الأخبار
أخبار إقليمية
فيديو: بعد خمسة وعشرون عاماً من انقلابه، البشير قرار رفع الدعم الهدف منه (إنقاذ) البلاد، والترابي يحذر من حرب أهلية



10-03-2013 09:57 AM
بعد تسعة أيام من صمته خلال التظاهرات والاحتجاجات التي عمت مدن السودان على رفع الأسعار؛ عمر البشير يقول أن المتربصين استغلوا ظروف الألم، والدكتور حسن الترابي يحذر من حرب أهلية.. شاهد الفيديو.
.


تعليقات 7 | إهداء 0 | زيارات 3219

التعليقات
#790329 [عبدالله]
0.00/5 (0 صوت)

10-04-2013 10:35 PM
طيب يا البشير الرجل اللبيب الظروف الراهنة و الناس خارجين من فيضانات هل هي ظروف مناسبة لفرض مثل هذه القرارات , الشعب رافضك انت فارض نفسك عليه ليه؟؟؟


#789427 [سعاد صالح التني]
5.00/5 (1 صوت)

10-03-2013 11:19 PM
دعوة لسحب الثقه من البشير ولأجراء انتخابات رئاسيه مبكره
دعوة لسحب الثقه من البشير ولأجراء انتخابات رئاسيه مبكره
10-03-2013 05:46 AM


كنا نخال أن في وجهه دم فيقوم من تلقاء نفسه بطرح نفسه علي الجماهير لأعادة الثقه في نفسه كرئيس للسودان في تحد قوى لمعارضيه وثقة في مؤيديه الذى يدعي زورا أنهم غالب أهل السودان بعد أن سمع بأذنيه ملايين السودانيين في كل ربوع السودان تهتف في وجهه أرحل أرحل أرحل يارقاص ...جوعت الناس يارقاص ... نحن مرقنا مرقنا مرقنا ضد الناس السرقو عرقنا وبعد أن أعترف قناصيه بحصدهم لأرواح شباب السودان اليافع الذى خرج مسالما عارى الصدر مطالبا بحقه في الحريه والعداله والعيش الكريم في وطنه علي اعتبار أن منح الثقه أو سحبها ممارسه ديموقراطيه وهو يدعي أن حكمه ديموقراطيا واعمالا لصحيح نظرية سيادة الشعب في ممارسة السلطه استخداما وممارسه وكل ذلك مكفول بنص الدستور.

وبما ان الحق الأكثر ثبوتا والذى يتغافل عنه بل وينكره البشير ونظامه هو أن الشعب مانح السلطات والسيد الأعلي في السودان يحتفظ لنفسه دوما بالحق في محاسبته ومحاسبة نظامه فأنني بالأصالة عن نفسي ونيابة عن كل نساء السودان طالما لم يأتي الأمر من الرجال أدعو كل الشعب السوداني الي سحب الثقه من البشير ونظامه وندعو في ذات الوقت لأنتخابات رئاسيه مبكره لأنقاذ البلد.


ولما كانت الجرائم التى ارتكبها البشير ونظامه منذ انقلابه المشؤم في حق كل السودانيين اصبحت مشهودة وقد شاهدها كل الشعب وكل شعوب وحكومات العالم وهو مايمنعه من طرح نفسه للثقه خوفا ورعبا من عواقب مهوله تنتظره وتنتظر نظامه فأنه يحق للملاين التي خرجت في كل اركان السودان تطالب برحيله مؤخرا هذه الملايين من حقها عزله ومحاسبته جنائيا بل يجوز لهذه الملايين اعمالا لنصوص قانون الاجراءات الجنائية القبض عليه وتقديمه للسلطات القائمة من اجل العدالة التى تشفى صدور الوطن والمواطنين ولكنها تعلم مدى سذاجة الفكره وهي تعلم أن القضاء قضاؤه والشرطه شرطته والجيش جيشه فكيف ستكون العداله غير ان هذه الجماهير الديموقراطيه بطبعها التي قطرت عليه وفي ممارسه ديموقراطيه قد اتفقوا علي سحب الثقه من البشير وتدعو لانتخابات رئاسيه مبكره انقاذا للبلد وتغاديا للمزيد من سفك الدماء السودانيه الزكيه علي ايادى زبانية البشير وتكوين حكومة قومية تشمل كل الوان الساسه والسياسيين في السودان دون عزل او استقصاء لأحد فالسودان لكل بنيه وبناته وتكوين لجنه لصياغة دستور يليق بالسودان وتطلعات السودانيين لمستقبل مشرق واعد خاليا من الخزعبلات والتخاريف والأوهام وياحبذا لو كان بدون كيزان.

سيقول قائل انه لم يمنح أحد من السودانيين ثقته للبشير الذى جاء أصلا بليل علي ظهر دبابه في انقلاب خائن خسيس علي النظام الديموقراطي المنتخب فكيف نسحبها منه وهو لم يمنحها أصلا في يوم من الأيام أقول اننا نمارس عملا وفعلا ديموقراطيا مع الأمر الواقع منذ أكثر من عقدين وصبرنا عليه مخدوعين بشعارات براقه كلها تدين وطهر وعفاف ثم أكتشفنا الأن أن من يحكمنا قد خدعنا واكتشفنا أنه قاتل ودجال ومتاجر ومحتال باسم الدين ومفرط في تراب السودان ومهين لكرامة وآدمية السودانيات قبل السودانيين بعد ان نهب ثرواتهم هو وزوجته واخوانه وباقي زمرته وجعلهم شحاتين يتسولون في بلاد الناس ثم يرقص طربا ببلاهة وغباء منقطعين النظير علي أشلاء الوطن.......فهل نسكت عليه وعلي زمرته مارأيكم يارجال السودان هل اقتراحي هذا نيابة عن نساء السودان ديموقراطي ام غير ديموقراطي؟ ولقانوني السودان الشرفاء وضع الآليه المناسبه لسحب الثقه من الرقاص ويتثني من ذلك قضاة البيض في المحكمتين العليا والدستوريه.

[email protected]


#789318 [مؤثمر وطني قال]
0.00/5 (0 صوت)

10-03-2013 09:17 PM
يا بشير ما قلت إنقصال الجنوب لن يؤثر فينا ،،،،،،،، كما قلتم نحن محصنين من الأزمة المالية العالمية و الا ده كذب الضرورة


#788657 [shims]
5.00/5 (1 صوت)

10-03-2013 10:53 AM
مافي زول في السودان كله القديم والجديد أسوأ من هذا كل المدعو الترابي === هو أصلاً أس المصائب كلها === خربها وقعد على تلها === الحرب الأهليه === الظلم الفاحش كلامك يا دكتور === سبب الظللم انت === فصل الجنوب بديت الحرب انت ونكرتها === كل السياسات الاقتصادية والسياسية الجائره انت السبب فيها === خرجت من السلطة === ولم تسطنع العيش بدونها === شيخ مريض بحب التملك وداير تعملنا مطية ليك عشان تجي السلطة === فلتذهبوا إلى الجحيم أنت ونسيبك المدعو الصادق === وتابعك عمر (اسمك حسن ولست بحسن السلوك والمعشر === وداك قال الصادق وما هو بصادق === والبشير لا بل هو نذير شؤم على البلاد)


ردود على shims
European Union [barracuda] 10-03-2013 12:46 PM
زي ما قالت النكته : ده بشير عمل فيكم كده ، طيب لو كان جاكم نذير كان عمل فيكم شنو


#788648 [Ali]
5.00/5 (1 صوت)

10-03-2013 10:47 AM
وبعد 25 سنة وزير الزراعة يقول سندعم الزراعة والانتاج وقبل 25 سنة رفع شعار نأكل مما نزرع ونمزق فاتورة القمح جل الثوار ما سمعوا بهذا الكلام قبل 25 سنة حيث لم يكونوا مولودين أو كانوا أطفال صغار


#788619 [ابوزول]
5.00/5 (3 صوت)

10-03-2013 10:29 AM
رئيسنا قوم اصحا خلاص كفاك النوم
شعبك جاع بالحيل....وما لاقي ليه هدوم
وناسك في نعيم ....قصورهم خمسة نجوم
اكلهم هوت دوج ..وبيتزا بالمشروم
ونحن ما لاقين حتي كد الدوم
يوم انصر دون شك ..اصبح اكيد معلوم
ابقي جعلي بجد ...وارجانا في الخرطوم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة