الأخبار
أخبار السودان
سعود البرير يتوقع أن يصل سعر الجنيه الى أقل من 6 الف جنيه مقابل الدولار.
سعود البرير يتوقع أن يصل سعر الجنيه الى أقل من 6 الف جنيه مقابل الدولار.


09-05-2013 06:43 AM
(سونا) أكد الاستاذ سعود مامون البرير رئيس الاتحاد العام لاصحاب العمل السوداني ان الاتفاق علي استمرار ضخ نفط دولة الجنوب عبر السودان والتوقيع علي اتفاقية التعاون بين الاتحاد وغرفة التجارة والصناعة والزراعة بدولة الجنوب الذي تم خلال زيارة الفريق سلفاكير ميارديت رئيس جمهورية جنوب السودان والوفد رفيع المستوي المرافق له للخرطوم تعتبر بداية جديدة لعلاقات جوار قائمة علي تبادل المصالح والمنافع .
وكشف ان استمرار ضخ النفط وبداية التعاون التجاري بين البلدين سيؤدي الى انفراج كبير فى سوق النقد الاجنبي نتيجة دخول موارد كبيرة منه والتي بدورها ستسهم فى حدوث انخفاض كبير وتدني لسعر الصرف .
واضاف البرير ان التوقعات تشير الى ان سعر الصرف سينخفض الى اقل من (6) جنيهات ، ونوه الى ان الزيادة الكبيرة التي شهدها سعر صرف الدولار خلال الفترة السابقة والتي تعود اسبابها الى المضاربات وعدم وجود ثقة وان الدولار اصبح مستودع للقيمة مما خلق عليها طلباً كبيراً فى الفترة الاخيرة.

واشار رئيس الاتحاد العام لاصحاب العمل السوداني الى ان استمرار عملية ضخ النفط عبر الشمال وزيادة حجم التبادل التجاري بين السودان ودولة الجنوب امر من شأنه ان يسهم فى احداث المزيد من الانخفاض لسعر الصرف وارتفاع قيمة العملة الوطنية ، واضاف ان الاتفاق بين السودان ودولة جنوب السودان الذي تم خلال زيارة الفريق سلفاكير للخرطوم سيسهم فى دعم اقتصاد البلدين، مشيراً الى فقدان الشمال لاكثر من 5 مليار دولار وفقدان الجنوب اكثر من 18 مليار دولار فى مجال النشاط التجاري فقط بين البلدين خلال الفترة الاخيرة .
واكد البرير ان المباحثات بين القطاع الخاص بالبلدين خلال زيارة الوفد اكدت الرغبة الجادة لرجال الاعمال بدولة الجنوب للتعاون التجاري مع رجال الاعمال الشماليين بصورة غير تقليدية ، مشيراً الى الرؤى المتقدمة التي طرحها الوفد للتعاون التجاري مع الشمال .
وجدد رئيس اتحاد اصحاب العمل السوداني تأكيداته بان زيارة وفد رجال الاعمال الى جوبا اواخر الشهر الجاري بمشاركة الاجهزة التنفيذية ذات الصلة والولايات الحدودية بالبلدين ستشهد معالجة كافة العقبات التي تعترض النشاط التجاري بينهما بجانب الاعلان عن اقامة شراكات تجارية واستثمارية كبيرة بين رجال الاعمال في الدولتين .






تعليقات 22 | إهداء 0 | زيارات 7712

التعليقات
#760248 [ودالشريف]
5.00/5 (1 صوت)

09-05-2013 05:24 PM
عجبا لك يالبرير وهل انت حريص على اهل السودان وشعب السودان وهل نسيت فضحية الادوية انتم منهارون اخلاقيا وقاعدين تبيعو المويه في حارة السقايين يا سيد البرير هل تظن وهل ماتعلمت دلك على ان عائدات مرور البترول ستغطى العجز في الموازنة استحى يارجل دى ماتكفى الدستوريين في الحكومة الاتحادية سيبك من الولايات ولاتكفى لاستيراد القمح والادوية تقول الدولار ينزل انتو بتلعبو على منو منذ ان جاءت هذه الحكومة الكارثية ونحن نسمع بان الدولار سينخفض منذا ان قال صلاح كرار لو انحنا ماجينا الدولار كان حايصل 20 جنية واليوم الدولار فوق ال 7500 ياسيدى ليس هناك سياسة اقتصادية واضحة لانقاذ البلاد والجنيه من سؤ التغذية لاننا اهملنا اساس الاقتصاد السودانى الزراعة والرعى وجرينا وراء مرور البترول ونكته الدهب الفارغة ياسيدى اتحداك وبيننا عام بان الدولار سيكون في ادنى تقدير فوق ال 10 جنية يعنى 10000 بالقديم اها قلت شنو ياتجار الغفلة انتهازييين حقيقة


#760182 [الضرغام]
2.00/5 (3 صوت)

09-05-2013 03:28 PM
السلام عليكم يا جماعة الخير كدا خلونا نحلم ونتفائل شوية وانشل ء الله يا ود البرير شاحت الله وادعوة صادقا مخلصا ان يصل سعر الدولار لاقل من 5 جنية عشان خاطر الشعب الغلبان الصابر وانتم يا ناس سعود البرير كفاكم اكل ومتاجرة بالسوق الاسود لمن كروشكم فاتت كرش الفيل طبعا الدولار عندنا فى السودان وكل السلع والتجار ما عندهم الايات ولا شغل علمي عشان حركة العمولة كله ماشي روكة فى روكة الشغله فى السودان ما عاوزه ليها لا دراسات ولا محاسبة ولا غيرة عشان كدا يا ودالبرير بالله عليك نحلفك بالله انت وامثالك وعلى شاكلتك ارحموا السوق عشان المواطن الفقير شوية يشيل انفاسة وانتم كفاكم بتاكلوا فى السودان من زمن ما كنت شبل صغير بالله عليك ارحموا من فى الارض يرحمكم من فى السماء


#760156 [alfrayhi]
5.00/5 (1 صوت)

09-05-2013 02:44 PM
طيب يا كيزان يا معفنين من الاول كنتو فرحانين بفصل الجنوب مالكم ...؟؟


#760129 [mojaf]
5.00/5 (1 صوت)

09-05-2013 02:19 PM
بيان آخر .... من سعود البرير.


#760058 [سودانى اطلاقا ما منفرج الأسارير]
5.00/5 (1 صوت)

09-05-2013 12:48 PM
هوّ الكلام من البرير او من غيرو لزومو ايه فى الوقت الحاضر ولا يزال البلف مقفول .. اى غرض تهدف مثل هذه التصربحات !!! وهل هى التصريحات دى وارده فى مصفوفة الوصف الوظيفى لرئيس اتحاد اصحاب العمل؟ ألأنتظار افضل الى ان تجى الدولارات وكووول واحد من اصحاب المصلحه الحقيقيه "الدستوريين ومن لف لفهم طبعا" ياخد نصيبو ومستحقاتو باثر رجعى مما انقفل البلف بعدين ولدنا" محمد الخيّر ود الزبير" يقولّنا راى . على رأى المثل "مطرا يبلل شقوقو؟"..


#759965 [radona]
5.00/5 (1 صوت)

09-05-2013 11:05 AM
هذه امنيات وتطمينات ليس الا
هؤلاء منتفعين من هذا الوضع جشعا
يااخينا سعود هو البترول كان كله عائداته عندنا وفقد الجنيه السوداني 3 اصفار من قيمته من 12 جنيه الى 7700 جنيه بعد عوامة وغطس من جنية الى دينار الى جنيه في الاولى فقد صفر وفي الثانية صفرين ومازالت الايام حبلى
هؤلاء القوم ليس لهم في الاقتصاد ابدا


#759957 [ABOALKALAM]
5.00/5 (1 صوت)

09-05-2013 10:59 AM
لو ما القريشات الوارثها مافي زول كان يشوف صورتك ولا يخليك تتكلم

الدولار في مثل هذا اليوم السنه القادمة سيكون سعره 11 الف جنيه بالقديم

السودان يستورد كل شيء ولايصدر الا الكركديه والقونكليز والالوب

فمن وين تجي الدولارات وكيف يقوي الجنيه

انا متاكد ان اي بياع موية باردة وعصير ليمون في الشارع

بيعرف في الأقتصاد اكثر من هذا المشتهي الشهرة


#759938 [أنا رحت]
4.75/5 (5 صوت)

09-05-2013 10:50 AM
والله يا البرير يا بتاعين الكرشه والبمبار ... لو قدرت تشرح لينا ماهي الاليات الاقتصادية التي يجب اتباعها لتحديد سعر الصرف لاي عمله ممكن نصدق انك بزنس مان .... لكن الكلام العام الممكن يقولوا اي سواق لوري لا ينفع في شئ بل ضرره مؤذي جدا ... وكفانا أذية .


#759937 [حمدي]
5.00/5 (3 صوت)

09-05-2013 10:50 AM
حكاية الدولار يزيد او ينخفض في قيمته مقابل الجنيه السوداني -- الحاجة دي بقت في يد الجبهة الثورية يعني عبد العزيز الحلو و مني مناوي و بقية القادة لو فكروا يعملوا ضربات و خبطات سريعة و مباغتة في 4 ---5 مواقع -- الحكومة تقوم تكورك و تجقلب و البشير يرغي و يزبد و ينهر ابو الجاز عشان يقفل البلف بسرعة -- يرتفع الدولار و ترتفع الاسعار و يتراجع البشير و لا يتراجع الدولار -- هذا فلم قديم و بايخ و ( خشيناهو كم مرة ) -- شوية النقاطة البتجي من تاجير ( الماسورة ) شيوخ الحركة الاسلامية بياكلوا نصها و الباقي يمشي في السلاح و الزخاير .


#759886 [دجانقو و الخره زانقو]
5.00/5 (2 صوت)

09-05-2013 10:03 AM
هو انتو يا تجار الانقاذ سبب ارتفاع الدولا و غيرو ...

كل واحد متفق و مجند ليهو ناس في الخليج و امريكا بلمو ليهم

العمله و هم بدفعو ما يقابلو في السودان ....

هو فضل تجار غيركم يا تجار الغفله و الدهنسه و المعرصه ...

وكمان تطلعو تصرحو لينا في الجرايد يا عديمي الزمه و الضمير ....


#759883 [[email protected]]
4.50/5 (2 صوت)

09-05-2013 10:02 AM
الدور جاء عليهو للكذب والنفاق لانو كل فترة يجهزو واحد لتخدير الشعب..............


#759868 [أبوزينب]
4.97/5 (8 صوت)

09-05-2013 09:50 AM
سعود البرير تاجر و صناعي يعمل تحت مظلة احتكار و حماية و تسهيلات لا تتأتي لغيره و لذلك هو منتعش و لما كان الاقتصاد حر في التمانينات أفلست عائلة البرير و هاجر كبيرها الي مصر و استقر بها و جلس بعده سعود يتلمس الطريق زي سراق الغنم لحدي ما عتر في ناس الانقاذ فمنحوه حياة جديدة و لكن ليس بلا مقابل. سعود يفتي في قضايا الاقتصاد الكلية و هي قضايا متشابكة و معقدة و هو لا يملك المعرفة و لا التجربة التي تؤهله لذلك. الدولار لن ينخفض حتي يتدفق الدولار من الخارج نحو السودان بمايكفي وارداتنا و بشكل مستمر و لن ينخفض حتي تتحسن مدارسنا و نتعلم فيها و مستشفياتنا فنتعالج فيها و جامعاتنا فنتعلم فيها و يقصدنا الجميع للعلاج و الدراسة و السياحة و الخدمات لبنكية و التامين و الاستثمار المباشر و غير المباشر و عندما تسود قيم العدل و المساواة و الاحساس بالمسئولية و عندما يلي الامر أهله و يذهب الرويبضوين.. الدولار سوف ينخفض عندما يصمت أمثالك يا سعود و يتحدث العلماء و المختصين و ينصت لهم..


#759846 [شهاب]
5.00/5 (4 صوت)

09-05-2013 09:33 AM
انت رجل اعمال بالصدفة او الوراثة ولن تستطيع ان تقرأ دورة الاقتصاد السودانى
مالم يكون هناك انتاج وصادرات تدعم الخزينة العامة اما ان كانت زيارة سلفاكير
تثبت او تهز الاقتصاد السودانى باستمرار تصدير نفط الجنوب فسنلتقى ان شاء الله
وانت تقولان الدولار سيستقر عند مبلغ 10 جنيهات


#759802 [mohmd]
5.00/5 (2 صوت)

09-05-2013 09:04 AM
سبتك من السطر الثاني، ولكن بقول ليك ايرادات البترول جميعها كانت تأتي الي الشمال ماذا فعلوا بها؟


#759794 [khalidal m Ali]
4.75/5 (4 صوت)

09-05-2013 09:00 AM
دى علب ليه كم كيس عدس وحبة فاصوليا ولم يدرس عن اقتصاد الدول شىْ بقى يفتى فوق راسنا , متين المزبله دى حتنظف انا ما عارف .


#759767 [محمد موسى]
4.50/5 (4 صوت)

09-05-2013 08:45 AM
ماهذا يا راجل يا كذاب
مجرد تجارة تؤدى الى انخفاض اسعار لعملاتفى السوق
انت اصلا حاتاجر مع الجنوب فى سلع نقدية ولا الحاصل شنو
مهقولة كميات من البصل والصابون والويكة والبلح تؤثرللدرجةانو الدولار ينخفض من سبعة وخمسمائة الى سته وضخ البترول ما شغال ليه الان تسعة شهور ولم يتوقف
لماذا لم ينخض الدولار
وينخفض كيف لو اى انسان لازم يحافظ على عملتو المحلية بالدولار
وانتوا ناس الجكومة عاوزين تهربوا عملة للخارج فى البنوك
واولادكم عاوزين مصاريف للصيف والدراسة
والسلع الاساسية عاوزة دولار لاستيرادها
والجيش شهريا عاوز سلاح
والبوليس عاوز يميان
والمنح بح والقروض خلاص زهجوا منكم
يعنى بس ياالبرير
الكذب لزوموا شنوا
والله حقو الدول كلها تقتدى بيكم
بالله يالبرير التسهيلات الواجدها من الجماعة ديل اسكت نوم عليها حتى نغرف بعداك اليك والعليك


#759765 [كيس الموز التحت السرير]
5.00/5 (1 صوت)

09-05-2013 08:45 AM
الانخفاض ليس بالتصريحات الرنانه ؟ عاوزين البيان اكون بالعمل مع سياسات مرنه وواضحه من وزارة الماليه الفاشله ؟ ودليل فشلها انحطاط الاقتصاد الى أدنى مستوى له من جملة الحكومات المتعاقيه؟


#759756 [sudani]
5.00/5 (1 صوت)

09-05-2013 08:40 AM
الشعب السوداني شعب ضعيف فكريا ويفتقر لتحليل علمي لوضعه الاقتصادي وبالتالي دائما هنالك ضحايا لتصرفات الغير منطقية..حتى الذين قضوا كل عمرهم في قاعات الدراسة لتعلم الاقتصاد تجدهم اغفل ناس و لهم فهم ساذج جدا. لماذا تتغير عقول الناس بين دقيقة وثانية ؟ لن تفهموا الاقتصاد السودان حتى الان وسوف لن تفهموا على الإطلاق بهذه الطريقة.. كيف تنظرون على المستقبل بين الشمال والجنوب ؟ نقولها واضحة بان هذه الزيارة لن تغير شيئا والوضع هو نفسه ..مشكلة ابيي لن تحل و مشكلة دعم الجبهة الثورية لن تتغير و هو مبدأ الجنوبيين. اين العقلانية في تغير اسعار صرف و اسعار السلع فقط بمجرد زيارة بائسة قامت به سلفاكير. ومشكلة الاتفاقية هي التنفيذ وليس الكلام في الاعلام. الجنوبيين يروا ان الشمال في موقف ضعف وسوف لن يغيروا شيئ في تصرفاتهم تجاه العدوا الاول.

قلنا عشرات المرات ان هنالك اشياء يجب ان يفهمه الجميع والأمثلة تؤكد ذلك:
بعد انفصال الجنوب لن تنخفض اسعار الاراضي في السودان رغم ذهاب الجنوبيين الي الجنوب وبيع ألاف المنازل في الخرطوم والولايات بل زادت الاسعار بصورة جنونية عكس كل التوقعات التي بنيت قبل الانفصال.
دخول 2 مليار دولار من قطر لان تحل مشكلة العملة في السودان وانخفض الدولار لحظيا انذاك وارتفع الي ما لا نهاية.
دخول شهريا ملايين الدولارات من المنظمات والأمم المتحدة والسفارات لن تحل مشكلة الدولار في السودان.

لن تتغير ولن تنخفض شيء في اسعار السلع بمجرد توقيع اتفاقيات بين الجنوب والشمال لان في الشمال المشكلة اكبر من 9 دولار في البرميل او زيارة سلفاكير او حتى تجارة الحدود...السودان ليست دولة منتجة حتى تكون لها دور ايجابي في تجارةالجنوب...ارتفاع اسعار السلع في الخرطوم ربما يجعل الجنوبين يشتروا منتجات من كينيا او حبشة اقل سعرا.
اذا انخفض الدولار والعملات الاخرى انه انخفاض لحظي مؤقت وسوف يرتفع اكثر من ذلك بعد ان تثبت الايام كذبة الاتفاقية وينكشف ان لا عائد كافي من البترول ...لان لا يوجد مصدر عملة اجنبية داخلية ,,كل الوعود والكلمات الفضفاضة مثل ذيادةالمرتبات و جعم الاسر الفقيرة,,الخ. حتى الان حبر على ورق.....لماذا؟ لان ببساطة لا توجد مصادر دخل للسودان من العملات الصعبة..كل صادرات السودان في تدهور مستمر قبل و بعد وقف البترول و التضخم في زيادة مطردة, وهذه نتيجة للازمة المالية العالمية وكذلك داخليا لدينا حرب دارفور وجنوب كردفان والنيل الازرق و تاويل الحكومة على الحل العسكري يجعل النفقات الحكومية دون رقيب او حسيب وبالتالي يجب عدم التفاءل. الامور تسؤ و ابشروا برفع الدعم من الوقود قريبا.


#759707 [مواطن]
5.00/5 (3 صوت)

09-05-2013 07:58 AM
الرأسمالية المتحالفة مع نظام الحرامية, كيف يمكن للجنيه ينتعش و النظام يخوض حروبا فى كل انحاء البلاد و الانتاج يكاد يكون صفرا, بطل تدليس و تضليل يا ود البرير وخليك فى مصالحك الشخصية مع العصابة الحاكمة و بس.


#759685 [عمكــــــــم البهمكـــــــــم]
5.00/5 (1 صوت)

09-05-2013 07:38 AM
نتمنى استقرار سعر الدولار وتشجيع التعاون التجاري بين البلدين... الى الأمام


#759659 [سوداني]
5.00/5 (1 صوت)

09-05-2013 07:19 AM
لم تصل الدولار الى 6جنيه ما لم تغير الحكومة العقلية التى تدار بها البلاد ب180درجة. لان عقلية الحكومة مغلقة في دوائر انا و قبيلتى و حزبي و بقية الشعب الى جهيم.


#759652 [جركان فاضى]
5.00/5 (3 صوت)

09-05-2013 07:14 AM
لاينبغى ان تخرج مثل هذه التوقعات والتصريحات من رئيس اتحاد العمل السودانى...فهذا تصريح مخجل...ويقول بصراحة ان عافية الاقتصاد السودانى فى انفتاحه على الجنوب...يا سيدى شيل اقتصاد الجنوب ببتروله وختوا فى الشمال فهل هذا يغير الحال التى اوصلتنا اليها الانقاذ؟بل الم يكن اصلا اقتصاد الجنوب جزءا من الاقتصاد السودانى؟فهل كان الاقتصاد وقتها فى احسن حالاته؟الم تفقد العملة المحلية 70% من قيمتها مقابل الدولار و50% من نفط الجنوب من نصيب الشمال؟فالكل يعرف ان الانفتاح مع الجنوب لايمثل المحدد الرئيسى لعلاج مشاكل اقتصاد الشمال فلماذا تطل علينا هذه الاسطوانة المشروخة كلما انسد الافق اما نظام الانقاذ....وعيب يا اصحاب العمل السودانى ان تخرج مثل هذه التصريحات من رئيسكم



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة