في



الأخبار
منوعات سودانية
ضبط شباب بأزياءَ نسائية في صلاة التراويح بالخرطوم ..!!
ضبط شباب بأزياءَ نسائية في صلاة التراويح بالخرطوم ..!!



يقفون في صفوف النساء الخلفية أثناء صلاة التراويح ويمارسون أفعالاً فاضحة،
07-17-2013 07:50 AM
الخرطوم -

تمكن المصلون بمسجد إحدى ضواحي الكلاكلة – جنوب الخرطوم من القبض على ثلاثة شبان يرتدون أزياء نسائية (عباءة وطرح) ويؤدون صلاة التراويح مع النساء في ظاهرة تعد الأولى من نوعها في المنطقة.
وقال عدد من المصلين لـ(شبكة المواطن الإخبارية) أن إحدى النساء تمكنت من كشف الشبان الثلاثة الذين تتراوح أعمارهم ما بين (17-19) سنة وضبطتهم يقفون في صفوف النساء الخلفية أثناء صلاة التراويح ويمارسون أفعالاً فاضحة، الأمر الذي جعل المصلين يقومون بضربهم وفضح أفعالهم.

المجهر






تعليقات 25 | إهداء 0 | زيارات 15276

التعليقات
#723941 [زول من كمبو كديس]
2.50/5 (5 صوت)

07-18-2013 12:38 AM
الآن اصبحت المساجد خطرة على النساء،و الجميع عارف ما حل بدور تحفيظ القرآن و الخلاوى،اصبحت دور لأغتصاب الاطفال
طالبى العلم،و لو قلنا ارخوا الكرفتة شوية ما تخنقوا الناس،تقولوا دعوة للفساد و الفجور،و لو قلنا افصلوا الدين عن الدولة عشان خاطر صحة المجتمع، تقولوا كفار و علمانين ملحدين،و هسا نقول اعتكفنا ما دايرين،تقولوا طابور خامس خونة مارقين،بالجد حيرتونا معاكم،..
البلد دى ما فيها سيسى ولا شنو؟نعمل شيرينغ نشتري سيسى إنشاء الله سيسى صينى مضروب المهم القوحه ولا صمه الخشم..رأيكم شنو؟


ردود على زول من كمبو كديس
[رحومة] 07-18-2013 01:18 PM
يا زول من كمبو كديس ما عندك السيسي بتاع اتفاقية الدوحة الم خمج. ما عاجبك ولا شنو.


#723792 [mohnd hema]
2.00/5 (3 صوت)

07-17-2013 06:26 PM
عرفناها الزحمة في المواصلات الجوامع شنو يا طير


#723780 [ود بارا]
2.32/5 (6 صوت)

07-17-2013 05:46 PM
استغرب ان يقوم هؤلاء الشباب بهذا العمل المشين ..فان كانوا يبحثوا عن البنات والنساء ( ان كان هنالك بنات حقيقيات عندنا بالسودان كاللواتى نشاهدهن فى القنوات الفضائية الاجنبية ) فهذا معروف ويمكن استيعابه فى النهاية هم مراهقين ( اعمارهم بين 17 و 19 ) ..ولكن الخرطوم الان اصبحت عبارة عن ماخور وبيت دعارة كبير من كل الاشكال والالوان. وبالذات داخل المكاتب الحكومية والبنوك .....فلماذا يفعلوها داخل المسجد ..؟؟؟


#723729 [الجمكسين قاتل الصراصير]
1.75/5 (5 صوت)

07-17-2013 04:05 PM
الناس العجيبين التحت ديل الشايفين إنه الموضوع ده نتاج للتربية والحكومة ماعندها دخل بيهو، بالغتو ياخ!

التربية شراكة، جزء منها بتقوم بيهو الأسرة .. وجزء المجتمع .. وجزء المدرسة .. وجزء الإعلام .. وغيرها، وكلها الحكومة عندها ضلع في خرابها.!!

الأسرة: أربابها مشغولين بي لم القريشات اليأكلوا بيها ويشربوا ويعلموا بيها عيالهم كنتاج للظروف الإقتصادية العجيبة اللي سببها الحكومة .. وعلي القول الشائع: زمان زول واحد بيفتح بيت فيهو ستة أنفار، حسي ستة أفراد أسرة شغالين ما بيقدروا يفتحوا بيت واااحد!!

المجتمع: بقى مشوه وبايظ لعدة أسباب، أولها فساد القادة والإنعكس في سلوك البقية، وآخرها الفصل الفظيع بين النساء والرجال الحاصل حسي ده والقطع الناشف الخلانا بقينا زي السعودية وأكعب .. الناس بقوا مهاويس جنسيين، وبرضو بسبب الحكومة ومشروعها (الحماري).

المدرسة: في داعي أكتب؟ ما أعتقد، فالتعليم أصابه ما أصابه بسبب السياسات التعليمية السيئة .. وزارة التربية والتعليم بقت ما بتربي، وولا بتعلم (لاحظوا للأخطاء الإملائية في كتابة الناس القاموا في وقت الإنقاذ دي) ..

الإعلام: برضو عبارة عن (بوق) للحكومة وبيخرب في أمخاخ الناس!

والسؤال الأهم سأله واحد من الإخوة تحت في رده على واحد من الناس البتشوف إنه الحكومة ما عندها دخل .. السؤال هو: "إنت سمعت كلام زي دا قبل حكومة الانقاذ؟"

أنا أرد! مافي كلام زي ده زمان.!! والمغالطني يسأل ليهو زول (كبير) في بيته!


#723704 [kafoury]
0.00/5 (0 صوت)

07-17-2013 03:32 PM
اين اصحاب الرؤية والاحلام من [اخوان] السودان ..نتمنى في خطبة الجمعة المقبلة يتحدث عصام البشير في موضوع اختلاط الغلمان بالنساء اثناء الصلاة في ظل المشروع الحضاري السوداني ...اما الاختلاط في مصر فتم اجازته من طرف اخوان مصر بساحة رابعة العدوية من باب ضرورة عودة مرسي ...وفي السودان كذلك لضرورة استمرار عمر البشير في الحكم سيبيحون كل شئ ,,,هذا اذا لم نسمع قريبا ان جبريل عليه السلام قد نزل بحي الكافوري حيث تجمع الكيزان في ابراجهم المشيدة وذلك على غرار الزيارة المفاجئة والمباركة لجبريل عليه السلام بمحيط رابعة العدوية لدعم ونصرة محمد مرسي واخوان مصر ؟؟؟


#723696 [واحد من الناس الاشراف]
4.25/5 (3 صوت)

07-17-2013 03:19 PM
دا تلفيق شنو افعال فاضحة ؟الكلاكلة وين؟ قيضوهم في ياتو قسم؟
دي اخبار في الجرائد التي اصبحت تهتم بالشتل


#723597 [جركان فاضى]
4.75/5 (4 صوت)

07-17-2013 01:04 PM
هذه من افعال الذين غذوا بالحرام حمانا الله واياكم....فمن غذى بالحرام يصبح ابن حرام ...والحرام فى البلد اصبح كتيييييييييييييييير


ردود على جركان فاضى
United States [ابويضل] 07-17-2013 02:54 PM
ديل زي القبضوهم في الشقق المفروشه وما شفنا ليهم محاكمه ولا مصادره للشقة ولا اي حاجه تلقاهم عيال الجماعة الطيبين


#723564 [مهمش]
5.00/5 (2 صوت)

07-17-2013 12:31 PM
شــــر البلية ما يضحـــك !!


#723541 [سحابات الهموم]
2.88/5 (7 صوت)

07-17-2013 12:10 PM
أخوانا الناقمين على الحكومة المفروض نكون واقعيين شويه يعني الحكومة تجي تربي لينا عيالنا ول قصدكم شنو؟دي مسؤليتنا نحن في المقام الأول.ما أظن في زول بحب المؤتمر الوطني غير الأرزقية والنفعيين لكن كمان مانتنصل من مسؤليتنا.دا قصور تربوي أسري في المقام الأول.


#723538 [بدرالسماء]
2.75/5 (6 صوت)

07-17-2013 12:04 PM
ما فهمت حاجة ، كدي وقّعوها لي ؟ كيف افعال فاضحة ؟


#723522 [المغبون]
1.00/5 (1 صوت)

07-17-2013 11:46 AM
لا حول و لا قوة إلا بالله

ها هو المشروع الحضاري و الله يجازي الكان سبب في ضياع البلد و ناسها


#723520 [سوداني يغلي]
2.75/5 (3 صوت)

07-17-2013 11:45 AM
اشك في هذا الكلام


#723502 [مردونا]
3.50/5 (2 صوت)

07-17-2013 11:27 AM
دى حكومة الانغاز تسمع العجب ولو دققت فى الاولاد الثلاثة تلقاهم اولاد من حكومة الانغاز لان دى تربيتهم وفى الخارج اعملو لينا سيدنا عثمان بن عفان وهم ما قا درين يعملو كنترول الى بيتهم 0


ردود على مردونا
[لبيب] 07-17-2013 01:26 PM
يا مرضونا مرضتنا مرض روح اتعلم املاء وانشاء وتعال اكتب

United States [فتوح] 07-17-2013 11:59 AM
أنت تقصد الألغاز والله الأنقاذ


#723489 [أأه يا بلد]
4.00/5 (1 صوت)

07-17-2013 11:13 AM
خلاص عرفنا دين الكيزان يشجع على ما بين الفخذين
طيب مافى مكان أخر غير المساجد وكمان فى اثناء أداء الصلاة
قلنا أفصلوا الدين من الدولة ليكون الأنسان مخير فى علاقته بربه


#723456 [فركتو]
2.50/5 (2 صوت)

07-17-2013 10:38 AM
هذا من اعمال المؤتمر الوطنى


#723455 [المتغرب الأبــدي]
0.00/5 (0 صوت)

07-17-2013 10:38 AM
دا هو جيل الثورة المنتظر ؟؟


#723439 [قهران من القرف]
2.00/5 (3 صوت)

07-17-2013 10:23 AM
الحكومة هنا دخلها شنو ياخي الناس مفروض يوم تقول الحقيقة ديل ماعندهم تربية ولا زرة من الاسلام في حد بعمل كدا وقت الصلاة وكمان في رمضان ديل مفروض يخلوهم عظه لغيرهم ويختوهم في ميدان عام


ردود على قهران من القرف
European Union [Kunta Kinte] 07-17-2013 03:12 PM
يا قهران الحكومة 24 سنة شغالة اعادة صياغة الانسان السودانى ودى النتيجة ، بعدين هم اهلهم قادرين يأكلوهم عشان يربوهم ، اهلم اول حاجة عايزين يحفظوهم من الموت جوعاً ....!!!

[mohamed] 07-17-2013 11:51 AM
انت سمعت كلام زي دا قبل حكومة الانقاذ
دا تربية الجبهة الاسلامية مية المية لأنهم بيجيدوا مثل هذه الافعال


#723431 [عصمتووف]
3.91/5 (6 صوت)

07-17-2013 10:18 AM
(17-19) سنة وضبطتهم يقفون في صفوف النساء الخلفية أثناء صلاة التراويح ويمارسون أفعالاً فاضحة،


بس عاوز اعرف وقفون في الصفوف الخلفية ويمارسون افعال فاضحة تجي كيف حدي فاهم حاجة وحتي لو بلغ السوء بالفردلا يمكن الجهر بها بحكم دخول المصليات اثناء الصلاة وهل مع المصليات ام مع بعض


ردود على عصمتووف
[freedomfighter] 07-17-2013 12:05 PM
يا خوى ديل بضربو المخدرات ديل باىظين و فى النهاية عورة مجتمعنا الحل شنو يخوانا القوانين؟الأسر دورا شنو؟ والله العظيم يا جماعة أنا أولادى الصغار لامن اقضى معاهم اربعة ساعات بكرة بقلدونى فى اى حاجة. غايتو رغم شوية الوسخ الفينا دا الا انو مافى شعب عفيف زينا.

[سحابات الهموم] 07-17-2013 11:39 AM
فعلا كلام منطقي جدا لأنومامعقول في وجود المصليات بغض النظر عن عددهن إنهن مايلاحظن الكلام ده ؟ الموضوع فيه نوع من التناقض.


#723421 [عبدالعظيم يوسف]
5.00/5 (1 صوت)

07-17-2013 10:06 AM
اللهم جنب بلادنا الفتنن والظواهر الدخيلة


#723411 [Rio]
2.50/5 (4 صوت)

07-17-2013 09:58 AM
واذا اصيب القوم في اخلاقهم فأقم المأتم والعويل ..


ردود على Rio
United States [nagatabuzaid] 07-17-2013 04:22 PM
يغنى السودان كلللللو يقم الماتم والعويل انت اظنك طولت من السودان عليك الله انزل

اجازة تعال شوف انت ستطلق العويل من وضع قدمك فى اول شارع ونادينى اطق الثكلى معاك

زمااان كنا انا وانت وكل سودانى وسودانية فى كل انحاء البلاد والحلال والاحياء كان سمعنا

ولا عرفنا ناس فلان عندهم زول بدخن ( البنقو ) او يتعاطاه بنبارى ببعيد من دربهم او جنب بيتهم

لكن الان حدث ولا حرج فالماتم والعويل يجب ان تقام فى كل ركن واشياء اخرى كثثثثثثثثيرة ويحى

عليك لبلادى


#723398 [alkaser]
2.25/5 (6 صوت)

07-17-2013 09:40 AM
وقد يكون كل الامر كزب وتلفيق من نسج وسناريو جهاز امن نظام الشواز الكيزان


ردود على alkaser
United States [الكوز المرتاح] 07-18-2013 01:22 AM
يا مرضونا مرضتنا مرض روح اتعلم املاء وانشاء وتعال اكتب


#723393 [محمد خليل]
4.50/5 (2 صوت)

07-17-2013 09:33 AM
هذا التصرف دخيل تماما على المجتمع السوداني الذي لا و لن يقبل مثل هذه التصرفات الصبيانية الغبية الوافدة الينا من دول الخليج مثلها مثل ظواهر أخري سلبية مثل ظاهرة التفحيط التي حاول ممارستها بعض الصبية الأغبياء فاقدي العقول و التربية و مثل هذه التصرفات الوافدة اذا لم تتعامل معها الحكومة بالحسم و الردع السريع، فإن المجتمع سوف يعالجها علاجا حاسما قد لا يرضي عنه هؤلاء الصبية و آبائهم، و الحمد لله مجتمعنا يربي من يحتاج الى التربية و لا ينتظر الحكومة لتتخذ ما يلزم.
أي رجولة و أي حياء عند هؤلاء الشبان الثلاثة الذين يرتدون أزياء نسائية ويؤدون صلاة التراويح مع النساء، ديل شكلهم أقرب الي النساء من الرجال و الله أعلم.


#723373 [mohamed]
4.50/5 (3 صوت)

07-17-2013 08:52 AM
حكومة المؤتمر الوطني ظل يزرع لمدة 24 عاما ثم اتي وقت الحصاد
مبروك يا الجبهة الاسلامية علي برنامجك


#723371 [مظفر سيد احمد عثمان]
3.00/5 (3 صوت)

07-17-2013 08:42 AM
سبحان الله العظيم ، هل وصل بنا الحال الى هذا المستوى ، هل ضاعت كل ثقافة الشعب السودانى واخلاقه وتبخرت فى ظل هذا العهد القبيح ، لطفك يارب ، لطفك يارب ، لطفك يارب ، لطفك يارب ، لطفك يارب


#723369 [محمد حبيب الله]
5.00/5 (5 صوت)

07-17-2013 08:33 AM
اعوذ بالله اعوذ بالله لكن السؤال الذى يطرح نفسه هلكان الشبان يتحرشون بالنساء ام ان هناك فتيات يتجاوبن مع ذذلك؟ انا انظن ان هناك بنات يتجاوبن مع اولئك الشبان وهن يذهبن الى المسجد لهذا الغرض فعلى المصليين التقصى من ذلك.....
الهم احفظنا وشبابنا من الفحشاء وياشباب هذا هو الشهر شهر توبة وغفران فلاداعى تضييع المفرة والعتق من النار. لاحولة ولاقوة الا بالله واعوذ بالله.


ردود على محمد حبيب الله
United States [الناصح] 07-17-2013 02:33 PM
قلت الحقيقة ى محمد حبيب اللة من البديهى والواضح ان هنالك بعض البنات يقمنا بنفس العمل مع الاولاد ومتفقين بى التلفونات واللة اعلم اللهم انى صائم لانو مافى ولد مهما كان صعلوك يجى يقيف جنب اى مرة مايعرفة ولا يعرف اسرتة ولايعرف نوع تربيتة ويمارس معاها حركات بطالة دا مافى بس هنالك ضوء اخضر من جهة اخرى

[mohamed] 07-17-2013 11:46 AM
علي المصلين التقصي لذلك
يعني قصدك بيوقفوا الشاب قبل دخول المسجد وتقول ليهو انت جاي تصلي واللا تتحرش بي بنات الناس



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة