الأخبار
منوعات سودانية
النجمة أفراح عصام والموية تكضّب الغطاس؟
النجمة أفراح عصام والموية تكضّب الغطاس؟
النجمة أفراح عصام والموية تكضّب الغطاس؟


07-24-2013 08:28 AM
إشراف: عبد العظيم أكول

تسعى المطربة الشابة أفراح عصام نجمة «أغاني وأغاني» والتي أطلق عليها أُستاذ الأجيال السر قدور لقب «أفراح الشعب» لتقديم نفسها بصورة جديدة خاصة بعد إبعادها من المشاركة في النُسخة الحالية للبرنامج بدواعي تجديد دماء البرنامج وقالت بأنها راضية عن مشاركاتها الماضية وأنها أخذت فرصتها بالكامل وتشكر إدارة قناة النيل الأزرق والتي قدمت لهم كل عون خلال الفترات الماضية وسعت بعد ذلك للمضي قدماً في دروب الفن حيث لحن لها الأستاذ أحمد المك العديد من الأُغنيات الخاصة والتي قدمتها عبر الأجهزة الإعلامية خاصة من كلمات الشاعر الراحل حسن الزبير ثم إلتقت بالشاعر الكبير الأُستاذ اسحق الحلنقي والذي منحها أربع أُغنيات جديدة صاغ لها الألحان الفنان والملحن الشاب عماد يوسف، والذي يعتبر من أبرز الملحنين في الساحة الفنية في الآونة الأخيرة وزاد على ذلك بأن لحن لها أُغنيات جديدة لعدد من كبار الشعراء وشبابهم ولأنها تمتلك حساً فنياً وصوتاً طروباً فقد تحدث عنها الأُستاذ شمت محمد نور عضو مجموعة عقد الجلاد الغنائية، وأشاد بصوتها وذكر بأنها تملك صوتاً رائعاً وطروباً وأنها فنانة جادة تملك حضوراً فنياً طاغياً وتختار كلمات أُغنياتها بدقة شديدة وتختار ما يناسبها لتقدمه لجماهير الفن، وفي الآونة الأخيرة التقت مع الفنان الشاب المبدع منتصر هلالية والذي قام بتلحين أعمال فنية وغنائية جيدة له من بينها الأُغنية الجديدة «قلبك مخير» والتي يقول مطلعها:

مخّير انت لما تحب.. مخيّر قلبك الحساس
ونحنا عمرنا لما نريد.. نعرف الريدة بالإحساس
وزي ماقالوا في الأمثال.. الموي تكضّب الغطاس

وهي أغنية رائعة وبديعة تضاف الى مسيرتها الفنية بأعمالها الخاصة بعد أن قدمت في الفترة الماضية أغنيتها الجديدة من الحان عماد يوسف «الدرة الفريدة» والتي يقول مطلعها:

يانبع المحنة.. ويا الدرة الفريدة
امنحني السعادة.. واملا حياتي ريدة

أفراح عصام نجمة تأتلق في سماء الفن السوداني وتمضي بخطوات مثلى لإمتلاك أعمالها الخاصة لتشكل بصمة فنية قادمة بإذن الله في عالم الفن السوداني الفسيح

الوطن


تعليقات 30 | إهداء 0 | زيارات 13382

التعليقات
#731606 [وجع قلبي]
2.50/5 (2 صوت)

07-28-2013 12:33 PM
لسان الحال بقول انو معجيبيها من اصحاب العمم الكبيرة اكثر من الزي والزيك , ولو عاوز تتأكدوا من كلامي دا اسألوا أحمد المك , الممكون وصابر , واه يا قلبي على عزة بنت بلدي!!!.


#729992 [Rami Tolba]
3.00/5 (1 صوت)

07-25-2013 09:40 PM
شناة العدوْ


#729714 [البلد بقدل فيها الورل]
4.50/5 (2 صوت)

07-25-2013 12:46 PM
انتو عارفين المشكلة مافى افراح عصام المشكلة فى برنامج نجوم الغد اى بنت جميلة اضمن لها الفوز وحتى لو صوتها متل صوت الحمار واعمامك البكايين من جيل التلاتينات لو شافو بت حلوة ساكت بريلو


ردود على البلد بقدل فيها الورل
United States [أبوالكجص] 07-25-2013 11:57 PM
تعرف يا بلد بقدل فيها الورل كلما أستمع لأفراح عصام أتذكر زميلاً لي بيخنقو ابو كبّاس في النوم وبيطلع أصوات متقطعة زي الساكنو وبحاول يستنجد بمن حوله.


#729695 [كوستاوى]
3.25/5 (3 صوت)

07-25-2013 12:23 PM
سمحة وغناية انتو حاقدين بس


#729488 [Abbaker90]
5.00/5 (1 صوت)

07-25-2013 07:44 AM
ياحليل الفن السودانى ويا حليل وردى وزيدان وزمن الفن الاصيل


#729390 [شكلك الطبيعي أحلى يا أفراح]
3.25/5 (4 صوت)

07-25-2013 01:26 AM
و الله ما قاعد أتدخل في الفن و الفنانين (لأنه حولهم) ماسحي الجوخ و حارقي البخور و البطانة السيئة بس الدخلني هنا الصورة (الشينة) لأفراح و بصراحة شكلها(أحلى) بدون ماكياج و بدون تشقير و الله يغفر لينا لو تطاولنا في رمضان ..!!!!!!!!


#729382 [دحين رمضان فيه كم يوم الليلة]
1.00/5 (1 صوت)

07-25-2013 01:06 AM
انا شخصيا ضجكت لو قريت الجزئية اللي بتبدأ من [..الأُستاذ شمت محمد نور عضو مجموعة عقد الجلاد الغنائية، وأشاد بصوتها وذكر بأنها تملك صوتاً رائعاً وطروباً وأنها فنانة جادة تملك حضوراً فنياً طاغياً وتختار كلمات أُغنياتها بدقة شديدة وتختار ما يناسبها لتقدمه لجماهير الفن..الخ]

ياخي الشغلة فيها الحلنقي وفيها ملحن الساحة ما عارف اسمو مين

وافراح عصام نجمة تأتلق (بالمناسبة تأتلق دي تعبير جميل ياناس جريدة الوطن.. بالله اول مرة اسمع بجريدة سودانية اسمها الوطن جريدة قديمة ولا جديدة لنج من الورقة وتقطع وسيع الفرقة.. الوطن السودانية لأفراح قوامك بيا..


#729226 [soma]
2.50/5 (2 صوت)

07-24-2013 07:29 PM
والله لا شكل ولا صوت والله ييبارك في الكريمات والرموش الصناعيه وعاوله زي الشبطان في الصوره دي اللهم اني صائمة


#729211 [في البئر ومتلب فيها فيل]
1.50/5 (2 صوت)

07-24-2013 06:38 PM
اولااقل حاجة عندها حاجة سمحة افضل من غيرها وثم ثانيا الغنازمان وهسع اختلف والاذواق اختلفت والمظهر بقي شي اساسي


#729146 [DR SAMI ALI]
4.00/5 (1 صوت)

07-24-2013 04:36 PM
هذه لاتصلح للفن ابدا


#729135 [خالد]
4.25/5 (3 صوت)

07-24-2013 04:18 PM
مع إعتذاري للوصف لكن والله أنا في الحمام بغني أحسن منها ، الزوله دي الله اداها شكل لكن صوت مااااااااااااااااااعندها والله لو كتب ليها أحمد شوقي ولحن ليها الفارابي برضو فاشله


#729081 [MAHMOUDJADEED]
5.00/5 (1 صوت)

07-24-2013 03:05 PM
بصراحة أفراح ما فنانة وصوتها ما سمح . وكلامي ده ما مهم لأنه راي شخصي وممكن يكونوا في ناس تانين معجبين جداً بصوتها وجمالها كمان . وأنصحها ما تتعامل مع السمكري ده تاني لأن الرشة ما سمحة وشكلو كتّر المعجون والبوية . أمشي لي سمكري غيرو وتكون الرشّة فرن .


#729080 [abdallah]
4.50/5 (2 صوت)

07-24-2013 03:05 PM
غايتو والله العظيم البنت دي لا عندها صوت لا بتعرف تغني بس سميحه ماعندها عوجه - بالجد لقيتيها يا ابويمن-


#729075 [شكوكو]
5.00/5 (1 صوت)

07-24-2013 03:00 PM
إلبسك من وإلى كل ما تشتهيها نفسك من حلى ومجوهرات ...... بس اللهم أني صائم لكن قصدي خير


#729032 [محروق الحشى]
4.00/5 (1 صوت)

07-24-2013 02:25 PM
لكنها صفراء فاقع لونها0000


#728960 [ابوايمن الحلاوى]
5.00/5 (1 صوت)

07-24-2013 01:27 PM
بس على ضوء الصوره دى يا ودكول طلعتها العلالى وعملت منها وردة السودان ؛؛ ياحبيبنا دى فنانه لعشره اشخاص بس اكثر من كدا القعده بتخرب وريحة العطر الفواح مابكفى!!! وغايتوا ياافراح البتزوجك دا مأظن اقدر على اللبس بتاعك وال boots + ال MAKE UP ؛؛ ووقتك كلوا امام المرايا لغاية الحله ما تحرق وبعدين احصل الما سمح !!!!!


ردود على ابوايمن الحلاوى
United States [اه يا قلبي الحزين] 07-25-2013 01:50 AM
لكن يا الحلاوي الناس ديل ما ناس حلة.. ديل ناس ديلفري وساندويتشان ونواشف ما بعوسو ولا بفركوا


#728955 [محمدو]
3.25/5 (3 صوت)

07-24-2013 01:23 PM
الله يجازي امثالك يامنافق قول كلمه حق وبطل التملق ... دا كلوعشان يرقعوك ... قصايدك مسخت يابايخ.... طيب نانسي ستها نسميها شنو


#728945 [فتحي]
3.00/5 (2 صوت)

07-24-2013 01:12 PM
اوعي يادكتور تكون ناوي تدبل هههههههه نعم التدبيلة مبروك عليك !!!!


#728918 [قرفنا وزهجنا]
2.50/5 (2 صوت)

07-24-2013 12:43 PM
هههههههه دي مقومات بهرجة كريماتية ورموشية وبودرية


ردود على قرفنا وزهجنا
European Union [كدراوي] 07-25-2013 02:25 AM
هاهاهاهاي والله كتلتني بالضحك يااخوي.


#728916 [فتوح]
3.75/5 (4 صوت)

07-24-2013 12:43 PM
صوتها توسس مثل السوسيوة ويقول فتاتة بلا يخم الجميع


#728912 [جركان فاضى]
3.00/5 (2 صوت)

07-24-2013 12:39 PM
حتى لانظلم الاخت الفنانة افراح عصام....اتركوا التقييم للخبراء ولاساتذة الموسيقى والغناء


#728873 [أبو عكــاز]
4.00/5 (3 صوت)

07-24-2013 12:05 PM
أحمد المك دقس و اتلحس ( اللهم إنى صائم )


ردود على أبو عكــاز
United States [غلطان] 07-25-2013 09:32 AM
او شبع ... معدتو صغيرة ما بقدر علي الاكل الدسم!


#728823 [طالب جامعي]
4.00/5 (2 صوت)

07-24-2013 11:28 AM
يمكننا القول بأنها تتميز بجمال الشكل؛ اماجمال الصوت فلا ومائةلا اذهبوا إلي صديقنا يوتيوب وسوف يتأكد لكم ذلك إذ تبذل مجهودات كبيرةجدآ اثناء اداءها للوصلات الغنائية وتري الرهق باديآ في وجهها عكس صديقاتها شموس صاحبةالصوت الأجمل ومنار صديق والعمورة ريماز ميرغني.


#728807 [sasa]
4.13/5 (5 صوت)

07-24-2013 11:18 AM
اللهم انى صائم


#728776 [جاكوما]
3.25/5 (3 صوت)

07-24-2013 10:57 AM
خلا لك الجو , فبيضى واصفرى


#728759 [ahmed]
4.13/5 (4 صوت)

07-24-2013 10:40 AM
انتا يا ابو محمد مالك عميان ما شايف يعني الامكانيات الفنيه العندها عالم عجيبه والله


#728742 [مستغرب جداً جداً]
4.50/5 (5 صوت)

07-24-2013 10:23 AM
غريبة
يا دكتور كنت عندنا كبير ، ما هو سبب الكتابة عن مغنية لاتملك مقومات طقاقة شعبية
ارحمونا ورمضان كريم


#728731 [ما مرتاح ....وما مرتاح]
4.50/5 (2 صوت)

07-24-2013 10:09 AM
د/عبد العظيم اكول لك التحية ...ومبارك عليك الشهر
تباعدت ايامنا ,وفي شوق لسماع اخبارك.طه سحنون.


#728703 [بيكانتو]
3.50/5 (4 صوت)

07-24-2013 09:12 AM
دى حاله دى - و رمضان يا ناس


#728697 [ابو محمد]
3.50/5 (3 صوت)

07-24-2013 09:07 AM
الاخ عبد العظيم اكول
اتق الله فيما تكتب وسيب تكسير التلج
وانت تعلم ليس لديها مقومات فنية


ردود على ابو محمد
United States [mlothaelehamer] 07-24-2013 11:33 AM
كلامك صاح لكن الاستاذ يقصد مقومات دكورية ..... حليل الغنا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
4.75/10 (3 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة