في



الأخبار
أخبار السودان
اتجاه لتعديل قانون التعليم
اتجاه لتعديل قانون التعليم
اتجاه لتعديل قانون التعليم


07-23-2013 11:35 AM
الخرطوم: كشفت وزير التربية والتعليم بالسودان سعاد عبد الرازق، أمس، عن اتجاه الوزارة لتعديل قانون التعليم 2001م ليتضمن حزمة القرارات الخاصة بتطوير بيئة التعليم، التي تم اعتمادها خلال في التوصيات التي خرج بها مؤتمر التعليم الذي انعقد العام الماضي.
وقالت الوزيرة في ورشة قرارات الوزارة الخاصة بتطوير بيئة التعليم بالمجلس القومي لرعاية الطفولة، إن مؤتمر التعليم 2012م أحدث تغييراً جذرياً في سياسات التعليم، مشيرة إلى أن مركز المناهج عمد إلى تطوير منهج الطفولة، بوضع برنامج متخصص لتدريب معلمي رياض الأطفال في مرحلة عمرية مبكرة، كاشفة عن إنشاء روضة أطفال ملحقة بكل مدرسة أساس.
وأشارت الويرة ،بحسب المركز السوداني للخدمات الصحفية إلى وضع عدد من المناهج والبرامج لتعزيز اللغات العربية والإنجليزية والفرنسية، إلى جانب برنامج مضغوط لـ 2800 طالب من خريجي الخلاوى في 97 مدرسة قرآنية لمدة عامين للامتحان لشهادة الأساس.
وأشارت الوزيرة إلى تدريب 15 ألف معلم إلى جانب 8,505 معلم تم قبولهم مؤخراً

الصحافة






تعليقات 13 | إهداء 0 | زيارات 7802

التعليقات
#728621 [ابوعبدالله]
0.00/5 (0 صوت)

07-24-2013 03:50 AM
ارجعوا نطام6_3-3


#728614 [عـــلــمــانـي]
0.00/5 (0 صوت)

07-24-2013 03:33 AM
انا غايتو فهمت حاجة من كلام بت عبد الرازق .. اظن ناس عصابة( منظمة سند الخيرية ) بقيادة ست الحسن والجمال وداد بابكر ( حرمة مطلوب الجنائية الدولية ) عايزة تدبلج ميزانية المنظمة بهذه المصروفات الانسانية النبيلة ( الوهـمـية الاحتيالية ) .. ولعلم الجميع فان سعاد عبد الرازق هي الوصـيفة المقربة جدا لصاحبة المعالي وداد بابكر الـمـلكة المتوجة لـمـمـلكة منظمة سند الخيرية التي بدورها خاضعة لعرش مملكة( التنظيم العالمي للاخوان المسلمين ) بقيادة دولة قطر والاشراف الفني لدولة باكستان ودولة تركيا .. يعني ما تستغربوا من الارقام الفلكية الكبيرة لانها بالنسبة لمنظمة سند الخيرية ارقام صغيرة جدا بل صفرية.. بلا وزارة تربية بلا بطيخ .. بلا سعاد بلا بطاطا .. بلا وداد بلا جمال والي ,,


#728577 [بت ملوك النيل]
0.00/5 (0 صوت)

07-24-2013 01:57 AM
كدى عيدى النظر فى ارقام المدربين ديل

يا وزيرة التربيه وين الout put بتاع المدربين ديل؟؟؟؟


#728345 [سودانى اطلاقا ما منفرج الأسارير]
5.00/5 (1 صوت)

07-23-2013 05:48 PM
جاء على لسان الست الوزيره انه سيتم تدريب 15 الف معلم مع 8505 معلم تم تعيينهم حديثا !!!! بس نسأل وانتو يا ناس الوزاره كان (الوكيل الحالى الباسم ديمه او السابق المليونى الحافز) جاوبونا : (1) كم من الزمن تحتاجه الوزاره لتدريب (خمستاشر الف + تمانيه الاف وخمسميه وخمسه(كمان) ايه الدقه وألأنضباط دا = 23505 (ثلاثه وعشرين الفا وحمسمئه وخمسه معلم؟( قرن - سنه- يوم- شهر - دهر)؟ بالله دا موش صجك على الدقون؟ ياست يا وزيره اذا توصيات مؤتمرك بتاع 2012 ليها اكثر من 17 شهر ما اتنفذ منها ولا بند !!
(2) مين حيقوم بهذا التدريب (معلمين _ تعلمجيه - دبابين - كتائب بنيان مرصوص - شبيحه؟
(3) اى انواع التدريب تتحدث الست الوزيره عنه (بدنى - رياصى - جماعى (بفتح حرف الجيم)- دينى - كشفى - انقاذى - استراتيجى - صوارمى - مركزى - محلى ام الحاق بامات طه )؟ لم تقولين ما لا ستفعلين او ستقدرين على فعلو .. ماذا تسمون من اذا وعد اخلف؟
(4)كم من المليارات يحتاجه هذا التدريب وما هى آلياتو و اين اماكن اقامتو وهل هو على رأس العمل او فى قاعدته.. تفرغا ولآ نص دوام .. ؟
(5) هل التدريب دا خاص بالمدرسين بتوع ألأكاديميات بس ولآ معاهم اهل التقنية والتقانيات قديمها وحديثها .. بالمناسبه هل التعليم الفنى لا يزال تابع لوزارة التربيه لأنو ما فى ليهو اى ذكرى فى احاديث اهل الوزاره اتحاديه او ولائيه!!! هل انشئت له وزاره قائمه بذاتها ؟
يا ناس .. يا اهل السودان .. يا ويحكم .. اما فى البلد من رجل رشيد .. اما فى البلد من عاقل ..هل وصل بكم الحال الى تقبل كل هراء تسمعون ويخترق آذانكنم من "الضفة الشرقيه الى الغربيه او العكس دون ان يتوقف عند شرم الشيخ" كما جاء على لسان واحد من اخوانكم ابناء بمبه..
خلونا نحن كمان نقول زما حدش واخد منها حاجه : اصلاح حالكم لن يتم ألأ باصلاح حال التعليم واصلاح التعليم داير قروش والقروش فتشوا عليها وين راحت .. بس الله يستر ما تكونو محتاجينلكم ل جيمس كورى وهبرت وعبد الرحمن على طه وعوض ساتى آخرين .. ان وصلتو المرحله دى اياكم اللحقوكن ناس ألأنقاز حبوبات على عصمان محمد "طه" والزبير بشير "طه" و"طه" القرشى وياما بكره تندمو وانا حالكم بشوفو (شرحيسل احمد) اذا صدقت ألآمال وطالت ألآجال ..اكيد حنتقابل.. وتقابلنا فى طريق الجامعه (عبد الكريم الكابلى)


#728265 [ashraf]
0.00/5 (0 صوت)

07-23-2013 03:26 PM
يا ناس الراكوبة نستو حرف العين في "وأشارت الويرة " عشان دي أصلا ما وزيرة ولكنها "العويرة"


#728255 [قرفان من الكرة السودانية]
0.00/5 (0 صوت)

07-23-2013 03:12 PM
حقل تجارب ..


#728243 [Abdo]
0.00/5 (0 صوت)

07-23-2013 02:54 PM
و الله ما فهمت حاجة ، اللي فهم يشرح لي ؟؟؟؟ ماكفانا قوانين و تجارب فاشلة في أولادناالمساكين ، ياحليل الكان بهدي الناس صبح محتار يكوس هداي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حليلوا


#728205 [اسماعيل العباسي]
0.00/5 (0 صوت)

07-23-2013 02:17 PM
حرام عليكم تجمعون أطفال رياض الأطفال مع صبيان مراهقين في حوش واحد
خافوا الله يا من تعتبرون أنكم معلمون
لو هذا رأيكم والله لا تستحقون تحية ولا احتراما ناهيك عن إجلال وتقدير
وتكونون أنتم المفسدوووووووووووووووووووون الضالون المضلون
.............
ما تصدروا قرارات قبل قتل المواضيع بحثاً من قبل المتخصصين مش من قبل الموالين لكم الجهلاء


#728167 [محي الدين المسبعاتي]
0.00/5 (0 صوت)

07-23-2013 01:35 PM
after what................


#728149 [Show me]
0.00/5 (0 صوت)

07-23-2013 01:23 PM
ساسات فاشلة وكلام كلو حبر علي ورق


#728137 [جركان فاضى]
5.00/5 (1 صوت)

07-23-2013 01:15 PM
بعيدا عن المزح انا اقترح الا تتجاوز الحصص الدراسية ثلاثة حصص فى اليوم يذهب بعدها الطلاب لبيوتهم...السبب؟الغالبية العظمى من الطلاب لاتستطيع ان توفر لهم اسرهم وجبة الفطور...وبالعقل هل يفهم الطفل الجائع ويستوعب الدروس؟ والمكذب كلامى فليسأل المدرسين حتى فى الاحياء الغنية ان كان هناك اصلا غنى


#728133 [سوسو]
0.00/5 (0 صوت)

07-23-2013 01:13 PM
افتونى ياناس الهدف شنو ان وزارة التعليم العالى جعلت الانتساب للجامعات السودانية بشهادة قديمة مضى عليها اقل شى سنتين طيب فى ناس لاول مرة يمتحنو شهادة سودانية ويرغبوا فى الانتساب للجامعات لان زرفهم ما بتسمح لهم بالدراسة نزامى يعملو شنو


#728128 [انصاري]
0.00/5 (0 صوت)

07-23-2013 01:11 PM
كلام والسلام...القصة أكبر..من كدة والغصه أعظم..وقرطي علي كدة!!



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة