الأخبار
أخبار السودان
فيديو: شبكة الأنباء العربية تتضامن مع الصحفي (بهرام) وتستضيفه رفقة صحفيين آخرين
فيديو: شبكة الأنباء العربية تتضامن مع الصحفي (بهرام) وتستضيفه رفقة صحفيين آخرين
فيديو: شبكة الأنباء العربية تتضامن مع الصحفي (بهرام) وتستضيفه رفقة صحفيين آخرين


10-01-2013 07:10 AM
خصصت شبكة الأخبار العربية ANN جزءاً من برنامجها" فجر الحرية" للتحدث عن المؤتمر الصحفي المشترك الذي تحدث فيه والي الخرطوم، وزير الداخلية، ووزير الإعلام، حمايةً وتقديراً لموقف الصحفي (بهرام) الذي أظهر شجاعة كبيرة في مواجهة مجرمي المؤتمر الوطني.
.






تعليقات 22 | إهداء 0 | زيارات 14349

التعليقات
#788056 [سودانى اطلاقا ما منفرج الأسارير]
0.00/5 (0 صوت)

10-02-2013 08:23 PM
يا جماعة الخير كدى روقو وأحلو .. وكمان روّقو المنقه .. امس كتبت ليكم تعليق لكن ما عارف ناس الراكوبه اهملوه ليه.. وجهة النظر الوردت فيهو جائز مخالفه لما صدح به الكثيرون من اشاده وتفخيم للأبن برهام او بهرام !!ولما قام به من دور اعتبره القراءوالكاتبون والمشاهدون للحدث عملا بطوليا قليلون يمكن القيام به امام اى مسؤول ناهيك عن 3 من الساده الوزراء..احسست ان هذا الشاب انو قرررّب يقول ليكم انو قال كلامو دا لتلاته وزرا كمان تانيين (على غرار:"كمان داك هلال تانى") اولا من هو هذا الصحفى الذى لم نسمع عنه من قبل؟ اين كان او لايزال يكتب ... فى اى من الجرائد او المجلات . او الصحف ورقية كانت او اسفيريه .. هل هو قصور من جانبنا اننا ما سمعنا عنه ياترى؟
* بالله تمعنوا فى اقوال هذا الشاب عن لقائه بناس ألأمن .. قال "المباشر انقذو من قبضتم! المباشر دا شنو .. جايز نحن ما "ناقشين" لغة شباب اليوم او"تفتيحتنا زيرو" يا ربّى ؟؟ قال انو "ألأستجوبوه تعاملو معاه بادب ولباقه!! *( سؤال بريء: ليه؟ من متين مواجهة اى مسؤول والتطاول عليهو ناهيك عن وصف 3 وزرا وفى وشّهم بالكضب يقابل بألأدب واللباقه.. تحسستوا قنابيركم) *وقالو ليهو "نحن نقدر موقفك"..(مشكورين .. اياها المحريّه فيكم) *كمان قالو ليه "انت كنت متوتر!!" انا شخصيا ما سمعتو وهو بيتكلّم لكن ايه اللى كان موتّرو ان كان فعلا متوترا!! * كمان تمو ليه الناقصه قالوا ليهو بس "الناس حتاخد شهادتك دى ب"جّد"!!! وبعد كدا "تناقش مع مدير شرطة الخرطوم بشكل عام" هل كان برضو متوتر ولآ هدا روعو ؟ وايش كانت موضوعات النقاش!!..
الا تلاحظون ان ناس ألأمن ألأستجوبوه وناقشهم بشكل عام حاولو يلقو ليهو الاعذار .. يا جماعه شاب من عامة اهل السودان يصف تلاته وزرا "فيهم وزير داخليه صاحب جنسيتين (بس من دول عالم تالت ) ووالى الخرطوم بجلالة قدرو المركب مكنة رئيس جمهوريه وتالتهم وزير الثقافه وشيبة ألأعلام "بانهم كذابين" !!! كيف يعنى كضابين!! "هوّ فى حد بيعرف اكتر واحسن م الحكومه!!!
اها رايكم شنو فى كلامى دا.. يمكن انا الكصاب!!


#786679 [Almo3lim]
0.00/5 (0 صوت)

10-01-2013 07:20 PM
و الله راجل ابن راجل ..

و ليتعلم الناس منك بأن هذا النظام (ما يخوف إلا نفسو) ..

المواجهة هي السلاح القاتل لهذه الحشرات ..

نحن الذين (فرعنا) الأوباش و سمحنا لهم بالتمدد أكثر مما يجب ..


#786467 [ابن كردفان1]
5.00/5 (1 صوت)

10-01-2013 04:03 PM
أحيي الصحفي براهام الجسور على شجاعته وأداء مهنته الصحفية على النحو الصحيح وقد ذكرني بفراسة السودانية الاوائل الذين لم يأبوا
ان يقول كلمة الحق ولو أمام الرصاص والله انك رفعت رأس الصحفيين السودانيين الوطنيين بقولك الحق
والحق أحق ان يقال ويتبع ولا مكان للكذب والنفاق مع حقائق الأشياء الواضحة ومقتل أبناء السودان أمام رؤيا ومشاهد العالم تب للكذب والنفاق والله ان كردفان ام الرجال لم تلد مثل الوزير
وأحيي قناة ANN الفضائية لموقفها الشجاعة وتضامنها مع الصحفي الشريف ونسأل الله ان يحفظه من جبروت ذئاب الاخوان


#786413 [أب قرن]
0.00/5 (0 صوت)

10-01-2013 03:19 PM
عندما اتصلت قناة العربية على هذا الصحفي أشار إلى أن أجهزة الحكومة قد تعاملت معه بكل إحترام وكان عليه أن يراعي ظروف البلاد وقد اختلفت لهجة الصحفي وحتى مذيع قناة العربية اندهش من تغير طريقة وصوت الصحفي يا ترى الحصل شنو ؟!


#786070 [ديامية عايشة في الامارات]
5.00/5 (2 صوت)

10-01-2013 11:52 AM
عليك الله ديل هم وش ادب ولا التزام يحرقو في حشى الامهات وتقول ادب ديل وزراء ؟؟؟انا لو مكانو كان رميت جزمتي في وشو زي ماعمل منتصر الزيدي والله كمان شوية عليهم حكومة لا يليق عليها اي نوع من الاحترام والتقدير عفيت منك يا بهرام ربي يكثر من امثالك ويزيح عننا حكومة الظلم والجور يولعو كدا كلهم مرة وحدة ونرتاح منهم ومنك كمان يا زفت وعفن البلد قال عزوو قااال


#785941 [حليل السودان في زمن الانقاذ]
0.00/5 (0 صوت)

10-01-2013 10:58 AM
شكرا بهرام ....هذا درس الي الصحفيين ( الكبار ) المرتشين المرتعشين الجبناء امثال ضياء البلال ...راشد عبد الرحيم....مصطفي ابو العزائم...واولاد سيد احمد الخليفة....ياسر بتاع الانتباهة...والاعرج عادل الباز ...وامثالهم من مطبلاتية المؤتمر الوطني........جاء يوم الشباب من الصحافيين الوطنيين والثورة مستمرة وبعدين نشوف اين يذهب هؤلاء المرتعشين........شكرا بهرام


#785932 [ممكون وصابر]
0.00/5 (0 صوت)

10-01-2013 10:56 AM
ولد لا فض فوه شجاع في زمن انعدمت فيه الشجاعة قال قولة الحق في وجه الظلمة والقتلة والحرامية
واللصوص مصاصي الدماء ياناس الراكوبة كلما نعلق تقولوا تم تثبيت تعليقك بنجاح وما تنزوله ابقوا صادقين مرة معانا


#785909 [EZOO]
0.00/5 (0 صوت)

10-01-2013 10:42 AM
والله ياعزو انا حاتبراء من اسمي باسببك ياكوز ياوسخ


#785896 [محمد]
0.00/5 (0 صوت)

10-01-2013 10:33 AM
الاعزاء قراء الراكوبة، انا مندهش جداً من كمية الردود على المدعو عزو ود البلد، كان انفع لنا ولقراء الراكوبة الاخرين التعليق على الموضوع ومشاركة الرأي بدلاً من الانفعال وتضييع الوقت والحرف في الرد على ذلك المخرب. وأعلموا انه قصد ان يلقي بكلمته بتلك الطريقة حتى تكون فتنة وتثير غضب القراء والمعلقين، وهذه اساليب الامنجية والمؤتمر الوطني المعروفة.
سيحاربون الثورة في كل مكان وزمان، فأولى بنا ان نعي اساليبهم وطرائقهم لنحمي ثورتنا.
الرجاء التعليق على الاخبار والمقالات بما ينفع بقية القراء وما يثري النقاش ويقدم أفكاراً جديدة لنجاح الثورة.
شكراً لكم،
عاشت ثورة شعب السودان،
العزة والنصر لدماء الشهداء الطاهرة،


#785893 [ود المك]
0.00/5 (0 صوت)

10-01-2013 10:30 AM
لك التحية أستاذ بهرام: مالا تعرفة عن الدكتور الوزير وإستغلاله للمناصب والبحث عن الثراء الحرام، فمن ضمن إستثماراته، المختبرات الطبية الاردنية، إستثمار أجنبي وماأدراك ما الإستثمار الأجنبي، سيارات بدون جمارك .. لا ضرائب.. وأخطر شي تهريب الأموال للخارج بكل سهولة.
مع العلم لمحاربتهم للرموز الوطنية في هذا المجال.. وهاك الدليل فالدكتور أبوبكر حسن أمين أطال الله في عمره مدير عام معامل السودان والذي أحيل للصالح للعام في بداية حكم الكيزان، لا يوجد لديه معمل خاص يقتات منه، بعد أن أغلق معمله بشارع المك نمر نسبة للضرائب و...الخ.
وأترك لك المجال بصفتك المهنية للبحث عن هؤلاء القوم وما فعلوه في هذا الشعب الصابر الأبي.


#785860 [Bahi]
5.00/5 (1 صوت)

10-01-2013 10:13 AM
وأين هو عدم التهذيب في كلام الصحفي الشجاع .. هل وصفهم بالكذب هو عدم التهذيب في نظرك .. أليست هذه هي الحقيقة .. ألم يقتلوا شباب عزل في عمر الثانوي والجامعة برصاص في الصدر والرأس وهم في وسط التظاهرات؟؟ إذن هم قتلة وكاذبون والصحفي لما يجافي الحقيقة.


#785843 [علي باحش الدكوك]
5.00/5 (1 صوت)

10-01-2013 10:07 AM
مداخلة الصحفي الشجاع بهرام عبد المنعم كانت بمثابة الدبوس الذي خدش بالون الكذب المنتفخ بالغازات الحامضة. لذلك كانت ردة فعل نافخي البالون مضرية، أفقدتهم أحترام الداخل والخارج.
يبدو بأن المؤتمرات الصحفية الخصم اللدود لغلاة الانقاذ والمؤتمر الوطني، فظلوا منذ المؤتمر الصحفي لكبيرهم البشير يخرجون أكثر أنهزاما وحرجاً بعد أي مؤتمر صحفي يعقده قادتهم الكذبة والمنافقين.

التحية لهذا الصحفي الشجاع.


#785840 [adil]
5.00/5 (1 صوت)

10-01-2013 10:04 AM
rajil wad rojal


#785794 [محمد]
0.00/5 (0 صوت)

10-01-2013 09:43 AM
شكراً الصحفي الشجاع بهرام، موقفك درس في الشجاعة وأهميته في المرحلة الراهنة انه يقول للشعب السوداني المغلوب على أمره ويفسر لهم كيف يستطيع الرجل ان يطل برأسه من ظلامات 25 عام من القهر والبطش والفساد والدولة العسكرية الامنية، وقد لاحظت كيف تبدل وجه الوزير بعد ما كان يبتسم عند سماعه لكلمة "تكذبون"، لم يكونوا يتوهمون حتى ان تقال لهم امامهم، ناهيك ان تقال لهم على الهواء مباشرة. وهم تمادوا في الكذب على انفسهم اولاً حتى ظنوا من كذبهم انهم لا يكذبون.
لك التحية الصحفي بهرام وشكراً، علمتنا درساً عظيماً مهماً في توقيته لنسف ظلامات الخوف والقهر.
عاشت ثورة شعب السودان
وتقبل الله الشهداء وابدلهم داراً خيراً من الدنيا


#785780 [ابوملاذ]
0.00/5 (0 صوت)

10-01-2013 09:31 AM
هوي يا عزو يا كوز يا رباطي انت هم شوية صعاليك فقط ليس الا هم احترموا الشعب عشان بهرام يحترمهم ي مرض انت وكمان كاتب ودبلد ي صعلوك


#785768 [Eltayebahmed]
5.00/5 (1 صوت)

10-01-2013 09:27 AM
الامر الغريب ان ينفعل وزير الاعلام الى هذه الدرجة فقد كان وزير الداخلية اكثر هدوء وكذلك والي الخرطوم ثم عاد وزير الاعلام وحين هاجم العربية استخدم ذات العبارات التي استخدمها الصحفي ورفضها الوزير بحجة انها غير مهذبة فقد وصفهم الصحفي بالكذب والوزير وصف العربية بالكذب


#785740 [abbs]
0.00/5 (0 صوت)

10-01-2013 09:10 AM
اي ادب واي حوار واي خصم
جل ما في الامر انه طرح سؤال محدد
وللأسف لم يجد الإجابة
فهل ما حصل اكثر من ذلك


#785716 [بت كردفان]
0.00/5 (0 صوت)

10-01-2013 09:00 AM
دي ماالنوعيه البتستاهل يتهذبو معها ديل قتل مجرمين التحيه للصحفي برهام الشجاع قال كلام في المليام الله يكتر من امثالو


#785711 [Mohammada]
0.00/5 (0 صوت)

10-01-2013 08:58 AM
كلنا الصحفي بهرام وثورة حتي النصر.


#785704 [سوداني]
0.00/5 (0 صوت)

10-01-2013 08:56 AM
وهل يتحدث الوزراء بادب انهم يستخفون بشعب باكمله لماذا نتحدث معهم بادب لو كل منا صدح بالحق مثل هذا الرجل لما تمادي هؤلاء في اذلالنا


#785702 [Fato]
0.00/5 (0 صوت)

10-01-2013 08:55 AM
الصحفى بهرام لم يقل ألا الحق فى وجه ظلمة وكذابين وأستغرب فى الذين يقولون أنه قلل من أدبه مع المخاطبين ولبئس القول هذا.ماذا تريدون أن يقول للكاذب ؟أيقول له عزيزى الصادق النبيل؟كلا فانها كلمة الحق لابد أن تقال فى وجه الكاذب وبالفم العريض أنت كاذب.أحى فيك شجاعتك أيها الصحفى الخارج من جبة الغلابة والمطحونين.


#785667 [عزو ود البلد]
2.63/5 (5 صوت)

10-01-2013 08:38 AM
الصحفي لم يتحدث بتهذيب مع الوزراء وكان عليه الالتزام بادب الحوار مع الخصم وان كان محقا


ردود على عزو ود البلد
European Union [المستعرب الخلوى] 10-02-2013 08:06 AM
أخ عزو بن البلد .. معاك حق ..الصحفى بهرام كان قليل حيا وما عندو ادب ... بس فى مقولة بتقول لكل مقام مقال ..عشان كدا هو تصرف التصرف الصاح فى مقام كان كلو كذب واضح وما عاوز ليهو درس عصر . وهذا هو دأبكم أيها الكيزان تلبسون الباطل بالحق فى وضح النهار ...
كذب من أعلى مستويات الدولة متواصل من 24 سنة ..وهل يعقل بعد 24 سنة تجى وتقول لينا رفعنا الدعم لحماية الإقتصاد من الإنهيار ؟؟
ماذا عن ملفات الفساد المستشرى من قمة الهرم ..؟
واسالوا لماذا توقف الخال الرئاسى عن كشف أسماء الفاسدين والمفسدين والملفات موجودة داخل المجلس الوطنى بعلم الجميع ..
قالوا ليهو خلى الطابق مسنور ....
حسبنا الله ونعم الوكيل .

[سامي مان] 10-01-2013 10:53 AM
اي تهذيب مع البيتزا والهوت دوق

United States [سعاد خيرى] 10-01-2013 10:26 AM
والله يا عزو ,البلد لاتفخر بأمثالك من المعفنين والمخذلين والجبناء ومنافقى النظام ,,ونظامك البالى ليس فيه إنسان مهذب , وكلهم كذابين ومنافين وحراميه وتجار دين وكل الشعب يعرف ذلك , حتى أنت يا منافق تعرف ذلك ولكنك بالتأكيد واحد منهم ,, وقد دنت ساعة الخلاص ,,وحينها سوف نعلمكم كيف تعرفون التهذيب يا عديمى التهذيب

European Union [كجن كتى مورتى قلق] 10-01-2013 10:19 AM
ليس من المفترض ان نكون مهذبين مع الوزراء فالوزير هو خادم للشعب وعليه هو ان يكون مهذبا مع الشعب وعليه الا يستخف بعقول الناس بالكذب والتدليس والاستخفاف بشهدائه ووصفهم بانهم مخربين ولصوص

[الغاضبة] 10-01-2013 10:14 AM
الجدادة عزو ود البلد، وهل كانت حكومتك مهذبة مع مواطنيها ظلت تكذب عليهم طوال 25 عاما ... لا تحترمهم أحياء أو أموات ... حكومة تقتل شعبها هل هي جديرة بالاحترام ...

European Union [ديامية عايشة في الامارات] 10-01-2013 10:07 AM
عليك الله ديل هم وش ادب ولا التزام يحرقو في حشى الامهات وتقول ادب ديل وزراء ؟؟؟انا لو مكانو كان رميت جزمتي في وشو زي ماعمل منتصر الزيدي والله كمان شوية عليهم حكومة لا يليق عليها اي نوع من الاحترام والتقدير عفيت منك يا بهرام ربي يكثر من امثالك ويزيح عننا حكومة الظلم والجور يولعو كدا كلهم مرة وحدة ونرتاح منهم

United States [ود الجد] 10-01-2013 09:58 AM
اذا كنت مهذبا وجب التعامل معك بتهذيب اما اذا كنت كذابا منافقا لاويا للحقائق فكيف التعامل معك يا.....

European Union [khaled] 10-01-2013 09:48 AM
كلامك صح يا كوز

United States [Elamein] 10-01-2013 09:43 AM
حينما يكذب الشخص ويتحرى الكذب فإن اصحاب القلوب والضمائر الحية يثور الدم فى عروفهم لأنهم ينطقون صدقا وكان الثلاثة يتحدثون كذبا وإفكا على أهلنا فى البلد ولأن هذا الصحفى ذو ضمير حى قال الذى سمعناه وفعلا الخصوم كاذبون وقتلة كل الذى نخافهونخشاه أن يبطشوا به لأنهم لا يخافون الله

[سودانى شديد] 10-01-2013 09:39 AM
عن اى وزراء تتحدث ياود البلد وهل تفتكر ان هؤلاء وزراء اصلاً ؟

United States [فرحان للآخر] 10-01-2013 09:34 AM
ليس هناك أدب مع القتلة أيها الخرع (خسيس البلد)

[ابو الليل والخيل] 10-01-2013 09:25 AM
يا عزو انت مجرد شخص واطي وشكلك كوز معفن يا معفن

[وطني غيور] 10-01-2013 09:19 AM
روح الي مذبلة التاريخ يا معفن
هو رئيس الدولة البشكير و ووزرائه الصعاليك ديل عمرهم خاطبوا الشعب السوداني باحترام
اصلا هم ليسوا محترمين
قال عزو وود البدل والله انت واحد هلفوت وهذا الصحفي اشجع من حكومتك.

United States [سايكو] 10-01-2013 09:16 AM
ادب شنو ياخ ؟؟؟
الوزراء ديل كذأبين و بهرام قال الحقيقه

United States [محمد الزاكي] 10-01-2013 09:15 AM
اي تهذيب التي تتحدث عنها؟ هاولا قتله مصاصي دماء لعنه الله عليهم ومن وقف خلفهم....اقسم بالله الذي رفع السماء بلا عمد لا تذهب دماء ابطال ثورة سبتمبر هدرا...والله والله سنجعل البشير يندم ويكره الدنياء...والله سيموت مثل الهالك القذافي

[الضعيف] 10-01-2013 09:07 AM
يا اخي زول بكذب وكذبو بواح... اقول ليه انتا ما بتكذب!!! والله امرك عجيب يا عزو بلد!!

United States [د.حميد قنيب] 10-01-2013 09:06 AM
ارجل منك

[الحوووت] 10-01-2013 08:58 AM
باين عليك كوز نتن معفن .. قال ايه ,, قال تهذيب .. ناس بتقتل في الاولاد الصغار بالرصاص الحي وتقول لي تهذيب ...



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة