الأخبار
منوعات سودانية
لص يسرق منزل أسرة ويترك لها رسالة اعتذار!!
لص يسرق منزل أسرة ويترك لها رسالة اعتذار!!



08-02-2013 08:28 AM
امدرمان - علي بلدو

شهدت الحارة التاسعة بالثورة ليلة أمس الأول حادثة سطو على منزل موظف مرموق بأحد البنوك المعروفة، قبيل صلاة التهجد.
وقد تفاجأ صاحب المنزل باختفاء جهازي موبايل حديثين يخصانه وثالث يخص ابنه.. وكانت كلها موصولة بالشحن الكهربائي، ثم تفاجأ صاحب المنزل مرة أخرى عندما وجد رسالة يقدم فيها اللص - بطريقة رقيقة - اعتذاره الشديد ويتأسف على سرقة أصحاب المنزل لأن الظروف أجبرته على ذلك!! ولم ينس أن يخرج الشرائح بعناية ويتركها على الطاولة.
هذا وأبدى الموظف عزوفاً عن إبلاغ الشرطة معللاً بقوله: (ده حرامي عندو ذوق)!!

المجهر


تعليقات 17 | إهداء 0 | زيارات 8194

التعليقات
#736085 [الجعلي]
5.00/5 (1 صوت)

08-03-2013 02:35 PM
انها الحاجة ...وموقف نبيل من الموظف اجعلها صدقة في شهر الخير والله يخلف ليك انشاء الله


#736025 [سعد]
0.00/5 (0 صوت)

08-03-2013 01:05 PM
اين هي اللياقة .هو يعتبر سارق سوي كتب يعتدر ام لا وهدا لا يعفيه من مسئولية السرقة .صحيح قد يكون وضعه المادي حرج ,وهو محتاج ولكن لا يعفيه من العقاب . والله نتمني الا يلجا أي شخص للسرقة او التسول بغرض العوز والحاجة .. وبقية الخلق كروشها مليانة وشبعانة , اين العدالة و اين الشفافية ’ اليوم اقتصاد البلد انحصر في اشخاص, محددين . كوشوا علي كل المال وتنعموا براحة ورغد الحياة وتمتعوا .. سوف ياتي يوم الحساب . من اين لك هدا ؟


#735841 [المك نمر]
5.00/5 (1 صوت)

08-03-2013 07:43 AM
(سرق لص عمامة عمر بن الخطاب في السوق وهرب فأخذ عمر يركض خلفه وهو يصرخ ويقول أشهد الله أني ملكتك اياها فقل قبلت حتى لا تمسك النار)


#735819 [اقرار ذمة]
0.00/5 (0 صوت)

08-03-2013 06:21 AM
الراجل كتب اقرار ذمته و نحن فى انتظار اقرار الذمة بتاعت البشير قبل يوم 30 يونيو


#735622 [جمال عبدالقادر]
0.00/5 (0 صوت)

08-02-2013 09:02 PM
ربنا يتوب عليه ويهدي جماعتنا


#735597 [chinma]
5.00/5 (2 صوت)

08-02-2013 07:36 PM
حرامي أشرف من الأخوان والكيزان الذين يسرقون كل شيء ولا يتركون شيئاً للشعب


#735588 [حسن سليمان]
5.00/5 (2 صوت)

08-02-2013 07:11 PM
متى نرى خطاب اعتزار الانقاذ بعد ان سرقوا صحتنا وتعليمنا وامننا ومن ثم كرامتنا


#735551 [امجد]
5.00/5 (1 صوت)

08-02-2013 05:13 PM
حرامي محترم


#735541 [ابونضم وتنظيرات]
5.00/5 (1 صوت)

08-02-2013 04:53 PM
إنشاء يكون صاحب البيت كوز من الجماعة إياهم لأني اعرف ان جزء كبير من سكان الثورة التاسعة من الكيزان وده حرامي حلة او فريق وده حرامي مهلان ومرة دخل لنا في وترك الذهب الفاصلو في السطوح ودخل كيف وفتح الدواليب كيف نحن نائمون شلة داخل الغرفة واعتقد اعتقاد جازم ان الحرامية بيستعملون السحر والشعوذة في السرقة فياريت أهل المعرفة يعرفونا حتي نعمل حسابنا وتعم الفائدة للجميع


#735533 [سودانى منفرج الأسارير]
0.00/5 (0 صوت)

08-02-2013 04:31 PM
منتهى الشفافيه من اللص الشريف (خلّى الشرائح) و من الموظف المرموق..
ٌRefraining from going to the Police" بالله موش غاية منتهى التوجه الحضارى !!


#735455 [محمد علي]
3.00/5 (4 صوت)

08-02-2013 02:02 PM
اكيد الحرامي دا ما مؤتمر وطني كان شال كل شيئ


ردود على محمد علي
United States [الجعلي] 08-03-2013 02:37 PM
هو في موتمر وطني محتاج يسرق موبايل بس ويتلب في البيوت .........دا بياخذ من البنك عديل وبالنصديق كمان


#735448 [الخرطومي]
5.00/5 (3 صوت)

08-02-2013 01:48 PM
ياريت كل حرمي يسرق يكتب عنوانه


#735423 [حاقد]
0.00/5 (0 صوت)

08-02-2013 01:08 PM
اللص ده ذكرنى بلصوص الانقاذ يسرقوك فى عز النهار وانت صاحى


#735346 [طوفان]
0.00/5 (0 صوت)

08-02-2013 10:22 AM
سبق ان اوردت الراكوبة خبر اللص الظريف ارسين لوبين السوداني الذي سطا علي منزل عصام الترابي وترك له شرائح الموبايل علي المنضدة واعتقد انه هو نفس ذلك الظريف تخصصه شخصيات مهمة معتبرة .


#735335 [غربة]
4.50/5 (3 صوت)

08-02-2013 10:06 AM
لو كان الفقر رجلا لقتلته

اللعنة على الفقر والحوجة


#735333 [موسي صالح]
0.00/5 (0 صوت)

08-02-2013 09:59 AM
فعلا عندو ذوق وابن ناس علي الاقل اعتزر ده يادوبك سرق ٣ موبايلات واعتزر خلاف السرقو مليارات لاكني بقول ليك مادام اصلا هي سرقه سرقه كان تخش جوا وتشيل ليك حاجه اكبر امرات التانيه حاول تكبه المشروع شويه يعني ماتقيف علي حاجه بسيطه عشان الدنيا مامعروفه والحاجات هايهد امشي بي المثل البقول لو سرقت اسرق جمل يا كمان سيبا علي الله واصبر زينا


ردود على موسي صالح
United States [موسي صالح] 08-02-2013 02:58 PM
شكرا للتعليق عمنا احمد الركابي ...ان بكتب من تلفون مافيهو ولا حرف بالعربي والكتابه بالمقلوب يعني انا ما حانتبه لالاكاتبو الا لما ينزل في الموقع

[احمد الركابي] 08-02-2013 12:31 PM
شوف كلمة اعتذر مكتوبة كيف فوووق وكلمة لاكنى=لكنى
هايهد؟؟ يا ابنى انت قريت مدرسة المانية والا هيروغلوفية؟؟


#735311 [ود فكي كارب]
5.00/5 (1 صوت)

08-02-2013 08:59 AM
الظاهر زول ده مضغوط من العيال وزوجة لمطلبات العيد لذ مده. يداه لمواجهه العيد لايوجد سبيل خير ذلك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة