الأخبار
أخبار السودان
سنار ولعت .. أحياء عدة في سنار تخرج إلى الشوارع في تظاهرات غاضبة
سنار ولعت .. أحياء عدة في سنار تخرج إلى الشوارع في تظاهرات غاضبة
سنار ولعت .. أحياء عدة في سنار تخرج إلى الشوارع في تظاهرات غاضبة


حرق دار المؤتمر الوطني في شارع الأربعين بسنار
10-06-2013 06:58 PM
سنار: حذيفة

خرجت مدينة سنار في تظاهرة كبيرة ضد حكومة الغلاء ، العطش، والظلم، وقد علا الهتاف في عدة أحياء في المدينة من بينها المزاد (38 و 39)، وودتكتوك.
وقد شكا مواطنون من غياب الماء، والأمن حيث شهدت البيوت عدة سرقات نهارية.
ارتفعت أنبوبة الغاز الطويلة من 64 لـ 102 جنيه.
ويحتكر جهاز الأمن كل السلع المهمة مثل الغاز، والخميرة، الدقيق، السكر.
وارتفعت أسعار الصابون والظهر بنسبة مائة في المئة.
وقال شاهد عيان للراكوبة أن الحشود بدأت في الوصول لشارع الدكاترة الذي يعتبر اهم شوارع المدينة. وأكد أحد مصدر من الشرطة في المدينة أن هذه الحشود غير مسبوقة.
وكانت الحكومة قد وعدت برفع الرواتب إلا أن الراتب نزل دون زيادات ما ساهم في زيادة غضب الجماهير.
وقالت مصادر معارضة أن الثوار قاموا باحراق دار المؤتمر الوطني في شارع الأربعين بسنار.
image
image
image
image
فيسبوك + الراكوبة






تعليقات 22 | إهداء 0 | زيارات 12608

التعليقات
#793537 [مدحت عروة]
0.00/5 (0 صوت)

10-07-2013 02:07 PM
المؤتمر الواطى وليس الوطنى !!!!!!!!!!!!!!!!


#793329 [مواطن]
0.00/5 (0 صوت)

10-07-2013 11:17 AM
اين مواطنوا سنجة عاصمة الولاية يظهر الحنة وصلت


#792895 [بيكانتو]
0.00/5 (0 صوت)

10-07-2013 06:29 AM
فروقات الرواتب شالها ود ابوالجاز وزغبر بيها ، مامشكله انتظروا الصرفة الجايه - بعدين انتو داخلين الصندوق بيكم


#792874 [مواطن]
0.00/5 (0 صوت)

10-07-2013 04:49 AM
الأقاليم لن تتضرر وتتأثر بالزيادات والغلاء،بل ستصبح مهجورة من سكانها تماما وهذا أكيد لا جدال فيه....فقط ستكون مخازن سرية ومصانع صغيرة تابعة لهولاء الكيزان المنبوذين وهذا مايريدونه ولا بفرق معاهم مواطن من مواطنين تلك المدن والقرى.

الهندي،الحبشي،الصيني البشتغل في تلك القرى أهم ليهم مليوون مرة من هؤلاء السودانيين.

السؤال هنا الى متى هذا الصمت البارد الجافي من مواطنين المركز؟الى متى لا نلتفت لما يحدث في ربوع وطننا الكبير؟
ان الخوف المزعوم ومدفون بقلوبكم،هو مايجعل اخوتنا يسألون مثل هذه الأسئلة..


#792843 [سنار ولعت]
0.00/5 (0 صوت)

10-07-2013 02:06 AM
حينمالايهدأ الثوار تثور سنار


#792840 [الخزامى]
5.00/5 (2 صوت)

10-07-2013 02:01 AM
اذا الشعب يوما اراد الحياة فلابد ان يستجيب القدر.. اين اخواتك ياسنار اين عطبرة مدينة (الحديد والنار) واين الابيض (ابوقبة فحل الديوم) واين نيالا (البحير) واين فاشر (السلطان)؟؟؟
تأبى الرماح اذا اجتمعن تكسرا واذا افترقن تكسرت احادا


#792815 [حافظ حمد]
0.00/5 (0 صوت)

10-07-2013 12:54 AM
هلموغلى الثورة يا احفاد ود تكتوك


#792755 [كوكو]
0.00/5 (0 صوت)

10-06-2013 11:27 PM
ياشباب نرجو التوثيق لاي حاجة سيارات المليشيات
عمليات الحرق وياريت الناس البوثقو تعملوا ليهم تغطية مايكونوا ظاهرين
لي ناس الامن ونزلو الصور والمقاطع الحاجات دي مهمة جدا
الى الامام يا ابناء بلدنا الغالي
وربنا ينصرنا على الكيزان اللصوص


#792669 [عبد الله]
0.00/5 (0 صوت)

10-06-2013 10:16 PM
سنار اولى الممالك الاسلاميه فى السودان. سنار فرح ود تكتوك حلال المشبوك الليله قام معاكم شايل حربته وعلمه من اجل الحريه والديمقراطيه ...فقد كانت سنار مدينه الوفاء لاهل السودان ..حبابك سنار الثوره .


#792665 [الفجق كراع الفيل]
0.00/5 (0 صوت)

10-06-2013 10:14 PM
عايزين صور من اى مظاهرة


#792640 [sabile]
4.82/5 (5 صوت)

10-06-2013 09:54 PM
حملة مقاطعة صلاة العيد خلف السيدين الصادق والميرغني احتجاجا على مواقفهم الضبابية والجبانة من ثورة 23 سبتمبر


ردود على sabile
[ديامي قديم] 10-07-2013 07:00 AM
ما زال هناك من يعبد هؤلاء الديناصورات حتى لو دخلوا جحر ضب خرب لدخلوا وارئهم والعياذ بالله

United States [البعاتي] 10-07-2013 12:05 AM
يا زول انت جادي ؟؟
والله في دراويش لو قالو ليهم اسيادهم انت خرفان وعاوزين نضحي بيكم كانو جرو جابو السكاكين مسننة عشان يضبحوهم


#792610 [الظلم ظلمات]
0.00/5 (0 صوت)

10-06-2013 09:36 PM
سنار ولعت والشراره ابتدات ولن تقيف
يلا يا شباب هبو
طريق الثوره طريق احرار


#792572 [عثمان امانو]
3.50/5 (2 صوت)

10-06-2013 09:08 PM
لو كانت كل الدنيا في كفة وانتى فى كفة الوطن اثقلما فى الميزان وانتى فى حدقات الوطن الصامد انتى يا وجع الوطن المغدور من زمرة دجالين كل اوجاع الوطن المجروح فى عينيك لكنك يا شعبى الجالس فى الرمضاء لن تسكت سيتفجر غضبك بركان ويكون النيل عليهم مدفع لن نصمت بعد الان ابدا لن نصمت ستحارب معناكل قراناو كل المدن الصامدة تجار الدين ابدا بعد اليوم لن نصمت حتى تنتصر الثورة يا وطن مسكون بالخيرات


#792563 [sanmka]
5.00/5 (1 صوت)

10-06-2013 09:06 PM
الرحمة للشهداء، والشفاء العاجل للجرحي، والنصر المؤزر للثورة بإذن الله، يا لوطني من من عظيم، نستبشر بكل بقعة من بقاعة، ويهتز كتاب التأريخ، فللثورة في كل حي من أحيائه مزاق، وكل موطن من مواطنة بطولة، في البدء كانت دارفور السلطان علي دينار، وواسطة العقد ود مدني الحضارة والنضارة والإقتصاد والحياة، واليوم تبهجنا سنار، وما أدراك ما سنار وما أعظمك يا سنار ويا لثقل وزنك في تاريخ بلادي،،،،،


#792534 [gtifoor]
5.00/5 (1 صوت)

10-06-2013 08:52 PM
ثورةأحفادالمانجلك:الأن سنارعن بكرةأبيهاتثورفي إنتفاضةقويةوالنساءيتقدمن الصفوف..والدندرتنتفض ..أين أنت الأن أيهاالوالي الجبان؟علمتوناالبيتزاوالهوت دوق علمناكم الجري ..أبشرواأهلي الكرام الأن كل العالم يشاهدماتقومون به من نضال وتضحيات..الليلةياموت ياحياةوخاتي البيختارالوسط...


#792530 [شقى ومجنون]
5.00/5 (2 صوت)

10-06-2013 08:49 PM
ووالى سنار أب وشن زى طربيزة اللَحم ده..حيشوف يوم من أيام جهنم بإذن الله


#792480 [quickly]
5.00/5 (2 صوت)

10-06-2013 07:52 PM
سنارة يااصالة ياتأريخ ياحضارة يافن
ثورة ثورة حتى النصر


#792474 [maha bit samira]
5.00/5 (4 صوت)

10-06-2013 07:48 PM
ولعى نار ياسنار

وفى ليلة وكنا حشود بتصارع
عهد الظلم الشبا حواجز شبا موانع
جانا هتاف من عند الشارع
قسما قسما لن ننهار
طريق الثورة هدى الاحرار
والشارع ثار
وغضب الامة اتمدد نار

والكل ياوطنى حشود ثوار
وطنى انحنا سيوف امجادك
ونحن مواكب تفدى ترابك
ولسه الشارع بشهد لينا
بيوم الغضبة حصاد ماضينا
مشينا نعطر حقل الثورة
بدم نفديه بلادنا الحرة
وكان "سبتمبر" بيشهد لينا
الرصاص لن يفنينا


ردود على maha bit samira
United States [amal altom] 10-07-2013 01:32 AM
بنحييك وبنحبك يا مها بنت سميرة الله يخلي ليك سميرة أيتها الثائرة ضد أقزام البلد أشباه الرجال أحيييك..أمل التوم


#792456 [أبو محمد]
5.00/5 (2 صوت)

10-06-2013 07:19 PM
الله اكبر يلا ياشباب نولعه علينا وعلى اعدانا شايف حتى قناة العربيه بقت ما بتجيب اخبارنا عايزين كل القنوات تجيب اخبارنا هلموا ولا نامت اعين الجبناء


#792445 [قرقاب الرفلة]
5.00/5 (2 صوت)

10-06-2013 07:13 PM
وين ناس القلعة والثورة وود العجوز الجنينة والتقاطع



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة