الأخبار
منوعات
العيد على شاشة الفضائية السودانية
العيد على شاشة الفضائية السودانية


08-01-2013 07:04 AM

يطل على مشاهدي التلفزيون القومي ثالث ايام عيد الفطر المبارك الملحن والفنان السني الضوي في حلقة استثنائية و حديث خاص عن علاقته برفيق دربه الفنان ابراهيم أبو دية . ويجمع تلفزيون السودان اقدم الفنانين و الموسيقيين في برنامج (ناس قراب منك) في حلقة توثيقية للفن والاغنية السودانية وحديث عن تطور الاغاني السودانية والتجارب الغنائية الحديثه ، كما يطل عبر شاشة الفضائية السودانية الموسيقار برعي محمد دفع الله والموسيقار حافظ عبد الرحمن واميقو عبر الفترة المفتوحة (أنامل موسيقية) في حديث عن تواصل الاجيال السودانية في مجال الموسيقى و التجارب الحديثة في مجال الموسيقى السودانية ، وبعد طول غياب تعاود المطربة هاجر كباشي الظهور في تلفزيون السودان الى جانب الفنانة سميرة دنيا في (جلسة عود) تجمع النجمتين في وصلة غنائية فريدة وحديث عن مميزات اغاني العود ،أما الفترة المفتوحة المسائية (موروث سوداني) تستضيف فرقة البالمبو وتناقش موضوع تباين الاساليب الغنائية بين الحماسة والعاطفة ويتواصل فريق اليوم الثالث مع المشاهدين مساء عبر فترة مفتوحة لتلقي تهانئ واماني المشاهدين واهداءاتهم بالعيد السعيد عبر الهاتف .
وفي المقابل، اكد علاء الدين الضي ان برمجة اليوم الثالث تقوم باستعراض ايقاع العيد في الولايات بالتنسيق مع شبكة مراسلي التلفزيون القومي.

الصحافة






تعليقات 4 | إهداء 0 | زيارات 3122

التعليقات
#735223 [brakat]
0.00/5 (0 صوت)

08-02-2013 03:05 AM
IS IBRAHIM ABU DAYA STILL ALIVE?LL


#734952 [كركاب]
0.00/5 (0 صوت)

08-01-2013 04:51 PM
شفت يا ود الخرطوم عبارة (حلقة استثنائية) اها تانى فى كلام
الناس ديل عايشين وين و شنو ماعندهم دش فى البيت والأ شنو
وليك على برامج العيد كلها ذى بعض من كل القنوات


#734834 [ديامي قديم]
0.00/5 (0 صوت)

08-01-2013 01:57 PM
سميرة دنيا دي ما قالوا تابت .. تاني لشنو جلسة العود دي؟


#734807 [ود الخرطوم]
4.50/5 (2 صوت)

08-01-2013 01:29 PM
برامج قديمه وفكرتها فكره قديمه من زمن الجاهليه

(واهداءاتهم بالعيد السعيد عبر الهاتف ). شئ مخجل ومؤسف , اسى العاوز يهنى بالهاتف ده , ما يتصل عديييييييييل على اهله , اسى اى زول بل اى طفل عندو رقم تلفون , ولا عاوز يتصل بالتلفزيون يعمل لى اهلو اعلان , غايتو من الاخر كده , العاوز يشوف تطور الدول والسودان اليعمل مقارنه بالقنوات والبرامج التلفزيونيه بينا وبين اصحاب الفكرات المتقدمه فى البرامج الهادفه



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة