الأخبار
أخبار إقليمية
تظاهرات في أمبدة احتجاجاً على عدم مساعدة الحكومة متضرري الامطار
تظاهرات في أمبدة احتجاجاً على عدم مساعدة الحكومة متضرري الامطار
تظاهرات في أمبدة احتجاجاً على عدم مساعدة الحكومة متضرري الامطار


08-04-2013 09:44 AM
الخرطوم: محمد الفاتح

تظاهر ظهر أمس العشرات من مواطني امبدة بسوق ليبيا، احتجاجاً على عدم تدخل الحكومة، لمساعدة المتضررين من الامطار. وقال شهود عيان إن العشرات من المواطنين بامبدة ودارالسلام سوق ليبيا، خرجوا في تظاهرات جماهيرية ظهر أمس بمحيط سوق ليبيا احتجاجا على تقاعس الحكومة في القيام بواجباتها تجاه سكان المنطقة المنكوبة بالامطار، قبل تتدخل الشرطة وتفض المتظاهرين مستخدمة الغاز المسيل لدموع والهروات، واوضحوا ان الشرطة قامت باعتقال عدد من المظاهرين، واكدوا انقطاع التيار الكهربائي والامداد المائي منذ الاربعاء الماضي بسبب الامطار والسيول، في الوقت الذي لاتزال فيه مياه الامطار تحاصر المنازل والمحال التجارية، وحذر سكان المنطقة من عدم تصريف المياه، الأمر الذي سيؤدي الى وقوع كارثة صحية، بسبب توالد الباعوض والذباب.

الميدان


تعليقات 18 | إهداء 0 | زيارات 8976

التعليقات
#738340 [عمر حسن أحمد البشير -الرئيس]
3.00/5 (5 صوت)

08-06-2013 07:01 AM
المواطنين ديل كرهونى العيشة كان بقولوا ما فى موية فإعتكفت ليهم ٦ ساعات قامت الموية جاتهم بالهبل أها هسع الجرسة من كترة الموية عايزين يصريف ليها.
أيها الشعب السودانى أثبت على رأى واحد عايزين موية و لا ماعايزنها.


#737375 [alkarory]
3.41/5 (6 صوت)

08-05-2013 01:48 AM
الحاجة الغريبة الانا ما قادر افهمها انو معظم افرادالشرطة البتقمع المواطنيين من الطبقة الكاااااادحة ومن المهمشين


ردود على alkarory
United States [mohd] 08-05-2013 04:27 AM
ديل عبيد السلطان

ديل كلاب البشير عديمي الضمير وخائني البلد والاهل
عبيد البشير


والواصلهم من العطايا والرشاوي يفوق ما سرقه لصوص الانقاذ جميعهم

لعنهماله وانشاء الله يارب يحشركم في جهنم كلكم لعنكم الله دنيا واخرة وشكلكم شماسة ماجورين كلكم ياناس الشرطة حارسي الظلم والفساد ويلكم من ربكم


#737360 [وليد ذو الفقار]
3.13/5 (6 صوت)

08-05-2013 01:31 AM
قال خرجو عشان الحكومه ما ساغدتهم يا امشو كده وطبعا زي المظاهرات دي تتمني تلقي ليك واحد بس شايل علم السودان لكن ممكن يقطعو الشجر ويشيلو الافرع يهتفو بيها بحيكم يا ناس المؤتمر الوطني ده شعب جبان فامرحو واسرحو زي ما عايزين ده شعب اجبن مما انكم تتصورو فما تشيلو هم انا بطمنكم ما تخافو ابدا من الانتفاضه والثوره الكلام
ده لو كانت بلدنا مصر معليش ممكن تخافو علشان الناس هناك بتحب بلادها وما بتنقصهم الشجاعه


#737216 [ود الباشا]
2.88/5 (6 صوت)

08-04-2013 11:04 PM
ناس الحكومة ديل ما عملوا استنفار ومسكتم ام هلهلا لتحرير هجليج وبعدها ابو كشورلا وحراسة حدود امدرمان مالم صنوا وبلعوا السنتم وصهينوا دا معناه شنو يا قادة ياسجم


#737085 [تدخل الشرطة وتفض المتظاهرين مستخدمة الغاز المسيل لدموع والهر]
2.41/5 (6 صوت)

08-04-2013 08:00 PM
دا الفالحين فيه و دا البيلقاه الشعب منكم ...


#736891 [ابوجلاجل]
3.16/5 (7 صوت)

08-04-2013 04:01 PM
تاني صوتو للشجره!


#736871 [أبوالكجص]
3.04/5 (8 صوت)

08-04-2013 03:45 PM
الكارثة وقعت لكن الشيء المحير أن الحكومة لا قادرة تغيث الناس ولا دايره تعلن للمؤسسات الدولية (الأمم المتحدة) بأن السودان كدولة وعضو أصيل في هذه المنظمة الدولية في حالة نكبة وأضحى منطقة كوارث بفعل هذه العوامل الطبيعية لكي يغيثنا الناس وهو حق مشروع لأي دولة إذا ما تعرضت لمثل هذه الكوارث .. ياناس الحكومة أصحو شوية حتى حقنا الدولي ما عايزين تتطالبوا بيهو طيب إنتو حكومة عشان شنو؟


#736786 [warrag ali]
2.25/5 (5 صوت)

08-04-2013 02:21 PM
اصبحت واطاتكم اذا منتظرين الحكومه هي في حكومه لخدمه المواطن والله مافي الحكومه موجوده في فض المظاهرات وبس


#736724 [الفجري داك]
3.16/5 (10 صوت)

08-04-2013 01:01 PM
شرطة تافهه إكلي السحت ،يضربون أخوتهم وأهلهم وهذا درس الأنقاذ وموالأت البلطجية لهم .
بحفنة من الجنيهات إشتروا رجال يحرسوهم ليمدوا فى طغيانهم ،ويعذبوا أهاليهم، كثير من جنود الشرطة يعرفوا عيوبهم ولكن لايستطيعوا فعل شي غير تنفيذ الأوامر كخدم لياكلوا ويشربوا أفضل من الموت جوعاً .هذا حال
الكثير والذين غسلوا أدمغتهم بالجهاد من أجل حماية نافع والمتعافي وطة والبشير وكل حرامية المؤتمر الوثني
.بل أكثرهم لايعقلون ولايدرون فقد أتو بهم من الخيران والمجاري ،واشبعوهم وملأوا بطونهم ،ومنهم من كسوا عائلته ،ومنهم من تم بناء منزل له ،ومنهم من ذهبوا به خداع الى دهاليز يعرفونها أنسوهم اهليهم لحماية الطغمة .خداع هي لله ونفاق أدركوهوا حتى صغار اليوم ويعلمون إن مصيرهم قد ضاع بهذة الطغمة الفاسدة.هذة ابسط مايحتاج الانسان أن تحمية الدولة من كوارث المياة ،وإنقطاع الذاد ،فمابال المواطن تحكمة عصابة فاسدة تطرق بابة كل صباح وتاخذ منه الأتاوات والجباية فرضاً وبامر العسكر ولاتسطيع أن تخدمه في تصريف المياة من جوار دارة حتى ينهدم على أبنائه فيموت من يموت ولاتجد من يوفر لك كفن أحد بل يقهروك بالهراوات ويضربوك بمسيل الدموع وان عصيت فالرصاص ،هذة هي الانقاذ 24عاماً تسرق وتقهر والبلاد
تتدنى أدنى فقراً واردا إقتصاداً وأسوا بيئة ،وأفقر شعباً وأخيب ؟؟
ماذا بعد أن ضربت الشرطة وأعتقلت ؟
هل ذهبتوا الى صقائعكم لتناموا ؟
وهل أصبح ينام لكم جفن ؟ ولااصبح الأمر عادي ؟
ترقبوا السيول والفيضانات والهدم المستمر !!
والساتر الله .


#736717 [أسامة]
3.16/5 (9 صوت)

08-04-2013 12:54 PM
أن ملايين الدولارات التي تصرف على الشرطة والجيش هي لحماية الكيزان الفاسدين ولإرهاب الشعب .
أيها الشعب إذا أرادت الحياة فأطلب من الجبهة الثورية بعد المولى عز وجل أن تنغذك .


#736673 [عيسي عمر]
3.82/5 (7 صوت)

08-04-2013 12:03 PM
نسال الله ان يجعلها امطار خير وبركة


ردود على عيسي عمر
United States [mohd] 08-05-2013 11:30 PM
نسأل الله ان يجعلها سببا لذهب واقتلاع هؤلاء الفاسدين الفجار

ونسأله ان تقوم ثورة بسببها لا تبقي اي كوز على ظاهر الارض

اللهم امين
اللهم امين
اللهم امين


#736651 [الصليحابي]
3.72/5 (8 صوت)

08-04-2013 11:45 AM
( وتأخر موسم الأمطار هذا العام كثيرا، وتدافع الناس لتأدية صلاة الاستسقاء، بل ودعتهم السلطات لذلك، كما أسهم الشح المتوقع للأمطار في «انتزاع» أول اعتراف صريح بالظلم وسفك دماء «المواطنين» من الرئيس عمر البشير، الذي قال في وليمة إفطار نظمها رئيس السلطة الانتقالية لدارفور التجاني السيسي، إن الظلم خيم على البلاد في ظل حكمه، ما سبب في الجفاف وتأخر نزول الأمطار، وقوله: «كيف يستجيب الله لدعائنا ونحن نسفك دماء المسلمين ودماء بعضنا البعض»، ويعد هذا أول اعتراف بفداحة الجرائم التي ارتكبها الحكم، منذ الانقلاب في يونيو (حزيران) عام 1989م، ما جعل الأقدار تبدو كأنها تصفي حسابها مع «الظلم» مرتين، مرة بشح الأمطار، والثانية حين جادت بها ).


#736636 [طارق الباز]
2.38/5 (6 صوت)

08-04-2013 11:25 AM
مشكلة المصارف هاجس كل حكومة مرت على السودان وستمر على السودان طالما بفكروا فى حلها الا بعد نزول الامطار.


#736611 [osman]
4.07/5 (6 صوت)

08-04-2013 10:54 AM
اذا محتاجين الحكومة تساعدكم فهي محتاجه منكم الدعم المالي عشان تقدر تساعدكم لكن كده مجاني مستحيل بعدين الحكومة مافاضية للكلام ده دي مشاكل المواطنين ماعندها دخل بيهم لكن بس بعرفو يشيلو منك حق الموية وحق الكهرباء وحق العداد وحق النفايات والعوائد وغيرو وغيرو لكن تشيل الحكومة من قروشنا حقتنا الاحنا دافعينها من جيبنا وتشغل دفاع مدني وطوارئ ماممكن في حين انو ماكان بكلف الحكومة تكون في حالة استنفار قصوى وتدفع حبت قريشات وتشغل جميع عربات الشفط اقلاها في المناطق المنكوبة ياخي بس فالحين يعذيبو الناس وحسي بعد كم يوم يقول ليك حالة استنفار قصوى عشان خاطر مصالحهم الشخصية والناس تطلع مسيرة ......والله اكبر...... والعزة للسودان..... وبعداك يجي يرقص ويهيز الوسط وانتهى.... لكن في حالة زي الاحنا فيها دي والناس بيوتهم وقعت وبعضهم اتخربت وناس ماقادرين يتحركو من اماكنهم مامكن سيادتو وسيادتهم يطلعو ويقيفو ويتكلمو لانو شينه في حقهم ياخي انشاء الله اطلع ادينا فاصل رقيص نحنا موافقين بس حسس المواطنين ...ززمعليش اقصد الناس البشر البه.... ديل انو في مصيبة حلت عليهم وانتو واقفين معاهم انشاء الله بي الكلام ساي ماتعملو حاجه ما سنينكم دي كلها غشاينهم وغاشيننا بالكلام


#736610 [kakan]
3.16/5 (7 صوت)

08-04-2013 10:53 AM
عالم عجيب وغريب يعني الوداكم ام مبدة شنو انتو ماشايفين المعمورة


#736580 [جارسيفو]
3.72/5 (7 صوت)

08-04-2013 10:14 AM
ثورة حتى النصر وانا نصر الله قريب ربي دمر المنافقين الفاسدين تجار الدين والمشروع الدماري وليست الحضاري ربي احصيهم عدد ولا تقادر منهم احد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
4.63/10 (5 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة