الأخبار
أخبار إقليمية
حزب الأمة القومي يكون لجنة للقيام بجملة من المراجعات والضوابط التنظيمية، والإصلاحات داخل مؤسسات الحزب.
حزب الأمة القومي يكون لجنة للقيام بجملة من المراجعات والضوابط التنظيمية، والإصلاحات داخل مؤسسات الحزب.


دعا السودانيين لاجتماع قومي لمناقشة قضايا البلاد وإيجاد حلول لها.
08-23-2013 06:17 AM

كشف حزب الأمة القومي المعارض بالسودان، يوم الخميس، عن لجنة تشمل 25 عضواً برئاسة الصادق المهدي رئيس الحزب، تقوم بجملة من المراجعات والضوابط التنظيمية، والإصلاحات داخل مؤسسات الحزب. ودعا السودانيين لاجتماع قومي لمناقشة قضايا البلاد وإيجاد حلول لها.


وقال رئيس لجنة الإعلام والثقافة بالحزب د. عبد الحميد الفضل ـ في تصريح نقله المركز السوداني للخدمات الصحفية ـ إن العمل باللجنة المشار إليها وصل لمراحل متقدمة في عملية تصحيح مسار الحزب.


وأبان أنه تم إخضاع مؤسسات الحزب لدراسة على كافة المؤسسات، لجهة إزالة الخلافات التنظيمية داخل الحزب، مشيراً إلى أن اللجنة قامت بمراجعة مهام المكتب السياسي والدستور والأمانة العامة، بجانب مجلس التنسيق والأمانات الأخرى.


وأوضح الفضل أن الحزب أعلن ترحيبه بالمبادرة التي طرحها الرئيس عمر البشير للحلول الوطنية، ويدعو لتطويرها، وإيجاد اتفاق حقيقي لنسيان مرارات الماضي، ودعوة أهل السودان لتشكيل حكومة انتقالية تشمل كافة الأحزاب والقوى السياسية، بعيداً عن حمل السلاح لأجل المصالح الوطنية.


اس ام سي


تعليقات 8 | إهداء 0 | زيارات 2659

التعليقات
#750681 [الصادق]
1.00/5 (1 صوت)

08-23-2013 07:05 PM
طيب .. لجنة لتصحيح مسار الحزب ... وكمان برئاسة الصادق الذي حرف المسار حسب ناس حزب الامة... وكمان ترحيب بمبادرة البشير ... تاني... وزيد كمان دعوة للشعب السوداني لحل المشاكل الوطنية .... ولوالشعب قال ليكم الحل في اسقاط النظام.. رأيكم شنو؟


#750678 [yasir abdelwahab]
1.00/5 (1 صوت)

08-23-2013 06:54 PM
يا اخوانا لا تبخسوا الناس اشياءهم..الصادق جمع 999999999999 توقيع بس ناقص توقيع واحد من بشبش ويكتمل الرقم 10000 00000000000 ..
بكري قال البشير قال للصادق انا ما عندي مانع اوقع لكن اولادك الاتنين بشري وعبدرحمان ما شايفهم وقعوا...قالو الصادق قاليهو بس انته وقع سيبك منهم ديل اولاد حرام.. الغريبه البشير قام وقع..
اها يا الصادق نسوي شنو..
قام الصادق قال ليهو اعمل نايم وسوي الدايرو بس الدايرة شويه ناشفه..
تتصوروا ان بشبش فهم..سبحان الله..يضع سرو في اضعف خلقو..


#750667 [القادمون الجدد]
1.00/5 (1 صوت)

08-23-2013 06:32 PM
اللهم اني خارج من رمضان


#750660 [مدحت عروة]
1.00/5 (1 صوت)

08-23-2013 06:16 PM
والله بكرة دى لو عمر البشير عمل مبادرة وفعلها وعمل حكومة قومية انتقالية ومؤتمر قومى دستورى جامع لكيفية حكم السودان واول ناس يحضروه هم الحركات المسلحة وطبعا المعارضة السلمية والناس وصلت لاتفاق وحكومة انتقالية انشاء الله 3 او 4 او 5 سنين حسب الاتفاق ما عندنا مانع ويكون رجع للحق والصواب والرجوع للحق فضيلة والسودان واجياله القادمة اهم من اى واحد فى المؤتمر الوطنى او المعارضة ولابد من دولة القانون والدستور والشفافية والمحاسبة والحريات والتنافس الحر بين ابناء الوطن فى الاقتصاد وشغل الوظايف العامة حسب القانون والدستور المتوافق عليه من الجميع وبهذا تقيف الحرب وحالة الانفلات الامنى ومافى زول تانى يتآمر مع اى اجنبى ولو كانت دولة الجنوب لانه لاقى حريته وحقوقه وبالقانون والدستور ومافى دولة تانى بتلقى ليها اى واحد سودانى يتآمر معها ضد الوطن واذا وجد فالامن والاستخبارات والقضاء والقانون موجودين وفى هذه الحالة يكون خاين ويستحق جزاؤه لانه ما ناقصه شىء!!!!!!!
وهذا لا يعنى عدم المساءلة والمحاسبة لمسؤولى الانقاذ والجريمة السياسية من انقلاب وسوء ادرة دى ممكن الناس تنظر فيها لكن الجرايم البتمس المال العام والنفس والافراد دى مافيها لعب وناس الانقاذ حقوا ما يخافوا لان البرىء ما بتجيه عوجة والعمل جريمة ياخذ جزائه ويثبت كالرجال!!!!!!
انا المحيرنى انه ناس الانقاذ ديل راجين شنو عشان يعملوا حل قومى وتراضى وتوافق وطنى وهو سؤال المليون دولار!!!!!!!!!!!!!!! هل فقدان السلطة اهم من الوطن واستقراره ومصير اجياله؟؟؟؟؟؟؟؟


ردود على مدحت عروة
United States [إبن السودان البار ***] 08-23-2013 11:34 PM
فقدان السلطة يعني تعريض مجرمي الجبهة للمحاكمات ؟؟؟ وفقدان السلطة يعني فقدان خزينة الدولة وأموالها السايبة والنغنغة بالسياحة والعلاج في عواصم العالم العلماني المتحضر ؟؟؟ فأرجوا يا أخ مدحت عروة أن لا تكون مثالي خالص ؟؟؟ ولا تتوقع أن يفرط هؤلاء اللصوص في السلطة الا بالقوة وهذا ما صرح به البشير وقال بكل بجاحة : أخذناها بالقوة فالراجل يجي يأخذها مننا بالقوة ؟؟؟ والثورة في الطريق إإن شاء الله ؟؟؟


#750555 [سودانى اطلاقا ما منفرج الأسارير]
0.00/5 (0 صوت)

08-23-2013 03:08 PM
* يا استاذ يا عبحميد يا فضل.. يا وزير الاعلام والثقافه فى حكومة "الظل" .. ما شاء الله "تاءات الحبيب ألأمام اصبحن "اربعه" بعد اضافة "تصحيح" مسار الحزب! هوّ "التصحيح" لسّا ما انتهاش !! الكنترول بيخلص متين والنتيجه امتى؟ هل بعد ولآ قبل الخلاص من "التوقيعات" ؟ لسّا ما اكتمل نصابها المطلوب ؟ متى الأنتقال الى "التعبئه".. "نحسب" انه لا بد من ألأنتظار الى حين الفراغ من "تصحيح المسار" ودا حياخد كم من الزمن انشاء الله سبحانه وتعالى؟
* يا استاذ يا عبحميد .. هل تقدر تحدد لينا ماهى بنود ومحتوى "مبادرة" الرئيس اللى رحب بها حزبك قبل ان يفصح "سيدا" عن محتواها.. يا استاذ يا عبحميد بالله انت فى قرارة نفسك وبعد تجربتك الطويله فى التعليم وعملك فى حنتوب (مصنع التجارب والخبرات) هل انت مقتنع انو البشير دا اللى سمح لنفسو ووافق على السفر "خلسة وبالدس والدغمسه" فى طياره مستأجره الى طهران لحضور تنصيب رئيس دوله كان ممكن سفيرو فى ايران ينوب عنو فى حين بلدو ومواطنوهو غرقانين !!.. (وكمان بعد فضيحة خروجو من ابوجا) .. فضل ليهو فكر يتمخض عن مبادره تؤدى الى حلول وطنيه!!! مالكم يا ناس وامامكم الحبيب كيف تحكمون؟؟؟
* "حقيقة" لعل هذه المبادره الرئاسيه تحمل نفس ملامح وشبه "اتفاقية الدوحه" اللى بحّت اصوات الناس بالسؤال عنها ومطالبه دكتور السيسي (السودانى) بالأفصاح عن اسرارها مع توضيح دوره فيها ومنجزاتو كرئيس للسلطه ألأنتقاليه .. ترحيب حزبك بها قبل ان ترى النور كمثل عضو "ألأتحاد ألأشتراكى" (اللى كان الأمام الحبيب عضوا فى مكتبه السياسى) اللى قال فى حماسة بالغه وهو يصرخ منتشيا فى تشنج "نحن نؤيد الرئيس القائد ونشد من ازرو "دنيا واخرى"!!!
*


#750518 [إبن السودان البار ***]
5.00/5 (2 صوت)

08-23-2013 01:32 PM
في سوداننا الحبيب يسمون الطوائف الدينية أحزاب وذلك حتي من بعض المتعلمين ؟؟؟ والحزب كما يعرفه الكثيرين من الشباب المستنير والوطنيين لا يمكن أن يكون ملك لعائلة محددة تتوارثه الي الأبد ورئيس العائلة هو رئيس الطائفة يأمر أو يؤشر ليطاع دون أي مناقشة أو مناكفة وكل ما عليه أن ينحني ويركع ليقبل الأيادي وينفذ كل ما يؤمر به وإلا أتهم بالزندقة والكفر والخروج علي طاعة السيد المقدس وعليه يزجر ويفصل من الطائفة التي تتكون من الجهلاء المغيبين دينياً ؟؟؟ الحزب له برنامج وطني موضوع بدراسة وحرفية من قبل متخصصين ليصب في مصلحة الوطن فأين هو برامج هذه الطوائف الدينية المتسبب الرئيسي في تخلف السودان وهذا التخلف يخدم مصالحها ويضمن بقائها؟؟؟ الحزب له مواقف وطنية تاريخية فأين مواقف هذه الطوائف الدينية ؟؟؟ الحزب يكون بديمقراطية وتكون له منهج ينتهجه ولا يحيد عنه فأين هي ديمقراطية هذه الطوائف الدينية ؟؟؟ والثورة في الطريق لكنس هذا العفن ومعهم حلفائهم الكيزان اللصوص القتلة مغتصبي الرجال والإناث والأطفال قاتلهم الله ؟؟؟ مع مواساتي الحارة لأهلنا الطيبين المنكوبين بفعل السيول والأمطار وحكومة الكيزان الظالمة ؟؟؟


#750444 [مهدي إسماعيل]
0.00/5 (0 صوت)

08-23-2013 10:56 AM
ما هي أخبار التوقيع على مُذكرة التحرير، ثُم الإعتصامات؟

أم أنها كانت مجرد عملية تشويش على برنامج تحالف قوى الإجماع، الذي لم يكن يحتاج أصلاً إلى أي مجهود لإفشاله؟


#750369 [أأه يا بلد]
0.00/5 (0 صوت)

08-23-2013 08:21 AM
التوقيعات لحقت امات طه
عمرى لم ارى فشل يمشى ويحوم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة