الأخبار
منوعات سودانية
لن أقبل المشاركة في (أغاني وأغاني).. إلا بشرطي..!!
لن أقبل المشاركة في (أغاني وأغاني).. إلا بشرطي..!!


أحسب أنني لم أخرج تحت حماية الشرطة من الفتح
08-25-2013 06:13 AM
حوار - حافظ الخير

المطربة "ندى محمد عثمان" الشهيرة بـ" ندى القلعة ".. تغنت بأغنية خاصة عن الخريف والأمطار، كتبها الشاعر "محمد نصر الدين أبو القاسم" ولحنتها "سحر ميسرة".. وخصصت عائدها للمتضررين من السيول.
(المجهر) التقت "ندى" فى حوار سريع وقصير، وجهت لها فيه عدداً من الأسئلة عن مبادرتها الأخير، بجانب عدد من المحاور الأخرى..
} أقمت حفلاً لصالح المتضررين من السيول والأمطار.. كيف جاءت الفكرة؟
- الحفل لم يكن وليد الصدفة، وإنما كان مرتباً له، والحمد لله الحفل نجح وحقق المراد.. وهذا هو الدور الاجتماعي للفنان.
} "ندى" خرجت من منطقة (الفتح واحد) تحت حماية الشرطة عندما ذهبت لتقديم الإعانة للمتضررين؟
- من حب جمهوري لي التفوا حولي ولم تكن المسألة أمنية، وإنما كانت فرحة من الجمهور. وأحسب أنني لم أخرج تحت حماية الشرطة، وإنما برعاية العاملين فى قسم شرطة الفتح.
} نبتعد عن موضوع السيول وندخل لجوانب أخرى.. ما صحة ما قيل عن حصولك على آلاف الدولارات لمشاركتك في زواج الرئيس التشادي" إدريس دبي"وكريمة "موسى هلال"؟
- كل ما نشر حول هذا الموضوع عار من الصحة، ومن قال إنني سافرت إلى انجمينا كذب.. أنا لم أسافر أصلاً.
} "ندى" أكثر عرضة للشائعات؟
- بطبعي إنسانة طيبة ومسالمة، ولكن لا أرد على الشائعات، لأنها كثيرة، ومن يطلقونها يريدون الشهرة على حسابي ومجدي الشخصي.
} يقال إنك مغالية جداً في أجرك نظير إحياء حفلات المناسبات؟
- هذه الأمور ليست في يدي، هنالك فرقة و(اسطاف).. والبلد كلها في حالة غليان مادي، لذا زادت الأسعار .
} ماجديد حياتك الشخصية؟
- أنا متفرغة لتربية أبنائي وأعيش مثل أي سيدة سودانية.. أنا بسيطة جداً.
} هل طلب منك المشاركة في البرنامج الشهير (أغاني وأغاني)؟
-لم يطلب مني، ولن أقبل المشاركة في (أغاني وأغاني)، لأني لا أرغب في التفرغ لأغاني الآخرين، ولن أقبل حتى لو قدمت لي الدعوة ، إلا بشرطي، وهو أن أتغنى بأعمالي.
} البعض يردد أن "حرم النور" تتحرك في مساحاتك فيما يتعلق بأغاني الحماس ؟
- "حرم" فنانة وأنا" فنانة"، ولكل منا بصمتها والحكم للناس.
} البعض يردد أن أسطورة "ندى القلعة "بدأت في الزوال؟
- سمعت هذه الأقاويل، ولكن ما زلت أقدم الجديد ومحافظة على جمهوري.

المجهر


تعليقات 23 | إهداء 0 | زيارات 13674

التعليقات
#752277 [كركاب]
0.00/5 (0 صوت)

08-26-2013 02:24 AM
لكن يا ندوية ما بالغتى
الله يكتر المطر كل الشفع الفنانين مشوا خاجوا فى الطين
مالوا السك وجيدع الحجار كتر كمان قالوا افراح الشعب ادويها سكه
وبعدين فكرة برنامج اغانى اغانى هى لمحة عن الزمن الجميل وسرد عمنا قدور
يعنى يااختى الترديد هو اساس البرنامج او كمان تكونى انتى علامة فارغة فى مسيرة الغناء السودانى يفردوا ليك حلقة براك وناس صباحى وهناية هم اليرددوا
زمن وجع يغتاتوا على اكتاف الغلابة


#752274 [ودالباشا]
5.00/5 (1 صوت)

08-26-2013 02:04 AM
انتوا ورمانين كدة من غناها ولاعشان سافرت للشريف ولا عشان حاجات تانية حميانى


#752156 [م م م م م]
0.00/5 (0 صوت)

08-25-2013 09:02 PM
طيب وقروش نيجيريا والدولارات الفي سرير الدبل ده كانت شنوووووووووووووو؟؟؟؟؟؟؟؟؟


#752144 [saeed saeed]
0.00/5 (0 صوت)

08-25-2013 08:37 PM
بابور صاح


#752029 [كركاب مطر بلا سحاب]
0.00/5 (0 صوت)

08-25-2013 05:10 PM
ياناس البنت دى ثقافتها وفهمها ماقدر كلامكم ده وبرضو ياناس كتر خيرها وواجب علينا نشكرها على ماقدمت للمتضررين من السيول برضو لفتة جميلة منها بدل ما تقعدوا تنتفوا في لحمها كده .. وإقتداء بقول النبى صلى الله عليه وسلم فليقل أحدكم خيرا أويصمت ...


ردود على كركاب مطر بلا سحاب
United States [ابوساره] 08-25-2013 09:14 PM
وحات الله اسمك دا في معناه ودلالاته اجمل من هذا اللقاء واجمل كمان من كوم الشحم العاجب اخوناsaeed


#752007 [yasir abdelwahab]
5.00/5 (1 صوت)

08-25-2013 04:33 PM
حتى لو قدمت لي الدعوة ، إلا بشرطي،
ما كلام واضح وباين..انتو زعلانين ليه؟؟؟؟؟


#752005 [ود تلودي الضيف]
0.00/5 (0 صوت)

08-25-2013 04:29 PM
الكريمات دي ماشاء الله تخلي القرد والبعشوم عسل عديل كده


#751963 [مهند]
0.00/5 (0 صوت)

08-25-2013 03:05 PM
بالرغم من أنني غير معجب بأداء الفنانة ندي القلعة ومعظم الفنانين الشباب لا يروقني غناءهم ، إلا أنني اشيد بالفنانة ندي القلعة لأنها شقت طريقها الخاص ووضعن لنفسها لونيتها الخاصة ولا تتغني بأغاني الآخرين ولها بصمتها ما يميزها عن معظم فنانين هذا الجيل ، واتمني لها التوفيق ،،


#751949 [انقاذى غارق فى الفساد]
0.00/5 (0 صوت)

08-25-2013 02:49 PM
احسب ونحسب كوز قاعد يريل(من ريالة) وبس
اما فى الغناء فنعرف فقط ونقعد نحسب فى المدة


#751879 [قمر الدين عبد الله]
0.00/5 (0 صوت)

08-25-2013 01:15 PM
بالله عليكم الله شوفوا الكلام ده (( هل طلب منك المشاركة في البرنامج الشهير (أغاني وأغاني)؟
-لم يطلب مني، ولن أقبل المشاركة في (أغاني وأغاني)، لأني لا أرغب في التفرغ لأغاني الآخرين، ولن أقبل حتى لو قدمت لي الدعوة ، إلا بشرطي، وهو أن أتغنى بأعمالي ))

شروط شنو يا سجمانة إنتي


#751861 [سايكو]
0.00/5 (0 صوت)

08-25-2013 12:55 PM
ندي القلعه تحسب و لا ما تحسب و هي اكيد ما بتعرف تحسب !!!!!
و انا احسب انها في الاخر مجرد مغيه بتعتمد علي شكلها اكتر من صوتها و الحكايه الزمن دا توب و حنه و خمره و بودي ضيق و شويه جلبطه كريمات فسخ و ممكن اي واحده تبقي فنانه و اكبر مثال ندي و ايمان لندن و مونيكا ،
و لزياده الجمهور اهم شي التمسح بالكيزأن للوصول لاجهزه اعلامهم لتلميعهم و نفخهم و بعد كده عادي ممكن التلفزيون بجلاله قدره يتفرغ لنقل زياره ندي ( المسرحيه ) لمدينه الفتح و هي بتوزع في كيسين عدس و ظرف تانج و هي بتزرف في دموع التماسيح !!!!!!!


#751854 [no woman no cry]
5.00/5 (2 صوت)

08-25-2013 12:47 PM
كدي أول حاجه خلي حاج قدور يقدم ليك الدعوة بعدين حاولي إتشرطي يشرط ..........ك ؟


#751812 [محمد عثمان]
0.00/5 (0 صوت)

08-25-2013 12:04 PM
يا ود الدلنج مساحة حريتك ارجو ان لا تسئ للاخرين فشباب الدلنج مشهورون بحب الاخرين او النقد الهادف للاصلاح والخبر فيهو جهد للفنانة فى دعم متضرري السيول والفيضانات تشكر عليه لم نستطيع انا ولا انت ولا كثيرون تقديمه ندعو الله ان يوفقنا فى جميعا" فى دروب الخير امين يا رب


#751805 [سعد]
0.00/5 (0 صوت)

08-25-2013 12:01 PM
لمادا الهجوم علي ندي القلعة .. هل هي الوحيدة في الساحة الفنية , زيها كثر و المهم ان تقدم ما هو جيد وهادف ويفيد الجمهور وبكل ادب وتهديب واخلاق حميدة , وليس امور ال,,,,,, المرفوضة من المجتمع


#751789 [زهير نديم]
0.00/5 (0 صوت)

08-25-2013 11:39 AM
هي البلد ناقصة غني دلاليك ورقيص .


#751786 [MANOT]
0.00/5 (0 صوت)

08-25-2013 11:37 AM
أحسب أنك يا ندي لن ينفع ندمك حيث لا ينفع الندم يوم القيامه
راجعي كل أمورك كل أمورك وأرجعي وتوبي لله .. أحسب أنه سوف يستجيب لك ... هذه دعوه أحسبها خالصه لوجه الله


ردود على MANOT
United States [MANOT] 08-26-2013 12:07 PM
سبحان الله
بيبو انت في حد كلمك ولا جاء بي جنبك اعتقد دي انحشاره مافي محلها وبعدين ناس نفير ولا غيرهم دي حاجه بيعلما ربنا سبحانه وتعالي ولا تكون ندي من باقي اهلكم
اعتقد مافي داعي للشمشره وانت اذا عند رأي في ندي او نصيحه قدمها او امسك عليك فمك

United States [بيبو] 08-25-2013 03:16 PM
وانت نسألك بان تمد يد العون للمنكوبين جراء الامطار والسيول وتدخل مع ناس نفير ،ومن كره فليدع خلي الناس في حاله يالقرضاوي وخضراء الدمن ؟؟!!!


#751773 [صلاح]
0.00/5 (0 صوت)

08-25-2013 11:19 AM
يا اخوانا انا متأكد ندي القلعه ما قالت كلمة ( احسب ) دي بس الكاتب حافظ الخير بكون كتبها من عندو وشكلو كوز كبيييير


#751755 [عبداللطيف]
5.00/5 (3 صوت)

08-25-2013 10:59 AM
اسطوره حته واحده دى مجرد مغنيه ما اكتر


#751733 [أب قرن]
5.00/5 (2 صوت)

08-25-2013 10:22 AM
(( البعض يردد أن أسطورة "ندى القلعة "بدأت في الزوال؟ ))

طيب ود الأمين و وردي و مصطفى سيد أحمد و باقي هؤلاء الكوكبة التي رصّعت سماء الفن السوداني بالإبداع المنقطع النظير يكونوا شنو ؟؟؟؟؟
أرحمونا يا صحافة الغفلة


ردود على أب قرن
United States [ابولكيلك] 08-25-2013 01:23 PM
( هانت الزلابية حتى اكلتها بنى قريظة )..
يا اخى ارجوا ان لا تدنس اسماء وردى ومصطفى سيد احمد وودالامين بذكرها مع هؤلاء ( الجربندية الهردبيس ).....
المغنواتية الشباب الظاهرين اليومين ديل ممكن يغنوا فى حفلات الختان وفى بيوت الاعراس ( داخل المنازل المغلقة ) وفى النهاية ممكن يدوهم اكرامية ...اما ان يغنوا فى وسائل الاعلام فما كان من الممكن ان يحصل الا فى زمن حكومة العهر والانحطاط الاخلاقى دى ...


#751680 [alwathiq]
5.00/5 (1 صوت)

08-25-2013 09:18 AM
أحسب عديل كده


#751602 [أبوعلي]
5.00/5 (8 صوت)

08-25-2013 07:29 AM
منقول: (أحسب) أنني لم أخرج تحت حماية الشرطة من الفتح

(أحْسَبُ) - لا أدري لماذا أشمئذّ وأتضايق من هذه الكلمة ( أحسب)
كلّما سمعتها أو قرأتها أتخيّل أنّ كوزا أو منافقا مطبّلا يقف أمامي


ردود على أبوعلي
United States [نور منور] 08-25-2013 05:54 PM
احسب براها يا أبوعلي معاها أخواتها ( تنداح ... ما يلينا .... استحقاق ... فعاليات... تظاهرة ) والله طلعوا عينا نشفوا كبدنا طمام طمام عووووووووووووووووووووووووووووووووووع


#751601 [ابزرد]
5.00/5 (5 صوت)

08-25-2013 07:28 AM
سبحان الله احسب دي كنتا قايلة حقت الكيزان بس


ردود على ابزرد
[كركاب] 08-26-2013 02:09 AM
هههههههههه
قوية يا فرده


#751591 [ود الدلنج]
5.00/5 (5 صوت)

08-25-2013 06:28 AM
يا خي خلينا . هي ندي القلعة علاقتها بالغناء شنو؟ شخصية مدعية صوتها سيء يصك الآذان أسوأ من حنان بلوبلو وليس لديها أي مستوى في الأداء والله خسارة نكتب عنها أي شيء لأنها ببساطة لا تستحق أي أهتمام من أي جهة . واحدة شماسية وليست مغنية


ردود على ود الدلنج
United States [سي سي] 08-25-2013 03:18 PM
كلام مضبوط وسليم يا محايد ،المفروض نتخلى عن النفس الاقصائي لانو الكيزان ملأوا البلد اقصائية

United States [رجمٌ بالحق] 08-25-2013 01:49 PM
هسع حنان بلوبلو ذنبها شنو انسانة محترمة وطيبة وغنت لود الغرب لامن بح صوتا .

United States [محايد] 08-25-2013 11:01 AM
يا ود الدلنج ،،، لولا اختلاف الاراء لبارت السلع ،،، كل فنان له معجبين وما تراه انت سئ يراه غيرك ممتاز ،،، الرجاء التعليق والنقد البناء ولا للاساءة والتقليل من شأن الآخرين

[زول سودانى] 08-25-2013 10:33 AM
مالك مضيع زمنك و معلق مادام خسارة تكتب عنها.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة