في



الأخبار
أخبار السودان
ولاية الخرطوم تشهد امطاراً غزيرة ... وغيوم تبلد سماء أمدرمان هذا اليوم
ولاية الخرطوم تشهد امطاراً غزيرة ... وغيوم تبلد سماء أمدرمان هذا اليوم
ولاية الخرطوم تشهد امطاراً غزيرة ... وغيوم تبلد سماء أمدرمان هذا اليوم


شاهد الصور
08-03-2013 07:16 PM
هطلت اطار غزيرة يومي الخيس والجمعة بولاية الخرطوم وقد احدثت اضراركبيرة في الاحياء الطرفية خاصة في شرق النيل بحري وفي الاسواق الكبري كسوق بحري وسوق سعد قشرة الذي غمرته المياة من كل الاتجاهات ومازالت شوارع العاصمة الخرطوم ممتلئة بالمياة .
والغريب في الامر ان الولاية تشكو من عدم تصريف المياة لانه لا يوجد اي مجاري مفتوحة وبصورة جيدة في الولاية وهناك عدد من مياة الصرف اشرنا لها من قبل حتي هطلت عليها الامطار خاصة شارع ابو قرجة والبلدية هناك مياة صرف لاكثر من شهر ازدادت سؤبعد هطول الامطار الاخيرة وفي منطقة طيبة الاحامدة احدثت الامطار دمار لمنزل اسرة الحاجة الرسالة محمداحمد التي فقدت منزلها تماما واصبحت اسرتها تلتحف السماء عموما الامطار كشف الوجه الاخر للخرطوم تماما

الطاهر احمدابراهيم

image

image

image

image






تعليقات 19 | إهداء 0 | زيارات 17443

التعليقات
#741888 [عصام]
0.00/5 (0 صوت)

08-12-2013 10:50 AM
الحمد للة رب العالمين ونسال اللة ان تكون امطار رحمة زبركة على السودان وكل عام والامة السودانية بخير ونرفع التهانى والتبركات الى فخامة رئيس الجمهرية السيد عمر البشير متعة اللة بالصحة والعافية وكل عام وانت يخير


#737091 [alfrayhi]
0.00/5 (0 صوت)

08-04-2013 08:16 PM
اللهم انتقم من ناس الحكومة انتقام عزيز مقتدر الله دمرهم وشتت شملهم ..اللهم انها دعوة المظلومين فاجبها ...


#736647 [الصليحابي]
0.00/5 (0 صوت)

08-04-2013 11:43 AM
( وتأخر موسم الأمطار هذا العام كثيرا، وتدافع الناس لتأدية صلاة الاستسقاء، بل ودعتهم السلطات لذلك، كما أسهم الشح المتوقع للأمطار في «انتزاع» أول اعتراف صريح بالظلم وسفك دماء «المواطنين» من الرئيس عمر البشير، الذي قال في وليمة إفطار نظمها رئيس السلطة الانتقالية لدارفور التجاني السيسي، إن الظلم خيم على البلاد في ظل حكمه، ما سبب في الجفاف وتأخر نزول الأمطار، وقوله: «كيف يستجيب الله لدعائنا ونحن نسفك دماء المسلمين ودماء بعضنا البعض»، ويعد هذا أول اعتراف بفداحة الجرائم التي ارتكبها الحكم، منذ الانقلاب في يونيو (حزيران) عام 1989م، ما جعل الأقدار تبدو كأنها تصفي حسابها مع «الظلم» مرتين، مرة بشح الأمطار، والثانية حين جادت بها ).


#736613 [سمي جدو]
0.00/5 (0 صوت)

08-04-2013 10:55 AM
وين الدكتور البيطري عبد الرحمن الخضر؟ اين يبدأون بالحفير واللميس والمزانية التي اعدت لهذه الظروف الاستثنائية زمان سفوها
بلد شعبها في سبات نايمين ماذا تريدون ان يفعل بكم اكثر من هذا؟ الا ترون ماذا تفعل الشعوب بحكامها حينما تظلم؟


#736538 [ali hadad]
0.00/5 (0 صوت)

08-04-2013 08:58 AM
الحمد لله علي كل حال. نعم لقد سقانا الله الغيث ولم يجعلنا من القانطين. لكن هنالك إستفهامات عديدة تثار في وجه المسؤولين نبدأ بلماذا كل عام هنالك بيوت تسقط وأسر تشرد من مأواها


#736498 [بيكانتو]
0.00/5 (0 صوت)

08-04-2013 06:34 AM
امطار رحمة و بركه ، شوفو تصريفه للبعوض و الضفادع
اللهم الطف بالركشات من الغرق


ردود على بيكانتو
United States [امجد عثمان] 08-05-2013 02:06 AM
الركشات ماحايلمووو فيها زاتو


#736447 [mohammed SaeedDowelbite]
0.00/5 (0 صوت)

08-04-2013 02:19 AM
نسال الله ان ينزل عليهم طوفان الجاء علي مرسي يمر بيهم انشاءاله


#736430 [ود كبوشية]
0.00/5 (0 صوت)

08-04-2013 01:39 AM
الشكوى للة ,, يارب وببركة هذة الايام وبدعاء كل الصائمين ان تنتقم من كل من افسد فى بلاد السودان ومن كل ادخل قرشا حراما وتسبب فى هذة الكارثة وهذة يتحملها كل مسئول ساكت عن الحق وساكت عن هذا الفساد الذى يزداد سنويا وليس بمعدل الامطار ,, هذا دمار .. هذة كارثة .. وعلى الشعب ان يخرج للشوارع ليس لتغيير الحكومة ولكن للاصرار على الاقتصاص من اى مسئول قصر فى مسئوليتة وهاهى الحكومة تخرجكم من بيوتكم وتدمر ممتلكاتكم .. اخرجوا وموتوا بالرصاص بدلا من الموت غرقى فى شوارع الخرطوم والمدن الاخرى ,, او الموت تحت جدران المنازل ,, اه اه اه من هذة المصيبة ان تدار بلد من كبار اللصوص وتجار الموت ,,


#736397 [ود الباشا]
0.00/5 (0 صوت)

08-04-2013 12:52 AM
يا اوكامبو كافورى المنشية والرياض فيها ناس دعواتهم واصله بتحجب البلاء والضرر ناس تهليل وتكبير واعتكاف اكلهم حلال لبسهم حلال مسكنهم حلال تانى شنو


#736344 [abdullah]
5.00/5 (2 صوت)

08-03-2013 11:06 PM
الحمدلله للامطار لكن مشاكل السودان مليون سنة هي هي المسؤل غير يكون همو يركب عربيه مظلله وموبايل اخر موديل يااخي حررررررام عليكم حسبي الله ونعم الوكيل عليكم الحكومه ماتقدم اي خدمه لا كهرباء لا مويه ولا تعليم ولا صحه يارب ببركه العشر الاواخر شتت شمل الحكومه وازيلهم من حكم السودان وارنا فيهم عجائب قدرتك يااالله وحسبي الله ونعم الوكيل يارب عجل ولا تؤجل


ردود على abdullah
United States [بيبو] 08-04-2013 02:17 AM
نسيت حاجة التصريف مسئولية منووووو؟؟؟؟؟
كل سنة زمن الخريف معرووووووف يعني مش لما الفاس يقع في الراس


#736332 [ياسر محمد]
5.00/5 (1 صوت)

08-03-2013 10:46 PM
الشيطان هرب من السودان لانو لقي الكيزان الشيطان الاكبر لك الله شعبي


#736328 [شمار في مرقه]
4.25/5 (3 صوت)

08-03-2013 10:38 PM
المشير قال المطر انقطع لانو ايديهم ملطخه بالدماء وهاهي الامطار جاءت .. ماذا أتت به ، لم نستفد بها كدول العالم
بل دمرت بيوتنا ، لا مجاري ولا تصريف ولا استعدادات ولا حاجة مادامهم في بروجهم الاسمنتيه العاليه والمحصّنه
ولبيوت الطين رب يحميها ..


#736290 [سوداني عايش في كينيا]
4.93/5 (7 صوت)

08-03-2013 09:20 PM
عايش في كينيالاكثر من 7 سنوات : السنة كلها يهطل المطر ..وفي كل مطرة بتنزل ساعة ساعتين يوم يومين ولماتتوقف بعد عشرة دقائق تلاقي الشوارع نظيفة لا برك مويه ولاحركة توقفت ولا بيوت وقعت وناس ماتوا ! أها شن قولكم ياجبابرة المؤطمر الوثني ؟ شاطرون في تحصيل الجبايات والضرائب ..اللهم خذ الكيزان أخذ عزيز مقتدر وأهلكهم كما أهلكت قوم عاد وثمود، ببركة هذا الشهر الفضيل .. يارب.


#736289 [المتجهجه بسبب الانفصال]
4.75/5 (4 صوت)

08-03-2013 09:15 PM
الولاية تشكو من عدم حفر مصارف للمياه طيب وين قروش النفايات المليارية،، نرجوا من الوالي الفقيه استدعاء القرود التي كانت تحفر الالغام في الجنوب للمجاهدة مرة أخرى وحفر المجاري قبل أن تتوالد نماسيح العشاري في هذه الظروف العائمةومن جهة أخرى غائمة،،،


#736284 [أوكامبو]
3.88/5 (4 صوت)

08-03-2013 08:55 PM
كافورى كيف يا أخوانا ؟؟ طمننونا على حبايبنا ناس كافورى !!!


#736279 [chinma]
1.50/5 (3 صوت)

08-03-2013 08:43 PM
غضبت السماء فمتي يغضب الشعب ؟؟؟


#736261 [مصطفى كونج]
4.44/5 (5 صوت)

08-03-2013 07:53 PM
الخرطوم برضو ملبدة بالغيوم
خليها تلبد المافي شنو ..... الشعب السوداني دا لازم يتأدب كويس عشان يعرف قبمة الثورة الشعبية والمظاهرات.. انا شفت مصرف رئيسي في الخرطوم المقاول بتاعه شركة مام للطرق والجسور بتاعة المتعافن داقين يافطة سمحة فيها اسم مشروع المصرف واسم المقاول واتنين عمال واحد شايل سيخة والتاني بتكلم بالموبايل .. اتخيلوا بس 2 عامل ليهم قريب 6 شهور شغالين برواتب في انشاء مصرف يعد من المصارف الرئيسية في الخرطوم .. والعطاء دا بكون بملايين الدولارات ..
انتو قايلين مافي ميزانية طلعت لموضوع التصريف دا .. انتو بتفتكروا انه الفاسدين الحرامية ما كانوا واعين للدجاجة التي تبيض ذهباً دي .. قروش تهيئة المصارف دي كل سنة بتطلع وبتلهطها شركات المتعافي والخضر .. الفساد هو الذي هدم بيوت المواطنين وليست الامطار


#736255 [ahmmed]
4.63/5 (4 صوت)

08-03-2013 07:37 PM
بين ام بده وبين كافوري
الحاج يوسف والدروشاب
هذي الساعة صعاب وصعاب
بين الناس المسرورين
ماكلين اطياب
شاربين انخاب
ناسا ساهره الليل في انين
بين السيل الشال لحفاتا
وله عجينها الاصبح طين
وناس كافوري البعبدو الله
بالتفاح وقمر الدين
ناس احلاما سخينة وكسرة
وناس غرقانة في التمكين
ناس اللحظة بيوته بتوقع
ناس اطفاله تموت الحين
وناس كافوري ديل اهل الله
لي نعيم الاخرة معتكفين
دنيا واخري ومبسوطين
وليه ياامبدة بيوت الطين
وليه ليه شرموط وعجين
ناس جهال وجد فارغين
ناس امبدة وناس تانين
ماخلونا نضوق رمضانا
شوية مطرة وحبة طين
وسبعة وعشرة اموات فقرين
عكرو دمنا ديل فارغين
خلها تغرق مشقولين
ليلة قدر
وقيام وتمكين
وايه الجاب رمضان كافوري
لي ام بده
مطره
وسيل
وعجينا طين


#736254 [رطانى من الشرق]
4.88/5 (7 صوت)

08-03-2013 07:36 PM
ههههههههههههههههههة والله قصة عجيبة الولاية تشتكى طيب المواطنين يشتكو لمين والله الحكومة دى العملتوا فى السودان الشيطان ما عملوا بل هم الشيطان نفسه يا امة قد ضحكت من جهلها الامم


ردود على رطانى من الشرق
[ود كبوشية] 08-04-2013 01:07 AM
الفساد



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة