الأخبار
أخبار إقليمية
إشادة بجهود السفارة السودانية بالسعودية لتوفيق أوضاع السودانيين
إشادة بجهود السفارة السودانية بالسعودية لتوفيق أوضاع السودانيين


07-27-2013 03:35 PM

الخرطوم (سونا) استخرجت السفارة السودانية بالمملكة العربية السعودية عدد 32 ألف جواز و997 وثيقة وساعدت أصحاب بلاغات الهروب بإصدار وثائق مرور وإحضار جوازاتهم لتسهيل انتقالهم.

وأشاد السيد صابر عبد الله، مدير إدارة قضايا العمل والعمال بجهاز تنظيم شئون السودانيين العاملين بالخارج، بالمجهودات الكبيرة للسفارة السودانية خلال الفترة الماضية والتي صاحبت المهلة المقررة من السلطات السعودية لتوفيق أوضاع العمالة الأجنبية لتمكين أكبر عدد من السودانيين من توفيق أوضاعهم.

ووصف، في تصريح صحفي، الإجراءات بأنها مرنة تساعد المخالفين لنظامي الإقامة والعمل على تصحيح أوضاعهم.

وأبان انه بانتهاء المهلة الجديدة سوف تقوم السلطات السعودية حسب إعلانها بحملات واسعة تستهدف الذين لم يقوموا بتسوية أوضاعهم، داعيا السودانيين هناك للإسراع بتكملة إجراءاتهم.



تعليقات 12 | إهداء 0 | زيارات 3700

التعليقات
#731501 [ود الحلة]
0.00/5 (0 صوت)

07-28-2013 11:03 AM
رغم انه واجبهم و لكن سرعان ما زادوا بعض الرسوم مثل تغير مهنة من 60ريال الي 160 ريال


#731450 [ابو عفان]
5.00/5 (1 صوت)

07-28-2013 10:13 AM
نعم دا عملهم وانا شخصيا ذهبت للسفارة وجددت الجواز في ساعة زمن- هناك زحمه وانجاز سريع ونشيد بسرعة الاداء قولوا لمن احسن احسنت وماكله سلبيات .وعندهم سماحة كركدي في البوفيه.


#731369 [ابو نور]
0.00/5 (0 صوت)

07-28-2013 05:47 AM
ياخوانا الرجل اللى في الصورة ده ما عبد الحافظ ههههههه ولا هذا زمانك يامهازل فامرحى . ببساطة يابنى وطنى خليكم من الاسمه صابر عبدالله ده البكسر تلج .نرجع لعبد الحافظ صاحب الصورة سعادة السفير الرجل صاحبنا ده متزوج كوزة كبيرة من هى مابعرف اسمها المهم عن طريقها عين عبد الحافظ وزير مفوض في سفارة السودان في سوريا وصاحبنا اشتغل تجارة شديدة مع شيخ عبد الباسط نشاطهمالتجارى فى التفاح .لا مش كده وكان سعادة السفير وقتهاكان بدرجة وظيفة جديدة اسموهاوزير مفوض اعلى صلاحية حتى من السفير قبح الله وجهك يالترابى ويلعن قوانين التمكين حقتك نرجع للسعادة السفيركان ممسك بزمام الامور وكان يتجسس حتى على طاقم السفارة وكان انذاك السفير هو عصام ابو جديرى والقنصل اسمه كمال من اولاد الديم الخرطوم وكان رجل موهل وجدير في السلك الدبلوماسى ولكن سعادة السفير كان يتجسس في ادق خصوصيته ويرسل بتقاريره الكاذبة عن القنصل كمال ناسيا قول الله عز وجل ولا تجسسواولكن الشرفاء في وزارة الخارجيةبعثوا له بتقاريرسعادة السفير عبد الحافظ سفير السودان اليوم في المملكةوحمل القنصل كمال التقارير وذهب الى سعادة السفير تاجر التفاح وطلب منه ان يتوضاء اولا واتئ اليه بالمصحف الشريف وقال له احلف انك لم تتجسس علينا ولم ترسل تقارير عنا ويا الله عندما حلف السفير كذباانه لم يرسل تقارير ولكن القنصل كمال اخرج له التقارير وعالج سعادةبكف قوى وقال له اتحلف كاذبا يا منافق ورتب القنصل لنفسه وطلب حق اللجوء السياسى في كندا.رايكم شنوا في تجار الدين


#731350 [مواطن]
0.00/5 (0 صوت)

07-28-2013 03:58 AM
انتو اصلن قايلين في سفارة

البلد محكومة من عصابة وتقولو لي سفارة

خلينا ساكتين احسن


#731206 [fato]
0.00/5 (0 صوت)

07-27-2013 10:11 PM
المهم أولا وأخبرا يا(شكارتها دلاكتها)كم حلبتم من المغتربين من ضرائب وحق جواز وحق زكاة وحقوق أرانيك ولبع يمين وشمال وهل أمتلأت خزينة الدولة أم أصابها التجنيب.


#731191 [الانقاذ قد دنا عذابها]
0.00/5 (0 صوت)

07-27-2013 09:37 PM
بعدين انا احلف صادق استقلت ظروف الناس المحتاجه لخدماتهم ودفعونهم دم فلبهم غير ان كل العاملين بالسفاره حتي الفراشين وعمال البوفي والسواقين واي وسخ له علاقه بالسقاره ولو حتي علي بعد مليون ميل منها اثروا علي حساب الغلابه هؤلائي.احمد الله حمداً كثيراً انني لم اكن واحد من هؤلائي البؤساء والا كنت مت من الالم


#731179 [lama]
5.00/5 (1 صوت)

07-27-2013 08:59 PM
الشكر علي شنو ده من صميم عملهم لكن السفير طبعا شغال تجارة وكل طاقم السفارة وبتاع المغتربين ده يكون طلع بي كم يارب نحن كمغتربين نعاني ونعاني من خدمات وجبايات السفارة ارحمونا حسه شفتو ليكم بلد بتشكر سفارتها علي واجبها زي امريكا مثلا في اخلاء رعاياها او فرنسا مثلا خلونا من السذاجة ياناس ارحمونا


#731163 [محمود لطفي]
5.00/5 (1 صوت)

07-27-2013 08:16 PM
لا كتر خير السفير والسفارة ولا جزاهم الله خير، هذه السفارة القذرة المستغلة للمساكين ،، رحو شوفو سفارات مثل الانونيسيةوالباكستانية والهندية حتى البنغلاديشية والاثيوبة ثم احوا ,, اسوأ سفارة في الرياض السودانية باستثناء الارترية


#731123 [ود الباشا]
0.00/5 (0 صوت)

07-27-2013 07:00 PM
كلامك فى الصميم ياعادل السيد اول مره اشوف لى سفارة تشكر فى نفسها وزى ما قلت تمتما نت صميم واجباتهم ودا دليل كفااااى ....والسلام


#731076 [sasa]
0.00/5 (0 صوت)

07-27-2013 05:28 PM
اقتباس
وأشاد السيد صابر عبد الله، مدير إدارة قضايا العمل والعمال بجهاز تنظيم شئون السودانيين العاملين بالخارج، بالمجهودات الكبيرة للسفارة السودانية خلال الفترة الماضية والتي صاحبت المهلة المقررة من السلطات السعودية لتوفيق أوضاع العمالة الأجنبية لتمكين أكبر عدد من السودانيين من توفيق أوضاعهم.

هكذا نحن كسير تلج وكسير تلج .... على ماذا وفى ماذا الاشادة بموظفين (مبيضه ليهم فى قفة كبيرة) هذا عملهم الذى ينالون عليه اكثر مما يستحقوا؟؟؟؟؟ اليست الاموال التى يجنونها من الشعب ومنها يتمتعون بالرواتب الجيدة والمخصصات والسيارات والنثريات والسرقات وهلمجرااااااااااااا


#731059 [مغترب]
5.00/5 (1 صوت)

07-27-2013 05:13 PM
للاسف اسوا واردأ سفارة من سفارات دول العالم في السعودية.همهم الاول والاخبر جباية الاموال فقط.والتباهي.وحليل شعب السودان الما عندو وجيع وحليلك يا اب عاج ستظل في الذاكرة ابد الدهر.


#731052 [عادل السيد عوض]
5.00/5 (7 صوت)

07-27-2013 04:59 PM
أنا ماعارف الاشاده علي شنو ؟!!!!!!
أليس هذا هو واجب السفاره والسفير وكل العاملين بالسفاره السودانيه ومن صلب مسؤلياتهم الوظيفيه
اليس السفير وموظفي السفاره خدم للشعب السوداني وللمغتربين السودانيين بالسعوديه وهذا الشعب هو الذى يدفع لهم مرتباتهم ومخصصاتهم وبنزين عرباتهم؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة