الأخبار
أخبار إقليمية
طه: الاحتجاجات محاولة لإعاقة تقدم السودان
طه: الاحتجاجات محاولة لإعاقة تقدم السودان
طه: الاحتجاجات محاولة لإعاقة تقدم السودان


10-02-2013 05:38 AM

وصف النائب الأول للرئيس السوداني علي عثمان طه، الاحتجاجات التي شهدتها بعض المدن، بأنها محاولة للرجوع بالسودان للخلف عبر التخريب والنهب. وقال إن ذلك يتنافى والسعي لنهضة البلاد، والمضي بها إلى الأمام، عبر برامج التنمية والتقدم.


وأوضح خلال مخاطبته الاحتفال بإعلان مسودة نفير نهضة شمال كردفان، أن عائدات عبور نفط الجنوب وعائدات الإجراءات الاقتصادية، ستوظف لاستقرار سعر الصرف للعملات الأجنبية ورفع العملة الوطنية، لتحقيق الاستقرار الاقتصادي بالبلاد، كاشفاً عن إجراءات اقتصادية ستتخذها الدولة بهذا الشأن خلال مقبل الأيام.


وقال طه إن الإجراءات الاقتصادية الأخيرة قصد منها زيادة الإنتاج وتحسين مستوى الخدمات، مؤكداً أنهما يشكلان عصب تقسيم الموارد التي ستجنيها البلاد مستقبلاً.


ودعا لاستنهاض الهمم والمضي بخطى ثابتة في مسيرة البناء والإعمار، مشيراً إلى أن ما تتمتع به الولاية من موارد تسهم في دفع مسيرة الاقتصاد الوطني.


وأعلن النائب الأول للرئيس السوداني، أن طريق أم درمان بارا جبرة الشيخ، ومشروع مياه الأبيض، والمدينة الطبية، ستجد حظها في الميزانية المقبلة للعام 2014.


شبكة الشروق


تعليقات 25 | إهداء 0 | زيارات 1954

التعليقات
#788431 [ابن البلد]
0.00/5 (0 صوت)

10-03-2013 08:39 AM
أن أى تقدم تتحدث والسودان يتراجع من الأسوأ الى الأسوأ وعدم سيطرتكم الامنية على جزء كبير من أجزاء ه وتنتشر الحركات المسلحة بمناطق عدة ، مذ قدوم الاخوان الينا دمرو أرث بلدنا وخربواالديار وانتشر الفساد وأساءوا الى اكراه السودانيين بصرة لا يمكن ان يتصورها المرء ولا زال المؤتمر الوطنى وزمرته يجرون بلادي الى ويلات الهلاك وهمهم الكبير فقد دعم انظمة التنظيم العالم وانا لا اسمه اسلامى لان برئ منكم ومن افعالكم والاسلام دين سماحة ولين ولطف لا دين عنف واكراه


#788333 [mawyashani]
0.00/5 (0 صوت)

10-03-2013 07:14 AM
ياشيخ على سلام عليك والله ماحاسدنك فى النعمه لكن تكون من عرق جبينك لوالسوداد الفى وجهك من قتل وتشريد خلق الله اسال نفسك ربنا ابتلاك بهذه المصائب ومن ضمنها نافع على ضار ليه لانوا انت ماماشى لى الله عديل وبعدين الغنى حارسك من منو عندكم سواقى فى الشماليه ولى ابوك النفيدى يامسخن


#788279 [قلاجى]
0.00/5 (0 صوت)

10-03-2013 05:22 AM
wake up man sudan is already crippled because of you and your other thugs


#788203 [G.Suliman]
0.00/5 (0 صوت)

10-02-2013 11:42 PM
طه الدلاهه
بوشك ده ينفع تمثل افلام رعب


#788073 [مهاجر]
0.00/5 (0 صوت)

10-02-2013 08:47 PM
السيد النائب الاول اسألك بالله هل انت تصدق ماتقول كفاية كذب وفساد انفضح امركم وكل شئ اصبح باين حلوا عنا يرحمنا ويرحمكم الله .


#787992 [ابيره]
0.00/5 (0 صوت)

10-02-2013 06:52 PM
سودالله وجهك أكثر من هذا 24سنه ماتقدمت خطوه واحده يا نصاب ياحرامي فعلا انت أستاذ في الكذب .أستعدأستعد الخاذوق حقة القزافي ما جاهز .


#787982 [زيكو]
0.00/5 (0 صوت)

10-02-2013 06:19 PM
ههههه بس انتظروا ياعلوبة
الكلام والتبرير وقتو انتهى
بس اختاروا كيف الطريقة التموتوا بيها
بس انتهى


#787792 [تفتيحة لمن فضيحة]
0.00/5 (0 صوت)

10-02-2013 02:27 PM
حلوة تقدم السودان !!!!!


#787758 [المهندس سلمان إسماعيل بخيت على]
0.00/5 (0 صوت)

10-02-2013 02:01 PM
وصف النائب الأول للرئيس السوداني علي عثمان طه، الاحتجاجات التي شهدتها بعض المدن، بأنها محاولة للرجوع بالسودان للخلف عبر التخريب والنهب
ياشيخ على كلامك دا صحيح معقول لو تواصلت الإحتجاجات السودان حيرجع للخلف ونعود للزمن الجميل
على الطلاق تضمن لى الرجوع للخلف أنا زاتى فى العمر المتأخر دا أجى وأظاهر معاهم
ياشيخ على عليكم الله بس ختو الخلف reward ورجعونا للخلف رجعونا لزمان
ياشيخ على
أنت بتاع قانون ما بتفهم فى أى شىء غير القانون ودا واضح من قيادتك لوطن كامل وطن كان عزيز وكريم ولم يبق منه أى شىء
عندنا فى علم المساحة حاجة إسمها PROPAGATION OF ERRORS حتسألنى يعنى شنو ؟ لأنك لا تعرفها - لو كان من المفترض أن أنفذ خط مستقيم يصل مابين قبة المسجد الكبير فى الخرطوم وقبة المسجد الكبير فى بورتسودان ومن نقطة البداية حدث عندى خطأ فى التوجيه الصحيح ORIENTATION لجزء عشرى من الثانية مش من الدرجة ولا الدقيقة - من الثانية - فواصلت المسح - لمان أصل نقطة النهاية سأجد نفسى لم امر بمدينة بورتسودان لأن هذا الخطأ فى نقطة البداية والبالغ جزء عشرى من الثانية بتحدث ليها زيادة تراكمية تسمى الأخطاء التراكمية ACCUMULATION OF ERRORS
ياشيخ على فى منتصف التسعينيات رئيس بلدية الخرطوم وعلى ما أذكر اسمه البرير عمل لك دعوة فطور أنا كان مكتبى فى برج البركة وبينى وبين المحلية 12 متر ، فى ذلك اليوم حكمت عليكم وقلت الناس دى تسير فى طريق خاطىء ولن تصل - أظنك تذكر تلك الدعوة والأكل الفاخر من المال العام وأنت كمسئول مسلم لم تسأل من أين أتيتم بالمال الذى أنفق على الدعوة
بدأتم حكمكم بأكل وجبة الإفطار الفاخرة
ثم تحولتم للعشاء الفاخر
ثم لهفت المليارات التى جاءت من عائدات البترول والمليارات المجنبة
فى واحد قال لى الحكام ديل أولاد فقراء حيحسوا بوجعنا وألمنا ويرأفوا بينا اللى أبوهو خفير واللى ابوهو عامل بسيط واللى أبو راعى بقر وحلاب واللى أبوه طباخ - يادوب لقينا الحكام المننا وفينا
قلت له ود الجعان أكان ملك فجر - قال لى لا
مرت السنوات ولهطوا كل شىء
تقول ليهم قروش البترول والمنتجات الزراعية والحيوانية والمعادن وين ؟
يقولوا لك مشت فى مشاريع التنمية
إنتو أستدنتم دين خارجى بـ 60 مليار
ومشاريعكم لا تتجاوز العشرين مليار بما فيها سد مروى وتعلية سد الروصيرص
شارعين و3 كبارى وسد قديتونا بيهم قد
والبشير ينفى وجود فساد
يا شيخ على أنتم ماشين غلط لأن ACCUMULATION OF ERRORS كبير وفارقتم الجادة وطشيتوا ولو خليناكم تجلسوا فى الحكم الفجوة حتزداد
بقاؤكم دون شك سيكون سبب مقنع لتنفيذ مخطط برنارد لويس
ياجماعة لو الإخوان قعدوا ستفصل دولة دارفور
وستفصل دولة النوبة ومقرها حيكون دنقلا فى إنتظار فصل نوبة جنوب مصر وضمهما معا كدولة النوبة الكبرى وعاصمتها أسوان
لو شيخ على وجماعته بمافيهم الرئيس البشير خرجوا من حياتنا نهائيا سيأتى مهندس سياسى شاطر يصحح الوضع وتصحيح الوضع الحالى صعب يحتاج لخبير لتطبيق مايعرف بالـ DISTRIBUTION OF ERRORS إنتو عملتم أخطاء ومصائب كبيرة تحتاج لفريق من الخبراء بس مش من شاكلة طبيب الأسنان مصطفى عثمان
أمرقوا إتخارجوا سعيكم مشكور والله وديتونا فى ستين داهية


ردود على المهندس سلمان إسماعيل بخيت على
United States [المهندس سلمان إسماعيل بخيت على] 10-02-2013 04:58 PM
ياجماعة أرجعوا بيوتكم السودان دا كان متقدم وخرجوا ناس الشهيد سنهورى عشان يأخروه لا لا لا تظاهر بعد اليوم وألبسوا الطرح وأقعدوا فى بيوتكم
أنا عاوز شيخ على يورينا البترول وزدتواسعره مارعتوا دعم لأنه لم يكن مدعوم
وسعر الخبز العالمى للطن 223 دولار وإنتو بتحاسبونا بسعر 420 دولار للطن
محمد أحمد دافع الضريبة لمان يمد جنيه لبتاع الفرن بيديهو 3 عيشات العيشة 55 جرام كضاب من يقول 70 وكضاب من يقول 60 جرام نحن جبناها ووزناها
المفروض الجنيه يديهوا 7 عيشات وزن 100 جرام للعيشة
يعنى الجنيه 700 جرام
ناس حكومة البشير وشيخ على بدونا 180 جرام
ديل بسرقوا من كل مواطن نص كيلو رغيف فى كل جنيه
يعنى لو فى مواطن بيشترى فى اليوم رغيف بـ 8 جنيه الحكومة قالعه قلع منه 4 كيلو خبز
والناس تتكلم عن زيادة البترول
والله ياجماعة لو الناس ديل راحوا وإنكشف المتخبىء حتشوفوا بلاوى


#787604 [أبو الزينة]
0.00/5 (0 صوت)

10-02-2013 12:03 PM
وين قدام وكل الكلام دا مش مقتنع بيهو بعد تراجع 24 سنة..لي وراء لا أتفق معك سيدي نائب الرئيس..ملينا ...زهجنا...قرفنا...بطنا أتجوغرت...وكمان بعد لقد هرمناومش عايزين تمشو ياأخي كفااااااااااااااااكم.


#787434 [المتجهجه بسبب الانفصال]
0.00/5 (0 صوت)

10-02-2013 10:30 AM
المجرم يعظ ،،


#787403 [Abu Amer]
0.00/5 (0 صوت)

10-02-2013 10:19 AM
هذا هو ثعلب السودان الذي ظل يلعب لمدة أربع وعشرين سنة من خلف الكواليس وهو الرأس الحقيقي لهذا الحكم الفاشل وقبلها مع كل الحكومات التي سبقت وفي الديمقراطية وكلماته تتردد في كل محفل ووعوده وخطبه الملتهبة بالأماني التي تدغدغ مشاعر الجهلاء!! كلما أوقدت الثورة نارا ظل يهدئ من الخلف بالوعود والتنظير ليظهر بأنه "حلال العقد" وكلما فشل مشروعا تلبس الموقع وترأس لجنة اصلاحه وكلما تهدم موقعا جئ به كمفتاح للحل، وظل يتبوأ هذه المواقع بدرجة تفوق درجة اللامعقول ويتقلب في المناصب متخصصا حتي صار اسمه ملاصقا لكل عمل ومتخصصا في كل مهنة بجدارة، فكان رئيس كل ورشة عمل ورئيس كل لجنة تسيير، ورئيس كل حزمة حلول، ورئيس منتدى الاستثمار، ورئيس .. ورئيس .. واذا رجعنا لكل المناشط التي ظل متصديا لها لا نرى الا وعودا جوفاء ولا تظهر اية نتيجة. خطب الطلاب وخطب الجامعات وخطب المسيرات والهيجان التي اختزنها في زمان مسيرة حياته الطلابية التي اختزنها بذكاء وفاتت على المتحمسين من محركي الثورات جعلته ممسكا بالعصا وفي اتقان ليتفنن بها في كل الأزمان ليبقى خلف الصورة الظاهرة ليقوم بالترقيع من الخلف. اذن هو ظل النائب الأول لرئيس الدولة ليبقي مقتنعا بهذا الموقع الهادئ طالما هو متمسك بالكرسي طيلة هذه المدة متجنبا أي مواجهة، ليكون هو الملجأ لكل من يتدبر حاجة!


#787390 [مدحت عروة]
2.00/5 (1 صوت)

10-02-2013 10:10 AM
لكن يا حضرة النائب الاول الا ترى ان الاستقرار السياسى والدستورى من خلال مؤتمر جامع لاهل السودان هو البيحقق الاستقرار الاقتصادى والامنى؟؟؟؟؟
ولا الكلام ده بيعيق تطور السودان؟؟؟؟؟؟؟
ولا بيعيق استمرار جلوسكم فى الحكم؟؟؟؟
كدى فهمونا انحنا اصلا جهلة فى السياسة والاقتصاد وقصر وما بنعرف مصلحة البلد زيكم وده طبعا راجع لاننا لم نتشرف بالانتماء للحركة الاسلاموية ولم نتبع كتابات حسن البنا وسيد قطب وهلم جرا!!!
هسع عاين الهند متخلفة كيف وما زيكم لانها اتبعت النظام الديمقراطى البرلمانى وبنكهة هندية ولو كان حكمها حزب الهندوس وعمل مشروع حضارى هندوسى لانه اغلبية وبحزب هندوسى رائد ورئيس قائد كانت اطورت زيكم وفى جميع المجالات وبفت دولة مؤثرة فى العالم زيكم وتنافس الدول الكبرى سياسيا واقتصاديا وعسكريا زيكم كده!!!!!!!!!!!!!!!!!
يا جماعة الخير انحنا سوينا شنو فى الدنيا دى عشان ربنا يعاقبنا بحكام مثل هؤلاء ؟؟؟؟؟؟؟
قوموا الى ثورتكم ايها السودانيين يرحمكم الله !!!!!!


#787371 [كمال الشناوي]
0.00/5 (0 صوت)

10-02-2013 10:03 AM
طه يقول الاحتجاجات تعوق تقدم السودان ده كلام شنو يا كابوى من وين إنت بتجيب الكلام ده طبعا المعروف عن طه انه فاكر نفسوا أفهم من يمشي على الارض لكن هو أغبى من يمشي على سطح الارض يا حاقد داير تتكلم انت عن السودان وانت مهندس الانفصال يا وسخ داير تتكلم وانت من دبرت إغتيال الدكتور جون قرنق دي مبيور داير تتكلم انت ومعاك الحرامي الكبير المتعافي والشريف بدر مهندسي إنهيار مشروع الجزيرة يا وسخ الانقاذ يا أحقد من يمشي على الارض اللهم اجعل كيدهم في نحرهم


#787369 [emad alawad]
0.00/5 (0 صوت)

10-02-2013 10:03 AM
وقال طه إن الإجراءات الاقتصادية الأخيرة قصد منها زيادة الإنتاج وتحسين مستوى الخدمات، مؤكداً أنهما يشكلان عصب تقسيم الموارد التي ستجنيها البلاد مستقبلاً.. ياخي لينا 24 سنة بنسمع في الأغنية دي لما حفظناها ومليناها .. شوفوا كلام غير ده .. تقدم السودان بتاع أيه قول تراجع السودان .. فعلاً والله لينا 24 سنة في التراجع لحدي ماوصلنا آخر الصف والمشكلة لسه بنتراجع بعد الآخر تاني في شنو ماعارفين لكن بإذن الله وبعقلياتكم دي حانصل مرحلة مابعد الأخير التي لم يسبقنا عليها أحد وسنكتشف مايوجد هناك لنكون الأوائل ..


ردود على emad alawad
United States [مظاليم الشعب] 10-02-2013 02:45 PM
ود طه يشبه البعشوم .. وشو فحم من المصائيب البسوي فيها .. بعون الله عود القذافي راكبكم


#787341 [المهاجر]
5.00/5 (1 صوت)

10-02-2013 09:49 AM
انت اللذي قت باعاقة تقدم السودان والله بطبخك لاتفاقية نيفاشا وفصل السودان الي دولتين الدول تتحد ونحن ننفصل (الاتحادقوه)مثل هذه المفاوضات يجب ان يصوت كافة الشعب عليها وليس المجلس الوطني لانه من القرارات المصيرية تؤثر علي مستقبل الشعوب وليست الحكومات . انا اظن ان هذه الاتفاقية كانت بمقابل (دولاري )للطباخين وان المستفيد منها دول وجماعات


#787276 [KUDU]
0.00/5 (0 صوت)

10-02-2013 09:12 AM
طه يوجه بزيادة الانتاج... طه يوجه بالاهتمام بمشروع الجزيرة... طه رئيسا للنفرة الزراعية... طه رئيسا للنهضة الزراعية... طه يوقع غلى انفصال الجنوب.. طه يصبح النائب الثاني متخليا عن موقعه لجون قرن.... طه يدعو لوحدة جاذبة مع الجنوبيين.... طه يوجه بدعم المشروعات في شرق السودان.. طه يوجه بتحويل عائدات النفط واستثمارها في الزراعة لأن الزراعة هي بترول السودان الحقيقي.. حليلو طه... يتقطع طه ده..
عبر عننا عمر الدوش في وصف هذا المخلوق:
شميس المغرب الممحوق
تميل فوق وشك المحروق
تبين صفرة سنيناتك.. يبين ضل الكلام مقلوب....


#787234 [aldufar]
0.00/5 (0 صوت)

10-02-2013 08:47 AM
عثمان طه ، نشهد انكم احقد مشى على وجه البسيطة واظلم وافسد وافشل واسوأ نظام عرفه في كل تاريخه ، عصبة شرزمة لا ندري من اين أتت؟ يبدو ان ربنا بعقابنا بيكم ان سلطكم على هذا الشعب، لعيب اكتسبناه من نظامكم الفاشي يا اخي عن اي تتقدم تتحدث وريني نحن وصلنا مرحة ان الانسان بموت من الجوع فاكر كل الشعب السوداني شبعان مثل ابان كروش اعضاء حكومتكم وبرلمانكم الفاشل قاتلكم الله جميعا ايها الحرامية الفاسدين ، اعلم إن لن تغادروا السلطة مصيركم سيكون مصير معمر القذافي وعوده المعروف والذي سيركب على كل امثاله باذن الله وخاصة حكومتكم هذه واولها رئيسها الرقاص .

الثورة يا ثوار اوعى نارها تموت ، دم الشهداء في رقابكم يا ثوار وحركات مسلحة ، نحن في انتظار السقوط لنظام الفاسدين هذا المؤتمر الوثني الفاسد الحرامية ابان كروش مليانة من دم الغلابة والمساكين والمشردين والمجرين خارج السودان .


#787191 [mohd]
0.00/5 (0 صوت)

10-02-2013 08:26 AM
تقدمه الى الخلف يا اسود الوجه يا قرد الطلح ؟

ياخي بلد على راسها واحد ربنا سود وجهه زيك كدا بتمشي لقدام ؟


ياخي السواد الضربك دا ما يخليك تراجع نفسك ؟

وما يخليك تفكر انه نهايتك قربت ؟

وما يخليك تفكر في اخرتك وفي الراجيك في القبر وفي جهنم التي تتحرق شوقا اليك وزمرتك الفاسدة الفاشلة القاتلة سفاكة الدماء ؟


#787183 [ahmed]
0.00/5 (0 صوت)

10-02-2013 08:21 AM
قول : لمحاولة إعاقة تقدم الأخوان ، ولا تقول السودان ، السودان سيتقدم بدونكم ، والسودان ليست ملكاً لكم ، لابد افساح المجال ، نهب وسرقة وعز عليكم فراق هذا السحت


#787153 [عصمتووف]
0.00/5 (0 صوت)

10-02-2013 08:01 AM
والله الواحد ماعارف يقول شنو فتاح يا عليم رزاق يا كريم للغراب الاخرق


#787124 [زول عاضسهو كوز]
0.00/5 (0 صوت)

10-02-2013 07:35 AM
ياخي عليك الله ما تفكنا بلا تقدم بلا كلام فاضي انتو الجبتونا ورا ياخي شوف ليك برنامج تاني


#787092 [الرفاعى]
0.00/5 (0 صوت)

10-02-2013 07:10 AM
امانه فى رقبتك السودان اسا ماشى لى قدام


#787077 [بت ملوك النيل]
0.00/5 (0 صوت)

10-02-2013 06:55 AM
شبعنا ونسه


#787074 [(هوت دوغ)]
0.00/5 (0 صوت)

10-02-2013 06:47 AM
وين التقدم ده بالبلدى كده الناس طلعت جعانةجعانةجعانة كفاية استخفاف ونفاق حسبي الله ونعم الوكيل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة