الأخبار
أخبار إقليمية
خبير سودانى يحدد أسباب منع طائرة البشير عبور الأجواء السعودية.. ويقول : نظام البشير ضعيف ولن يستنكر أو يصعد مع السعودية.
خبير سودانى يحدد أسباب منع طائرة البشير عبور الأجواء السعودية.. ويقول : نظام البشير ضعيف ولن يستنكر أو يصعد مع السعودية.


08-05-2013 05:48 AM
قال خبير سودانى، إن سبب منع السلطات السعودية لطائرة الرئيس السودانى عمر البشير عبور أجوائها خلال سفره إلى طهران يعود "للعداء بين دول الخليج وإيران بجانب الحملة التى تقودها هذه الأنظمة ضد جماعة الإخوان المسلمين فى المنطقة"، مستبعدًا أن يكون السبب فى ذلك مذكرة الاعتقال الصادرة من المحكمة الجنائية الدولية بحق البشير.

وفى عام 2009، أصدرت المحكمة الجنائية الدولية مذكرة اعتقال بحق البشير؛ بتهمة ارتكاب جرائم حرب وجرائم ضد الإنسانية فى إقليم دارفور غربى السودان، قبل أن تضيف إليها فى العام التالى تهمة الإبادة الجماعية، وهى الاتهامات التى ينفيها البشير.

وقال آدم محمد أحمد عميد كلية العلوم السياسية بجامعة "الزعيم الأزهرى" السودانية (حكومية)، فى تصريحات لمراسل الأناضول، إن "موقف السعودية مبرره العداء بين دول الخليج وإيران خصوصاً بعد التقارب الملحوظ بين الخرطوم وطهران"، وأضاف"لكن هذا مبرر سياسى والسعودية ستتخذ من ملف المحكمة الجنائية مبرراً قانونياً".

وعن رفض جامعة الدول العربية للتعامل مع قرار المحكمة الجنائية الدولية، قال الخبير السودانى، "إن ذلك لن يكون له أى تأثير على السعودية باعتبار أن الجامعة قراراتها سياسية بينما المحكمة قراراتها قانونية ويمكن أن توفر غطاء للسعودية لأن القرارات السياسية للجامعة ينبغى أن لا تتعارض مع الالتزامات الدولية".

وعن عدم صدور أى إدانة حتى اللحظة من الخرطوم ضد الرياض بعد منع طائرة البشير من عبور الأجواء السعودية، قال أحمد "لا أتوقع صدور إدانة من الخرطوم لأن موقفها الدولى ضعيف وهى فى حاجة للسعودية، وليس من مصلحتها التصعيد".

الاناضول


تعليقات 48 | إهداء 0 | زيارات 35024

التعليقات
#738225 [د راشد دياب]
3.75/5 (3 صوت)

08-06-2013 12:26 AM
كلام فاضى ياوهم انتو لابتفهموا لا بتعرفوا فى " فن الجمال" شىء
د. راشد دياب
دكتوراة فى فن الجمال
واول سودانى يعيد لجلابية الرجالة ملحوقة مجدها


#738216 [صارقيل]
4.13/5 (4 صوت)

08-06-2013 12:13 AM
لكل داء دواء يستطّب به ..
الاّ الحماقه أعيت من يداويها .


#738166 [سيد الكارو]
3.63/5 (4 صوت)

08-05-2013 11:17 PM
هناك نكته تقال عن الشاويش علي صالح عندما اختار الوقوف مع صدام ـ زي المشير بتاعنا ـ تقول النكته على لسان واحد يمني قرفان
(الحمار ابن الحمار مسك ...... التور وخلى ضرع البقره ) هكذا يفعل الآن مشيرنا الهُمام .


#738164 [الديك]
3.57/5 (5 صوت)

08-05-2013 11:13 PM
موقف السعوديه ـ دائماً ـ ما يمّثل موقف الخليج كله .
استحّكمت حلقاتها .


#738161 [عديل]
2.25/5 (4 صوت)

08-05-2013 11:05 PM
الجنرال بات محاصراً في عاصمته .. وبكره في قصر غردون .


ردود على عديل
European Union [ابوالعزائم] 08-06-2013 12:42 AM
والله احلي تعليق عديل كده وووين البيقولو البيأيد الجنائية نقطع ليهو كرعينو يلا قومو نقطع كرعيين خادم الحرمين .


#738147 [الحقيقة مرة]
3.75/5 (6 صوت)

08-05-2013 10:30 PM
مجرد زوبعة في فنجان قبل اسبوع طردوهو من نيجيريا زي الجربان وبرضو البشير لسا الرئيس الضكر الحاكم وارجل من اي زول دا لو شعب تاني كان تاني يوم رموهو في الزبالة


#738095 [عبد الله]
3.50/5 (3 صوت)

08-05-2013 08:09 PM
بدون انفعالات او خروج عن اللياقه اجد ان موقف المملكه العربيه السعوديه تجاه طائره الرئيئ البشير شىء جديد جدا جدا ومؤشر خطير فى نفس الوقت بتغيير المواقف من جانب السعوديه . وكما قال البعض السعوديه فى حاله عداء مستحكم مع ايران وهذا التصرف رد فعل تجاه الحكومه السودانيه التى اطرت عقتها مع ايران بصوره قويه واصبح لايران موقع قوى بالسودان بل هناك مقوله بان هناك قاعده عسكريه لايران بالبحر الاحمر وهذا يشكل خطر جاد ضد السعوديه . الا انه ينبغى التعاملب بحكمه ورويه مع المملكه للمصالح الثنائيه بين الدولتين خاصه مصالح السودان لاننا نعتمد على راسالمال السعودى فى كثير من بوابات الاقتصاد بالسودان . وانه من الخطل التسرع فى اتخاذ قرار كرد فعل . والان اصبح السودان محاصر بصوره اكبر وهذا بالطبع ما سوف يؤدى الى تسارع سقوط النظام لانه مرفوض دوليا حتى من جيرانه .


#738093 [كلام العجوز]
3.72/5 (6 صوت)

08-05-2013 08:08 PM
اللهم لا شماتة.
بس مالكم لبدتو كدة وين رد الفعل الرسمي الشجاع لا استنكرت الحكومة ولا شجبت ولا استدعت السفير ولا سحبت سفير السودان ولا ..يعني فلاحتم ورجالتم على المواطنين السودانيين بس..الخشونة والمواقف الحادة وحمرة العين والتهديد والوعيد للمعارضين ولناس دارفور والنيل الازرق وجبال النوبة...! والله خجلتونا.


#738067 [ود حتته]
3.50/5 (3 صوت)

08-05-2013 07:03 PM
الله حليل النميري كان شرف اين ما ذهب مش وزي التعبان عمر البشير


#738063 [هميم]
2.38/5 (8 صوت)

08-05-2013 06:56 PM
صدقت يا أستاذ، نظام البشير ضعيف ... وضعيف لأنه فاسد


#738028 [ود سالم]
3.63/5 (6 صوت)

08-05-2013 05:50 PM
اصبحت مهزلت الشعب السوداني يا سيدي الرئيس

وا اسفا ....


#738008 [محي الدين المسبعاتي]
2.63/5 (6 صوت)

08-05-2013 05:27 PM
فعلاً الجيش الألكتروني قدروا يشلوا حركتكم كتير... ومنصور واحد منهم قدر شتت حبل أفكاركم وطرحكم في موضوع طيارة البشكير... وإنشغلتو بيهو سيبوهو في حاله... ودي مصيدة من الجيش اللألكتروني بتاع المؤتمر العفني التابع لبو العفين... ارجعوا للموضوع ياشباب وأنسو في واحد أسمه منصور... زفت


#738005 [radona]
2.25/5 (5 صوت)

08-05-2013 05:22 PM
رب ضارة نافعة
كده طبعا اجرة الطائرة اتوفرت لخزينة الدولة
اما السعودية ارجح انه سيكون رد الفعل عنيف جداجدا وسيتم قطع العلاقات معها
وكده تاني الرئيس يزور اريتريا واثيوبيا وتشاد
ويحظر السفر لنيجيريا والسعودية بعد ان اتضح سؤ نيتهم


ردود على radona
United States [Zingar] 08-05-2013 09:12 PM
يا ولد إنت عبيط ولا اهبل...طظ فيك لو مفتكر السودان دوله مؤثره...بالمناسبه لو عايز تتأكد فى شريط فيديو للجلسه المغلقه لمؤتمر للقمه العربى الطارئ لما صدام دخل الكويت عشان تشوف بأم عينك كيف الملك فهد مسح بخائب الرجاء بتاعك ده الأرض.

قال رد فعل عنيف قال


#737973 [عبد المنعم احمد]
2.63/5 (6 صوت)

08-05-2013 04:30 PM
آن لك ان ترحل سيادة الرئيس . هذا هو الذي يؤشر له موقف السعودية الرسمي لأن السعودية من الصعب ان تظهر مثل هذا الموقف مع أحد أشقائها مهما بلغت درجت اختلاف المواقف فيهي دائما تتعامل بحكمة وتروّي . لقد ضربت بأرض الحائط يا البشير مصير الشعب السوداني حيث تربطه مع دول العالم كله مع خلاف معها سواء كان العالم الغربي والعربي والاسلامي مثل ايران وكوريا الشمالية .الواضح انك لاتهتم لجوع شعبك وسمعته التي صارت بالحضيض بناء على سياسات المؤتمر الوطني المعادية للعالم اجمع . واعضاء المؤتمر وقادته لايهم صار السوداني ذليلا او متسولا أو منبوذا المهم أنهم في نعيم وهذا هو المهم في عرف المؤتمر الوطني .
ختاما اعتقد أن موقف السعودية هو آخر مسمار في نعش البشير


#737917 [أبوالكجص]
2.13/5 (12 صوت)

08-05-2013 03:16 PM
عرفنا الطيارة رجعت بي رئيسها إلى الخرطوم والناس علقت في موضوع المنع لكن يا أخوانا خلونا نسأل الرئيس بعد رجعوهو الخرطوم لقالو مخرج تاني يصل بيهو لإيران أم إقتنع ولزم بيتو. ياخي دا رئيس عكليت بشكل زي الطفل لمن يشوف ليهو حلاوة قطن لو طارت في الجو لازم يلحقها.


#737889 [elfadil]
4.50/5 (5 صوت)

08-05-2013 02:44 PM
المشكلة لمن رجع السودان قابلو على عثمان طه قال ليه ياخى يران تطير ان قايل الجماعة لمو فيك كنت ماشى اعرس وداد عديل بس الكابتن طلع بليد كان يوديك لاهاى عديل كدة ناس عين فى انتظارك بى فارق الصبر


#737887 [جك ليمون بااااااااااااااااااارد]
2.25/5 (5 صوت)

08-05-2013 02:44 PM
البلد غرقانة بالفيضان والمواطنين في العراء , وأمير المؤمنين محلق في الاجواء !!! ولمن للشيعة والروافض والعفن.


#737881 [Sarah]
3.68/5 (8 صوت)

08-05-2013 02:40 PM
والله الاحوال وصلت مرحلة بطاله جدا ..
مسيء جدا لنا كسودانيين أن يكون هذا الزول حاكما بامره فوق رقابنا لما يزيد عن 25 سنه ..
ووالله الذي لا اله الا هو, ليس من مذمة لنا أكبر من هذه ..
والله لهو العيب والعار والسقوط الدواي أن نرضي هذا الهوان وأن نرضي دنية كهذه في وطننا ..


#737865 [ابو الحسن]
2.50/5 (5 صوت)

08-05-2013 02:36 PM
معلومة مؤكدة وطازة .. هل تصدقو أن الطيارة م}جرة ب 300 ألف دولار .. والشعب السوداني يتضور جوعا في العراء بسبب الأمطار والسيول.. لله المشتكي في هذه الأيام الفاضلة.


#737859 [مثيانق كوال شول]
3.13/5 (5 صوت)

08-05-2013 02:32 PM
لله دى ما عندوا قبيله لكن عمر البشير يقسم شئ بى طلاق وكل كذب وشايفين الحاجه مدوره معاه , ومرة بى ياتوا خيتوا , انا عمر البشير ما بعفيهوا هو السبب فى موت الكثيرين من دارفور وجنوب كردفان والنيل الازرق ثم ابيى وهو المسؤل الاول من قتل الناظر عموم نقوك /كوال دينق كوال وانا ما بخليوه خالص وبى صيام الكثيرين الحاصل حسع يرجع من اى مكان الى القبر يمشى طوالى , دم الناظر كوال لم لن يمر بعافيه ثمنوا انضمام ابيى الى الجنوب بخلاف ذالك روح عمر البشير شخصيآ والرب مع السودان والجبهه الثوريه السودانيه والنضال مستمر يا رفاق .


ردود على مثيانق كوال شول
United States [dark] 08-05-2013 10:39 PM
يا خوى ناس دارفور وجنوب كردفان والنيل الازرق يمكن وبدون تاكيد يكون ليه دخل فى الحرب لانه راس الدوله ويتجمل مسئولية غيره اما ناس نقوك بتاعين ابييى ديل من ضيعهم هو ادوارد لينو وعيال دينق مجوك القاعدين على نقوك الغلابهوساقنكم للزوالز سامع اليوم ديل ادوارد لينو بحرض فى الغلابه يجوا يقعدوا فى ابيى استعدادا للاستفتاء المزعوم شهر اكتوبر. الزول داسايقكم لحتفكم النهائى. اين اسرة لينو ودينق اللور وفرانسيس ولوكا وغيرهم.موضوع ابيى دا حيبقى زى الصحراء الغربية (سمعت بيها) معلق الى يوم الدين اذا لم ترعووا.كوال قتله الحبش ودى عملية مطبوخة فى جوبا عشان يرتاحوا منكم ويحلوا مشاكلهم مع الشمال وبراك شايف دينق اللور وباقان ولوكا بقوا وين.خلوا ليكم ادوارد لينو عشان يدفنكم نهائى.


#737852 [حاتم]
2.25/5 (5 صوت)

08-05-2013 02:23 PM
غايتو لو الطيارة مؤجرة بي الدين الحكومة السودانية سوف لن تسدد مبلغ الايجار او ربما تتحمله السلطات السعودية لأن الطائرة سعودية أو حتى فرسنة منهم وكثيرا ما دعمونا الناس ديل وعمر البشير العوقه يجري لي ايران التي لا تدعم ولا تعمل للسودان التكتح اما عن ادانة وما ادانة فالسودان اضعف من ان يدين او حتى يبدئ تبرمه لانه في حاجة ماسة للسعودية لو ما اليوم فبكره سذاجة رهيبة من الحكومة وزبانيتها الذي اثبتوا انهم الف باء تاء ثاء سياية ما بعرفوهااا


ردود على حاتم
[حسن] 08-05-2013 10:08 PM
ما تنسى ايران بتديهو السلاح عشان يحارب بيهو الشعب السودانى اما السعوديه فبتدعم الشعب


#737782 [yasir abdelwahab]
2.38/5 (4 صوت)

08-05-2013 01:17 PM
دخ كلو كوم والبدفع قروش ائجار الطيارة منو..وي وي...انا اكان محل بشبش اخرخر واقبض الطايره لانها ما كملت الرحلة..ماهم-امكن- عندهم رياله زيو


ردود على yasir abdelwahab
European Union [Jungle] 08-05-2013 02:42 PM
والله ما يقدر يخرخر هو جاري يرضيهم والله لو قالوا ليه احس رجلينهم يلحس بعدين الاسلاميين مرتاحييين وصاحبنا بشبش ماسك قرون البقرة مرة يطردوا من نجيريا مرة من وين


#737771 [امير]
2.25/5 (6 صوت)

08-05-2013 01:03 PM
ايهما افضل زيارت غريق ولاحفل تتويج


ردود على امير
United States [Faroug Hashim] 08-05-2013 03:49 PM
الغريق ليس من (الاخوان) اذن الاولويه للتتويج


#737758 [حيدر م]
4.25/5 (4 صوت)

08-05-2013 12:46 PM
د/ ادم يا خطير تصريحاتك صائبة مائة بالمائة


#737752 [GSM]
3.25/5 (3 صوت)

08-05-2013 12:39 PM
ياناس منصور ده ادوهو فرصه شويه ارجعو لعمر البشير احسن


#737724 [اسد]
3.63/5 (4 صوت)

08-05-2013 12:14 PM
مافي داعي للتصعيد - ممكن يكون هذا القرار اتخذه امير مكة يعنى مش سياسة المملكة . على كل حال الظروف غير مناسبة لمثل هكذا زيارة لا في الداخل ولا في الخارج .


#737720 [القادمون الجدد]
4.25/5 (4 صوت)

08-05-2013 12:10 PM
سواق الطياره دا اهبل ولا شنو ماكان يخليهم يقيمو العشاء ويطفي الانوار ويقول واحد وستين والسعودين لا عندهم دفاع بانظر ولا دفاع بالسمع


#737713 [أخ مسلم]
3.33/5 (9 صوت)

08-05-2013 12:05 PM
حسبنا الله ونعم الوكيل ده مش كلام يتقال في رمضان .. وربنا قال اطيعوا اولي الامر منكم وده رئيسنا مهما حصل منه المفروض الناس تقيف معاه ومع السيادة السودانية خلو عندكم وطنية وعزة نفس شوية وبلاش مهانة المغتربين ده والسلام عليكم ...

اخ مسلم وافتخر.....


ردود على أخ مسلم
United States [شاخور] 08-05-2013 11:01 PM
يا المفتخر المسلم ..
الجنرال تبعكم هذا ، ليس برئيسنا إن كنت لاتدري و الطاعه تجب للعادل من الحُكام و لمن أتي بإراردة الرعيه و مشيركم هذا لا نحن دعيناه لان يكون ولي أمرنا
ولا نحن اتينا به ليكون رئيسنا و رمز لسيادتنا التي اهدرها بتصرفاته الخرقاء هذه .
السيادة والوطنيه لاتوزّع هكذا هباء كما تفعل ، الوطنيه والسيادة يا سيدي لمن يصونها وهي ابعد ان تكون للقتله ومجرمي الحرب و الإبادات الجماعيه
التي ترتُكبت في حق المواطنين .

United States [عبودي] 08-05-2013 03:55 PM
يااخ مسلم لا طاعة لعمر بشير في هذه الرحلة لانه ترك رعيته للسيول والامطار سافر لتنصيب واحد شيعي والطاعه غير واجبة لرئيس لم يرعي شعبه حق الر عاية هل تعلم بان ناس شرق النيل المتاثرين محتاجين بلح وموية لفطور رمضان وعمر البشير ماوفر ليهم ده وهو ماشي موجر طياره للرحلة بي 270 الف دولار انت عارف يعادل كم بالجنيه السوداني 1890000 وانت عارف ده بيجيب كم شوال بلح 1890 جوال بيكفي كم بيت لو ادو اي بيت ربع 3500 بيت لا طاعت لسفيه ومعتوه وعديم الفهم والقيم الاسلامية السمحة لابارك الله فيك ياعمر البشير وربنا ينتقم منك ومن زمرتك الفاسدين اليوم قبل باكر ببركة صيام الناس المتاثرين بالسيول في السودان

United States [الفنجري المعارض العقلاني] 08-05-2013 03:03 PM
بعدين ما عاوزين تقارب مع ايران الشيعية وثم هو رئيس غير منتخب يعني ما معترفين بيو يدقوه يطردوه ما يهمنا لانه لو كان منتخب كان وقفنا معاو ومن الصباح كان اعتصمنا في السفارة السعودية

European Union [Jungle] 08-05-2013 02:48 PM
تمام انا من اليوم اوعدك ستكون عندي وطنية ونقول كلام سمح لانه دا شهر رمضان ولا يجوز فيه اي قول بطال او فعل بطال مثل قتل 28 شخص في رمضان ايضا لا يجوز

United States [ابو الشوش] 08-05-2013 02:30 PM
انت واحد أهبل شكلك قال اخ مسلم ، الناس بتموت من الجوع والمطر والبيوت بتتهدم ودا عمال مسافر السفر الما يرجع منو ياااااااارب

United States [أوكامبو] 08-05-2013 02:26 PM
نقيف مع منو ؟؟ مع الأكل أموالنا و أستحل دماءنا و أهان كرامتنا و هو وقف مع منو عشان الناس تقيف معاهو، ثم ماهى علاقة رمضان بنقد موضوعى و سياسى لسياسات هوجاء و رعناء أورثتنا الذل و التخلف و الخراب و الله الوطنية عندنا و عند أصغر طفل فينا بس علم الوطنية و عزة النفس لرئيسك الفاشل و أنت مش حقك تفتخر إنتو المفروض تتكسفوا و تخجلوا على خيبتكم و خيبة رئيسك المطرود جوا يا كيزان يا جهلة يا فاشلين يا حرامية.

[سوداني والسلام] 08-05-2013 01:57 PM
هل الاسلام بقول نطيع ولي الامر ونحنا غرقانين وبيوتنا منهارة وهو ماشي يحضر ليهو حاجة كان جاء وللآ ما جاء ما بفرق ، بعدين مفروض يكون عامل غرفة طواري ومتابع الاحداث والله ربنا بسالو وبسالنا نحنا كمان ....


#737693 [ود فكي كارب]
2.13/5 (7 صوت)

08-05-2013 11:44 AM
فبضو ولا لسع المجرم كلب


#737692 [الضعيف]
2.00/5 (2 صوت)

08-05-2013 11:44 AM
شغل نضيف يا كلوني.. ايي ده الشغل..

ويا عبدالله عمرة بس عليك الله...


#737683 [محسن ابو حراز]
4.00/5 (5 صوت)

08-05-2013 11:38 AM
الناس في شنو وانت في شنو بدل ماتقعد في بطن الواطة دى وتشيل ليك طورية تحفر مع الناس في أنقاذ الأرواح داير تتفسح عليك اللعنة يازبالة الجعليين تفوووو عليك


#737671 [السوداني]
4.13/5 (6 صوت)

08-05-2013 11:26 AM
نحن مصبتنا مصيبة قبل ايام قليلة رئيسنا جى جاري من نيجيريا واليوم رئيسنا يعود ادراجة وبكرة ما معروف والله انا لو مكانك يا البشير اسيب ابو امها يعني لزومة شنو وهل تستطيع انت ان تجبر كل العام انا متاكد بكرة القريبة دي سوف نسمع مثل هذا الكلام من مصر ومن ارتريا وحتى جنوب السودان


#737651 [سامى الخضر]
3.25/5 (17 صوت)

08-05-2013 11:09 AM
والله لو بيدى اسلمك انا لمحكمة الجنايات يا زبالة الجعلين يخس عليك واليوم الجيت فيهو يارب يسرع فى يومك ونرتاح من همجتك ورواشتك دى هسى عليك الله البلد فى حالة طوارى من الامطار والسيول وناس ماتو وناس ماعارفي يمشو وين وجعانين وبرادانين ماشى تبارك لرئيس ايران منصبة الجديد عشان تأكد الولاء التام وتدخلنا مع عداوات انحنا لمن نموت ما ح نقدر عليها والله ماعارفين مودينا معاك لى وين مع نظامك الفاشل نسال الله القادر يمرقنا من المحن الانت مدخلنا فيعها وانا شخصيا بتمنى مش يقبضوك يغتالوك يا رمة الرجال ويبد نظامك الواطى زيك


#737645 [آدم محمد]
3.25/5 (10 صوت)

08-05-2013 11:03 AM
البلد غرقانة ورئيسها حايم.


#737591 [أحمد فقيرى]
2.04/5 (11 صوت)

08-05-2013 10:18 AM
من الواضح أن المدعو المدير (مدير إندايات ليس إلا) وكان عليه أن يكون مهذبا فى كلامه حتى يجد الإحترام من القارىء, ونحن لسنا بهذه السفالة ليعطى نفسه الحق فى أن يخاطبنا بهذا الأسلوب الوقح . وكلنا ضد المؤتمر الوطنى وحكومته , لكن لدينا أدب الكلام عن الآخرين .


ردود على أحمد فقيرى
United States [المدير] 08-07-2013 10:17 PM
نحن يا فقيرى عندنا 24 سنة من ما مرقنا من السودان وماكنا حنطلع منه ابدا لولا وللاسف الشديدو كما يعلم الجميع (الكيزان *******وما شابه ذلك ) و انا ما محتاج ابرر ليك اى حاجة لانك ما بتستاهتل بس بالله اسالك سؤال ( هل قتل الانسان وحرمانه من اهله و عشيرته و امه و ابيه و حياته اهون عندك ام هذه الكلمات الرقيقات و التى تتنزل كنسمة جميلة على صاحبها المقصود بهافى يوم الحساب و ذلك حين يقال له انت برئ **برئ يا بشير ؟؟؟؟؟؟؟ ؟ و اية براة ؟؟؟؟؟؟؟ والامر المحير انك وصفتها انت بالسفاله؟ يا ايها الكوز المشدوه المتطأطأالارهابى المتملق المتشدق العنيد (.......) مافى اى وجه مقارنة ما بين انسان قتل 5 مليون مواطن من جنوب السودان و 2 مليون من غرب السودان و ماخفي كان اعظم ياكوز يا شحتبور. و ما بين شخص قام بالتعبير عما فى دواخله من مشاعر تجاه هذا المجرمالاحترابى.

United States [المدير] 08-07-2013 10:09 PM
نحن يا فقيرى عندنا 24 سنة من ما مرقنا من السودان وماكنا حنطلع منه ابدا لولا وللاسف الشديدو كما يعلم الجميع (الكيزان *******وما شابه ذلك ) و انا ما محتاج ابرر ليك اى حاجة لانك ما بتستاهتل بس بالله اسالك سؤال ( هل قتل الانسان وحرمانه من اهله و عشيرته و امه و ابيه و حياته اهون عندك ام هذه الكلمات الرقيقات و التى تتنزل كنسمة جميلة على صاحبها المقصود بهافى يوم الحساب و ذلك حين يقال له انت برئ **برئ يا بشير ؟؟؟؟؟؟؟ ؟ و اية براة ؟؟؟؟؟؟؟ والامر المحير انك وصفتها انت بالسفاله؟ يا ايها الكوز المشدوه المتطأطأالارهابى المتملق المتشدق العنيد (.......) مافى اى وجه مقارنة ما بين انسان قتل 5 مليون مواطن من جنوب السودان و 2 مليون من غرب السودان و ماخفي كان اعظم ياكوز يا شحتبور. و ما بين شخص قام بالتعبير عما فى دواخله من مشاعر تجاه هذا المجرمالاحترابى.

United States [هااااارون] 08-05-2013 10:49 PM
يا فقيري ، دي لغه الجماعه لو قُدر لك ان تزور إحدى زنازينهم او بيت من بيوت اشباحهم ـ حفظك الله و إيانا ـ حتى صحفهم الصفراء
لم يدخّر (سخفيوها) من نعت المعارضين لنظامهم بأتفه النعوت و احط الألفاظ غير مراعين إن كان شيخاً او إمرأه ، وإن كنت لا تطلّع على صحافتهم كعامه الشعب السوداني فانت معذور .

فاخونا المدير لم يذهب بعيداً .

United States [Zingar] 08-05-2013 08:59 PM
يا الأسمك احمد فقيرى لا تنهى عن خلق وتأتى بمثله...إستعمالك كلمة مدير إندايات فى حد ذاته سفاهه وتفاهه وقلة ادب منك.
إنتوا يا معشر الكيزان يا وسخ مشكلتكم دائما ما تحرموهوا على الآخرين تحللوهوا لأنفسكم حتى اصبحت سمه فيكم.

United States [Jabo hamdan] 08-05-2013 01:02 PM
للاخ المتفلسف والمدعي التحضر والرقي احمد فقيري!!
ياخي انت مدير التربيه ولا الناطق الرسمي باسم قراء الراكوبه وبعدين دا منبر عام ويحق لاي شخص فيه التعبير حسب وجه نظره و مالك وماله سيب الراجل في حاله يفش غبينتو والاسلوب الحضاري مع المؤتمر الوطني اتعامل بيهو انت وامثالك من مرتذقه المشروع الحضاري ولو ما عاجبك اشرب من السيول والامطار؟؟؟

United States [الكاهلي] 08-05-2013 12:37 PM
وهل المؤتمر العفني لديه ادب الكلام عنك وعن المعارضين ؟؟
اراك زعلت وشنيت حملة شعواء على المدعو المدير .. والراجل عندو مليون حق في التلفظ والشتم والتعبير باقسى العبارات لانو ضاق المر زي الملايين من شعبنا الكان طيب

United States [واحد] 08-05-2013 11:58 AM
قلة الادب مع السفيه رجاله , البشير ذل بلد بحالو ادب شنو تاني معاهو , لا اخترناهو لا عاوزينو وحاكمنا بالاجهزه الامنيه = اغتصابات واعدامات وسرقه وسفاهة = يا زول اقولك شئ ادبك ده لمو عليك وقلة ادب المدير الانت شايفه نحن لو علينا يزيد منها , البشير لص عديم مروه وعيي وعنين وسفيه وكل قاموس الشتيمه من زمن الحطئيه والي زمن الانادي يستاهلها . اهه كيف معاك

[abumohanad ali] 08-05-2013 11:33 AM
من حقه يتكلم و يفش غبينته يا ابو المثقفين دا مواطن من حقوا يعبر عن رايه و انا برى انه موقف مخزي و مخجل من الرئيس ان يترك شعبه و هو بيعاني و يمشي عشان رئيس ايران بتوليه لمنصبه كان ممكن برقية مكتوبة تكفي انا بنفسي بستنكر هذا التصرف من الرئيس لانه ما بشعر باي مسولية تجاه شعبه


#737570 [المدير]
2.63/5 (19 صوت)

08-05-2013 10:00 AM
يا كلب يا حقير تركت بلدك و اهلك غرقانين في الموية و الطين و ماشي على ايران علشان تحميك من المحكمة الدولية, يا جاهل يا ابو جهل .كنت مفروض تكون عرفت و قريت من زمان فى المدارس انه ايران دى هية العدو الاول والاخير للسعودية فى الدنيا دى . انحن دلوقت عندنا 24 سنة برة السودان يا كلب ياحقير يا وسخ بسببك انت يا كريه. و كنا من زمان مستنين اللحظة دي (سنة ياولد)طيب ما تثبت عشان تاخدو كلو) و ياما حتاخد وجبتك كاملة تف عليك يا كلب الانجليز يا نجس. ,واالله العظيم و يا ما حنشوف فيكى يادنيا العجايب اليومين دولة.وياللا امشى كمان و اعلن الجهاد ضد السعودية و قول الحج حرام و امنع السودانيين من الحج يا خسيس.


ردود على المدير
United States [abusami] 08-05-2013 02:18 PM
احسنت يا مدير ناس المؤتمر الجهوي اتحرقو بنار جهنم.


#737565 [Jungle]
2.88/5 (14 صوت)

08-05-2013 09:54 AM
الموضوع ماشي يسخن شويه شويه البشير مفصول من كل بعثات الحج الي يوم القيامة اتذكر لقاء عمل مع صاحب البشير الوحيد في الدنيا الا وهو (أوكامبو) قال فيه ان صاحبه قانيش وزايغ من المحكمة لكن نحن كسودانين لن نرضي الذل لرئيسنا ونقترح له وتفاديا لموضوع الاجواء الدولية نقترح له ان يسافر بالجمال لان الرادارات لن تكتشفها وبذلك يمكن ان يذهب لاي مكان حتي حضور جلسات الجمعية الاممية للامم المتحدة


ردود على Jungle
United States [عماد] 08-05-2013 02:01 PM
منو القاليك الجمل بحلو عندهم نظية الدفاع بالنظر


#737560 [عوض والعوض علي الله]
2.82/5 (8 صوت)

08-05-2013 09:48 AM
بالنسبه لمافعلته السعودية وعدم ردة الفعل من الكيزان لان الكيزان تفهموا وجهه نظر السعودية افتكر هناك ضغوط دولية لجميع الدول علي القبض علي البشير ان مر باراضيها او اجوائها والسعودية لا تريد ان تجد نفسها في موقف حرج مع المجتمع الدولي ولا تريد ان يحدث ذلك علي اراضيها ففضلت ان ترد البشير وطائرته وجماعتو من حيث مااتوا واشرف للبشير وجماعتوا بقعدو في الواطا ونقول ليهم زمن التحدي انتهي بنهاية صلاحيتكم ووصلنا لنقطة فاصلة بالنسبة للقبض علي البشير


#737553 [طارق الباز]
3.94/5 (5 صوت)

08-05-2013 09:38 AM
يعود "للعداء بين دول الخليج وإيران >>>>> ودى محتاجة لخبير حاجه معروفه بس البشير زودا بالطائرة السعودية, كان يأجر من سوريا ولا من حسن نصر الله ولا من روسيا ولا يركب طيارتو الخاصه. لزومو شنو طيارة سعوديه والسعودية اكبر عدو لطهران.


#737543 [امجد عثمان]
2.50/5 (5 صوت)

08-05-2013 09:24 AM
والله الموضوع ماخطير شديييد وهو زاتو ماشغالين بيهو كتير بشة دا


ردود على امجد عثمان
European Union [Jungle] 08-05-2013 01:55 PM
والله كلامك صحيح شنو يعني البشير لو دايرين يقبضوه لكان قبضوا كالعنزاية لكن مكبرنه الكيزان بس


#737524 [abusafarouq]
2.38/5 (7 صوت)

08-05-2013 08:46 AM
يعنى ماكلها ماكلها وبالسكات حوس الاصبع . بلوة السودانين سيول أمطار وهدم بيوت ورئيس مطرود دى مصيبة شنو دى ياساتر أسترنا يارب رئيس ما يخجل مطلوب محاكمتو وممنوع سفرو برضو يصر يسافر يحرج نفسو والدول الاخرى عديم شخصية ألزم بيتك أحسن بدل البهدلة والعنترية وأسد الكرتون الفارغة دى.
أخخخخخخخخخخخخخخخ .


#737498 [المدير]
3.96/5 (9 صوت)

08-05-2013 07:52 AM
يا كلب يا حقير تركت بلدك و اهلك غرقانين في الموية و الطين و ماشي على ايران علشان تحميك من المحكمة الدولية, يا جاهل يا ابو جهل .كنت مفرض تكون عرفت و قريت من زمان فى المدارس انه ايران دى هية العدو الاول والاخير للسعودية فى الدنيا دى . انحن دلوقت عندنا 24 سنة برة السودان يا كلب ياحقير يا وسخ بسببك انت يا كريه. و كنا من زمان مستنين اللحظة دي (سنة ياولد)طيب ما تثبت عشان تاخدو كلو) و ياما حتاخد وجبتك كاملة تف عليك يا كلب الانجليز يا نجس. ,واالله العظيم و يا ما حنشوف فيكى يادنيا العجايب اليومين دولة.وياللا امشى كمان و اعلن الجهاد ضد السعودية و قول الحج حرام و امنع السودانيين من الحج يا خسيس.


#737491 [hassan abdulgaffar hassan]
3.13/5 (5 صوت)

08-05-2013 07:39 AM
دائما ما تكترث وتفتعل الأخطاء أي رئيس أنت يا البشير .....؟؟؟

رغم معرفتك بالعلاقة بين((( طهران* ودول الخليج * و السودان ))) في الخطوات إلي الأمام أم إلي الخلف ولاكن للأسف هاهي نتأئج التصراف بي لا عقلانية .................

حيث أنك وللأسف لم تحسب تلك الخوات جيدا... حتي لو اردت ارضاء الجميع....




إلا متي تلك الحماقات......


#737488 [بيكو]
3.50/5 (18 صوت)

08-05-2013 07:27 AM
الخليج كلو بطنو طامة من الانقاذ من زمن وقفتا المشاترة مع صدام واسلامها السياسي المجوج
صدقوني لو لا نظرة اهلنا القادة الخليجين (طال عمرهم) لوضع الشعب السوداني فقط(بدون نظرة سياسية) لطردنا من السعودية (خاصة) والخليج (عامة)
علي الطلاق كان نبقى زي الحبش شغلنا تاني (شاي وشيشة جرسونات)
لكن كتير خير ملوك وامراء الخليج فصلوا قيادة الكيزان من (الشعب الطيب) ماحاسبونا بسفهائنا الكيزان!
ف من هنا نقول لسيدي خادم الحرمين الشريفين جزيت وبوركت خيرا وسير يا ابو متعب ونحن من خلفك...المرة الجاية الدعول ده كان جاااك عاير عليك الله سلمو المحكة طوااااالي والله عافين ليك لله والرسول..ليك اللحم والعضم ذاتو
والله سوداني يزعل منك مافي اعتبرو سخلة وماتت


ردود على بيكو
United States [Abu] 08-05-2013 02:14 PM
Splendid what you have said...... Indeed I do command all your words, Well done and keep the good-work up??

United States [سايكو] 08-05-2013 10:19 AM
شنو يا بيكو سيدي و مولاي !!!
انت شغأل و بتقبض اجر نظير تعبك و مافي زول مديك منه و لا حسنه


#737484 [واحد مركز]
3.25/5 (3 صوت)

08-05-2013 07:15 AM
يااخونا ركز تشيكلية بتاع الساعه كم الموضوع بتكلم عن ارجاع طائرة البشير بامر السلطات السعوودية


#737477 [سودانى طافش]
3.63/5 (5 صوت)

08-05-2013 07:04 AM
ودى عاوزة ليها خبير ..!


#737476 [عنيد]
4.00/5 (6 صوت)

08-05-2013 07:03 AM
البششششششششيييييييييرررررررررررررررر السفيه


#737415 [منصور علي]
3.00/5 (5 صوت)

08-05-2013 03:20 AM
التشكيليه الشابه امل بشير تمثل جيل جديد من التشكيلين الشباب الذين يتمتعون برؤيه عميقه وثاقبه وتتميز لوحاتها ببعدثقافي وتنوع فريد مما جذب الي معارضها شخصيات كبيره مهتمه بالتشكيل ف مقدمتهم السفير الكندي وحرمه ومجموعه عريضه من اعضاءالبعثات الاوربيه بالسودان وذلك لتفردها ف افكارها والبعد الالهامي الفريد ف لوحاتها وتخطو بخطوات ثابته نحو العالميه وهي قليلة الحديث عن اعمالها تاركه اعمالهاللحديث عنها لها التحيه سفيرتنا الشابه امل ونرجولها التوفيق


ردود على منصور علي
European Union [ود البحير] 08-05-2013 01:04 PM
انت لسه راكب طيارة مع بشبش
انزيل هنا خذ ليك جرعة من مياه الفيضان

[ابو النور] 08-05-2013 11:06 AM
و الله يا منصور ما في أي فرق بينك وبين البشير "البشير شعبه غرقان و هو ما شي يبارك لئيس ايران الشيعي و انت شيل وتكسر في التلج لواحدة تشكيلية، الله يكون في عونك)

United States [ram100] 08-05-2013 10:28 AM
منصور يا خوي دي لافيها بكم كرت بالله ؟؟؟ الدنيا رمضان يا خوي

United States [ISMAIL MUSTAFA IBRAHIM] 08-05-2013 10:10 AM
ياخي مع احترامنا للفنانة التشكيلية - الموضوع علاقتو شنو بالمكتوب فوق دة - اللهم اني صائم

United States [أدروب] 08-05-2013 09:52 AM
يا تنقا الظاهر عليك تقصد ( التشكيلة الحكومية الشبابية) هي (أمل البشير) في الخروج من الورطة الهو فيها!!

United States [دواء الكيزان] 08-05-2013 09:52 AM
يا اللخو منصور انت راكب ماشي وين البص ده شايل لو جنازة ... بتعرف السكليب و لا ساكت ناطي لينا

United States [عوض والعوض علي الله] 08-05-2013 09:44 AM
ها زول ها انت راكب من وين

[ودالجنيد] 08-05-2013 09:36 AM
شكرا كثير تلج فى البرد يا ود المنصور

United States [fitman] 08-05-2013 09:25 AM
الخيل تجقلب زي الشرا في القندول

United States [Zingar] 08-05-2013 09:00 AM
شايت وين يا أبوى إنت...الصيام طلع فى الراس ولا شنووو الحكايه!!!

United States [zoalcool] 08-05-2013 08:41 AM
منصور الناس في شنو والحسانيه في شنو
وكل عام وانت بخير

United States [صلاح خضر عثمان] 08-05-2013 08:04 AM
دا ملاح شنو يامنصور ، الناس فى شنو وانت فى شنو ، تعليق دكتور ادم محمد احمد تعليق فطير ويمكن ان يدركه اى عنقالى حائم فى الشارع وماغريب عنه طالما هو يعمل فى مثل هذا المنصب وفى جامعه حكومية ، هنالك خفايا فى هذا الموضوع لايتم ادراكها بسهولة الا للمختصين والمحللين والمتابعين سياسيا ، واكيد ان السعودية لم تتخذ هذا الاجراء فقط لموقفها السياسى والعقائدى من ايران فقط ، سوف يتوالى ظهور حقيقة هذا الامر فى الايام القادمة ، السعوديين بطنهم غريقة وعادة لايفصحون عن مواقفهم واتجاهاتهم بشكل مباشر ، المصيبة والطامة الكبرى هى توالى المصائب الخارجية على هذا الارعن والاهوج البشير الذى اصبح فاقدا للبوصلة ويذداد يوميا رعونة وغباء من خلال تعريضه بسمعة وسيادة السودان خارجيا

[سودانى طافش] 08-05-2013 07:05 AM
ودى علاقتها بالموضوع شنو ..!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
6.71/10 (12 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة