الأخبار
أخبار إقليمية
شاهد الصور...طلق ناري طائش يخترق غرفة نوم الصحافي عثمان شبونة
شاهد الصور...طلق ناري طائش يخترق غرفة نوم الصحافي عثمان شبونة


09-07-2013 02:58 PM
الخرطوم: طارق عبد الله
انقذت العناية الالهية اسرة الصحافي بـ(الأهرام اليوم) عثمان شبونة من كارثة حقيقية، بعد ان اخترقت طلقة طائشة سقف حجرة نومه، دون إلحاق الاذى بافراد الاسرة. وذكر شبونة في اقواله لشرطة بري امس (الجمعة) انه اكتشف في حوالي الساعة الخامسة صباحا وجود ثقب اعلى جهاز التلفزيون خاصته، وفورا قام باستفسار افراد اسرته الذين نفوا علمهم بالحادثة، الامر الذي دعاه لان يقوم بنزع غطاء التلفزيون، ليجد بداخله مقذوفا تبين انه لطلق ناري، مما لفت نظره الى وجود ثقب على سقف الغرفة. ودون بلاغ ضد مجهول بالرقم (309) بشرطة بري. وعاين تيم بقيادة الملازم مصطفى محمد مسرح الحادثة، قبل ان يتم تحريز المقذوف. وابلغ المحقق حماد محمد الزين (الاهرام اليوم) امس (الجمعة) ان المعامل الجنائية ستؤكد نوع المقذوف، منوها الى ان التحريات الاولية ترجح ان يكون المقذوف خاص بسلاح رشاش، ولم يستبعد ان يكون المقذوف اطلق في مناسبة زواج. وتشير (الاهرام اليوم) الى ان الظاهرة تتكرر غالبا في عطلة نهاية الاسبوع التي ارتبطت باتمام مراسم الزواج.
(الاهرام اليوم)

image

image

image

image


تعليقات 39 | إهداء 0 | زيارات 15513

التعليقات
#761990 [Asmar]
0.00/5 (0 صوت)

09-08-2013 11:46 PM
حكومة بتشوف طرحة وقعت من راس امراة لكن ما تشوف مراة ادت الشبال

نوع جديد من التصفيات ودى طلقة وقعت على و زن طرحة سقطت

هذه الطلقة اطلقها قناص ماهر من سلاح كاتم صوت و من الجو يعنى من طائرة

يستحيل طلقة تغذف من الارض و تصل اعلى ارتفاع لها وعندما تنزل الى الارض بعامل الجازبية تخترق سقف المنزل و لو كان من الكرتون لان الطلقة تفقد وزنها من البارود الزى احترق فى الهواء و تفقد جزء من درجة حرارتها و قوة الدفع تعتمد على و زنها الخفيف و جازبية الارض

ولا تنسوا زاوية الغذف للطلقة و رجوعها للارض

يعنى با ختصار العيار الما بصيب بدوش

لقد تفنن اخوان الشيطان فى التصفية وربنا يزيلهم من بلادنا و لو بالسيسي آمين


#761726 [محمود]
1.00/5 (1 صوت)

09-08-2013 03:02 PM
في دارفور عندنا الحاجة الكلام ده عادي


ردود على محمود
[جركان فاضى] 09-08-2013 07:26 PM
ما قصرت يا جنجويد


#761706 [Nagi]
5.00/5 (1 صوت)

09-08-2013 02:35 PM
اثبت الشعب السوداني انه اكثر شعب ينظر ويحلل بطلوا تحليل ونظريات بلا يخمكم كلكم ناس ما منها اي فائدة.الراجل فيكم ينزل الشارع وينادي باسقاط النظام رجالتكم بس في المواقع والمنتديات الالكترونية.جبناااااااااااااااااااااااااااااااااااااااااااااااااااااااااء


ردود على Nagi
[جدودنا زمان] 09-08-2013 04:19 PM
يلا انت ابدأ ونحن وراك طوااااالي


#761679 [سوداني قرفان]
5.00/5 (1 صوت)

09-08-2013 01:52 PM
يا شبونه انا مهنتي القنص وانا قناص متمرس والطلقه دي مستحيل تكون طلقه طائشه تم إطلاقها من سلاح روسي الصنع


#761670 [سامى]
0.00/5 (0 صوت)

09-08-2013 01:43 PM
واخونا شبونة كان نائم يعنى وماشعر لاهو لااهل بيته بصوت المقذوف ده الى الصباح وهى قدت الحيطة وضربت التلفاز -والله الرواية دى كده ماواضحة ارجو من المناضل شبونة توضيح الامر -- لانه ماحصل ده رسالة من الاخوان المسلمين او المجرمين كما يقول اخواننا المصريين الذين من الله عليهم بالتخلص من هذه الشرزمة القذرة رسالة منهم لكل من يعارضهم من الاعلاميين ومعروف ان للاعلام المصرى الحر الدور المعلى فى الثورة المصرية الثانية فى 30 يونيو ضد تجار الدين ولدى معلومات بتهديدات وصلت للاستاذ صلاح عووضه بقتله وده تهديد لشبونة ليغادر البلد واظن شبونه يفكر الان فى هذا الخيار فقط اتمنى منه الثبات حتى ولو قتل لان قتل الحسينى ابو ضيف فى مصر كان ايضا من اسباب قيام الثورة المصرية الثانية ضد اعداء الدين --- حمدلله على السلامة اخونا شبونة وربنا يحفظك يارب من هولاء الهمج


#761628 [Miki hassan]
0.00/5 (0 صوت)

09-08-2013 12:57 PM
حمد لله على السلامه ...هل فهمته ولسان حالك يقول الرساله وصلت ولكم جزيك الشكر....واثبت له ان القلم الجرىء لاينكسر والى الامام,استاذ عثمان.


#761560 [دوشكا]
0.00/5 (0 صوت)

09-08-2013 11:32 AM
نحمدالله على السلامة الحقيقة البلد بقى ملطشة بقت من غير أمن ومن غير قضاء ربك يستر من الجائي


#761519 [نيدو عزو]
0.00/5 (0 صوت)

09-08-2013 10:54 AM
سلامااااااااااااااات لصاحب القلم الجرئ والي الامام


#761501 [الضعيف]
0.00/5 (0 صوت)

09-08-2013 10:39 AM
رصاصة من نوع كروز ..

الطب إطور وجهاز الأمن برضو..

ربنا يحفظك يا عثمان والله غالب على أمره وأمره العدل..


#761464 [حالم بوطن أحلى]
3.00/5 (1 صوت)

09-08-2013 09:49 AM
صدقوني هذه الرصاصة لم يكن يقصد بها الصحفي شبونة وأنا إعتقد جازما - بشرط اذا كان منزل الاستاذ شبونة من البنايات المنخفضة وهذا أمر وارد لان الرصاصة أتت من فوق - فانها قد تكون انطلقت من بناية عالية في الجوار واخترقت السقف خصوصا وأن الاسلحة المرخصة وغير المرخصة منتشرة بصورة كبيرة في البلد فليس من ا لمعقول أن يطلق أحدهم النار عشوائيا دون حتى أن يرى في أي مكان يجلس الرجل من بيته وم خلال السقف! المسألة محض صدفة ولا أظن الرجل يكون مقصودا في شخصه. نريد أن نكون منطقيين ولا نكون مثل بعض الحكام والمسؤولين العرب يرمون حتى كل فعلة تكون من أنفسنا يرمون بها على اسرائيل ونجلس ونبكي مثل الاطفال من أفعال لي تقم بها الكيان الصهيون فهذا من باب الاهوام التى تشغلنا عن الحقيقة فتكون الرؤية كلها ضبابية.


ردود على حالم بوطن أحلى
United States [شلخو] 09-08-2013 11:00 PM
والله كلامك عين العقل . وانا من قبيل بقراء في التعليقات وفي الخبر وما مصدق الحوارات ونسج الخيال الهوليودي الوصلوا ليه المعلقين . هو ناس الامن ولاالحكومه لو عاوزه تقتل زول حتقتلوا بالطريقه المعقده دي لييه؟ ممكن يدخلوا بيوت الاشباح ويعملوا فيه عمايل الموت احسن منها. ولاشنو؟ غايتو معلقين تحفه،، في النهايه هي رصاصه طايشه . ونقول حمد الله علي السلامه لشبونه والاسره الكريمه.


#761436 [المشتهي الكمونية]
4.94/5 (6 صوت)

09-08-2013 09:18 AM
دا مخطط صهيوني ، الطلقة جات بالليل وشبونة مطفي النور وكان في صلاة العشاء والرادار ما شاف الطلقة وشبونة يحتفظ بحق الرد على مخططات العدو ويمكنه (النظر) لكل من تسول له نفسه التلاعب بمقدرات بيته الكائن بإمتداد ناصر


#761427 [خضر عابدين]
5.00/5 (1 صوت)

09-08-2013 09:12 AM
الف سلامه والرساله وصلت انها عمل مقصود ومن يريد قول الحقيقة ف يحمل سلاحه معة شبونا ....! جهاز الامن هم من قام بتلك المحاوله .


#761383 [mada1966]
5.00/5 (1 صوت)

09-08-2013 08:10 AM
الف سﻻمه للاخ شبونه


#761330 [ابون قدح]
5.00/5 (4 صوت)

09-08-2013 02:50 AM
اها اللوتري جاك في البيت شيل الصور دي و لملم اولادك و شوف اقرب سفارة امريكيه اسبوع واحد وتكون في بلاد العم سام دي نصيحتي ليك مالك و مال المحن


#761285 [مدحت الهادي]
5.00/5 (2 صوت)

09-07-2013 11:01 PM
إحذر إحذر آخر شهيد كان معتمد الولاية الشمالية ..... وماخفي أعظم !!!!!!!!!!!!


#761280 [لكم يوم]
5.00/5 (1 صوت)

09-07-2013 10:52 PM
ثد يكون مجهول لكن انا اشك في الكيزان او بعض الصحفيين الامنجية


#761278 [الحقيقة مرة]
5.00/5 (4 صوت)

09-07-2013 10:48 PM
طلقة الكلاشنكوف لانها اتقل من غيرا قادرة على اختراق الخرسانة من بعد 30 متر لكن بما انو اقصى مدى افقي فعال ليها 400 متر بعد كدا لانها تقيلة بتفقد سرعتا وتسقط تدريجيا اما لو فرضنا انها اطلقت في عرس راسيا فلانها بتقاوم الجاذبية بتفقد اندفاعا بسرعة ثم تسقط زي اللالوبة بحكم الجاذبية لكن ابدا ومستحيل بالسرعة التخليها تقد خرسانة اي زول متابع كتابات شبونة الاخيرة بعرف انو الطلقة دي اتضربت من السقف الى داخل الغرفة ودي رسالة واضحة لكل شرفاء السودان انو التصفية الجسدية هي مصير اي صحفي او قلم حر يكشف وينتقد فساد نظام الاخوان المسلمين الحاكم


#761276 [Dogool]
4.50/5 (4 صوت)

09-07-2013 10:45 PM
السودان دولة الخيار فقوس البشرية أنواع ،،، في بعض الأقاليم الحكومة برمي آلاف البراميل من المتفجرات والزخاير المحرمة ،، أكثر من عشرة سنة ما وجدنا أي بلاغ والناس فاقدة اسر وأقارب وحتي البهائم عارفين الآنتنوف ،،، اسكت ساكت يا حنكوش وقول الحمد لله الآن يوجد آخرام في أجسام البشر خليك من خرم سقف البيت ،،، العافية درجات ،،،


ردود على Dogool
[الدنقلاوي] 09-08-2013 09:32 AM
حنكوش شتو يا زول .... انت ما فاهم حاجة ... حقو تروق شوية يمكن تفهم


#761275 [جونجوجورو]
5.00/5 (2 صوت)

09-07-2013 10:43 PM
دا أسمه حارق حارق لكن ما من بيت عرس دا من بيت الكلاوي


#761273 [ahmed]
4.00/5 (1 صوت)

09-07-2013 10:41 PM
امنياتنا دائما للأخ شبونة بالسلامة الدائمة والسلامة والحفظ لكل سودانى داخل وخارج الوطن بغض النظر عن مهنته او توجهه السياسى والإجتماعى بشكل عام ...

ماوقع فى عقر منزل شبونه نرجو من الله ان يكون فعلا عملا طائشا وغير مقصود ، واتمنى ان لايكون هنالك سودانيا حراً ينتمى لهزا الوطن العتيق ان يحمل ضغينه او حقد لعثمان ، او لأى سوانى داخل وخارج البلاد هزا ما نرجوه من الله ، ونحن شعب واحد عثمان جزء منه يتحسس آلام هزا الوطن ليل نهار كما ان هنالك اخوان سياسيون وغير سياسين يعملون ايضا من اجل الوطن ومهما اختلفت الآراء او عظمت الإخفاقات حتما لا يصل بنا الحال أن نقابل الكلمة بالرصاص ... وحتما ستكون الكلمة والكلمة والرأى والرأى المضاد هو صاحب الموقف حتى نرتقى بهزا الوطن لأعلى درجات التفاهم والتلاقى والعيش فى أمان وسلام ...

التحية بنى وطنى فى حب وسلام ... ارجو من وقع منه هزا الصنيع الطائش ان يقع فى ايدى السلطات الأمنية حتى نفخر بهم ونزيل الغشاوة عن هزه الحادثة العابرة ان شاءالله ..


#761268 [8855]
5.00/5 (1 صوت)

09-07-2013 10:18 PM
ااااااالف حمدا لله علي السلام للرجل الشجاع والبطل الهمام شبونه وربنا يحفظك من هؤلا الاوباش


#761261 [Petro]
5.00/5 (1 صوت)

09-07-2013 09:55 PM
يا شبونة اذا انت نومتة في الطربيزة بتاعت التليفزيون ونومتة التلفزيون في سريرك تكون بااااااااااااااالغتة عديييييييييييييييل كدة ( دة التحليل الواحيييييد المنطقي)


#761220 [عبد الله]
0.00/5 (0 صوت)

09-07-2013 08:13 PM
يا ساتر كمان جات مطره رصاص ومقذوفات ...كيف تكون الطلقه مرتده . وليه فى غرفه نوم الاستاذ بالذات ...عارف يا استاذ الحكايه دى مقصوده واحتمال الطلقه او المقذوف يكون عنقودى او انشطارى وهسع اسمع كلامى شوف ليك دكتور وتحاليل الحكايه دى انا عامله لى ضبانه فى راسى


#761210 [المكتول كمد]
4.00/5 (1 صوت)

09-07-2013 07:48 PM
الله قدر ولطف ياشبونه وربنا سلمك وسلم اسرتك من خطر محدق من هذه الرصاصة طبعا ان كان السقف خرصانة فلن تستطيع الطلقة المطلقةان تخترقه ولو بعد ارتدادها من الهواء لكن ان كان السقف زنك وملقم بسقف مستعار وده تقريبا هو سقف الغرفة بتاعتك فتستطيع الطلقة المرتده ان تخترقه لان قوة الجاذبية بتاثر في زيادة قوة الارتداد والسرعة اغلب انواع طلقات الكلاشينكوف لا تتعدى 1500 متر ومداها المؤثر من 800 الى 1000 متر بالكتير لكن للجاذبية دور في سرعة وقوة المقذوف حين يرتد بفعل الجاذبية ممكن تكون من عرس قريب وده الاحتمال الاكيد وما اعتقد في زول قاصدك يارجل


#761182 [AMMAR]
5.00/5 (5 صوت)

09-07-2013 07:01 PM
اسرائيل يا جماعة اسرائيل صدقوني


#761179 [dougokoper]
5.00/5 (1 صوت)

09-07-2013 06:55 PM
ألف حمد الله على سلامتك استاذ شبونه .. كن دائماً حذراً أخي شبونه يبدو أن هنالك مخطط يستهدف الأقلام الحرة الجريئة والشجاعة فربنا يحفظك من هؤلاء الأبالسه.


#761157 [سيد اللبن]
5.00/5 (2 صوت)

09-07-2013 05:30 PM
مافى مقذوف مرتد بيخرم سقف الخرصانه,, ترى أعمل حسابك ياشبونه ,, ده تحذير ليك ,,, وأفهمها ,,لان الناس ديل مابيرضوا بالكلام العديل


#761154 [عبدالاله]
4.00/5 (3 صوت)

09-07-2013 05:24 PM
اتفق مع الاخ عود العشر . الحادث متعمد من خلال الصور المرفقه مع الخبر. ليس فى بنية القتل لكن بنية التخويف والارهاب وارسال رساله للاستاذ شبونه مفادها اقفل خشمك قبل فوات الاوان.
اسلوب قديم ومرفوض ولن يؤثر على الشرفاء فليلعبوا غيرها.


#761148 [زووول وبس]
4.99/5 (10 صوت)

09-07-2013 05:13 PM
دا تقرير شرطة واللا حجاب فكي


ردود على زووول وبس
[سارى الليل] 09-08-2013 08:08 AM
والله كلامك صاح يا زول والمصيبة الكاتبة التقرير يا زول مستشارة قانونية اسمها نازك بلا يخم الاوغاد اينما حلوا بالله دى مستويات يخلوها تقرر فى مصير البلد والناس .


#761143 [Fato]
4.50/5 (3 صوت)

09-07-2013 05:06 PM
أبتدأ عصر تصفية الأقلام الحرة التى تكشف زيف وقناع ما يعرف بالأسلاميين وأن كان هذا ديدنهم طيلة 24عام .أخى /عثمان شبونة حفظك الله بحفظه ورد كيد الكائدين عليهم وسدد طلقات نارهم عليهم.أنتبه لحياتك يا صاحب القلم المصادم فهؤلاء يقابلون الفكر بالطلقات لعجزهم وجبنهم فلعنة الله عليهم.


#761140 [السيــــــــــــــــــــــــــــــول]
5.00/5 (2 صوت)

09-07-2013 05:01 PM
حماد قال المقذوف اطلق فى مناسبة زواج ..
ياربى اكون المناسبه كانت فى راس بيت شبونه ؟؟
على اى حال ربنا ستر وشاف ونسال الله السلامه للحبيب شبونه
واسرته الكريمه .. والكيزان يمكن ان يفعلوا ما لا يخطر على قلب بشر
لانهم مجموعه غير سويه .. تسلم ياشبونه وانشاء الله البدور ضررك انضرا


#761135 [صقر قريش]
4.50/5 (4 صوت)

09-07-2013 04:54 PM
الف سلامة .. والحمد لله علي كل حال .. هسي دة خط وكيل نيابة وخريج قانون ؟؟؟ احسن منو بتاع رابعة اساس ؟؟؟


#761128 [كاره الكضابين]
5.00/5 (2 صوت)

09-07-2013 04:43 PM
يمكن صاروخ امريكى اطلق من السفن الحربية قبالة البحر الابيض المتوسط؟؟؟؟؟


ردود على كاره الكضابين
European Union [ود الجنينة هناك] 09-07-2013 10:07 PM
ايوة ما زول مشهور وكدا وعامل مصنع وتخصيب يورانيوم هههههههههههههههههههههههههها


#761119 [مباحث بالمعاش]
5.00/5 (2 صوت)

09-07-2013 04:18 PM
يا شبونة الطلقة هذه رسالة تهديد من عصابة ابو العفين وهذا المقذوف اطلق من سلاح كاتم صوت وهو نوع من الرشاشات مصنوع فى ايران يتم استعماله من بعد فى حالات الاضرابات والاعتصامات التى يخاف كلاب الامن الالتحام فيها مع الجمهور والف حمدا لله على سلامتك يا استاذ وانصحك بتغيير مكان سكنك او الهجرة وترك البلاد لهؤلاء الاوغاد والله غالب على امره.


#761106 [tota]
5.00/5 (6 صوت)

09-07-2013 04:02 PM
الملاحظ اننا شعب لا نضع الاشياء في اماكنها و نمتهن العشوائية في كل شيئ، من العريضة لاحظ معي الآتي:
1. مكان رقم العريضة فاضي يعني رقمها كم ما معروف
2. التاريخ ما مكتوب في المكان المخصص له
3. الخط شين و ما واضح وكثير الاخطاء و الشطب و واضح فيه الكلفتة و عدم الاهتمام
4. يوجد مساحة مخصصة لقرار النيابة ... فاضي بدون قرار
5. الختم باعت و تبع وين ما معروف

الخلاصة امورنا كلها بهذا المستوي حتي علي مستوي القيادة العليا هدانا الله و إياكم


ردود على tota
United States [ود الجنينة هناك] 09-07-2013 10:04 PM
يعنى كلام مضروب ومسلسل على الطريقة السيسية او رابعة العدوية

United States [sasa] 09-07-2013 06:48 PM
اضيف صوتى لتوتا وابومحمد نحن شعب عشوائى وذكرت ذلك سابقا فى الراكوبة وتصدى لى البعض بانى ان كنت عشوائى شخصيى فليس الاخرين مثلى ولا يجب ان اقول ان الشعب عشوائى .... ولكن ياتوتا وابومحمد البعض من ابناء بلدى لايرضى بالنقد وقول الحق ولذلك نحن منذ الاستقلال 1958 او 1961 ياهو حالنا وسيظل حالنا ان كان من يحكمنا رجالة وعضل وحمرة عين بذئ الاقوال والافعال وان كان وزير دفاعنا فى زمن استشعار دبيب النمل فى جوف الصخور الصماء يفعل ويطبق نظرية الدفاع بالنظر؟؟(حرموعلى بالطلاق ده كلام مسطول وسكران مريسة مرة واحدة )... كان الله فى عوننا تربينا هكذا والان نربى ابنائنا هكذا

European Union [ابو محمد] 09-07-2013 05:19 PM
كلامك ميه ميه وأنا شخصيا عانيت لمن جيت السعوديه بسبب التربيه الخاطئة القمنا عليها في السودان كنت بشتغل بنفس الكلفته الكنت بشتغل بيها في السودان مما جعلني اضحوكه وسخريه ولاحظت الموضوع دا حتي في السود انيين البيجو جدد في الشركه . صاح السوداني لمن يخش في السيستم بسبق الجنسيات الاخري لكن بياخد وقت لانو بلدنا بعيده جدا في كل شئ


#761099 [USAMA]
5.00/5 (1 صوت)

09-07-2013 03:57 PM
من حق الشرطة ان تفترض ما تشاء حسب مقدرتها وفهمها و من حقنا ان نطرح علامات الاستفهام و الموضوع فيه الكثير من الريبة ، إذ أن الثقب الذي اصاب (سقف) الغرفةو(أعلى) جهاز التلفزيون ما يعني ان المطق كان يسير رأسياً متجها من الاعلى الى الاسفل. و لو كان قد اطلق من الارض الى الأعلى ثم عاد بفعل ا لجاذبية متجها الى الارض فإنه يفقد سرعته المؤثرة و يستحيل أن يؤثر في سقف الغرفة كما يظهر في الصورة و يتعداها الى التلفزيون (في الواقع حتى انه لن يقتل شخص إذا وقع عليه بهذه الصورة) و ربما اصابه بجرح طفيف. اما لواطلق المقذوف افقياً لو قلنا بصحة فرضية الشرطة فلن يكون تأثيره كما هو ظاهر في الصور.
نسأ السلامة والعافية للاخ شبونة و للجميع ، لكن تفسير الشرطة لا يدخل عقل.


#761093 [إقتصادي حلة( مساعد حلة يعني)]
5.00/5 (3 صوت)

09-07-2013 03:52 PM
حسبنا الله ونعم الوكيل
طلقة
ربنا يستر علي اولادك
ناس ما تستحي مقارعة السيوف ومناظرة الفكر
لكن طلقة عديل كدا


#761091 [مراقب]
5.00/5 (1 صوت)

09-07-2013 03:47 PM
نحمد الله على سلامة صاحب القلم الجريء عثمان شبونة واسرته. ولكن من السذاجة بمكان أن ننسب هذا الحادث الى الصدفة. ويبدو اننا دخلنا عهد تصفية الاقلام الجريئة والشجاعة. وأن النظام بدأ يضيق ذرعا بكل من يكشف وجهه الكالح القبيح. وعلى الصحفيين الأحرار القلائل الذين ما زالوا بالداخل توخي الحيطة والحذر حتى لا يذهبوا ضحايا ويعزى الأمر للصدفة البحته.


#761086 [عود العشر ..]
4.88/5 (5 صوت)

09-07-2013 03:36 PM
والله دايرين تكلتلو الموضوع ساى ياناس الاهرام ..
الطلقة بمالايدع مجال للشك ليس ظائشة ..
انه حسب خبرتى المتواضعة والبسيطة ..
1. طلقة الرشاش فى حالة الارتداد لاتخترق سقف المنزل
2. الضرب ليس من ادنى الى اعلى كما يتصور المتحرى انما الضرب كان من اعلى الى ادنى وهذا ما يوكدة اختراق السقف على اقل اعتبار (زنك + عازل "تلقيمة").
3.الطلقة لماذامصوبة الى حجرة النوم بالتحديد .؟؟؟ .
ارجح ان تكون الطلقة مصوبة بتخطيط دقيق تجاه الصحفى الخلوق صاحب القلم الجرئ (شبونة).واتوقع ان يكون السلاح المستخدم هو سلاح قناصة كاتم صوت مصوب من عمارات امتداد ناصر المجاورة لمنزل الصحفى شبونة.
****
على الصحفى شبونة ان يزيد من الحيطة والحذر وتحديداً من (الابالسة).وان يطالب بتحقيق من لجنة حماية الصحفيين الدوليين وان يستفيد من (الحماية)التى تقدم للصحفيين ..
ختاماً ربنا يحفظ صاحب كل قلم شريف


ردود على عود العشر ..
United States [Nagi] 09-08-2013 02:37 PM
تستاهل صفقة يا كونان.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة