الأخبار
أخبار إقليمية
مصطفي أسماعيل "البريطاني" مع أسرته بالدوحة لتهيئة المقر القادم لأمواله ببنك قطر الوطني !
مصطفي أسماعيل "البريطاني" مع أسرته بالدوحة لتهيئة المقر القادم لأمواله ببنك قطر الوطني !
مصطفي أسماعيل


10-08-2013 11:56 AM
*خاص -الراكوبة

الدوحة 8أكتوبر 2013

يبدو أن الاجراءات العالمية المتشددة التي تم تطبيقها بعد 11 سبتمبر 2001 بشان فتح حسابات مصرفية أو تحويل نقد من بلد لأخر ،غدت الحائط الوحيد الذي يمنع المسؤولون السودانيون من افراغ حمولة كل المصارف السودانية بالخارج . تؤكد ذلك حركة الأموال والذهب الهاربة عبرمطار الخرطوم في حوزة الأفراد . فمنذ بداية الثورة السودانية في 23 سبتمبر الماضي أوقفت جمارك 3 مطارات خليجية ، في أيام متفرقة، 9 مسافرات سودانيات و4 ركاب سودانيين بسبب الكميات الكبيرة التي كانوا يحملونها من سيولة نقدية من عملتي الدولار واليورو وسبائك الذهب .

أما الهجمة السودانية علي الايداع بالمصارف الخليجية فهي دليل آخر علي إنهيار نظام الانقاذ وتهيؤ المتورطين في جرائمه والمستفيدين من فساده ، للإستقرار مع أسرهم خارج السودان والتنعم بحياة هانئة بالاموال المنهوبة. كثيرون يفعلون مثلما فعل مستشار رئيس الجمهورية مصطفي عثمان اسماعيل الموجود حاليا بالدوحة لترتيب امور أسرته المالية ولتغذية حساب نجله "م" ببنك قطر الوطني بمبالغ نقدية ضخمة لايمكنه تحويلها لبريطانيا التي يحمل جنسيتها ، كدفعة واحدة (الحد الأقصي10 ألف جنيه إسترليني) . فالابن تم إستيعابه قبل أسابيع قليلة في وظيفة فنية بشركة قطر للبترول ، بعد إنتهاء عقده بالكويت .

من يعرفون "م" يثنون علي أخلاقه التي لايمكن مقارنتها بوالده الذي إكتسب كراهية الناس بلسانه الفالت وشتائمه القذعة ويقولون أنه يتضايق من الوصمة المكلفة التي جلبها عليه أبوه . يرجح كثيرون أن تصبح الدوحة ، وليس لندن ، هي المقر القادم لمصطفي إسماعيل وأسرته حيث إصطحب معه إبنته الطبيبة . فالترجيح هو أن لندن ستبقي موطنا لجوازه وليس فلوسه لما لها من قوانين متشددة لن تحميه من أي إسترداد مستقبلي لاموال الشعب السوداني إن سعت الحكومة الوطنية القادمة لذلك وحصلت علي دعم غربي.

وعليه ، يمكن القول أنه وبرغم موسم الشتاء والهدوء الموسمي (Off Season) المعتاد سابقا لحركة الطائرات المغادرة من الخرطوم ، الا ان حركة السفر تشهد إكتظاظا غير عادي للرحلات المغادرة في كل إتجاه وبالذات للخليج ومصر .

المغادرون في الغالب من أسر نافذة وأغنياء الغفلة من جماعة التنظيم الحاكم بالسودان ، الذين ينهمك كثيرون منهم الآن في عرض عقاراتهم للبيع . وقد سجل مؤشر السوق العقاري إرتفاعا ملحوظا في العقارات (المتميزة ) المعروضة لليبع . وظهرت تقليعات جديدة وهي الدفع بعملة معينة في بلد معين . وتتصدر قائمة البلدان المحبذة لاتمام تلك الصفقات السعودية تليها قطر ، الامارات ثم لندن وحتي أمريكا نفسها التي دنت السعادة بالهجرة لها، وليس عذابها .


تعليقات 40 | إهداء 0 | زيارات 26064

التعليقات
#796648 [abubakr]
0.00/5 (0 صوت)

10-09-2013 11:46 PM
الاسم الصحيح د.أمين مكي مدني.


#796557 [كاره المنافقين]
5.00/5 (1 صوت)

10-09-2013 09:29 PM
اذا كان ناس خضر عطا المنان والصايغ المانيين صرف بحكم القانون الالمانى فما بالك بحملة الجنسيات المزدوجة


#796546 [باقر الحمدابي]
0.00/5 (0 صوت)

10-09-2013 09:18 PM
ياسر خضر و مطفى اسماعيل ,,, اها الضربة طلعت كم مليون مع التسهيلات ؟ طبعا سعادة السفير ح يكون عامل فيها مقدد الدوحة ويضرب في الدولارات مع دكتور الاسنان ....... خجلت ليكم و الله دي. اموال الغلابة ككيف تربوا اولادكم بيها!!!!!!!


#796523 [مهاجر]
0.00/5 (0 صوت)

10-09-2013 08:48 PM
المظاهر خداعة كنت احسبه من النزهاء. اتمني ان تكون مصادر المعلومات موثوق بها .


ردود على مهاجر
European Union [البعاتي] 10-09-2013 10:53 PM
البيض ما بمدى من النجاسة

[سوداني ممكون و زهجاااااااان و قرفاااااااان] 10-09-2013 09:54 PM
ياللخو,كان مااااا فيها كده مااااافي زول بيقعد معاهم ود26ي القاعده!!!!!!!


#796502 [زول]
0.00/5 (0 صوت)

10-09-2013 08:23 PM
داولت عدد من المواقع الإلكترونية وصفحات الشبكات الاجتماعية أنباء عن اعتقال شرطة دبي لابن وزير البترول السوداني د.عوض احمد الجاز وبحوزته حقيبة بداخلها مبلغ 10 ملايين دولار ، عقب وصوله إلى دبي قادماً من الخرطوم خوفاً من الاحتجاجات الأخيرة في البلاد ، وكان هذا الخبر قد انتشر خلال الأيام القليلة الماضية التي شهد فيها السودان اضطرابات امنيه بسبب الاحتجاجات على رفع الدعم عن المحروقات .

ونفت المصادر الأمنية ما تردد عن احتجاز عمار عوض الجاز في دبي ، وقالت أن عمار كان يمر عبر دبي في رحلته وان الشرطة والأمن لم يجدوا أي شيء مريب معه .


النيلين - خليج تايمز


#796474 [صابر]
3.00/5 (1 صوت)

10-09-2013 07:53 PM
للذين لا يعلمون
حكومة الإنقاذ هي أو ل حكومة سمحت بازدواج الجنسية لا لشيء إلا لأن أغلب عناصرها يحملون جنسيات أجنبية هم أو أبناؤهم، وطبعا هذا الإجراء عمل لهم لحمايتهم في المستقبل أو لإيجاد مأمن من نيران الشعب إذا هب ضدهم.كأنهم يعلمون أنهم فاشلون وأن مشروعهم الحضاري لا يمكن تسويقه وبيعه للسودانيين مهما تعنتوا. الآن ولد الجاز محمد أمريكي، ولد مصطفى عثمان بريطاني، قطبي المهدي كندي وبالتالي أولاده، زوجة كرتي التانية سفيرة ويمكن تكون حاملة جواز أمريكي ما معروف، وكثيرون من الجيل الثاني يحملون الجوازات الأوروبية وحتى كتابهم الذين توضوءوا وغسلوا أيهديهم وأفواههم بعد ما نهبوا وسبوا الشعب يحملون جنسيات أجنبية. لكن البشر زائلون والسودان باقي. ستطاردهم لعنة الله والناس أجمعين بعد كل الدماء التي أسالوها بعنجهيتهم ودجلهم وافترائهم وعنصريتهم.


#796198 [كاشف الاسرار]
0.00/5 (0 صوت)

10-09-2013 03:57 PM
هناك أخرين يحملون جنسيات أرتيريا ونيجيريا وتشاد ربنا يكون في عون بلادي التى يديرها أناس دون انتماء وطنى وحب للأرض الطاهرة .. ارض السودان الخالدة وشعوبه النيرة


#796089 [الجزيرة أبا]
0.00/5 (0 صوت)

10-09-2013 02:08 PM
ح يمشي وين ؟؟


#795401 [فتح العليم فضل الله]
4.50/5 (4 صوت)

10-09-2013 06:21 AM
كلها عندهم جنسيات اوروبية وامريكية وما فى زول سودانى سادة ابدا وكمان البعض ما عنده جنسية سودانية ..


ردود على فتح العليم فضل الله
[ود البلد] 10-09-2013 12:47 PM
انا أفترض فى الدستور القادم لازم معالجة تامة لهذا الموضوع
1- يمنع اي انسان يحمل غير الجنسية السودانية أو تبلغ الدولة الأُخرى بمعاقبته فى حال أختلس أو سرق ووووو
2- أي مواطن لم يولد ابيه قبل 1956 ميلادية داخل السودان يجب إلا يتولى منصب سيادى
3- الذين لهم ممتلكات من الوزاء عليهم نشرها فى الصحف وتعريف الشعب بها

[عبد الواحد الميت من الاستغراب ولا معين!!] 10-09-2013 10:32 AM
يا فتح العليم تعليقك ده إنت كتبتو وزول ساكيك ولا شنو؟!! ذكرتنى المرحوم (يونس شلبى فى مسرحية العيال كبرت) وإنشاء الله المره الجايه أركز كده وأكتب الكلام الفى نفسك وراجع قبل ما تستعجل الضغط على (إرسال)وبالمناسبه ناس الراكوبه إداره وكتاب ومعلقين بالهم طووووووويل!!!!!!!ذى طول علامات التعجب بتاعتى دى ،


#795384 [كاشف الخفايا]
3.00/5 (2 صوت)

10-09-2013 03:37 AM
قدذكر لي اخ ان اسرته كانت قبل اسبوع مستأجرة شقة بأحد دول الخليج وهناك اشخاص لحظوا في الاسواق مثل دبي ، ولا تنسوا ان العالم اصبح قرية صغيرة وسوف تسترد اموال الشعب كما استرد الشعب الليبي امواله الضخمة


#795333 [نص صديري]
2.75/5 (4 صوت)

10-08-2013 11:59 PM
عشرة اللاف كحد اقصى دي معلومة زرعناه نحنا اما الحد المسموح به نقدا او تحويلا في اوروبا من دون مستندات فهو خمسة الاف فقط ودي نفسها فيها سين وجيم
كل كل حال ياناس الراكوبة اديتونا خط افضل بكثير فقط عاوزين جنسيات الناس الديل المذدوجة دي بتنفع كثير في مطاردتهم اعملوا لينا لستة بس والباقي علينا فهنالك قوانيين اخرى يمكن معاقبتهم بها خاصة ناس الجواز الامريكي


#795297 [عصام هاشم]
3.00/5 (5 صوت)

10-08-2013 11:11 PM
تم شراء شقة فى الديار القطرية لصالح محمد مصطفى عثمان اسماعيل باكثر من 2 مليار مع العلم بان كل الشقق تم شرائها بواسطة الوزراء والولاة من المؤتمر الوطنى ... وقد توقف هذا المشروع الممول من قطر بسبب فساد مالى وارتفاع سعر الدولار


#795291 [مسطول]
4.00/5 (7 صوت)

10-08-2013 11:03 PM
ابو الجاز و اولاده و ملايين دولاراته بدبي ..

مصطفي اسماعيل و اولاده و دولاراته بالدوحة ..

هو فيلم الهروب الكبير بدأ و نحن مش جايبين خبر و لا ايه ؟ ؟ ؟

يظهر انتفاضة سبتمبر أثمرت و بدأت الجرذان الخروج من جحورها بما غنمت ..


#795277 [الله في...!]
2.50/5 (4 صوت)

10-08-2013 10:49 PM
يمكرون ويمكر الله.... والله خير الماكرين.... ونعم بالله


#795261 [karkaba]
4.00/5 (4 صوت)

10-08-2013 10:26 PM
الاسبوع الماضي حضرت سيارة تابعة لسفارة الكيزان في القاهرة الي الاسكندرية حبث تم شراؤ فيلتين بمنطقة العجمي وتقع هاتان الفلتان على البحر مياشرة يذكر ان سعر الفيلا في هذه المنطقة غالي جدا ساتابع الموضوع ونكشف من هو هذا الكوز الحرامي الزي اشتري الفلتين لقد علق احد السماسرة في المكتب الذي ققام بالبيع هما الهلافيت دول جابو الفلوس دي منين


ردود على karkaba
United States [Zingar] 10-09-2013 01:14 AM
بس عايزنك تشد حيلك معانا شويه ياأبوالكراكب وتشوف لينا نوع العده أللى حينزلوا بيها البحر هل هى مايوهات إسلاميه؟؟....وشكرا.


#795250 [عبدالعزيزمبارك محمد]
2.25/5 (3 صوت)

10-08-2013 10:10 PM
قطع رؤس المجرمين كلهم


#795211 [ود احمد]
3.00/5 (3 صوت)

10-08-2013 09:21 PM
انا ما قلت لكم انتو ناس طيبين هو بس مصطفى عثمان البيحمل الجنسية البرطانية عندك نافع المتلف ضار يحمل الجنسية الامريكية و امين حسن عمر وغير فهم كانوا عملاء المخابرات الامريكية وقدموا لامريكا خدمات لم يقدمها زول زيهم بشهادة رامسفلت الذي قال ابان الحرب على الرهاب لقد وجدنا كنزا من المعلومات في السودان وايضا الشي الثاني هم هربوا قروش البلد من بذري باسم الراجل الاسع عندوا قنوات فضائية وابراج في دبي كلها تحت مسمى هذا المدعو واذا كان الكلام غلط نتحاسب ونشوف هؤلاء النبت الشيطاني من اين اتو بهذه الاموال انتو مضحوك عليكم من اول يوم جاءت فيه الانقاذ هم لم يأتو لانقاذ البلد وانما لانقاذ انفسهم من الفقر الذي كانوا يعيشون فيه وشبكوا الناس امريكا روسيا قد دنا عذابها والله انتم الذين قد دنا عذابكمwe have found treasure of information in sudan


ردود على ود احمد
[فني لاسلكي بدرجة صحفي وخال رئاسي كمان] 10-09-2013 03:14 PM
قطبي المهدي جنسية كندية ..كان سفيرا للسودان..ورئيسا لجهاز الامن(الوطني)ومستشارا للرئيس
عبد المحمود الكرنكي جنسية امريكية..كان مستشار ثقافي للسودان بلندن


#795167 [abusafarouq]
3.00/5 (5 صوت)

10-08-2013 08:23 PM
فعلا الهروب والفرار الكبير للكيزان قد دنا وبداء مؤشر الهروب هى عدم الطمأنين والخوف والرعب من المتظاهرين الجوعى والمرضى يتم نقل الاموال للخارج ثم ترحيل الاسر واللحاق بهم بعد ذلك إن تمكنو الافلات من الغاضبين .والله لو تأخذو كل مال السودان وتتركو الارض والناس كان خيرا لنا من وجودكم تارى الرجل مستعجل يجلب فى المستثمرين أجانب ويبيع الاراضى بأبخس الاثمان هى من أجل جمع وتحويش أكبر قدر من المال بدقات فهلوانية سريعة قبل هروبهم الجماعى وهو كل يوم ناطى من قرية لقرية فى السودان ويهدد أهلو بنزع منهم الاراضى الغير مستغلة وأبو العفين له الحق أن يقول اللانكروزر الراكبو السيد مصطفى أسماعيل يدخل للدولة فى الشهر سعره مائة مرة إنكشفتو ياولاد الابالسة خلصتو تجارة الدين وبقيتو تجار على الاراضى هؤلاء الناس أى بنى كوز أكيد عندهم صلة بعالم الشياطين والعياذ بالله لأنهم لم يتركو باب فى سبيل أكل أموال الناس بالباطل إلا طرقوه ..


ردود على abusafarouq
[ali murtey] 10-08-2013 09:16 PM
قنصهم بالرصاص بداية براس الحية البشير


#795117 [ابا جهل]
3.00/5 (4 صوت)

10-08-2013 07:18 PM
الجاليات بالخارج عليكم الانقضاض عليهم هم
واسرهم بالخارج حتى لو تفجوهم تضربوهم بي سواطير
زي العصابات الهم حرشنهم عشان يتحرشوا بالمواطن السوداني
ومن هسي ياكيزان خليكم عارفين انا تحديد حا اتحرش ببنت اي كوز
القاهو بس عشان يضوقو العاملينو في بنات السوان


#795110 [Fato]
3.00/5 (4 صوت)

10-08-2013 07:07 PM
الأخ/ المتجهجهة بسبب الأنفصال أؤيد مقترحك لكن تبدأ اللجان القانونية وياحبذا لو أضيف لهم العلامة السي/ مكى أمين مدنى القانونى الضليع قبل أنتصار الثورة وقبل هروب الحرامية ويكون عمل اللجنة بأرتباط مع الجهات القانونية الدولية فى الأمم المتحدة حتى تأخذ الصفة الدولية لأيقاف تحويل الأموال المنهوبة من المسئولين وأسرهم للخارج ومراقبة حساباتهم الخارجية مراقبة دقيقة وبذلك نكون قفلنا الطرق عليهم.


ردود على Fato
[فني لاسلكي بدرجة صحفي وخال رئاسي كمان] 10-09-2013 03:10 PM
قصدك امين مكي مدني


#794921 [ادريس]
2.50/5 (4 صوت)

10-08-2013 03:20 PM
نمر من ورق دولة الفساد هشة لا يغرنكم الامن وبطشه ساعتين ثورة قوية النافذين تلقاهم خارج البلد ويخلو عيال الامن يخمو ويصرو والله العملية أبسط مما تتخيلون تجيكم الدهشة عندما يسقط النظام هشاشة ما بعده هشاشة طبيعة الفساد كدهـ


#794867 [سودانى ندل]
3.00/5 (3 صوت)

10-08-2013 02:42 PM
يا مصطفى لو ما تلاقى مكان انا جاهز اخذ الفلوس ولما تخلص الهوجة اخذ عمولة 20 بالمائة اذا قرات هذا المقال ووافقت ارسل لى على هذا العنوان [email protected] ولاتخاف فسوف احافظ على الامانة بس ثقل المبلغ شوى


#794844 [aldufar]
2.50/5 (4 صوت)

10-08-2013 02:27 PM
البشير مشكي على الله ان كان كلام الناس دا صاح وهو ان بعض اعضاء المؤتمر يحملون جنسيات اجنبية ، وانت تعلم ذلك هل القانون بيسمح يا جماعة افيدونا ، وكان ذلك صحيح نسأل الله ان يدمركم يا البشير تدمير يسمع به أهل الارض والسماء ، وان كان منهم الآن يحمل الجنسية الاجنبيه عليك بفصله حالا ومحاسبته ان كنت لا تعرف من قبل وعرفت الآن حاسبه حتى لوكان خالك الطيب أو ابنك نسألك يوم الحساب يوم يقوم الناس لرب العالمين لم تحاسب اي مسئول اخفى واسرق من اموال الدولة فلس وحتى لو انت أكلت نسحاسبكم جميعا يوم يقوم العباد لرب العالمين ونرى فيكم يوما اسوداً كالذي راه القذافي المقبور وصدام حسين .


يا عصبة المؤتمر الوثني الفاسدين الفاشية .


ردود على aldufar
United States [المندهش] 10-08-2013 03:23 PM
ياأخوى الدفار هاك الاتى:
مصطفى عثمان اسماعيل -جنسيه بريطانيه
دكتور قطبى المهدى -جنسيه كنديه
دكتور نافع على نافع جنسيه امريكيه
هذا ماعلمت به من افواه الناس أسال قراء الراكوبه الأعزاء يمكن يمدونك بقائمه طويله!!!!


#794836 [تور الجر]
3.00/5 (2 صوت)

10-08-2013 02:20 PM
بيقولوا العين ما بتتملي إﻻ بالتراب


#794814 [تور الجر]
1.00/5 (1 صوت)

10-08-2013 02:04 PM
بيقولوا العين ما بتتملي إﻻ بالتراب


#794782 [خالد حسن]
1.00/5 (1 صوت)

10-08-2013 01:42 PM
ولده (م) لو فعلا نزيهه مفروض مايقبل الاموال الحرام الحيختها ليه ابوه اللص في حسابه
والحساب ولد ..


#794709 [hmamizo]
3.00/5 (3 صوت)

10-08-2013 01:03 PM
شابكننا امريكا روسيا قد دني عذابها ولن نطيع الامريكان ومستهدفين من الغرب ووووو. وطلتعوا كلكم حمالين الجنسيات والجوازات الامريكية والاوربية ؟؟؟ سؤال هل يجوز لشخص يحمل جواز دولة اجنبية ان يتقلد منصب مهم وحساس في الحكومة ؟؟؟؟؟


#794702 [المتجهجه بسبب الانفصال]
4.48/5 (11 صوت)

10-08-2013 12:58 PM
نرجوا من القانونيين السودانيين وعلى رأسهم مولانا سيف الدولة حمدنا الله السعي لانشاء لجنة قانونية لمتابعة اموالنا المنهوبة وكيفية استردادها ومع علمي بان اللجنة في الوقت الراهن لن يكون لها صفة سلطة او تفويض الا انها يمكن منذ الان ان تمهد للخطوات الكفيلة باسترداد هذه الاموال واستغلال القانونيون لصلاتهم العالمية في الوطن العربي والعالم للتوضيح للدول المودعة فيها الاموال ما قام به هؤلاء اللصوص طوال 24 سنة،،


ردود على المتجهجه بسبب الانفصال
United States [ام مريم] 10-09-2013 12:57 PM
يا سبحان الله يا سوداني ... بالله إنت سوداني!!!!!!!؟؟؟؟ الإنفصال دة جهجهنا كووووولنا بدون فرز نحن اهل السودان في جميع مفاصل حياتنا ، والمتجهجه بسبب الانفصال ( سيد الإسم ) هو المتحدث الرسمي بالنيابة عن الكل .. إنت بس نقطتنا بسكاتك . من أين أتيت يا هداك الله ؟ أرجوك انت أرحمنا عشان ربنا يرحمك

[ود البلد] 10-08-2013 06:05 PM
قطر هى مكان غسيل اموال الغلابة
بس ارباح 10 مليار دولار فى السنة اكثر
من مليار ونصف ريال قطرى ..و ظاهر فى خلعة القرضاوى
مصطفى وغيره يضعون اموالهم فى قطر وغيرها ويذهبون
الى لندن وغيرها ويسحبوب من كروتهم وفى الاخر تلاعب على القانون

United States [Kunta Kinte] 10-08-2013 04:42 PM
أؤيد اقتراحك أيها المتجهجه بسبب الانفصال واضيف ان يكون مع اللجنة القانونية اعضاء من خبراء الاقتصاد خاصة من له باع فى مثل هذه الامور امثال الاستاذ الصحفى الموثق صاحب التقارير الرائعة عبدالرحمن الامين وغيره من خبراء الاقتصاد

United States [سودانى حلمنتيشى] 10-08-2013 02:47 PM
يامتجهجه انت لجنة ايش وقانون ايش واسترداد ايه البشير واعوانه حالفين يخلوا البلد على الحديدة الفلوس اتوزعت واتحولت بطرق قانونية والعاقبة عندكم فى المسرات السودان خلاص جماعة الانقاذ مصمصوه على الاخر ولولا الملامة لاقرقشوا العظم كمان مستخصرينه فيكم يعنى


#794690 [المتجهجه بسبب الانفصال]
3.75/5 (5 صوت)

10-08-2013 12:48 PM
الجالية السودانية في قطر ذات بأس شديد أعرف العديد من صناديدها ،،،


ردود على المتجهجه بسبب الانفصال
United States [ام مريم] 10-09-2013 05:45 PM
يا سبحان الله يا سوداني ... بالله إنت سوداني !!!!!!!؟؟؟ الإنفصال دة جهجهنا كوووولنا نحن السودنيين أهل السودان بدون فرز في جميع مفاصل حياتنا ، والمتجهجه بسبب الإنفصال ( سيد الإسم ) هو المتحدث الرسمي بالنيابة عن الكل .. إنت بس نقطتنا بسكاتك . من أين أتيت يا هداك الله ؟؟ أرجوك انت أرحمنا عشان ربنا يرحمك .

United States [سوداني] 10-08-2013 02:23 PM
ارجوك ورينا الانفصال جهجهك في ياتو حتة من حياتك ياتو مفصل، ليه إنت متجهجه بسبب الانفصال طيلة هذه المدة والناس خلاص رتبت احوالا !!والي متي تتوقع ان تكون متجهجه ؟ وكيف نقدر نساعد عشان تتخطي المرحلة دي؟


#794671 [radona]
1.00/5 (3 صوت)

10-08-2013 12:33 PM
مليون مرة كررنا يجب عدم تعيين اي زول يحمل جنسية مزدوجة في وظائف دستورية يجب تعيين فقط من هو سوداني خالص وجنسيته سودانية واحدة تنق قرنق وحتى من يحمل ابائهم وزجاتهم جنسياتهم اخرى يتم التعامل معهم بحرص اكثر
اهه لو الكلام ده صحيح شوفوا عشرات الملايين من الدولارات وسبائك دهب ويورو وماخفي اعظم
اغرب مافي الموضوع لا الصحف السودانية ولا الاداعات ولا القنوات السودانية ما جابت طاري الموضوع الخطير ده سكتم بكتم
هل ياترى الكلام ده صحي ولا اشاعات مغرضة لانه عهدنا بالناس متدينين جدا كما هو واضح


ردود على radona
United States [julgam] 10-08-2013 06:16 PM
ياخى وزير داخليتك حامل جنسيه واحده تنق رنق آسف تقراى إرترياي

United States [fadeil] 10-08-2013 04:16 PM
عن أى صحف وعن أى اذاعات وفضائيات تتكلم يا رادونا ، ألم تعلم بأنها مملوكه لهم ولربما يأخذوها معهم لدول اغترابهم عندما تحين ساعة الصفر ، روق المنقه .


#794670 [ابوبكر الساعاتي]
3.00/5 (2 صوت)

10-08-2013 12:33 PM
لعنة الله والناس أجمعين علي مفتشي مطار الخرطوم و كل من سهل لخروج أموال منهوبة من خزينة البلاد


ردود على ابوبكر الساعاتي
European Union [سودانى مهموم على الاخر] 10-08-2013 02:59 PM
هو فيه احد يقدر يقف فى وجه القطار دا المفتشين ال بتحكى عنهم ديل هم الذين ينقلون الاموال على اكتافهم ولاينالون منها شييئا وهم موظفون واجراء عند اصحاب هذه الاموال قال مفتشين قال مفتشين الانقاذ


#794669 [كوز موية فاضى]
3.00/5 (3 صوت)

10-08-2013 12:33 PM
طيب اتملصتو و اتخارجتو مننا ..... لكن تمشو من الله العلى القدير وييييييييييييييين ؟


#794655 [طارق الباز]
3.00/5 (2 صوت)

10-08-2013 12:24 PM
وهل تحميهم قطر وتنقذهم اموالهم من يوم الحساب؟


#794648 [فركاوي]
2.99/5 (9 صوت)

10-08-2013 12:11 PM
نرجو من اي سوداني اصيل ان لا يشتري العمارات المعروضه والمنهوبه من قروش الشعب وسوف يكون هنالك قانون بان اي عماره لاي مسؤول مباعه او غير مباعه سوف يصادر لصالح الدولة والشعب وهذا للمعلومية .


ردود على فركاوي
[اوكامبو] 10-09-2013 09:08 PM
يجب توعية الناس و خصوصا المغتربين حتى لا يكونوا عونا للفاسدين و يساعدوهم بطريقة غير مباشرة فى نهب المال العام حتى لو تم عرض هذة العقارات بأسعار مغرية

[ود مدنى] 10-08-2013 11:48 PM
100%



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (6 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة