في



الأخبار
أخبار السودان
المهدي كان مشلخاً بشلوخ الشايقية والسودان حكمه ثمانية رؤساء من الأشراف
المهدي كان مشلخاً بشلوخ الشايقية والسودان حكمه ثمانية رؤساء من الأشراف
المهدي كان مشلخاً بشلوخ الشايقية والسودان حكمه ثمانية رؤساء من الأشراف
سعوديون يبحثون عن (أنسابهم) في الولاية الشمالية.!!


في حفل تدشين كتاب تاريخ العباسيين الهاشميين في السودان
09-16-2013 05:23 AM


قاعة الشارقة : محمد شريف
أفتى الشيخ الدكتور عصام أحمد البشير مساعد الأمين العام للاتحاد العالمي لعلماء المسلمين بجواز الفخر بالانتماء الي العباس بن عبد المطلب عم النبي صلى الله عليه وسلم وصحة الاعتزاز بالانتماء الي الدوحة النبوية الشريفةو موضحا ان الانتماء لا يعني العنصرية، وشدد على اهمية التقوي وضرورة التعارف بين الشعوب ووالوقوف على الخصائص الايجابية للقبائل مثل الكرم والجود، وقال البشير امس في حفل تدشين كتاب «تاريخ ما اهمله التاريخ ..الأشراف العباسيون الهاشميون في السودان ..الأشراف الشايقية نموذجا» ان الانتساب الي آل البيت مسؤولية كبيرة وابان ان الانتماءات للبيت معنوية ومادية ، مشيرا الي الفرق بين انتماء ابو جهل الكافر وانتماء سلمان الفارسي وبلال الحبشي وصهيب الرومي، واشاد البشير بالكتاب وقال انه وثيقة علمية مهمة تفتقدها مكتبات الجامعات، ودعا الأشراف الي العمل الطيب وعدم الركون الي النسب فقط، مشيرا الي الحديث الشريف « ومن بطأ به عمله لم يسرع به نسبه ».
من جانبه قال صاحب الكتاب الشريف الدكتور عامر عبد الحميد سيد أحمد ان الكتاب يبحث بالصورة النادرة والقلم والوثيقة في انساب قبيلة الشايقية احدي المجموعات الجعلية العباسية الهاشمية التي تنحدر من سيدنا العباس وانه وقف على تاريخ الخلافة العباسية الهاشمية «750 - 1517 م» واحتوي الكتاب على مخطط لشجرة الأشراف في السودان وانتشارهم في السودان والدول الاخري والممالك التي اقاموها والقبائل التي تنتسب لهم وتناول سيرة ثمانية رؤساء أشراف حكموا السودان منذ الاستقلال اولهم الزعيم الازهري واخرهم المشير البشير وتضمن مسيرة تسعة رؤساء مجالس تشريعية من ابناء الأشراف اخرهم الدكتور حسن الترابي، اضافة الي تاريخ وجغرافيا منطقة الأشراف الشايقية وممالكهم وحروباتهم والصفات التي يتصفون بها ووقف على نسب الهادياب والبابكراب والطمبلاب والكساسيب والضيفلاب والنافعاب، واكد الكتاب ان الامام محمد أحمد المهدي كان مشلخا بشلوخ الشايقية رغم ان والده من أشراف جزيرة لبب في دنقلا، وتضمن الكتاب تقديما من الامين العام لأنساب الأشراف العباسيين الهاشميين في العالم العربي والإسلامي. الشريف حسني أحمد علي العباسي.

الصحافة

موضوع متعلق :

http://www.alrakoba.net/news-action-show-id-103308.htm






تعليقات 55 | إهداء 0 | زيارات 16661

التعليقات
#787817 [ود الفكي]
0.00/5 (0 صوت)

10-02-2013 02:53 PM
اذا الرابط ما اشتغل قم بنسخه ولصقه في الويب
او اكتب اسم الموقع حسب الرابط وادخل عشان تاني ما تقولى جينات يا بتاع الجينات

بعدين الواحد لي يدخل نفسه في موضع حساب عسير
يرمي عرب مكة والمدينة ويقذفهم.... فلو اتى اهل مكة والمدينة لحسناتك يوم القيامة ما بتحوق عليهم
ثم اني اعتب على صحيفة الراكبوبة عدم فلترة هذه الالفاظ


#787443 [ود الفكي]
1.00/5 (1 صوت)

10-02-2013 10:36 AM
القضية ليست قبيلية وانما ارحام الله يرحنا برحمته جميعا
ويتجاوز عن المسي
ايش ذنب هؤلاء الاخوة الذي جاؤا بحثا عن نسبهم عندما يروا هذا الشتم وهذا الحقد من بعض المتداخلين
كل من كتب تعليقا لا يليق من افضل له ان يدخل ويمسحو عسا الله ان يعفو عنه
http://ar.wikipedia.org/wiki/%D8%B9%D8%B1%D8%A8
واليكم هذا الرابط الذي يوضح انتشار الجين j في السودان تحديدا في منطقة المجموعة الجعلية تتركز البقعة الحراء في جنوب السعودية واليمن وفي شمال السودان
بل انو لا يوجد انتشار للجين j في افريقيا وشمالها اكثر من شمال السودان بما ذلك مصر الخ
كما ابشركم بعض الاخوة من الشايقية والجعليين فحص الـ dna ولقاهو مطابق مع بني الفضل العباسيين في جدة ومكة ( هذا بالنسبة لمن يتحدث عن الحمض النووي ويتفاصح)
اذن المجموعة الجعلية هي مجموعة عربية وجدانيا وجينيا ودينيا ....ائياً ائياً ائياً )فلم يغتاظ بعض الناس
ارجو ان تعفو عني جميعا
احمد الشايقي نزيل المدينة المنورة


#768337 [mojaf]
5.00/5 (1 صوت)

09-17-2013 05:20 PM
كدي النشوف:
إذن (الترابي والبشير منا آل البيت) لا حول ولا قوة إلا بالله

واحد: ما عندنا خلاف في كون فلان الفلاني من أشراف مكة ولا ذي الحليفة لكن خلونا نرشدكم للنواحي الإجرائية:
1- تمشوا لناس العباسيين في مكة وتقدموا نسخة من الكتاب مع السرد والدياغرام بتاع شجرة النسب المقدسة، وتنتظروا النتيجة منهم. طالما مصرين تربطوا نفسكم مع سيد الخلق.
2- تاخدوا عينات من آل شايق وآل جعل وآل بريط وربيط مثلاً شخصين أملحين أقرنين من كل فئة ومعاهم بت واحدة مثلاً تكون سليمة ما مختونة ولا حبوبتها مشلخة أو شلوفتها مدقوقة أو عاملة تبييض جلد، والأهم ما يكون عندها عرق في المصريين أو الأتراك.
3- تعملوا حسابكم وتتجنبوا الأسماء المركبة ناس (محمد الحسن، تاج السر، سر الختم، سر السر، سيد أحمد، مرغني، طيفور، سمساعة.. إلخ) لأنها ما ليها علاقة بناس الجزيرة العربية، دي موريتانية صرف.
4-تشرحوا ليهم ليه بتقولوا كديس وعنقريب ودكاي وكاروق وبنبر وكوركنا وضانقيل، ومعروف أصلها نوبي.
5- تشرحوا ليهم سبب الحب المن طرف واحد دا أصلوا شنو، لأنهم حينكروا أي علاقة بأشكالكم دي، وما تزعلوا كان قالوا عليكم تكارين أو نسبوا سيد أحمد إلى زبرماوي أوفلاتة.
6- تشرحو ليهم سبب تسميات قنتي والباجة وكلي وسلنارتي ومنصور كتي وكونتا كنتي دي معناها شنو وليه العربي بتاعكم اتطور كدا؟

اتنين:
بعدين تعالوا هنا، منو القال ليكم إنو عرب مكة ولا المدينة أشراف؟ مش ياهم ديل ناس الجواري والغلمان واللواط القال عليهم الله أشد كفراً ونفاقاً؟

تلاتة:
بالتأكيد الكتاب محاولة للاستمرار في التميز والاصطفاف ضد أبناء البلد الأصليين، أهم شيء عندنا، تلموا عفشكم وترجعوا لأهلكم، عشان تكونوا أمراء وسلاطين، مش أشراف؟
وكويس جداً إنو الناس بدت تتفرز عشان اليوم لما يجي نسأل الواحد شريف ولا سوداني ونشوف بعد داك وجهتو وين، الماعاجبو شيء في البلد دي يرجع للمكان الجات منو أمه.
===========
نعيد بضع فقرات لمن فاته الاستماع:

أبناء تلك القبائل التي تقاتل في سبيل الانتساب إلى الرواد العرب الأوائل خليط من الموريتانيين (الشناقيط) والبجا ثم تم تهجين الخليط مؤخراً بالأتراك والمصريين أثناء الاحتلالين في وقائع مختلفة أوردها شوقي بدري مشكورا.

موريتانيا لها إرث كبير وكريه من الرق والعبودية مارسته مجموعة قبائل البيضان (البيظان) على مجموعات السودان (أهل الأرض من النيجر والسنغال) حتى منتصف الثمانينات وإلى اليوم حيث يطلقون أسماء غير كريمة عليهم مثل (الحراطيط والعبيد)، هجرات الموريتانيين عبر السودان كانت للحج حيث استقر الكثير منهم كما فعلت قبائل الفولاني، لذا نجد اسماؤهم المركبة باقية إلى اليوم وأشهرها "محمد أحمد" اسم واحد مركب وأمثلة أخرى (محمد لحسن، محمد خير، محمد صالح، محمد سالم، الطالب الله، أحمد عالم، محمد الأمين، أحمد الخليفة، أحمد العبيد، أحمد المبارك، أحمد الإمام، تاج السر، أم الخير، سيد أحمد، أحمد البشير، أحمد المصطفى، سر الختم، قطيفة، ست أبوها، تام زين، ست البنات، جاد السيد، جاد المولى، قسم السيد، عوض السيد، حاج حمد، حاج ماجد، خلف الله، شيخ إدريس، الأصم أو صمبا) وكثير من العوائل لا تزال لها علاقات بالعاصمة نواكشوط والتي فيها أمثال الطيب مصطفى وابن اخته الكثيرون ويشهرون كراهيتهم للسود علانية وعلى التلفزيون الرسمي الذي يهيمنون عليه والكثير منهم يقول أن الرسول جده ويصر على أن يخاطبه الآخرون بالشريف، وتنتشر عندهم رزيلة اللواط بأبناء الطبقات التي يسمونها دنيا وللأسف اعتماداً على فتاوى المذهب المالكي، من هناك جاء الشذوذ الجنسي وليس من الإنجليز فهو ينتشر الآن في كل بلاد المغرب العربي وتناقشه قنوات مثل الجزيرة الآن.
.
المهم، هذه الخلطة أنتجت الفئة المهووسة دينياً والتي تدعي الوكالة لله في الأرض وتمارس الاسقاط النفسي وتابى أن ترتقي إلا بتبخيس شأن غيرها باستغلال النسب والدين بل حتى والشعر والإعلام، لا علاج لهؤلاء إلا بتفتيت تاريخهم وإخراجه للعلن وعمل حملة تصحيحة تعليمية لعقولهم حتى يسلم الجميع من شرهم، أما الجينات فلا علاج لها. يجب أن نحمد الله أنه واحد أحد لم يلد ولم يولد، وإلا لسمعنا بأحدهم ينسب نفسه إليه جل جلاله.


ردود على mojaf
[ود الفكي] 10-02-2013 03:30 PM
والله نحن ما بنشرح لزول
هم الجونا براهم وشرحو لنا

يرحمنا ويرحمكم ويرحمهم ربنا

تقوم الرحم يوم القيامة وتقول يارب هذا مقام العائد بك من القطيعة فيقول اما ترضي ان اصل من وصلك واقطع من قطعك فتقول بلى رضيت
اسأل الله ان يصل هؤلاء الاقارب يوم القيامة ويدخلهم الجنة بمنه ورحمته آآآمين

European Union [ahmed ua] 09-19-2013 08:41 AM
والله كفيت وجوابك كامل وشامل وكلام قوي جدا


#767805 [بداويت اور]
5.00/5 (1 صوت)

09-17-2013 04:12 AM
هناك قبائل عربية دخلت السودان واختلطت بالقبائل الافريقية دي حقيقة ما يختلفوا فيها نفريين لكن الاشراف ينتموا لها فروع واسر محددة في السودان لكن للاسف الشديد هناك من يستغل نسبه وقبيلتوا للاستعلاء وينظر الى غيره بنظرة دونية لو كان النسب يفيد كان افاد ابو جهل


ردود على بداويت اور
United States [ابوساره] 09-17-2013 09:19 AM
كلامك جميل وموضوعي ومن حقائق التاريخ التي ينكرها بعض الجهال...بس في اخر تعليقك اظنك تقصد ابولهب -عم الرسول صلي الله عليه وسلم- وليس ابو جهل


#767782 [هناء عبدالعزيز]
5.00/5 (2 صوت)

09-17-2013 01:19 AM
في صحيح مسلم وسنن النسائي ومسند أحمد واللفظ للاوّل عن أبي هريرة قال: لما انزلت هذه الاية: ( وانذر عشيرتك الاقربين ) دعا رسول اللّه(ص) قريشا فاجتمعوا فعمّ وخصّ فقال: يا بني كعب بن لؤي ! انقذوا انفسكم من النار. يا بني مرة بن كعب ! انقذوا انفسكم من النار... يا بني هاشم! انقذوا انفسكم من النار، يا بني عبد المطلب ! انقذوا انفسكم من النار. يا فاطمة ! انقذي نفسك من النار، فاني لا أملك لكم من اللّه شيئا غير أن لكم رحما سأبُلّها ببلالها(2).

2 صحيح مسلم، كتاب الايمان، باب وانذر عشيرتك الاقربين ج 1 / 192، وسنن النسائي ج 6 / 248 كتاب الوصايا، ومسند أحمد ج 2 / 333 و 519.

فبم يفيد نسب العباس رضى الله عنه اذا

لن تفيدكم سوى اعمالكم


#767731 [شليل وين راح]
0.00/5 (0 صوت)

09-16-2013 10:31 PM
أفتى الشيخ الدكتور عصام أحمد البشير مساعد الأمين العام للاتحاد العالمي لعلماء المسلمين بجواز الفخر بالانتماء الي العباس بن عبد المطلب عم النبي صلى الله عليه وسلم وصحة الاعتزاز بالانتماء الي الدوحة النبوية الشريفةو موضحا ان الانتماء لا يعني العنصرية....
----

الى قبيلة ينتمي الشيخ الدكتور الذي تكلف اعباء الفتوى؟


#767730 [telal]
5.00/5 (1 صوت)

09-16-2013 10:29 PM
ان تكون شريفي يعني انك الاول ودونك اخر ان تكون شريف انت سيد ودونك 0000 ان تكون شريف انت حكومة وغيرك معارضة ان تكون شريفي انت ولدنا وغيرك ود
ذات يوم وانا اجلس مع والدتي فاففتها وقلت لها لماذا لم تنجبيني شريفا فقالت وما فائدة الشرف
فقلت لو لم اكن شريفا لن اتعلم وان تعلمت لن اتوظف وان توظفت ساكون مراسلة في دولة اعيشها لغيري واموت لانني لااملك ثمن العلاج امي ارض واسعة ووديان وجبال انجبتنا اثنان اخي تسلط علي مرات ومرات بدعوي الاسلام مرة وبدعوي اللون مرة والنسب ايضا
اما انا فاحترت طبعا هل هذا اخي هل انجبتنا امنا السودان معا 000


#767715 [طير الرهو]
5.00/5 (1 صوت)

09-16-2013 10:01 PM
تعرفو الواحد لما يكون عامل في راسو ريشة عشان الناس تلاحظ ليهو؟

الناس القالو اشراف ديل البسو سمح وصلو وصومو وقومو الليل واكرمو الضيف وتواضعو للناس وقول للناس حسنى وتجلو ببركاتكم على البشر عشان الناس خاته بالا فيكم

ياخي انا اخر من يعلم بان الشايقية ليسوا من اصل هذه البلاد الطيبة

بس كل يوم تتجلى حقائق جديدة على الارض

ويا خسارة

القنابير كترت في البلد


#767702 [محمد عطية]
5.00/5 (1 صوت)

09-16-2013 09:22 PM
ههههههههههههههههههههههههههههههههههههههههه والله مافي شيء ضحكني في كلام الراجل ده الا انو المهدي كان مشلخنوا شايقي دنقلاوي ترخيص شايقيه !!


ردود على محمد عطية
[بله] 09-17-2013 01:14 AM
ههههههههههههههههههههههههه والله فعلا تضحك والبضحك اكثر انة الشايقية وعلي عثمان محمد طة والترابي التشادي طلعوا من ال مكة المكرمة والله بعد شوية مع المهازل الشايفنها نخشى اطلع منهم واحد اقولوا علية استغفر الله ما بقدر اقول


#767683 [Zingar]
5.00/5 (3 صوت)

09-16-2013 08:31 PM
مبروك عليكم إنتوا أشراف ونحن أولاد الغساله

ومن الوهم ما قتل!!!!!!!!!!!!!!!!!


#767681 [انقادى غارق فى الفساد]
5.00/5 (3 صوت)

09-16-2013 08:28 PM
دكر ماكميلان فى كتابه العرب فى السودان ان كل القبائل العربية فى السودان تحاول باى وسيلة الانتماء الى البيت الهاشمى
وادا دهبنا الى باكستان او افغانستان اوايران تجد اسم جيلانى وسردار وغيرها تدل على الاصل الشريف وحتى فى نيجيريا نعرف شريف مادوغرى
البديرية الدهمشية تنتهى اصولهم الى شمال الجزيرة العربية وبالاحرى الى قبيلة عنزة وهده ليست لها علاقة بالاشراف
وقبائل الجعليين ورفاعة والشكرية وغيرهم فهده كلها تنتهى الى جهينة فى سهل تهامة ومنطقة ينبع والوجه وقد دكر دلك بوركهارت فى كتابه انه قابل احد ابناء جهينة فى منطقة بربر فى زيارة الى اخوته فى جهينة بالدندر ويسمون برفاعة الهوى وجهينة قبيلة عربية لاعلاقة لها بقريش
اما الشايقية فاصولهم تنتهى الى شمال الجزيرة العربية ومازال البعض منهم يسمى نفسه بالشايقى ونلاحظ دلك فى محلات المفاتيح المتعددة فى الرياض وليست لهم اى علاقة بالاشراف
ومازالت الهجرات العربية تتواصل فى السودان واخرهاقبل مائتين سنة الا وعى قبيلة الرشايدة فى الشرق وكسلا وهده ايضا من منطقة حائل فى شمال الجزيرة العربية وبعضهم يحمل جنسية البلدين


ردود على انقادى غارق فى الفساد
United States [التاج محمد احمد] 09-17-2013 05:48 AM
احسنت


#767672 [الجقر]
5.00/5 (1 صوت)

09-16-2013 08:04 PM
يعني الوقت دا كله ما كانوا عارفين ابوهم منو؟ الما بيعرف ابوهو بيقولوا عليه شنو ياناس؟


#767644 [سيد التبش]
5.00/5 (1 صوت)

09-16-2013 07:09 PM
أسة عليك الله نافع ده وشوا فرقوا شنو من (وحشي) الحبشي ..السعوديين ديل بيلعبوا بيكم ، ياخ ديل في قبائل سعودية ما معترفين بيها ،،خليكم انتوا ياعبييد؟ (جعلي منطقي)


#767634 [f5]
0.00/5 (0 صوت)

09-16-2013 06:56 PM
الشريف شريف عمله والذى هو معبره في الاخرة
اما شرف الانساب فلا نفع منه
كلكم لادم وادم من تراب
القبلية اللعينة هى ماجعلت العرب في اخر مصاف الدول في العالم
وقعدت بهم في ان يعملوا عملا نافعا يفيد البشرية .


#767593 [ameen]
0.00/5 (0 صوت)

09-16-2013 05:31 PM
بسم الله الرحمن الرحيم
مَا كَانَ مُحَمَّدٌ أَبَا أَحَدٍ مِنْ رِجَالِكُمْ وَلَٰكِنْ رَسُولَ اللَّهِ وَخَاتَمَ النَّبِيِّينَ ۗ وَكَانَ اللَّهُ بِكُلِّ شَيْءٍ عَلِيمًا
صدق الله العظيم

فإنه صلى اللّه عليه وسلم لم يعش له ولد ذكر حتى بلغ الحلم، فإنه صلى اللّه عليه وسلم ولد له القاسم والطيب والطاهر من خديجة رضي اللّه عنها فماتوا صغاراً، وولد له صلى اللّه عليه وسلم إبراهيم من مارية القبطية، فمات أيضاً رضيعاً، وكان له صلى اللّه عليه وسلم من خديجة أربع بنات: زينب ورقية وأم كلثوم وفاطمة رضي اللّه عنهم أجمعين، فمات في حياته صلى اللّه عليه وسلم ثلاث، وتأخرت فاطمة رضي اللّه عنها حتى أصيبت به صلى اللّه عليه وسلم ثم ماتت بعده لستة أشهر ..

النسب ده جبتو وين يعني ؟
بعد الكلام ده ... ؟


#767583 [Amin]
1.00/5 (1 صوت)

09-16-2013 05:03 PM
من تأخر به عمله لم يتقدم به نسبه


بالله البشير ده كان بقى نبي -عديل كده-. خليك من الحفيد الأربعين لعم نبي
أنا بباريه ؟؟


#767576 [الكوز الفى الزير التحت الراكوبه]
5.00/5 (1 صوت)

09-16-2013 04:55 PM
والله يا جماعه أنا ما عارف أنتو زعلانين مالكم ومورمين فشافيشكم ياخى ما اى زول حر أقول هو من الاشراف او من الهندوس أو الهكسوس ألا أكون بس فى بطنكم ابو الحرقص .


#767524 [نهاية الطاغية]
4.25/5 (3 صوت)

09-16-2013 03:30 PM
اغرب بشر جماعة الانقاذ يتصرفون كالاطفال طموح بلا حدود يريدون الدنيا والآخرة في آن واحد عصام البشير تملص من جماعة صادق عبد الماجد حتي يصل الي الاموال التي يايدي المؤتمر البطني ركب افخم السيارات ونال اعلي الدرجات الاكاديمية والآن تبقي له ان يصير شريفا نبويا ..ايها اللص الانقاذي ازجر نفسك الدنيئة من هذه الاحلام الوردية الكاذبة وارجع للشعب امواله انت وساداتك البشير وغيره.


#767523 [Ginomino]
5.00/5 (2 صوت)

09-16-2013 03:29 PM
إقرأوا كتاب الفلاتة للدكتور الطيب الفلاتى تلميذ الدكتور محمد ابراهبم ابوسليم فهؤلاء الثمانية الذين تتحدثون عنهم جلهم من غرب افريقياوتأريخ السودان قبل التركية يعتمد اساسا على ممالك دارفور الاسلاميه والتى لم نكن تخلو من عرب بغض النظر عن درجة شرفهم وبالتزاوج يمكن لاى كان ان ينتسب لمايشاء والإنتساب لاشرف الخلق ص ع و س يأتى عن طريق ابنيه سيدنا الحسن وسيدنا الحسين وهما ابناء بنته رضى الله عنهايعنى الشرف متوفر ومافيه مشكلةشرقا كان او غربا شمالا او جنوبا.ان الله ينظر الى القلوب وليس الى الأجساد تابعوا الفضائيات لا العرب ولا الأفارقة واجد فيهم حاسبنا معاهم مافى والقبلية منحسرة تماما فى الدول العربية ذات التاريخ الاسلامى التليد ماعدا بغض الدول كليبيا واليمن
والأنساب ممكن تختلط عن طريق الجيوش والعمالة الوافدة والممارسات اللا اخلاقية كحملة الدفتردار وومحمود ود احمد والنوبة الذين عملوا فى خط توصيل البترول لبورتسودان يا جماعة خلونا سودانيين بسمات افريقية عربية كل حسب نصيبه ومافى داعى للفرقة والشتات نحنا ماناقصين وما تتابعوا الجماعة الباعوا دينهم قبل اننتماءهم للوطن وككلكم اهل وشجرة نسب اى سودانى تضم كل النسيج الإجتماعى الموجودنحن الآن نتحتل الذيليةفى كل شيئ الم تلاحظوا ان اخلاكم كالأحباش اذا جاعوا سرقوا واذا شبعوا ...................


#767520 [الحقيقة مرة]
5.00/5 (2 صوت)

09-16-2013 03:28 PM
اشراف على روحكم فكوها فيها زي ما عايزين اعملو ليكم محمية وغزو يافطة عالم وهم


#767488 [جيمى قانون]
5.00/5 (1 صوت)

09-16-2013 03:04 PM
عرب وافارقة الفيصل هو الـ DNA رايكم شنو ؟ عشان نتفك من زوبعة العرب دى... اها لو طلعت نتيجة الـ DNA انو الجماعة افارقة ح يمشوا وين؟؟؟؟ بلد متخلفة وناسا متخلفين شديد.... يعنى شنو عرب؟؟؟؟


ردود على جيمى قانون
European Union [سوداني زول] 09-16-2013 09:43 PM
والله فكرة لاننا تعبنا من القصة دي.


#767441 [الجقر]
5.00/5 (2 صوت)

09-16-2013 02:05 PM
لنا الشرف اننا احفاد بعانخي وشبكة وترهاقا يا احفاد ابي لهب يا ماعندكم موضوع في عنصرية اكتبر من كدا؟ يعني لو في اشراف يبقي بالضرورة في عبيد واعديمي شرف وغيرهم من ابناء الوطن الواحد دا .. حسبنا الله ونعم الوكيل


#767407 [عبيد الله]
5.00/5 (1 صوت)

09-16-2013 01:40 PM
ديل دوبهم لقوا نسبهم ولماذا كل هذا التاخير . انا شخصيا افريقي عربي سوداني مهجن منذ آلاف السنين لكن اوجه لكتاب اسمه حلفاية الملوك للدكتور عون الشريف قال فيه ان الاشراف في السودان هم المغاربة وجدهم اسمه أحمد ذروق المغربي وجايي من المغرب للسودان لنشر تعاليم الاسلام . اما الاشراف الظهروا جداد ديل لا علم لي بهم قبل اليوم . وهذا كله كلام لايفيد الشريف يورينا شرفه بالعمل ينفع الناس ويفيدهم ويعطيهم ويحرم نفسه ولاياكل الصدقات ووووو هو الانتماء للاشراف ده لعب عيال .هو مسئوليه تجاه المجتمع والناس بالفائده والخير والحب .


ردود على عبيد الله
United States [نهاية الطاغية] 09-17-2013 08:13 AM
يعني كل مغربي شريف المتعافن مغربي اذا هو شريف من آل بيت رسول الله عليه افضل الصلاة والسلام اذا له في بيت مال المسلمين حق يعني كل سرقاته ونهبه للاقتصاد مبرر لانه كمن سرق من داره وهذا ينطبق علي الشريف البشكير والشريف علي عثمان طه ولا ادري لم تجدوا للشريف ساطور موطأ قدم في بيت النبوة؟ بعدين الشريف عون قاسم تنزل عليه الوحي حتي ناخذ كل ترهاته ونترك ما سواها علما ايام حكومة الدكتاتورية المايوية التي كان عون الشريف احد وزراَئها وعرابيها كان حينها مجرد دعمك لمايو ولو لفظيا يعتبر خيانة عظمي من قبل الشعب.


#767400 [هامشى وليس هاشمى]
5.00/5 (3 صوت)

09-16-2013 01:37 PM
الهدف من هذه الفرية هو عملية تأصيل لدولة مثلث حمدى،،

هى عملية تقول لأهل الهامش خليكم فى علبكم نحن الأشراف وأنتم الدنية،، وأتو بالأفاك عصام أحمد البشير ليؤصل لهم فريتهم بفتاوى حربائية،،

البشير قال الغرباوية إذا ركبها جعلى فأن ذلك شرف لها(والمعنى هنا راجع للشريف الجعلى)،،
نافع قال نحن بقايا الأندلس (أى بقايا الأشراف)،،
ثم أضاف فى موقف آخر بعد كارثة أبو كرشولة أن الحرب ستكون بين الأصلاء (الأشراف) والغرباء (أهل الهامش)،،

8 رؤساء حكموا السودان من الأزهرى إلى البشير يعنى أن الرئاسة كانت وستكون وستظل حكرا على مؤسسة الجلابة الأشراف،،

لم يبق خيار لأهل الهامش سوى تقرير مصيرهم والإنفصال فعندهم كل كنوز السودان والأرض وليتركوا الأشراف فى دولتهم المزعومة فسيأتون إليهم طالبى عمل وشحدة،، أولم يكونو وما زالو كذلك ينهبون خيرات الهامش من بترول وذهب ومحاصيل؟ أو فليذهبوا إلى مصر بوابين وإلى السعودية ودول الخليج طباخين،،

هؤلاء لم يتربوا فى ظل أى دولة فى الماضى ولا يعرفون معنى الدولة،، هم كالجراد يبيدون كل أخضر قبل أن يرحلوا لآخر،،،


ردود على هامشى وليس هاشمى
United States [شاكووش] 09-16-2013 03:59 PM
والله يا هامشى أمتعتنى بتعليقك وفى الحقيقة أن الإدعاء بالإنتساب للدوحة النبوية شيئ قديم يطمع من خلاله المدعون الحصول على مزايا دنيوية وسيادة وإستغلال البسطاء ودونك ممارسات آل الميرغنى فى الشمالية والمهدى فى دارفور وكردفان،، واك هذه الأدلة من العم قوقل:

اين تكثر نسب الأشراف في العالم العربي؟

يكثرون في الحجاز بجمبع مناطقه من خيبر شمال المدينة المنورة إلى تربة في شرق جبال السروات حتى أبها جنوباُ و يكثرون على الأخص في تهامة وكثير منهم في جيزان التي هي جزء من تهامة ثم بعد ذلك في اليمن شماله وجنوبه وبها فروع ليست بالقليل.
أما الذي ادعى كثرتهم بالعراق فهو كاذب بيِّن كذبه لأسباب:
1-أن كون أحد أو عدد من أولاد الحسين مات ودفن في العراق لا يدل على وجود نسله وذريته في نفس المكان وقد يكون غير مدفون أصلاً كالحسين الشهيد رضي الله عنه الذي لم يدفن رأسه في كربلاء من البداية ثم حمل جسده إلى مكان آخر ويقال إلى المدينة المنورة.
2-أولاد وزوجات وبنات الحسين رضي الله عنه حملهم يزيد إلى المدينة المنورة وقبورهم فيها،أما أبناء الحسن رضي الله عنه فلم يبرحوا المدينة ومكة وتهامة ونسلهم فيها حتى الآن،أما أبناء العباس بن عبد المطلب رضي الله عنه الذي عده النبي صلى الله عليه وسلم ونسله من آل البيت فجزء كبير منهم لم يبرح الحجاز وجزء كان في الساحل الشرقي للخليج العربي ثم عاد إلى المملكة العربية السعودية في السنوات الخمسين الأخيرة.
3-كرِه أل البيت( الحقيقيون)الذين هم أولاد الحسن والحسين البقاء في العراق لكراهيتهم خيانة وغدر اهلها ممن تشيع لهم ولم ينصرهم وهي صفة أكثرية شيعتهم ولكونها مشؤومة عليهم فلم يُطل أكثرهم المكث فيها وانتشروا في بلاد أخرى كاليمن ومصر وتونس والمغرب ، أما المزيفون (الرَفَض)فهم إما فرس مدعون لل(بيتية) مجهولوا النسب (أو ابناء المتعة)ويظهر ذلك صارخاً جلياً في ملامحهم البعيدة عن العروبة ولكناتهم الأعجمية كثيرة اللحن في الكلام وخطئهم الفاحش في قراءة القرآن وحقدهم الشديد على العرب حتى أن أحاديثهم التي ألفوها ونسبوها لجعفر الصادق وغيره من أحفاد الحسين تتوعد العرب عند ظهور مهديهم المزعوم بالقتل والإبادة!!!! وتناسوا انهم ينسبون أنفسهم إلى آل البيت الذين هم أشرف قبائل العرب ،وتقلل أحاديثهم المكذوبة من شأن مكة والمدينة أمام كربلاء وقم.

الفحص الحمضى يمثل الحل الناجز لكل مدع،،


#767385 [ابو ابراهيم]
0.00/5 (0 صوت)

09-16-2013 01:19 PM
مثل هذه الإصدارات الخواء تظهر دائما في مواسم المجاعات الفكرية. فالنفتضرض أن النبي (صلى الله عليه وسلم) كان مشلخ شايقي وبيقول مندلي البلد ماذا بعد؟؟؟؟؟


#767355 [سوداني جد]
5.00/5 (2 صوت)

09-16-2013 12:43 PM
والله العظيم السودانين العاملين فيها عرب ديل كلهم عيانين


ردود على سوداني جد
[Ginomino] 09-16-2013 03:58 PM
خلى واحد من العيانين ديل يحسب لينا لجده الخامس كان ماطلع الدفتردار ولا واحد صعيدى


#767332 [علي الكرستي]
0.00/5 (0 صوت)

09-16-2013 12:29 PM
الشايقية جدهم شايق وهو من يهود اليمن


#767304 [الشريف الرضي]
3.00/5 (4 صوت)

09-16-2013 12:12 PM
نحن لنا الشرف اننا سودانيين فكونك سوداني هذة ميزة تحمد الله عليها (اللهم لك الحمد)


#767301 [محمد]
0.00/5 (0 صوت)

09-16-2013 12:09 PM
يا أخي ذهبنا الجزيرة العربية ولم نجد فيها إلا قبائل قلة هي السودان تنتمي لتلك البقعة

حيث وجدنا قبائل لها لهجة بدوية سودانية إي خوي صب أمش
ووجدنا من الاماكن في مكة أماكن لتلك القبائل ومسميات الى اليوم ولم نجد شاق ولا جعل
والناس كلها أخوة لا فرق بين هذا وذلك


#767273 [قاتل الله من قسم البلاد]
3.00/5 (3 صوت)

09-16-2013 11:54 AM
أولا الشريف يطلق على نسل الحسن والحسين وليس لكل الهاشميين

ثانيا الحمض النووي له كلام آخر

بالنسبة لأسرة أسماعيل الأزهري فبعض النتائج الأولية قد تشير إلى أنهم من أصول فينيقية

أي أصول لها ارتباطات بالأروبيين

هناك ثلاث تحاليل للحمض النووي لقبيلة البديرية والتي ينتمي إليها كل من البشير والترابي وكل النتائج

طلعت ليس لها أي أساس بالعروبة أفريقية أو نوبية يعني أحتمال كبير البشير والترابي يطلعوا فشنك

أسرة المهدي وعن طريق الصادق المهدي عندما طلب منهم عمل تحليل الحمض النووي فقط

من أجل معرفة هل الأسرة المصرية التي تدعي أنها من نسل الإمام المهدي والموجودة في

جنوب مصر, هل هي تنتمي لأسرة المهدي أم لا لم يقم الإمام بعمل الفحص النووي وترك

الأمر دون حل, أعتقد لو تم تحليل حمض الإمام ونضيف إليه حمض السادة المراغنة ستكون

النتيجة ليس كما يشتهيه الإثنين, يعني بأختصار قد يطلع البيتيين فشنك في فشكن وليس لهم

أي علاقة بالعروبة دع عنك أن يكونوا أشراف, لينضاف لكذبهم بإدعاء أحدهم بأنه المهدي المنتظر

وإدعاء الآخر بأنه خاتم الأوليا كذب آخر وهو الإنتساب زورا لأهل البيت, والله أعلم.

بالنسبة للشايقية لن أثبت ولن أنفي وجود صلات عروبية أو حتى قد تكون عباسية, ولكن

منطق بسيط أن تكلفة إيجار قاعة الشارقة وباقي المصاريف يمكن أن تعمل تحليل للحمض الننووي

لعدد أكثر من 50 شخص من الشايقية من مناطق مختلفة ومن فروع مختلفة وبعدها تطلع النتيجة

في صورة علمية تؤكد الخبر. بأختصار الحمض الننووي هو يوم الحساب ويوم القيامة بالنسبة

لكل مدعي كذاب أشر حيث العلم لا يكذب وبعدين عصام البشير ده لو كان عمل تحليل ونشر

النتيجة في المجلات العلمية كان يخلف كراع في كراع ويقول أنا عباسي وهاكم نتيجة الحمض

النوويي بتاعتي مطابقة لنتيجة الأشرف في الجزيرة العربية. اخيرا بالنسبة لبعض الجهلة من

الجانب الآخر البيقولوا أنه لا يوجد أشراف أو عرب أو قرشيين في السودان أنا شخصيا كنت
على أطلاع على نتيجتيين الأولى لشخص من سلالة عمارة أبن عدلان (دنقس) والآخر

من سلالة كاهل عز العرب وكلا النتيجتيين طلعت عربية وقرشية ومطابقة لنفس

النتائج الموجودة لقرشيين الجزيرة العربية, يعني في عرب وفي قرشيين وفي أشراف

في السودان. الخلاصة الحمض النووي, الحمض النووي, الحمض النووي, الحمض النووي

وبس هو الحل, ومافي داعي لكترة كلام وكتب وقاعات وصراخ على الفاضي. القيامة الحمض نووية

إن صح التعبير قربت وحينها يهان من يهان ويكرم من يكر حسب أدعائه لأصله وحينها سوف يعاد

رص اللعبة من جديد.


ردود على قاتل الله من قسم البلاد
European Union [ahmed ua] 09-19-2013 09:04 AM
يهان من يهان دي ما مفروض تجي من زول بيعرف الحمض النووي انحنا في 2013 ياخي معقولة في تفكير بالشكل ده مع انوا تلاقيك انتا ذاتك هسي عايش ليك في دولة اجنبيه عربيه او اوربيه هل انتا هناك مهان وبعدين لو فرضا اتعاملنا بفهمك ده لو ظهرت نتيجة الحمض النووي وطلعوا اشراف ما يمشوا لجزيرتهم ويتركوا السودان لاهله


#767269 [بخاتى]
5.00/5 (2 صوت)

09-16-2013 11:50 AM
الشريف مبسوط منى


#767250 [ليدو]
5.00/5 (3 صوت)

09-16-2013 11:37 AM
لا حول ولاقوة إلا بالله .. بالله المعلقين ديل للدرجة دي مغيوظين من الشايقية ؟؟ الغريبة لما طلعت إشاعة إنو نتنياهو جذورو شايقية الناس فرحت وما فضل ليها إلا تضبح تيران وتعمل كرامة !! والليلة بعد البحث العلمي الموثق دة الناس المديدة حرقتهم والحقد طفح والعقد النفسية ظهرت وبانت !! بالله خلونا في حالنا عشان ترتاحوا وفشفاكم يبرد ، نحن عارفييييين أصلنا وفصلنا ولا فخر ، هموم الوطن أكبر من كدة.. أنشري ياراكوبتنا الحبيبة .


ردود على ليدو
European Union [elfatih] 09-16-2013 02:29 PM
ماف زول محروق من الموضع يا باشا تبقى شريف تبقى احمد الصادق ما علينا لكن خلى يمشوا يقولوا الكلام دا فى السعوديه هناك ويعملوا مؤتمر صحفى

انا قايتوا سودااااانى وافتخر ومسلم وافتخر والحمد لله ( كلكم لأدم وادم من تراب )


وانصحك ايها الاخ الكريم بأن تقراء كتاب ( الرحيق المختوم ) لصفى الرحمن المباركفورى

فى بداااايه الكتاب بتحدث عن القبائل العربيه وقسم العرب لثلاثه اقسام ومتسلسل فى موضوع انساب العرب وبطونهم الى اخر سلالهمن ال البيت فى وقتنا الحاضر


ولمعلوميتك هناك قول اخر يقال ان قبيله الشوايقه هم فلاته من نجيرىا وبرضوا ابحث عن الموضوع دا


#767213 [أحمد فقيرى]
1.00/5 (1 صوت)

09-16-2013 11:05 AM
لا يعرف فى السودان كله أشراف غير من هم من جزيرة الأشراف , ومنهم الإمام المهدى .


ردود على أحمد فقيرى
[ابوساره] 09-16-2013 02:04 PM
اذاًانت لاتعرف شي!!


#767211 [تمر الفكى]
5.00/5 (1 صوت)

09-16-2013 11:03 AM
هذا هراء لا فائدة منه ولا طائل
اذا كان الشوايقة عرب فمن اين اتوا بالشلوخ و بايقاع الدليب (المصنوع من خشب الدليب)
اسألوا البروفسير عبد الله حمدنا الله عن علاقة الشوايقة باليوروبا فى غرب افريقيا
اشألوا المتخصصين فى الانثربولوجيا عن طبيعة وظروف نشؤ المجموعات العرقية وعن صلاحية شجرات النسب شريفة او وضيعة.
ارجعوا الى دراسة قسم الامراض كلية الطب جامعة الخرطوم عن الحارطة الجينية لقبائل السودان, اعدها دكتور هشام و اخرون.
اوهاماوهاماوهام اوهاماوهاماوهاماوهاماوهاماوهام اوهاماوهاماوهاماوهاماوهاماوهام اوهاماوهاماوهاماوهاماوهاماوهام اوهاماوهاماوهاماوهاماوهاماوهام اوهاماوهاماوهاماوهاماوهاماوهام اوهاماوهاماوهام


ردود على تمر الفكى
[تمر الفكى] 09-17-2013 02:59 PM
كويس يا اشرف الشريف نترك شهادة عالم لانو عرب سات ونسمع شهادتك انت.

وماذا عن ايقاع الدليب
وماذا عن دراسة الDNA التى اجراها دكتور هشام واخرون فى قسم الامراض المستوطنة بكلية الطب جامعة الخرطوم لو ما اطلعت عليها اكتب ايميلك نرسل ليك منها نسخة.

وهناك الكثير المثير لو اردت الحقائق لا الاوهام.

European Union [لتسألن] 09-17-2013 12:19 AM
للدكتور المرحوم نقدالله الذي كان أستاذا بجامعة الخرطوم عدة مقالات بالصحف - في عهد النميري - عن صلة الشايقية بالفلاته.

United States [أشرف الشريف] 09-16-2013 11:14 PM
المهدي مشلخ شايقي ودرس بالقرير وبقية من أهله بقوز قرافي ما تزال موجودة .. وأما عبد الله حمدنا فهو عرب سات ـ أي من عرب الجزيرة ـ فليقل الشايقية يوربا أو توتسي .. فشهادته مجروحة في هذا الأمر ... كون الترابي أو البشير لا يعجبكم .. فأبو لهب كان من الشجرة النبوية .. ولا ينكرن هذا أحد .. هناك تخالط عظيم بين قبائل شمال السودان مححس ودناقلة وشايقية . لا أعرف إن كان الشايقية ينتمون إلى الشجرة العباسية أم لا لكن الذي أعرفه هو أن شايق وعون من أسماء الأشراف ... أما الشلوخ فكانت معروفة عند أهل مكة ـ راجعوا كتاب الشلوخ ـ أما الإدعاء بأن أهل الشمال فلاتة فهذا فكر انطلق مع صدور الكتاب الأسود ... وهو جزء من الهجمة على الثقافة العربية والإسلامية.... ختاما الإنقاذ لم تنبت وسط نخيل الشايقية .. ولم يسقها الشايقية بقواديسهم .. بل إن من الشايقية الأن من هم أعدى أعداء الإنقاذ ومنهم 28 ضابطا قبروا في ذات رمضان منصرم .. فثوبوا إلى رشدكم يرحمكم الله


#767191 [عبدالله العدلاني]
0.00/5 (0 صوت)

09-16-2013 10:34 AM
بلد زي السودان عندو عقدة إسمها أشراف ماقابلني لا في الإمارات لا في ليبيا لا في السعودية ولا في أي دولة عربية .. ياخي خلونا أشراف شنو وبطيخ شنو .. الشريف شريف في نفسو والحقير حقير في نفسو والجهل مصيبة .


#767188 [موسى محمد]
4.00/5 (2 صوت)

09-16-2013 10:31 AM
والله فلقتونا وقديتونا بهذا الكلام الفارغ الممجوج، والذي إن دل على شئ إنما يدل على الفراغ والإحباط ومحاولة التسلق على أكتاف الآخرين لجني تفاهات الدنيا ولعاعتها، فالشايقية مشكوك في نسبهم للعرب ناهيك أن يكونوا أشراف عباسيين، فبنظرة فاحصة لسحنات الشوايقة تجدهم أقرب إلى الحبش الأرتريين والبني عامر في شرق السودان، كما أن سلوكهم الجشع وخساستهم وأنانيتهم وحب الأذية المتأصل لديهم والذي يعرفه القاصي والداني يتنافى مع إدعائهم الإنتساب للأشراف، فالشريف كريم بطبعه وزاهد في ما عند الآخرين لا يحسد ولا (يحفر) للآخرين ولا يتآمر بخسة لنيل ما ليس له،أما الشايقي فحدث ولا حرج، بل هم يفتخرون بهذه الصفات الذميمة.
المضحك في هذا التقرير هو إدعاء النسب الشريف لعمر البشير والترابي والازهري فهؤلاء لا يجتمعون إلا في النسب لإبينا آدم أبو البشر _ هذا إذا إستبعدنا نظرية داروين - اللهم إلا إذا كان هنالك تسريب من المؤتمر الوطني لتلميع صورة التراب مؤقتاً حتى يوافق على رفع الدعم ومن ثم يعاد تصنيفه من جديد بإعتباره برقاوي من تشاد.
في الختام أقول صورة المرأة المنشورة مع التقرير- تباهياً وتبركاً- لا تشبه صور العربيات الأصيلات فهذا الخشم الواسع أقرب ما يكون لخشوم الهوسا(مع كامل إحترامي وتقديري للهوسا).
وأخيراً أذكركم بقول الشاعر (ليس الفتى من يقول كان أبي ... لكن الفتى من يقوا هأنذا)


#767186 [saad]
5.00/5 (1 صوت)

09-16-2013 10:24 AM
و اقسم بالله ثلاثه انا قرأت كتاب مكتوب قبل الانقاذ و اهداني اياه واحد ينتمي الي قبيلة الفلاته مش الهوسه . و الفلاته قبيلة دانفودي و أتت من مالي و مكتوب عليه بالنص ان الشايق هو فلاتي من دار مالي و عاصمتها تمبكتو و اذا طلبتم مني اذكر بعض الأسماء المعروفه لديكم . وكبارهم يعرفون هذا و لكن يحاولوا يودروا الدرب في الزحمه الحاصله . وعلي فكره توجد قرية تسمي دار مالي في بلاد الشايقيه.


ردود على saad
United States [ابكرونا] 09-16-2013 04:31 PM
دارمالى هى اول محطة سكة حديد شمال عطبره وهى بعيده كل البعد عن ديار الشايقيه ..

European Union [elfatih] 09-16-2013 02:42 PM
شكراً يا سيد والله الذى لا اله الا هو انا اسمع الراديو كل يوم بالليل فى برنامج اسمو ( كاتب وكتاب ) بس ما متزكر يوم شنو بالظبط لكن هذا البرنامج يقدمه الكتور ابو العباس محمد فضل المولى كجوج
وهو استاذى بالجامعه واعرفه جيداً استضاف ذات مرة دكتور فى احدى الجامعات السودانيه مين كدا تنقو لقد وجدت الحلقه باديه اصلا فى الراديو

المهم قال الضيف ان قبيله الشايقيه هم فلاته من نجيريا كما زكر عدة مناطق فى الشماليه هى بلغه الفلاته مثل اوسلى كما زكر ايضا كلمه سوبا وتعنى باللغه النجيريه صديقه وسبوي تعنى صديق وقدم دلائل كثيرة عن هذا الموضوع وقال بالحرف الواحد من اراد ان اثبت له فاليأتى الى وقام الدكتور بأختصارة بعد ذلك لأنه شايقى ايضاً


لكن اقول انو الشوايقه راضين بأنهم سودانيون وهم برضوا مهمشين ذى باقى السودان لكن فى ناس متسلطين عندهم فهم فى اثارة هذه المواضيع

ولو بحتنا بحتنا يا نافع وغير من المتعصبين بطلع الاصلاء دخلاء والدخلاء اصلاء


#767183 [جاوا]
5.00/5 (2 صوت)

09-16-2013 10:23 AM
المنهج العلمي في اثبات النسب اصبح واضح وضوح الشمس وذلك باستخدام الDNA يا ريت الباحث ياخذ عينة من اسلافه وخاصة احفاد الزعيم الراحل أزهري ويفحصها بالDNA اكيد يجد ما يشفي صدره المريض بالانتماء الدوني للعروبة اولا ان امكن والتقوي هي الفيصل قال الله تعالي ( ........... ان اكرمكم عند الله اتقاكم) وبعدين جد الازهري دا دخل الابيض مهاجر واستقر مع آل الولي وتزوج منهم وولد الازهري (مهاجر من غرب افريقيا ) وهذا تاكيد لعدم مقدرنا نحن السودانيين حتي هذه اللحظة من اثبات هويتنا . والله لو عشت في الدول العربية لعرفت ان الهوية العربية ناقصة الانتماء ولذلك انا مع الهوية السودانية لا عربية ولا افريقية وهي مية المية وكفي


ردود على جاوا
United States [زووووول] 09-16-2013 08:24 PM
ياخي ماتتكلم من غير معلومات موثوقة بمجرد الكلام وبس والناس عارفة مين اسماعيل الولي واسماعيل الازهري

والمعروف ان احمد الازهري والد الزعيم الازهري هو ابن اسماعيل الولي موسس الطريقة الاسماعيلية


#767156 [الانصاري]
5.00/5 (1 صوت)

09-16-2013 09:53 AM
سبحان الله قبل فترة كدي شفت ناس لابسين عقالات ( يعني عرب وكدي ) جابوهم في التلفزيون القومي وقالوا انهم عباسيين وجايين يسلموا علي ما تبقي من اهلهم بالسودان والصورة كانت واضحة وظهر فيها من ظهر واليوم كتاب عن الاشراف // الازهري من كردفان /// الترابي من الجزيرة // البشير الزفت ده من الحوش //المهدي من الشمالية أو من جزيرة لبب بالتحديد ديل كلهم اشراف والما عارف وكدي يعرف .
والله بالمملكة اشراف في مكة /// لو قلت ليهم عندنا زيكم اشراف في السودان وكدي الواحد يديك طلقة في نص راسك ( خلونا بلا لمة )


ردود على الانصاري
United States [ابومصطفى] 09-16-2013 01:33 PM
هاهاهاااااااا والنعم والله انك صادق اشراف في افريقيا وع............ في الخليج


#767155 [الكوز الفى الزير التحت الراكوبه]
5.00/5 (1 صوت)

09-16-2013 09:51 AM
عندما قرأت عنوان المقال توقعت شكل التعليقات قبل أن اقرأ المقال وطبعا" لم يخيب ظنى - فى البدايه اندهشت لهذه الحساسيه أو قل لهذا المرض الذى أصاب الكثيرين ولكنى عندما تزكرت أننى سودانى تنازلت عن أندهاشى فبيننا من يكره كل قامه سامقه ويسعى لتدميرها - أذا كانوا أشراف أو عرب أو لم يكونوا فليس مطلوب منكم الركوع لهم بل تفاخروا بانفسكم وبأنسانيتكم وعلمكم وليس بالضروره الانتماء للقبائل من الأساس .


#767153 [أبو هانى]
5.00/5 (3 صوت)

09-16-2013 09:51 AM
لا حول ولا قوة إلا بالله لماذا كل هذه التعليقات المستهزئه والعبارات المشينه التى تؤخذ على كاتبهاوتسجل عليه ولماذا كل هذا التنابذ وكلنا يعلم الأية الكريمه ( لا يسخر قوم من قوم ) والنهى هنا أمر من الله سبحانه وتعالى ورغم ذلك نتنابذ ونتنافر والله يأمرنا( وأعتصموا بحبل الله جميعا ولا تفرقوا ) ألستم معى فى أننا بعيدين كل البعد عن الأوامر والنواهى فيا إخواننا الناس أمناء على أنسابهم فلا تسبوهم فيسبوكم فنقع ويقعوا معنا فى المحذور ونزداد فرقة وشتاتاوتدب فى نفوسنا الضغينة والبغضاء فالإنتماء الأول والأخير يجب أن يكون لسوداننا الحبيب ولنعمل جميعا يدا واحدة على رفعته متطلعين لمستقبل أفضل لنا ولأولادنا من بعدنا.


ردود على أبو هانى
United States [جادو] 09-16-2013 03:07 PM
جزاك الله خير يا أبو هانئ كنت ناوي أستهزئ بأخوانا الشايقية و لكن عندما قرأت كلامك لعنت إبليس و تراجعت عن الموضوع و قلت ياريت كل قبائل السودان يطلعوا أشراف ، نحن مالنا


#767152 [عنكبه]
0.00/5 (0 صوت)

09-16-2013 09:50 AM
الرسول (صلى الله عليه وسلم) وآل بيته الطاهريين برئين منكم ومن نسبكم وأفعالكم .. قال الرسول بيبقى لينا قال .. لا بالله هاكم الجنسية السعودية ده

ابراهيم عبود -شايقي- باع حلفا للمصريين وعلي عثمان -شايقي- غشوه الامريكان والجنوبيين وضيع الجنوب وعوض الجاز الجاز -شايقي- سرق أكتر من 60 مليار دولار (طبعاً ما براه)

وأي مؤسسة أو شركة حكومية ولا خاصة مديرها شايقي فاشلة وفاسدة.. وانا بتكلم عن ثقة وتحدى أي واحد يثبت العكس

ويشهد الله أنا ما بتكلم عن كره ولا عنصرية ولا عن شيء شخصي، بالعكس


#767127 [محمد خليل]
0.00/5 (0 صوت)

09-16-2013 09:30 AM
مبروك للبشير و حسن الترابي حيث تفضل عليهم كاتب المقال و ضمهم الي آل البيت! ألف مبروك، و لكن هل آل البيت كانوا عنصريين مثل البشير الذي قال "لو جعلي أغتصب غرباوية فذلك شرف لها" أيعقل ان يقتل آل البيت الآلاف من المسلمين فى دافور و النيل الأزرق و جبال النوبة كل ذنبهم أنهم طالبوا بحقوقهم كمواطنين سودانيين؟ هل آل البيت يقيمون بيوت أشباح لتعذيب و قتل و اغتصاب المعارضين لهم رجالا كانوا أو نساء؟ هل آل البيت يمارسون سياسة تمكين يتمكن بموجبها هم و أتباعهم من الاستحواذ علي ثروات و مقدرات البلاد لأنفسهم و أهلهم و أسرهم و أنسابائهم بدون وجه حق؟ و هذا الفساد الذي استشري فى البلاد بصورة لم يسبق لها مثيل و تمكن من جميع مفاصلها حتي تم تصنيف السودان فى قائمة الدول الأكثر فسادا هل آل البيت فاسدون؟ حاشاهم. آل البيت أتقياء أنقياء أخلاقهم عالية لا تهمهم الدنيا و لا يسعون لها بل يدفعونها بعيدا عن أنفسهم دفعا، آل البيت ليس فيهم ذرة عنصرية و لا يتعالون علي أحد بل ينظرون لجميع الناس علي قدم المساواة ليس بينهم تفاضل الا بالتقوي.
واضح أن مصداقية مؤلف الكتاب "الشريف" الدكتور عامر عبد الحميد سيد أحمد، صفر كبير و كتابه لن يعدو أن يكون مجرد ادعاءآت و أوهام و خطرفات ليس لها ما يسندها و لا يقبلها أي عقل سليم.


ردود على محمد خليل
United States [سامية] 09-16-2013 12:33 PM
ورد خطأ فى تعليقي حيث قلت "مبروك للبشير و حسن الترابي حيث تفضل عليهم كاتب المقال و ضمهم الي آل البيت!" و الصحيح تفضل عليهم مؤلف الكتاب، فمعذرة علي الخطأ.


#767108 [كاكوم]
3.50/5 (5 صوت)

09-16-2013 09:11 AM
بالعافية عليكم .. بس امشو مكة عند اهلكم وفكونا من قرفكم


#767090 [ABUKLAIK]
5.00/5 (2 صوت)

09-16-2013 08:56 AM
الاشراف ديل ناس بيض السوداني اسود يعني كلكم عبيد قال اشراف قال


ردود على ABUKLAIK
[فني لاسلكي بدرجة صحفي وخال رئاسي كمان] 09-16-2013 10:32 AM
انت جادي؟ لو الرسول الشريف محمد نفسه تزوج من زنجية افريقية خالصة لأنجب اولادا داكني البشرة..فهل هذا ينفي انتسابهم للعرب وللرسول الكريم..السؤال الثاني لو واحد دنكاوي اتزوج بريطانية بيضااااااااااااااء وطلع اولاد فاتحي البشرة ويتحدثون العربية فهل بذلك اصبحوا عرب؟؟


#767084 [بدون اسم]
5.00/5 (2 صوت)

09-16-2013 08:53 AM
اول حاجة اثبتو انكم عرب وبعدين نشوف حكاية الاشراف دي ، انتو اشراف الملك حسين شريف وملك المغرب شريف والشريف حسين الهندي والمرعني جراب الفول شريف وكلكم اشرف منكم نتنياهو


#767050 [elfatih]
0.00/5 (0 صوت)

09-16-2013 08:14 AM
هههههههههههههههههههههههههههههههه استغفر الله العظيم البشير يعنى من الاشراف يعنى بالعربى من ال البيت

طيب الميرغنيه برضوا موش قالوا هم من ال البيت معناها الميرغنى ببقى للبشير ولا شنو يا دكتور ههههههههههههههههههههههههههه العبى لعبه غيرها


#767041 [محجوب عبد المنعم حسن معني]
0.00/5 (0 صوت)

09-16-2013 08:03 AM
الحمد لله ان الجزء الثاني من الموضوع ورد على لسان الكاتب والا كان الليلة يا ود الهاشماب الجماعة بتاعين جلابة وعبيد وحلب ومهمشين وتجار رقيق واولاد بحر واولاد شنو داك ما عارف كانو لقو ليهم صيدة ثمينة وكانو سمعوك ما سمعوك.


#767031 [المتجهجه بسبب الانفصال]
4.82/5 (7 صوت)

09-16-2013 07:50 AM
المهدي طلع مشلخ شلوخ شايقية !! ما هو المقصود بذلك هل والد المهدي اراد الانتساب للعباسيين بتشليخ ابنه محمد احمد المهدي، ما رأي أهل البيت المهدوي في هذا فأهل البيت أدرى بما فيه سيما الصادق المهدي اذ انه لو ثبتت هذه الحقيقة الواضحة يعني ذلك ان هناك حقائق كثيرة في تاريخ السودان مجرد مغالطات وكذب،،، كما ان تدشين الكتاب في هذه الفترة بالذات التي يتولى فيها بعض أبناء الشايقية مناصب في هذه الحكومة يثير حفيظة البعض على الشايقية رغم ان الكثيرون منهم لا دخل لهم ،، اسماعيل الازهري من الاشراف وحسن الترابي من الاشراف رغم ان الاثنين شعرهم قرقدي الترابي تقاطيع وجهه أقرب الى الاحباش واسماعيل الازهري أقرب الى ملامح دول غرب افريقيا،، ثم ان جزئية الكتاب التي تناولت سيرة ثمانية رؤساء أشراف حكموا السودان منذ الاستقلال اولهم الزعيم الازهري واخرهم المشير البشير في هذا الظرف الاستقطابي الحاد فيه دلالة واضحة أن صدور هذا الكتاب جاء بتوجيه من جهات داخلية مخابراتية لترسيخ شيء في نفس اهل الشريط النيلي بل فيه ادانة واضحة واثبات لدعاوى التهميش التي انطلقت من الهامش،، بل يعتبر هذا الكتاب تمهيد لغرس مفاهيم مثلث حمدي التي يرفضها كثيرون من اهل الشريط النيلي بما فيهم الكثيرون من المستنيرين الشوايقة الذين فيهم من يسخر من انشغال الذين اعدوا الكتاب بمثل هذه الامور ،،،

وإذا كان الكتاب يشير بصراحة الى ان ثمانية اشراف حكموا السودان بانتمائهم للعباسيين نود أن نعلم ما هو تعريف صفة الشريف او الاشراف،، وهل العباسيون أشراف ونرجوا قراءة رأي سيدنا علي في أحفاد العباس الخلفاء فقد أخرجهم من الجنة وسقطا ،، اضافة إلى ذلك ان العباسيين بعد ايلولة السلطة لهم تزوجوا من العجم والفرس والافغان والباكستان والديلم بالعشرات وانجبوا منهم واختلط الحابل بالنابل،، المشكلة أن هناك جزئية غائبة في التاريخ السوداني وقد تم تغييبها عمدا بواسطة المستشرقين ودور البحث الغربية فرغم أننا كسودانيين نفتخر بحضارات مثل حضارة كوش ومروي إلا ان تدريس هذه الحضارة في المدارس قليل جدا ودراسة التاريخ حتى قبل ثورة التعليم العالي والانقاذ كانت تدرس بالمقلوب وتقتصر على الفترات التاريخية القريبة أي ممالك ما قبل التركية وفترة المهدية والاستعمار الانجليزي وما بعد الاستقلال لفترة ويقف التاريخ هنا،،،، في حين انه كان الاولى تدريس حضارات السودان القديمة ومن ثم التدرج للفترات التاريخية اللاحقة لو تم البحث في ذلك بجد لعرف أهل الشريط النيلي ان أصولهم حوالي 85% إثيوبية والـ 15 % الاخرى جينات من شعوب اخرى ،،، ولما كنا ندور في حلقة فارغة ولبنينا هذا الوطن الكبير بمعيار الشريف هو الانسان المنتج المبتكر المكتشف الذي يقدم لأمته الخير ،،

أصحاب الكتاب قالوا البشير من الاشراف فمن الذي تشرف بالاخر البشير ام الاشراف ،،، للاجابة على هذا السؤال لابد أن يكون مقدم الاجابة عاش برة السودان لفترة لا تقل عن 20 سنة،،،


#767003 [ABBAS]
4.00/5 (3 صوت)

09-16-2013 06:30 AM
الشايقية اشراف ؟؟؟؟ ثمانية رؤؤساء من الاشراف حكموا السودان ؟؟؟؟ اول رئيس من الاشراف الزعيم الازهرى واخر هم البشير ؟؟؟؟؟خفوا علينا شوية يا جماعة


#767002 [الكاهلي]
0.00/5 (0 صوت)

09-16-2013 06:21 AM
الحمد لله لنعمه الانتماء للبيت النبوي الهاشمي كزلك نحن احفاد الزبير بن العوام قبيله الكواهله الكبيره لنا شرف الانتماء لهذا البيت الكبير ولا نركن لنسبنا لسيدنا الزبير ولكن علينا ان نجتهد ونعمل لان الحساب يوم القايمه فردي ولا شفيع سوي سيد ولد ادم محمد بن امبه بنت وهب (ص)


#767001 [شايقى]
5.00/5 (1 صوت)

09-16-2013 06:20 AM
ياعصام احمد البشير ياحمار .. اذا انت نفسك العالم التقى الورع .. بعلمك وفهمك وورعك وحفظك للقران وتطبيلك للسلطان تقول لنا هذا..وأنت تعلم علم اليقين انك يوم الحشر تفر من امك وابيك .. اذا ماذا ينفع النسب الى العباس فى ذلك اليوم؟؟؟ النسب الحقيفى والمعيار الذى يفرق فيه الله بين عباده فى ذلك اليوم هو عملهم فى الدنيالا انتمائهم الى العباس ياحمار ..
كاتب هذه السطور شايقى .. وامى وأبى حنكاب .. (مشلخين بشلوخ الشايقية) وعلى حسب زعمك وفهمك انهم من ال العباس .. الا اننى سأفر منهم يوم القيامه حسب النص القرانى .. ماذا تقول ياحمار ؟؟؟
اخر الكلام: الابة القرانية ( يَوْمَ يَفِرُّ الْمَرْءُ مِنْ أَخِيهِ وَأُمِّهِ وَأَبِيهِ وَصَاحِبَتِهِ وَبَنِيهِ لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ)[عبس:34-37].


ردود على شايقى
United States [Abdo] 09-16-2013 10:15 AM
و الله ما كنت أود التعليق على هذا الموضوع الهش الذي لا يسمن و لا يغني ، لكن كلامك عجبني و إرتحت لأن بذرة الخير و الفهم ما زالت موجودة في أهلنا من أمثالك ، شكراً لك


#766994 [السري العلني]
1.00/5 (1 صوت)

09-16-2013 06:05 AM
بورك لكم في نسبكم ونتمني ان يتصل نسبكم بالملائكه وتكونو اجسام نورانيه
المهم لا تشوهو النسب هذا وتطفوء النور


#766991 [ممغوص]
4.00/5 (2 صوت)

09-16-2013 06:03 AM

ماذا قدم هؤلاء أولا لانفسهم تجاه الله ---- نفاق ثم نفاق و نفاق
ماذا قدموا تجاه اهلهم و عشير تهم ---- تخلف و نفخة كدابة و إستعلاء في الفاضي و هجر الديار
ماذا قدم هؤلاء لليشر الذين حكموهم ----- ضيق افق و عدم استقلال للموارد البشرية و المادية
ماذا قدم هؤلاء للوطن ------ حروب و فتن و تصنيف ما بين شريف و وضيع ما بين زرقة و عرب ما بين فروخ و شعب الله المختار
يا ايها الشرفاء انتم تعيشون في و هم كبير .... الشرف الحقيقي هو الاخلاق و المعاملة الحسنة الحقة و تطبيق الدين الحق الذي جاء به صاحب الشرف و المكانة الذين تدعون نسبه .... اتبعوه فقط و حينها كل العالم يدين لدكم بالشرف و السمو


#766985 [Jieki]
4.25/5 (3 صوت)

09-16-2013 05:38 AM
You know, this is just stupid issue to drift from the reality.does it help us to resolve the currents problems we have. Stop the nonsense.



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة