الأخبار
أخبار إقليمية
قيادية بالاتحادي الديمقراطي تنفي انسحاب الحزب من الحكومة..من الصعوبة التكهن بما ستقرره رئاسة الحزب في هذا الخصوص.
قيادية بالاتحادي الديمقراطي تنفي انسحاب الحزب من الحكومة..من الصعوبة التكهن بما ستقرره رئاسة الحزب في هذا الخصوص.


نحن شاركنا في الحكومة لمصلحة المواطن والوطن،
10-04-2013 04:57 AM
الخرطوم أ ش أ

نفت القيادية بحزب الاتحادي الديمقراطي الأصل مثابة حاج حسن، قرار انسحاب حزبها من حكومة الخرطوم بحسب ما تردد في بعض الوسائط الإعلامية، وقالت إن الحزب مؤسسي قائم على دستور، وليس من حق أي فرد أو جهة كانت، إصدار قرار، ولكن مكفول له حق التوصية فقط.

وأضافت مثابة، في تصريح لوكالة السودان للأنباء يوم الخميس أنه من الصعوبة التكهن بما ستقرره رئاسة الحزب في هذا الخصوص.

وحول أن حكومة الخرطوم لم تشاورهم في قرار رفع الدعم عن المحروقات، قالت "نحن في الحزب قضيتنا ليست في مشاورة الحكومة لنا فنحن شاركنا في الحكومة لمصلحة المواطن والوطن، وهذا هو هدفنا باعتبار إن الحكومة والمواطن والأحزاب الأخرى هم المكون الحقيقي لهذا الشعب السوداني وهو هدفنا الأساسي" مشددة على إن المسئولية جماعية لكل مكونات الشعب السوداني.

وأوضحت القيادية بحزب الاتحادي، إن الحزب قدم طرحا كاملا وبرنامجا شاملا للحكومة، ولكن الحكومة لم تحدد آلياته، في وقت نرى فيه أن البلاد ماضية في اتجاه حل المشاكل بالحوار وهذا مؤشر ايجابي، مشيرة إلى إن الحزب لا يريد الدخول في دوامة أهلية، وإننا بالحوار قد حللنا مشكلة الجنوب، مؤكدة إن كل شخص سيجد مكانه في إدارة الدولة، حتى نعمل جميعا على النهوض بالسودان وإصلاح علاقاته.


تعليقات 33 | إهداء 0 | زيارات 2601

التعليقات
#790460 [murtada eltom]
0.00/5 (0 صوت)

10-05-2013 04:58 AM
PLEASE>>>PLEASE>>FORGET ABOUT THIS PARTY >>>>IT BECAME LIKE A BIG GRAVE YARD AND MOHD OSMANN MEGANI AND HIS SON ARE INSIDE....


#790425 [الساكت]
0.00/5 (0 صوت)

10-05-2013 01:37 AM
دا كلام ما يخش في الراس ... طيب وين مصلحتنا دي ؟ في مخصصاتكم ولا رواتبكم العالية ولا أسفاركم الكتيرة للخارج؟ هذه ليس مصلحة البشعب، دي مصلحتكم انتو والكيزان


#790266 [مدحت عروة]
5.00/5 (1 صوت)

10-04-2013 08:53 PM
طيب انا عايز لى منصب فى هذه الدولة انشاء الله رئيس جمهورية!!!!!!!!!!!!!!!!!!!!!!!!!!!!!
الحزب الاتحادى الديمقراطى دخل هذه الحكومة اعتقد بشروط التحول الديمقراطى السلمى عشان البلد ما تجوط وتتحول بهدوء وسلميا الى الديمقراطية والحرية وحكم القانون والمؤسسات مش كده ؟؟؟؟؟؟؟؟
طيب ايها الشعب السودنى الفضل ادوهم فرصة يعنى نقول كده 24 سنة تانى وهم يادوب ليهم سنة مع الحكومة ولسه ما بنوا الفلل وعملوا ارصدة دولارية محترمة ادوهم فرصة ينعنشوا وتعالوا حاسبوهم بعد 24 سنة على التحول الديمقراطى!!!!!!!
انا اعتقد جازما ان الاتحادى الاصل يفكر فى انه اذا استمرت الانقاذ خير وبركة واذا شعر بقرب سقوطها يعنى فى اليوم الاخير يقوم ينسحب من الحكومة ويدعى البطولة وسيركب الموجة وطبعا ده كله يكون مراقب من لندن وليس من الخرطوم بحرى!!!!!!
الناس مبادىء يا ناس الاتحادى الاصل!!!! ياربى تكونوا سمعتوا بواحد اسمه نلسون مانديلا؟؟؟؟ده كان خليفة كبير فى جنوب افريقيا!!!!!!!!!!!!!!!!!!!! وهل سمعتم بتمسكه بفكره ومبادئه؟؟؟؟؟
الحياة عقيدة وجهاد وليس كراسى ومناصب ونقود واملاك!!!وكله زايل الا وجهه الكريم!!!!!!!!!!!!
انا لحد هسع بفتش لى فى زعيم كبير يملا العين وما لاقى غير زعيم واحد وهم هؤلاء الغبش زى ناس دكتور صلاح سنهورى وفقراء بلادى وشماشتهم الله ينصرهم على الظلمة الفاسدين تجار الدين من كل الانواع!!!!!!!


#790124 [يوسف التهامي]
0.00/5 (0 صوت)

10-04-2013 05:47 PM
ده كان رائي في المعارضه من الاول .. هذه ليست معارضه .. اذا كانت المعارضه طيله 24 عام لم نسمع بها عارضت علي شيئ في ضرر المواطن السوداني .. بال العكس تمااااااما , كان لها القدح المعلا في وصول البلاد الا هذه الهاويه سواء كان في التعليم او الصحه او الوضع الاقتصادي او الوضع المعيشي للمواطن السوداني .. معارضه كان كل همها الارتقاء بمنسوبيها للوصول الي مناصب في حكومه المؤتمر الوطني لكي ياكلو مع قيادات المؤتمر الوطني من دم وعرق الشعب السوداني ( بعني لو بتتزكرو في الانتخابات الفاتت , الصادق المهدي دخل الانتخابات وجزء من المواطنين ادوهو اصواتم وفي النهايه اتنازل بي اصواتو لي صالح المؤتمر الوطني وقبض قروش وقال بي النص _ كده اخدته جزوء من حقي العندكم _ ) عليكم الله دي بلد تقوم ليها قائمه اذا كانت المعارضه والحكومه شيئ واحد بس دايرين ياكلو والغريبه ما بيشبعو .. وتجي الاستازه اشراقه سيد محمود تقول ليك سقوط نظام البشير يعني نهايه الدوله والحضاره السودانيه .. ده علي اساس انو البشير هو الدوله وهو الحضاره السودانيه يعني ولا شنو ؟ .. البشير هو اهو من انتهي من الحضاره السودانيه والقيم والاخلق السودانيه والسودان بقي من اكتر الدول فساد في العالم .. والمواطن السوداني نفسه فقد قيمتو كانسان خارج وداخل نطاق الوطن وده كلو بي سبب البشير واعوانو ,, وتجي واحده زي الفوق دي تقول ليك نحنه دخلنا في الجكومه دي عشان مصلحه المواطن !! ..
لله درك يا وطن


#790080 [badoshi]
0.00/5 (0 صوت)

10-04-2013 05:12 PM
يسقط بيقط حزب الفتة قال مواطن يالصوص يا انتهازي


#789980 [سودانى منفرج الأسارير]
0.00/5 (0 صوت)

10-04-2013 03:27 PM
اها يا جماعة الخير "قطعت ليكم "مثابه" قول كووول اتحادى .. "امبارى دى" محمد سيداحمد موش اعلنها داوية ان هيئة القياده اجتمعت واتخذت القرار الموصوف ب "التاريخى" القاضى بأنعتاق الحزب من المؤتمر الوطنى ورحوعو "لمراحو" مع قوى ألأجماع الوطنى اللى ارجعه الى اسمو القديم "التجمع الوطنى" لقيادة الشعب السودانى للحريه والديموقراطيه!! "آل ايه آل تاريخى؟؟ و "انعتاق" و "حريه وديموكراسيه عمريه" احمد سعديه و عصمان شريفيه!!
الغريب انو الوزيرين ألأتحاديين احمد سعد وعصمان الشريف شوهدا قاعدين فى اجتماع مجلس الوزرا بتاع خميس امبارح التالت من اكتوبر ألأخضر وقد شارك الرجلان فى النقاش بحماسة من هو يعمل مع النظام كانه يعيش ابدا وعباراتهم( نحن بنشوف .. ونحن ينعتقد ..ونحن بنرى ).. تخلو تماما من اى اشارات او نغمه الى ان حزبهما ممثلا فى هيئة قيادته قرر ألأنعتاق من الحزب الحاكم!
يا شباب ما تضيعو زمنكم ودماء اخوانكم الله يستر ما يكونو ماتو سمبلا .. ان كنتو جادّين لتغيير النظام قوموا لمظاهراتكم واعتصاماتكم وخليكم من ناس المرجعيات والفحوصاتم اللى ما بتتاجل والمشاركين لدواعى وطنيه والعاوزين التغيير الناعم والبيبانم البتفوت الجمال وألأفيال اللى اصطادوها بدل "ألأرررنت (نط)" ومنظراتية "التاءات التلاته"!!... ولآّ فضوها سيره فهى وضحت عند الكل قدامى ومحدثين "هى ما لله و بس للسلطه وللجاه.. والعاجبو عاجبو والما عاجبو ياكل نارو..وكدا الحكايه خلصت!!


#789926 [roshdy]
5.00/5 (1 صوت)

10-04-2013 02:29 PM
ما الذي قدمتموه للمواطن السوداني ؟؟؟؟؟؟؟؟؟؟؟؟؟؟؟
قدمتم الوظائف لاعضائكم
وعقدتم لحذبكم
ولم نسمع عنكم شئ
وليس انتم وجدكم
كل من عمل مع هذا النظام اصبخ منهم
حسبي الله ونعم الوكيل عليكم جمبعا


#789911 [د/نادر]
0.00/5 (0 صوت)

10-04-2013 02:19 PM
انا صراحة بقول اي واحد اتحادي والله جار الميرغني والله ساكن في حي اسمه الميرغنية يستحي يعني المصالح وصل لهذه الدرجة واحد عايز يفض الشراكة لمن المظاهرات تسخن ولمن الامور تهدي شوية نسمع الكلام المايع هيئةالقيادة لم تجتمع ........ قيادة ايه هيئة ايه بالله عندكم حاجات زي ده كمان لو قلت الفتة كانت مالحة والله الشوربة ما نضجت نناقشكم فيها
لكن قضية وطن لا والف لا بالله طيروا انت والمهدي الله يلعنكم الله يلعنكم يا شرذمة يا جزم
يا اخواني بالله انسوا وجود الناس وتحركوا يا شباب يا شباب ديل عايزين يعوضوا خسائرهم بتاع الفترة الماضية لان في تماسيح اكبر منهم مسكوا البلد وحلبوها حلب مازي العساكر بتاع زمان الكان شايلهم الهاشمية زي ناس نميري كنت سامينهم العساكر دول او الاولاد الصغار دول
تبا لكم يا جزم


#789888 [مواطن غلبان]
0.00/5 (0 صوت)

10-04-2013 01:44 PM
يا جماعه الزوله دي معاها حق , اصلا الحزب الاتحادي خسر اي حاجة لمن اتفق مع النظام دا و هو يعلم حقيقته تماما , فمافي داعي للف و الدوران الان , و الشعب السوداني دا ما محتاج لي معارضة و لا غيرو و دا كلو كلام فارغ لا مرغني بنفعنا و لا ترابي و لا مهدي , الله معانا و بنصرنا و الشهداء الماتوا ديل اكبر معلمين للوطن و هم القاده و الشرفاء و القدوه الحقيقية ربنا يتقبلهم قبول حسن*


#789854 [قال آيه]
0.00/5 (0 صوت)

10-04-2013 12:36 PM
مولانا اسد الخلا سافر بسلامتو للندن للحاق بجعفورى واخذ قسط من الراحة والاستجمام علشان صيف لندن بقى فى أواخره ومالو ومال المساكين العامل ليهم مولى خليهم يكابدوا الامرين مع حكومة الظلم والطغيان المجرمة الهو مشارك فيها حتى النخاع وصم خشمو من الحاصل وماقال بغم لانو لو فتح خشمو تانى جعفورى مابيقدر يسافر لندن ... أسد الخلا معروف بانه زول انانى ويحب المال حبا جما والجماعة السفلة عرفوا نقطة ضعفه لانو عندما يشاهد ليهو دولار يتجهجه وتصيبوا الرجفة ومعروف انو جلده ..ده وقت الفيضانات والناس غرقانة وما لاقيه البتاكلو وجه اسد الخلا بفتح دور ومساجد طائفته لايواء الناس ... تقول دور ومساجد طائفتة بالالاف ، وى ليها 100 شخص
الهبه الجماهيرية كشفت حال اسد الخلا وعرته تماما ونقول ليه انتا واحد زمانو فات وغنايو مات وانت وهؤلاء السفله راكبين سرج واحد ودم هؤلاء الابطال معلق فى رقبتك ليوم القيامة واذا كنا راجيين منك رجا واطاتنا اصبحت ... قال مولانا قال !!!!!!!
(ويقال انو مولانا الكبير كان ماسك لجام حصان كتشنر عندما دخل أم درمان )
التحية مغلظة لبنات جامعة الاحفاد لقد برهنتوا انكم ارجل من .......الفى بالى


#789813 [الاشعرى]
0.00/5 (0 صوت)

10-04-2013 11:36 AM
ى الظاهر عليها عندها صفقة تجارية لم تكتمل
ياحليل الحزب الاتحادي


#789796 [Game over]
0.00/5 (0 صوت)

10-04-2013 11:15 AM
أول مرة نسمع عن قيادية إتحادية بهذا الاسم، الناس دي بتطلع من وين!! يكونوا الجماعة أدوها حاجة عشان تقول الكلام الخايب ده؟؟ بعدين متين الاتحادي الأصل مما إستلمه الميرغني كان فيه مؤسسية؟ والآن الميرغني قفل الحزب وخت المفاتيح في جيبو وفك البيرق على لندن!! لغاية ما الحكاية تهدأ ويجي راجع يملانا فقر ودجل!! لكن المرة دي راحت عليكم إنت والصادق والترابي يامساكين، الناس صحت ووعت والحمد لله.


ردود على Game over
European Union [ود المك] 10-04-2013 01:04 PM
ياجماهة الحزب ده شخص واحد ويتصرف بي مزاجو قول ليهم ارحموا نفسكم من هذا الدجال الميرغني 20 سنة بيقول سلم تسلم والنتيجة شنو ؟


#789794 [عصمتووف]
0.00/5 (0 صوت)

10-04-2013 11:12 AM
نفت القيادية بحزب الاتحادي الديمقراطي الأصل مثابة حاج حسن، قرار انسحاب حزبها من حكومة الخرطوم
إن الحزب مؤسسي قائم على دستور،
فنحن شاركنا في الحكومة لمصلحة المواطن والوطن

وهذا هو هدفنا باعتبار إن الحكومة والمواطن والأحزاب الأخرى هم المكون الحقيقي لهذا الشعب السوداني


وإننا بالحوار قد حللنا مشكلة الجنوب، مؤكدة إن كل شخص سيجد مكانه في إدارة الدولة، حتى نعمل جميعا على النهوض بالسودان وإصلاح علاقاته.


آه ه يا مرارتي وكبدي وفشفاشي من ناس ديل


#789790 [karlos]
0.00/5 (0 صوت)

10-04-2013 11:10 AM
نحن شاركنا في الحكومة لمصلحة المواطن والوطن،

مسكين المواطن اى واحد واطى و انتهازى يتحجج بالمواطن؟؟؟؟؟

ممكن تشرحوا لينا يا الاتحاديين .....

1)فوائد اشتراك الاتحاديين فى حكومة الانقاذ اقتصاديا؟؟ هل نجحتكم فى الوحدة مع الجنوب سيبك من الاتحاد مع مصر...
2)عملتوا لينا شنو فى موضوع دعم الوقود؟؟



اى واحد طائفى و منحط عايز يتكلم باسم الشعب الذى يعانى من الجوع و المرض و التشرد...

الشعب خلاص وعى يعنى فتة السادة ما بتهمه و لا بيتزا الوزير و لا هوت دوغ الرئيس الاهبل عمر البشير


#789768 [فني لاسلكي بدرجة صحفي وخال رئاسي كمان]
0.00/5 (0 صوت)

10-04-2013 10:46 AM
هذا بيان مدسوس ..انتبهوا..اعلى مؤسسة في الحزب رفعت مذكرة للمرغني بانسحاب الحزب على لسان الناطق الرسمي ابراهيم المرغني..الموضوع انتهى..احذروا الكيزان مفرقي الصفوف


#789764 [العساف]
0.00/5 (0 صوت)

10-04-2013 10:41 AM
يا مثابة الفتة بردت تعالى اكلى واتركى الوطن والمواطن فى حالو


#789762 [Njmy]
0.00/5 (0 صوت)

10-04-2013 10:41 AM
ديكور ساااااااكت


#789750 [nasr]
0.00/5 (0 صوت)

10-04-2013 10:27 AM
(....وإننا بالحوار قد حللنا مشكلة الجنوب) دي قاعدة وين؟؟؟؟؟؟دى موش جاهلة وبس دى متخلفة كمان يبدو أن مولانابيدربها علشان يحنس ليها بشبش يديها وزارة كدة قدرها والله عشنا وشفنا ناس مثابة يتكلموا فى السياسة


#789730 [نكتة حلوة]
1.00/5 (1 صوت)

10-04-2013 10:03 AM
الحمد لله حتى الان زال ثلاثة خوازيق الاتحادى(ناس الفتة و الفتات) الشعبى(مغتصيى الاطفال المثليين) والحرامية(الكفرة) الله افكنا من الخازوق الكبير - الامة(عوك عوك فوق الشوك) - عشان يتبقى المقهورين و اهل الحارة و معا نحرر بلدنا قرينا و اولادنا قروا ما فى حد احسن من حد الا بالضمير الحى


#789688 [البعاتي]
0.00/5 (0 صوت)

10-04-2013 09:09 AM
دعوا المواطن و شانه، فهو ادرى بمصلحته ومصلحة وطنه ....

فقط اهتموا بمصالحكم الشخصية ومصالح سادتكم، ولعق أحذيتهم ....

فقد ولى عهد تقبيل الأيدي المشاركة في قتل شهداء الشعب السوداني من الأطفال والنساء ...

" الان حصحص الحق " وتمايز الصف، حتى مزبلة التاريخ ستتبرا من عفنكم وعفن سادتكم...

ولا يعنينا حفدة من يكونوا طالما ارتضوا الذل والهوان ...

ان لله ما أخذ، وله ما أعطى، وكل شيء عنده بأجل مسمى ..

نسال الله الرحمة والمغفرة لشهداء انتفاضة سبتمبر، والصبر لأهاليهم ..


#789685 [لن ترتاحوا يا لصوص]
0.00/5 (0 صوت)

10-04-2013 09:06 AM
(نحن في الحزب قضيتنا ليست في مشاورة الحكومة لنا .. فنحن شاركنا في الحكومة لمصلحة المواطن والوطن..)
طيب يعنى انتو قاعدين متفرجين على قرارات الحزب الدافع لكم وعلى بطشه وقتله للمتظاهرين العزل واعتقاله لالاف النشطاء بس ورونا وين مصلحة المواطن الانتى عملتى ليها ؟؟ ولا عندكم فوائد ما بعد الخدمة ما دايرة تخليها تضيع ساكت !!!
بالمناسبة الحزب الحاكم والدافع لكى ولحزبك ( يعنى مشترى صمتكم ) قال انو ما قتل ولا متظاهر واحد ..!! انتى بس رايك شنو ؟؟ خلينا من مصلحة الوطن والمواطن ..


#789649 [ابو دلوكة]
0.00/5 (0 صوت)

10-04-2013 08:37 AM
والله زمن يا تنابلة الختمية وين التنبل الكبير ومن انتم حتي تقررون مصلحة المواطن يا تنابلة الفضﻻت وإي مشكلة جنوب ساهمتم في حلها شيخكم حاليا شابح كراع في لندن واﻷخرى في القاهرة شيخكم في ورطة ما بين حكومتي مصر والسودان حاليا ﻻ يهتم بمشاكل السودان الداخلية يتحرق يدمر ﻻ يهمه ذلك ابدا همه في مصالحه الذاتية وكفاية تمبله الصغير في القصر الرئاسي وأمﻻكه المصادرة عادة له على داير المليم


#789650 [gomma gamma]
0.00/5 (0 صوت)

10-04-2013 08:37 AM
, الشعب السودانى ياناس الاعلام عملتو لية ضغط بسبب ما تنشروة مشل هذا الزبالة من الكلام و كمان سميتوها قيادية اللة يرحم الشعب السودانى اذا قياداتة من هذا الصنف من الحمير قالت (شاركو فى الحكومة لمصلحة المواطن و الوطن الى اخر الكلام) طيب يا حكيمة اخر الزمان المواطن خرج الى الشارع فى مظاهرات احتجاح صاخبة و مات بالمئات ضد رفع الدعم و الحالة الضنكة من المعيشة و الجوع و الفقر و البؤس و الشقاء وكان الاجدر ان كنت تدرى ما تقولين ان تتقدمو باستقالاتكم و تنزلو الى الشارع مع المواطن واللة الجهل مصيبة و المصيبة الكبرى اذا كان الجاهل مرتزق و نفعى مثل هذا النوع اللهم اللهم رد عن شر القضاء و ليس اللطف فية لانك على كل شيئا . الاستحو ماتو


#789626 [kokomomen]
4.50/5 (2 صوت)

10-04-2013 07:51 AM
فنحن شاركنا في الحكومة لمصلحة المواطن والوطن،
أنتو شاركتوا فقط لمصالحكم الشخصية ليس إلا. وإذا لم ينسحب حزبكم العجوز من السلطة فهو شريك في جرائم المؤتمر اللاوطني كلها ولسوف يقطع دابركم معه إن شاء الله من أرض السودان وليرجع المرغني إن بلده مرغان، ولا نامت أعين الجبناء المتخاذلين، إذهبوا لتأكلوا من فتة المؤتمر اللاوطني المصنوعة من دماء ودموع السودانيين الشرفاء.


#789622 [samisuh]
4.50/5 (2 صوت)

10-04-2013 07:35 AM
منذ أن أتيتم بالجيش الأنجليزى للسودان قد فقدتم أهليتكم فى أدارة شئوون البلاد أبتعدوا عن السياسة وتوجهوا للتصوف وصدوا عنكم أنصار السنة بدل أن تصدوا الشعب قالت مصلحة الوطن وطن فى عينك.أنتم ليس لكم ثقل سياسى بعد أن تفتتم كالمرارة ولذلك تراوغون بسيدكم الميرغنى الذى أثبت أنه فاشل سياسى كبير ضعيف.والله العظيم المؤتمر الوطنى أفضل من حالكم


#789596 [مشكاح الثائر]
5.00/5 (2 صوت)

10-04-2013 06:21 AM
ارجو منك يا مثابة ان لا تتحدثى عن مصلحة المواطن والوطن انتم لا تعرفون شيئا الا انفسكم فقط ولا شان لكم بالمواطن والوطن فعبشى عيشتك الهنيه واتركى المواطن والوطن لشانهم فهما قدقذف بكم فى مزبلة التاريخ الى يوم يبعثون


#789595 [مصطفى شفا]
5.00/5 (1 صوت)

10-04-2013 06:21 AM
الزمي الصمت ايتها المرتزقة فقد دنت شمسكم الى الغروب


#789586 [الكلس]
0.00/5 (0 صوت)

10-04-2013 05:39 AM
ســــــــجمكم


#789585 [الدنقلاوي]
5.00/5 (1 صوت)

10-04-2013 05:32 AM
(نحن في الحزب قضيتنا ليست في مشاورة الحكومة لنا فنحن شاركنا في الحكومة لمصلحة المواطن والوطن..)

عليكم الله دي يفهموها كيف ....يعني في الحكومة قاعدين ساي لا بيشاوروكم ولا بتهشوا ولا بتنشوا ... لا ليكم في ذيادة اسعار ولا في موت الشباب الأعزل في الشوارع.
أكيد هذا المواطن الكريم والمؤثرعلى نفسه مصلحتوا في انكم تتوزروا وتقبضوا المخصصات وكل ما يلزم والله يبدوا انو قعادكم ساي ده أكبر مصلحة قدمها الكيزان للمعارضة.
رحم الله حزب الحركة الوطنية.
والله المستعان


#789583 [امجد النور]
0.00/5 (0 صوت)

10-04-2013 05:27 AM
موقف غريب من حزب اصلى انتو قايلين ديل ذى جون قرنق هولاء ليس لهم عهد وتم وضعكم للزينة فقط


#789580 [الساكت]
0.00/5 (0 صوت)

10-04-2013 05:18 AM
أنتم شاركتم لمصلحتكم فقط


ردود على الساكت
United States [كاك] 10-04-2013 11:19 AM
انت ملاحظ انو كل اعضاء الاتحادي الرفضين لفض الشراكة حريم كل وحدة فيهن رامية شباكها في بشبش زوجة ثالثة وحتي رابعة يوم ما يغمز ليها بشبش عينه لو مزوجة حتطلب الطلاق الفوري بختك يا بشبش ان كيدهن عظيم


#789575 [Almo3lim]
5.00/5 (1 صوت)

10-04-2013 05:10 AM
مثابة حاج حسن ...

انتي واحدة جرباء الفكر و يبدوا أنك تلوثت بجرثومة المؤتمر الوطني و حديثك بعيد عن الواقع ..

آخر حديث لعلي السيد بالأمس ( أتحادي أكثر من الميرغني نفسه) قال فيه :

أن الحكومة أهانتكم و تجاهلتكم منذ أول يوم دخولكم في الحكومة ..
و ظلت على هذا النهج إلى أن تقرر رفع الدعم و تأبه كثيرا لأعتراضكم ( يعني وا عبرتكم) و يواصل على السيد(سمع أضاني) ليقول أن اللجنة التي شكلها الميرغني لتقييم الوضع توصلت لقرار ( الأنسحاب) و رفعت تقريرها للميرغني و أضاف بأنه على ثقة من موافقة الميرغني ...

شوفي وضعك وين في الحزب و الحقي نفسك و بطلي مغالطات لأنه شبابكم و شباب الأمة تجاوزوكم من زمان و أنخرطوا في المظاهرات ...

و صحي النوم يا قيادية ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة