك نلجأ إليك يا مالك الملك ويا جبار السماوات والأرض أرنا فيه عجائب قدرتك في هذه الأيام المباركة وأن تخلصنا من هذا الحاكم الظالم ..آمين يا رب العالمين ...


#721726 [abusafarouq]
4.00/5 (2 صوت)

07-15-2013 01:17 AM
البشير هو ذاتو فتاك بشعبو أكتر من مرض الايدز ماشى عشان شنو قارنو بالقتلهم البشير فى السودان والماتو بمرض الايدز كم . يعنى حيتكلم يقول شنو فى موتى الايدز وهو فيروز المرض نفسو متسبب الموت للشعب السودانى .


#721704 [AburishA]
5.00/5 (2 صوت)

07-15-2013 12:42 AM
فخامة الرئيس امراض الايدز والسل والملاريا هينة!!! كلم ناس مؤتمر ابوجا ديل قول ليهم عندنا في السودان 84 دواء مغشوش!!! شوف رأيهم شنو!!! صدقني لو قلت ليهم الكلام ده حيسلموك لناس لاهاي اصالة عن انفسهم ونيابة عن الشعب السوداني!!!!


#721684 [Wad-Alrakoba]
5.00/5 (1 صوت)

07-15-2013 12:15 AM
Ban ki mon .how on earth you allow the criminal omer albashir attends this conference while thousands of Nuba mountians and Blue nile dying of hunger and starvation.


#721677 [ابراهيم عمر]
0.00/5 (0 صوت)

07-15-2013 12:02 AM
كيف سيتقابل كي مون والبشير في قاعه واحده !؟


#721675 [كسلاوي]
5.00/5 (1 صوت)

07-15-2013 12:00 AM
يا رب اجعل هذا اخر ايام هذا المجرم المستبد !!
يا رب لا عود !!!


#721669 [ود العمده]
5.00/5 (1 صوت)

07-14-2013 11:54 PM
يااااااااااااااااااااااارب تحفظ ريسنا وترجعو لينا بالسلامه


ردود على ود العمده
United States [أبو ريناد] 07-15-2013 11:34 AM
اللهم آمين وببركة هذا الشهر الكريم تحفظ رئيسنا أسد العرب وبشير الأمة .

United States [الجعلي الجد] 07-15-2013 03:19 AM
يااااااااااااارب فطسو رقيصنا وفطس كل واحد حباهو وانخدع فيهو ياااااااااااااااااااارب


#721655 [عصمتووف]
5.00/5 (1 صوت)

07-14-2013 11:39 PM
أمراض الأيدز والسل والملاريا وكل الامراض التناسيلة والسياسية المستعصية التي حار منها الاطباء البشرين والسياسين والاجاويد و غير ما يحملة في مخلايته من الامراض السياسية حروب فرقة وفتن و شتات انفصال ومقالب وكذب يا اهلنا الفولاني الامل والرجاء فيكم


#721654 [semba]
4.50/5 (5 صوت)

07-14-2013 11:38 PM
بختك يا شريف المرة دى جاك البشير بنفسه .


ردود على semba
United States []ديامي] 07-15-2013 03:27 PM
هههههههههههههههههه حلوة

[الكلس] 07-15-2013 03:21 AM
الشريف في مايدوغري عاصمة الفرشقة والبلبصة فابوجا بعيد من الشريف انا شايف الشريف ما محظوظ كلو كلو حتى البنية وداد كمان في ابوجا


#721644 [جركان فاضى]
0.00/5 (0 صوت)

07-14-2013 11:27 PM
مشكلة السودان ان ما يقتل فى الحروب اعلى بكثير من العدد الذى يموت بالايدز والملاريا والسل....المطلوب ايقاف الحروب وحقن دماء الابرياء


#721639 [zangazanga]
0.00/5 (0 صوت)

07-14-2013 11:23 PM
إنشاء الله دى تكون أخر سفرة للبشير للخارج بعدم عودة سالم يعنى عدم رجوع البشير حياة أرواح ناجية فى البلاد وعودته كارثة أخرى ينتظر السودانين القتل والموت .عدم عودته نهاية سعيدة للسودان وشعب الهامش نعوذ بالله من شر البشير فى هذا الشهر المبارك اللهم خلص الشعب منه اللهم أمين ..


ردود على zangazanga
United States []ديامي] 07-15-2013 03:30 PM
يارب بركة الشهر الفضيل ده تكون دي اخر سفرة ليك وانشالله ما تجينا راجع تاني وكان نويت تجي الطيارة تتفرتق بيك حتة حتة يا البشير


#721634 [صارم بتار]
0.00/5 (0 صوت)

07-14-2013 11:16 PM
سفر البن .. دق وحرق


#721631 [كركبه شديده]
5.00/5 (1 صوت)

07-14-2013 11:15 PM
الايدز الإفرتق #####....


#721625 [Abu sami]
0.00/5 (0 صوت)

07-14-2013 11:07 PM
لماذا لم يقبض على هذا المجرم الهارب من العدالة؟


#721596 [Petro]
4.13/5 (4 صوت)

07-14-2013 10:12 PM
يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب تحقق منانا بالقبض علي هذا المجرم


ردود على Petro
European Union [Petro] 07-15-2013 07:44 PM
بالله ابوجاعورة حقكم دة عربي !!! والله قايلوا عسكري

[]ديامي] 07-15-2013 03:48 PM
طال ما في بهايم زي ابو زفت ده وبحلف بي الله وفي رمضان كمان يبقي لازم البشكير يكون قاعد

United States [أبو ريناد] 07-15-2013 11:37 AM
حلم الجعان عيش ، راجع راجع رغم كيد الحاقدين ، ده بشير الأمة وأسد العرب ، والله رئيسنا أنظف الرؤساء العرب .



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة