الأخبار
أخبار إقليمية
الجبهة الثورية السودانية تستنكر تصريحات عمر البشير



في بيانها الرابع
09-26-2013 06:33 PM
بيان (4)
الجبهة الثورية السودانية تستنكر تصريحات عمر البشير

ظللنا نتابع عن قرب إنتفاضة الشعب السوداني لحظة بلحظة ومسارها ونحن نشد على أيدي شعبنا فى المواصلة فى مسيرتهم الرامية إلى إسقاطة النظام، ولن نستغرب أن يخرج علينا المجرم القاتل عمر حسن البشير فى هذا التاريخ الفاصل بتصريحات يهدد فيها الشعب السودانى على حد قوله (العايز يخرج إلى الشارع عليه إن يحمل معه الكفن) وهذا التصريح يعد جريمة إبادة للشعب ويذكرنا بقوله فى دارفور فى بداية ثورته حيث قالها من قبل فى الفاشر (انا ما عايز أسير ولا جريح) وزاد (أكسح أمسح )فى إشارة للقتل الجماعى وهنا نريد تذكير المجتمع الدولى وتساهله مع المجرم وتركه يقتل الابرياء دون مسائلة ونحن ندين هذا التصريح ونحمله تبعاته.
إننا إذ نناشد جماهير شعبنا البطل الصامد القوى بعدم ألانسياق وراء محاولات أمن السفاح في التخريب المقصود للممتلكات العامة والخاصة من حرق وتخريب نطالبكم بإ لحفاظ عليها وحمايتها.
الخزى والعار للجبناء عاش الشعب السودانى العظىم حرا أبياً

أبوالقاسم إمام
أمين الاعلام الناطق الرسمى


تعليقات 7 | إهداء 0 | زيارات 4119

التعليقات
#779274 [شمبات]
0.00/5 (0 صوت)

09-27-2013 12:33 AM
الوضع ما عاوز استنكار او تصريحات الوضع محتاج لافعال


#779025 [abu mussab]
0.00/5 (0 صوت)

09-26-2013 07:50 PM
للجميع هل العبث الذى يحدث هذه الأيام يسمى ثورة ؟ بئس ما ذكرتوا أين هذا العبث من الثورة التى أطاحت بالمرحوم النميرى ثم ما هو وجه الشبه بين ما يحدث الآن والإنقلاب الذى أطاح بحكومة الصادق المهدى اتدرون ما هو الفرق الثورات السابقة كان يقودها أناس ذوى فكر ثاقب وهمهم الأول هو الوطن أما ما يحدث الآن من بعض الشرذمة له أهداف شخصيه على سبيل المثال الإنتقام ... ودمتم


#779015 [مهدي إسماعيل]
0.00/5 (0 صوت)

09-26-2013 07:45 PM
الرد على مثل هذا التصريح لا يكون بالبيانات، طبقوا الثورية ولا تكونوا كغيركم من احزاب البرجوازية والنُخب الصدئة


#779001 [محمد]
0.00/5 (0 صوت)

09-26-2013 07:39 PM
عرض اكتافكم روحوا ياالا

شعبنا أصبح أمسي وظل

كترتوها عليه الطله

اكلتوهُ زمانك ممَّ

ولبستوهُ كذلك ممَّ

عدمتوهُ الخيت والغله

شبراً شبرأً عابس ويابس

أكتر منها مابتذلّ

الكانون في الشارع ولع

طَول منها نار الحله

عِشنا وشفنا تب ماخفنا

العايزكم لمن جرب كنتو اضلَّ

تلك مأذن واللا مخازن ؟!

خمَّ ولمَّ فساد الدنيا

ثم إتنحنح ...هي لله

كبر وصلي

لما رفعتو السيف والمصحف

ولافي المتحف بقي حق الله

باسم الدين والدم والدمعه

وباسم الخالق عزَّ وجلَّ

اتعذبنا ... وماكذبنا

حليلو الفات ... المات وإتشل َّ

بيوت اشباح وجراح ومذله

دم الشهدا رصاصه رصاصه

وحبل المشنقه داك وإدلي

ومع ذلك حتي اللحظه

ماإتربصنا ...ولا فجرنا

إلاكذلك ما اتحجرنا

قد أدبنا الشعب الطيب

نحن جميعاً دونو اقلَّ

بيتنا وساسنا ورفعة راسنا

نحن حنانو وجَنا وجدانه

مش لافتات في الإيد ومظله

إيد علي إيد وسِلم سِلم

مابنسلم وشعب مُعلم

مابتخلي

حاشا وكلا مابنتخلي

غُبننا أكبر من تتصور

وحكم الفرد زمانك ولي

القذافي وأصبح مافي

حسني مبارك ...وعلي عبد الله

ياحاج زين إستغفر ربك

تسرق شعبك

وتهرب تلبد جمب بيت الله ؟

والغرقان في الدم السوري

حتي الحاجب منو اتبلَّ ومابتحلَّ

الهبباي سوداني مُدرب

جرب هدم وجرب عَلا

مابالصدفه ولاها لعلَّ

فيكم ريحه من الشبيحه

خلو البلطجه روِحو يا اللا

كل العالم عين بتاوق

صوره وصوت وكتاب ومجله


#778994 [حريف ما لاقي]
0.00/5 (0 صوت)

09-26-2013 07:33 PM
يا ثوار السودان الاشاوس اقفلوا الطرفات الرئيسية واعملوا كمائن لناس الامن داخل الاحياء في الليل


#778959 [ابو الشهييق]
5.00/5 (2 صوت)

09-26-2013 07:14 PM
أنتوا كمان أطلعو منها ... الثورة ثورة الشعب والشعب هو القاعد يعمل وهو المفروض يتكلم ويقول عايز يعمل شنو ويخلي شنو ... وما تجوا تلقوها جاهزه وتركبوا فيها وتسرقوا عرق الشعب ودم الشهداء زي ما قاعدين يعملوا الكيزان ... لا جبهة ثورية ولا تجمع وطني ولا معارضة ولا فسيخ ما فيكم واحد عندو قشه في البحصل عشان إقول تعملو دا وتخلو دا... كل واحد ينطم وانتظر لما الشعب يحرر البلد ويطهرها من الخونة مصاصين الدماء وبعدين نشوف موضوعكم شنو ومنو منكم البستاهل العفو ومنو المفروض يتحاسب معاهم ... هس ولا كلمة


#778948 [عادل السناري]
5.00/5 (1 صوت)

09-26-2013 07:04 PM
اظهرت الصور و القديوهات جماعة ملثمة تركب عربة بوكس ( بدون لوحات )تقوم بحرق محطات الوقود و المحال التجارية ---حتي يتم الصاق نهم التخريب بالمتظاهرين و اعطاء مبرر لقتلهم و اجهاض الثورة -- الكل يعلم من الذي يركب عربات بدون لوحات و يجوب بها كل شوارغ الخرطوم و المدن الاخري -- انهم صبية جهاز الامن -- خاب ظنهم و ساء فألهم النيران التي اشعلوها دبت الحماس في نفوس الشباب فخرج ميئات الالوف في جميع اتنحاء العاصمة و تحركت الثورة الي الامام
يجب رصد القتلة و المجرميين من صبية جهاز الامن و رباطة البشير لينالوا جزائهم بعد الثورة بالقصاص العادل .


ردود على عادل السناري
United States [ali murtey] 09-26-2013 07:32 PM
من يقبض علية من صبية امن النظام يسحل فورا امام الجماهير ويكسر عنقة لكى يكون عظة للباقين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة