الأخبار
أخبار إقليمية
الشيخ عبد الحي يوسف يحذر من الزواج "بالجنيات"
الشيخ عبد الحي يوسف يحذر من الزواج "بالجنيات"
الشيخ عبد الحي يوسف يحذر من الزواج


متجاهلاً مجازر الخرطوم
10-05-2013 05:48 PM
الفكي

بعد انتظاره طويلاً للافتاء والرأي في المجازر التي إرتكبها تنظيم الاخوان المسلمين بالخرطوم وقمع المتظاهرين والعنف الذي ووجهت به المظاهرات من قبل مليشيات النظام الحاكم مما أدى الى مقتل اكثر من 200 مواطن ، الشيخ عبد الحي يوسف يخرج عن صمته وحذر من زواج الشباب من "الجنيات" ...




تعليقات 79 | إهداء 0 | زيارات 20492

صفحة 1 من 212>
التعليقات
#792858 [ودقلبا]
0.00/5 (0 صوت)

10-07-2013 03:21 AM
(لا مجال للتقدم بغير الدولة العلمانية و صدق العالم والمفكر الإنجليزى كيث وارد ، وهو أستاذ مشهود له بالرصانة والعمق في الدراسات اللاهوتية شغل سابقا أرفع كرسي في اللاهوت والعقيدة بأوكسفورد، وهو اليوم يشغل الكرسي ذاته بمعهد غريشام في لندن و هو عضو الأكاديمية البريطانية، ومساعد رئيس المؤتمر العالمي للأديان، وله أكثر من عشرين مؤلفا ، صدر له كتاب مهم العام الماضي اقتتحه بمقدمة قال فيها:
"(الدولة الدينية) قوة مدمرة تغذي التعصب والتزمت والعنف، ومن دونها يمكن للبشرية أن تعيش في حال ط
ب حسن. والصفحات الطويلة والمظلمة من تاريخنا الإنساني، و واقعُنا المعاصر، يؤكدان هذا الحكم ...."فالتذهب انت وعالمك المفكر اللاهوتىكيث واردوالذى تستشهد بكلماته الى الجحيم . وحسبنا ما جاء به الخاتم المعصوم صلوات ربى وتسليمه عليه (تركت فيكم ما ان تمسكتم به لن تضلوا بعده ابدا كتاب الله وسنتى )


#792832 [مواطن بايخ]
5.00/5 (1 صوت)

10-07-2013 01:27 AM
مولانا عبد الحي
خلي الكلام الني
انسي الزعط يا الشيخ
ركز معانا شوي
الثورة فى الخرطوم
يا عبدو ما فى دبي

مولانا عبد الحي

هتف الشباب فى الحي
حرية حرية
قلوب على السودان
مليانة حنية
ماكانت الأحلام
يا المفتى (جنية)
ما كان منى الثوار
فياغرا..
طحنية


#792199 [adil a omer]
5.00/5 (1 صوت)

10-06-2013 03:11 PM
خلاص اتزوجوا الككويات


#792180 [kola]
0.00/5 (0 صوت)

10-06-2013 02:50 PM
هولاء الشيوخ لن يكون لهم وجود مابعد البشير وسوف نقتلعهم من الارض اقتلاعاً , وسوف نستبدلهم بشيوخ يخافون الله ولايخافون الحاكم


#792152 [القاضي]
1.00/5 (2 صوت)

10-06-2013 02:31 PM
غض النظر عن صحة هذا الكلام من حيث نسبته لدكتور عبدالحي عندي تساؤلات :
-لماذا نشر هذا الموضوع في هذا الوقت وما المغزى منه ؟
هل خلاص أخبار الثورة المزعومة انتهت وخلصت؟
-لماذا هذا الحقد ع الشيوخ وإتهامهم زورا وبهتانا من أنهم شيوخ سلطان خصوصا أننا نتابع خطبه وفيها لوم وتنديد بالحكومة وإجراءاتها ؟
نصائح:
للشباب البقولوا الناس في شنو؟
اسألوا لماذا نشر هذا الخبر ﻷن الشيخ ربما سأله سائل فلابد له أن يجيب بغض النظر عن ماهية الموضوع،
-عموما لا يمكن أن تقوم إنتفاضة شعبية هدفها حرب الدين ,الناس الخرجت دافعها فشل حكومتنا سياسيا وأمنيا واقتصاديا لكن أبدا ما خرجوا ولن يخرجوا لعلمانية أو شيوعية ولا يمكن ﻷي ثورة وإنتفاضة أن تنجح دون مشاركة اﻹسلاميين والمظاهرات التي نسمع بها في الجوار معظمها يخرج من الجوامع
-إذا عاوزين الحكومة دي تغور تحروا المصداقية ووضحوا رؤيتكم وتوجهاتكم عشان الناس تقدر تحكم عليكم وشغل الضبابية ما بينفع إسقاط الحكومة ليس بمغزى بقدر ما يهمنا إنتشال بلادنا من الفشل وتحقيق العدالة ومحاربة الفساد وإستتباب اﻷمن في البلاد.


#792135 [إبن السودان البار ***]
5.00/5 (1 صوت)

10-06-2013 02:18 PM
الخليجيين عندهم مثل يقول ( القطو في بلد العمايا بيسمن ) أي القط أو الكديسة ؟؟؟عبد الحي إغتني في الأمارات عندما كان يمارس الدجل وسط الأماراتيات وتم إبعاده بعد إكتشاف جرائمه ؟؟؟ ويا أمة ضحكت من جهلها الأمم ؟؟؟ هنالك سؤال محير يا شيخنا الهمام هل الجنيات مشوهات بالفرعوني وألا كما خلقهم الله ؟؟؟ والكيزان الشاذين هل ممكن يلقوا جنيين ؟؟؟ وبعدين يا عبد الحي الجنية دي ما مصنوع من نار فهل الحا يعاشرها حا يتشوشو والا لا ؟؟؟


#792067 [ساهر]
0.00/5 (0 صوت)

10-06-2013 01:29 PM
هذه (حركات) فقط لجر الانتباه بعيداً عن جماعة أنصار السنة التي قد تكون (تلقت) أموالا من جهات خارجية للعب دور لها في المسرح السوداني الذي سوف يشهد تحولات ضخمة لا محالة. قس على ذلك: قبل حرب أكتوبر بأيام دست جريدة الأهرام الحكومية خبراً على صحفاتها الداخلية مفاده اعتزام بعض كبار ضباط الجبيش المصري آداء عمرة رمضان في ذلك العام. ومن المعروف أن إسرائيل تقوم بتحليل لأخبار التي ترد على صحيفة الأهرام. لقد دسوا لها السم في الدسم.جنيات بتاع أيه زول دول (أذكياء) جداً.


#792057 [محمد]
0.00/5 (0 صوت)

10-06-2013 01:22 PM
يا جماعة الزول اعذروهو لانو اتخطف ولدو وبقى يبكي ويتوسل لهم الى ان اعادوا له ابنه . يعني الزول دا ملدوغ لدغة قوية من الكيزان . الان هو تحت التصنيف الذي يقول ( الساكت عن الحق شيطان أخرس ) شيخ كيخة .


#792035 [بعشوم]
0.00/5 (0 صوت)

10-06-2013 01:07 PM
علماء الكيزان هم ام االبلاء يجب محاربتهم اولا لانهم ابواق النظام الذين يزينون ويبررون لهم قتل وسحل المواطنين ..


#791894 [محمد حسن الحلاوي]
0.00/5 (0 صوت)

10-06-2013 11:26 AM
(عدم الشغلة بعلم المشُاط اسي هئية علماء السلطان دي فرقها شنو من المشاطات تحت شدرة النيم جبنة سيدي الحسن وطلقوها وعرسوها) هؤلاء السفلة لايعون معني الاسلام الحق فهم علماء الولاء والفساتين الضيقة كانما انحصرت تعاليم ديننا في هوسهم المتعفن سبق وان تم تكفيري واخوه اكارم من هذا المدعو عبدالحي لخروجنا علي النظام الفاسد ولقولنا الحق لاننا كنا غير مغيبين ونعرف كنه الاسلام السياسي حتي اهلنا كانو يرون في هذا البشير وزبانيته اهل صلاح الهي وتُشم في اجسادهم المتخنه بالدهون ريح الجنة لتروج عبدالحي وازلامة لها ليس الا لذلك ان ياتينا عبدالحي هذا وفي هذا التوقيت ليحزرنا من زواج الجن ما هو الا لعب لالهاء الناس بقضايا انصرافية لا علاقة لها بوطن ولا دين .
دمتم سالمين


#791890 [محمد حسن الحلاوي]
5.00/5 (1 صوت)

10-06-2013 11:22 AM
(عدم الشغلة بعلم المشُاط اسي هئية علماء السلطان دي فرقها شنو من المشاطات تحت شدرة النيم جبنة سيدي الحسن وطلقوها وعرسوها) هؤلاء السفلة لايعون معني الاسلام الحق فهم علماء الولاء والفساتين الضيقة كانما انحصرت تعاليم ديننا في هوسهم المتعفن سبق وان تم تكفيري واخوه اكارم من هذا المدعو عبدالحي لخروجنا علي النظام الفاسد ولقولنا الحق لاننا كنا غير مغيبين ونعرف كنه الاسلام السياسي حتي اهلنا كانو يرون في هذا البشير وزبانيته اهل صلاح الهي وتُشم في اجسادهم المتخنه بالدهون ريح الجنة لتروج عبدالحي وازلامة لها ليس الا لذلك ان ياتينا عبدالحي هذا وفي هذا التوقيت ليحزرنا من زواج الجن ما هو الا لعب لالهاء الناس بقضايا انصرافية لا علاقة لها بوطن ولا دين .
دمتم سالمين


#791881 [محمد علي]
0.00/5 (0 صوت)

10-06-2013 11:15 AM
هل إذا تزواج الإنس والجن ينجبون؟إذا كانت إجابة الشيخ بنعم، فعليه أن ينصح مولاه البشير أن يتزوج من جنية عسى تنجب شيطانا آخر يساعده في الأزمات وفي حكم البلاد والبطش..


للذكرى

كل مسئولي المؤتمر الوثني يعبدون الجن ويستخدمونهم وخاصة ما يسمى بشيخ على/ المسخ القبيح


#791799 [شوق]
5.00/5 (3 صوت)

10-06-2013 10:09 AM
كملتو فتاويكم عن الانسيات قبلتو على الجنيات ..
سبحان الله استحقيت مقولة علماء السلطان وبجدارة


#791768 [ود على]
3.00/5 (3 صوت)

10-06-2013 09:47 AM
السلام عليكم يا اخوانا خافو الله فى الشيخ كلنا بنكره الكيزان والا الجبهجية الارزقية بس الرجال كلامو فى موضوع معين ما فى داعى للشتائم والاساءة نحنو نحترمو لانو رجل دين وداعية اسلامى ولة دور فى الدعوة الى الله واحتمال يكونو الكلاب ديل ما رسلو علية بعض ال 00000


ردود على ود على
United States [ماجد] 10-06-2013 04:03 PM
كدي امشي اخد ليك كورس محو امية اول ،،، بعدين تعال اتكلم عن شيخك العبوس ده !!! .


#791716 [قال مشروع حضاري]
4.50/5 (7 صوت)

10-06-2013 09:10 AM
يا شيخ في جنبة بتحبنى وعايزة تتزوجني وابوها الجني رافض الزواج وامها موافقة لكن امها في بلد تاني وخال المرأة الجني ابو كلابيش قال اخروا الزواج لغاية ما يجي من مثلث برمودا بعدسنتين دا لو ما تم انتدابه الى المحيط الهادي واخت الجنية الجنية حا تجي من بلاد الواق واق مع اولادها بس ما لاقين تأشيرة للسودان لأنو جواز ا لمراة ضائع والراجل شغال مغترب في كندا ووعائلة الجنية التي بت حبمي ما عندهم اوراق ثبوتية ولا رقم وطني ولا جواز الكتروني والشهود قالوا ما بدخلو المسجد عشان يكتمل العقد.. هل اعقد عليها بدون شهود؟ وخايف تنقلب علي ولا تبهدلني بعد الزواج لكن بصراحة كل احسن من المؤتمر الوطني والجبهجية الكذابين تجار الدين..


#791714 [abu khaled]
4.50/5 (4 صوت)

10-06-2013 09:09 AM
اذا زواج الانسية اصبح مستحيل هل يجوز زواج جنية وهل ترضى بالعيش في السودان بعد هاجرت عائلتها وتركت السودان للكيزان


#791562 [الفاتح]
5.00/5 (1 صوت)

10-06-2013 07:37 AM
وديك (الجن) رفيق همي و غناي وفني
سوي طريقة لي نهبة و صبح متهني
ما هماهو باسط مية سكرة ينني


#791527 [معاويــــــــــــــــــــــــــــــــــة]
5.00/5 (1 صوت)

10-06-2013 06:31 AM
كدى افتى لينا بس فى رقيص امير المؤمنين عمر البشير


#791516 [عبدالرحمن]
0.00/5 (0 صوت)

10-06-2013 06:09 AM
كدي يا يوسف خليك من الهلوسة بتاعتك دي انا سألتك بالله ترد علي سؤالي دا لو قريته: انت انسان مسلم و قبل اليوم في حلقة برامج كنت انت بترد علي اسئلة المشاهدين مباشرة في التلفزيون , في بنت في اتصالها قالت ليك انا عاوزاك تتزوجني , ليش كسفتها ؟ انت ما راجل؟؟؟ ردك ليها دا ما من ردود الرجال انت بتنصح الناس ما يتزوجوا جنية (الله يهديك) طيب دي قدمت ليك نفسها و انت رفضت /دي بعد رفضك لو جاها يهودي بعد كلامك دا و انت مسلم ممكن تتزوجه لذلك المفروض تتريس في ردودك و نسأك الله لك الهداية .


#791508 [كمال الشناوي]
0.00/5 (0 صوت)

10-06-2013 05:40 AM
الشيخ الداعية الاسلامي عبد الحى يوسف الناس في شنو وانت في شنو خلينا من الكلام ده البلد منهية ثمرات المستقبل بتموت في الشوارع الشعب رافض النظام الحاكم الشعب يريد إسقاط النظام الشعب يريد تغير النظام تكلم عن الاحداث وخليك شجاع وارفع راسك هيبة وجبرة وخلي جراح شعبك تبرى


#791501 [ali]
5.00/5 (1 صوت)

10-06-2013 04:36 AM
هههههههههههههههههههه ياخى ده اظرف شيخ فى السودان اذا داير تعرس انسيه داير ليك 60 مليون والجني لا تعريفه لا مليم عليكم الله البعرف ليهو جنويه عايزه عريس كلمونى


#791494 [مواطن]
5.00/5 (3 صوت)

10-06-2013 04:03 AM
معليش الطباعة غلط ,,هو قصده التحذير من الزواج بالجنيهات!! بس غلطوا وطبعوها غلط
يحذر الشباب الصعاليق المفلسين من الزواج بالجنيهات من أجل التخريب والحرق.


#791486 [الضواها]
5.00/5 (1 صوت)

10-06-2013 03:09 AM
محنتونا معاكم....حسبوا نسوان....وعبدوا جنيات....وحد اتخصص فى النساء والثانى الجنيات...
طيب الجنيه ده يا شيخنا تتحجب ولا .....وهل يجوز الواقى الزكرى حتى لا تنجب انسجان(انسان جان)
جن يكسر رقبتك قول امين....


#791485 [ماسورة]
5.00/5 (2 صوت)

10-06-2013 02:49 AM
عبدو دا لذيذ خلاص
بالله!!
وحات اللة تلقاك معرس اربعة
جنيات
اللة يجازيك يا القصير المدغلب


#791446 [مامادو]
4.75/5 (3 صوت)

10-06-2013 12:16 AM
طيب انت اختصر الموضوع ياعبدو رررووووق
وقول للناس ماتتزوجو من الكيزان والمؤتمرجيات الوطنيات
لانو مافي جن تاني غير الكيزان وامثالكم.


#791438 [يا عبدو.... روق!]
5.00/5 (4 صوت)

10-05-2013 11:50 PM
أعتقد أن هذه رسالة مشفرة .... لأشخاص محددين!!

طيب يا عبدو.... رأيك شنو في الامام القرطبي.... مفسر القرآن.... هل تزوج؟

بعدين.... ليس بالضرورة.... إنو كل عازب..... متزوج جنية!!!....

الشباب إنسية ما قادرين يعرسوها..... يعرسو جنية!!!

وهو انت فاكر الجن ده فاكيها ساي كده..... ات وهمان ساي....!!!

سؤال تعجيزي لعبدو: نتيجة الزواج الذي حذرت منو جن ولا إنس....!!!

أقول ليك....انسى


ردود على يا عبدو.... روق!
[مرقنا... وادسينا تاني] 10-06-2013 02:50 PM
لمثلك نحن نحضر لهذا الهواء الطلق في الراكوبة، تعليق من الظرف ما يجعلع زيادات الحكومة تهون علينا .. كدي انت انا اسألك يعني اذا مشيت لي بيت فيه واحد عمرة ستين سنة وبيته مفرش معناها متزوج ليه جنية ( يا اخي عندنا جارنا ما بقدر يجر رجلينة في الواطة عرس شنو ليه .. لكن منظم جد) تعرف الحكومة دي عندها حسنات .. في متعة كدا ( الدفاع بالنظر) .. ( شذاذ آفاق) ( الحس كوعك) ( كديس ما بسلمه) ..( الهوت دوغ) .. ( ماتاكلوا كسرة) وأخيراً ( زواج الجنيات)
دا ياهو زاته البطول عمر الحكومة دي تكون راسك لاف ومافاهم انت شايت وين ولا مع منو ... عجيب ياخ

[كاك] 10-06-2013 12:36 AM
واحد كان عايز يزوج بنت عمه لكن عم رفض بشدة في يوم ساعة الغداء قاعد العم والولد جلسوا في الاكل الولد ماسما يعني ما قال بسم الله عمه قال له! ليه ما تسمي لوماسميت الابليس بياكل الاكل الولد قا لعمه الابليس اخير منك على الاقل بيعطيني بنته


#791423 [المتجهجه بسبب الانفصال]
4.63/5 (12 صوت)

10-05-2013 11:07 PM
ورونا الجنيات ديل وين ،، دي حياة زوجية حا تكون في منتهى الرفاهية ،، والأهم حا تكون بمنأى عن عيون ضبط الامن الشامل والجلد سواء لبست بنطلون ولا مشت أم فكو،،


#791402 [abusafarouq]
5.00/5 (1 صوت)

10-05-2013 10:37 PM
عبد الحى شاف المتزوج بالجنية وين أفتو لينا فى أفعال بنى أدم بلاش من عالم الجنون الغيبية ولم نراهم تدخلنا فى متاهات ياشيخ : هل قتل المعصومين من المسلمين والمسلمات حرام أم حلال فى شرع الله وهو جوعان حرمه الحاكم وأستولى على قوته ولم يترك له شيىء له ولا لعياله يريد الاقتصاص حقه من الحاكم لأنك أنت الذى أفتيت لنا صوتو للقوى الامين هو البشير والامين طلع خائن ظلمنا وقتلنا وما حكم الشرع على الحاكم الظالم الذى لايحكم بكتاب الله وهو يحلف كذبا أنه يحكم بشرع الله ويردد هى لله هى لله


#791398 [وجع]
5.00/5 (3 صوت)

10-05-2013 10:31 PM
هو عبد الحي لسه حي.......

بعدين الكاروري قال نحلي المويه ونصدرها.... هاك التحلية دي ...

قل ليهو قرب ينتهي الدافوري...
وبكرة الشعب يحاكم لص كافوري...
وباصات الوالى تضرب بوري ...
ونهتف ونهتف شهيد شهيد يا سنهوري


#791396 [صابر]
4.50/5 (3 صوت)

10-05-2013 10:29 PM
قوم بلا شيخ بلا إفك. هذا أفاك ضلل الكثيرين من الشباب وجندهم للقتال في الصومال وغيرها وهو بروس نبت وترعرع في عهد الإنقاذ.
هذا ما يعرفونه، النكاح سواء كان من الإنس أو الجان.
يعني الناس في شنو والكيزان في شنو، الشباب يقتلون بالرصاص الحي وعبد الحي يحدثنا بأن عليهم أن لا يتزوجوا بالجنيات. يعني شهداء السودان وشبابه الثائر الآن ضللتهم الجنيات وأولئل الذين غرروا بهم في محرقة الجنوب زوجهم الترابي بالحورالعين.
يا "سيخ" إنت، شوف ليك موضوع تاني اتكلم فيه والعاصفة حاتشيلك وتشيل الكيزان الزرعوك. كلكم قطط سمينة، وجوهكم وملابسكم لامعة همكم الوحيد هو ممارسة التنويم المغنطيسي على شعبنا الذي قال لكم كفى إفكا وتلفيقا وتسترا باسم الدين.
سيظهر علينا المدعو دفع الله حسب الرسول ليعطينا درسا آخرا في حل مشاكل السودان بزواج القصر. جاتكم داهية يا كيزان الجهل النشط.


#791384 [Zingar]
0.00/5 (0 صوت)

10-05-2013 10:07 PM
الجن موجود ولا أى إنسان مؤمن ينكر وجوده لأنه ذكر فى القرأن ولكنه لا يظهر ابدا للناس وكل من يدعى بأنه رأى الجن عليه ان يراجع طبيب نفسى.

سأل احد الصحابه الرسول الكريم هل رأيت الجن يارسول الله فرد عليه لولا دعوة أخينا سليمان لأمسكت به وعلقته فى مأذنة هذا المسجد وتركت الصغار يلعبون به.

إنتهى الكلام يا عبدالحى وبلاش دجل معاك


#791383 [محمد كرياب]
1.00/5 (3 صوت)

10-05-2013 10:05 PM
ياشباب الكيزان سرقوا البلد لكن كلامكم عن شيخ عبدالحي يوسف ما صاح ولا يجوز وكرهنا للكيزان ما مفروض يوثر على محبتنا لدينة واهل الدين استغفروا ربكم


ردود على محمد كرياب
[المتجهجه بسبب الانفصال] 10-06-2013 07:11 AM
فهمك للدين في الأشخاص ،،، يعني لو الناس اتكلمت في عبدالحي كره للدين ،، سبحان الله


#791382 [ود الماحي]
0.00/5 (0 صوت)

10-05-2013 10:03 PM
ما عارف والله.... لكن دائما في سؤال كنت بميز بيه الشيوخ بتاعين الحكومة وشيوخ الدين صحي صحي السؤال" رأى الدين في الضرائب والجمارك " شيخ عبد الحي ومحمد الأمين إسماعيل والمرحوم محمدسيد وشيخ قسم الله وواحد نسيت أسمه أفتو بعدم جواز الضرائب والجمارك
ممكن البرنامج مسجل


#791377 [القطاع العام]
5.00/5 (2 صوت)

10-05-2013 09:56 PM
يا جماعة الشيخ المنفلوطي ده قاصد زواج أب جاعورة من وداد الطرابلسي


#791366 [ود الدلنج]
5.00/5 (3 صوت)

10-05-2013 09:44 PM
أنت مالك ومالنا نتزوج جنيات ولا غيرهن ، على الأقل الجنية ما عايز طلبات ما قادرين عليها بسببك يا جاهل ، يعني واحد يكون حافظ ليه حديثين تلاتة وبعض من آيات القرآن وداير يجي يتكلم في كل شيء إلا الفساد والسرقة الحكومية . ده دين شنو . ويكفي هذا الجاهل أنه أحدث فتن كبرى بين أبناء الوطن بفتاويه الخرقاء . ما يبقي راجل ويتكلم عن فساد أفراد الحكومة وسرقتهم وقتلهم لبعضهم البعض ، وقتل المواطنين وغيرها من بلاوي لو أصلاً هدفه الدين


#791360 [عاصم]
3.50/5 (3 صوت)

10-05-2013 09:39 PM
يا جماعة عبد الحي يوسف واحد من جماعة علماء الانقاذ ولو تتذكروا قبل فترة حرم الخروج في المظاهرات واعتبرها خروج عن الحاكم الذي انعمه هو وجوع الشعب كله واهانه عبد الحي عالم ضل طريقه وبدأ يقدس الانقاذ مثل الكاروري تماما واسمهم هيئة علماء السودان كما يحلو للانقاذ تسميتهم ولكن في الحقيقة هيئة مضلين السودان وحسابهم عسير امام ربهم


#791336 [ود النوبة]
5.00/5 (2 صوت)

10-05-2013 09:12 PM
هو في واحد لاقي ليه جنية علشان يعرسها اصلاً وين وين ؟؟؟ قول لينا ياشيخ


#791331 [القادمون الجدد]
5.00/5 (2 صوت)

10-05-2013 09:08 PM
هن وين الجنيات ؟


#791321 [عبدالله]
4.50/5 (2 صوت)

10-05-2013 08:59 PM
شيخ عبدالحي انت طاش شبكة و اللا شنو و خليك مع مشاكل الشعب مشاكل الشعب انت انسان مسلم


ردود على عبدالله
[كاك] 10-06-2013 12:39 AM
اكيد طاش شبكة قال الاولاد يمشوا وين هو ما سمع بالواقي الذكري ولا حبوب منع الحمل يجيبوا اولاد لشنو


#791307 [سرحان]
4.75/5 (4 صوت)

10-05-2013 08:41 PM
كتبنا في مكان آخر ما نقتبس منه هنا : ليس هناك أمل لفكرة الدولة الدينية ... لا أدري هل يحتاج الناس مزيدا من التجارب المريرة ، من حروب و دماء و فقر و إذلال و جلد و سرقة و انحلال أخلاقي حتى يقتنعوا بأنه لا حل سوى بالدولة العلمانية ، انظروا للخلف ن للماضي و تلفتوا حواليكم لتروا هل هناك حكم لدولة دينية كان ناجحا و قاد البشرية للأمام ؟ تذكروا كيف أن الدولة الدينية في أزهى عصورها كانت تعتمد في اقتصادها على الغنائم ، أي الحصول على ثروات الآخرين الجاهزة ، و كانت تعتمد على استغلال الأرقاء الذين تسترقهم من أمم أخرى بدعوى أنهم لم يستجيبوا للدعوة فوقعوا في الأسر أغلبهم أطفالا لا ذنب لهم لكن ضُرب عليهم الرق ... تذكروا ملايين السبايا اللائي كن يُغتصبن عشية هزيمة قومهن ، كن يغتصبن و دماء أهلهن لم تجف بعد ... تذكروا أن الدولة الدينية هي دولة البؤس و الأحزان و التخلف فلا مبدعين و لا تقدم ... كيف تنتج مبدعين و هي دولة الكبت و القهر و التخويف و الجلد و القطع و الرجم ، و الحرية شرط الإبداع ، عبر التاريخ كان المبدعين هم أكثر من اتهموا بالهرطقة حتى في تاريخنا ، قولوا لي أيهم لم يتهم بالكفر و الإلحاد (أقدمهم ابن المقفع "توفي 145 هـ"، جابر ابن حيان ، الخوارزمي الجاحظ ، الكندي ، عباس بن فرناس ، ثابت بن قرة ، اليعقوبي ، الرازي ، البتاني ، المسعودي ، مسكويه ، ابن سينا ، ابن الهيثم ، ابن النديم ، أبو العلاء المعرّي ، ابن باجه ، الأدريسي ، ابن طفيل ، ابن رشد ابن جبير ، الطوسي ، ابن البناء ، و آخرهم ابن بطوطة المتوفى 779 هـ . أي طوال سبعمائة سنة لم ينجو منهم أحد من التكفير ، انظر كتاب (حقيقة الحضارة الإسلامية) و كيف أن مؤلفه السلفي نصر بن حامد ، أثبت فيه كفرل كل العلماء الذين ذكرناهم مستشهدا بآراء ابن تيمية و ابن الصلاح و ابن القيم و ابن كثير و غيرهم من السلفيين ... الحقيقة أنه في ظل امبراطورية ممتدة مكتنزة بالثروات ، و عبر أكثر من سبعة قرون لا تنجب سوى هذا العدد المتواضع و يتم تكفيرهم هو أمر يدعو للحزن . انظروا للسودان و الصومال و العراق و باكستان و افغانستان و قولي لي أيهم تعيش السلام و لا مجازر و تفجيرات و قتل و اغتصاب ... لا مجال للتقدم بغير الدولة العلمانية و صدق العالم والمفكر الإنجليزى كيث وارد ، وهو أستاذ مشهود له بالرصانة والعمق في الدراسات اللاهوتية شغل سابقا أرفع كرسي في اللاهوت والعقيدة بأوكسفورد، وهو اليوم يشغل الكرسي ذاته بمعهد غريشام في لندن و هو عضو الأكاديمية البريطانية، ومساعد رئيس المؤتمر العالمي للأديان، وله أكثر من عشرين مؤلفا ، صدر له كتاب مهم العام الماضي اقتتحه بمقدمة قال فيها:
"(الدولة الدينية) قوة مدمرة تغذي التعصب والتزمت والعنف، ومن دونها يمكن للبشرية أن تعيش في حال طيب حسن. والصفحات الطويلة والمظلمة من تاريخنا الإنساني، و واقعُنا المعاصر، يؤكدان هذا الحكم ...." حقا إنها تنتج أمثال عبد الحي المهموم بزواج الجنيات و العالم في نظرية الجينات الهندسية ، عجايب .


ردود على سرحان
United States [محمد فتحي] 10-07-2013 02:49 AM
والله انت يا سرحان تلوي رقبة التاريخ، فالحكم الاسلامي الاول اتبعه ازدهار اقتصادي وعلمي اسس لنهوض أوربا ، وعلماء الأندلس أوضح مثال، فإذا نظرنا الي الدول العلمانية في العالم اليوم من ناحية الاقتصاد اثبتت فشلها في هذه الناحية ، والأزمات الماليه العالميه المتكرره خير مثال علي فشل العلمانيوون في إدارة الاقتصاد العالمي.
فالاسلام الصحيح قادم ،

[ودقلبا] 10-07-2013 01:21 AM
الثورة قامت من اجل محاربة سياسات الدولة الفاشلة فى كل المجالات بالرغم من تدثرها زورا بعباءة الدين ولم تقم الثورة لمحاربة الدين ذاته يا اخونا Tattoبعدين المستنيرين ديل لو كانو على شاكلتك انت والمدعو سرحان عليه العوض ومنو العوض نصيحتى لكما تدبر قوله تعالى : (وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم ومن يعص الله ورسوله فقد ضل ضلالا مبينا .) انى لكم من الناصحين هدانى الله واياكما وان عدتم عدنا

United States [Tatto] 10-06-2013 09:16 AM
[ودقلبا]

الثوره اصلا قامت علشان اصحاب الافكار الظلاميه الزيك ديل .. بعدين مين الاداك تفويض سماوي علشان تحكم علي المستنيرين بالرده .. والله يا نصير الجهل والضلال ستقتلعون من ارض السودان بلا رحمه.

[ودقلبا] 10-06-2013 03:11 AM
ابو هبة والله لا انت ولا السيد سرحان فاهمين حاجة بلا ليت القوم يعلمون وبطيخ معاك

[ودقلبا] 10-06-2013 03:06 AM
اسلوبك فى الكتابة والسرد المعرفى يدل على انك على قدر كبير من الالمام والعلم ولكنه فى نفس الوقت يدلل على امية دينية مركبة (كالجهل المركب تماما) وهو ادنى درجات الجهل ولعلك تعى هذه الجزئية فالجهل بالشئ يعد جهلا فقط ويسهل علاجه بتمليك المعلومة . اما المركب فهو ان تتصور فهما خاطئا لما لا تعيه اصلا وهنا يكون الجهل ادهى وامر ويتطلب اولا ازالة المفهوم الخاطئ ومن ثم ترسيخ المعلومة الصحيحة .ما زكرته عن الدولة الدينية فى ازهى عصورها (وهو عهد النبوة ) المنزهة مما تهرطق به من تطاول مسئ يصل الى حد الاهانة والتسفيه لحدود الله يستوجب استتابتك والاقتصاص منك حالة عدم الاستجابة بواسطة تلك الحدود التى تستهذئ بها . اتق الله فيما تقول ودع علمك الذى لا ينفع هذا جانبا وركز قليلا فى امور دينك والتى طال سرحانك عنها (هذا على افتراض انك مسلم) واشك فى ذلك . سامحكم الله الاخوة فى الراكوبة بالسماح بنشر ما لا يجب نشره . اسأل الله لك الهداية وان عدت عدنا

European Union [ابوهبة] 10-05-2013 10:13 PM
السيد سرحان والله لم تفل إلا حقآ ليت القوم يعلمون


#791291 [وطنيه]
5.00/5 (1 صوت)

10-05-2013 08:20 PM
لكل مقام مقال

لكن وينو مقامك من مقالنا؟؟؟
ووينو مقامنا من مقالك ؟؟؟؟؟


#791285 [خضرعابدين]
5.00/5 (2 صوت)

10-05-2013 08:15 PM
الجن اليطرطشك لانه متعود على ركوب الجن ..! هل هناك جنون اكثر من جنون علماء الانغاذ راجل مصاب ياللواط الفكرى ..ّ


#791281 [mabba ashoni]
5.00/5 (4 صوت)

10-05-2013 08:08 PM
حاجه عجيبه هؤلاء القوم لا يفكرون الا في (النكاح) وجل همهم في هذه الدنيا هو (النكاح), هؤلاء قوم شبقون ولا عجب في كثرة الفساد الاخلاقي في البلاد.


#791280 [لتسألن]
0.00/5 (0 صوت)

10-05-2013 08:07 PM
سمعنا و أطعنا ولكن بلّغِِ الجنَّ فتواك القيمة هذي، يا شيخ!!!!


#791277 [شقى ومجنون]
0.00/5 (0 صوت)

10-05-2013 08:04 PM
عبد الحى...لا يستحق إضافته لإسم الجلالة..لأنه ميت


#791270 [سيد احمد الشايقي]
0.00/5 (0 صوت)

10-05-2013 07:55 PM
ههههههههههههههههههههههههههههههههههههههههههها الجن انتو ذاتكم حيرتوهو يا شيخ النكاح ومفتي الرئيس الرقاص . كدي ادينا فتوه تفرق رئيسنا من عبدو ابو تي


#791263 [morgan]
4.75/5 (3 صوت)

10-05-2013 07:50 PM
وهذه هي الفسوه اقصد الفتوه


#791258 [morgan]
0.00/5 (0 صوت)

10-05-2013 07:48 PM
عالم ذرات


#791254 [محمد حسن أحمد]
5.00/5 (4 صوت)

10-05-2013 07:46 PM
والله ياشيخ عبدو ياضلالي يامنافق إنه لأفضل عند الله أن يتزوج الشباب الجنيات من أن يتزوجوا بعضهم البعض مثل ماحدث في الصافية وفي قاعة الأفراح بأمدرمان ألم تسمع بمثليي الصافية الذين تم ضبطهم محتفلين بزواج أحدهم على زميله ألم تسمع بمجموعة مثليي أمدرمان الذين تم ضبطهم محتفلين في إحدى قاعات الأفراح بزواج واحد منهم على شاب آخر أظنك من مؤيدي هذا النوع من الزواج ويبدوا أنك من مصدري فتوى (الجسد فاسد ولكن الروح طيبة) و نلتمس لك العزر لأنك من علماء سلطان خنزير هو الآخر من أخيب خلق الله واضيفك من الشعر بيت أن من أفتيت بأنه القوي الأمين هو من أكثر الناس إنحرافا وشذوذ يأتي للأراضي المقدسة وفي معيته في طائرة الدواسة شباب أدمنوا الشذوذ والإنحراف والله والله والله أعرف إثنان منهم ضبطوا يمارسون فعلة قوم لوط في إستراحة أحد البنوك الإسلامية


#791249 [المشتهى السخينه]
5.00/5 (3 صوت)

10-05-2013 07:39 PM
اهداه على عثمان عربة برادو من اموال الشعب الجائع .. وبما انه لا يوجد عشاء مجانى او برادو مجانى فماذا تتوقعون منه ؟ تجارة الدين اصبحت مربحه جدا .. انظروا الى القرضاوى وما دونه من السفله المرتشين ..


#791248 [معروف]
0.00/5 (0 صوت)

10-05-2013 07:38 PM
يعني نحن اولاد ....... جن


#791233 [أبوعلي]
0.00/5 (0 صوت)

10-05-2013 07:25 PM
الشيخ عبد الحي يوسف يخرج عن صمته وحذر من زواج الشباب من "الجنيات" ...

لاتفهموا ( الشّاخي) عبد الحي غلط
هو يقصد طلب الأمان للشباب
بطريقة شباب وكهول الكيزان
وهو ( زواج المثليين )


#791219 [الترابى]
5.00/5 (1 صوت)

10-05-2013 07:14 PM
عبد الحى من المتعصبين والمهوسين ,ووهو صاحب مقولة ( قطره من دم بن لادن تساوى الدنيا ومافيها ) سبحان الله


#791217 [عصمتووف]
5.00/5 (5 صوت)

10-05-2013 07:12 PM
زواج الجنيات افضل من مناكحة اخوات نسيبة وما شابهن من نساء الجماعات الارهابية العنصرية الصفوية وافضل لي منهم المثليين بلاش برقع وقرمبع ما لو اسلام حبوباتنا وامهات نا واخواتنا وجارتنا كانوا يستامنونا حين يسافر الجار ولا نتحرش ببنات الحلة عادتنا وتربيتنا كانت مكملة للاسلام جدي الله يرحمة قال كانوا يلعبون مع بنات الحلة وهن لابسات الرحط فقط فقط اين نحن اليوم مع اسلام الصحوة والجمهورية الاسلامية والتوجة الحضاري والتاصيل ومن هو المدعو عبدالحي وكمان يوصف بداعية وابرز هو واحد من الخوارج الزنديق خادم وترزي في السلطان يقطع و يفصل علي هوي السلطان انا استغرب من المصلين والذين يستشيرونة في امور الدين استشيروا ابليس ولا الملتحين


ردود على عصمتووف
United States [عصمتووف] 10-05-2013 10:17 PM
الاخ حمد النيل شكرا يا رجل يا نبيل بما اني احد ضحايا الانقاذ التي جعلت مني عازب حتي هذه اللحظة لا اقبل بوداد الكل من عسكري صغير الي الاكبر هي تجاوزت التراتبية العسكرية علي حسب شغل الجيش من رائد الي مفدم الي عقيد وهي الملعونة الطيرة تجاوزت كل الرتب وركت علي مشير عقيم وخصي لا ضاق طعم الابوة والاسر ه الممتده بالرغم من عزوبيتنا وبورتنا وعنوستنا في محنة ورغبة بتكوين اسره هذه الاحمق الارعن الاخرق اطاح باحلامنا واحلام غيري اولاد وبنات جعل همنا كيف نساعد الاسرة الكبيرة اب وام واخوات والله لو تزوجتها تشوف الويل وسهر الليل من دوكة الي طش غسيل الي مكوة تشوف العز عندي عز الناس البسطاء ارجعها الي ماضيها الاليم حلب الغنم وكنس الراكوبة ما الراكوبة دي ترجع زرقاءءءءءءءءءءءءءءءءءءءءءءء كما كانت

[حمدالنيل] 10-05-2013 08:53 PM
يا عصمتوف كلامك صحيح ، وبهذه المناسبة، ورغم رأيك الصريح في اخوات نسيبة، لكن ما رأيك أن نزوجك وداد بابكر بعد ان نقتص من البشير، وإن شئت خذها سبية لك فالمؤتمر الوثني أموالهم ونساؤهم مستباحة بحكم قانونهم الذي استباحوا به اعراضنا واموالنا ودمائنا


#791216 [خالد]
5.00/5 (3 صوت)

10-05-2013 07:09 PM
علماء السلطان الناس في شنو والمخبول ده بقول شنو حسبنا الله ونعم الوكيل فيكم


#791210 [Fato]
5.00/5 (2 صوت)

10-05-2013 07:03 PM
يعنى رأى الشيخ/ عبدالحى أنه الناس البتطلع مظاهرات دى أبناء خليط من الأنس والجن والشيخ عاوز يحارب هذه الظاهرة وأفهموها كده ياناس.الشيخ ده رده على ثورة الناس ضد حكومته بطريقة غير مباشرة وطبعا دى طريقة الكيزان فى اللف والدوران ولتأكيد ذلك فشيخهم الذى علمهم السحر/الترابى لما يسأل عن موضوع تلقاه يدخل فى موضوع اخروهذه طريقتهم فى لى عنق الحقيقة,بس تأكد ياعالم السلطان ياعبدالحى العود لاحقك لاحقك.


#791209 [noory]
5.00/5 (2 صوت)

10-05-2013 07:00 PM
يا هؤلاء امثال هؤلاء الشيخ لن يغيروا رؤاهم..مادامت اموالكم تغدق عليهم .. قاطعوا مصادر تمويلهم خاصة شركة سوداني للاتصالات الممول الرئيسي للقناة المملوكة لعبد الحي يوسف (( طيبة ))...


#791206 [صلاح الطاهر احمد]
5.00/5 (3 صوت)

10-05-2013 06:58 PM
سبحان الله، مرة واحد يقول للنساء ارضعن الرجال لتجاوزالخلوة الغير شرعية وواحد يقول السياقة تسبب العقمللنساء وواحد يقول جهاد النكاح ثم يأتي المأفون ده ويقول ما تتزوجو جنيات، بالله في جن غيركم؟ عمري لم اسمع بانسان تزوج من الجان كل جنس في حالهم، وه نحن ناقصين ما هم نساء الانس المعانا ديل اخطر من الجنوكما وصفهم الله ان كيدهن عظيم ولكن وصف كيد الشيطان بالضعيف؟


ردود على صلاح الطاهر احمد
European Union [عمر] 10-05-2013 08:52 PM
أخونا صلاح ضحكتنا شديد فى الايام الصعبه دى - الله يعينك -- كتر من الاستغفار والصلاة على النبى
- واتذكر انو الرسول وصانا عليهم


#791197 [quickly]
5.00/5 (2 صوت)

10-05-2013 06:48 PM
مع غلاء المهور وقلة الحيلة الحاصل في عهدكم الميمون دا ياشيخ عبدالحي
الشباب مافي ليهم طريقة الا... الجنيات


ردود على quickly
United States [cour] 10-05-2013 07:08 PM
هى الجنية نفسها تقبل بشاب سودانى عاطل او سواق ركشة . قايلها سايبة يا مولانا


#791193 [غغف]
5.00/5 (1 صوت)

10-05-2013 06:46 PM
اجنيات علي اشكالها تقع



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة