الأخبار
أخبار إقليمية
نعمات زوجة والي الخرطوم لمواطني الولاية: لكم العتبى حتى ترضوا
نعمات زوجة والي الخرطوم لمواطني الولاية: لكم العتبى حتى ترضوا



08-06-2013 09:18 AM

الخرطوم- حافظ الخير

دافعت زوجة والي ولاية الخرطوم د. "نعمات حسن عيسى" عن أداء الوالي د. "عبد الرحمن الخضر"، وأكدت في ردها على المطالبات بإقالته على خلفية الأضرار التي لحقت بمواطني الولاية جراء السيول والأمطار الأخيرة، أكدت أن "الخضر" لم يبارح مكتبه طيلة الـ(24) ساعة الماضية واستطردت: الناس تعبانة ولهم العتبى حتى يرضوا .
وقالت د. "نعمات" : (الوالي قاعد في مكتبه منذ هطول الأمطار ولم يأت إلى المنزل وأضافت : حتى أن غيار ملابسه يتم إرساله له بالمكتب).
ونبهت زوجة والي ولاية الخرطوم، عقب جولة لها لبعض الأسر الفقيرة المتعففة بأحياء الحلة الجديدة واللاماب بحر أبيض في إطار برنامج الراعي والرعية، إلى أن والي الولاية يعمل بجهد وأشارت إلى أن آراء المواطنين حول والي الولاية متباينة.

المجهر


تعليقات 38 | إهداء 0 | زيارات 7725

التعليقات
#739448 [هاجر حمد]
0.00/5 (0 صوت)

08-07-2013 03:56 PM
يا جماعة حرام عليكم المرة دي ما عندها ذنب دا ذنب رئيس تحرير اشتر جرجرا واحرجا ! واحد رئيس تحرير يركب مكنة مجلس سيادة بي حالو ويرشح ليه زول رئيس للجامعة العربية بس لان جدو اسمه اسماعيل ولذلك هو اكثر عروبة من كافة العرب ! يعني اهلنا في الغرب ناس اسحق ويعقوي اكثر يهودية من مناحم بيجن ذات نفسه ! مالكم علي المرة ؟ شوفوا عبقرينو الوراها


#739148 [العميد]
5.00/5 (1 صوت)

08-07-2013 03:46 AM
ضاربين قروش الحرام خلو يدافع لي راجلو علشان يجيب ليهو قروش حرام علشان ينفعو في الدنيا بعدين علشان يتعزبو في الاخرة زي مالناس بيتعزبو اسع


#739144 [mohd]
5.00/5 (1 صوت)

08-07-2013 03:26 AM
وليه ما حسب ليوم زي دا راجلك الحرامي دا؟



الفلم دا بيتكرر كل سنة عمل شنو عشان يتفاداه


لكن لما يقع الفاس في الراس لو يقعد سنة ما بيساوي واحد في المليون من الخسارة الوقعت على الناس المساكين

بعدين العتبى حقتك دي نصرفها وين ؟ بتجيب اسمنت ؟ بتجيب عمال يبنوا؟

الله ينتقم منكم يا مال الحرام يا تربية الحرام ويورينا فيكم يوم
لعنةالله عليكم اجمعين
والله يعجل بزوالكم من الدينا اليوم قبل الغد اي منافق واي كوز حقير حرامي واطي

تف عيكم واحد واحد


#739126 [سودانى منفرج الأساريراحيانا]
4.50/5 (2 صوت)

08-07-2013 02:12 AM
يا جماعه اهدأوا .. انتو عاوزين اليقوم بالدفاع عن المسؤولين منو غير اقرب الناس ليهم العارفات ألأبيار وغطياتا .. دفاع الزوجات عن بعولتهن ظاهره ما جديده.. حرم الوالى سبقتها حرم وزير تعليم الخرطوم اللى لما كان وكيل وزاره التربيه بكووول تجرد ونكران ذات حفّز نفسو ب 165 ميه وحمسه وستين مليون جنيه قال انها الحافز المستق له نظير اشرافو على امتحانات الشهاده السودانيه ..
لما الموضوع فاح وتناولوه خلق الله بالكلام اتبرت الست حرم الوكيل لتبيان حقيقة الموضوع وشرحتو مؤكدة انو الوكيل ما اتى بشيء نكرا باعتبار انو كووول المسؤولين متساويين وبيحفزوا رقبتم لكن فى واحدين اكثر مسواة وديل الببيمسحو اشناب بعض او البتجيهم ظروف الرئيس المترعه.. المهم الميه وخمسه وستين مليون جنيه ما دخل عليها منها شيتا كتير .. الوكيل "بعلها" قال ليها انو كان بيوزعا على المحتاجين .. ومدير مكتبو وكاتم اسرارو شاهد !!! وهى صدّقت !! بدون مدير المكتب ما يحلف!! اكيد نسيت انو الست ألأولى كانت من المحتاجين والفقراء والمعوزات !!
السيدتان.. قرينتا الوالى ووزير التعليم ما تنسو كانتا لهن زمالة سابقه فى ولاية نهر النيل فى بدايات العهد ألأنقازى عندما كان وزير التعليم الخرطومى الحالى (المعتصم بالله) هو الوالي على نهر النيل وكان والى الخرطوم الحالى (عبدالرحمن الخضر) وزيرا ولائيا فى نهر النيل أنذاك!!! اها بعد دا نؤوللكم يا ناس يا شر بطّلو أرر ..هل عندكم اى تشكك انو ناس الحكومه كووولهم بيحكموكم من منطلق العباده الخالصه للواحد الباسط الرزاق..!!


#739072 [ابو خطوه]
4.00/5 (1 صوت)

08-06-2013 11:49 PM
انتى راجلك ده قعد فى مكتبو متين بعد رجوع طيارة البشير


#739046 [عصام]
4.63/5 (4 صوت)

08-06-2013 11:17 PM
والله خسارة الواحد يعلق على هذا الموضوع.


#739045 [نذير]
5.00/5 (3 صوت)

08-06-2013 11:17 PM
جابتلها كلام نسوان والله مهازل


#739009 [wed alsroor]
5.00/5 (2 صوت)

08-06-2013 10:20 PM
ياناس ياعالم يهوووووى دا شنو البيحصل دا يا مراء دي دوله دى بلد دى جمهوريه السودان يعنى لايدار بهذه الطريق يخى معقول دا لكم العتبه حتى ترضو انتى البدخلك شنو فلموضوع دا انتى قايله دا دكان جمعيه وهو زاتو يسمح ليك كيف ان تزهبى وتعملى زيارات للاسر بصفتك شنو وتصرحى للصحف بصفتك شنو انتو البلد بقت حقت ابواتكم لا مافى كلام زى دا زوجك غلط ولازم يتحاسب وابسط شى براهو يقدم اسقالتو بدون مالشعب الغلبان يطالب باقلته وانتى هسه بتولولى كده وضاربه الجرسه وفقدتى كنترول عشان مايقيلوه الكرسى والسلطه حلوه وضاربين قروش الحرام دى مابتقدر تخالوها حق الشعب المسكين الله فى وصحى البختشو ماتو وحسبنا الله ونعم الوكيل


#738965 [ود بلد]
4.50/5 (3 صوت)

08-06-2013 09:38 PM
هذا زمانك يا مهازل فمرحي .....مييييييييييين د.نعمات اساسا ؟!!! علاقتها بي موضوع شنو عشان تجي تدافع عن الوالى ؟!! الوالي ده كان عندو ذرة من الاحساس كان استقال


#738958 [مواطن]
4.94/5 (6 صوت)

08-06-2013 09:19 PM
اوعه يكون عرس عليك وقاعد يكب ليك المكنات دي


#738938 [النتر]
4.50/5 (3 صوت)

08-06-2013 08:29 PM
نحنه قعاد نسوي بيهو شنو ماهو قاعد من سنوات!!عمل شنو!!يعني كل واحد قاعد ذيو وذي التربيزه نعزروا!!!ده مافاضي من توزيع ولم الاراضي والففل في المخططات وباقي الوكت تربية ابقارعشان المصريين!!!


#738892 [ابو كريم]
4.00/5 (2 صوت)

08-06-2013 06:19 PM
هـــــــــاووووي يانعمات لمي راجلك بعد دا واقعدي بعيد... وخلي اليبل رأسو وينتظر لغايةمايجي وقت الحساب


#738891 [كركاب]
4.75/5 (4 صوت)

08-06-2013 06:16 PM
سوط عنج معطون بعطرون فى راسها
المرة المطرطشة دى اسى دا وقت كلام فارغ ذى
الناس الفيها مكفيها عايزة تمرضيهم اكثر من كدة
هو قاعد ليها شنو ما عندة اى حاجة فى الميدان
لا خيمة لا برش .الناس جعانة ليها 4 ايام ما ولعوا نار
حريقة فيك وفى كوزك الكبير


#738875 [بت حبوبتها]
5.00/5 (3 صوت)

08-06-2013 05:48 PM
يا مدام, ما بيهمنا يقعد في مكتبه قدر شنو, المهم بيعمل في شنو ؟!
أهو رئيسه قاعد في مكتبه24 سنة معاه 10 نواب و 20 مساعد و 100 مستشار .. عملوا شنو ؟!
حسبنا الله ونعم الوكيل فيكم جميعآ


#738868 [سودانى و افتخر]
5.00/5 (4 صوت)

08-06-2013 05:38 PM
يا حرااااااام مسكين و الله 24 ساعة ما رجع البيت؟ مسكيييييييييييين و الله!!! ياخى فى ناس شغلهم و دوامهم 24 ساعة و ما عندهم زول يرسل ليهم غيارات ولا اكل و بعد ده بشتغلو بى ضمير و مرتباتهم تعبانة.


#738847 [زول]
4.75/5 (5 صوت)

08-06-2013 04:55 PM
نعمات دى تطلع منو ذاتها ؟ وهل نحن محتاجين لشهادة النساء المدافعات عن ازواجهن؟

واشمعنا الوالى بس قاعد الايام دى فى المكتب؟ لماذا لم يخرج ويتابع مجارى التصريف وحفر الخيران من قبل؟ وهل تنبأ له العراب بأيام جافة خالية من الامطار؟

السودان معروف عنه انه بلد الكوارث والسبب واضح


قال تعالى


(وكذلك جعلنا في كل قرية أكابر مجرميها ليمكروا فيها )


(وضرب الله مثلاً قرية كانت امنة مطمئنة يأتيها رزقها رغداً من كل مكان فكفرت بأنعم الله فأذاقها الله لباس الجوع والخوف بما كانوا يصنعون)


#738829 [أبوديدى]
4.94/5 (6 صوت)

08-06-2013 04:22 PM
فى اﻷول سؤال برئ: السكرتيره وين؟؟!!
ثانيا:شنو النغمة الجديده دى والطالعه فى الجرايد الفتره الفاتت كل مسؤول يواجه الفشل فى عمله يجيبوا مرتو تدافع عنه؟؟!!
يعنى عشان نتعاطف معاهو وماينتقدوه وبعدين مايشيلوهوا ؟!!
محن والله حريم السلطان مسلسل سودانى جديد على الطريقه الكيزانيه!!
يامره هوووى سوقى راجلك الفاشل ده ولمى عليك قسمه ونصيب.


#738801 [عماد الغبشاوي]
5.00/5 (1 صوت)

08-06-2013 03:22 PM
والله ياشباب رايت بعيني ان بلدية الخرطوم تفتح المجاري بعد الخريف يعني ثقافة العمل قبل وقوع الحدث دي ماعندنا بعد ماتقع الفاس في الراس حتي نشتغل ونطوف بالطيران 3 ساعات نتفرج علي اسر مشرده مالاقية جرعة ماء لتحلل صيامها . تاكد ياعمر سوف يسالك الله عن كل كبيرة وصغيرة بالسودان


#738793 [غرقان ومتعلق بقشة]
4.00/5 (3 صوت)

08-06-2013 03:18 PM
أولاً الحاجة نعمات عيسي بتدافع عن زوجها الفاشل علي أي أساس؟؟
ثانياً في أي المجالات حصلت على شهادة الدكتوراة؟؟
أي شهادة دكتوراة تم الحصول عليها في السودان منذ 26 سنة بمباركة هذا النظام بنعتبرها ورقة توليت ساكت.
ثالثاً في العمل التنفيذي هناك مايسمى بالتخطيط والتحضير والتنسيق واتخاذ التدابير والتحسب لما سيكون وفوق ذلك هناك خطط طواريء وخطط بديلة
اقتباس:
"وقالت د. "نعمات" : (الوالي قاعد في مكتبه منذ هطول الأمطار ولم يأت إلى المنزل"
يعني الزول ده كان نايم في العسل ومشى مكتبه بعد أن أغرقت الأمطار الخرطوم.
معليش يا حاجة الدنيا عيد وشوفي دايرين تجيبوا حاجات العيد من لندن ولا باريس.
بعدين راجلك ده متخلف وعلي العليهو جماعة الحلو والجبهة الثورية عملوا ليهو الخفيف.
ومش المفروض يستقيل وبس المفروض يشنق نفسه بعمامة لأنو الطلقة خسارة فيهو.


#738789 [جزيرة باربدوس]
4.38/5 (4 صوت)

08-06-2013 03:13 PM
بالله شوف خيابة الرجال بدل يمشى يشارك الناس ويشوف حلول ميدانية
للكارثة ، فاذا به يفك لينا مرته عشان تورينا هو قاعد فى المكتب ٢٤
ساعة وبيرسلوا ليه البجامات والفنايل الداخلية واللباسات...طبعآ الاكل
بيجيبوا ليه من الفنادق الفاخرة. نسأل الله ان تزداد كرشه كبرآ حتى
تنفجر.


#738786 [Sarah]
4.50/5 (2 صوت)

08-06-2013 03:10 PM
قعاده زي عدمه .... كان هو او المعاهو عملوا شنو ؟ مليتونا قرف وفقر الله ينعلكم


#738739 [سيف الدين]
5.00/5 (6 صوت)

08-06-2013 02:28 PM
سبحانه الله . علشان كده السودان ضايع . لأن نسوان المسئولين مشاركين في إدارته . وانت العرفك شنو احتمال كان مع المرأة التانيه والله اعلم !!!!!! واسأل الله يرضي عنهم ويعينهم . واتمني منك بان تلزمي الصمت


ردود على سيف الدين
European Union [التمساح الغضبان] 08-06-2013 05:07 PM
اذا مراته ما بتعرف يعنى واحد من ناس بيتكم اللى بعرف؟؟


#738702 [انا سوداني]
4.82/5 (6 صوت)

08-06-2013 01:59 PM
لنترك الوالي التعبان والمهموم والساكن في مكتبو من اجل مواطن الولاية جانباً
وتعالوا نشوف غيار الوالي بيحتوي علي شنو زينا سروال وفانلة وعراقي وجلابية وطاقية وعمة وشال ومركوب ولا حاجات تانية نحنا مابنعرفها طبعا هو والي وكده
ومادام بيرسلوا الغيارات اكيد بيرسلوا ليهو العضة واقصد الطعام والمتأكد منو انو لازم يكون مختلف عن عضتنا ماوالي وكده
ومادام بيرسلوا الغيار والطعام اكيد بيرسلوا الشراب والعصائر لزوم الصيام وكدا
ومابيكون ناقص والينا غير اخبار الحكومة واخبار الاخوان في رابعة العدوية وكده وقناة الجزيرة اكيد في مكتب والينا مربوطة وكده
بعد دا كلوا الوالي ناقصوا شنو غير شوية حنان وكده والموبايل الملح بكب الحنان وكدا
ياسعادتك كان مشيت البيت كان اخير اصلوا السلخ البعد الذبح مابيوجع وكده


#738664 [عز]
5.00/5 (4 صوت)

08-06-2013 01:18 PM
يكون ياالله الوالي ده جالس في مكتبو 24 ساعة هارب من نعمات دي ولا شنو؟
بس ماتقولوا لي جالس عشان هموم الناس وكدة


#738641 [ابو احمد]
4.00/5 (2 صوت)

08-06-2013 12:49 PM
حسبنا الله ونعم الوكيل


#738629 [Saeed]
4.50/5 (4 صوت)

08-06-2013 12:30 PM
يا نعمات بعلك دا أحسن مكان ليه يودوه سلخانة الكدرو عشان يكشف علي الذبيح اليومي لتغذية العاصمة من اللحوم. دي في نظري أنسب مكان ليه. ومشكلة تانية فيه أنو مركب مكنة رئيس!!! الله يجازيك يا علي عثمان طه البتجيب لينا جنس هذه المحن.


#738621 [ودالبلد]
5.00/5 (2 صوت)

08-06-2013 12:24 PM
يا (مرا) طيري على (تكلك) شوفي شغلتك بلا كلام فارغ معاك


#738607 [أبو عمر]
4.50/5 (5 صوت)

08-06-2013 12:06 PM
(الوالي قاعد في مكتبه منذ هطول الأمطار ولم يأت إلى المنزل وأضافت : حتى أن غيار ملابسه يتم إرساله له بالمكتب).

فى المكتب عشان يعمل شنو ما سوبا خربت خلاص قاعد فى المكتب يصور فى الناس الغرقت ، أنا ماعارف هل نحن شعب غبى ولا شنو يا جماعة كل سنة فى الحالة دى وكل سنة والله الأمطار جات فجأة ووالله ما كنا قايلنهاتجى بالكمية دى ، يا خى إنت على كيفك تجيك قدر خيبتك العاملة ونومك النايمو يا جماعة الشعب السودانى يطلع مظاهرات يطالب بعودة الاستعمار


#738564 [المتجهجه بسبب الانفصال]
4.96/5 (8 صوت)

08-06-2013 11:35 AM
من الافضل لكي ان تصمتي ولا تتدخلي في هذه الامور هذا شأن يخص الوالي والمواطنين وانتي لست طرف فيه،، ثم ان اعتذارك هذا لا مصداقية فيه فالناس لا يتحدثون عن لحظة وساعات سقوط الامطار وانما يتحدثون عن الفترة التي قبلها والاعداد والاستعداد للامطار وهذا شيء واضح وما عاوز لف ودوران سواء رسلتو ليهو غيارو في المكتب ولا قعد حيبة ،،، وسؤال بسيط يا دكتورة بيت الوالي وبيتك ده مش فيهو منهولات ومجاري لتصريف مياه المطر ،،،


#738538 []ديامي]
4.86/5 (11 صوت)

08-06-2013 11:20 AM
في ظروف غير هذة وفي غير ايام العار والذل والهوان التي يعيشها السودان .. ما كان لهذه المعتوهة ان تتكلم وتعتزر لاهل العاصمة وهي التي لا هي ولا بعلها ال... كانوا يحلمون بالمرور بها ناهيك عن السكن والنوم باحيائها الراااااااقيييييييه . يخس علينا يخس


#738535 [سوداني والسلام]
5.00/5 (4 صوت)

08-06-2013 11:18 AM
والله ما اظن في بلد جايطة زي السودان ، قالت الوالي ليهو اربعة وعشرين ساعة ما رجع البيت وبرسلو ليهو غيراتو في المكتب يا ربي الناس دي بتغير في اليوم كم مره .


ردود على سوداني والسلام
United States [معقولة يا ناس] 08-06-2013 01:07 PM
وهو خلال أربعة وعشرين ساعة عايز يغيير ملابسه والناس ما عندها أي ملابس عشان تغير بيها لأنه ملابسهم شالتها السيول وبعدين خليك من الغيار ديل ما عندهم أكل


#738532 [ابو عبير]
4.50/5 (7 صوت)

08-06-2013 11:17 AM
ماهى الفائدة من جلوسه انشاء الله العمر كله فى مكتبه؟ايت التخطيط ؟ اين المهندسين الذين بنوا الطرق؟انا الان لى فى السعودية اربعة وعشرةن سنة يوم واحد ماشفنا كسر الاسفلت لتصريف المياه؟؟ مع العلم امطار السعودية اقل بكثير من امطار السودان وكل عشرة كيلو فى الطرق توجد مجارى وفتحات لتصريف المياه اين نحن من هذا؟ المفروض ان تعلق المشانق لكل من الرئيس وكل مستشاريه الاكثر من مستشارى اوباما ووالى الخرطوم وكل معتمدى المجليات المتضررة من السيول .ماضيع السودان الالكم التبى حتى ترضوا


#738527 [nasr]
4.50/5 (3 صوت)

08-06-2013 11:13 AM
الراعى والرعية..............عجبى


ردود على nasr
United States [chinma] 08-06-2013 04:53 PM
الراعي والرعية والولية...

United States [خليل عــــزة] 08-06-2013 01:47 PM
والله من ناحية رعية

نحنا رعية


#738487 [انصاري]
4.25/5 (4 صوت)

08-06-2013 10:45 AM
"ماري أنطونيت" ولاية الخرطوم..!!؟


#738476 [سايكو]
4.50/5 (5 صوت)

08-06-2013 10:38 AM
اعتذأرك مرفوض يا نعمات
بعدين شنو برنامج الراعي و الرعيه دا الطالعين ليها بيهو الايامات دي ؟؟؟؟؟؟
و انتي اصلا يا نعمات من متين بقيتي ( والي ) عشأن تزوري ( الرعيه ) بتاعنك ؟؟؟؟؟؟


#738467 [سوداني غيور]
5.00/5 (2 صوت)

08-06-2013 10:32 AM
التهاني لكل أفراد الشعب السوداني بمناسبة العيد معمقة بالجراح لكل متضرري الأمطار
فقد اغتيلت فرحة أطفالنا الأبرياء بالعيد وتثاقلت الهموم على اولياء الأمور ولا سيما أن كاهل متطلبات شهر رمضان ما زالت تقبع على أعتاقنا ولا ننسى قبله بشهر واحد عبء مستلزمات العام الدراسي .
سيدي الوالي أن تجنب الآثار السلبية للسيول والأمطار لا يكون بالجلوس في المكتب 24 ساعة أو حتى العمر كله ، حيث أن الأمطار قد هطلت وصار ما صار ، بل يكون بالاستعداد الجاد قبل فترة كافية والوقوف والمتابعة على أرض الواقع لتجنب الآثار السلبية بمعدل 4 الي 6 ساعات يوميا وليست 24 ساعة .
من الواضح أن المشكلة ليست سوء تصريف مياه الأمطار والسيول ، بل ان المشكلة تكمن في كيفية ادارة الآليات الخاصة بهذا المشروع .
سيدي الوالي نريد أن يفرح أطفالنا في العام القادم ، فلن يهدأ لنا بال حتى يعودوا الي منازلهم وملابسهم البيضاء والملونة ليست ملوثة بالطين ، نريد أن لا يكون هنالك طنين للبعوض والناموس ونريد أن نأكل صحن الفول دون أي مضايقة من الذباب المدرع ذو اللون الأخضر والعيون المركبة الجاحظة ، وبالطبع تريد أن تقضي الـ 24 ساعة مع أسرتك فهم لهم حقوق عليك ، وتريد أن تعتكف في مثل هذه الأيام الطيبة إن أمد الله في العمر .
فهل بكل بساطة ووضوح يمكن تجنب الآثار السلبية التي حدثت هذا العام والأعوام السابقة في العام القادم .
بالطبع يمكن ذلك بالعمل الجاد والاشراف الشخصي فكل راعي مسئول عن رعيته .


#738441 [الجمبلق]
4.00/5 (3 صوت)

08-06-2013 10:10 AM
ما باين


#738437 [خليل عــــزة]
5.00/5 (8 صوت)

08-06-2013 10:07 AM
(الوالي قاعد في مكتبه منذ هطول الأمطار ولم يأت إلى المنزل وأضافت : حتى أن غيار ملابسه يتم إرساله له بالمكتب).

منذ هطول الأمطار دي حلوة

وقبل كده كان بعمل في شنو؟؟؟

هي المطره دي بستعدو ليهابعد ما تنزل ولا شنو؟؟

يهطل المطر ... يلهط الوالي اهو كلو خير وبركة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة