الأخبار
أخبار إقليمية
معتز صباحي في أفضل أداء له .. وطه سليمان نجم الحلقة
معتز صباحي في أفضل أداء له .. وطه سليمان نجم الحلقة
الشاعر "الصادق الياس" إلى اليمين من الأستاذ "السر قدور"


التوثيق للجابري يتواصل في الحلقة السادسة من أغاني وأغاني 2013
07-15-2013 09:28 PM
روي الشاعر "الصادق الياس" ضيف شرف الحلقة السادسة من "أغاني وأغاني 2013" أسراراً مثيرة عن أغنية الرسائل "من طرف الحبيب" فالأغنية كان باكورة انتاجه في الشعر الغنائي أهداها لأحمد الجابري الذي لحنها وبعد فترة قصيرة دخل بها في مسابقة غنائية أمام الفنان الذري "إبراهيم عوض"، والفنان "صالح سعد" وحصلت الأغنية على المركز الأول بجانب أغنية إبراهيم عوض الذي كان التنافس معه في ذلك الوقت محسوم مسبقاً لصالحه بسبب توهجه الكبير.
تغنى نجوم البرنامج بأغنيات أخرى للجابري، وظهرت فهيمة في أغنية دنيا المحبة، ومعاذ بن البادية في أغنية "عليك النبي"، أما معتز صباحي فقد تغنى بالأغنية التي رددها مئات المرات ألا وهي أغنية من طرف الحبيب، وكان ظهوره أفضل وأروع، أما طه سليمان فقد استحق نجومية الحلقة بأدائه المتميز في أغنية "هوج الرياح" هات يا زمن.

تابعوا الحلقة في راكوبة الأغاني


.


تعليقات 36 | إهداء 1 | زيارات 6954

التعليقات
#722858 [المسيرى]
0.00/5 (0 صوت)

07-16-2013 02:10 PM
لو مشى امضوبان وبقى مداح احسن لبهو من حكايةالغناء دى وكمان لابس زى هندى فعلا انت هندى كلك متناقضات


#722845 [حسن كومر ابو مهند الكجنكي]
0.00/5 (0 صوت)

07-16-2013 01:52 PM
تيقا معتز ديه حاجة عجيبة ، اسمع واحدة من نهيق معتز طوال ما يجيك لا صداع ولا روماتيزم ولا كحة ولا عمى الوان من اللبسة اللابسها ، وبعدين حقوا يختو ليهو الميكرفون في سندوتش عشان يبلع الميكرفون ياالسر قدور شيل المرض ديه من هذا البرنامج وجيب حاجة ثانية اعتقد انك شكلت الكوكبة واحد كويس وواحد كعب عشان ما يدوك عين ، اللهم اني لا أسألك رد القضاء ولكني اسألك اللطف فيه وقلنا ما ممكن تغنى الغناء ملحوق


#722826 [مقهور]
0.00/5 (0 صوت)

07-16-2013 01:32 PM
اللهم اني صايم


#722771 [زهير نديم]
0.00/5 (0 صوت)

07-16-2013 12:28 PM
من زمان بسمع إنو في فنان أسمه معتز صباحي ، لكن لأول مرة أسمع صوته وأشاهده يغني ، للحقيقة فهو يملك صوت مميز وقوي ، لكن لا يعرف يغني بتعريفه ، وكل الذي يفعله ويخدع به نفسه ومعجبيه بأنه أسلوب جديد للغناء ، ماهو إلا تهريج وعبط وتشويه للأغنيات التي تغني بها.
إذا لم تسمع عن عباقرة الأداء من الرواد ، فأن هنالك من يملكون مدارس في الأداء مازالوا يبدعون في الساحة الفنية أمثال الفنان الكابلي ، الفنان أبوعركي ، الفنان عصام محمد نور .
نصيحة أوجهها لك ، أترك التكبر والتعالي ، وبما أنك لا تملك المقدرة والموهبة التي تمكنك من أن تكون جزء من هؤلاء ، فعليك بدراسة الموسيقي ، والتخصص بالتحديد في الصوت ،حتي تتعلم كيف تخرج الصوت سليما ، وكيف تستفيد من الموهبة الصوتية التي حباك إياها الله .


#722730 [الفارس]
1.00/5 (1 صوت)

07-16-2013 12:03 PM
ياخونا الكلام ده غلط الدنيا رمضان ومفروض انو الواحديلتزم بشرع الله يقول الرسول صلى الله عليه وسلم (ليس المؤمن بطعان ولا لعان ولا فاحش ولا بذيء ) فسامحوني ما اردت الا الخير لنفسي وليكم والله يهدينا جميعاً.


#722685 [الجمكسين قاتل الصراصير]
3.00/5 (2 صوت)

07-16-2013 11:22 AM
معتز صباحي بيهوزز في المايكروفون كده ده .. ما عرفتو بيغني ولا بيتسوك..!!


#722660 [ابوعلا]
0.00/5 (0 صوت)

07-16-2013 11:04 AM
صباحي مين وبداع مين والله يا ناس الراكوبة بقيتو مطبلاتية زي الكيزان


#722641 [النتغطرس البهمي]
0.00/5 (0 صوت)

07-16-2013 10:37 AM
للاسف الشديد تشويه وتشويه وتشويه ثم تشويه لاعاني العملاق الراحل احمد الجابري... وبدلا عن جوقة

هؤلاء المهرجين والمايعين كان الاجدى للقدور الاستعانة بالفنان محمد زمراوي لتكون ضربة معلم من

السر قدور فهو خير مؤدي لاغنيات الجابري... معتز صباحي يريد ان يظهر نفسه بطريقة خالف تذكر بعد

ان دفنه النسيان وليس هناك تبرير للزي المشوه الذي يرتديه والتعامل مع المايك ومخارج الحروف

بهذه الطريقة الغريبة والغير احترافية والعصبية.... رحمك الله الجابري المتفرد الجميل وارجو ان

ان تسامحنا في اننا بعد ان كنا نستمع اليك لنطرب اصبحنا نستمح لغناك المشوه لنحزن000


#722603 [كتاحة امريكا]
0.00/5 (0 صوت)

07-16-2013 10:04 AM
مافي جديد


#722532 [الفنجري]
5.00/5 (1 صوت)

07-16-2013 06:19 AM
الاغنية اداء طه سليمان ,في حياتي ما سمعت اغنية بالروعة والجمال ده..الله يجازيك يا طه...السنة الفاتت كتلتنا باغنية طرير الشباب وانا لي حول بسمع فيها


#722518 [U.S.A]
0.00/5 (0 صوت)

07-16-2013 04:57 AM
صدقوني من اول حلقة شفت معتز صباحي عرفت المصايب جاية لا غتاء ولا حتى مظهر بنطلون احمر وشال آسف طرحة حمراء مع البنجابي شكل ممسوخ بصراحة الشابل البرنامج الفنان الراقي عاصم البنا


ردود على U.S.A
United States [كتاحة امريكا] 07-16-2013 10:03 AM
في الطريق ماشي .........


يمكن السنة الجاية لو ربنا احيانا نشوفه منتهي الصلاحية كما سبقه من قبل .


#722517 [ركابي]
5.00/5 (1 صوت)

07-16-2013 04:54 AM
برنامج ذنوب وذنوب 2013 هههههههههههههههههه


ردود على ركابي
United States [كباشي الشريف] 07-16-2013 12:37 PM
اعتقد انو الراجل ده الشيطان نفسه لانو مايقدم الكلام الفاضي الا في رمضان
والعياذ بالله


#722515 [Freedom]
0.00/5 (0 صوت)

07-16-2013 04:38 AM
one of the cheapest show i have ever watched? Rest in peace Sudanese music :(


#722506 [ودقلبا]
2.50/5 (2 صوت)

07-16-2013 04:01 AM
لبس غريب واصوات اغرب وطريقة اداء غريبة للغاية . غايتو انا لما اسمع الزول ده بتزكر اغنية جزيرة الكنز ( جزيرة غريبة وكنزنا فيها ) ليه ما عارف


#722503 [سامر]
0.00/5 (0 صوت)

07-16-2013 03:39 AM
والله شوفوا انا ما بلوم واحد زى صباحى يبقى فنان الغلطه ما غلطتو .. ازواق الناس فى الفن بقت هابطه وهابطه جدا جدا مافى زوق اى واحد يغنى الناس تطرب ليهو وتطلعوا فوووووق اذا كان كده ما تلموا صباحى ده .. ربنا يكون فى عون المستمعين والمسشاهجين لهذا الفنان


#722499 [كلكي]
0.00/5 (0 صوت)

07-16-2013 03:25 AM
حرام عليكم
معتز صباحي اداء فريد و متميز
يلبس رحط واللا جبون ما يهمنا ف شيئ المهم غني بطريقة مثيرة للاعجاب ودا نوع الغناء البجذب ناس برا لغنانا المجبص الكئيب الحزين دا
يا حبيبنا يا مزة غني غناك وما تشتغل ب النقد الماهادف


ردود على كلكي
United States [زهير نديم] 07-16-2013 12:14 PM
يظهر عليك مابتعرف الغني ولا سمعت غني قبل كده

European Union [بيكانتو] 07-16-2013 10:49 AM
صحى كلكي و لابس ملكي


#722498 [مخومج]
0.00/5 (0 صوت)

07-16-2013 02:58 AM
والله الناس ديل حقارين لو أدو الأغنية دي لود المأمون كان جسمها اكتر من الباطل دة طه شنو و وهم شنو


#722497 [العنقالي]
4.00/5 (2 صوت)

07-16-2013 02:57 AM
فعلا طه الضرس موهوب وصاحب امكانيات صوتية هائلةاضافة الى كونو ذو ملامح مريحة لاتشعر المستمع بالتوتر بعكس آخرين!
معتز ظلمتو طلتو غير المريحة لبسو العجيب وسؤ استخدام الميكرفون والتكشيرة وووو وترنا غايتو


#722493 [مواطن]
5.00/5 (1 صوت)

07-16-2013 02:27 AM
كل فرد من أفراد السودان يريد أن يصبح فنانا .. وهذا ما يريده الانقاذيون ..
اشغال الشعب السوداني عن الفساد المستشري وحقوقه الضائعة في التعليم
والعلاج والتوظيف الخ .. السر قدور ينفذ سياسة الانقاذ بلا شعور ..


#722492 [شاويش]
5.00/5 (3 صوت)

07-16-2013 02:11 AM
البرنامج اصبح روتيني ولا جديد يذكر غير اضافة لبعض الوجوه والتي لم يوفق السر قدور في اختيارها سوى مصطفي السني وفاطمة عمر..معتز صباحي لديه مشكلة في الغناء جالسا وهذه هلكه لا يجيدها الا الفنانون ذوي النفس الطويل ومشكلته الثانية تحريكه للمايكرفون بطريقة غريبه مما يجعل مخارج الحروف غيرواضحه والمشكله الاخيرة هي عدم ثقته بنفسه وهذا وضح في الانسجام مع الموسيقي والتسليم والتسلم مع الفرقة الموسيقية....


#722475 [مندكورو]
5.00/5 (2 صوت)

07-16-2013 01:11 AM
بصراحة أنا صدمني الكلام المكتوب عن أداء المدعو معتز صباحي!! لأنو بصراحة كان أدائه لرائعة الجابري في قمة السوء والتشويه .. وأكيد تعليقات القراء تعتبر إحتجاجا علي ماورد في المقال أعلاه.


#722471 [jok]
0.00/5 (0 صوت)

07-16-2013 01:02 AM
بصراحه الفنانه الوحيده التي عندما افتح التلفاز اتمني ان اسمع صوتها هي الفنانه فاطمه وصدقوني احبتي انني اقول وبملءالفم انها افضل واروع صوت نسائي سوداني اسمعه ولقدااااااااااااااااااام يا فاطمه عمر (فطومه)


#722467 [ابو عبير]
0.00/5 (0 صوت)

07-16-2013 12:53 AM
معتز ده ماعنده واحد ينصحه؟ لابس ثياب بنات فى واحد يلبس بنطلون احمر؟ وبعدين ده بنجابى بناتى لااكثر ولااقل السر قدور خرف ومعتز خرب الاغانى كلها بتشنجه الفى الفاضى


#722441 [حسن كومر ابو مهند الكجنكي]
3.00/5 (2 صوت)

07-16-2013 12:17 AM
خلونا بالله بلاش بهدله وبلاش معتز والشعب يريد تغيير المهراجا معتز ، وانا في مكان السر قدور كنت رفعت الشال بتاع معتز وعملت ليهم شال احمر بدل كرت احمر ، وين ود البنا وعصام محمد نور والكوكبة القديمة ، فن شنو ده يا معتز لا أداء ولا وسامه ولا صوت ولا حاجة بس فالح في المهراجا في فنان في الدنيا يلبس شال أحمر ويغنى ، والاغرب من ده كله وقفت على حيلك عشان تورينا اللبسة حقتك ولا شنو


#722440 [اقبضو السفاح الهارب من العدالة الدولية]
0.00/5 (0 صوت)

07-16-2013 12:15 AM
اي نقد لمعتز صباحي ببخلي طه سليمان في قمة السعادة
بختك يا طه ناس الراكوبة وسودانيز اون لاين قلبو على معتز


#722435 [Soma]
4.50/5 (4 صوت)

07-16-2013 12:04 AM
معتز صباحي ما محتاج لي لحام ميكروفون فقط هو محتاج لي لحام في الكرسي دوش راسنا شوية يؤشر وشوية ييقيف بدون سبب وكل كوم واللبس كوم تاني عامل زي المجنون وعامل فيها الحبى بقرشين بس العتب عليك يا أستاذ السر قدور دي أشكال تعملونها فنانين والله حرام وأشيد بأداء طه سليمان بس فرفور مالو زي العندو صداع أكيد السبب المسمى معتز كان قاعد جنبه ويمكن جاب ليه طمام وطراش


ردود على Soma
United States [واحد] 07-16-2013 05:38 AM
اللبس ذكرن بالخير = اظنو اماراتي = ناقص لساعه والسبحه


#722434 [القومي]
4.50/5 (4 صوت)

07-16-2013 12:02 AM
معتزخرب الاغنية علي صاحبهاياريت لوجابوا زمراوي غناهاعشان تعرفو الفرق بين معتز وزمراوي


#722433 [Emad]
0.00/5 (0 صوت)

07-16-2013 12:02 AM
شكراً للتصحيح


#722421 [أبو خالد]
4.50/5 (5 صوت)

07-15-2013 11:40 PM
يخسي على معتز صباحى خلقنه وعويج ولبس تقول عندو دستور والله كرهت البرنامج وماتكذبو وتكتبو ساي الاستياء كان واضحا علو وجه الصادق الياس وانا سمعت معتز قبل كدة فى اداء افضل لهذه الاغنيه لكنه بدا متوترا وكانه لايستطيع الغناء جالسا وملامح وجهه توحى بشى ما المهم البرنامج باااااااااااااااايخ


#722419 [معتز مين والناس صايمين]
4.50/5 (4 صوت)

07-15-2013 11:36 PM
يا عم معتز مين والناس صايمين اقصد نايمين

معتز أساسا ما عنده مستوى بصراحة علشان يرجع ليه او يرتقى حتى ده رائي فيه كمستمع ومتذوق .
بكزز كدا وبياكل الحروف وبهز المايكرفون بصورة شاذة ما بتفهم هو بغني في شنو .؟؟؟؟ غير انه بعمل في حركات كدا جاهراهو الكشافات ولا احم احم استغفر الله العظيم مكتر في الحلومر .... وبعيدن مقلق مرة يقيف في غير وقت الوقوف ويقعد وتاني يقيف دوش راسنا وغير اللبس الغريب القاعد يلبسه .

ياخي زي ده ادوه مكروفن صغير مثبت في قميصة ولا جلابيته ولا على الله القاعد يبلسها او مايكروفن ثابت ملحوم لحام ما يقدر يشيله حراق روح ساكت


#722414 [مصطفى كونج]
4.91/5 (6 صوت)

07-15-2013 11:27 PM
صباحي عامل زي الزول البفلس ليه في دولاب


#722412 [الهادى]
4.25/5 (6 صوت)

07-15-2013 11:24 PM
هو اصلو بيت عرس ؟
بعد الافطار فتحت القنوانات السودانية الثلاثة الكبيرة وحدة فيها صلاح بن البادية والثانية فيها السر قدور والثالثة مش عارف ايه هو الشهر الفضيل بس للغنا الموسيقى والطرب
شهر القران وليلة القدر
شهر بدر وفتح مكة
شهر الفتوحات الاسلامية يمر علينا والامة الاسلامية فى محنة اية محنة
بعض ابناء مصر ممن يسمون انفسهم مثقفين او مبدعين او ممثلين او رقاصين ونساء كاسيات عاريات يرفضون الاسلام وطهره لعد استعدادهم للالتزام بتعاليمه النظيفة وهكذا فى كل بقاع المسلمين اما كان الاولى ايقاظ همم الشباب المسلم ؟


#722407 [Soma]
5.00/5 (2 صوت)

07-15-2013 11:15 PM
والله يا كودو انت التسبب ليك في طمام وطراش أنا في حالة زهول إلى الآن ما عارفه السماه فنان مين ده حتى السر قدور قال ليه يا زوزو بعد ما غنى ها ها ها ها والله زمن


#722403 [ALFAR]
0.00/5 (0 صوت)

07-15-2013 11:08 PM
ياخى شى غريب ياما نحن مابنعرف الفن ياأنت شفت حاجة غير الذى نشاهد من اسواء شى كان فى الحلقة هو معتز صباحى صوت غير قوى وغير طروب ولاتستطيع تميز المخارج ولاتعرف هو بغنى فى شنو بل بالعكس اسوء اداء فى الحلقات سوى هو او طه الضرس هو مافى شى غير التطبيل الودينا لوراء


#722401 [جركان فاضى]
0.00/5 (0 صوت)

07-15-2013 11:07 PM
اختيار ممتاز لفنانى وفنانات اغانى واغانى....واشيد بالاصوات الجديدة للثلاث بنات واللائى نسمع صوتهن اول مرة...واشيد بأداء الفنانة الجديدة التى غنت فى الحلقة الثانية لعثمان حسين ...كانت رائعة وحقا رائعة


#722354 [KUDU]
4.25/5 (5 صوت)

07-15-2013 09:46 PM
والله العظيم صباحي تسبب لي في طمام وطراش وما رجعت تاني عشان أشوف باقي الحلقة... عووووووووووع


ردود على KUDU
United States [شارون] 07-15-2013 11:35 PM
من اين اتي هؤلاء .. ؟؟؟؟

United States [متغرب] 07-15-2013 11:27 PM
والله كلامك صاح وانا كمان وياناس الراكوبه ما تطبلو ساكت ياحليل ايام ناس الجابرى والفن الجميل
واللبس المحتشم مش لون الخميس

United States [ذوالفقار] 07-15-2013 11:11 PM
صدقت حرم

United States [ابو رسونة] 07-15-2013 11:03 PM
والله انك صادق .انا اول ما بدا يهنق غيرت المحطة عاى طول.

United States [murmoly] 07-15-2013 11:00 PM
ياخي حرام عليك !! رمضان كريم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة