الأخبار
أخبار إقليمية
فيديو جديد ..أحد أفراد الشرطة يجلد إمراة وسط صراخها وقهقهات الحضور - شاهد الفيديو
فيديو جديد ..أحد أفراد الشرطة يجلد إمراة وسط صراخها وقهقهات الحضور - شاهد الفيديو
فيديو جديد ..أحد أفراد الشرطة يجلد إمراة وسط  صراخها وقهقهات الحضور - شاهد الفيديو


09-16-2013 11:20 AM
فيديو جديد ..أحد أفراد الشرطة يجلد امراة وسط صراخها وقهقهات الحضور - شاهد الفيديو

وسط قهقهات وضحك من بعض الحضور نفذ أحد أفراد الشرطة عقوبة الجلد على إمرأة سودانية ، نشر هذا الفيديو على موقع اليوتيوب دون تفاصيل


فضيحة جديدة لشرطة النظام العام السودانية : جلد امراة سودانية

نشر بواسطة Elbararp up بعد سحب الفيديو الاول


تعليقات 160 | إهداء 1 | زيارات 97964

صفحة 1 من 3123>
التعليقات
#780738 [زياد من مصر]
4.15/5 (9 صوت)

09-28-2013 03:11 AM
يا جماعة الحل بسيط ، اختاروا مكان يشل حركة الخرطوم ، يتجمع فيه السودانيون بقضهم وقضيضهم ولا تبرحوه حتى يقضي الله أمراً كان مفعولاً ، البشير هو مبارك هو القذافي هو بشار ، مهما تعددت الأسماء فهم على نفس الطغيان والجبن والخسة
إن شاء الله موفقين بس الهمة يا رجالة ، السودانيين مش أقل من أى شعب أخر انتصر على جلاديه


#777717 [ابوقرون]
4.16/5 (8 صوت)

09-26-2013 09:21 AM
يا جماعه يجب ان تحفظوا اسم و عنوان الراجل الماسك السوط عشان يوم الحساب قرب و ستاخذ هذه المراة بحقها منه في القريب المنظور انشاء الله


#773915 [eman]
4.18/5 (12 صوت)

09-24-2013 03:37 AM
الزانيه والزاني هسي اجلدت الزانيه وينو الزاني ولا هي المره زنت مع منو بضبط وينو الراجل ولا الشافوا شافوا المره بس ماشافوا الراجل حكومه متعصبه ضد المراه صدق رسول الله حينم قال ماهانهن الا لثيم


#773619 [تعب المسافر]
4.17/5 (8 صوت)

09-23-2013 08:04 PM
انسان جبان من قام بجلد هذه المسكينة ... و لو كانت سارقة .. و لو كانت زانية .. و لو كانت سكرانة ..
و الاجبن منه حكومته التي تجلد السارقين و الزناة و السكاري الضعفاء الذين جار عليهم الزمن و اضطرهم العوز و الفاقة الي هذه الممارسات ..
من يستحق الجلد و في ميدان عام و علي مرأي و مسمع من جميع الشعب هو الرئيس الراقص و جميع زبانيته بدء من ضار علي ضار و الي اصغر متعاون مع طغمة الشر ..
اللهم اهلك عمر البشير و نافع علي نافع و كل حكومة الظلمة ... يا قوي يا عزيز


#769916 [waleed]
4.08/5 (14 صوت)

09-19-2013 01:19 PM
يا جماعة فى سؤال من الذى حدد نوعية السوط الذى تنفذ به عقوبة الجلد فهذا السوط الذى بيد العسكرى هو سوط العنج الذى يستخدم للحمير والحصين ومعروف الجلد بهذا السوط يخلف جروحا على الجسم فماهو نوع السوط المفترض تنفذ به العقوبة اكيد له مواصفات شرعية افيدونا يا اهل الدين وهل الجلد يكون بهذه الوحشية والانتغامية ام من اجل الزجر وتنفيذ شرع الله


#769484 [فارس الظلام]
4.17/5 (9 صوت)

09-19-2013 12:50 AM
اطلع اطلع سيبها تولع ما تتجابن خليك خليك مغنع يللا الشارع سوطك سممع اطلع اطلع شأن حريتك شأن أولادك شأن ذريتك اطلع أثبت سودانييتك وانك راجل وليك قضيتك اطلع اطلع بطل خوف عاوزين حريه ليها نشوف والكوز كان جاك اديهو كفوف شأن تفضل لاعب بي المكشوف اطلع اطلع ضد الكيزان ماتبقي بترجف زي النسوان ديل نهبو قروشك باعوالسودان ديل بسرقو فيك بي اسم الرحمن اطلع اطلع يللا الشارع نطلع نهتف ضد الصايع اطلع اطلع ما تبقي جبان اطلع اهتف في كل مكان يسقط يسقط حكم الكيزان يسقط يسقط حكم الاخوان يسقط يسقط سارق الأقطان يسقط يسقط بايع السودان يسقط يسقط نافع وعثمان يسقط يسقط جالد النسوان يسقط يسقط حكم الكيزان
اطلع وقول لا للغلاء لا للفساد لا للظلم
جمعه غضبة الحليم 20/09/2013
لاتدع الرساله تقف عندك انشر لمقاومه الظلم


ردود على فارس الظلام
United States [العربی] 09-25-2013 12:54 PM
گلام جمیل وگلنا متفقین علی انو هذا النظام فقد صلاحتو ولا اقول شرعیتو لانو ماعندو شرعیه لگن ماهی الگیفیه لاصقاط هذا النظام الفاسد ؟


#769104 [الشحمان مغسة]
4.10/5 (6 صوت)

09-18-2013 02:31 PM
الفيديو تم حذفه من اليوتيوب ارجو ان تكون ادارة الراكوبة قد نسخته لانزاله بواسطة رابط آخر...


#769103 [عاصم]
4.18/5 (8 صوت)

09-18-2013 02:29 PM
يا جماعة تعليقي هو سؤال : هل وقف كل سوادني مغلوب على أمره مع نفسه (لماذا هذا العقاب الإلهي على الشعب السوداني حاكم ظالم جاثم على صدورهم لا يتزحزح حتى الطبيعة أصبحت قاسية كما رأيناها في هذا العام من كوارث وسيول ؟) أطلب من كل يمر على تعليقي هذا أن يترك مساحة لنفسه ويحلل تلك العبارة . لكم الشكر


ردود على عاصم
[Survivor] 09-24-2013 09:07 PM
يقول الحق في علاه {يَا أَيُّهَا الَّذِينَ آمَنُواْ عَلَيْكُمْ أَنفُسَكُمْ لاَ يَضُرُّكُم مَّن ضَلَّ إِذَا اهْتَدَيْتُمْ إِلَى اللّهِ مَرْجِعُكُمْ جَمِيعاً فَيُنَبِّئُكُم بِمَا كُنتُمْ تَعْمَلُونَ }المائدة105


#769015 [حيدر م]
4.10/5 (7 صوت)

09-18-2013 12:50 PM
هذا دليل جبن وعار وخزى وانيهار اخلاقى وصدقونى هذا الشعب غير محظوظ


#768973 [ابوالهول]
4.19/5 (7 صوت)

09-18-2013 12:11 PM
بس خلاااااص ..******************************
الشعب يريد قناة فضائية..............
.الشعب يريد قناة فضائية..............
الشعب يريد قناة فضائية..............
الشعب يريد قناة فضائية..............
الشعب يريد قناة فضائية..............
.الشعب يريد قناة فضائية..............
الشعب يريد قناة فضائية..............
الشعب يريد قناة فضائية..............
الشعب يريد قناة فضائية..............
.الشعب يريد قناة فضائية..............
الشعب يريد قناة فضائية..............
الشعب يريد قناة فضائية..............
الشعب يريد قناة فضائية..............
.الشعب يريد قناة فضائية..............
الشعب يريد قناة فضائية..............
الشعب يريد قناة فضائية..............
الشعب يريد قناة فضائية..............
.الشعب يريد قناة فضائية..............
الشعب يريد قناة فضائية..............
الشعب يريد قناة فضائية..............
وبس خلاااااص ....********************************


#768933 [وقاص]
4.19/5 (7 صوت)

09-18-2013 11:32 AM
احبابي السلام عليكم ورحمة الله لكم مني خالص الشكر والاحترام على تعليقكم فى هذه القضية التى تان لها جميع القلوب واصحاب العقل والدين.
.1.انا لا اعرف التشريع كثير بس عايز اعرف اذا كانوا يريدون تنفيذ الحدود فى البلاد او فى السودان بالتحديد لابد يكون فى توعية دينية واجتماعية وثقافية فى المدارس والشارع العام
.2.لابد يكون فى عدل ومساواة من الناحية الاقتصادية فى البلد لكي لايحتاج اي شخص للمال ويذهب لا يجد عمل فيلجا للسرقة او الاحتيال او للرزيله بشكل عام
.3.حتى فى الشريعة الاسلامية الشريفة الحدود اخر بند فيها معناها فى اولويات فى الشريعة
.4.المحاسبة فى الشريعة معلوم للجميع يبدا من الحاكم والوزير الى الخفير فتنسوا انفسكم وابنائكم عن الشريعة فتزكروا الضعفاء
.5. فى حد سئل الابرياء ديل اصبحتو وامسيتو كيف ماكلين ولا شارين شنو
.6.وانا اسئل الجميع اذا كان النسوان بيجلدن بالطريقة دي لاسباب مامعروفة وغامضة قلنا برضو ماشي الحال فالفتيات المتبرجات تبرج الجاهلية الاولى فى الفضائيات السودانية بالصوت والصور فى برنامج اغاني واغاني ده بتعملو ليهن شنو .بس لقيتوا الشعب مسكين ولكن الحق عند الله بعدين الله يجعل كيدكم فى نحركم يا رب العالمين والسلام عليكم


#768742 [واحد قرفان جدا]
4.08/5 (13 صوت)

09-18-2013 09:11 AM
نداء لاعلام وكتاب الراكوبة الشرفاء
نأمل فتح ملف العفو الرئاسي للذئب الذي اغتصب الفتاة و تمت ادانته وصدر فيه حكم من القضاء ..وجاء المجرم البشير ليعفو عنه وفي النهاية تسقط الشعارات الجوفاء ( هي لله ... لا لدنيا قد عمل ......الخ )وهذه المسكينة تجلد بصورة بشعة .... واكرر مرة اخري لا بد من فتح هذا الملف وفورا لفضح كذب هذا الابله ودغمسته .


ردود على واحد قرفان جدا
United States [جدو] 09-22-2013 12:50 AM
والله ياخ قرفان هو النظام ماحاسب نفسو وعايز يحاسب الناس والله فعلا دا كلام غريب جدا جدا.وبعدين مش من المفترض يحاسبو القاتل والسارق وآكل اموال اليتامى والشعب قبل المساكين ولا كيف


#768570 [heskna]
4.07/5 (6 صوت)

09-18-2013 01:21 AM
بالله أى كوز مخنث و شاكي فى رجولتو و حاسى إنو مرا فى جسم راجل و حاسد النسوان على أنوثتهم فدى ما مشكلة النسوان عشان يجى يطلع عقدو و كراهيتو فينا نحن النساوين و العسكرى ده محروق من المرا عشان راكبة قدام طيب ما يمشى يركب باروكة و يلبس توب بمبى و يركب قدام مافى أي زول حاميهو و مافى أى مرا معترضة.


#768553 [kareem]
4.19/5 (8 صوت)

09-18-2013 12:10 AM
لا حول ولا قوة الا بالله . ياتو شريعة دى؟؟؟ البينفذ الحكم ده ما اظنه حافظ حتى الفاتحة , وتكون ريحة العرقى ضاربة منه, فمابالكم بالحاكم!!! والجمهور الكرام ديل بشر!!! يضحكوا و يصفقوا للظالم. شعب عجب, قدرة قادر انكم عايشين لغاية اسع!!! بلد التخلف والعجائب, كل يوم او ساعة يظهر منكم العجب. مفروض تدخلوا كتاب جنيز بى اكبر نسبة جهل, ده شنو ده. خليكم ساكتين كده ليوم الدين, كفاية صرختكم يوم اتولدتم , ده اذا كان صرختم ياخرس


#768540 [ودالعمدة]
4.19/5 (6 صوت)

09-17-2013 11:32 PM
ندعوا كل السودانين الشرفاء في اوربا وامريكا الي ارسال هذا الشريط الي مندوبي حقوق الانسان في جنيف والي مجلس الشيوخ الامريكي والنواب والبرلمان الاوربي مثل ما فعلنا في السابق مع شريط "القدو قدو" واوصلناه الي كل الجهات وتلفزة العالم نريد ان نوصل هذا الشريط الي كل الدنياء ونبين للعالم كيف تهان وتنتهك حقوق وكرامة الانسان السوداني ,,,وندعوا كل قراء الراكوبة الي الانضمام الي جمعية حقوق الانسان السودانية "الاصلية" في كشف انتهاكات حقوق الانسان بالسودان وارسالها مباشرة الي منظمة حقوق الانسان بسويسرا الي جنيف بتكاتفنا وتعاضدنا معا سنوصل صوتنا الي كل الدنياء ضد الظلم والقتل والاغتصاب ونسعي الي وضع السودان تحت البند السابع وحماية المدنين


ردود على ودالعمدة
[الحلبي التركي] 09-18-2013 12:54 AM
انت برضو منتظر الخواجات لسة .............
لا حول ولا قوة الا بالله
ياخي قوموا شيلو السلاح جوة العاصمة وامشو اركبو الخنازير ديل نار بس ... حتى الحرب مستنين ليها زول يحارب بدلكم
دة شعب شنو دة ياخ ...
ياخي جبتو كثافتنا ..


#768535 [ابو محمد]
4.13/5 (7 صوت)

09-17-2013 11:19 PM
الشعب السوداني يعيش في عام الرمادة منذ عام 1989م أي منذ إنقلاب الجبهة الإسلامية على الحكومة الديموقراطية ، لذلك يجب تعطيل الحدود شرعاً كما عطل سيدنا عمر حد السرقة في عام الرمادة لأننا نعيش في حالة مسغبة وفقر وجوع وتشريد، نحن نعيش في عام رمادة حقيقي منذ 24 عام ولا يوجد مبرر لإهانة هذه المرأة هكذا ، والرسول صلى الله عليه وسلم يقول ما اكرمهن إلا كريم وما اهانهن إلا لئيم ، ويقول النساء شقائق الرجال، ورفقاً بالقوارير ، اين هؤلاء من هذه المعاني الإنسانية السامية ، حقيقة بأي دين يحكمنا هؤلاء اللصوص؟


#768534 [Asmar]
4.10/5 (12 صوت)

09-17-2013 11:09 PM
فيديو تاني ؟ .. أليس بينكم من رجل؟!!
09-17-2013 09:03 PM


مع انحناءة مغبون لهذه الفتاة وهي تجلد دون ذنب معلوم .. تتوسل .. تتلوى ألما.. دون رحمة .
واعتذاري بلا حدود لها ولكل رجالات بلادي وهم يتفرجون على انتهاكات صارخة بحق حرائرنا الكريمات : يتجمعون .. يقهقهون ... ويضحكون .. ثم يتفرقون .. يذهبون .. يأكلون .. يشربون .. ثم ينامون ملء أجفانهم دون خجل أو شعور بالرجولة !!!.. آه يا بلــــد .. آه
******************************************************
مــدي صـبـرك يا عـظيــمة
زيـدي في صبرك عـزيمــة
واصلو جـلدك ما جـريمــة
الا بـس بالجـــد هـــــزيـمــــة
لى عقول خـاوية وعقـيمة
والقــلوب المـا رحـيـــــــــمة
وانتي جــلدك ما جـريمة

والجـريمة الحـق جريمـــــــة
ظـاهرة في أخـلاق عـديمة
في الرجـــــــــــولة الما كريمة
والعقـــــــــــــــول الخـاوية ديـمة
وأصلو جـلـدك ما جـريمة

الجـــــــريمـة الكبـــــــرى يمـة
في العصابة المافـيا رمـة
لا رجــــــــــولة ولا فـحـــــــولة
لا في أخــلاق لا في ذمـة
الا بـس روحـــــــــن دميــــــــمة
وانتي جـلدك ما جـريمة

الجـــريمة الكبــــــرى فيـهـــــــم
لا شـرف .. لا عز يجيهم
لا شـــــهــــــامة تبـيــــــن عليـهم
بس نفوس حاقـــــدة وسقيمة
واصـلو جـلدك ما جــريمة

للأسـف والمنطـق أعـرج
شـعبـــك المسـكين تفــــــــرج
في الوحل والطين تـدرج
وأصبحت أخـلاق دخـيــلة
واصلو ليك ما عندو حيلة

فعلة شينة .. شينة شينة
وانتي جــلدك جــــــرح فينا
الا بس ..............
أعـذرينــا .... أعـذرينـــــا
نحـنا زي نســـــــــــــوان بقينا
وبى البيحصـل ما علـينا
ســـــامحـينا .. ســـــــــــــامحينا
وازرفي الدمعـة الســـخينة
فوق خدود دامعة وحزينة
يـا بنـيتــــــــــنا الحنيـــــــــــنـة
ما في شيتن في إيـديـنــــــــا
ونحنا زي نســــوان بقيـنـــا
وانتي جـلدك ما جـريـمـــة
والجـــــــــــــــريمة لـو نســـــــيـنا
في الرجولة الميـتة فيـــــنا
وتاني شـن ترجـوه فـــــــــــيـنا
ونحـنا زي نســــوان بقـــــــــينا



خضرعطا المنان
awatif124z@gmail.com

http://www.alrakoba.net/articles-action-show-id-39184.htm


#768501 [محاسن ام الفارس]
4.16/5 (8 صوت)

09-17-2013 10:00 PM
انا مستغرب من اللي قاعد يجلدها !! هو زيها ويمكن تكون هذه من قبيلته ومن عائلته , نوباوي يجلد نوباوية . اااااخخخخ منكم ياعصابة الانقاذ , تاتون بهؤلاء المغفلين وتخلوهم يرتكبون الفظائع وتطلعوا انتو منها كالشعرة من الموية.


ردود على محاسن ام الفارس
United States [yahya suliman] 09-20-2013 03:40 PM
it is very clear this lady not from NUBA or even western of sudan. look to her hair and listen to her DIALECTIC


#768455 [ود الشمال]
4.13/5 (8 صوت)

09-17-2013 08:52 PM
صفة جلد الزاني غير المحصن
الجلد في الحدود لا يراد منه القتل ، وإنما يراد به التأديب والزجر وتطهير المحدود من الذنب ، ولذلك نبه كثير من الفقهاء على أنه يكون ضربا متوسطا ، لا يرفع الضارب فيه يده بحيث يبدو إبطه ، ولا يستعمل سوطا جديدا ، ولا يُجرد المجلود من ثيابه إلا ما كان كالفرو فإنه ينزع منه ، ويجلد المحدود قائما عند جمهور العلماء ، ولا يمد ولا يربط ، ويُتقى ضربه في وجهه ورأسه وفرجه . قال ابن قدامة رحمه الله : ( فإن الضرب يفرق على جميع جسده ; ليأخذ كل عضو منه حصته , ويكثر منه في مواضع اللحم , كالأليتين والفخذين , ويتقي المقاتل , وهي الرأس والوجه والفرج , من الرجل والمرأة جميعا ) إخواني هذا هو حد الزنة وبذالك الصور المنقولة لا يمد للإسلام ولا شرع الله بشيء ، وهذا تشويه لصورة الإسلام والمسلمين ، والإسلام والمسلمين براءة من هذا الأفعال .


#768403 [الحلبي التري]
4.13/5 (14 صوت)

09-17-2013 07:13 PM
الشكر للقائد المشير البشير
فقد كان الحاكم الوحيد الذي عرف كيف أن هذا الشعب لا يمشي إلا والعصا معه ، وعرف أنه يحمل أخلاق العبودية ، فجلده وضربه واستحى نساءه وقتل أطفاله بإسم الله وباسم الرسول . وعرف كيف أنه شعب ساذج فبعث له بتنابلة السلطان ليفتروا على الله الكذب هذا حلال وهذا حرام ، فأحلوا ما حرم الله وحرموا ما حرم.
وأين أنتم يا من تدعون بإنكم تدافعون عن الشريعة من الفساد ، والقتل بدم بارد ، أهذا حلال عند الله أم أنكم تجعلون القرآن عضين ، فتؤمنون بما يتفق ومصالحكم وتكفرون بما لا يتفق مع مصالحكم كما يفعل اليهود ، أين أنتم من الإغتيالات التي مارسها البشير ونافع حتى لأعضاء ثورته المجرمة. بل بلغ حد السفه أن قتل البشير رجلاً ونــكح زوجته ، أفأنتم قوم لا تفقهون ، أم إذا سرق البشير تركتموه وإذا سرق الضعيف أقمتم عليه الحد ، كما كان يفعل المغضوب عليهم ؟؟؟؟؟؟ لماذا لا يطبق المنادون بالشريعة رأي الإمام مالك في قطع يد السارق من مال الدولة ؟؟؟؟؟؟؟؟؟؟ أم يخافون على أيديهم ، قل تخافوا فإن الله بما تفعلون عليم . ويتربص البشير وفاسقيه من رجال الدين بالمساكين والفقراء ، فيقيمون عليهم الحد ، وهم يستخفون بالله وبرسوله وهم يعلمون . قل انتظروا فإن الله لا ينسى كيدهم وإن كيدهم لتزول منه الجبال.
هذا الشعب الذي كنت أعتقد بأنه خنزيري لصمته وجبنه لم يعد كذلك في نظري لأنني أهين الخنازير بتشبيهها بهذا الشعب الميت . هذاالشعب الجثة ، المتعفنة ، يستحق ان يجلد وأن يغتصب. لقد مات شباب زي الورد في تونس ، مصر ، ليبيا ، سوريا ، شباب كأنه اللؤلؤ المنثور ، يضج بالإنفعال بالحق والعدل. يثور لأنه من أحصاب الأصول ، يقاتل حتى آخر قطرة من دمه من أجل حرائره وحريته. شباب من الوسامة والوجاهة ، لم يسبسبوا شعورهم ويقضوا لياليهم في الفيس بوك ولا في شرب البانقو ولا في الفوضى في شارع النيل.
لو كان بهذه البلد حلب ، لما بقى أب شلوفة الخنزير الأكبر المدعو بالبشير يوماً واحداً.
أين أنتم يا شباب الحلب ..
أين أنتم يا أبناء الدفتردار ...
فلم يبق من رجال غيركم ..

اللهم بإسمك العظيم الأعظم الذي إذا دعيت به أجبت وإذا سؤلت به أعطيت
اللهم عليك بالبشير ، وبتجار الدين
اللهم أرهم قوتك
اللهم سلط عليهم من لا يخافك ولا يرحمهم
اللهم اجعل كيدهم في نحرهم
اللهم شرد بهم من خلفهم
اللهم لا تذر فيهم ديارا ، إنك إن تذرهم لا يلدو إلا فاجراً لصاً فاسقاً كفارا
اللهم عليك بهم أرهم قدرتك وبطشك في أنفسهم وأبنائهم وأزواجهم وأموالهم
اللهم أرنا فيهم بطشك وعقابك في الدنيا قبل الآخرة
اللهم
بإسمك العظيم الأعظم الذي إذا دعيت به أجبت وإذا سئلت به أعطيت
اللهم أنصرنا عليهم
الله وأجب دعائنا واشف صدورنا
وأذقهم بأسك
وأرنا فيهم قوتك
اللهم أجب دعائنا إنك أنت السميع العليم
اللهم أنت الواحد الذي لا شريك لك اللهم إنك إن تذرهم يضلوا عبادك ويقتلوا أبناءنا ويستوا نساءنا ويستحلوا فروج الحرائر ، ولا يستروا عرضا فهم قوم يفعلون السوء بأنهم قوم مجرمون.
اللهم إن كنت أظلمهم بدعائي هذا فلا تستجب له. وإن كنت محقاً فأجبه
إنك تعلم الخبء في السموات والأرض وأنت علام الغيوب
وصلي اللهم وسلم على سيدنا محمد في الأولين والآخرين
وأجمعنا به في عليين
وآخر دعوانا أن الحمد لله رب العالمين


ردود على الحلبي التري
European Union [kareem] 09-18-2013 12:13 AM
اللهم امين

[مغتربه ومكتويه بنار البلد] 09-18-2013 12:10 AM
امين يارب العالمين استجب الدعاء واشفى صدور قوم مؤمنين

United States [اب برندي] 09-17-2013 10:56 PM
امين يارب العالمين


#768357 [بعشوم]
4.19/5 (13 صوت)

09-17-2013 05:42 PM
الرئيس الدعول البشير سألوهو اين ذهبت ايرادات البترول ؟؟ قال : ذهبت الى جيوب المفسدين ..
( طيب ماشفنا لينا إيد ولا كراع انقطعت !! ) ... ولما سألوهو عن محاسبتهم قال ديل حسابهم عند رب العالمين !! ( طيب والمسكينة دي ربها البوليس ده ولّ شنو ؟؟ )..


ردود على بعشوم
United States [أبو أحمد] 09-18-2013 09:26 AM
والله يابعشوم هؤلاء ماهم الا مجموعة مأسونية لاتفقه في الدين ولا تدري ما الاسلام...انهم زناديق هذا الزمن , ضوعوا الدين ليرضوا شيطانهم و الله بهم وكيل ...نسأل الله أن يريحنا منهم أجمعين و يريح أمة الاسلام منهم..(يمكرون و يمكر الله و الله خير الماكرين)...


#768314 [تبا لشرعيتكم التى تتطبق على الضعفاء والنساء من شعب بلادى !!]
4.35/5 (8 صوت)

09-17-2013 04:46 PM
أنها الشريعه المدغمسه يا عديمى الانسانيه والوطنيه بالله عليكم كيف تحكمون بالدغمسه الاسلاميه وانتم ايدكم ملطخه بدماء الشعب ؟؟!! فصبرا فصبرا فان وعد الله قريب !! ايها الضعفاء ايها البسطا ارفعوو اكفكم الى الله فى جوف الليل انه لا يرد مظلوم.


#768272 [marko]
4.08/5 (11 صوت)

09-17-2013 03:56 PM
عندما اتي الفريسين والشيوخ الي يسوع المسيح بامراة زانية ويريدون رجمها فردا عليهم ان كان احد منكم بلا خطية فليرجمها.....فلم يستطيع احد رجمها فقال لها المسيح اذهبي واغتسلى وتوبي.....


#768269 [شاذلي]
4.12/5 (10 صوت)

09-17-2013 03:50 PM
اذا كانت مزنبه فهذه شريعة الله وليس الانقاذ


ردود على شاذلي
European Union [ali taha] 09-18-2013 08:59 AM
ياخي مذنبه

United States [اب برندي] 09-17-2013 10:59 PM
شريعة الله اذا سرق الضعيف اقامو علية الحد . هذه يا اخي شريعة الغاب

United States [dodo] 09-17-2013 09:13 PM
دي ماشريعة الله دي شريعة قدوقدو شريعة الله مابتجزا يعني بتتطبق علي الحكام قبل الشعب

United States [عبدالرحمن الامين] 09-17-2013 09:00 PM
يا شاذلى يرحمك الله اذا كان امير المؤمنين حقكم عمر البشكير هو نفسو مفسد فكيف بباقى الشعب الغلبان .قال رسول الله صلى الله علية وسلم انما اهلك الذين من قبلكم كان اذا سرق فيه الضعيف اقاموا عليه الحد واذا سق الشريف تركوه.


#768268 [المتفائلة جدا]
4.13/5 (15 صوت)

09-17-2013 03:50 PM
أيهاالإخوة المعلقين رغم التباين فى بعض التعليقات لكن أى إنسان عنده ذرة من الإنسانية لابد وأن يتألم لمنظر هذه المرأة الضعيفة المسكينة مهما كان الجرم الذى إرتكبته لن يكون بأى حال قطرة فى ما إرتكبه أى واحد من العصابة الحاكمة ولم نسمع يوما أن تم جلد واحد منهم..وعلى سبيل المثال لماذا لم يرجم أو يجلد البلدوزرأوالدفع الرباعى؟؟
ما يطبق فى هذه المرأة ليس المقصود منه تنفيذ حكم الشرع فهؤلاء لايعرفون الشرع وليسوا أهلا له..فهم تجار دين بإمتياز وأكبر دجالين ..فهم أبعد مايكونوا عن الدين
حديث: (ما أكرم النساء إلا كريم ولا أهانهن إلا لئيم) هو ماينطبق على هؤلاء السفلة الأفاكين المتنطعين..
ما طبق فى هذه المسكينة.. مهما كانت جريمتها.. حتى لو كان حق.. فقد أريد به باطل.. أريد به إذلال الإنسان السودانى والمرأة خاصة حتى يخاف البقية..إنهم يطبقون مثل هذه العقوبة على الضعفاء من أبناء السودان... و لا يعاقب العنده ضهر من المؤتمر الوطنى..بل يتركونهم وهم يعيثون فى السودان فسادا بكل انواعه..والله ماوصل السودان لهذا الإنحطاط الأخلاقى إلا فى هذا الزمن الشؤم زمن هذه الحكومة الجائرة الرعناء ..
إخوتى الأعزاء ما أهينت هى مواطنة سودانية من عامة الشعب السودانى..أتركونا من هامش ولا وسط المهم إنها إمرأة سودانية والحاصل ده جوة سوداننا الحبيب ..فهى قضية أى سودانى غيور على بلده..
والله رغم كمية الألم والحزن الذى أصابنى بعد مشاهدة هذا الفيديو..ما أزعجنى أكثر القهقهة والضحك من هؤلاء الحقيرين منعدمى الإنسانينة والضمير هؤلاء السفلة ..هؤلاء الوحوش إنهم بلا نخوة ولا رجولة ..بل هم ليسوا ببشر ..
حزنى الكبير وحزن أى سودانى بل مصيبتناالكبرى.. ماذا نفعل فى مثل أخلاق هؤلاء.. كيف العلاج والفكاك من هذا التردى الأخلاقى الذى أصاب مجتمعنا..أنا لست قلقة على ألحالة الإقتصادية ولا الصحة ولا التعليم والبنية التحتية ده كله بيتصلح بعد زوال هذه الحكومة الجائرة والتى أنا متأكدة من زوالها وقريبا جدا بإذن الله وذلك سر تفاؤلى ..لكن كل مصيبة تهون مقابل التردى الأخلاقى.. كيف نعيد السودان لسيرته الأولى لكى نعيش فى أمن وأمان؟؟ كيف نعيد المروءة الصدق الأمانة الشهامة النخوة كرم الأخلاق والنبل وكل الصفات الجميلة بعد أن طمست معالمها عصابة الإنقاذ ؟؟ لك الله يا وطن
وصية هامة إلى كل من ظلم فى زمن هؤلاء المجرمين وثق جيدا وسجل إسم من ظلمك حتى لو كان قبل ربع قرن لكى تاخد حقك كاملا غير منقوص وللإخوة الموثقين من صحفيينا الشرفاء عليكم بالتوثيق ولكم الشكر الجزيل..والنصر قريب بإذن الله


#768249 [ابو ابراهيم]
4.07/5 (5 صوت)

09-17-2013 03:18 PM
نعلم أن الحدود فيها عقوبة الجلد ولكن هل لابد أن يكون ذلك بسوط العنج؟ هو سؤال لأهل الدين


#768202 [منورى]
4.12/5 (18 صوت)

09-17-2013 02:05 PM
المصريون أدركوا ما كان ينتظرهم من هذه النوعية و تخلصوا من براثن ما يسمى بألاخوان و الاسلام السياسى و هلمجرا من تجار الدين الانتهازيين المعتلين نفسيا و فكريا و أخلاقيا, ويكفيهم القاء نظرة جنوبا ليرو المثال المخيف و ما أوصل اليه هؤلاء الاوغاد ذلك البلد الذى أصبح ينزف مترنحامن جروح 24 عاما من البؤس و التشرزم و المعاناة.


#768163 [عابد مختار المختاار]
4.07/5 (11 صوت)

09-17-2013 01:10 PM
لم تجلد الحرائر وهن مستورات في بيوتهن فمن خرجت واذنبت وقبض عليها فالعقوبة عليها .لذلك على الرجال بدل البكاء والتعليق عليهم حفظ اعراضهم من نساء وفتيات فالاعراض في الصقيعة ومرضى النفوس من المتاجرين بالرزيلة كثر فكم من مغنبة يقف وراءها عدد من اصحاب الاشناب والصلعات والباروكات من الرجال ليتكسبوا من عوراتهن . نحن في زمن انعدمت فيه الرجولة


ردود على عابد مختار المختاار
European Union [ali taha] 09-18-2013 09:02 AM
وهم انت

United States [زول] 09-17-2013 03:50 PM
وهل فعل هذا رسول الله ام نحكم باهوائنا وامزجتنا . ما تعكموا صورة سيئة عن الاسلام والمجتمع المسلم

European Union [جاك سبارو] 09-17-2013 03:44 PM
طيب يا اخينا الجاي من الجاهلييه !!! ... خلي الحرائر يقعدن في بيوتهن ... بس معليش سؤال بسيط ... حتصرف عليهن أنت ؟

United States [مواطن] 09-17-2013 03:40 PM
واضح يا كوز أن اشاعة التهديد و التخويف و التشكيك فى نفوس الناس هى لب سياستكم وفلسفتكم للسيطرة على العقول ابتزازا و اخضاعها لأرادتكم, نحن شعب يقدس المرأة الام و ألاخت و الزوجة و مهما فعلتم لمسخ هذه الصورة الراقية العظيمة من عقولنافلن تنجحوا فهو تقليد متأصل فينا, والاتيان بنموذج طالبان لزجه بيننا و ايهامنا بأن الشر و الخطيئة و العار ينبع من نساءنا فستفشلون كما فشلتم فى كل منحى آخر تأسدتم فيه.


#768154 [ركابي]
4.15/5 (11 صوت)

09-17-2013 12:59 PM
ناس فقدت الاحساس وناس فقدت انسانيتها ...الله يرحمنا ويرحمك ياوطن


#768140 [MAHDI]
4.07/5 (7 صوت)

09-17-2013 12:50 PM
بالرغم من عدم علمنا لاسباب جلد هذه السيدة يجب ان نسأل سؤالا عن الاسباب التى دفعتها للوقوع فى هذا الموقف المخزى ؟ وهن امر يسال عنه اولى الامر فى بلادنا
نرجو معالجة الاسباب قبل تنفيذ العقوبات ..
لاحت بشائر الفرج كلما ازدادوا طغيانا هلت علامات التغيير و يا خوفى من التغيير لان ثمنه سيكون غاليا


#768093 [المحامى]
4.10/5 (11 صوت)

09-17-2013 11:44 AM
قال اللع عز وجل فى محكم تنزيله ( حمت عليكم الخمر والميسر .........) وقوله تعالى : ( الزانيه والزانى فاجلدوا كل واحد منهما مأئة جلده وليشهد عذابهما طائفة من المؤمنين ) صدق الله العظيم ومن المعروف سلفا ان عقوبة شارب الخمر ثمانون جاده فى عهد عمر واربعون جلده فى عهد ابوبكر وهذا ما جاء فى مذهب الحنفيه والمعمول به الان .
1/ فبالنظر الى ما يجرى الان فى السودان من تطبيق الحدود زكيفية تطبيقها نرى ان كثير من الذين يمتطون جواد السخافه (عفوا الثقافه ) يبكون على الانسانيه وحنان السلطان الذى طالمل ظلوا يحلموا بها ولن تتحق باذن الله ما دام اغلبية الشعب السودانى مسلما ولو كان الحاكم كافرأ
2/ نحن امة اسلاميه ومن المعروف عرفا والمفروض فرضا كيف تطبق الشريعه الاسلاميه وبالتالى من اتركب اى جريمه من جرائم الحدود فلا مجال للبكاء ولو كان ذو قربى فالننظر الى حديث رسولنا الكريم ( والله لو سرقت فاطمة بنت محمد لقطع محمد يدها ) فوااله انا فى حيرة من امرى فكثير من الناس يعترض على تطبيق العقوبات الحديه ويدعى ويضع كل الائمه على نظام الانقاذ فالمسلم الحق اذا كان فى دوله كافره وارتكب اى جريمه من جرائم الحدود من المفترض ان يطلب من القاضى ان يطبق فيه الشريعه الاسلاميه لكن للاسف الشديد نجد كثير من الذين فى قلوبهم مرض قد مالت قلوبهم الا اللكفار والمنافقين واليهود ويريدون ان يكون مثلهم فهؤلا نتطبقت عليهم الايه الكريمه ( ولن يحكموك حتى يؤمنوا ..)
3/ اذا ولكل ماسبق انا شخصيا اؤيد هذه الطريقه التى جلد بها السكارى والزناة وفاليشهد عذابهم طائفة من المؤمنين ولا عيب فى ذلك وهذا لا علاقة للنظام الحكام به فنحن امة مسلمة وكفى وان كان يحكمنا نتنياهوا او بوش او فروعون فتظ فى البشير وتظ فى النقاذ ونلكن يحى الاسلام والحمد لله واشهد ان لا اله الا الله وان محمد رسول الله


ردود على المحامى
[ود الشرق] 10-14-2013 06:30 PM
بالله انتا محامى ... ما ظنيت ... نافى جمله قانونيه واحده انتا استخدمتها
يا محامى الزمن الاغبر .... تبآ لنظام العهر السياسى والفساد الاخلاقى

[ابن السودان] 09-18-2013 11:42 AM
غريب إنو إنت بتكتب حديث و هو بضرب كلامك في مقتل .. لكن الحمار يحمل الأسفار وهو ما عارف عنها أي حاجة ..

ماشايف الإنقاذ قاعدة تعمل في عمايل الجاهلية زاتها .. لو اغتصب الشريف تركوه وأدوهو عفو رئاسي .. ولو مسكو الوضيعة زي البت دي تحلى ليهم إقامة الحدود !! أين العدل والمساواة !!
لكن كعادة كل من يتوهم إنو مسلم والباقين في النار .. تعلم عن دينك في الأول بعد داك تعال أتفاصح ..

European Union [ali taha] 09-18-2013 09:21 AM
ياخواناالمحامي ده ****

ويا (انا) نسيت زكيفية تطبيقها مفروض تكون وكيفية تطبيقها
من اتركب اى جريمه (يركبك جن)من ارتكب يا محامي

ونلكن يحى الاسلام دي انا برضو ما عرفتها

United States [المتفائلة جدا] 09-18-2013 07:16 AM
أريتك محامى الحيرة ده منو البجيبك تدافع عنه شكلك يقول خريج مدرسة الكواكب ولا المواهب بكافورى والجامعة طبعا بالواسطة عشان كده عربيك مكسر ولغتك ركيكة وفهمك ما شاء الله عينى بارده..ياهو ده جيل الإنقاذ..تجار الدين حتى القرآن ماقادر تكتبه صاح والمصيبة تكون عامل ليك دقينة وفلقة الصلاة المزورة بتاعتكم دى فلقتونا بكثرة دجلكم وكذبكم.. بركة الطيرناس مرسى من الكرسى يطيركم ونرتاح من خلقكم دى

[واحد من المظاليم] 09-17-2013 09:11 PM
رد علي السيد المحامي
ياخي ماذا عن القراين القانونيه و مستوي الاثبات المطلوب لاقامه الحدود الشرعيه وماذا عن القاعده الفقهيه ادرأوا الحدود بالشبهات ياخي فقط اسمع ماتقوله هذه البنت للجلاد
قالت أنا ما عملت حاجه أنا كنت راكبه في العربيه رد عليها بتهكم طيب تاني ما تركبي في العربيه ياخي لا يقام حد الزنا ألا بتوافر اربعه شهود ياخي أتي رجل لرسول الله وقال رايت امرأتي تزني فاجابه الرسول البينه وiلا حد ظهرك ألي نهايه القصه المعروفه ياخي هذه البنت أقيم عليها الحد لانها كانت في عربيه أنت محامي ولا تعير الأثبات الشرعي التفاتا فما بالك بالبوليس ياخي اتقي الله فكلنا يعلم أن القضاء في السودان بطيء في رد المظالم لاصحابها سريع في معاقبه البسطاء من الناس ومن لا واسطه لهم

[ود كترينا] 09-17-2013 06:05 PM
*** أهو ده مستوى خريجين جامعات الانقاذ...جامعة القرآن الكريم...جامعة افريقيا العالمية...جامعة أمدرمان الاسلامية...معاهد تحفيظ القران الكريم..جماعة الامام مالك...معهد أبوموسى الأشعرى...جماعة أتصار السنة فرع المغالق بالسجانة...جماعة أتصار الستة فرع الثورة بالنص...مجمع الفقه الاسلامى لصاحبه عصام أحمد البشير خطيب مسجد النور...هيئة علماء السودان...جماعة السروريون والرابطة الشرعية للعلماء والأئمة..جماعة السلفية الجهادية مساعد السديرة...جماعة الجهاد وأبونارو...خلية الدندر...خلية السلمة..الموقعون بالدم...جماعة عبد الحى يوسف...جماعة محمد عبد الكريم...كتيبة مصطفى حمزة...جماعة عبدالحمبد أبوزيد...الخ...كل هذا الهوس هو السبب فى البلاوى بتاعت البلد دى...كل هذه الجماعات تناسلت وخرجت من رحم الجبهة القومية الاسلامية وبعدها المؤتمر الوطنى!!!
***أين (سيسينا)ليلملم كل هذا اللمم ويلقى به فى غيابة الجب...أين(سيسينا)ليلملم سواسيونا!!!
***شيخ الأزهر قام بشطب خمسين ألف أمام وخطيب فى مصر المؤمنةلعدم حصولهم على الشهادة الأزهرية..هذا بالضبط مانحتاجه من (سيسينا) حتى نحلم بغد أفضل..
***استعد يامحامى وحضر الموس لأنو حنحلق ليك دقنك انت والمذكورين أعلاه...قررررربت...وياعلى محمود زيد أسعار الوقود...وبعدها ح نشخت الكبريتة...وقرررربت!!
***ويامحامى لحدى على محمود مايزيد أسعار الوقود بعد تخفيض الجنيه أمام الدولار الجمركى والموافقة من وزارة التجارة الخارجية على تعديل أوزان الخبز...فضل كبريتة على محمود..ولحدى اليوم داك كدى يامحامى طالب لينا بتطبيق عقوبة القطع من خلاف على لصوص شركة الأقطان العشرة...وحرامية الأوقاف أزهرى خلف الله والطيب مختار..ومعاهم الشريف عمر بدر بتاع خط هيثرو...ديل كلهم فاتو حد السرقة الحدية واستحقو القطع من خلاف....طالب يامحامى يا جهبز بتطبيق الحد فى ديل عشان يخلوهم ويطبقو فيك حد قذف المحصنات!!!

United States [ابوالقاسم] 09-17-2013 05:09 PM
( والله لو سرقت فاطمة بنت محمد لقطع محمد يدها ) اذا كانت الحكومة فعلا تطبق شرع الله فكل اعضاء الحكومة ومن يعاونهم ويعمل معهم يجب تقطيع ايدهم وانت وانا واهل السودان جميعاً يعلمون ان السرقة والرشوه وخيانة الامانة انتشرت في عهد الانقاذ انتشار النار فى الهشيم. فكفي استخفافا بالعقول وتزويراً للحقائق فحكومة الانقاذ نادت بالشريعة لكسب التأيد فقط لانهم يعلمون ان جل اهل السودان اهل دين ولاكنهم ابعد ما يكونون عن تطبيق شرع الله.

[كونجو] 09-17-2013 04:34 PM
ههههههههههههههههههه والله يا اخ (أنا) قطعت مصاريني بالضحك ،بعد الاخطاء الإملائية لحضرة الأوفوكاتو
والله درستو لكن .
عرفتوا لييييه البلد إنهارت؟؟! لأن الكل منهار التعليم واطة ،دا محامي بالله ؟؟!!

United States [مستغرب] 09-17-2013 02:48 PM
أنت طبعا يا سعادة المحامى بتحب تكون ماسك سوط الجلاد ده ,علشان تكسب نقطة أجر تدخلك الجنة حسب تفكيرك القانونى, وتفسيرك المعوج للدين , متى كانت سماحة الدين مرتعا للسادية و المريضين نفسيا, ان كانت مهنتك حقا المحاماة فكان الله فى عونها.

European Union [حلوم] 09-17-2013 01:00 PM
غايتو يا المحامي إن بقت دي الشريعة تبقى كعبة عديل ... ما أظنها الشريعة ... يا خي دي ذلة ما بعدها ذلة ... و العجيبة البشير و جماعتو كل واحد لازي ليهو كرش زي المره الحامل و يوم جونا بالانقلاب كان كل واحد أغبش و رقبتو مسلولة ... ياخي ده ذلة ، دي موش شريعة ، دي لعنة .

United States [القاضي] 09-17-2013 12:32 PM
أها يا المحامي رأيك شنو في (الحر بالحر و العبد بالعبد) ... رأيك شنو في (ما ملكت أيمانكم) ... إذا كنت ترى أن الرق قد ألغته البشرية لأنه ممارسة مذلة و مهينة للكرامة الإنسانية رغم نصوص الدين ، و إذا كنت توافق على إلغائه باعتباره مقصود من مقاصد الدين في جوهره و ليس نصوصه ، فلماذا لا تفكر في معالجة العقوبات المذلة بكرامة الإنسان ... تعرف يا محامي ، كلما مرت السنوات كلما اكتشف العالم بشاعة العقوبات المذلة بكرامة الإنسان ، و سيأتي غدا من يقول لنا باسم الشريعة : (إن أولئك لم يفهموا مقصود الدين) كما قالوها عن الرق بعد أن ظل الفقهاء حتى منتصف القرن العشرين يقولون : " أنا شخصيا أؤيد الرق لأنه جاء به محكم التنزيل" و ظلوا يكفرون من ينادي بالحرية للأرقاء ... غدا سيكتسح العقل كل الزبالة .

European Union [أنا] 09-17-2013 12:31 PM
ده حالتك محامي، والله كمية من الاخطاء الاملائية الفادحة، المابعرف يكتب ما يتفلسف ويضحك الناس فيه وكمان يخطها صفحة ونص ؟؟؟؟؟؟؟؟؟؟

( اللع (الله اسم الجلالة )، حمت (حرمت )، جاده(جلدة) ، طالمل ظلوا (طالما ظلوا)،كافرأ (كافرا من غير همزة على الالف يا أستاذ)، اتركب (أرتكب)، ذو قربى( ذي القربى )، فوااله( فوالله )،
الحديه( ما عرفت قاصد بيها شنو غايتو أنا متأكد ما كلمة عربية )، الائمه(اللوم)،
الا اللكفار (الى الكفار ، الله الكفر اليخبطك في وشك )، نتطبقت ( تنطبق)،
فتظ(فتطز ، مع اعتذاري الشديد على مستوى المحامي في الكلام)، النقاذ(الإنقاذ، يا جاهل)......الخ

وجعت عيوني الله يوجع قلبك .............

[زهير نديم] 09-17-2013 12:28 PM
المسكينة دي ، ولا التماسيح السرقوا مال الشعب ومتمتعين بيه .
كما يقال : إذا سرق الشريف تركوه وإذا سرق الضعيف أقاموا عليه الحد.


#768060 [محسن]
4.16/5 (8 صوت)

09-17-2013 11:23 AM
سؤال لك يا بشير!
ما أنت فاعل بحق هذه الفتاة وهي تجلد بهذه الطريقة حتى ولو كانت مذنبة؟
ألست راعي وهي من رعيتك؟
أم أن الأمر بسيط ولا يستحق عناء السؤال منكم؟ لأنه ببساطة فيديو مدبلج؟!
تذكر قول سيدنا عمر لو أن بغلةً عثرت بالعراق لسألني الله عليها لم لم تمهد لها الطريق يا عمر؟


#768042 [عماد الدين سيدأحمد]
4.08/5 (10 صوت)

09-17-2013 11:05 AM
هل نسيتوا بكثرة معارضتكم حدود الله وماذا لو جلدت ربما تكون قد أرتكبت أثم ولكن مالايصح هو التصوير فأتقوا الله فى حرمات الله


ردود على عماد الدين سيدأحمد
United States [dodo] 09-17-2013 09:25 PM
وانت ياالبتنادي بحقوق الدين اول شئ وفر سبل العيش الكريم للناس بعد داك اتكلم عن حذوذ الله

European Union [ادم حجر اركو] 09-17-2013 12:03 PM
هل يقيم عليها الحد شرطي نجس سكران سارق زاني ؟؟؟؟؟؟؟؟؟ظ
نجن لسنا ضد حدود الله لكن ضد من يطبق حدود الله
اذا زنت فالحكومه هي السبب لانها لم توفرلها اي سبل للعيش

الحوع كافر ياعماد

وهنالك نساءكثيرات يمارسن الزني لاطعام اطفالهن بعد ان سدة في وحوهنن سبيل العيش الكريم

اذا اتت لاحد يساعدها اقسم بالله لن يساعدها دون مقابل سيتطلع الي جسمها ويقول ليها ساساعدك بس حقنا وين هذا هو حال مجتمعنا النتن


#768031 [الحاوى]
4.07/5 (7 صوت)

09-17-2013 10:59 AM
والله انا متحير فى الناس البتكلمو عن كرامه الانسان فى حين ان العقاب المقصود بيه هو اهانه الشخص المعاقب عشان كده بنشوف فى امريكا القادننا بيها دى الممثل المشهور لمن يعاقب عقوبه خفيفه بحكومهو عليه ان يعمل فى الخدمات الاجتماعيه ككنس لللشوارع وغيرها نحن فى دينا فى جلد كعقوبه جلد تانى بقولا جلد عديل كعقوبه ، وفى ثقافتنا السودانيه الجلد نوع من انواع العقوبه العاديه ابعد من كده الجلد مظهر من مظاهر الاحتفال فى عادات بعض القبائل السودانيه.ما نقعد نلطش فى روحنا برانا ونقول غيرنا مامحترمنا عشان ممراستنا مامحترمه والكلام الفارغه ده عشان انا مختلف مع النظام النظام بكره حيمشى انشاء الله غير ماسوف عليه لكن حنغير نظام القضاء كله، حنغير نظام الشرطه كله حنغير ثقافه الناس برضو ونجيب السودان الجديد صاح لكن السؤال السودان الجديد ده حنجيبو من ياتو سوق


#768001 [تينا]
4.07/5 (5 صوت)

09-17-2013 10:25 AM
الأخ ((( سودانى حلمنتيشى ))) أيوا بعد كدا ممكن أحل عنك وصلت للكنت مصره أعرفو انو والدتك مصرية لذلك قلت انو السودانيات زى الرجال ومابفرزوهن من الرجال ولم تقل ذلك على المصريات فاذا كنت تحب بلدك السودان كما تقول ولا يعجبك أن بعض السودانيين يسيىء اليها أنت كذلك تفعل مثلهم بدل أن تهديهم لا تسيىء للمصريات ولكن تسيىء للسودانيات وهذا ما كان يغضبنى . على العموم خلاص حأعفيك وتانى ما تسيىء للسودانيات هههههه و لابد أن أعترف بسعة صدرك وأدبك فى الحوار وهذا غير متوفر فى بعض المعلقين لذا سامحتك . تحياتى


ردود على تينا
United States [سودانى حلمنتيشى] 09-17-2013 01:31 PM
قبل اى شيئ تقبلى ياتينا تحياتى ويبدو ان انت وانا هنستحوذ على الراكوبة انا فقط اردت الرد على هذا التعليق لاكرر للك اننى لايمكن ان اسيئ الى بنات السودان او اى مسلم او مسلمة ولكن ربما من شدة الغضب والانفعال اكون قد اخطات التعبير هو نقد لاذع فقط وعلى كل حال عفى الله عما سلف وحفظ الله السودان ومصر وسائر بلاد المسلمين من كل سوء ومكروه وسلام الله عليك وعلى كل قراء الراكوبة جريدتنا المفضلة وجميع العاملين بها


#767999 [صبري فخري]
4.09/5 (9 صوت)

09-17-2013 10:24 AM
آمنت أن الحجاج افضل من البشير الحجاج سير جيشا لتأديب الهندوس لأنهم أغتصبوا امرأة مسلمة. 0123652351


#767967 [مدحت عروة]
4.07/5 (5 صوت)

09-17-2013 09:55 AM
ماذا وفرت الحكومة لهذه المراة المسكينة الغلبانة الفقيرة حتى تعيش حياة كريمة وتتجنب المعاصى هذا اذا كانت هناك معصية ؟؟؟؟؟؟
وهل جريمة هذه المراة اكبر من جرائم نهب المال العام واستغلال المنصب والنفوذ للاثراء الحرام؟؟؟؟؟
والله منظر يفور الدم وهل الشريعة هى حدود فقط ولا توفير العيش الكريم للامة والحفاظ عليها بالحدود والعقوبة(عام الرمادة وعمر بن الخطاب وتعطيل الحدود )؟؟؟؟
اللهم اخذ الانقاذ والحركة الاسلاموية اخذ عزيز مقتدر واذلهم فى الدنيا والآخرة انك سميع مجيب الدعاء!!!!!!!


#767938 [الحالم]
4.18/5 (7 صوت)

09-17-2013 09:24 AM
(طه ما انزلنا اليك القران لتشقى)الاسلام هو نهج حياة تمشي على الارض وليس حدود واحكام والانسانية فوق للقانون وقانون مجرد من الانسانية ليس جدير بأن يحترم وليس العيب في الدين ولكن العيب في عدم فهمه وتطبيقه النظام العام يجب ان يكون جهاذ توعوي وارشادي في المقام الاول ودونكم جماعة الامر بالمعرف في السعودية بعد كثرة انتهاكاتهم وتم تخليص صلاحياتهم ليكون جهاذ اصلاحي و الحفاظ على المظهر العام وليس مطاردة الناس في خلواتهم وانتهاك خصوصيتهم وهذي من سماحة الاسلام اذا رايت الرجل وفي لحيته خمرة


#767935 [بريش منصور]
4.07/5 (5 صوت)

09-17-2013 09:22 AM
يا أخوان أنا نفسى الشعب السودانى يأتى بالمدعو عمر البشير وزوجته وداد ويتم جلدهم كل واحد 40 سوط عنج لأننى شاهدتهم كما شاهدهم الكثيرين غيرى وهما يتراقصان ويتمايلان فى إحدى الحفلات، وكانت وداد تتمايل وتهز كتفها وهذا شئ مخل بالشرف والأمانة وهو سلوك غير أخلاقى وفيه ما فيه من الفتن والتكشف وهو لا يمت للشريعة بشئ...أما امام المسلمين فكان يتمايل ويتراقص وحوله صبايا فى سن الطاشرات وهو شئ مقزز وسلوك غير حميد....ولكن للأسف إذا سرق فيهم الضعيف أقاموا عليه الحد وان سرق القوى تركوه...


#767923 [كلحية]
4.19/5 (7 صوت)

09-17-2013 09:12 AM
لقد أصابنى هذا الفيديو ، بحالة من الغثيان ، والمرارة والحنق على هذاالسقوط المدوى و الإنحطاط ، الذي بلغه حال السودان .لكن أناشدكم بالله أن تكفوا فوراً عن تدوير ( الأسطوانة المشروحة ) التى نسجل عليها عبارات ونحفظها وهى ليست لها أى صلة بواقع اليوم فى السودان ! مثل عبارات : نحن السودانيون أحسن الناس ، نحن أفضل العرب _إن كنا عربا أساساً ، نحن أفضل الأفارقة. طيب حتى ندحض كل هذا الهراء والإفتراء . أليس القائمون على أمر النظام العام سودانيون !اليست هذه السيدة التى ُتمتهن كرامتها وتجلد فى قارعة الطريق بهذه الطريقة المهينة والمذلة والمعيبة ، سودانية ! اليس المحتشدون خلف مسرح الجريمة من الجمهور ، الذين يسخرون ويضحكون سودانيون ! اليس القائم على أمر البلاد والمسؤول عن النظام العام والذي أفشى سياسة جلد النساء والبطش بالناس هو سودانى وجعلى أيضا! . أرجوكم لا تحدثونى عن نخوة السودانيين ومروءتهم والشرف الرفيع وإحترام المرأة الأم والأخت والزوجة .مثل هذه الحادثة الفاضحة والمعيبة، أيأ كان الجرم ، فهناك اساليب لعقاب المخطىء فى إطار القانون وكرامة الأنسان الذي كرمه الله . لا تعيدوا على مسامعى ثانية أسطوانة "القيم السودانيةالرفيعة " لقد سقطت هذه المنظومة فى أول إمتحان يتعرض له شعب السودان وهو إمتحان " الإنقاذ " بل قل بلاء الإنقاذ !إذن لم تكن أخلاقنا ولا عاداتنا ولا تقاليدنا متجذرة أصلا فى تراب هذا الوطن ! إن كانت كذلك لماذا سقطت كلها هذا السقوط المدوي بعد 24 عاماً من التحدى والإختبار ؟الفساد يطال الحياة كلها ، نهب المال العام والتعدى عليه ، أصبح ثقافة شعبية يتعاطاها " الشطار " أما الشريف الذى يرفض مثل هكذا ممارسات ، ينعت بالساذج والغشيم ، إغتصاب الأطغال لاسيما فى مراكز تحفيظ القرآن ، بيع مواد وعدات الإغاثة فى الأسواق ، فى ظل الظروف االمأساوية الى مرت بها البلاد من جراء السيول والفيضانات ، وذلك بإعتراف الوالى شخصياً ! لا تكابروا، إنظروا الى هذه الممارسات القبيحة المعيبة التى يشرع لها ويقننها وينفذها ويتفرج عليها ، سودانيون . الهم نسألك يارب أن ترد غربة السودان والسودانيين الذين كانو هناك قبل 30 يونيو 1989 .


#767908 [abubaker]
4.13/5 (6 صوت)

09-17-2013 09:01 AM
دي شريعة الانقاز وكان ما عملت كده تبقى دي ما شريعة


#767866 [مشروع حضاري]
4.19/5 (7 صوت)

09-17-2013 08:10 AM
يا جماعة نحن بنحلم بالشريعية هل نتوقع من العصبة الحاكم شي غير هذا السلوك؟ انا في رأي لو عملوا حاجة غير فعلتهم هذا يكونوا شاذين ولكن مثل هذه الافعال دي الافعال الطبيعية التي تصدر منهم هل تتوقعون منهم الستر؟ هل تتوقعون منهم الدعوة باللتي هي احسن والنصح والاحسان الى الناس؟ انا لا اقول كل ناس الحكومة ولكن الكثير منهم هل تتوقعون منهم سماحة او كريم الخصال؟.
ياجماعة لما جاء ماعز بن مالك رضي الله عنه الى رسول الله صلى الله وسلم وقال له (طهرني يا رسول الله فإني قد اصبت حداً )... طلب منه رسول الله صلى الله عليه وسلم ان يراجع نفسه بأبي وامي انت يا رسول الله ولم يقل له (وين المرأة الكانت معاك امش جيبه ولم يسأله عنها )...
انا ما بعرف قانون النظام العام ولكن هل الواحدة بيحكم عليها بعد مقابلة القاضي وتعطى الفرصة كاملة للدفاع عن نفسها ولا الموضوع دا يتم في عند الشرطة فقط
والسؤال المهم" اين الراجل الذي كان هو السبب في ذلك ؟ ما عليهو نظام عام؟


#767829 [مواطن]
4.19/5 (7 صوت)

09-17-2013 06:32 AM
طبعا تكون بالت فى هدومها و اتبهدلت أمام هذا الحشد فى أفظع مشهد لا انسانى قد يخطر على بالكم, وهذا غالبا ما يحدث كما ذكر لى شخص شاهد مثل هذه الانتهاكات ضد النساء أكثر من مرة, المشهد مخزى للضحية و لجلاديها , فكلاهماضحايا لأصحاب السلطة الاولى لأهانتها و تدميرها نفسيا و الجلاد المنفذ لأنتزاع انسانيته و كرامته و استغلاله فى عمل اجرامى و هو لا يدرى معنى فعلته هذه, هذه الانتهاكات بألطبع لن تتوقف ولم يبقى خيار أمام أحرار هذا البلد ان وجدوا سوى أن يتعاملوا مع الامر بوسائلهم الخاصة , ربما متابعة المعتدين من قضاة و جلادين وغيرهم و تذكيرهم بعمل ما بأن أفعالهم هذه يجب أن تتوقف, و أنتم تعلمون ما أقصد,


#767807 [قرد الطلح]
4.19/5 (6 صوت)

09-17-2013 05:02 AM
اى زول من ناس الراكوبة ما شاف السودان منذ بداية الانقاذ او عندو قريب طافش فترة طويلة عشان يهيئ نفسة انصحة بقراء رواية الكاتب الفرنسى فكتور هجو البؤاساء الان السودان نسخة طبق الاصل لفرنساء قبل 300 عام بشكل حرفى مذهل


#767799 [وليد ذو الفقار]
4.07/5 (6 صوت)

09-17-2013 02:51 AM
خلاص يا جماعه وصلت الحد الشارع الشارع الشارغع الشارع ثوره ثووره ثوره ثوره ثوره يا سودانين استحلفكم بالله العلي العظيم ان تخرجو من خوفكم من صمتكم الغلا ء الغلاء الغلا الغلاء الاهانه الاهانه خلاص يلا يا جماعه الي الشارع بلا رجعه الي ان نقتلع هذا النظام الفاسد التافه وننصحح هذه الشره التافه الفاسده


#767797 [sar]
4.07/5 (5 صوت)

09-17-2013 02:44 AM
زمان ما كنت أصدق ما تكتبه المنظمات الغربية ومنظمات حقوق الانسان بشأن تجاوزات الشرطة والاجهزة الامنية لحدودها في بلدان عدة ، اذا كان دا شرطى جاهل يضرب النساء كما يحلو له تصويره على الملأ وعيب كبير من سودانى وهنالك اجهزة معينة تفعل العجائب في بعض البلدان ولا يشاهدها الناس كما يشاهدوا رجل الشرطة بالسودان أنه الاجرام من قبل الاجهزة والشرطة ولا تتصل للقانون بأي شكل من الاشكال ، عالم جاهل ووجد ضالته في غياب الرقابة والمحاسبة الدقيقة ، نعم ما تكتبه المنظمات الانسانية عن انتهاكات حقوق الانسان والتعدى على خصوصياته صحيح مائه في مائة
ولا أحد ينكر ذلك جراء أفعالهم الوقحة التى تمارس في أي بلد ، أساءوا بافعالهم الى الاسلام وبلدانهم ووسخوا سجلها في نظر الأخرين ومنظمات حقوق الانسان


#767794 [بشاشا]
4.19/5 (9 صوت)

09-17-2013 02:37 AM
والله قصبا عني اترورقت عيناي!

عمرنا او تاريخنا كلو، المراة لم تهان علي هذا النحو اطلاقا!

والاعجب هذا يتم باسم الدين والاسلام وما شابه!

في دنقلا حيث تشبعت روحي بارث كوش، في شجار حول الارض احدهم عفص قدم احدي قريباته من فورة الغضب، وكنتيجة تم عقد مجلس في "المسيد" وليس الجامع لتاديبه علي فعلته الشنعاء.

بالفعل الرجل احس بالذنب وذهب طالبا السماح، ولكن تللك السيدة رفضت في اباء وشموخ، وهذا دفع بهذا الرجل الخلوق المترع روحانية الي البكاء باحر الدمع، دون ادني هاجس ذكورية، من فرط احساسو بالذنب!

كان هذا فيما قبل دولة الشريعة ولكن في عصر مجتمع قيام الليل وصيام النهار!

هذا اقصي ما بلغني في حياتي كلها في دنقلا، كعنف ضد النساء.

الشاهد في الامر، ان مثل هذا الاذلال بواسطة جهاز الدولة ذات نفسها وليس بواسطة فرد نشاذ غاضب، باستمرار موجه حصرا لنساء اهلنا في الهامش، انما يعبر عن حالة ودارنا او تيهنا الحالي بي سبب فقدان الهوية!

هذا مؤلم لي كشمالي، لانو يتم باسمي، ولمصلحة مكاسب الحظوة بالميلاد لامثالي، اللتي تمنع، وتحّرم ان تحقّر، تهان، وتذل، "بت بلد"، "بت اصول"، "بت عرب" اي شمالية، علي هذا النحو، حتي ولو من باب الاستثناء للقاعدة، وهذا عجيب!

والاعجب الاغلبية في الهامش تقبل بكل هذا كدين واسلام وماشابه بحكم واقع الاستلاب والوعي المسترق!

اي دين هذا الذي يحض علي قتل وابادة مجموعة بعينها؟

اي دين واسلام هذا الذي انجب نموذج هؤلاء، كافسد وافسق من مشي علي قدمين؟

ولكن وياللعجب، اقطاب نظام القتلة لازالو يستخدمون مصطلح دين، شريعة، واسلام، كامضي الاسلحة الي اليوم!

نعم للاسف نجد من يطلقون عليهم علمانيين من باب الارهاب الفكري والعقدي، يرمشون ويجفلون ويبلعون الريق من الجذع متي ما وصمو بالعلمانيين، وهذا مبكي حد الضحك حقيقة!

مع ان هؤلاء العلمانيين هم الانقي الاطهر الاعف، والاكثر استقامة مقارنة بي وعوول ووحوش الاسلام الوافد والغريب!

مع انو اصلا ليس هناك علمانيين في السودان!

كل ماهناك مجموعة متشبعة بي روح وارث التصوف السوداني الصرف!

فمحجوب شريف مثلا ليس بعلماني مهما ادعي وادعو، وانما ذاهد ودرويش كوشي من عصر التنوير المروي الذي انطلق من منطقة نوري الحالية، في الالف الاخيرة ق.م، ليخضع كل العالم المعروف حينها من اول وجديد، لملكه، دون ادني شبهة تسلط او قهر او فساد، واعادوها سيرتنا الاولي في 3,250 ق.م!

هذا هو الدين والاسلام علي مستوي الممارسة، لا النصوص، الذي وضعنا اساسه نحن ابناء السوداء!


#767790 [malhory]
4.07/5 (7 صوت)

09-17-2013 01:57 AM
سؤال ؟

الفيديو ده تم نشره في الوقت ده ليييييييه؟


ردود على malhory
United States [malhory] 09-18-2013 01:13 PM
والله الفهم قسم زى ما بقولو ....

لو عمقت فهمك شوية كان بتعرف القصد بتاعى..

انا قاصد انو هل دى إشارة قمع من الكيزان للشعب الغلبان ده انو حا يعملو فيهم الدايرنو لو في واحد طلع الشارع لمجابهة رفع الدعم ...

ده القصدتو انا

European Union [ali taha] 09-18-2013 09:28 AM
با حسن سليمان
والله رديت وكفيت

United States [حسن سليمان] 09-17-2013 02:17 PM
سؤال؟

والخروف بسال السؤال ده لييييييييييييييه؟


#767777 [ابونوف]
4.19/5 (12 صوت)

09-17-2013 12:38 AM
اليوم من يتكلمون عن العنصرية هم من ثيتوا دعائم ثورة الانقاذ والاخوة ابناء غرب السودان هم الذين دعموا فى بداياتها بكتابة التقارير السرية فى المدارس والجامعات حتى من مواقع العمل كانو ا ايشع سلاح استخدم ايام الثورة واليوم يصرخون والجزاء من جنس العمل
اما الاخوة المعلقين كلهم صبوا غضبهم على الشعب السودانى مثل قولهم أنا ما عارف الناس ساكتين منتظرين شنو بعد ده ؟؟؟؟ هذا الشعب السوداني خنوع وضعيف ورخيص وجبان ويستاهل اكثر من كده ...ونحن نسال المدعوا وحيد ان يجاوب نفسه ...شوف دايما النساء الذين ينحدرون من غرب وجنوب السودان الجديد هم الذين يطبق عليهم الشريعة وقانون النظام العام والجلادين والمتفرجين ايضا هم ايضا ينحدرون من نفس المناطق..... شفتو كيف؟؟؟؟


#767773 [المر الحجازي]
4.07/5 (5 صوت)

09-17-2013 12:19 AM
لا خلاص إلا بالخروج إلى الشارع .


#767765 [غلبان]
4.07/5 (5 صوت)

09-16-2013 11:55 PM
للأسف, اغلب التعليقات بتنم عن شخصيات مغبونة و لكن جبنها خلاها تتصيد اى شئ للتفريغ عن غضبها من خلف الكيبورد, النتيجة و واقع الحال بقول لو كان بى الطريقة دى و بالفهم دا فللاسف ستكتبون و تكتبون و لا و لن تفعلون شيئا و المعنيين بالامر كل ما يروا ما تكتبون يطمئنوا و يستبشروا بطول سلامة, للأسف ..


#767764 [ابوالقاسم]
4.19/5 (7 صوت)

09-16-2013 11:52 PM
عليه العوض فيك يا بلد.. والله الدم يغلي في عروقي.. خلاص الرجال يشوفو ليهم طرح ويقعدو في بيوتهم. كيف بالله راجل يرضى انو مره تتجلد قدامه؟ الشريعة ما قالت المره تتجلد قدام الرجال. مشكلتنا انو الشرطة كلها من زبالة المجتمع.. اوطي واحقر ناس في البلد.


#767760 [Zingar]
4.19/5 (7 صوت)

09-16-2013 11:45 PM
مقطع لعادل أمام مدرسة المشاغبين:

عامل لى فيها إنت المخ وانا العضلات...عضلات ايه ياعمى فالح متصور لى بكوزين أسمنت عليهم عصاية غليه.

مقطع للبوبار السودانى:

نحن الفاس ونحن الساس
نحن اليمه واليابا
نحن أولاد مهيره والمك نمر
نحن الشافوا خلوا
نحن الأكلنا الظلت
نحن ونحن الشرف الباذخ
نحن أبناء ملوك فى الزمان
نحن فى الشده بأس يتجلى
نحن من نفر عمروا الأرض حيثما قطنوا
نحن رفاق الشهداء
نحن نحن نحنحنحنحنحن نحى نحى نحا نحا نحنات كرع بع كررررر برارارا مخهتاغفلالاربلفثش كحجطكظزتغعهقثص......عييييييييييييييييككك زنقار راسوا ضرب.


#767758 [بت حبوبتها]
4.18/5 (9 صوت)

09-16-2013 11:41 PM
أخواننا الرجال, ما حنقول ليكم اطلعوا ظاهروا عديييل لأنه الظاهر دة طلب صعب عليكم بعد 24 سنة ذل وهوان, لكن كان نفسنا نسمع بقصة بطولية عملتوها تنتقموا لينا بطريق غير مباشر من الأوغاد ديل, لو بس الأخوان أو الأصحاب أو شباب الحلة عملوا كمين للعسكري دة وأمثاله البيدقوا في اخواتكم وزوجاتكم, قمتوا أديتوه علقة تاريخية وحلقتوا ليهو شعره وشنبه وخليتوه مرمي, في اللحظة ديك بنقول البلد لسة فيها رجال, لكن وا أسفاي !


#767737 [الحازمي]
4.19/5 (10 صوت)

09-16-2013 10:41 PM
يا أخوانا الكرام
المسألة مش جبن الشعب انما عدم المامه بوعي بما يدور في هذا الوطن المنكوب

كم من الموطنين يمتلك جهاز كمبيوتر في الخرطوم ؟؟؟؟؟

عليكم بالاعلام ثم الاعلام ثم الاعلام

والا فاننا سنؤذن في مالطا كثيرا


ردود على الحازمي
European Union [monem] 09-17-2013 01:30 AM
صدقت يا اخي الحازمي ان معظم الشعب لسوداني يفتقر للوعي والادراك بما يدور حولة ولا يمتلك
الوسائل


#767732 [Asmar]
4.14/5 (8 صوت)

09-16-2013 10:33 PM
انها مهذله انسانيه

و فيها اذلال لكل الشعب السوداني حاكم ومحكوم

لابد للشباب الانضمام للجبهة الثورية فورا و العمل على تصفية الكيزان

ما هو راى ابوهاشم
وراى الصادق
واحزب الشيوعى

لم يتبقى لنا شئ من كرامتنا و الا داسوا عليه باحزيتهم

فاعلمى يا اختى ان هذه السياط لم تنزل على جسدك فقط بل نزلت على كل ضمير و تالمت لك كل نفس شريفة فصبرا ان النصر موعده قريب على اعداء الانسانية و النساء


#767729 [jacob]
4.19/5 (7 صوت)

09-16-2013 10:26 PM
اذا مانظمتو نفسكم مجموعاث وهاجمتو مراكز الشرطة واخذتو السلاح لقتلهم لن تقوم لكم قائمه


#767720 [سلوى حجازى]
4.19/5 (16 صوت)

09-16-2013 10:11 PM
أفتكر بعد كده مافاضل حاجه تخافوا عليها ,,, يا أشباه الرجال ,, ولا ننادى ليكم المصريين عشان يطلعوا مظاهرات بدلكم يا رمم


#767718 [f5]
4.13/5 (8 صوت)

09-16-2013 10:07 PM
في عهدسابق يجكى ان امام من اامة الامة كان يعزبه سجان يعنى رجل شرطة وفى الاخير قال له بعد ان راى التقوى والورع في هذا الشيخ__وقال له انا عبد المؤمور فهل على ذنب؟؟؟؟رد الشيخ العالم الورع وقال لك ذنب ولولاك لاما اتعذب انسان فانت اول المجرمين لانك بتنفز بغباء؟؟وفى الاخير الجلاد والبنت المجلوده من نفس الاثنيه عجبى عليهم))واقطع جازما انهم من الهامش ومن دارفور او جنوب كردفان ))سبحان الله الجلاد والضحيه ))وكلهم في نظر الحكومة الشماليه واكرر الشماليه ولو حاج ساطور فيها)).......؟؟؟والمعنى واضح لكل قراء الراكوبه؟؟؟؟


#767710 [تينا]
4.10/5 (6 صوت)

09-16-2013 09:54 PM
أخى الفاضل ((( ميرغنى أحمد ))) أشكرك على المرور . والله أخى لا أعرف السبب الذى جلدوها به لكن الموقف نفسه مهين ومذل بكل المقاييس ولو افترضنا انها مذنبه أما كان الأجدر أن تعاقبها امرأة مثلها بدل هذا الذل وأمام الرجال ؟؟ مع العلم أنهم غير عادلين وغير منصفين فى اقامة الحدود بمعنى يقيموها على الضعفاء فقط ومن ضمنهم النساء فيا ويلهم من الظلم وعدم العدل . تحياتى


ردود على تينا
United States [ميرغني احمد] 09-17-2013 05:00 PM
تينا -سلام عليكم وشكرا لردك-اولا الشريعة حينما فرضت عقوبة الجلد فرضت ليس القصد منها الالم الجسدي بل قصد منها الالم المعنوي وشرع الجلد اما الناس وهذا كلام الله سبحانه وتعالي -بل وفي الاسواق -ونحن اي الشعب السوداني لم نتعود مثل هذه الاحكام ولكن انا عشت في السعودية 15 سنة -ويتم الجلد امام الناس وحتي القصاص امام الناس -وشكرا -لك تحياتي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية
تقييم
1.74/10 (47 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة