الأخبار
أخبار إقليمية
تظاهرات ليلية ناجحة جدا .. سيطرة تامة وإغلاق للشوارع وقفز إستعراضى فوق النيران
تظاهرات ليلية ناجحة جدا .. سيطرة تامة وإغلاق للشوارع وقفز إستعراضى فوق النيران
تظاهرات ليلية ناجحة جدا .. سيطرة تامة وإغلاق للشوارع وقفز إستعراضى فوق النيران


تحول نوعى فى تظاهرات أمبدة
09-25-2013 12:14 AM
أمدرمان - أمبدة

للمرة الاولى ، منذ ثمانية أعوام تشترك جماهير أمبدة حمد النيل فى التظاهرات ، وقد بدأت عقب صلاة المغرب متزامنة من مناطق متفرقة ، حتى أحكمت السيطرة التامة على كامل المنطقة الممتدة من المهندسين حتى سوق ليبيا ، وفى منطقة البحيرة عندما تصدت لها شرطة قسم الإمام مالك فإعتقلت البعض داهمت الجماهير القسم وطردت الشرطة وأطلقت سراح كل من فيها ثم أحرقته ، وتمددت حتى غطت الشوارع الرئيسية كلها ، وأغلقت الشوارع حتى بداية مدينة المهندسين ومقابر حمدالنيل و شارع ليبيا بالخلا ، مع غياب للأجهزة الأمنية ، الا عند بداية المهندسين ، وهناك حدثت موجهة وأطلقت عدة قذائف عندما حاول المتظاهرين مداهمة مركز الشرطة الامنية الموجودة جوار المقابر ، أما الشوارع التى تم الإستيلاء عليها فقد أحرقت فيها الإطارات على مسافات متباعدة ، وبالوقوف عند أى تقاطع بالامكان رؤية النيران على مد البصر وفى الاتجاهات الاربعة ، وقد تلاحظ ايضا أن النفايات التى تعجز السلطات عن جمعها قد اخرجت الى الشوارع لتحرق على الاسفلت كاحدى وسائل الاحتجاج ، وقد تفادت هذه المظاهرات الحاق الاضرار بالمحلات التجارية المغلقة والاملاك الخاصة بالمواطنين ولم يلاحظ حرق لأى سيارة .
وفى احدى التقاطعات الرئيسية تم سحب كشك حكومى الى منتصف وملأه بالاطارات والنفايات وإشعال النار فيه وقد استمر ذلك لفترة طويلة.
نؤكد ان المتظاهرين قد سيطروا سيطرة فى هذه المظاهرة الليلية المباغتة الناجحة ، ولوحظ تنافس شباب الأحياء المختلفة حول ما يحققونه . ومن فرط سيطرتهم تلاحظ ان بعضهم اصبح يقدم استعراضات كالقفز فوق النيران وخلالها أو تقديم ما يشبه الالعاب النارية.


تعليقات 32 | إهداء 0 | زيارات 19229

التعليقات
#777356 [ساب البلد]
0.00/5 (0 صوت)

09-26-2013 02:43 AM
يا ثور الي الامام وعين الله ترعاكم
في حالة القبض علي اي واحد من الرباطة او كلاب الامن عليكم بالاتي تصويره بالفديو مع بطاقته التعريفية و عمله و اعترافه بنوع المهام الموكلة اليه ثم نشرها في اليوتيوب حتي يعلم رفاقه الكلاب ثم اقامت الحد عليه و لا تاخذكم فيهم رافة و لا رحمة الي الامام ثورة ثورة


#777271 [الشيخ]
0.00/5 (0 صوت)

09-25-2013 11:12 PM
البشير المجرم القاتل السافك للدماء الله يدمرو ويدمر اتباعه ثورة ثورة حتى النصر والحرية


#777206 [abusafarouq]
0.00/5 (0 صوت)

09-25-2013 10:30 PM
دكو حصون المؤتمرجية دكا دكا إنهم لأنجاس حاصرو حكومة البشير الكذاب اللهم دمر البشير وأعوانه الحرامية المغتصبين لحقوق الشعب يا أيها السفيه البشير سلم تسلم هدير الشعب سوف يقطلعكم قوة وعنوة وحمرة عين الجيش والشرطة سوف ينضم للشعب ويكون حارسا للشعب بدل كانو حراس كالعبيد فى أبواب المسؤلين بفتات الدراهم


#777098 [ابومرين]
5.00/5 (1 صوت)

09-25-2013 09:02 PM
ارجو ان لانرد على بعضنافالمهاترات لا ولن تفيد ،والمطلوب التعليق الايجابي والمفيد لان من يقرا المهاترات سوف يتحول القاري الي مواقع اخري


#777009 [جاد كريم]
5.00/5 (2 صوت)

09-25-2013 07:46 PM
الحاج يوسف كلللللها تتجه الى كافورى .. والاهداف وااااضحة



لن يحكمنا لص كافورى وتجار الدين


#776963 [ابووصال]
5.00/5 (2 صوت)

09-25-2013 07:04 PM
ثوره ثورة حتى النصر


#776706 [المهندس سلمان إسماعيل بخيت على]
4.00/5 (4 صوت)

09-25-2013 04:06 PM
لو ماتعملوا ألف حساب الثورة بيسرقها الشعبى وبدل البشير يجيكم الترابى
خليكم حذرين والميرغنى والصادق لو ما خرجوا وقادوا الشباب فى الشوارع تانى لو ظهروا فى أى موقع يجب أن يبادوا فورا
بعدين مسئولين من الخير الرئيس وصل نيويررك ولا لسع بيعمل فى تأشيرة الدخول
ربنا يسهل علينا وعليه وسفر العبيد بكسر العين وتسكيم الباء


#776697 [المهندس سلمان إسماعيل بخيت على]
5.00/5 (2 صوت)

09-25-2013 03:55 PM
فى هذه اللحظة الساعة 3:50 دقيقة مساء الأربعاء 25 سبتمبر تخيلو محطات الإنقاذ الفضائية بتنقل شنو للعالم قناة حسن فضل المولى والمؤتمر الوطنى النيل الأزرق حمد الريح فنان المؤتمر الوطنى يغنى فى بريدك وإن شاء الله مايحصل - إن شاء الله يحصل ياحمد الريح - قناة السودان الفضائية تقدم برنامج عن سفر المعادن ومقدم البرنامج قال حنمشى فى رحلة لزيمباوى وحديث عن تنقيب الدهب لا علاقة له بالثورة ومايحدث فى الشارع السودانى - الشروق تقدم حاليا انا الزهور قطار الزهور وودعوه بالقبل والناس تستقبل الغاز المسيل للدموع - صورة ثابته على الشاشة غير متحركة لخطا فنى لا يفهم منها شىء سوى المتابع لها من امثال سيعرف انها إعادة لبرنامج الفن الشعبى ( حوارى أمدرمان )تلفزيون الخرطوم ينقل جلسة لمجلس تشريعى ولاية الخرطوم - كلام خارم بارم لايسمن ولايغنى من جوع -قناة قون بتنقل حديث لمحمد الشيخ مدنى قد يكون بتشريعى الخرطوم ولكن الصوت مافيش والصورة ثابته كحال شقيقتها أمدرمان
هذه هى محطاتنا الفضائية وهذه هى مساهمتها فى الثورة المباركة


ردود على المهندس سلمان إسماعيل بخيت على
United States [;كلمة حق] 09-25-2013 06:34 PM
القنوات الفضائة عمدا متجاهلة ما يجرى فى الشارع حتى لا تكون بصورة أو أخرى نافذة للمجتمع أن يعرف ما يدور حوله وهم ما بعرفو الله قلبو لينا السودان صالات للغناء والغنوات معظم برامجها غناء من الجنسين ويستخفون بعقول الشعب السودان حتى ردود الماساولين فى الحقيقة تتجاهل الحق وترى بعين المؤتمر الوثنى وقالوا ثورة إنقاذ وطنى بل تحمل فى طياتها الغاز وعنصرية وجهوية وقبلية وبعد عن الدين والقنوات تعكس خلاف الوضع على مدى عمر العصابة الحاكمة وهذا عهد المنافق يظهر خلاف ما يبطن وكما تعودنا على المظهر الورع و لحى والتكبير والتهليل وما شابه وما تخفيه صدورهم خلاف ما ظهر منهم محبى الحياة والنساء والمال والجاية و لا ذكرى للاخرة الا للشعب كى يذهد فى حياته وعدم المطالبة بحقة نسأل الله يظهر الحق ويبطل الباطل وكلما أشتكى المواطن من شئ قالو لالا لاتكونو جاحدين مثلا الماء الملوث قالوا لا الماء عذب وديل مندسين ومخربين وكما قال كبيرهم فى المؤتمر الصحفى عن التأمين الصحى قال ان التامين الصحفى فلا السودان أفضل من أمريكا والله زمن مهازل وكل شئ فى السودان أفضل من امريكا ولذلك معظم الشعب هاجر نسبة للترف السودانى الغير مسبوق فى تاريخ البشرية ونحسد عليه حقا والبلاد ساد فيها المشروع الحضارى والناس سواسية أمام القضاء لأنه شرع الله ومن سرق تقطع يده ولو كان وزيرا أنا مستغرب ليه الشعب بهاجر والبلد بتنتج بترول ومعادن نفيثة وثروة حيوانية والكثير الكثير صحيح الشبع بمرق السمكة من البحر وكما قالوا المنافقين صحيح الشعب السودانى جحود بنغم الالغاز والى الان ما ثار ضدهم والشعب إستمرأ الذل والهوان حتى صار لا يعار ولا يستشار هم هم بس فى أى مكان فى اى وزارة فى غى أى غزارة هم فى المقدمة الى متى ايها الشعب السودانى الفضل كفاية نوم كفاية مذلة كفاية كفاية كفاية أفضل الموت بعزة من حياة الهوان التى تعيشونها


#776696 [abu-ahmmed]
5.00/5 (1 صوت)

09-25-2013 03:55 PM
اقترح من ذوي الباع الطويل التنسيق مع القنوات التي يمكن ان تقدم دعم للثوار ونحن في بلاد المهجر جاهزين للتبرع لدعم مثل هذه التكتيكات اللازمةوالضرورية


#776662 [خارج الموضوع]
5.00/5 (3 صوت)

09-25-2013 03:15 PM
قبل قليل معلومات أكيدة من الدروشاب إستشهاد 5 بطلقات رصاص الأمنجية وإصابة آخرين
الطرق مغلقة صعوبة في الإنتقال المدارس والجامعات تم إغلاقها
ثورة حتى النصر - جاهزين للدعم


#776434 [ABOMREN]
5.00/5 (1 صوت)

09-25-2013 12:46 PM
اطرحوا الحلول الايجابيه ،بدل شغل المديدة حارة ، البلد خربت


ردود على ABOMREN
United States [بيبو] 09-25-2013 04:44 PM
المديدة اصلا شغالة ليها 24 سنة وانت من البزيدو في حطبها ،وهؤلاء الثوار هم من سيطفئونها وسيطفوك انت والزيك يادجاج الكتروني

United States [كاك] 09-25-2013 02:28 PM
اطرح انت الحل يا ابو الحلول البلد خربوها الانتهازيون


#776433 [جوانا]
5.00/5 (1 صوت)

09-25-2013 12:46 PM
لاكن ياخوانا انا فى راى انو بالطريقة دى ماحنقدر نتحصل على مطالبنا نحنا لازم نعمل اجندة طويلة عريضة تحتوى على كل الازمات المرينا بيها ونحشد حشودنا ونعمل تجمعات متفرقة اولها امام منزل كل مسؤول ونكسر بيوتهم والقاعدين فيها و التجمع الثانى فى مجلس الوزراء وتجمع فى القيادة وتجمع فى شارع القصر الجمهورى وتجمع فى كافورى محل العز والنغنغة يعنى حرق اللساتك وكسير المنشئات دة مامنو نفع واهم شئ ياخوانا انو نحنا مانقعد نجرى زى الفيران البتجرى من القدايس اول ما يفكونا بى البومبان نقوم ندس لا لا لا لا لازم نواجههم ودة مابيحصل الايكون فيه هدر دماء للتضحية انتو ياشباب امرقوا بجدية ونحنا اخوات نسيبة معاكم وطبعا هسى هم بكونو قاعدين يحرشو فى ناسهم ناس الشرطة ناس الرشوة عشان يقتلو فى الشعب المسكين دة مع انو هم عايشين بمرتبات حرام فى حرام ويااخوانا انا البزعلنى فى الموضوع انو الشعب يفور ليه يومين واسكت عشان كدة هم متقوين علينا يقولو لبعض اسكت خليهم ديل هسى بيروقو الله ياخذهم ويلقطهم واحد ورة التانى مع انو الكعب مابموت هسى زى البشير دة عامل زى الكديس بسبعة ارواح مرضو مرض حلق وبعد دا يجوعر زى الاسد وعلى عثمان عايش بدم محروق وبرضو عايش زى الكديس لاسودتفو عبيهم كلهم والله لو ماباخذ الورح خالقها انا كان قتلتهم واحد ورة التانى


#776396 [ابو كريم]
5.00/5 (2 صوت)

09-25-2013 12:30 PM
كدا تمام يجب الاستفــادة من اخطاء مظاهرات العام السابق وتغير التكتيكات ياشباب
والثـــورة مستمرة حتى النصر


#776324 [abu khaled]
5.00/5 (2 صوت)

09-25-2013 11:50 AM
الى الامام وفقكم الله ولكم بعض الاقتراحات :
- عدم حرق اي من ممتلكات الشعب ويجب حرق مقرات حزب المؤتمر المعفنة وشركات ازلام النظام وهي معروفة مثل شركات المتعافي واخوانه وكرتي واخوانه وعائلة الرقاص والناس عارفه انه لديهم شركات بأسماء ابنائهم واقربائهم وبعض المنتفعين مثل الوالي والكردينال وغيرهم وهنالك مكاتب تعمل في تجارة العملة تابعة الى قطبي وابو الجاز واخوة الرئيس وكل شخص لديه معلومة يجب توضيحها للثوار وهي تمول شركاتهم الخارجية في ماليزيا والصين ودبي وتعمل في تهريب السلع الى الداخل حرق مقرات الصحف التى تساند النظام مثل صحيفة الخال الرئاسي والهندي عزالدين المبخر التي تحرق البخور في تمجيد خيشة الكذاب والمغربي ذلك المنافق .
- السودانين المتواجدين في الخارج يجب دعم الداخل بمظاهرات في الخارج عند السفارات .
- اي حد يعرف شخص يعمل مع النظام ومعمول له غسيل مخ يجب توعيته بأنه مسخر لضرب ابناء شعبه وهم لديهم افراد كثيرين مسلحين اعدوهم لضرب ابناء السودان لكي ينعموا هم واسرهم بأموال السحت .
- تفعيل وتصوير المشاهد التي تعريهم امام العالم وارسالها عبر وسائل التواصل الاجتماعي
- عمل وتصميم شعارات قوية تهدهم وتبث الرعب في قلوبهم وتسمية الثورة مثل الانتفاضةواكتوبر ونشر القصائد التحريضية والتى تنتشر الان عبر وسائل التواصل الاجتماعي .
- سوف يقوموا بإعتقال البعض وتعذيبهم وقتلهم وتفليق الاكاذيب ويجب تعريه ذلك
- الكثير من ابناء هذا الشعب المسكين في الشرطة والجيش لديهم الوعي وفي الاخير سوف ينحازون للوطن والمواطن ويجب عدم التعامل معهم بأنهم اعداء وهنالك امثلة كثيرة من اكتوبر والانتفاضة
- مواصلة الاحتجاجات وكما بدأت في مصر محدودة ووصلت الي المليونيات وكذلك في تونس وليبيا وسوريا
- يحب فضحهم وعدم تصديق انها ثورة شماسة وحرامية وذلك بخروج الطلاب والمثقفين وكل قطاعات الشعب
- عدم التعويل على المعارضة التي هي سبب كل كوارث السودان ومعاملتها مثل النظام ونحن نريد شباب هذا الوطن يقوم بالتغيير لما عاني من هؤلاء الدينصورات لكي ينعم الجيل القادم بسودان معافى
وفقك الله ايه الشعب المعلم وسدد خطالكم والله على الظالم


ردود على abu khaled
United States [sami al nour] 09-25-2013 12:31 PM
شكرا


#776192 [أبو شيماء]
5.00/5 (2 صوت)

09-25-2013 10:31 AM
عشان تنجح الثورة لابد من الالتزام بالآتي:
- عدم رفع أي شعارات اقصائية أو الهتاف ضد أي تيار باعتبار أن التيارات السياسية الإسلامية منها واليسارية والليبرالية وغير المنتمية كلها مشاركة في هذه التجربة المباركة. وأي هتاف من هذا النوع يذكر الناس بالتجارب السالبة من حولنا.
- التركيز على الأهداف المشتركة: الحرية والكرامة والمساواة والحكم الديمقراطي الرشيد ، مع الحرص على تأكيد الروح الوطنية الجامعة ، وضرورة إخفاء اي شعارات حزبية.
- الابتعاد عن أي إضرار بممتلكات المواطنين وحتى الممتكات الحكومية العامة باعتبار أنها ملك للشعب .
- الاجتهاد قدر الإمكان لإبراز الجانب الأخلاقي للثورة والابتعاد تماماً عن روح الانتقام ، وذلك تمهيداً لسيادة القانون.
- التأكيد بحق كل مواطن في اعتناق أي فكرة تروق له شريطة أن لا يفرضها فرضاً بأي أسلوب كان ولا يعترض بأي أسلوب كان على أي شخص آخر يعتنق فكرة مغايرة.
- هذه الثورة هي ثورة الشعب وليست ثورة أحزاب سياسية وبالتالي لا يحق لأي حزب اختطافها والاستحواذ عليها.


#776156 [علمكو]
5.00/5 (2 صوت)

09-25-2013 10:18 AM
ثوره حتي النصر


#776107 [Abu Hassan]
5.00/5 (2 صوت)

09-25-2013 09:52 AM
بسم الله الرحمن الرحيم
اولا يا شباب كلنا ايد واحده للتغيير والدعوه لغد افضل لكن لدى ملاحظات هامه وارجوا النظر اليها بجديه والالتزام بها.
1-نحن طالعين من اجل محاربة الغلاء مش من اجل تخريب البلد,فلنفترض في حال نجحنا باذن الله في اجتثاث هذه الطغمه على ما نستند حت تسير حياتنا الطبيعيه كما نريد لذا لا لحرق الطلمبات لا لحرق سيارات امواطنين او الحكومه لأن المواطن هو نحن والحكومه هي حتما ستكون للشعب بغض النظر عن من يمثلها.
2-نحن طالعين من اجل اثبات انو المواطن غير الحكومه محترم في سلوكه ومثقف ويقدر يرجع حقو الاتسرق منه من نحو ربع قرن من الزمان,25 سنه كتيره عشناها ذل وهوان وعسى الله ان يجعا فينا من يكون بيده التغيير وان يكون سببا فيه وانتم بقدر المسئوليه واكبر فرجاء للمره التانيه لا للحرق لا للنهب حتى تفوت الفرصه على الجهلاء ومن لا يدركون مصلحتهم من الفاقد التربوي والداسيهم النظام.
3-مش نحن قاعدين نقول من علم الشعوب العربيه الانتفاضات هم السودانيون,سوريا مشتعله ليها سنتين ونص محطات الوقود شغاله,مصر من 2011 لليله المظاهرات ما وقفت, اليمن متوسط امتلاك الاسلحه الناريه للفرد 8 قطع سلاح(للفرد)ولا طلقه ما انضربت لحد ما شالو الطاغيه بره.يلا نحن بالجد عايزين نتفوق على كل ديل ونتميز بتنظيمنا وتماسكنا ولا للتخاذل ولا للانكسار ولكل حدث حديث وكل موقف له كيفية التعامل معاه والخير في امة محمد ما انقطع وبنلقى البقيف معانا والله ولي التوفيق و السداد.


#776066 [محمد علي عبد الله علي]
5.00/5 (1 صوت)

09-25-2013 09:34 AM
هاك أشرب كباية البنزين دي .. بتودر ليك المغص ..


#776001 [احمد العربي]
5.00/5 (2 صوت)

09-25-2013 09:02 AM
التحيه لاهلنا في امبده ولو الناس ماشدة حيله في الوقت دا وطيرة لص كافوري تاني عمرو مابطير


#775987 [wصوت الحق]
1.09/5 (9 صوت)

09-25-2013 08:57 AM
اولا نم حرق محل ستائر بليبا خلا بعد نهيه هل زاد صاحب الستائر الجاز او البنزين.
2-تم كسر ونهب مغلق رومى البكرى بشارع ليبيا خلا .
3-تم نهب سوق كرور واموال المواطنين
4- ماهؤلاء المنظاهرون الا حفنة لصوص وقطاع طرق واحلال الفوضى فى البلاد.
5-لا حل لمشكلة البلاد الا بالانتاج.
6-نسال الله التوفيقالسداد للقائمين على امر البلاد وللمحكومين الصبر


ردود على wصوت الحق
United States [ابن السودان] 09-25-2013 04:50 PM
الغريبة يا القايل روحك بتعرف الدرب ..
قبيل الجداد الزيك بخوف الناس قال ليهم الثورة دي عاملينها ناس الغرب
وهم جاين حاقدين على ناس الوسط و حينهبوكم ويقتلوكم ..

لكن الجداد لا دين له ولا قبيلة .. منتفعين وارزقية ..
ويومكم قرب بإذن الله ..

United States [ود الغرب البعرف الدرب] 09-25-2013 12:49 PM
لااسكت الله لك صوتا ياصوت الحق قلت فصدقت لافض الله فوك ( وخلى ناس كوش يموت غيظا وكمدا ماقبل كده ناس

نس كوش ديل بلونا بلوه ومغسونا مغس بالمرحوم نميرى الله يرحمو) وخلى ابن السودان يموت كمد يامه

انتو ماعندكم عقل تقيفوا مع النهابين والشماسه ضد ناس البلد اصحوا ياناس

European Union [ود الكوتش] 09-25-2013 10:31 AM
صوتك مزعج يا صوت الحق ,,,, والقائمين على البلاد كا عايزين ماعايزين التوفيق والا ما كان طلعو عين الناس واجبروهم على كده

European Union [الشحمان مغسة] 09-25-2013 10:26 AM
وما انتم الا حفنة الارزقية والكاذبين... لست صوت حق بل صوت شيطان

United States [فني لاسلكي بدرجة صحفي وخال رئاسي كمان] 09-25-2013 10:10 AM
الم تر في التظاهرات الا هذا الوجه..اخرس يا صوت الكلب وليس الحق..عن اي انتاج تتحدث يا ابو انتاج انت..يا اهبل..الليلة يوم الرجال فليسكت المخذلون..اخرج ولا تندس راكوبة الشرفاء والثوار..ضاعت ارواح شهداء ابرياء في ريعان شبابهم بأيدي كلاب الأمن وانت تتحسر على مغلق وستائر..خسئت خسئت

United States [ابن السودان] 09-25-2013 09:52 AM
صوت الحق قلت لي !!

يمين بالله إنت صوت الباطل .. يا جدادة ..

ما تكون فاكر إنو ربنا مد ليكم 24 سنة حبا فيكم ..

يومكم قرب .. كان ما شلناكم في دي الجايات أكتر إن شاء الله ..
وبعد داك نتلاقى قدام ربنا .. عشان تعرف أي منقلب تنقلبون ..

ربنا يخلصنا منكم يا منتفعين

European Union [كجن كتى مورتى قلق] 09-25-2013 09:47 AM
اولا تم نهب السودان لاكثر من 25 سنة
2- تم افقار وتشريد الشعب السودانى فى كافة بقاع الارض
3- تم تقسيم البلاد وقتل المدنيين العزل فى دارفور وكردفان والشرق والشمال
4- تم نهب وتحطيم مشروع الجزيرة الزراعى وافقار وتشريد كل الفلاحين واسرهم
5- تمت اهانة وازلال الشعب السودانى بالجلد والتعزيب فى بيوت الاشباح ومقار امن البشير وحزبه لاكثر من 25 سنة
6- لا حل لمشكلة البلاد الا بطرد كل من ينتمى الى المؤتمر الوطنى واى حزب دينى ضلالى يستغل العاطفة الدينية للبسطاء والمساكين
7_ نسأل الله بان ينتقم من كل الذين ظلمو الشعب السودانى وكل من يتعاطف مع هذا النظام فهو ظالم مثلة نسأل الله ان ينتقم منه فى الدنيا والاخرة

United States [دابي الليل] 09-25-2013 09:33 AM
ياخ والله ما عندي ليك اي رد بس بطلب منك تغيير اسمك الكاتبو دة(صوت الحق)


#775901 [الشعب الفضل]
5.00/5 (3 صوت)

09-25-2013 08:04 AM
كان الرقاص في مؤتمره الصحفي الاخير يتهكم على مظاهرات الشعب بانها ستكون مجرد حرق ايطارات وبعدها تهدأ الامور
فهل كلامه صحيح ؟ الاجابة عندكم


#775884 [زول جدا]
4.88/5 (6 صوت)

09-25-2013 07:58 AM
قال رسول الله صلى الله عليه وسلم: "يأتي زمان علي أمتي يحبون خمس وينسون خمس. يحبون الدنيا وينسون الآخرة.
يحبون المال وينسون الحساب. يحبون المخلوق وينسون الخالق. يحبون القصور وينسون القبور. يحبون المعصية وينسون التوبة. فإن كان الأمر كذلك،


ابتلاهم الله بالغلاء والوباء والموت الفجأة وجور الحكام".


اللهم اضرب الكيزان بالكيزان .. و نجي بلاد السودان

اللهم احصهم عددا .. و فرقهم بددا .. و لا تغادر منهم احدا ..

اللهم أرنا بهم يوما أسودا كيوم عاد وثمود ،اللهم خذهم أخذ عزيز مقتدر ، اللهم أنزل عليهم بأسك الذي لا يرد عن القوم المجرمين ، اللهم عليك باعدائك المعتدين ومن حالفهم من الحاقدين الكائدين ، اللهم إنا نجعلك في نحورهم ونعوذ بك من شرورهم ، اللهم منزل الكتاب و مجري السحاب و سريع الحساب ، و هازم الأحزاب أهزم البشير و اعوانه ، اللهم أهزمهم وزلزلهم , اللهم أقذف الرعب في قلوبهم , اللهم فرق جمعهم ، اللهم شتت شملهم , اللهم خالف بين آرائهم , اللهم أجعل بأسهم بينهم ، اللهم أرنا بهم عجائب قدرتك , يا قوي يا قادر ، اللهم أرسل عليهم الرياح العاتية , والأعاصير الفتاكة , والقوارع المدمرة ، والأمراض المتنوعة , اللهم أشغلهم بأنفسهم عن المؤمنين ، اللهم لا تجعل لهم على مؤمن يدا وعلى المؤمنين سبيلا ، اللهم أتبعهم بأصحاب الفيل وأجعل كيدهم في تضليل ، اللهم أرسل عليهم طيراً أبابيل , ترميهم بحجارة من سجيل ، اللهم خذهم بالصيحة وأرسل عليهم حاصبا ، اللهم صب عليهم العذاب صبا , اللهم أخسف بهم الأرض ، وأنزل عليهم كسفاً من السماء اللهم أقلب البحر عليهم نارا ، والجو شهباً وإعصارا ، يا ذا الجلال والإكرام يا حي يا قيوم . اللهم اكفناهم بما شئت ياقوي يامتين . يا قيوم السماوات والأرض ومن فيهن ،

لا اله إلا الله العظيم الحليم , لا اله إلا الله رب العرش الكريم

لا اله إلا الله رب السموات ورب الأرض ورب العرش العظيم


ردود على زول جدا
Hong Kong [زول جدا] 09-25-2013 10:29 PM
الرد علي ود الغرب البعرف الدرب ...

؟؟؟؟ انت معاي ولي بترد علي شخص اخر ...؟

European Union [البعاتي] 09-25-2013 05:11 PM
امييييييييييييييين

United States [ود الغرب البعرف الدرب] 09-25-2013 10:21 AM
بالله سلوكك ده سلوك انسان مسلم وسودانى والله اشك انك سودانى ياعربجى الطلمبات ليست للدوله وحتى لو

كانت للدوله هى ملكا للشعب ومن دم الشعب ومن عرق الشعب واصحاب الطلمبات اذا الحكومه رفعت الدعم

ايجباريا عليهم زادوا الاسعار فليس لهم ذنب يا قاع المدينه


#775877 [مردونا]
0.00/5 (0 صوت)

09-25-2013 07:55 AM
الحرق والتكسر لايفيد شى بحكوم الحرامية ديل الا ماسى اهلنا الطيبين لو عاوزين تحرقو بجد الزهاب الى القصور العالية منا طق كا فورى وضواحيها توجد ما تشتهية الانفس اما مناطق ام درمان ومبدة دى لو حرقتمها كلها ما فى احد حا يقول ليكم بتعملو فى شنو عليكم با القصور العا لية


#775855 [النور الجيلى البشير]
5.00/5 (1 صوت)

09-25-2013 07:40 AM
اللهم أنصر الثوار على الظلمة والفجار يا الله


#775813 [فني لاسلكي بدرجة صحفي وخال رئاسي كمان]
5.00/5 (3 صوت)

09-25-2013 06:41 AM
على قائدي التظاهرات تغيير اماكن مبيتهم..ضروري جدا


ردود على فني لاسلكي بدرجة صحفي وخال رئاسي كمان
United States [خارج الموضوع] 09-25-2013 03:33 PM
سيدى الرئيس .. نحن كلاب الحر (كلاب امنك) حاولنا هنا فى الوحدة الإعلامية ان نقوم بالدفع لخروج مظاهارات مضادة لمخاطبة الراى العالمي لكننا لم نستطع ان نقول رئيسنا شرعي وأنت مطالب للعدالة الدولية كم إن عدم سفرك لأمريكا كما وعدت زادنا إرباكا .. كما نحب ان نلفت سيادتكم فى المراحل المتقدمة من المواجهات لا نستطيع ان نستخدم فزاعة القاعدة أو مواجهة الإرهاب وانت تعرف السبب .
ملحوظة أخيرة : نتخوف حسب الطبع السوداني ان تتمرد بعض كلاب الحر وتتعاطف مع أهلها بسرعة غير متوقعة .. أرجو ان لا تظهر في الشاشة هذه الأيام ولا تتكلم عن الهوت دوغ مرة اخرى


#775749 [بكشاويش قديم]
5.00/5 (6 صوت)

09-25-2013 03:19 AM
الله ينصركم يا شباب عليكم باغلاق كل الشوارع البتخرج منها عربات مليشيات الامن ورباطة النظام واغلاقها بالمتاريس والتجمع في الساحات العامة في الاحياء والمدن والاقامة المستمرة فيها حاصروا المراكز الحكومية وامنعو المسئولين من دخولها ولا تحرقو او تتلفوا الدور والمكاتب واملاك المواطنين
صورو وجوه رباطة النظام وانشروها واذا قبضتو واحد لا تأذوه ولكن خلوه يمشي معاكم يوريكم بيتو واهلوا ثم تحذروه اذا عاد فسوف يسمع ما يؤلمه ثم اطلقوه فسوف يحكي لزملاءه وسوف يخيفهم ذلك


ردود على بكشاويش قديم
United States [ابو ساري] 09-25-2013 09:10 AM
نعم الرأي على المتظاهرين ارعاب كلاب الامن بمعرفة اهلهم و تهديدهم بهم و فضحهم عبر تصويرهم و نشر صورهم بعد معرفة اسماءهم بالكامل. كذلك عدم تحطيم الممتلكات الشخصية الا لكادر من كوادر المؤتور الوطني حتى يتذوقوا مرارة الكأس الت سقوها للآخرين


#775747 [عاشق سوداني]
5.00/5 (2 صوت)

09-25-2013 03:14 AM
ربي لا تزر علي الكافرين دياره !


#775746 [سعاد صالح التني]
5.00/5 (9 صوت)

09-25-2013 03:11 AM
انتو قايلين شباب أم بده ديل بيعرفوا الهزار
ديل مابعرفوا الا الله واحد والموت واحد مهما تعددت أسبابه
الليله شيل شيلتك يارقاص
شباب أم بده أعوادم براها وطالما قالوا الا تضوقا بيضوقوها ليك ومافي شى بيحميهم وماهاتفلت
لا أنت ولا نافع ابدا منهم ونافع بالذات الا يلحسوهو كوعو وبعد دا يضوقوهو عودو.


#775683 [ابوزول]
5.00/5 (2 صوت)

09-25-2013 12:27 AM
أعرضوا وارقصوا أيها الثوار الأشاوس واقذفوا الرعب في قلوب جرز ان النظام .......فقد علمنا ان بعضهم قد بدا في حلاقة الدقون وتجهيز شنط الفرار ...... وان ينصركم الله فلا غالب لكم


#775676 [حنضل القيزان]
5.00/5 (5 صوت)

09-25-2013 12:21 AM
امبدة رجااااااااااال


ردود على حنضل القيزان
[الدنقلاوي] 09-25-2013 03:40 AM
أمبدة رجال ...................الان الدروشاب وام ضريوة .......
الحاج يوسف ويييييييييييييييييييييييييييين وين؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.25/10 (6 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة