الأخبار
أخبار إقليمية
حملة نفير : إعلان هام
حملة نفير : إعلان هام
حملة  نفير :  إعلان هام


08-26-2013 02:44 PM
٢٥ أغسطس ٢٠١٣م
إمتثالاً من حملة "نفير" لمعايير الشفافية و قيم المشاركة الاجتماعية التي قامت عليها المبادرة من الأساس، وعملاً على ترتيب أولويات الحملة لسد الحوجات الأكثر ضرورة في كل مرحلة من مراحل مواجهة كارثة السيول والأمطار لخريف هذا العام ٢٠١٣م في مناطق مختلفة.
قرر إجتماع اللجنة التنفيذية لحملة "نفير" الذي عقد مساء اليوم مواصلة العمل في المسح الميداني لتقييم ما تم إنجازه خلال فترة عمل "نفير" السابقة، وتقدير حجم الأضرار في مناطق عملنا وتقديم المساعدات إعتماداً على المخزون الموجود حالياً بعد حصره تفصيلياً. فيما ستنواصل حملات الإصحاح البيئي و التوعية الطبية للحد من خطر انتشار الأمراض والأوبئة التي تهدد الصحة العامة.
وبعد اجتياز مرحلة الاستجابة العاجلة والحرجة تعلن حملة "نفير" توقفها عن تلقي التبرعات المادية والعينية بكل أشكالها بحلول الأول من سبتمبر المقبل. وعليه نناشد كل منسقي حملة " نفير" المعتمدين في الصفحة الرسمية داخل وخارج السودان بإيقاف أي تبرعات لصالح الحملة وارسال ما لديهم من عهد مالية في فترة أقصاها التاريخ الذي سبق ذكره (١ سبتمبر٢٠١٣م) حتى يتم رصدها وجدولتها ضمن خطة عمل نفير للمرحلة القادمة.
تنوه "نفير" بأن العمليات المحاسبية تجري حالياً لجرد خزينة المال لإصدار تقرير ختامي من قبل المراجع القانوني للحملة وتقريراً مفصلاً بمخزون الحملة العيني، كما ننوه بأن حملة "نفير" ستصدر أيضا تقارير تفصيلية للنشاطات وحجمها و طبيعتها و النسب التي استطاعت جهود المساندة الشعبية تغطيتها مقارنة بحجم الأضرار والإحتياجات الإنسانية التي طرأت جراء الكارثة حتى تاريخ هذا الاعلان.
لن يكفي ولن يفي الحديث عن شهامة الشعب السوداني ومرؤته ومشاركته الاجتماعية الكبيرة والفاعلة في دعم متضرري السيول والأمطار من خلال حملة "نفير" كتقليد سوداني راسخ للتضامن الاجتماعي والتي تجلت في أشكال عدة من مساهمات بالجهد الذاتي و أخرى مادية وعينينة ومعنوية،
ومن هنا نؤكد على أن حملة "نفير" ستظل متواصلة للإستجابة لأي مستجدات متعلقة بالسيول والأمطار والفيضانات متى وأينما استدعت الحاجة إليها في ربوع وطننا السودان.
هذا ما لزم توضيحه، نفير حملة الناس للناس


تعليقات 33 | إهداء 0 | زيارات 7351

التعليقات
#753364 [mohammed]
0.00/5 (0 صوت)

08-27-2013 11:04 AM
شكراً لكم شكراً شباب نفير وانتم ترسمون احلي لوحة تعبر عن التضامن الاجتماعي في السودان


#753344 [hashim]
0.00/5 (0 صوت)

08-27-2013 10:49 AM
شكراً شباب نفير لقد جسدتم كل معاني الشعب الأبي ... شكراً لكل من قدم وساهم ودعى لهذه الحملة ... فيستمر الدعم التوعوي والصحي من ناحية البيئة والعلاجي وترك اإغاثة لمتسولي النظام لتأخذ طريقها للأسواق ... بارك الله فيكم


#753270 [Alnouman]
5.00/5 (1 صوت)

08-27-2013 09:52 AM
والله اعجتني هذه الصورة لدرجة الدموع
احسست ان البلد لسه فيها خير كتير ورجال ونساء يعتمد عليهم


#753252 [8855]
0.00/5 (0 صوت)

08-27-2013 09:37 AM
شكرا نفير علي هذه الشفافيه والوضوح ونتمني لكم التوفيق والسداد لما قدمتموهوا من عمل جليل وكبير .


#753248 [محمد]
0.00/5 (0 صوت)

08-27-2013 09:34 AM
والله عفارم عليكم شباب وشابات ربنا يخضر ضراعاتكم وفي ميزان حسناتكم وقد اعجبني والله تنسيقكم وترتيب كل اولوياتكم واعجبت اكثر بي نزاهتكم وحرصكم على تمليك الناس تفاصيل عملياتكم بشىء مدقق ومراجع ومعتمد لكل حساباتكم بكل شفافية عشان ما باكر الناس تقول كده والا كده رفعتوا راسنا والله ودمتم لهذا الوطن سندا ( ا كان ما جيت من زي ديل وا اسفاي وا مأساتي وا ذلي )


#753074 [ودالباشا]
5.00/5 (2 صوت)

08-27-2013 04:56 AM
لقد اعدتم الامل لكل سودانى وادخلتم البسمة للغلابة يافخر الشعب وعز الوطن لقد جسدتم كا المعانى والقيم التى خفنا من ضياعها على مدى الربع قرن لهذا غنى العبادى والحردلو واسماعيل حسن دمتم ذخرا لوطن الاجداد وكثرالله امثالكم


#753052 [صديق]
5.00/5 (2 صوت)

08-27-2013 01:18 AM
والله ذكرتونا أيام شبابنا ونحن فى إتحاد الشباب السودانى الهميم

لله دركم

جابوا الكلام قالوا الصروف انسَدَّن
وقعن مدن صبحن خراب وانهدن
أكرب يانفير وكت المصايب شدن
وامسك يا شباب إيدين إليك مدَّن
* * *
في زمن قديم كان الحُكٌم برجالو
راحوا الرجال ، وجونا الرجال المالو
كضب وسجم واحزاب علينا اتوالوا
يفلحوا في النَهِب وكُلاً يزيد فى مالو
* * *
تكسرنا السيول والناس تسوء أحوالا
تشتكى للحكومة و الحكومة مالا ومالا
باعت في الأراضى وكَبَّرت راسمالا
ياهو الرزق ، من الله وسَّع وجالا
* * *
وآليكم غِلِبْ ما ترجُوُه يوم الفزعة
وآليكم هميم في بيع الأرِضْ بالقرعة
أقعُدوا لى الزكاه احروها يوم الجمعة
وافرِشوا في الجوامع وكت الخَلِق مجتمعة
* * *
الناس في الحصل والسادة يرقصوا رمبة
تنهب فى الإغاثة ما بين رغيف وطلمبة
نفراً أخدلو رغيف والتانى شالو طلمبة
أما القبض في الكاش فوظيفتو قدر الضربة




وحقكم الخاص جاى . أرجوه بعد يومين بإذنه تعالى


#753008 [المتجهجه بسبب الانفصال]
5.00/5 (3 صوت)

08-26-2013 10:46 PM
جزاكم الله خير،، نرجوا من المراجع العام اخذ صورة من هذا التقرير واعتماده نموذجا يحتذى من قبل مؤسسات الدولة ورب حامل فقه لمن هو أفقه منه ونفير طلعت افقه منكم ،،


#753006 [محجوب عبد المنعم حسن معني]
5.00/5 (1 صوت)

08-26-2013 10:44 PM
نيابة عن الشعب السوداني شماله وجنوبه شرقه وغربه ووسطه نهديكم رائعة الحردلو وان شاء الله في ميزان حسناتكم وميزان حسنات والديكم.

تقول لِى شنو
وتقولى لِى منو ،
-2-
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
-3-
تقول لِى شنو
وتقول لِى منو ،
-4-
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ،
-5-
تقول لِى شنو
وتقول لِى منو ،
-6-
ونحن الشينْ
ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
-8-
ونحن الصّافى
والوَافى ،
ونحن الشّافى
والكافِى ،
ونحن الزادْ
ونحن العِينه
والزِيّنه ،
ونحن – يمين – أهالينا
أهلى سرورْ
ووكَتين ينزل المستورْ
تَرَانَه النور
-9-
تقول لِى شنو
وتقول لِى منو ،
-10-
ونحن الجبنه واللبريقْ
ونحن قداحنا سَاوات ضيقْ
ونحن بيوتنا مفتوحاتْ
مَسَاىْ .. وَصباحْ
ونحن وشُوشنا
مطروحاتْ
مَسَاىْ وصباحْ
ونحن السَمحه
والقَمحه
ونحن الطله .. واللمحه ،
ونحن الصِيدْ
ونحن العيدْ ،
-11-
تقولى لِى شنو
وتقولى لِى منو ،
-12-
ونحن عُزَازْ
ونحن حَرَازْ
ونحن هَشَابْ
ونحن قُمُوحْ
ونحن تُمُورْ
ونحن عُيُوشْ
ونحن النيلْ
وَكضَاب – يا زويل – منْ قالْ
إنّك .. تانى لينا متيلْ ،
تقولى لِى شنو
وتقولى لِى منو ،
-13-
ونحن الحَجه والتوبه ،
ونحن الهِجره .. والأوبه ،
ونحن كُتَارْ
ونحن كُبَارْ ،
ونحن – يمين – جُمَال الشيلْ
ونحن – يمين –نَضِمنا قليلْ ،
-14-
تقول لِى شنو
وتقول لِى منو ،
-15-
ونحن مِحايه
نحن طِرايه
نحن فِدايه
نحن سِمايه
نحن حجاب
ونحن اللوحْ
ونحن شَرَافه فى الدنيا
ونحن كِتاب عِلمْ مفتوحْ
على كل البُلودات ..نُورْ ،
ونحن – يمين – مَداين نورْ ،
ووشنا نورْ ،
-16-
تقول لِى شنو
وتقول لِى منو ،
-17-
ونحن الحِنه والجرتقْ
ونحن الزفه والسيره ،
ونحن ..أبشرى والشبال ،
ونحن السَىْ
ونحن الوَىْ
ونحن الرقبه .. والتُمْ تُمْ
ونحن اللَمْ ..
يكون فى الدنيا ..متلنا ..لمْ
-18-
تقولى لِى شنو
وتقول لِى منو ،
-19-
ونحن العَاجْ
ونحن الصَاجْ
ونحن البوشْ
ونحن الحوشْ
ونحن الناسْ
وكتين الديارا ..يباس
وإن درت العديل والزين
تعال يا زول ،
وإن كست الكعب والشين
أرح .. يا زول
-20-
تقولى لى شنو
وتقول لى منو ،
-21-
ونحن السورْ
ونحن الحُورْ ،
ونحن بناتنا محروساتْ
ونحن وِلادنا ضُلالاتْ
ونحن أُماتنا ياهِنْ ..ديلْ ،
وجِيب ورينى زيىِّ منو ،
وتقول لِى شنو
وتقول لِى منو ،
-22-
ونحن فَزَعْ
ونحن وجَعْ
ونحن اليُمه ..واليَابَا
ونحن أريتو بالتَابَه ،
ونحن – يمين – إذا حَرّتْ ،
نخلى الواطه ..رُقَابه ،
-23-
تقولى لِى شنو
وتقولى لِى منو ،
-24-
ونحن زَغَاوه والعطرونْ
ونحن الدُونَا ..مافيشُ دونُ
ونحن وِلاد مَلك خِرتيتْ
وسَابَ الجرْ
وحجَر السِكه ،
والتاكا ،
وسيّدنا الفى الجبل ..دَاكَا
ونحن – يمين – نضِمنا كُتُرْ
وشيَتنا كُتُرْ
وأسعَل ناس كَرن والطُورْ ،
وأسعَل كَررى .. والعَتْمُورْ
وأسعل – يا جنَاَ – الخرتُومْ ،
وشوف كيفن زعلنا كُتُرْ ،
وشوف كيفن فرحنا كُتُرْ ،
أنحنا الـ للرجال خُوسَه ،
ونحن –يمين – جِنَات موسى ،
-25-
تقولى لِى شنو
وتقول لِى منو ،
-26-
ونحن الدوكه
والضُلاله ، والدونكه ،
ونحن الدانقه ،
والراكوبه ، والواطه ،
ونحن الفَكَه
والشِبكَه
ونحن الحجزه .. والعكَه ،
ونحن الجُودْ ،
ونحن أسودْ ،
ونحن النَانْ ،
حديثنا إذا أرِدتو رُطَانْ
وحين دايرين ..نسوى بَيَانْ ،
-27-
تقول لِى شنو
وتقول لِى منو ،
-28-
ونحن الخَلوهَ والدايره ،
ونحن تَكيه العايره ،
ونحن الضُّلْ ،
ونحن الكُلْ ،
ونحن سبيل غريب الليلْ ،
ونحن صباح مسافر الليلْ ،
ونحن فَنَاجرةَ الدّنيا ،
ونحن حَبَابْ
حديثنا حَبَابْ
تعال شَرِف .. وشوفنى منو ،
وتقولِى شنو ،
وتقولِى منو ،
-29-
أقيف لِسَعْ
وأقيف وأسمعْ ،
ونحن صديرى منضوم ويلْ
ونحن القَرمصيص ..بلحيلْ ،
ونحن التوبْ
ونحن الووبْ
وناس حبوبْ
وناس حَرّمْ
ونحن إذا رأينا كبيرْ
نقيف طولنا ..ونقولْ لُه ..حَبَابْ
ونديه البُكَان ..ترحابْ
ونحن. اليَانَا ديل .. يا زولْ
وتسعلنى .. وتقول لِى منو
وتقولِى شنو ،
-30-
أقيف لسعْ
وأقيف .. وأسمعْ
ونحن التَايَهْ
والاندايَهْ
والزِريعهْ
والعيزومهْ
واتفضلْ ،
ونحن الرايَه مرفُوعه
ونحن الكُلفَه مرفُوعه
ونحن حلفتَ ... مدفوعه
-31-
تقول لِى شنو
وتقول لِى منو ،
-32-
وأما عجيبْ
وأما غريبْ ،
وأقيف لسعْ
وأقيف .. وأسمعْ ،
-33-
أنا الكَعَب البسوى الويلْ
وأنا الزول السَمِحْ ..بلحيل ،
وداير ..منَِّهُمْ .. يَاتُو ..،
تقولى لِى شنو
وتقول لِى منو ،


#752985 [هدهد]
5.00/5 (1 صوت)

08-26-2013 09:52 PM
بارك الله فيكم شباب العزة والمجد ربنا يخضر ضراعكم ويعينكم على عمل الخير ويجعلها صدقة عظيمة فى ميزان حسناتكم وجزاكم الله الف خير ودمتم سندا للوطن والمواطن ربنا يحفظكم ويقويكم ويزيد من امثالكم . بارك الله فيكم .


#752968 [أهل العوض]
5.00/5 (2 صوت)

08-26-2013 09:19 PM
برافو شباب حملة نفير الذين صنعوا المعجزات وأغاثوا الملهوف وأعانوا الضعيف وقدموا درسا في الوطنية الحقة المجردة من الأهواء والمصالح الحزبية والجهوية والقبلية الضيقة لمنظمات الكيزان التي نبتت كالشياطين وتكاثرت كما الجراثيم والبثور في جسد الشعب السوداني الأبي وظلت طوال ربع قرن تلقف حقوق المواطن المسكين وتنهب جيوبه وتصادر لقمة عيشه ولا تقدم له شيئا وتتاجر باسم الدين والكيزان
أبعد ما يكونوا عن الدين الحق المتسامح (ألا ليت اللحى كانت حشيشا فتعلفها خيول الانجليز).


#752942 [ابراهيماتي]
5.00/5 (2 صوت)

08-26-2013 08:18 PM
فتح الله عيكم - وتقبل الله منكم - وجعلها في ميزان حسناتكم
واصلو في نفس البرنامج دا - و جهزو طاقاتكم وشبابكم وخليكم جاهزين
لأي طارئ يضر بالغلابه - ثقتنا كبيرة في الشباب السوداني لسه بخير
ممكن تلقو معاكسات من ناس حكومتنا الجهلة ديل - ختو نصب اعينكم الناس المساكين
و اتحملوا عشانهم . واتاكدوا انو ربنا ح يوفقكم


#752937 [محمد حسن أحمد]
5.00/5 (3 صوت)

08-26-2013 08:11 PM
نحنا محتاجين لنفرة قوية للقضاء على برك ومستنقعات سيول الإسلام السياسي الآسنة القذرة المدمرة للبيئة وللإنسان ولكل الكائنات الحية فنتمنى أن تكون حملة نفير القادمة لهذا الهدف الذي يعد من أهم الاهداف والغايات


#752934 [ابراهيماتي]
5.00/5 (2 صوت)

08-26-2013 08:09 PM
جزى الله عن كل من قدم من ماله او وقته او جهده - جزاه الله كل خير و سدد خطاه ووفقه
( كان الله في عون العبد ماكان في عون اخيه ) ومن فرج عن مؤمن كربة من كرب الدنيا
فرج الله عنه كربه من كرب يوم القيامة - ومن يسر علي معسر - يسر الله له في الدنيا
والاخره .
الشباب السوداني بخير و الشعب السوداني بخير - يحتاج لقيادة واعية ؛ ليعود هذا الوطن
العظيم لسيرته الاول .. و موعدنا الصبح - الا ان الصبح قريب


#752928 [محمد الفاتح]
5.00/5 (2 صوت)

08-26-2013 07:56 PM
شكرا شباب نفير مهما قلنا وكتبنا نكون أقل مما قدمتموه لهذا الشعب الكريم فقد ثبت ممايدع مجال للتأويل بانكم شباب يعتمد عليكم في مقبل الايام تحية لكم وبأسم الشباب الذي تشرد في اصقاع الدنيا هروبا من الظلم وبحثا عن لقمة العيش , نفيدكم بأننا على أتم الاستعداد على تبني مبادرتكم في دول المهجر لنقدم من خلالها كل أنواع الدعم لاهلنا وعشيرتنا في السودان , فقد فقدنا الامل في حكومتنا ..... للتواصل ايميل [email protected]


#752924 [Fato]
5.00/5 (2 صوت)

08-26-2013 07:52 PM
بعد أن دب اليأس فى قلوبنا وقلنا لا خير فى شباب هذا الجيل ولكن الحمد لله الذى أظهر لنا أن رجالا من شباب هذا الجيل أمتطى صهوة الصعاب يد بيد وضمدوا جراح الثكالا وأنقذوا الغريق وأشبعوا الجائع لقمة وعالجوا المريض وشقوا الطرق لنجاة الاخرين.الأمل فيكم لقيادةهذه الأمة وخصوصا الشفافية التى أعلنتوها الان فهى درس مجانى للجالسين على مقاليد الحكم.الشعب كله الان فخور بكم ويتمنى لو الت مقاليد الحكم لكم.عفارم عليكم.


#752907 [ساري الليل]
5.00/5 (1 صوت)

08-26-2013 07:06 PM
مبروك موفقين ان شاء الله


#752870 [كجاجا]
5.00/5 (2 صوت)

08-26-2013 05:51 PM
واالله العظيم هؤلاء أكثر من يستحق اعلى مناصب الدولة وهذه الروح الوطنية العالية ،هم من يستحقون الوزارات والمعتمديات وكل مؤسسات الدولة لادارتها ،والله العلي القدير أعلم وهو بصير بالعباد.انا من يعمل بيده غيرة على الوطن و على شعبنا وعلى كبارنا وصغارنا وآباءنا وامهاتنا واولادنا وبناتنا،وشان عيون اطفالنا ما تضوق الهزيمة هؤلاء هم الأجدر بادارة البلاد . في زمن الشدة والضيق يهرول التيس الاصلع ويعادي الدول البتدعمه عشان يزور ايران ؟؟؟؟!!!


#752857 [اليشير الهمبول]
5.00/5 (2 صوت)

08-26-2013 05:40 PM
بعد نفير السيول شوفوا لينا حملة نفير انقاذ الشعب "المنكوب" بحكومة اللصوص التي يقودها الكسيح بشة


#752847 [سلوى حجازى]
5.00/5 (6 صوت)

08-26-2013 05:24 PM
يأأخونا ماتتموا الموضوع ,, وأقلبوها حمله نفير لتطهير البلد من المفسدين الكيزان ,, وأقسم بالله كل الشعب السودانى حيكون معاكم ,, نريد الشباب يحكم البلد بمثل تلك الشفافيه ,, فأنتم أمل الامه وأنتم جيل الامانه ,, أنزعوها من الكهول لفاسدين ,, جزاكم الله خيرا ووفقكم


#752827 [سارى الليل]
5.00/5 (3 صوت)

08-26-2013 04:48 PM
عفارم عليكم يارجاله بالرغم من كل العقبات والمعوقات كنتم قدر التحدى وزيادة واثبتم ان الارادة السودانية تحتاج فقط لقيادة وانتم لها ومن اليوم انتم حزب الغالبية من المستضعفين والغلابى من اهلكم النكوبين والمغلوبين ولو نظمتم الامور فقطعا ستقودون مسيرة التغيير كما فعل نظرائكم ولا اقول اخوانكم مقتا لكل ما هو اخوانى .ونختم بان نقول شكر الله سعيكم واثابكم غفرانا وعفوا ورضاءا ونساله جلت قدرته وتنزه ذاته ان يهيا لاهل السودان من امرهم رشدا وان يزيح هذا الكابوس الذى دمر وحطم كل جميل ونبيل فى بلادنا انه ولى ذلك والقادر عليه .


#752825 [[email protected]]
5.00/5 (4 صوت)

08-26-2013 04:46 PM
استقبلناكم وعيوننا تدمع ونفارقكم وعيونا تدمي من الم الفراق ..........
عند المجئ حسبناكم شباب يتلمس الطريق فاذا بكم قادة تنيرون للاخرين الطريق...........
يكفي ان علق الشعب على صدوركم نياشين وانواط المرؤة والشجاعة واغاثة الملهوف............
كما اتمنى ان يجتمع شباب تلك الاحياء ويكرمكم في يوم مفتوح بس كلمات شكر تستحقونها والوفاء من شيمة هذا الشعب فلقد رفعتم راسنا عاليا بين الامم ان السودان به قاعده شبابيه ذات شفافيةوحب الوطن يجري في دمائها........................
الشكر الجزيل لكم ولكل من ساندكم ومد يد العون لاهلنا عبركم ............


#752824 [شكوكو]
5.00/5 (2 صوت)

08-26-2013 04:46 PM
انتم السودان وانتم جمل الشيل الله يخضر ضراعكم ويديكم الصحة والعافية ويوفقكم ،ويفتح ليكم باب رزق من السماء ماينسد.
حلاة بلادي وحلاة نيلا بي ناس نفير .
وكيزان السجم ليكم يوم مهما طال الانتظار حاتتكنسو


#752822 [داوودي]
5.00/5 (3 صوت)

08-26-2013 04:44 PM
شكراً لكم حملة " نفير " وبارك الله فيكـم وجعلها ميزان حسناتكـم ..


#752819 [ضد المؤتمر الوثني]
5.00/5 (2 صوت)

08-26-2013 04:44 PM
رجال والرجال قليل.. بارك الله لكم في ذرياتكم وسسد خطاكم وجعلكم عونا لكل ذو عسرةٍ في بلاد يزداد فيها الغني غناً والفقير فقراً.. وانا اقترح ان تستمر حملتكم مدي الحياة وان تورثوها للاجيال القادمة في مساعدة كل المحتاجين والفقراء في بلادي والبحث عنهم اينما وجدو ومااكثر المنكوبين والمسلوبين من حق العيش الكريم ..واتفق مع محمود في عمل شعار للحملة


#752815 [بومدين]
5.00/5 (3 صوت)

08-26-2013 04:40 PM
الأشـــقـاء ، الـغـبش الأشــاوس ..
فــي نـفـير حـمـلـة الـشـهـامـه ، والـمـروءه ، والســودانوية ..
أصــالـة عـــن نفســــي .. وبإســـم كـتاب ، ومـعلـقـي ، ومتصــفـحـي ، وعشــاق .. راكــوبة الـغـبش ..
مــن ســــويداء فــؤادي أشـــد عـلـي أياديكــم ..
اقــبل الأرض .. تحــــت أقـــدامــكـم ..
أيـهــا الـمــلائكـه الأطـهـار .. الأبـرار ..
أيـهـا الـفـرســان الـنبلاء ..
وأنتم تخـوضــون الـصــعـاب .. لــــنجــدة الـغـبش الـغــلابه ..
نحــن نـفـاخــر بـكـم الـعـالـم ..
والـعـالـم يشــاهــدكـم .. فـي دويلــة أدارت ظـهـرهـا للـشــعـب الـفـضـل ..
ولـــم يكـــن فـي الـمــيدان .. ســـواكــم ..
مـن غيركـم .. يعطي لهذا الشعب معنى أن يعيش وينتصرْ
من غيركــم .. ليقرر التاريخ والقيم الجديدةَ والسيرْ
من غيركــم .. لصياغة الدنيا وتركيب الحياةِ القادمةْ
جيل العطاءِ المستجيش ضراوة ومصادمةْ
المستميتِ على المبادئ مؤمنا
المشرئب إلى السماء لينتقي صدر السماءِ لشعبنا
جيلي أنا ..

******

هزم المحالاتِ العتيقة وانتضى سيفَ الوثوقِ مُطاعنا
ومشى لباحات الخلودِ عيونهُ مفتوحةٌ
وصدوره مكشوفةٌ بجراحها متزينهْ
متخيرا وعر الدروب .. وسائراً فوق الرصاص منافحا
جيل العطاءِ .. لك البطولاتُ الكبيرةُ والجراحُ الصادحهْ
ولك الحضورُ هنا .. بقلب العصر فوق طــلوله المتناوحهْ
ولك التفرّد فوق صهوات الخيول روامحا
جيل العطاءْ ..
أبداً يزلُّ المستحيل لعزمنا .. وسننتصرْ
وسنبدعُ الدنيا الجديدةَ وفقَ ما نهوى
ونحمل عبءَ أن نبني الحياة ونبتكرْ ..


#752798 [صبري فخري]
5.00/5 (2 صوت)

08-26-2013 04:07 PM
مافي نفير لإيقاف الحرب بدارفور وكردفان. والنيل الأزرق 000. يجب معالجة المرض وليس الأعراض بإعطاء المسكنات 000. خليكم شباب واعين. 000. 0123652351


#752797 [محمد خضر بشير]
5.00/5 (3 صوت)

08-26-2013 04:06 PM
المجد والخلود لشهداء السيول والأمطار
العار ياحكومة الكيزان البلد إنهار
الإجلال والإنحناءة لكل من شارك في نفير الشعب السوداني


#752796 [ودالناظر]
5.00/5 (4 صوت)

08-26-2013 04:04 PM
يمين رجال الله يساعدكم بكره حقكم والطريق لمن صدق


#752765 [سنهم ستهم]
5.00/5 (2 صوت)

08-26-2013 03:14 PM
الخذلان المتوقع منذ ان بدأت الفكــره ونحن نصحو كل يوم بترقب متى تكون النهايه وهااااا هي قد بااات بالظهور


#752761 [ود المك222]
5.00/5 (3 صوت)

08-26-2013 03:07 PM
والله رجال حقو الحكومه الاتحادي الفاسده تستفيد من خبراتكم لنكم والله الحققتو في الفتره البسيطه ما حققتو الحكومامه في 24 سنه... ربنا احميكم ويحفظكم


#752753 [محمود]
5.00/5 (5 صوت)

08-26-2013 02:58 PM
هذا المقال ينقصه اهم شئ وين شعار حملة نفير لابد من اتباع الخبر بالشعار حتى يرسخ في الاذهان


#752748 [ابو البنات]
5.00/5 (4 صوت)

08-26-2013 02:55 PM
منتهي الشفافية.....برافو نفير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة