الأخبار
أخبار إقليمية
منع الصحافية فاطمة غزالي من دخول جامعة الخرطوم
منع الصحافية فاطمة غزالي من دخول جامعة الخرطوم
منع الصحافية فاطمة غزالي من دخول جامعة الخرطوم
فاطمة غزالي تحاور احد الاطفال الذين ادلوا باصواتهم امام مركز انتخابات الخج - عمره اقل من 15 عام


بحجة أنها ترتدي بنطالاً
09-16-2013 07:33 PM
الخرطوم:

منع الحرس الجامعي الزميلة فاطمة غزالي بالقسم السياسي من دخول حرم جامعة الخرطوم بسبب أنها ترتدي البنطال وفق ما برر، وقال إن لائحة الجامعة تمنع بلا استثناء دخول أية سودانية ترتدي البنطال (طالبة - زائرة - مشاركة في أية منشط"، باستثناء الأجنبيات، ودخل الحرس في مشادة مع غزالي التي انتقدت مبدأ تطبيق لائحة داخلية خاصة بمؤسسة على الجميع، ولم يفلح تدخل الزميل إبراهيم عربي وهو ضمن المنظمين للاجتماع من إقناع الحرس الجامعي بأن اللائحة لا علاقة لها بالمشاركين في الأنشطة.

وكانت فاطمة غزالي في معية رئيس التحرير الأستاذ إدريس الدومة للمشاركة في اجتماع اللجنة العليا للنفرة الكبرى لتنمية ولاية شمال كردفان مع أهل الإعلام والرياضة والثقافة، ويذكر أنّ اللجنة كانت قد أعلنت عن أن مكان انعقاد الاجتماع قاعة الشارقة، إلا أن الحضور تفاجأوا بتحويله إلى جامعة الخرطوم كلية الآداب قاعة شبيكة. وكان الأستاذ الزميل حسن محمد صالح ضمن الذين شهدوا تفاصيل المشاداة، والزميل نزار سيد أحمد بصحيفة الأخبار.

وقالت فاطمة غزالي "لماذا للأجانب حقوق تُراعى بينما تنتهك ذات المؤسسة حقوق السودانيات في التزيّ بالبنطال في يوم يحتفل فيه العالم بالديمقراطية، وهل هناك معايير للزي في السودان؟، وما هي المؤسسة الدينية التي حرمت إرتداء البنطال، وهل قضية الزي تظل محل مزاج المؤسسات والأفراد..؟!!... كل هذه الأسئلة نريد لها إجابات من مدير الجامعة البروف الصديق أحمد حياتي".

الجريدة


تعليقات 10 | إهداء 0 | زيارات 5687

التعليقات
#768396 [كيس الموز التحت السرير]
0.00/5 (0 صوت)

09-17-2013 07:02 PM
البنطلون بالنسبه للنحيفات كويس . لكن كثير منهم عندم عاكس كبير جدا مابنفع معاهو الاالثوب . لانو العاكس لمن بكون كبير بكون زى( كديسه فى شوال )


#767929 [ايهاب عثمان خالد]
2.75/5 (5 صوت)

09-17-2013 09:17 AM
لو الصورة المصاحبة للخبر هي صورة للصحفية مثار القضية وترتدي هكذا ملابس ، ليهم حق امنعوها وامنع اي واحدة زيها ، عالم وهم جاري وراء الموضة وللأسف لا تتناسب معنا ، يعني فيها شنو لو لبست ليها ثوب ولا اسكيريت طويل وبلوزة ولا حركات ساكت ، ما نراه من لبس في الشارع العام يحتاج الى وقفة صلبة من كافة شرائح المجتمع للحد من التعري والفسوق والانحلال وقلة الحياء


ردود على ايهاب عثمان خالد
United States [badr] 09-17-2013 04:33 PM
الله الصورة دى بقت المنظر العام لكل البنات شى موسف جدا


#767918 [ما بدور الشوايعه]
2.50/5 (4 صوت)

09-17-2013 09:07 AM
حقيقة موضوع الحشمة ده ما ليه علاقة بالجبهجية ولا الكيزان ده موضوع سوداني أصيل وقديم، واحدة فاكه شعرها في الشارع واحدة لابسة بنطلون تقلب (....) أنا ما عارف كيف واحد يقبل إنه إخته تخرج من البيت بالشكل ده .
كنت مسافر من بلد ما، ركبت طائرة من دبي (كونكشن) للخرطوم الطائرة مليانة سودانيين والله اللبس يخجل المحتشمة فيهم صرتها بره، وقبل نزول الطائرة في مطار الخرطوم لاحظت أن حركة دخول الحمام في الطائرة أصبحت كثيرة ، وعند وصولنا لمطار الخرطوم كان معظم الركاب في غاية الإحتشام والطرح فوق الرؤوس !!!!!


ردود على ما بدور الشوايعه
United States [badr] 09-17-2013 04:31 PM
انت مية مية يافردة


#767821 [عادل عمر]
0.00/5 (0 صوت)

09-17-2013 06:06 AM
منع دخول جامعة الخرطوم بالبنطلون للفتيات قانون قديم قدم سلطة الإنقاذ. ممنوع للطالبات ارتداء البنطلون داخل الجامعة

أحدي زميلاتي بالجامعة تعتقد أن البنطلون ساتر و حشمة فكانت تتحايل علي الحرس الجامعي بالذهاب الي كليتها قبل وصول حراس البوبات و كان لها ما ارادت فقد واصلت ارتداء البنطلون داخل كليتها حتي تخرجها( طبعا لا احد يسألها عند الخروج). يبدو لي ان الأخت الصحفية حديثة عهد بالدخول الي الجامعة.


#767791 [ودقلبا]
5.00/5 (3 صوت)

09-17-2013 01:58 AM
لبس البنطلون فى بعض مناطق السودان يعتبر عيبا حتى بالنسبة للرجل نفسه فى حال كان من سكان نفس المنطقةولم يخرج منها . ويستثنى من ذلك قاطنى المدن والزوار فقط . من حق اى مؤسسة محترمة ان تمنع دخول اى شخص زكرا كان ام انثى بسبب الازياء الخادشة للحياء وما اكثرها هذه الايام السستم الناصل والكباية المجبصة وخلافه


#767767 [wahid]
1.00/5 (2 صوت)

09-17-2013 12:02 AM
الرجوع الى الثوب السوداني الاصيل والطرحة الجميلة الاصيلة..... ما في شئ كثر الفساد والمشي البطال الا اللبس الذي فرضته حكومة الانقاذ. باللبس المفروض عليهم اصبح لبعض منهم سهل الانحراف من غير رقابة.... ياناس رجعوا لينا سودانا قبل 1983


#767745 [حسنة]
0.00/5 (0 صوت)

09-16-2013 11:01 PM
زمان وقت ناس الجبهة الديمقراطية بيشاكلوا الحرس في منع البناطلين حزب فاطمة غزالي - حزب الامة - كان بيضحك على الجيهة الديمقراطية

التاريخ لف وجاء

الجامعة بيخشوها بالبطاقة ما بالبنطلون


#767719 [معاويــــــــــــــــــــــــــــــــــة]
0.00/5 (0 صوت)

09-16-2013 10:09 PM
ده كلام وراهو كلام افهموا ياناس والله الكيزان ديل اسوا من المرض الخبيث اجتثاثهم واجب وطنى
الحرس مسكين جاتو تعليمات من زبانية المؤتمر الوثنى تفو عليكم اين ما حللتم هى بفت علة البنطلون
ياتافهين لعنة الله عليكم وعلى تربيتكم وعلى الترابى الجابكم تفوووووووووووووووووووووووووو


#767705 [وليد ود عدار]
0.00/5 (0 صوت)

09-16-2013 09:33 PM
أأأأأأأأأأأف أأأأأأأأأأأف أأأأأأأأأأأأف
والله جامعة الخرطوم جامعة يفتخر بها كل سوداني وهي قلعة المعرفة التي يرتادها ويتمني الدراسة
بها كل سوداني لكن البيحصل فيها من قبل كم سنة من قبل جرزان المؤتمر الوطني بجد بزعل شديد وهذا المارد التعليمي برىء براءة الذئب من دم يوسف من هذا الاعمال والافعال ،، اكيد بترجع ليك ايام عزتك ومجدك {{ قادمون ،، قادمون}}


#767671 [ابو الخير]
4.25/5 (3 صوت)

09-16-2013 07:59 PM
البنطلون حشمة اكثر من التوب السوداني


ردود على ابو الخير
United States [badr] 09-17-2013 04:30 PM
ياراجل ارحم نفسك شوية انت وهم ولا شنو

United States [ديامي قديم] 09-17-2013 09:09 AM
المرأة كلها عورة فكيف تلبس بنطلون لاصق على الجسم التصاق المغنطيس بالحديد؟

[ودقلبا] 09-17-2013 02:02 AM
يعنى بنطلون ندى القلعة القاعدين يجيبوهو ناس الراكوبة ديل (ما فوكو هاجة)



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة