الأخبار
أخبار إقليمية
شاهد الفيلم الوثائقي (الطريق إلى السماء)
شاهد الفيلم الوثائقي (الطريق إلى السماء)
شاهد الفيلم الوثائقي (الطريق إلى السماء)
تصميم عصام عبدالله


10-04-2013 11:24 AM
انتجت (مغازي) وعرضت قناتها على يوتيوب فيلم وثائقي قصير بعنوان "الطريـق إلـى السمـاء" يتناول اللحظات الأخيرة في حياة (الشهيد/ صلاح السنهوري)
.


تعليقات 16 | إهداء 0 | زيارات 7999

التعليقات
#791269 [Musa]
0.00/5 (0 صوت)

10-05-2013 07:55 PM
ربنا يرحم الشهيد صلاح سنهوري لقد مت من اجل امثال مصعب محمد ( ودالدوحة ) الدبلج صورتو عشان يكتل الثورة و يضيع دمك الاسمو مصعب محمد دا تابع لي مجموعة الجداد الالكتروني العاملا والي الخرطوم شغال يسئ للثوار و طلعهم حرامية و اولاد كلب و بسرقو و بفبركو و عشان يثبت كلامو كتب على صورتو انو شهيد ... الشهادة دي حقت الرجال يا ابو الرجال انت و الناس الماتت في المظاهرات دي هي الرجال ما انت يا اللابد في الدوحة و تنظر و تتكلم في القنوات ... و قصة انو عمل القيلم دا هو الكلام دا من مصدر موثوق و انا متأكد منو .. وصلت بيكم البجاحة كدا ... تفي عليكم من ملة

لك الرحمة والمغفرة صلاح السنهوري و رفاق دربك


#791052 [كلتوم بت العوض]
0.00/5 (0 صوت)

10-05-2013 04:06 PM
ربنا يرحم جميع الشهداء علي امتداد السودان بس ياكيزان اول شهيد في الثوره مازن من ودمدني 12 شهيد بعدو ومافي زول فيكم زكرهم ولاكتب عنهم شي ولاالزول الزمن دا يكتب للناس المرطبه ودكاتره واهلهم مرتاحين وين عن دم الشهداء الفقراء الماتو في اول يوم من الثوره ياخي انتو عالم بتمشو مع المصالح حتي مع الشهداء وعاوزين البلد تتغير هههههههههههههههههههه


#790353 [مواطن]
5.00/5 (1 صوت)

10-04-2013 11:15 PM
أشكر مغازي جزيل الشكر،فهكذا نريد أن يكون شبابنا هو من يرسم المستقبل بحرية وحق.
وداعا أخي السوداني الحر صلاح،لم تمت!الآن فقط ابتدأت حياتك،دخلت تاريخ هذا الوطن مع العظماء الذين ضحوا من أجل الوطن وشانك شأنهم بل وأكبر،الآن تكتب صفحاتك بالتاريخ وتدون مذكراتك وتتناقل أفكارك عبر قلوب الملايين،،الأن بدأت حياتك فعلا أنت شهيد،اللهم ارحمه رحمة واسعة وتقبله شهيدا يا الله


#790317 [نوارة]
0.00/5 (0 صوت)

10-04-2013 10:14 PM
الف رحمة ونور تنزل عليه نسال الله ان يتقبله شهيدا يشهد الله الحسرة والالم عصر قلبي به شبه كبير من ابني محمد كما انه في نفس عمره لعنة الله علي البشير وعلي كلاب الامن حسبي الله ونعم الوكيل اللهم احرق قلب من حرق قلب امه اللهم ارنا في البشير عجائب قدرتك وصنعك يارب


#790131 [hadi]
0.00/5 (0 صوت)

10-04-2013 05:54 PM
الس جنات الخلد . خرجت لا تملك الا صوتك فاقتالوك غدرا.


#789969 [فوز]
5.00/5 (1 صوت)

10-04-2013 03:20 PM
يا الله يا الله يارحمان تقبله عندك شهيدا له ألرحمه ولكل شهداء بلادي .


#789951 [صفصف]
0.00/5 (0 صوت)

10-04-2013 03:03 PM
بدت شمبات أمس الخميس حزينة وكأنما كتب عليها عهد جديد من الغبن والألم، هنالك سرادق فرح يقام ذبحت على جانبه ذبيحة سالت دماؤها الحمراء، بعث على استغراب (عبير) ابنة المنطقة ولكنها إذ انقبضت من رؤية السرادق المنصوب تنفست الصعداء أنه ليس سرادق عزاء، تجربة الأسبوع الماضي كانت كريهة، مقتل أربعة شهداء في يوم واحد، شهيدان من أبناء شمبات واثنان زائران.. شهيدا شمبات اللذان تزور قبرهما شمبات الحلة كلها بعد صلاة الجمعة اليوم هما هزاع عز الدين وبابكر النور (بكور)..

في زيارة لمنزل هزاع أمس الخميس يبدو الألم طاغياً ، في الخارج وأمام البوابة سرير يرقد عليه شيخ جرحه الألم، يقول ابنه، خال هزاع، إنه جد الشهيد الذي يرفض الطعام والشراب من يومها! كان صامتاً لا رغبة له في تلقي العزاء في حفيده الشاب، وحينما تلج الدار تجد نسوة يلفهن الصمت، لكن السؤال عن كيف قتل هزّاع فجّر كل الكلام، لم يكن بإمكانهن بعدها الصمت، لم يكن بإمكانك أن ترحل أو تكتفي، قصص كثيرة تروى ليس فقط عن هزاع، بل عن بكور، وعن الشبان الآخرين أحدهم اسمه إبراهيم كلهم راحوا ضحية رصاص الغدر الآثم . كلهن يبكين بحرقة، إحداهن تعد (حبوبة) لهزاع قالت إن ذلك كله من عمر البشير لأنه عاقر، ما ضاق الجنا، بكتل في جنا الناس ويحرق حشاهم، حرقة حشانا الضقناها الله يضوقا ليه ولي أمه ولي حبوبته (زي ما هرد كبدتنا الله يهرد كبدته وكبدة أمه وحبوبته واحرق حشاهم في جناهم).

وروت أن الوالي أرسل لهم ليحضر وليعتذر، فقالت للمرسال، قل له قالت ليك حبوبته (إن انت راجل تعال).

روت أخرى كيف قتل بكور أثناء جنازة هزاع.. ضربوا بمبان ورصاص أثناء الجنازة ما راعوا حرمتها، بكري شارك في دفن هزاع ضربوه في رجله، ولما صرخ واحد قال ليه انت لسع حي اداه طلقة في راسه طوالي.

احلام ام هزاع شكت كيف انهم ضايقوهم وحاولوا منع الجنازة وجاءوا في منزلهم بستة تاتشرات ضربوا رصاص وبمبان داخل المنزل (لحدي ما جرينا دخلنا جوة).. قاصدين شنو بعد العلينا وجرحنا الفينا؟ ذكرت كيف أن هزاع كان بصدد دخول جامعة بحري (جوبا سابقا) يوم الأحد المقبل في سنة أولى، واشترى ملابسه الجديدة، كان مقبلاً على الحياة منصرفاً عن أي همٍ بالسياسة حتى أنه لا يعرف من يحكم البلد، روت بتفصيل في رواية نوردها بالفيديو كيف قتلوه بدم بارد وبتصويب على رأسه (ما ضرب عشوائي). كذلك ذكرت النسوة كيف أن عناصر الأمن حاولوا إرغام الطبيب على ألا يكتب سبب الوفاة الحقيقي (الضرب بالرصاص الحي في الرأس)، وأن يكتب أنه مات ميتة طبيعية ولكنه، بطل آخر من أبطال الشعب السوداني الذين يولدون من رحم المعاناة والصمود، أصر وكتب السبب الحقيقي غير مبالٍ بما يجره عليه ذلك من ويلات.

لم تكن حكايات النسوة في بيت العزاء تنتهي وكلها تنصب في تفنيد أكاذيب دعاية النظام أن القتل كان ردا على التخريب، اكدوا (شمبات ما كان فيها تخريب، ما انكسرت فيها ولا قزازة واحدة)، الأولاد كانوا بتظاهروا سلميا بس. وكيف أن القتل طال حتى من لم يتظاهر كما حادثة هزاع..

رواية والدة هزّاع المفصلة أدناه تؤكد حقائق عديدة أهمها أن ما قام به النظام مؤخرا من عنف بلا فرز يدل على ارتعاده وخوفه الشديدين وهو ما سوف يعجّل بتوحيد الجميع حوله، وعما قريب الهمبريب.

أحلام والدة هزاع: ما نمت تسعة أيام وما عافية حق ولدي

أنا والدة هزاع، هزاع دة طفل بريء ما عنده اي شغلة بالسياسة ولا بالمظاهرات، قام من نومه ماشي يجيب غرض للبيت، وحتى لما لقى المظاهرات كان قعد في مصطبة ما عنده اي ذنب في حاجة، وحتى هم لما جوا وقالوا ليه ثابت داير يقبل عشان يقعد في الواطة، الضربة ذاتها كانت عن قرب، بينه وبينهم خطوتين، وصوّبوها نحو مخّه طوالي، يعني ضربة ما فيها رحمة، يعني انا الليلة ولدي لو كان مع الناس المتظاهرين ديل انا كنت بقبل بالقضاء والقدر، لكن انا ولدي اتكتل غدر ظلم الناس المتظاهرين ما ضربوهم بل جروا بدل ما يسكوهم جاءوا للناس الأبرياء ولدي كان جالس لو سألتوه من الرئيس لا يعرفه ولد طفل بريء لا يعرف شيء لا يعرف سياسة زول مسكين، وحتى بعد الجثمان ما راعوا حرمة الموتى نحن شايلنه وباكين وجرحنا نازف ولسة ما زالوا بضربوا في الرصاص وبضربوا في البمبان يعني كان قصدهم شنو يعني نحن نخليه نجدعه ليهم ولا شنو؟ نحن قبلانين بحكم الله لكن دايرين حق ولدنا انا دايرة حق ولدي انا لي تسعة يوم ما نمت ما عشان ولدي مات لكن عشان مات غدر ، لو كان مات موتة طبيعية ولا موته زيو وزي الناس كنت قبلت بحكم الله، لكن ولدي انغدر وميتة ما فيها رحمة ميتة في الراس معروفة الراس دة لما ينضرب الزول بموت، كانوا يعطلوا رجلينه يعملوا ليه اي حاجة لكن ما يضربوه في الراس، حتى منظره ذاته منظر شنيع مافي زول بقدر يتحمله نحن ما بشرية؟ نحن ما ناس؟ نحن مسلمين، نحن ما كفار عشان نضرب بالطريقة دي. لكن حسبي الله ونعم الوكيل، حسبي الله ونعم الوكيل، ربنا يخلص حقي في الدنيا قبل الآخرة، كل لحظة ألم انا عشتها اتمنى رب العالمين ينتقم منها في الدنيا قبل الآخرة، أي لحظة الم انا ضقتها خليتها لله والرسول انا ما عافية نهائي، خليت ولدي في البيت وجيت لقيته في المقابر، أنا ما عافية خالص خالص.

شاهد الفيديو:

https://www.facebook.com/ralsadig?ref=tn_tnmn
’’’’’’’’’’’’’
منقول : (حريات )


#789940 [امازن مدثر]
5.00/5 (1 صوت)

10-04-2013 02:48 PM
استسمح الاخ الشاعر

بكيت عليك
لا بينى بينك معرفة
لا كنت اعرف ليك اسم
بس شفت محياك مبتسم

عزائنا فيك
انك شهيد
عشان بلادك يا بطل
رحلت مننا بالجسم

دمك السال للوطن
وعمرك الراح فى الزمن
تبقى ذكراك يا صلاح
انشوده من اغلى النغم


#789876 [مواطن غلبان]
5.00/5 (1 صوت)

10-04-2013 01:21 PM
ربنا يرحموا و يتقبلو و كل شهداء السودان اللذين قتلهم هذا النظام بدون وجه حق منذ اعتلائه للسلطة سنة 89 و ربنا يورينا يوم في الظلمة و اولاد الحرام و ينصر ثورتنا


#789856 [صفصف]
5.00/5 (1 صوت)

10-04-2013 12:38 PM
وبكيت عليك
لا بيني بينك ذكريات
لا كنت بعرف ليك اسم
بس شفت ثغرك ميتسم
,,,,,,,,,,,,,,,,,,,,,,,,,,
بكيت من عذوبة الشعر وقوته وصدقه كما بكيتك ياصلاح يوم غدرك انت ورفاقك الشهداء ,, يومها حزنت على شبابكم وطفولتكم الحالمة بغد افضل
واليوم ابكاني الشعر كأنني اعرفكم فردا فرد
نسال الله لكم نعيم الجنة ولاهلكم الصبر الجميل


ردود على صفصف
[الحريه قبل الخبز احيانا] 10-04-2013 03:33 PM
والله صدقت ياصفصف


#789848 [سوداني]
5.00/5 (1 صوت)

10-04-2013 12:29 PM
انة عمل رايع ومجهود مقدر في حق الذين روي بدماءهم الطاهرة ارض الوطن من اجل ان يعيش غيرة في نعيم انهم اناس عاشو لغيرهم ولطالما عاشوا لغيرهم فيجب ان لا نترك دمرهم يروح هدرا ......انهم صناع الثورة ......اللهم اجعلهم من الصديقين والشهداء ولاهلة الصبر


ردود على سوداني
[السودانى الجد جد] 10-04-2013 04:51 PM
كويس ياسودانى قلته نة عمل رايع ومجهود مقدر لاحظوا الصوره الاولى والتانيه والاخبره الفى المستشفى فبركه كويس انكم بتعرفوا الانتاج ثوره شنو البتعملوها انتو ومنو بديلكم مجرمى الاحزاب ام بقايا جيش لايقوى على الصمود عاينوا للدول القامت فيها ثورات الربيع العربى فى واحده قامت ليها قايمه لو منتظرين الاحزاب تعمل حاجه الرماد كال حماد مافى داعى للتغيير لانو مافى بديل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة