الأخبار
أخبار السودان
خوفاً من صراع بين الإسلاميين على خلافته..البشير يعّد لخلافته تدريجياً بتعديل يأتي بـ «جيل جديد».
خوفاً من صراع بين الإسلاميين على خلافته..البشير يعّد لخلافته تدريجياً بتعديل يأتي بـ «جيل جديد».
خوفاً من صراع بين الإسلاميين على خلافته..البشير يعّد لخلافته تدريجياً بتعديل يأتي بـ «جيل جديد».


سيناريو التغيير ..البشير آخر المغادرين بدلاً من أن يكون أولهم،
07-22-2013 06:12 AM
الخرطوم - النور أحمد النور

كشف حزب المؤتمر الوطني الحاكم في السودان أنه يعتزم اجراء تعديل حكومي كبير يطاول الوجوه والسياسات والأفكار التي تدار بها الدولة، ورجح إعلان ذلك عقب عطلة عيد الفطر. وعلمت «الحياة» أن الرئيس السوداني عمر البشير طلب من أعضاء المكتب القيادي لحزبه في اجتماعه الأخير ترشيح وزراء للحقائب الحالية على ألا يزيد عمر المرشح عن 50 سنة بهدف تصعيد «جيل جديد» من القيادات، ووزع عليهم ورقة بيضاء لكتابة مرشحيهم، كما أبلغ مساعديه أنه يعتزم اجراء تعديل وزاري كبير.

وقال عضو المكتب القيادي للحزب الحاكم رئيس جهاز المخابرات السابق، قطبي المهدي، إن البشير سيعلن الوزارة الجديدة عقب عطلة عيد الفطر، مؤكداً أنه سيكون تعديلاً كبيراً. وأشار إلى أن الباب مفتوح أمام الأحزاب المعارضة للمشاركة في السلطة إذا رغبت في ذلك. كما قال المسؤول السياسي للحزب الحاكم في ولاية الخرطوم، نزار محجوب، إن التغييرات الوزارية ستشمل السياسات والوجوه والأفكار، مشيراً إلى وجود رغبة كبيرة من قيادة الدولة في إحداث تغيير كبير في أسلوب الحكم وشكله.

وكان رئيس «لجنة الأمن والدفاع» في البرلمان، محمد الحسن الأمين، قال قبل يومين أن التعديل الحكومي سيشمل مستويات الحكم كافة، بينما ترددت شائعات عن أن النائب الأول لرئيس الجمهورية علي عثمان محمد طه سيغادر موقعه إلى رئاسة البرلمان أو الرجل الثاني في الحزب. ومن المتوقع أيضاً أن يكون من أبرز المغادرين رئيس البرلمان، أحمد إبراهيم الطاهر ووزراء الدفاع الفريق عبد الرحيم حسين ووزير الخارجية علي كرتي والداخلية إبراهيم محمود، والمالية علي محمود والطاقة عوض الجاز. وغالبية هؤلاء أمضوا في المواقع الوزارية المختلفة أكثر من عقدين.

وقال الكاتب الصحافي محمد لطيف المقرب من الرئاسة وتربطه بالرئيس علاقة نسب، إن البشير يسعى إلى تغيير كبير، لكنه عدّل في سيناريو التغيير بحيث يكون هو آخر المغادرين بدلاً من أن يكون أولهم، وهو يرتب لخلافته وأن التعديل الحكومي المقبل يعتبر تمهيداً لذلك، خوفاً من وقوع أي صراع بين الإسلاميين على خلافته.

دار الحياة






تعليقات 67 | إهداء 0 | زيارات 24592

التعليقات
#728324 [كاكا]
0.00/5 (0 صوت)

07-23-2013 03:59 PM
يا خوانا انا عايزة اكتب اسمي في ورقة بيضا واديها للقشير ده انا خلاص تعبتا من المعاناة ...اطمنو ما بسرق كفاية علي ماهية الوزارة والعربات وفبلا الايجار والنثريات والسفر !جغمة واحدة من دا تنعشني انا الاصلي ما انتعشتا من خمسة وعشرين سنة واعزروني علي الاستعجال الخمسين قربت بالحيل ... العفو والعافية!


#727790 [انا المواطن]
0.00/5 (0 صوت)

07-23-2013 02:48 AM
الهدف الاساسى لاى حكومة هو خدمة الشعب وتوفير ضرورياته لتساعده فى عملية الانتاج وبزيادة الانتاج يحدث التطور وتوفير الضروريات للشعب يتطلب تكوين حكومة كفاءات بغض النظر عن الانتماءالسياسى كل حسب خبرته وكفاءته اما الشباب يمكن استيعابهم كمساعدى وزراء لاكتساب الخبرة هنالك بعض القيادات فى حزب المؤتمر الوطنى بالرغم من اختلافنا الحزبى ومعارضتنا له غير ان خبرتهمااسعفتهم فى تحقيق كثير من النجاحات التى انعكست ايجابا على احداث تطور فى البييات الاساسية التى تتطلبها التنمية ومن هؤلاء دون ذكر القاب /عوض الجاز /د نافع/ اسامة عبد الله / على محمود / الفريق عطا/على كرتى /اختلفنا او اتفقنا حيثما ذكر الانجاز فى عهد الانقاذ فى تصورى هم اساسه من اجل الوطن يمكن تشكيل حكومة من ذوى الخبرة والكفاءة باضافة اساتذة جامعات وموظفين وكفاءات حزبية من الاحزاب الاخرى بشرط ان لايزيد عدد الوزراء عن اربعة عشروزير انا شخصيا يمكنىى اعطاء خبرتى للعمل الوزارى بدون مرتب وعندها سيتحقق الانسجام السياسى ونتفرق للتنمية بشرط الابتعاد عن روشتة صندوق النقد الدولى واختيار الرجل المناسب فى المكان المناسب بغض النظر عن انتمائه السياسى.ليكون هدف الحكومة فى العام الاول المواطن المواطن المواطن بحل مشاكل المواطنين يزيد الانتاج وتنخفض الاسعار المسالة تحتاج لثورة اقتصادية فى جميع السياسات الحالية يمكن ان يقودها الرئيس البشيربدون ان يبذل اى مجهود فى ظل وجود تكنولوجيا المعلومات


#727777 [خالد حسن]
4.50/5 (2 صوت)

07-23-2013 01:40 AM
نحن مابناكل من الكلام ده .. 24 سنه من المذب والخداع والبشير اكبر كضاب ومابصدقه الاغبي
نحن عاوزين ديمقراطيتنا ولانرضي بغير ذلك .. ولن تنطلي علينا تغيير حاج احمد باحمد
نحن عاوزين مخاكمة كل من خطط وشارك في انقلاب الكيزان وكل من شاركهم الحكم طوال سنينهم العجاف
القصاص واجب وطني
ولن نعفو او نصفح
وانتهي الدرس ياكوز يادجال


#727769 [المقهورة]
0.00/5 (0 صوت)

07-23-2013 01:19 AM
إن شاء الله يتغير نظامكم قبل تغيير الوزراء المرتقب.


#727740 [gogog]
0.00/5 (0 صوت)

07-23-2013 12:31 AM
المهم المنهج وليس تغيير الوجوه


#727732 [ابو محمد]
0.00/5 (0 صوت)

07-23-2013 12:20 AM
وأشار إلى أن الباب مفتوح أمام الأحزاب المعارضة للمشاركة في السلطة إذا رغبت في ذلك.

تقول ونكرر القول ان هؤلاء القوم منفصلون عن الواقع تماما ولا يرون ابعد من مواقع اقدامهم ان كانوا يبصرون!! فاكرين السودان عزبة تم توريثها لهم ولا تجوز الملكية الا لمن كان من جماعة الكيزان!! والمضحك المبكي قوله ان الباب مفتوح لمن يرغب في المشاركة!! الا يوجد طبيب نفساني يشخص علة هؤلاء القوم؟؟


#727723 [وليد ذو الفقار]
0.00/5 (0 صوت)

07-23-2013 12:01 AM
والله يشيلو ما يشيلو الحكومه فاسده


#727711 [إسماعيل البشارى زين العابدين]
0.00/5 (0 صوت)

07-22-2013 11:32 PM
خوفا من صراع الإسلامببن على خلافته !!!!!!!!!!!!!!!كيف يكونوا إسلاميين ويتصارعون من أجل السلطه؟؟؟قد يقترف الشخص إثما إن هو ربط بين قوم يتصارعون على السلطه والإسلام !!!أين الورع والزهد والتقوى والإيثار ؟؟؟هل هم حقا مسلمون ؟؟ كيف ولماذا ومن أجل ماذا يتصارعون؟؟؟؟؟؟؟؟؟؟ الإسلام ييييييييييييييي نننن!!!


#727669 [AburishA]
5.00/5 (1 صوت)

07-22-2013 10:39 PM
الأفضل أن تغادروا بكرامتكم اذا عندكم كرامة!!! خلاااااااص Game Over


#727659 [cour]
0.00/5 (0 صوت)

07-22-2013 10:25 PM
يارب مغادرتهم الى لاهاى لخبطة فاتو للجاز واوكامبو لسامية احمد محمد


#727617 [المر]
0.00/5 (0 صوت)

07-22-2013 09:33 PM
رد على هذا المدعو صارم يتار


بالله انت فرقك شنو من الخال الطبيب مصطفى وابن اخته وهذه الشزرمه جلابة شنو يامريض نحنا يهمنا كيف يحكم السودان لا يهمنا من يحكم عايزين رجال دولة بقامة الوطن شرق غرب وسط شمال الجنوب الجديد كلهم ابناء السودان يا ناقص حقدك الذى تحمله بين جوانحك لا يقل خطورة على الوطن من الحروب الدائرة بل هو وسببها ووقودها العالم حولك يتحد ويتكتل وطرحوا هذه الامراض والاحقاد البائدة وتقدم انسانيا تقوقع فى عقدتك هذه حتى يقضى عليك حقدك ويتعافى الوطن منك ومن امثالك


#727589 [Rebel]
0.00/5 (0 صوت)

07-22-2013 09:04 PM
* كلما اقرا مثل هذا الهراء، كل يوم تتاكد قناعتى بضرورة الثوره المسلحه لكنس العفن و القاذورات من مجتمعنا المسالم.


#727545 [Mohammed Ahmed Mustafa]
0.00/5 (0 صوت)

07-22-2013 07:26 PM
They are the same. Only the faces are changed but the same policy is still there. Aren't they from the same Party which ruled Sudan for about 25 years till now. Don't forget that I tell you and you will see that if doesn't get worst. These people their policy is the same allover the world. We shall live to see


#727523 [ركابي]
4.86/5 (10 صوت)

07-22-2013 06:24 PM
نحنا ما بقينا شعب محترم نحنا 40مليون عبد بيبيعوا ويشتروا فيهم شوية رعاع زي الكيزان ....الاسمو البشير ده امو داعيه ليهو لانو بغبائو وخولنتو دي حكمنا 24سنة ولسة عايز يباصيها لناس اعمارها في الاربعينات عشان الساقية الكيزانية الجهنمية تفضل مدورة للابد


#727519 [واحد]
0.00/5 (0 صوت)

07-22-2013 06:14 PM
يغادر غير مأسوف عليه ذو الوجه الاسود
علي عثمان الذي اسود وجهه = وهو يملك قلبآ ملئ بالحقد والشر = مرشح للمغادره حيث يحمله البشير سوء مألات نيفاشا و كذلك يحمله قدر كبير من اخطاء وخطايا دارفور وبعد ما حدث في مصر فان ذهابه صار ضرورة ملحه فهو مدبر عملية اديس ابابا والتي ادت للتأزيم في العلاقه بين السودان ومصر .


ردود على واحد
United States [gogog] 07-22-2013 10:39 PM
يا واحد القال ليك الرجل مغادر منو؟! دا ماشي رئيس للبرلمان وقارن أيهما أعلي مكانة دستوريا نائب الرئيس أم رئيس البرلمان ؟ وهل دا تصعيد لأعلي أم لا؟!؟


#727509 [mohnd hema]
5.00/5 (1 صوت)

07-22-2013 05:32 PM
يا البشير كرهتنا و طلعت عينا والله تبقى فيك حكاية القزافى والبلد مليانا عيدان طلح كمان استغفر الله اللهم انى صاىم


#727446 [صارم بتار]
2.00/5 (3 صوت)

07-22-2013 03:43 PM
يا شمالي السودان. وبعد أن يسقط النظام المفلس (المتعفن) الجلابي البغيض العنصري… وهو ساقط حتماً وفعلاً. من سيحكم السودان؟ بل وكيف سيحكم؟ إن أولئك النفر من الشرفاء : د. جون قرنق دي مبيور، مهندس. داؤد يحيي بولاد و د خليل ابراهيم وبقية المقاتلين الأبطال الذين دفعوا ارواحهم ودماءهم رخيصة من أجل استرداد كرمتنا وأنسانيتنا من دولة الظلم دولة أبناء أقلية الجلابة العنصرية، لم يفعلوا ذلك ليحكم هؤلاء الجلابة مرة أخرى ومن خلف ستار. هل عرفتم البديل الان يا شماليي السودان؟
يا شماليي السودان… في اللحظة التي تظنون فيها أنكم ربما تخلصتم من تبعة الأفريقانية بعد انفصال جنوب السودان، وأنكم على أعتاب دولة عروبية نقية… سوف تأتي الأحداث لتثبت لكم أنكم لا تزالون تخضعون للمعايير الأفريقية للتغيير وليس المعايير العروبية. فالتغيير حتمي وقادم… تلوح نذره في الأفق القريب… وهو اقتلاع النظام الحاكم واقتلاع مؤسسة الدولة معاً.. بأيدي الحركات المسلحة في السودان ..وليس بأيدي الأحزاب الهالكة اللاهثة وراء السلطة والجاه في السودان للحصول عليهما بأقصر الطرق وأرخص التكاليف. وهو ما لن يفلحوا فيه مرة أخرى وللأبد.
قد هذا حدث في تشاد وأفريقيا الوسطى والكونغو الديمقراطية ورواندا وبوروندي وأوغندا وإثيوبيا وإريتريا والصومال، وسيحدث في السودان! نتاج ما زرعتم ..فمن يزرع الشوك لا يجني العنب ..ومن يزرع الريح يحصد العاصفة.


ردود على صارم بتار
[فهامة بس لي مامه ليه انا دايما راجي غيري يجيب ا!!!] 07-25-2013 05:56 PM
كلامك عن الجلابة كانما مني اركو وحاج ادم لم يرفلو في النعيم ويسكنوا الفخيم ويتاجروا في الشعب الكليم!!! لعبة كراسي ومصالح تعال شوف اولاد جماعتك ابان كضوم مليانه ودولاارات تريانه ساكنين عمارات واباتم مشبعننه كلام عن الجبخانه!!!! وله ات ماجايب خبر الدولاارات البتصب من الغرب للخرطوم لاولاد ابان كضوم ومدارس الكنبوني وعرابات اكسي قوم!!!!! ماتبقي وهم خليك معا الشعب الكليم ضد تحار السياسه والحرب اللئيم لافرق بين عرمان وركو واي ***** من الكيزان!!!!

[osman] 07-22-2013 11:15 PM
ردك تفوووح منه رائحة عنصررريه بغيضة .... لااملك الا ان اقووول لك انت مامختلف في الفهم من ناس المؤتمر الوطني طينتكم وااااحده ياجااااااهل

United States [ابو محمد] 07-22-2013 11:05 PM
الى الاخ صارم بتار
رمضان كريم
هل تعتقد ان الجماعة الحاكمة هي من الجلابة!! لأن اكثر من 85% من الكيزان من غير الجلابة!! وما هو الفرق بينك وبينهم؟ انها نفس النظرة الاحادية العنصرية البغيضة ونظرتك ضيقة لانها تزكي عرقا على اعراق اخرى متعايشة منذ الاف السنين في سلام وتاخي وتازر تشهد به العلاقات والمناسبات في كل احياء مدن السودان فرحا وترحا !!ويتكون منها ما نعرفه بالوطن السودان!! ونظرة الجماعة هي عنصرة الفكر والتوجه والتبعية فانت تريدها حربا اهلية واستعمارا قبليا!! وعلى اساس عنصري ضيق!! كما ارادوها حربا على كل السودانيين وارجو ان تشير الى قبيلة او عرق لم يتاذي من الكيزان حتى من تصفهم بالجلابة!! والمشكلة تتلخص فيما قاله المتنبي:
ولم ار في عيوب الناس نقصا
كعجز القادرين على التمـــــام
أتريد استبدال فاسد بكاسد ام تظن ان اهل السودان ما زالوا يركنون للمسميات الجاهلية الجلابة وما اليه من مسميات اكل الدهر عليها وشرب ولنا في الولايات المتحدة الامريكية مثالا يعلي صفة المواطنة على العرق والاصل والمنشأ طالما انت تحمل جوازا امريكيا فانت مواطن لك حقوق دستورية لا يستطيع ان يمسها ولا رئيس الجمهورية!! وانظر كم جنس وعرق تتكون منه الولايات المتحدة ورغم هذا سادت العالم واصبحت الدولة العظمى الكبرى والوحيدة وذلك بسيادة القانون على الجميع وليس بسيادة الاجناس والاعراق!! نحن نريد دولة القانون والعدل والمساواة لا دولة الاعراق والاجناس فقد فصل الله سبحانه وتعالى في هذه القضية بالقول الحق : ) يأيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير (وبناء الوطن يحتاج الى نكران ذات وتقديم المصلحة العامة على المصلحة الخاصة (وهذا ما لم يفعله الكيزان ولن يفعلوه) ومن نظر نظرتهم الضيقة لان توجهاتهم مبنية على اسقاطات نفسية اول من يكتوي بنارها الحقيقية هو مشعلها وهذه ما يجري على ارض الواقع والله من وراء القصد!!

United States [الانقاذ قد دنا عذابها] 07-22-2013 07:33 PM
سيسقط هذا النظام حتما ياصارم ياماك بتار وسيحكم ابناؤه انشاءالله سواء ان كانوا جلابه كما قلت او غرابه او خلافه فهم ابناؤه سواء ان كانوا من شماله او جنوب شماله او شرقه او غربه فهم كلهم ابناؤه ولن يحكمه دينكاوي او نويري حاقد او من شابههم .انتوا صاح اتفصلتوا ولكن لا زلتم مقهورين ومهيونيين ومذلوليين بواسطة اهلكم وكان اخير ليكم الجلابه وانتوا مامبتعرفوا انتفاضه او ثوره لانكم غنم ساكت اما نحن فشعب عريق وواعي ويخبر الثورات وسنطيح بهذا النظام وسناتي بابنائه وليس سيلفاكير او باقان اموم واشباههم

United States [مستغرب] 07-22-2013 07:07 PM
السيد: الصارم البنار , والله انت في حال من الاحوال ما احسن من هؤلاء المؤتمرجية لانك عنصري وبغيض والا كيف تحكم علي منطقة جغرافية كاملة بممارسات اشخاص معدودين ,اتق الله يا اخي-علي فكرة انا غرباوي اصلا وفصلا

European Union [KHALID] 07-22-2013 06:42 PM
حدد يا أخ ! انت بتتكلم عن نظام ظلم الجميع واللا قاصد كل الشمال ؟؟ لو الأولى بعذرك ، ولو التانيه أرعى بقيدك .


#727432 [وطنى انا انا وطنى]
5.00/5 (4 صوت)

07-22-2013 03:28 PM
ياخى قديتونا قد ربنا ياخدكم الليله قبل بكره وان غدا لناظره قريب وغدا تشرق شمس الحريه


#727405 [عبد المنعم احمد]
5.00/5 (4 صوت)

07-22-2013 02:44 PM
سيان للشعب السوداني اذا قادر البشير اولا او اخيرا. فهو اضعف رئيس يمر على السودان بعد الصادق المهدي((وهذا بناء على اعترافه شخصيا بعد المفاصلة في العام1998 بعد ابعاد الترابي حيث ذكر حرفيا انه كان لايعلم ما كان يحصل في البلد. وهو الرئيس الوحيد الذي فرّط في السودان شماله وجنوبه واهدى المصريين حلايب وشلاتين عملا بنصيحة صدام حسين حيث قال صدام حسين للبشير ((اذا دخل المصريون بورتسودان لاتتحرك ناهيك عن حلايب وشلاتين )) نحن يا سادة شعب خنوع كما تدعي قيادات المؤتمر الوطني . شعب اذا اجعته طاع وذا ضربته انحنى . وبدأنا نشك ان هذا الشعب فجّر ثورتين من قبل( اكتوبر وابريل ) فهل هنالك حقيقة غير ماذكرت ؟


#727371 [محمد علي]
5.00/5 (1 صوت)

07-22-2013 02:09 PM
الاسد النتر لسع طفل يعني ما نط 50 حراااااااااااااام روح انت ياخ ريحنا


#727366 [موسى محمد]
4.00/5 (5 صوت)

07-22-2013 02:02 PM
أحسن ديل لأنهم شبعوا وشغالين تحلية، حيجوكم واحدين جدد كرت وسعرانين سعر الكلاب حيقرضوا الأخضر واليابس.


ردود على موسى محمد
United States [الانقاذ قد دنا عذابها] 07-22-2013 07:35 PM
هو فضل فيها اخضر او يابس


#727342 [مدحت عروة]
5.00/5 (1 صوت)

07-22-2013 01:40 PM
انحنا عايزين تغيير النظام السياسى الحاكم السودان 24 سنة وليس تغيير الطاقم بشباب او غيره!!!!!
عقلية ونظام الانقاذ او الاسلامويين اثبتت فشلها فى ادارة السودان ومزقته ارضا وشعبا وبقت اى دولة تحتل اراضيه نظام الانقاذ ما شغال بيها شغلة بس شغلته كلها قصاد المعارضة سلمية او مسلحة بدل ما يقننها من خلال تراضى وتوافق قومى فى دستور وقانون متوافق عليهما وبعد داك الخلاف بيكون سلمى والاحتكام للشعب!!!!
اما فرض توجه الحركة الاسلاموية على الامة السودانية والله البلد ما تستقر ولو جبتوا طاقم من اعمار كم وعشرين سنة ومهما غيرتوا وبدلتوا فى الوجوه!!!!!!!!!
والله الذى لا اله غيره انه الانقاذ او الحركة الاسلاموية مافيها زول واحد بيفهم فى السياسة وادارة الدول والتنوع ولا هم ما هاميهم السودان اصلا وفى كلا الحالتين مفروض يسقطوا اليوم قبل غدا والا ما ح يكون فى سودان ذاته!!!!!!!


#727332 [انصاري]
5.00/5 (2 صوت)

07-22-2013 01:28 PM
التغيير رأس الحية وبالثوريه.


#727304 [عادل الامين]
5.00/5 (3 صوت)

07-22-2013 01:11 PM
هناك فرق جذري بين التغيير واعادة التدوير المخيمة على السودان من 1956 ومع -نفس الناس-
اي تغيير لا يتم عبر الشعب والانتخابات ونيفاشا والدستور بتاع 2005 عبارة عن عملية تجميل وشد جلد ليس الا
وتاني نعيد
التغيير يتم عبر خارطة طريق واضحة ومعروفة لجميع الشعب وليس نسنسة غرف مظلمة ومؤامرات وكمونية اخوان مسلمين في مرحلة ومن نعمره ننكسه في الخلق..
يبداء
1- اعتماد نيفاشا ودستور 2005 مرجعية
2- تفعيل المحكمة الدستورية العليا بقضاة قوميين غير حزبيين
3- تفعيل المفوضية العليا بموظفين قوميين غير حزبيين
4- تفعيل اتفاقية نافع /عقار والقرار 2046 وتنزيلها اعلاميا لمستوى الشعب
5- الاعتراف بالحركة الشعبية شمال واطلاق الحريات العامة والاحزاب الاخرى لعمل الحر
اجراء انتخابات ثلاث خطوات
1- استعادة الاقاليم الخمسة القديمة وجراء انتخابات للبطاقات 9و10و11و12 اولا ويكون عندنا حكومات اقليمية وحاكم اقليم بردجة نائب رئيس-نفس صلاحيات حكومة جنوب السودان قبل الانفصال-
2- ترك امر الولايات والغاؤها للمشورة الشعبية في كل اقليم
اجراء انتخابات برلمانية مركزية بعد ثلاث شهور من انتخابات الاقاليم
3- اجراء انتخابات راسية حرة في يناير 2014
وبذلك يتغير السودان فعلا وعبر ثورة دستورية حقيقية


ردود على عادل الامين
United States [nagatabuzaid] 07-22-2013 04:30 PM
تسلم البطن الجابتك وان شالله قلمك ما ينكسر ده الكلام التمام فى رايى وبعدك ما حاعلق

(بس بصراحة انا الحركة الشعبية بتاعت عرمان ما بحبها ) وده رايى الشخصى ومافى اى واحد

ينط لى ويتفلسف على


#727296 [انسي وعيش]
5.00/5 (1 صوت)

07-22-2013 01:03 PM
الله. اتو. ضهب. بس. زول شغال بيكن. مافي. وسخ
شعب. 24
سنه
جايين
بكره.
بعد بكره. قديتونا
قده
عف
لسانكن
عن الخرافة
ألتو فيها
كلكن
شعب بدون
ارادة
شباب
عفن
كلكن. كسالة
ما تجي. تقول. لي بكرة. الثورة. جايه
ده كلام. فاضي
السوداننين
شبعو. ثورات. ويخطفوها منهن
ما في. ثورة
البرنامج معد وجاهز. السودان. يبقي دويلات.
كان قبل .فترة. اصلا. غير دويلات. ما يصلح

من الله حلق البلد دي
اربعة فيئات. اوخمسة
في. السلطة
القشرانيين
علي راسن. الترابي
سبب التوالي
الاسياد
الشركييين
والجيش انتهي اسي
شوفو.
يا عفن
ما يجيني
واحد
يقول لي
في سودان
في افريقيا
انتهي باباح
اكلو. التمساح


ردود على انسي وعيش
United States [التويجري] 07-22-2013 11:14 PM
انت بتخاطب منو بي نون النسوة.وده كلام شنو ده الشعب عفن ياخ حرام عليك الشعب السوداني شعب طيب وبسيط والفئة الحاكمة استغلت النقطة دي جوعت المواطن وخلت الواحد مشغول بي لقمة العيش يعني رزق اليوم باليوم.بس ده مامعناها الشعب ماطلع جبان وعفن زي مابتقول الشعب السوداني من اشجع الشعوب شوف الصينيين لي بحترمو السودان لس هسة عارف لشنو؟عشان نحنا قتانا غردون بي سنوننا والصين كانت متطورة اكتر مننا وماقدرو علي غردون ده بالنسبة للتاريخ.والحاضر افضل اخلاق وشهامة ومرؤة فضلت في الشعوب الشعب السوداني في الترتيب الأول.اسال الناس المهاجرة لو ماهاجرت.وبعدين انت لو محبط دي مشكلتك والسودان ماحاينتهي لانة فيهو لسة باقي اخلاق.وملنا في ربنا كبير.


#727257 [أأه يا بلد]
5.00/5 (5 صوت)

07-22-2013 12:25 PM
الكيزان يحاولون تفادى الرياح العاتية الهابة عليهم
الكيزان لا يقبلون المشاركة فى جمعية صغيرة دعك عن حكم
الكيزان حان وقت إقتلاعهم ولكن يجب أن تكون هناك حكومة ظل لها
أجندة واضحة يعرفها كل الشعب


#727254 [Hassan Alamin]
5.00/5 (4 صوت)

07-22-2013 12:21 PM
The constitution of 1956 amended to the last constituent assmbly inacting and should be enforced from the June 30, 1989 to the end of this regime , any action taken from that date void however since any action taken from that date is void then no one care about the change in the regime . .


#727244 [احمد]
5.00/5 (7 صوت)

07-22-2013 12:14 PM
التغيير الحقيقي هو الذي يجئ عن طريق الشعب.


#727222 [كريم الطيناوي]
5.00/5 (2 صوت)

07-22-2013 11:54 AM
كل سنة تشكيل وزاري الجديد . خلاص ما شبعنا


#727195 [nega]
0.00/5 (0 صوت)

07-22-2013 11:37 AM
سير سير يـــــــــــــــــابشير
والباقى تمـــــــــــــو خيال
زى ما قالوا ناسكك حمير وسلاحهم خشب
الحمار اسهل فى القيادة والخشب ما بعور
بـــــــــــــــس كربوا سرج الفارس
عشان....تموا خبــــــــــــــــــال


#727174 [كبسور]
4.44/5 (5 صوت)

07-22-2013 11:22 AM
والمتعافــــــــــــى ؟

لايشيلوا حادث طياره
ولا تعديل وزاره ؟


#727160 [صارم بتار]
5.00/5 (2 صوت)

07-22-2013 11:10 AM
((استحالة رحيل النظام عبر الثورة بإعتبار انه حزب يستند على الشعب السوداني))؟؟!!!!!
المتغطي بالشعب السوداني (عريان)... وإن غداً لقريب.. إيها المنافقون الأنجاس.. سوف ترون ما لم يراه القذافي وعصابته... غداً تشرف شمس السودان الجديد.. سودان خالي عروبة وخالي دين...


ردود على صارم بتار
United States [جاكوبي] 07-22-2013 02:42 PM
قلت شنو ؟ خالي ايه ؟
هذه اوهامكم التي جعلت الانقاذ تجثو فوق صدورنا 24 عاما.... من اين اتيتم ايها السكارى المخبولين ... اتريدون ان تنتزعوا من غالبية الشعب المسلم دينهم ؟ اتريدون ان تقتلوا وتحرقوا مساكن اهليكم باسم السودان الجديد ؟ خالي عروبة وخالي دين ؟ العروبة عرفناها ما ذنب الدين ... واي دين تعني ؟ الاسلام ؟ المسيحية ؟ ام الديانات الاخرى المنتشرة في اصقاع السودان ؟ .. انكم بدعوتكم هذه لا تقلون ابداً من اهل الانقاذ في شيء ... عدم الاعتراف بالآخر .. وعدم الاعتراف بالتنوع الثقافي والاثني وهو المكون الاساسي للسودان الفضل ...
بطرحكم السطحي هذا لم ولن تجدوا من يتبعكم او حتى يصفق لكم ... من هذا الشعب العظيم المبتلى من حكومة لا تشعر بالمواطن وحثالة تسمي نفسها معارضة لا تعرف قيم واخلاق ومكونات هذا الشعب العظيم ...


#727118 [محمدأقداوي]
5.00/5 (5 صوت)

07-22-2013 10:35 AM
الفساااااااااد، الفسااااااااااد،الفساااااااااد، الفسااااااااااد،الفساااااااااد، الفساااااااااد، الفسااااااااااد،الفسااااااااااد،الفساااااااااد، الفسااااااااااد،
هل له علاج؟


#727113 [بعشوم]
5.00/5 (3 صوت)

07-22-2013 10:32 AM
البشير اكبر كذاب ومراوغ عرفه التاريخ ... دي كلها مناورات وحركات يفرز بيها الكيمان


#727111 [الكلام الجد]
5.00/5 (1 صوت)

07-22-2013 10:31 AM
ارسلت قبل دقائق قليله مقال بعنوان (فلتبداء انتفاضه النيل) با لرقم 69 نرجوء الافاده حوله


#727105 [لبنه الطاهر]
5.00/5 (1 صوت)

07-22-2013 10:26 AM
غورو بلا ياخدكم كلكم×لاخيرفى هذا ولا زاك والله يستر من الجفاف بسبب اعمالكم ونشوف كضبه المخزون الاستراتيجى
وبعدها قيامتكم بتقوم يا.............!


#727096 [جارسيفو]
4.99/5 (7 صوت)

07-22-2013 10:19 AM
كل تعديل الان لا يفيد لكن اهلنا قالوا الغرقان بتعلق بالقشة التغير سوف يتم غصبا عنكم وسوف تذهبون غير ماسوف عليكم الي مزبلة التاريخ واسواء تاريخ حكم في السودان والعالم هو تاريخ حكمكم كله خداع ونفاق وفساد وزيف تدعون الاسلام والدولة الاسلامية وانتم من ضيع الشعب وسرق قوته ودمر اخلاقه وصحته واجياله يا دولة الرقص والغناء وقال رب البيت ( يوم لقلبك ويوم لربك ) واذا كان رب البيت للدف ضارب ما شيمة اهل البيت غير الرقص والطرب ونحن نحمد الله ان رئيسنا زاته رقاص بعد اربعة وعشرون عاما ومكانك سر يا السودان عديناها كلها مؤتمرات وعرس شهيد واخوات نسيبة ودولة خلافة اسلامية ونفاق وفساد وقصور والله بعد التغير المشنقة حاتكون في ميدان ابو جنزير ولازم من وضع قانون لاجتثاث المنافقين الفاسدين المعفنيين ديل اكلوا وسرقوا ونهبوا وبنوا القصور الشامخات لكن بعدين كلها سوف تنزع للصالح العام وكلكم سوف تحاسبوا علي فلوس البترول
24عام التعليم انتهى وتدمر تماما اخلاق الشعب انتهت الصحة انتهت الاقتصاد انتهى وحدة البلد انتهت بفصل الجنوب تفشت الرزيلة والجريمة من نوع اخر ظهر جيل لا يعرف الا الموضة والسستم وحلاقات شيطان في المطاروملابس فاضحة واخلاق منحطه وملابس ما عارف كاشف رقم ووريني مكنتك ومشاكل كلها بسبب حكومة المنافقين الفاسدين المتدثرين بالدين والان الدرب راح ليهم في الموية


#727093 [كوكاب]
5.00/5 (4 صوت)

07-22-2013 10:16 AM
الناس ديل 24 سنة مبرشمين في الوزارات دي التقول بيوت ابهاتم وبشبش قال والله الناس ديل مابيشبعو من اللهط زي جهنم عندما تسال هل امتلات تقول هل من مزيد وعشان كده نحنا عايزين ندي فرص لهط جديدة للشباب .وبعد مالكم جايبين لينا المرافعيين الاثنين ديل من الصباح والدنيا رمضان والبطن فاضية ؟بالله تاملو في وجوه هذان المجرمان ترى في وجوههم كل خبث الدنيا وكل اجرام الدنيا وكل عفن ونتانة الدنيا .


#727088 [جمال عبدالقادر]
5.00/5 (6 صوت)

07-22-2013 10:14 AM
وزير لعقدين من الزمان في وزارة واحدة؟
دا كلام؟
هل عدمت رحم حواء من ان تنجب وزراء؟


#727078 [Sabir]
5.00/5 (4 صوت)

07-22-2013 10:03 AM
وما فائدة التغيير الوزاري, أو الوجوه طالما العطب باق؟ الفكر ثم الوجوه


#727067 [Amjad Ibrahim]
5.00/5 (4 صوت)

07-22-2013 09:57 AM
أي تغيير ديكوري سيؤدي إلى اطالة هذه المهزلة
مش كفاية ربع قرن في العيد سينقفل بلف البترول
و سينفتح قفل التضخم، الدولار سيصل إلى 100 جنيه
خلال اشهر بسيطة

الله يكون في عون الناس


#727055 [محمد احمد الحورى]
5.00/5 (2 صوت)

07-22-2013 09:49 AM
يعنى تاااااااااااانى دايرين يجربوا نظريه جديده الله يكون فى عونك يا بلد ..!!


#727033 [abo qusi]
5.00/5 (1 صوت)

07-22-2013 09:36 AM
بسم الله وباسم الوطن والله اكبر الحمد لله الذي هدانا لهذا ونسأل الله ان يجعله تغير خير ورحمه ولا بد من محاكمه المختلسين لا بد من محاكمة السارقين لا بد من معرفة هؤلاء حتي الان نسمع سوف يقدموا للعداله ولكن للاسف لم نري اي شئ وكذلك لابد من تغير وزير العدل كذلك والله من وراء القصد شهيد


#727032 [AHMEDJALAL]
5.00/5 (3 صوت)

07-22-2013 09:36 AM
ابن الفار حفار حزب الموتمر الوطني وصل مرحلة الافلاس السياسي وماعندهم حاجه يقدموها لبلدغير مزيدمن الدماء والتردي في جميع مناحي الحياة لاخير في كبيرهم ولاصغيرهم كلهم سفلة وحرامية قاتلهم الله جميعا


#727024 [osama dai elnaiem]
3.00/5 (4 صوت)

07-22-2013 09:30 AM
كلهم حيطلعوا شهادات تسنين----- بالله اختار لك معيار اخر غير السن مثل عدم شغل منصب وزاري من قبل وتختار للخارجية د. كامل ادريس وللمياه د. سلمان من مليزيا وهكذا تنطلق في اختيار ( القوي الامين) لقلب معادلة التمكين ولك خير مثال في اوباما الذي سبق ان اختار وزير دفاعه من الحزب المنافس.


#727020 [الجمبلق]
5.00/5 (1 صوت)

07-22-2013 09:26 AM
يعنى نحن بس نقعد للكيزان ديل يقلبو فينا يمين وشمال زى ورق الكتشينة والله عيب على الشعب السودانى اللماقادر يشيل ليه شوية شرزذمة. الله يرحمكم يا جيل اكتوبر وابريل نحن خلاص انتهينا.


#727017 [قوش بيش]
5.00/5 (3 صوت)

07-22-2013 09:24 AM
محاولة جديدة لتمديد حكم المؤتمر الوطنى الفاشل


#727000 [مصعب طه علي]
4.94/5 (9 صوت)

07-22-2013 09:04 AM
واهم من يظن ان التغيير سياتي عبر بوابة الصراعات والانشقاقات داخل الحزب الوطني
فأمبراطوريات الفساد التي عشعشت لربع قرن لن تسمح بالتغيير
والذين اتو من القاع ومن حضيض المجتمع
والذين اتو الي السلطة بشنطة الحديد والدمورية المرقعة
لن يخرجو الا باقتلاعهم
ان الذين كانو نسياً منسيا قبل الانقاذ
والذين مكنت لهم الانقاذ حتي امسكو بخناق الشعب السوداني اقتصادياً وسياسياً وساموه سوء العذاب

لن يعودوا الي ما قبل الانقاذ الابعد ان يسيل الدم الي الركب
كما قال احدهم
والحقوق التي استلبوها قبل ربع قرن من الزمان اصبحت لهم ملك يمين ومن الصعب ان يتنازلو عنهابل اصبحوا يتبارون في اغراق السوق السودانية بمنتجات صينية ردئية التصنيع رخيصة السعر
للقضاء علي الصناعة الوطنية بل وتشجيع الافراد المستوردين من اتباع العصابة
وازيالها الذين يمسكون بخناق الاقتصاد السوداني
خصوصاً وان النظام منذ مجئه مكن لأتباعه وعمل علي ان ينفرد اتباعه بالحياة الاقتصادية فجعلوا اعزة اهل البلاد ازلاء
فغابت اسر كانت مل السمع والبصر وتوارت عن الانظار عشائر عرفت بصناعة كذا واخري بزراعة كذا
وفي المقابل ظهر نبت شيطاني عديم الخلق والاخلاق وهي طحالب وطفيليات مكنت لها الانقاذ حتي اصبحت هذه الطفيليات عصي الانقاذ التي تهش بها علي ضعاف الشعب السوداني !
وكان غياب السكك الحديدية وغياب طرق النقل للانتاج

متي تدرك جموع الشعب السوداني وقوي المعارضة ان لا ملجأ من الثورة الا اليها


ردود على مصعب طه علي
[عبد الهادى مطر] 07-22-2013 12:59 PM
يشهد الله ما قلت الا الحقيقة لكن المنافقين اللى هارينا هرى بالانتفاضة والمظاهرات هم على ما يبدوا لا يريدون اى تغيير لهذا النظام الذى لا يمكن ازاحته الا بنفس السلاح الذى يستخدمونه منذ 24 سنة.التغيير لازم يطال جميع ال المهدى وال المرغنى وجميع الاحزاب التى تاجرت ومازالت تتاجر باسم الدين فهى سبب كل البلاوى السابقة والحالية وحتى لا نقع فى نفس المستنقع يجب ازالتهم من الوجود وللابد.


#726998 [alkaser]
5.00/5 (4 صوت)

07-22-2013 09:04 AM
نتمني ان تاخدكم طامة كبري قبل ان يخلص رمضان ويبقي عيدتا عيدين


#726975 [كوز كنافه]
5.00/5 (3 صوت)

07-22-2013 08:37 AM
مش الجاي كوز مافي فائدة اهو كله احمد وحاج احمد


#726960 [المتجهجه بسبب الانفصال]
5.00/5 (5 صوت)

07-22-2013 08:19 AM
لو دايرين (( وزير لشئون تنزيل الدولار من المية للمليار) نحن جاهزين مع كمية كبيرة من الزئبق الاحمر ،،، مع سياسات مفصلة على مقاسكم من حيث البطن التي لا تشبع والعين التي لا يملاها التراب وقشة مرة ما تعتر ليك في جمع المال ،،، وزارة تنزيل الدولار من المية للمليار هي الحل الامثل لمشكلة الاقتصاد السودان وهي الدولار الذي يعشقه تنظيم من أين جاء هؤلاء ،،،


#726957 [د.حميد قنيب]
5.00/5 (3 صوت)

07-22-2013 08:16 AM
وجوز المحراث ديل مصبحنا بيهم ليش


#726955 [المتجهجه بسبب الانفصال]
5.00/5 (1 صوت)

07-22-2013 08:12 AM
ترك الجمل وما حمل بعد كل الذي حصل،،، لا أعلم لماذا تقبل الاحزاب بمناصب في هذه الحكومة ليحملوا ثقالها وبلاويها ،،،


#726945 [fadeil]
5.00/5 (7 صوت)

07-22-2013 08:01 AM
خلافة أيه يا البشير ، كل الطاقم بما فيه شخصك الغير مرغوب فيه ، كلكم الي مزبلة التاريخ اذ خسر السودان بوجودكم أربعة وعشرون عاما دون أن يجني أى فائده ، أتركوا هذه السلطه ( بفتح السين ) وأذهبوا غير مأسوف عليكم .


#726931 [yasir abdelwahab]
5.00/5 (6 صوت)

07-22-2013 07:34 AM
هي المصائب كلها جايه من راس الرقاص ده...لو كسح هو كل شئ بعد داك هين... يا بختنا موعودين بشلة حرامية جدد


#726925 [الشريف على]
5.00/5 (1 صوت)

07-22-2013 07:23 AM
نأمل أن يكون تغيير حقيقى لا تبادل مواقع فقط


#726920 [بيكو]
5.00/5 (3 صوت)

07-22-2013 07:14 AM
لم يترطق الخبر الى مصير أبو العفين نافع؟

هل البشير وتانفع من حركا هذه اللعبة للاطاحة بعلي شيطان؟

لكن مهلا!

(علي عثمان محمد طه سيغادر موقعه إلى رئاسة البرلمان أو الرجل الثاني في الحزب)

كده داشي بقى رايس فعلا

الظاهر الشغل الجاي فيهو حفر من أمو!

نعاين بي عيونا بس


ردود على بيكو
[كريم الطيناوي] 07-22-2013 12:03 PM
كوميدية سودانية قديمة { الشيطان في البرلمان]

[AHMEDJALAL] 07-22-2013 09:39 AM
كفية اخي بيكو معاينة الواجب علينه اقتلعهم جمبعا ورميهم في مزبلة التاريخ


#726916 [عطية]
5.00/5 (5 صوت)

07-22-2013 07:01 AM
كذب رفع المصاحف فى الرمال ....
ان شاء الله يغادرون جميعا غير مأسوفا عليهم .... هؤلاء ليس لديهم ما يقدمونة , يكذبون ويسرقون وينهبون ويقتلون ويرقصون ربع قرن من الزمان.



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة