الأخبار
أخبار إقليمية
الأجهزة الأمنية ترفع الحظر عن الأستاذ الطاهر ساتي
الأجهزة الأمنية ترفع الحظر عن الأستاذ الطاهر ساتي


10-11-2013 07:37 PM
صدقي البخيت

تلقى الاستاذ الطاهر ساتي اخطاراً بالسماح له بمعاودة الكتابة في وقت متأخر من مساء أمس (الخميس).
وعليه فان الأستاذ سيطل على قرائه كالعادة ابتداءا من يوم غد السبت من خلال عموده الراتب.
جدير بالذكر ان النظام الحاكم متمثل في اجهزته الأمنية يمارس ضغوطا كبيرة على الكتاب والصحف والصحفيين سيما بعد الأحداث والتظاهرات الأخيرة منعا لحق الصحفيين في تناول ما يدور بالشارع السوداني ..


تعليقات 10 | إهداء 0 | زيارات 3563

التعليقات
#798436 [Machut مشوت]
0.00/5 (0 صوت)

10-12-2013 03:57 AM
والله الشعب السودانى كلهم كدا على نياتهم خلاص ..... شمالهم وجنوبهم ...... يعنى خلاص الطاهر ساتى بقى من الابطال ؟ .... طيب اكان كدا الجبهة راجعه الحكم راجعه .... زى ما ناس قاى وعبدالله دينق نيال بيحكموا جنوب هسه..... مكياج كدا ويخشونا ليك انهم تغيروا


#798428 [لتسألن]
0.00/5 (0 صوت)

10-12-2013 03:22 AM
قل للمفسدين يا ساتي لن تقدروا علي إسكاتي
ظللت بالحق أنهض صادعا ولن أنحني لبطش طغاة
فما نبت شباة يراعي يوماو لا غيض معين دواتي
ماغركم إلا مضاء سلاحكم و لكن ستفله كلماتي


#798423 [عباس]
0.00/5 (0 صوت)

10-12-2013 02:29 AM
عودا حميدا يا اخ الطاهر لكت لماذا انت؟ هذا زمن اغبر يتحكم فبنا هذا المتخلف ل24 عاما الهم لا شماته


#798366 [ممكون وصابر]
4.00/5 (3 صوت)

10-11-2013 11:56 PM
والله ما حدث للأستاذ الطاهر ساتي ذكرني ما يحدث في البطاقةالمؤقتة للسفر من الخدمة الوطنية بجهاز المغتربين ,, هنالك شباكان بغرفة واحدة ترى من الداخل شابين جالسين على تربيزة واحدة كل مقابل للاخر ويجلس على شباك ,, تدخل على الأول يستلم أوراقك يكتب ليك حظر ,, تخاف وتترعب يقول ليك امشي اعمل فك حظر ,, تقول ليه وين وانت ترجف ,, يقول ليك في الشباك الجنبك ده ,, تقيف عند الشاب التاني وانت شايف الاول وتضحك على نفسك وعلى السودان وعلى خيبتنا ويقول ليك جيب خمسة جنيه ,, تدفعها ويختم ليك فك حظر ,,, هذا ما حدث لأستاذنا الكريم ,,,


#798358 [هميم جابر]
5.00/5 (1 صوت)

10-11-2013 11:35 PM
الحكومة ترفع الحظر عن الصحفي الحر الطاهر ساتي لأنها تظن أن المظاهرات "خلاص انتهت" والشعب فار فورة لبن وسكت على فسادها وفشلها وعجزها وجشعها وسعارها على مال الغلابى ورغبتها العارمة في الانتقام ممن لا ينتمي لحزبها! لكنني لا أظن أن الموضوع قد انتهى بعد، والشعب سيجد نفسه بعد قليل عاجزاً عن شراء حتى ما يقيم أوده والحكومة التي شبت على الضرائب والجبايات على الرعية التي لا تنتمي لحزبها لن تتوقف عن فرض المزيد منها علينا ووزير المالية الفاشل لن يجد حلاً لأي مشكلة غير زيادة الضرائب والجبايات على من لا ينتمي للمؤتمرالماسوني لذلك أتوقع أن تكون هناك احتجاجات أخرى إن لم تكن هناك تفجيرات انتحارية على رموز النظام الفاسد من جانب من عجز عن إعالة أسرته فتركها وذهب أو من جانب من قتل قناصة النظام ابنه أو بنته ... أحرار الصحافة كالطاهر ساتي وشبونة وزهير السراج وهاشم حسين بابكر هم بعبع النظام الفاسد وكلما شعرت الحكومة بشيء يهدد بقاءها في الحكم لجأت إلى إيقاف الصحفيين الأحرار عن الكتابة! نسأل الله أن يرفع عنا هذا البلاء المسمى تارة بالمؤتمر الوطني وطوراً بالإنقاذ وتارة أخرى بالحركة الإسلامية وطوراً بنظام البشير ... سمه ما شئت فالمصيبة واحدة!


#798318 [المتعافي]
4.00/5 (3 صوت)

10-11-2013 09:51 PM
السؤال هل سيكتب عن ما يدور في الشارع؟


#798312 [بتاع زريبة فحم]
5.00/5 (1 صوت)

10-11-2013 09:40 PM
لو مكانك و الله ما ارجع اكتب حتى و لو فحمة احسن ليك تكتب فى الصحف الاليكترونية بحريتك


ردود على بتاع زريبة فحم
[المتعافي] 10-12-2013 07:52 AM
ياخوي الكيزان ديل ماعندهم حاجة عيب اسي حيرجع يكتب زي الماحصل شي


#798296 [عصمتووف]
0.00/5 (0 صوت)

10-11-2013 09:02 PM
اخونا الطاهر الواضح ما فاضح والارزاق ليس في يد البشير وسدنتة من الفاشين غادر الصحافة السودانية حتي لو منحت حصانة علي الكتابة وجواز دبلوماسي الصحف في ارض الله واسعة صحافتنا البائره افضل منها ان تطل علي قراءك عبر مساحة الراكوبة انها مهذلة بكرامتك و بشخصك والله لو في محل اكسر قلبي يوم حظر بعد يومين فك حظر ده لعب عيال وعلي بقية الصحفيين الشرفاء الاتحاد واعلان العصيان الكتابي لنري ماذا يعمل هؤلاء الصعايك خفافيش الظلام وكلابهم وخنازيرهم المسعورة


#798284 [مغترب]
5.00/5 (1 صوت)

10-11-2013 08:47 PM
عوده حميده يا ابو ساتي عليكم بهم من شعر الراس الى الاظافر بالمستندات


ردود على مغترب
[المتعافي] 10-12-2013 07:53 AM
عودا حميدا لممارسة مزيد من التخدير الكتابي و امتصاص الغضب


#798274 [زاهر احمد]
0.00/5 (0 صوت)

10-11-2013 08:20 PM
سيظل الشرفاء من الصحفيين متمسكين بمهنيتهم مهما فعل نظام البشير ومن الافضل للنظام ان يرحل ولن يفعلوا لان الميتة ما بتسمع الصايح كما يقول المثل


ردود على زاهر احمد
[المتعافي] 10-12-2013 07:56 AM
اكيد بس الشرفاء بيتمسكو بالمهنية من اول يوم، مش بعد اكتر من عشرين سنة لما يرموهم بايظ تظهر الوطنية و النقد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة