الأخبار
أخبار إقليمية
أسرار زيارة وزير خارجية قطر للسودان
أسرار زيارة وزير خارجية قطر للسودان
أسرار زيارة وزير خارجية قطر للسودان


10-14-2013 05:54 AM
عبد الوهاب همت

اكدت مصادر دبلوماسية قطرية انه وبعد استلام الامير القطري الجديد لمقاليد الحكم في بلاده انه قد أصبح اكثر انفتاحا من والده الامير السابق وبدأ في خطوات عملية نحو تحسين وتطوير العلاقات الدبلوماسيه مع بعض الاقطار ةمنها بلدان خليجية والتي شابتها الكثير من التوترات. وقد بدأت أولى خطوات ذلك التعاون, وقالت مصادر أن دولتين من الخليج قدمتا بمبادرة الى الامير القطري الجديد لحل مشكلة السودان ومرد ذلك ان قطر ظلت ومنذ فترة تتابع الشأن السوداني وقد اشرعت ابوابها للفرقاء السودانيين للتفاكر في سبيل الخروج بحلول للقضية السودانية.

الطرح المقدم من الدولتين والذي وافق الامير القطري على الوقوف من خلفه بل والسعي لانجاحه وفقا للمصادر يتضمن عدة مقترحات منها تقديم دعم مالي كبير وتأمين خروج الرئيس البشير وجميع افراد اسرته. وبقية من يود اخراجهم معه, على ان يقوم بتسليم السلطه مؤقتا للفريق مصطفى عثمان العبيد رئيس هيئة اركان الجيش السوداني.

لذلك سافر وزير خارجية قطر الى السودان الاسبوع الماضي في زيارة لم يعلن عن تفاصيلها حتى الان بالشكل الرسمي واستغرقت ساعة ونصف فقط . وتشير المصادر الى أن وزير الخارجية القطري ووفقا لما هو مخطط له مسبقا قبل السفر الى السودان وعند وصوله كان قد التقى سرا بكل من المهندس علي حسن البشير شقيق الرئيس وكاتم اسراره وكذلك التقى بالسيد علي كرتي وزير الخارجية السودانيه وختم لقاءاته السياسية بالدكتور نافع علي نافع.

ومضي المصدر ليقول الحكومة القطرية تعول كثيرا على توحيد الحركة الاسلامية في تياراتها المختلفه وتسعى في سبيل ذلك بكل الطرق المتاحه لها والامر بدأ منذ قرابة العامين بشكل جاد. كما انهم يرون ضرورة قيام مؤتمر قومي سياسي يضم كل الفصائل السودانيه السلميه والمسلحة ويعقب ذلك فترة انتقاليه على ان يتم كل ذلك تحت رعاية خليجية واشراف دولي وانهم على أهبة الاستعداد للشروع في التنفيذ خاصة وان بقية القوى السياسية السودانيه منهكة ولاتمتلك تصورا واضحا للحل لذلك فانها لاتعارض المقترح..

من جانبه التقى وزير الخارجية بالرئيس البشير على هامش دعوة احتفاليه صغيرة ولدقائق معدودات بعد ان تناولا الشاي سويا ولم يدخلا في أي تفاصيل فيما يخص الزيارة. وقد ذكر السيد وزير الخارجية للرئيس البشير انهم يثمنون عاليا الدور الذي لعبه البشير داخل السودان وكذلك دوره على المستوى العربي حيث انه وقف ضد التطبيع مع العدو الصهيوني.

الحكومة السودانيه اصبحت في وضع لاتحسد عليه خاصة بعد أن كتبت جريدة الصحافة والتي يحكم جهاز الامن قبضته عليها خبرا رئيسيا يقول ان المملكة العربية السعودية وامريكا واسرائيل هي الدول التي دعمت التظاهرات الاخيرة في السودان وهذه تعتبر (جليطة) كبرى قد حدثت ويصعب تداركها خاصة وانها قد احدثت شرخا عميقا في العلاقات الدبلوماسية مع امريكا والسعودية.


تعليقات 34 | إهداء 0 | زيارات 21558

التعليقات
#801423 [عادل الامين]
5.00/5 (1 صوت)

10-15-2013 05:49 AM
1-الطرح المقدم من الدولتين والذي وافق الامير القطري على الوقوف من خلفه بل والسعي لانجاحه وفقا للمصادر يتضمن عدة مقترحات منها تقديم دعم مالي كبير وتأمين خروج الرئيس البشير وجميع افراد اسرته. وبقية من يود اخراجهم معه, على ان يقوم بتسليم السلطه مؤقتا للفريق مصطفى عثمان العبيد رئيس هيئة اركان الجيش السوداني.

2-لذلك سافر وزير خارجية قطر الى السودان الاسبوع الماضي في زيارة لم يعلن عن تفاصيلها حتى الان بالشكل الرسمي واستغرقت ساعة ونصف فقط . وتشير المصادر الى أن وزير الخارجية القطري ووفقا لما هو مخطط له مسبقا قبل السفر الى السودان وعند وصوله كان قد التقى سرا بكل من المهندس علي حسن البشير شقيق الرئيس وكاتم اسراره وكذلك التقى بالسيد علي كرتي وزير الخارجية السودانيه وختم لقاءاته السياسية بالدكتور نافع علي نافع.

...
تعقيب
هذا الحل "المبطن" هو اعادة تدوير المركز من جديد مع -نفس الناس-
كان ناس الخليج ديل-المهتمين بالشان السوداني- يذاكرو في اتفاقية نيفاشا 2005 واديس ابابا 1972 وكتاب منصور خالد_تكاثر الزعازع وتناقص الاوتاد- وابيل الير(اتمادي في نقض المواثيق والعهود) ومحمد سليمان (السودان حروب الموارد والهوية) عشان يشخصوا مشكلة السودان كويس ..وعشان يحلوها بصورة جذرية...
مشكلة السودان هو عدم التزام اهل السودان القديم من 1956 بكل ما يوقعوه ولا ينزلونه للشعب اعلاميا ...ويمارسون السياسة كترف مقيت دون ادنى احساس بالمسؤلية ..
ويبدا الحل بالزام الحزب الحاكم بالالتزام بالقرار 2046 والدخول في مفاوضات مباشرة مع الحركة لشعبية شمال بعيدا عن "الكمونية" الحاصلة هسه...
هذا المركز بكل نخبه القديمة عالة على الاقاليم التي لم تتحرر بعد منه لذلك اي "مؤتمر حوار وطني" لابد ان يمثل ابناءالاقاليم من حملة االسلاح وسياسييه والمستقلين فيه مع -الفيش والتشبيه- وامكانية الطعن في اي عضو فيه وبمرجعية نيفاشا..هرمنا و سئمنا" تصفير العداد" واعادة تدوير نفس الناس والفشل ..او ينقطونا بي سكاتهم..ويترك الامر للرافعة الخافضة والله من ورائهم محيط..


#801385 [adil a omer]
0.00/5 (0 صوت)

10-15-2013 02:26 AM
انتهى دور الخراف والكلاب وجاء دور البقر ليتحكموا فينا

قال ضد التطبيع قال !!! طيب ايه رايكم نحنا مع التطبيع وبنحب اسرائيل موت

لا خروج امن ولا غير امن القصاص القصاص القصاص ومن يجير القاتل فهو قاتل ومتستر على قاتل

دماء السودانيين خط احمر وهى التى ستحدد علاقاتنا مع دول البغاء


#801376 [بيكو]
0.00/5 (0 صوت)

10-15-2013 01:19 AM
الخبر مبتور،البشكير ايو شنو في الحنك ده؟


#801340 [nagatabuzaid]
5.00/5 (1 صوت)

10-14-2013 11:31 PM
الزيارة واضح معالمها فيها اخ عمر البشير معناها سمسرة وبيع وشراء والساعة ونص دى توقيع عقودات بتسليم السودان خالى من الموانع تاح تراح فى 48 ساعة التخلص من اكثر من 200شاب ضرب فى المليان الصدر والراس احسبوها فى كم يوم يمكن يفرغوا السودان خالى من الموانع


#801318 [وآ حسيناااااه]
4.75/5 (3 صوت)

10-14-2013 10:35 PM
فاليعلم الشعب السوداني الأصيل أن حكومة قطر ومعها قرنائها من اليهود وآل سعود وآل زائد ( زادهم الله عذاباً في نار جهنم أجمعين ) لا يعملون من أجل سواد أعينكم وبياض قلوبكم , بل لا يكترثون أصلاً لأمركم إن لم يكن لديهم غرض مقضي بأمر ذلك القرضاوي الذي أصبح ( في غرة من الحين ) مفتي السلاطين الذين أقرضوه ذهباً فأقرضهم الطين من نهج بني أمية الفاسقين.
لقد حاول أمراء الخليج منذ عهد الرئيس الأسبق جعفر نميري أن ينزغوه بنزغة منهم لفصل وفك إرتباط شمال السودان مع جنوبه ولكن الرئيس نميري لم يستجب لهم واستعاذ بالله منهم , حتى جاء هذا اللص - الذي يعتقد أن أجداده قدموا من جزيرة العرب - والذي إن قارنّاه بالنجاشي ملك الحبشة لوجدنا في دم النجاشي عروبة أكثر منه , فما هذا العمر العاقر سوى جيفة جاءت بها بغاث الطيرٍ , بحثاً وراء غثاءاً أحوى وكلأ ومأوى , فلما أستقر به الحال وتقـَوّى , نبحَ وعوّى , وكان قد أسـرّ النجوى , بأن يلبي داعيَ العروبة فيفصل الجنوب عن شماله ويبعد الأخوّة , وهكذا أجاب دعوة العربان من آل سعود وخليفة وآل نهيان , فحقق لهم ماكان بالأمس مجرد رؤية مخفية عن العيان. ثم أن هؤلاء الآن , يتقاسمون بيعة السودان , آلآف آلآف من الأفدان , وزعها عمرٌ على العربان.
سيأتيَ يومٌ تخرج فيه ياعمر من البلاد محمولاً على سرج بعير آل مرمطان.


ردود على وآ حسيناااااه
[nagatabuzaid] 10-14-2013 11:25 PM
يا وا حسينااااااااه لقد خلع عمراه عباءة من كان يتسلبط بهم وينادى واعرباااااااه وا مضرااااااااااه ورمى عباءة قصى وجرهمااااااااااااه واصبح واخميناااااه وا فارساااااااااه
ولم يتبقى له من العروبة سوى واحسيناااااااااه فماذا انتم فاعلون معااااااااه اترجعونه مرة اخرى الى واقطراااااااااااه ؟؟؟؟؟؟؟؟ظ


#801197 [اليوم الحار]
4.50/5 (3 صوت)

10-14-2013 06:16 PM
تسعى بعض دول الخليج ومنها قطر للمحافظة على مصالحها الاقتصادية والاستثمارية مع نظام اخواني عقائدى باع لهم أراضى السودانيين بمبالغ ضخمة واستفاد منها صقور النظام بصفة خاصة ولا زال بعض أهل وملاك الأراضي يناضلوا من أجل استردادها ولكن هيهات من نظام حكم يضرب شعب بلاده بالحديد والنار ولا شك ان زيارة وزير خارجية تخفى ما وراءها من اغراض سياسية معينة وما الاحظه وأقرأه من امور امنية نحو السودانيين في بعض الدول ولارتباطها بنظام الانقاذ ( الاخوان ) يحمل دلالات سياسية عدة طالما دول الغرب راضى عنه ولا تود ان يزول حكمه عن للسودان لأنه ينفذ أهداف الإمبريالية الصهيونية بخطي ثابته فصل جنوب السودان ودمر الاقتصاد وأدخل ملفات بعض الأقاليم السودانية الى دواليب المنظمة الدولية ( الأمم المتحدة ) ومجلس الأمن وكذلك فتح ابواب مشرعة للقوات الاجنبية لطمس سيادة بلدنا واذكر منها أربعة ألف جندي اثيوبي في حدود السودان نحو أبيي وهناك قوات عدة من بنغلاديش والكنغو وتشاد تمرح في أراضى دارفور وأخرى بجبال النوبة وقسم نصف مطار الابيض لتمرح به الطائرات الاجنبية دون رقيب سودانى ويأتي نافع بقول للمعارضين السودانيين أنتم خونة أذن من هو خائن بلاده في مثل هذه الاحوال الواقعية ؟


#801181 [مشروع حضاري]
5.00/5 (2 صوت)

10-14-2013 05:54 PM
الحاصل في السودان والحاكمين السيئين في السودان كلهم سببهم الترابي ... ولقد لقى جزائه من ابناءه الذين رباهم واحد واحد واختارهم ونامل ان يعملوا فوقوا اكثر من كدا.. اللهم عليكم بالظالمين اللهم عليكم بالظالمين
اللهم عليك بالظالمين الذين فرقوا البلاد والعباد
اللهم عليك بالظالمين الذين استثأثروا بخيرات البلاد
اللهم عليك بالظالمين الذين بنو الدور والقصور
اللهم عليك بالظالمين الذين استأثروا بالوظائف
اللهم عليك بالظاليمن الذين استأثروا بالجيش والشرطة
اللهم عليك بالظالمين الذين سلطوا علينا كلاب الامن تنهش في اجسام كل من يقول (بغم)
اللهم عليك بهم عاجلا غير آجل يا رب العالمين


#801170 [murtada eltom]
5.00/5 (1 صوت)

10-14-2013 05:25 PM
....SIRS,,,,, l am extremly un optimistic


#801089 [صابر]
5.00/5 (1 صوت)

10-14-2013 03:09 PM
رد على الباشمهندس سلمان اسماعيل بخيت علي
يا باشمهندس أنا قرأت الموضوع بتمعن مثله مثل كل المواضيع وعندما أقرأ موضوع فإنني أقرأ ما وراء السطور. وحتى الآن أقول لك من هو المهندس علي حسن البشير، كاتم أسرار ديك العدة؟ هو شقيقه، طيب نجن السودانيين ليس فينا عاقل وأمين غير البشير وأخوانه وكرتي. أنت تتحدث عن دبلوماسية سودانية وعن ما عارف عسكري يستلم السلطة، هل تعتقد أن شعب السودان بهذه البساطة يسلم قياده للكيزان مرة أخرى يعني يشيل البشير ويخت عسكري مائة بالمائة كوز؟
هذا هراء لن يقبل به أحد والقطريين الذين ساندوا نظام الكيزان طوال هذه المدة يبحثون عن طريقة يؤمنون بها استثماراتهم في السودان والأراضي التي اشتروها بأبخس الأثمان ولذلك فإن وضع كوز مكان كوز يؤمن لهم موضع قدم في البلد.
نحن لا نبخس من الجهود التي بذلتها دولة قطر في "المونولوج- الذي يسمى حوار الدوحة". فالقطريون وغيرهم يعرفون تمام المعرفة أن النظام لا يحترم عقود ولا مواثيق ولذلك يجب أن نكون حذرين في التعامل مع مثل هذه الخطوات الانتهازية.


ردود على صابر
[hassan] 10-15-2013 03:13 AM
واحده برئاسة سرالختم الخليفه والثانيه برئاسة الجزولي دفع الله ، اما سوارالذهب ومن معه من العسكر فقد كانوا يمثلون الجيش تحت مسمي المجلس العسكري . لزم التنويه .

United States [المهندس سلمان إسماعيل بخيت على] 10-14-2013 03:58 PM
العزيز صابر نحن السودانيين فى مرحلتين سابقتين سلمنا الحكم لحكومتين مؤقتتين واحد برئاسة سرالختم الخليفة والثانية برئاسة سوار الدهب
الحاكم الحالى عسكرى العالم لم يعترف به رئيس جمهورية مدنى عشان كده المقترح بعملة تسليم وتسلم من عسكرى لعسكرى لفترة مؤقته
الأحزاب الوطنية واجهزة المجتمع المدنى سيكون لها دور لكن مش الأن
لمان يعرض المقترح على البشير وأسرته ورجال حزبه وسيوافق سيوافق لأنه راكب مركب مقدوده وحتغرق
لو لم يمرق اليوم بكره حيغفز منها
ياصابر قلت : هذا هراء لن يقبل به أحد
وكمان قلت : نحن لا نبخس من الجهود التي بذلتها دولة قطر في "المونولوج- الذي يسمى حوار الدوحة"
وكمان قلت : هل تعتقد أن شعب السودان بهذه البساطة يسلم قياده للكيزان مرة أخرى
عبارات ( لن يقبل به أحد ) ، ( نحن لا نبخس ) ، ( وهل تعتقد أن شعب السودان بهذه البساطة )
دى عبارات بيقولها زول منظم مرتب راسم خارطة طريقه وعارف بسوى فى شنو
نحن جماعة مفككه والمظاهرات الفاتت فى سبتمبر كشفت سوءتها نحن مامنظمين وليس هنالك أى رابط فكرى أو سياسى يجمعنا
الحكومة دى ساقطه ليها سنين ومتهالكة وواقفه على عصى سليمان التى أكلتها دابة الأرض عاوز زول يديها لزه وتقع والزول دا غير موجود ودا اللى خلى نافع راكب عربيتنا ( لاندكروزر الشعب ) ويتحاوم فوقنا وفوق حريمنا بعدما قتل أولادنا عشان يقول لينا إنتو ماكم رجال ، لكن وليداتنا فيهم الخير بس إن شاء الله المركوب ما تكون جاته حاجه
كدى ياصابر إستهدى بالرحمن
وعيد التفكير مرة ومرة وورينا البلوى دى اللى أتبلينا بيها اللى يفكنا منها شنو


#801042 [hulfa]
5.00/5 (4 صوت)

10-14-2013 01:39 PM
انتو يا جماعة مسئولين من الخير المدعو ثروت فاسم ويييين شكلو كدا الجماعة لحفو امات طه لانو لو كان حي كان قدانا قد بالخطرفات البالفا من راسو وكلها طلعت كذب ساي غايتو ربنا يرحمو ويغفر ليه


ردود على hulfa
European Union [خضر عمر ابراهيم] 10-15-2013 02:02 AM
يا Hulfa العراف ثروة قاسم في بيت الصادق 24 ساعة بفبرك في مقال سم يبرر مناصفة الحكومة القادمة بين المؤتمر الوطني وحزب الامة ورئيس وزرائها الصادق المهدي ووزير الاعلام والناطق الرسمي بت ملوك النيل ووزير خارجيتها مفاجأة
ترقبوا مقال ثروة قاسم

United States [عصمتووف] 10-14-2013 07:45 PM
مالك تذكر اصحاب المقابر حمدنا الله قطع وشو حول الي موقع حريات شايفوا بطرف عيني باري الجماعة بري الرشاش ده كان دايرو امشي هناك وكمان بنجده في سودان لاين

[تنقل] 10-14-2013 05:41 PM
يا Hulfa انتي ناس النيلين ديل قواصات ولاشنو

[قنقليس] 10-14-2013 05:04 PM
يا حليلك يا ود اخوي، بتسأل من ثروت قاسم؟ دا طلع واحد جداد الكتروني اكتشف في النهاية إنو ديكو فاسد، عشان كدا كب الزوغة، ولو جاء راجع تاني احلق شنبي دا


#801032 [AbuIslam]
5.00/5 (2 صوت)

10-14-2013 01:29 PM
سبحان الله هل تعلموا ان عدد السودانيين الين يحضرون كورة هلال مريخ لو قاموا وبالوا في قطر لغرقت غطر بالله تتحكم فينا هذه الدولة القبيحة التي اسمها قطر الله المنتقم يتفاضون على السودان منو الذي اعطاكم هذا الحق ياوزير الامير الذي ابيه حبس ابيه


ردود على AbuIslam
United States [WAHID ZAHGAN] 10-14-2013 09:58 PM
يا زول انت الابتدائي ما قريتو؟ نقول حكاية غطر دي خطأ مطبعي لأن القاف جمب الغين في الكيبورد وكلوا عند السودانيين واحد أما حكاية الذي أبيه حبس أبيه بايخة جد من ناحية اللغة الصحيح الذي أبوه حبس أباه

United States [ابوعديلة] 10-14-2013 05:14 PM
بالله عليك من يستحق أن يتبول عليه رواد هلال مريخ ؟ القطريين الذين يبحثون عن مصالحهم أم نظامنا المجرم المهترئ الذى ملكهم زمام الأمر بالسودان ؟


#801030 [اوكامبو]
3.75/5 (5 صوت)

10-14-2013 01:28 PM
ساعة و نص بس عشان يتكلم فيها وزير خارجية دولة أصغر من محلية بحرى فى شأن السودان اللى لمن كان دولة و يصول و يجول فى الجامعة العربية و الأمم المتحدة قطر كانت عبارة مجموعة كثبان رملية. ما فى شى إسمه خروج آمن أبقوا رجال و أقعدوا فيها للنهاية يا إنتهيتوا من الشعب السودانى يا الشعب إنتهى منكم و لا توجد منطقة وسطى مابين الجنة و النار و مثل أنصاف الحلول دى اللى خلت اليمن حتى اليوم لا طائل أرض و لا سماْء.


#801007 [kalifa ahmed]
5.00/5 (1 صوت)

10-14-2013 01:08 PM
لا تنتظرو خير يأتي من دويلة قطر !!!!! سمها بدون عسل.....قطر هي الوكيل الحصري للتنظيم العالمي لعصابة الأخوان المتأسلمون ذراع الصهيونبة في العالم الاسلامي !!!!!


#800945 [صابر]
5.00/5 (2 صوت)

10-14-2013 12:09 PM
"التقى سرا بكل من المهندس علي حسن البشير شقيق الرئيس وكاتم اسراره وكذلك التقى بالسيد علي كرتي وزير الخارجية السودانيه وختم لقاءاته السياسية بالدكتور نافع علي نافع".
هل حواء السودانية عقرت وليس في السودان الفضل غير هؤلاء؟ ومن هو المهندس على حسن البشير هل هو ولي عهد السودان؟
الشعب السوداني سيد نفسه ولا يمكن ان تتحكم فيه مجموعة مشروخة الشخصية. وقريبا سيعلم القطريين أن أرض السودان حبلى بالمفاجئات وأن هنالك أبطالا غيورين على بلادهم وعلى شعبهم لا يبيعون بلدهم وشعبهم مقابل دراهم وشقق يتبرع بها القطريون لهم بعد أن باعوا أرضهم بأبخس الأثمان.


ردود على صابر
United States [كسلاوي] 10-14-2013 07:16 PM
السلام عليكم.يا أخوي الحكاية دي فتنة كبيرةوربنا يسلم السودان منها لأنو يد الله فوق ايديهم والله بالغ أمره.الحاجة الثانية إنو السودانيين حمقى ويكاد يكون مافيها حكماء والله أعلم.والسياسة في تقديري معناها الحكمة.يعني إنفعالات وورعونة ماتنفعكم.فا إلى أن تتغير الناس بعدين ربنا بغيير حالكم للأحسن فهمت.

United States [عصمتووف] 10-14-2013 05:38 PM
تتمة
يا جماعة نحن عندنا مشكلة ومشكلة كبيرة جدا
غالبية من يدخل ويعلق على المقالات والأخبار الهامة أو جديد المقالات التى تطرحها الراكوبة مشكورة من الشباب - والشباب بيكون مندفع والعاطفة فيه تتغلب على العقل ودا أمر خطير


بالمناسبة يا باشمهندس كل موضوع اقرا واراجع واحلل وانظر واره وخلفة ومن جميع الاتجهات كنظافة الكمونية وام فتفت تشريح وتجريح واحيانا اكتفي بالعنوان فقط منصاتي الثابتة والمتحركة جاهزه لاطلاق الصواريخ والله نريد ان نكون كشعوب الدنيا لاعرب اصبحنا ولا افارقة بتنا لو اخترة اسوء السيئين اختار الدمار الشامل وتجدني أكثر إصرارا على إسقاط النظام مهما كانت الصعوبات والتكلفة، ومهما كان الحديث والنتائج بدلا من الموت علي سرير والشدائد تصلح من النفس . والترف يفسد و كل شعوب الارض تختار بين الجيد والسئ اما نحن فيجب بين السئ والاسوأ اما الطغاة او المتطرفون

United States [عصمتووف] 10-14-2013 05:25 PM
الاخ باشمهندس سمعة العيد مبارك عليك اولا والله غالبية الشباب غالبية الشباب فقدة الامل في الغيير تنوم وتصحي علي افيون الدين والانقاذ مخطئ لو ظننت هؤلاء سوف يرحلون انا خابرهم واعرف تكتيكاتهم وكذبة كسبا للوقت سوف يهلكون واحد بعد الاخر ولم نشاهد واحد منهم يقدم لمحاكمة لقطع يده وعنقة او من خلاف علي حسب شريعتهم المزعومة فقدنا الامل في القوات المسلحة اولا ومعتقدين فيها واحد يخلص الدين والوطن والشعب من شرورهم لم نجد عواجيز الاحزاب الرجعية والطائفية اثروا السلامة ما دام الابناء مساعدين فيهم من يحكم من بعد والاخر بميدان سباق الخيل الزمن يجري وليس في صالح شخص معارضة مسلحة تدير حروبها علي الاطراف نريدها في المركز هل تصدق انا واحد لا احمل عداء شخصي للبشير وغيره انا وغيري نبحث عن كرامتنا وكبرياؤنا ومستقبلنا يضيع في انتظار قطر ودول الجوار تصور مدي الاهانة تلك الدويلات نالت استقلالها قريب جدا اصبحوا واسطات لحل مشاكلنا غير الاراضي المحتلة سوف نعارضهم من اجل كرامة كل شحص وحريتة وعودة الاراضي الفروع للاصل السودان ليس بيت البشير ونحن لسنا رقيق نحن احرار مستعدين لاكل القطط والفيران والسبع والقمل والقراد في سبيل اقتلاع هذا النظام الفاشل الساقط اصلا كلنا بنرنو للمستقبل للاجيال القادمة عسي ان لا تذوق كما ذقناة واشدد لا للعناصر الرخوة ولصوص الثورات ورجال كل الانظمة بالاضافة للسيدين وثالثهم الترابي البشير وبقية الخنازير حتي لو حرقناهم بالكيماوي لا اريد اثرا علي الارض ولا ذكري بالمناسبة انا راديكالي و عنيف والله لوحكمت لامكان لهؤلاء بيننا اقذفهم وراء الشمس مع شكري وتقديري واحترامي لشخصك النبيل

في النهاية لا يحق الا الحق و انا سعيد جدا بمداخلتك الموضوعية و انابة عن الشباب كسبنا صديقا

United States [المهندس سلمان إسماعيل بخيت على] 10-14-2013 01:49 PM
ياصابر كدى هدىء وأصبر شوية فالسيد عبد الوهاب همت لو فهمت ماقاله أن دول الخليج أقنعت قطر الداعم رقم 1 لجميع أنظمة الأخوان فى وطننا العربى ، أقنعتهم بأن سلامة وأمن السودان وعودته لمحيطه الإقليمى والعربى يتلخص فى التخلص السلمى من البشير والبشير دموى كما شاهدتم وماعنده شىء بخاف عليها ممكن يبيدكم كلكم ويبقى فى الحكم خاصة والرجل بيعتقد أنه راجع من الحج كيوم ولدته أمه
أرجع وأقرأ الموضوع بتمعن
وزير خارجية قطر كان قد التقى سرا بكل من :
المهندس علي حسن البشير شقيق الرئيس وكاتم اسراره وطبعا مش ممكن يجى وزير خارجية قطر ويذهب للبشير ويقول ليهو لم كل حاجاتك والناس العاوزهم يكونوا معاك من أهلك خلاص نحن قررنا أن تترك الحكم ونسلم الحكم لفترة إنتقالية شبيهه بتلك التى أعقبت أكتوبر ( سر الختم الخليفة ) وتلك التى أعقبت الإنتفاضة (سوار الدهب) وقررنا المرة دى لمان أنت تمرق بأخوى وأخوك يسلم الحكم للفريق مصطفى عثمان العبيد رئيس هيئة اركان الجيش السوداني - عشان على حسن البشير يقلب الكلام فى مخه ولو لقاه مناسب يمشى يقنع أخوه الكبير ( عمر )
وعشان الدبلوماسية السودانية تكون فى الصورة
كذلك التقى بالسيد علي كرتي وزير الخارجية السودانيه
وختم لقاءاته السياسية بالدكتور نافع علي نافع لأن نافع شخص مهم فى لعبة الرئاسة بعد البشير ويمنى النفس بخلافته وعشان كده مشى يعزى فى برى وكرشوه ومشى يحتفى بأحد أعيان الهلالية وبالمركوب ضربوه
وافتكر نافع بعد هذين الحادثين قنع من أن يكون رئيسا للسودانين
يا جماعة نحن عندنا مشكلة ومشكلة كبيرة جدا
غالبية من يدخل ويعلق على المقالات والأخبار الهامة أو جديد المقالات التى تطرحها الراكوبة مشكورة من الشباب - والشباب بيكون مندفع والعاطفة فيه تتغلب على العقل ودا أمر خطير
ما قاله صابر كان يمكن أن يخرج بصورة مخالفة لماقاله لو توضأ وصلى ركعتين وإعاد القرأة
عصمتووف قال لا بديل الا السلاح سلاح دمار شامل يقضي على الاخضر واليابس يقضي علي العناصر الرخوة يقضي علي لصوص الثورات
الفاتح قال بلا يخم قطر واليوم الجاب قطر انتو دايرين الدول الاخرى يحكمها الاخوان الملسمون
[ابوعبيدة محمد احمد النيل]قال ايها العرب ارحلوا عنا فنحن سودانيون افارقة و لسنا عرب
أحسن واحد كان تعليق ( ودعز ) حين قال :المصدر ؟؟؟ جبت الكلام ده من وين
ود المطلوب أن ينبأ يأتى يجب التحرى عن مصدره ودقته ثم نحكم عليه
أنا لا أحب قطر ولا أحب القطريين وأتشكك فى نواياهم ضد السودان ونواياهم الأن تجاه مصر واضحه
لكن أى خلاص من هذا النظام دون إراقة مزيد من الدماء أنا معه
المشكلة التى قد لايعلمها أبنائى المعلقين على هذا المقال أن السودان ذاهب الى زوال لو بقى البشير فالدولة الحديثة لا تدار بالرجال فقط ولكن الرجال والمال والسودان مفلس بدرجة إمتياز ولو لم تجرى له عملية جراحية عاجلة لإستئصال ( القلب والرئة والكبد - إزالة جماعة القصر - جماعة مجلس الوزراء وجماعة المؤتمر الوطنى ) سيدخل السودان فى موت سريرى شبيه بموت شارون يمتد من 2006م الى 2013م وقد يكون لمدة أطول
بالله عليكم يا ابنائى سيبوا الحديث اللى زى حديث ( عصمتووف قال لا بديل الا السلاح سلاح دمار شامل يقضي على الاخضر واليابس ) يا عصمتووف يا إبنى الله يكضب الشينة وأظنك أول أمس قد سمعت بفتوى تجيز لاهل معضمية الشام أكل القطط والكلاب - تعرف تأكل الأخضر واليابس تعنى شنو - تعنى أن يأكل إنسان السودان القطط والكلاب وأن نتشرد ونموت
من وين جيتوا بهذا الحقد - خلوه يغور بكل جماعته من الوطنى والشعبى ويسلمنا وطنا بكل هذا الخراب لنعيدها كما كانت قبل 1989م
أهل السودان أهل الصلاح والفلاح لن يدخلوا فى حرب أهلية كما فى سوريا
نحن أمة سمحة وطيبة
السودانى هو المسلم الوحيد الذى إذا شاهد بيت الله الحرام تدمع عيناه
والسودانى هو المسلم الوحيد الذى إذا شاهد مسجد رسول الله تدمع عيناه ويبكى
نحن حب رسول الله نحن مقامنا مقام أسامة بن زيد
هدانى وهداكم الله وأخرجهم من بيننا دون خسائر تذكر فيكفى ماقتلوه
وهذه العصابة ستخرج لقطر دون محاكمة ولكن ستلاحقها الجنائية أينما حلت


#800930 [عصمتووف]
3.00/5 (2 صوت)

10-14-2013 11:55 AM
لا بديل الا السلاح سلاح دمار شامل يقضي على الاخضر واليابس يقضي علي العناصر الرخوة يقضي علي لصوص الثورات ورجال كل الحكومات يقضي علي الطائفية والرجعية البغيضة نريد وطنا بدون فوارق اجتماعية وطبقية واقطاعية يتساوي فية اللون والدين لا يوجد شئ اسمة اخ مسلم ومسلم لا فرق بين انصار سنة وانصار سنة بكسر السين وكل واحد بعملة يوم القيامة يجب ان تتمايز العلاقة مع الدولة الخارجية مع او ضد والله كان ويكة ولا امتكشوا بناكل الدوم قاعد اللالوب العرديب متوفر القنقليز وطظ في التفاح وغير من فواككة الجنة الغالبية متاقلمة بطونها تقرش اي شئ


ردود على عصمتووف
European Union [خضر عمر ابراهيم] 10-15-2013 04:10 AM
يا عصمتوف يا اخوي سلام
يا اخوي طول بالك وسروا لك وجلابيتك السودان والشعب السوداني بخير ما محتاجة الشغلة لي سلاح دمار شامل ولا خرطوش موية كمان ،،،
الزول مارق مارق بي جماعتو ،،،والمصادر بتقول 2014 زولك ما حيكون في الدفار ،،،والله جماعتك بتاعين الحلل هسع شايلين كماشتهم ولافين،،، الجلاكين حيروهن واحد مرق والتأني عايزين يشيلو القفة عشان ورقو ينحرق ،،،وبعدين بي أربعة جوارك ما يقدر ينزل،،،
احفظ تعليقي دة كويس يا عصمتوف اخوي 2014 الكوتشينة حتندك واللعيبة الأربعة حيتخارجو،،،
2014 والراكوبة حتكون في السودان بث مباشر ،،، فترقبوا الحدث ،،،
انا متأكد مية المية الصفقة حتم بي اخوي واخوك ولا بخلافو حتتم،،،3 شهور وبتمر


#800929 [elfatih]
1.00/5 (1 صوت)

10-14-2013 11:54 AM
بلا يخم قطر واليوم الجاب قطر انتو دايرين الدول الاخرى يحكمها الاخوان الملسمون وانتو لماذا لا ترشحون الاخوان ليحكموا قطر ثم ثانيا انتم مطبعون مع اسرائيل حلال عليكم وحرام على الاخرين

وكمان قال خروج أامن للبشير واسرته طيب والدماء التى سفكها فى المناصير ودارفور واخيرا فى الخرطوم من الذى يدفع ثمنها

قطر صنيعه امريكيه خالصه وكما قال وزير الخارجيه الاسرائيلى قطر تنفذ استراتيجتنا فى السودان
وقناة الجزيرة الفذره خير دليل


#800903 [ودعز]
5.00/5 (2 صوت)

10-14-2013 11:17 AM
المصدر ؟؟؟ جبت الكلام ده من وين


ردود على ودعز
United States [المر] 10-16-2013 08:05 AM
كلام فارغ - عمر البشير وجماعته لا يمكن ان يتركوا الحكم وسوف يظلون يحكمون وينربعون علي جثثنا - ثم ثانيا قطر دي اكبر مصيبه علينا وعلي العرب هؤلاءيعملون لصالح اليهود وهم سبب بلاوينا بدعمهم للعصابة .

European Union [الدباغ] 10-14-2013 07:56 PM
منجرة الثوار


#800863 [ابوعبيدة محمد احمد النيل]
4.50/5 (5 صوت)

10-14-2013 10:23 AM
ايها العرب ارحلوا عنا فنحن سودانيون افارقة و لسنا عرب
تعلمنا اللغة من اجل ىالقرآن و فقط


ردود على ابوعبيدة محمد احمد النيل
[ابوعبيدة محمد احمد النيل] 10-14-2013 02:40 PM
اما القرش فيظهر انو عاجبو قرش العرب و عابز يترفع عن فقر افريقيا و مرضها و حتى ما عارف بكتب افارقة ( كتبها افريفان ) ارجو ان تسجل في الصف الثاني الابتدائي حتى تتعلم مبادئ اللغة و صيغ الجمع
و يسلم فمك ود الماحي فعلا غلطة كبيرة و يجب تصحيحها

[سمك القرش] 10-14-2013 12:28 PM
نحن نعم افريقان جغرافيا وعرقيا لكننا عروب الثقافة والهوي..يا راجل افريقيا ايه وكلام فارغ (افريقيا فيها ايه غير الرقيص والمجاعات والايدز وحكام ارزقية ومخبولين)؟؟

[ود الماحي] 10-14-2013 11:14 AM
إنت عارف يا أبو عبيدة أخوي
أصلا دخولنا في الجامعة العربية أكبر غلطة


#800857 [مدحت عروة]
4.88/5 (4 صوت)

10-14-2013 10:20 AM
اى حل لمشكلة السودان ياتى من الخارج محكوم عليه بالفشل ولا نريده اطلاقا من اى كان!!!!!!!!!!!!!!!!
حل مشكلة السودان ياتى من داخل السودان بالانتفاضة او بالتفاوض !!!!!
الدول الخارجية شقيقة او صديقة لا كلمة لها فوق كلمة الشعب السودانى وهى على عيننا وراسنا كدول شقيقة وصديقة ونتعامل معها حسب المصلحة الوطنية التى تنيع من الشعب السودانى والمصالح المشتركة يعنى المصالح المتبادلة مما يفيد الطرفين!!!!!!!
الحل عند الشعب السودانى وممثليه وما عند اى احد كان!!!!!!!!!!!!!!!!!
اصحوا يا سودانيين وشيلوا العفن والقذارة الاسمهم الحركة الاسلاموية او الانقاذ واعملوا نظام ديمقراطى ليبرالى حر عشان تبقوا نجوم وليس زبالة مثل الدول العربية التى تتقاتل بالمذهبية والطائفية والقبلية واهتموا بالحريات والتخطيط العلمى السليم فى جميع المجالات اما الدين والاسلام فهو فى قلوب وحدقات الشعب المسلم المسالم وليس عند تجار الدين من امثال الانقاذ او الحركة الاسلاموية جاها بلا يخمها فردا فردا من اكبر راس الى اصغر عضو فيها!!!!!!!!!!!!!!!!!


#800850 [الماعاجبو العجب ولا....]
4.69/5 (5 صوت)

10-14-2013 10:10 AM
الكلام الكاتبو الراجل بتاع المقال ومعذرة لعدم معرفتى بمدى معرفته بالأمور السياسية!وكن يبدو أنه يكتب من صفحة ما يطلبه الأنقاذيون،على وزن ما يطلبه المستمعون.ٌطر عمرها مافكرت فى إشادة بالتطبيع ولا بطيخ وبعدين البشير بالنسبة لقطر دوره ينحصر فى شراء اأصول السوددانية للدولة وقد تم شراؤها بالكامل حتى مبانى بنك السودان بشكل أوبآخر للقطريين أو أى جن أحمر عندو قروش والبشير وأخوانو(والسماسرة اللى فى النص) قبضوا التمن..... ولكن السؤال حيودو القروش وين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ما ملآذات آمنة بأموال الشعب وبأرواح الشهداء!!!!!!!! ودور البشير فى السودان كسمسار لرؤؤس الأموال أنتهى وهو عارف كدة وهم غير محتاجين ليه لا حى ولا ميت .


#800824 [مشتهيك انا يا بلد]
4.50/5 (3 صوت)

10-14-2013 09:45 AM
عبد الوهاب همت ذكرتنى الكاتب دااااك
والله نسيت أسمو
ياخى قولوا كلام يدخل العقل قطر لن تتنازل عن حكم البشير للسودان فقد خسرت أخوان مصر و خسرت من قبل علاقاتها مع دول الخليج لم يصبح لها سوى ليبيا التى على كف عفريت لذا سوف تتمسك بالبشير ونظامة لاخر رصاصة.


#800819 [المشتهى السخينه]
5.00/5 (9 صوت)

10-14-2013 09:43 AM
لن يقبل الرئيس الدائم ترك السلطة حتى ولو ملكوه كل اموال العالم ..الدكتاتور دائما يفضل المقابر على ترك السلطة . البشير وعائلته كانوا من افقر خلق الله .. وهم الان يمتلكون دولة وشعب .. وهو اصبح حاكما بلا دستور يفعل ما يشاء .. يقتل من يشاء ويعفو عمن يشاء ..لا بديل الا الثورة المسلحة ..فهم اجبن خلق الله فى المواجهة ..اما قائد الجيش المذكور فهو لا ينش ولا يهش .. سواق الرئيس الدائم اقيم منه ..


#800805 [نيزو]
3.00/5 (5 صوت)

10-14-2013 09:29 AM
مع الاسف الشديد..سبب الزياره هو اكمال صفقة بيع الميناء البحري بمبلغ مليار دولار...مصدر موثوق جدا...وغدا لناظره قريب


#800796 [أنور النور عبدالرحمن]
5.00/5 (2 صوت)

10-14-2013 09:12 AM
الموقف القطري لا زال تدور حوله الكثير من الشكوك رغم الاخلاص والود الواضح تجاه السودان ولم نرى حتى الآن النتائج المرجوة تحقيقهافي إقليم دار فور رغم الأمول التي أغدقتها قطر في شأن تنمية الإقليم وأمنه فأين ذهبت أموال قطر وهنالك ثمة حلقة مفرغة تسمى السلطة الإقليمية لدارفور بها عقربا ساعة هماالبشير والسيسي ولازال الأمر مبهماًوفي غاية التمويه ويقيني أإن هنالك الكثير من الأسرارالتي لا زالت تغيب عن الشارع السوداني الذي بات وهو الأخر يتوقف ويتحرك بحذر في صنع ثورته من بين فرث ودم لا تفوت عليه أن يعي تشرذم الحركات المدعية للإسلام بشتى مسمياتهامن منبر وعنبر لاجهاض ثورة 23سبتمبر 2013م الأصل في رغوة صابونية لمحوها من أصلها وابراز الادوار المتأسلمة ويضيع مجهود الشباب الرافض أصلا لأحزاب الفكةولا افتات المؤتمر المنشقة والشباب الوجه الحقيقي لثورة لا تحمل الزخم الربيعي قدم الشهدا ولا زالوا يهتفو ن مليون شهيد لوضع جديد


#800794 [lwlawa]
5.00/5 (4 صوت)

10-14-2013 09:03 AM
ليس هنالك عمل خير تقوم به قطر وتقدمه للشعوب ويمكن ملاحظة ذلك في كل تحركاتها في السنوات الاخيرة كل مساعيها لا تخلو من مؤامرات ودسائس ...؟؟..ولم ولن تكن حقانية او منصفة يوما ولن تكون .


#800782 [محتار جدا]
5.00/5 (4 صوت)

10-14-2013 08:53 AM
ده تدخل لا نرضى به كسودانيين ستقوم الثوره سودانيه خالصه وسيحاسب كل كوز كلب وسخ مجرم من الترابي الى أصغر كوز وقطر معروفه بتتطبيعها مع اسرائيل و توجهها الاخواني القذر يعني الشغله كلها جلب وجوه اسلاميه جديده.


#800779 [زول وطني غيور]
5.00/5 (1 صوت)

10-14-2013 08:46 AM
إى حل لمشاكل السودان بدون وجود حكومة إنتقالية تجري إنتخابات حرة ونزيهة تعقبها حكومية ديمقراطية منتخبة من الشعب وبإرادة الشعب وكذلك محاكمة كل المسئوليين عن توريط البلاد بنظام الإنقاذ سئ السمعة وسئ النهج , إي كلام غير هذا الكلام هو تكريس لسياسة الأمر الواقع.


#800778 [هيثم جمال الدين]
5.00/5 (2 صوت)

10-14-2013 08:45 AM
الدور القطري في كل المنطقة إلى إضمحلال ولن تجدي سياساتها في دعم القوى الإسلامية (جماعات الأخوان المسلمين) في بلدان الشرق الأوسط .يتضح التراجع بما يحدث لهم حالياً في ملف سوريا حيث يدور الإقتتال حالياً بين مجاميع المعارضة وكلهم إسلاميين وفيهم تنظيمات سلفية ظلامية مرتبطة بتنظيم القاعدة ,السعودية صارت تلعب لصالح ورقها في تشكيل حكومة المعارضة ونجحت في تنصيب شخصية موالية ومحسوبة عليها ضد الرغبة القطرية . أما هنا في السودان أعتقد أن قطر لا يمكنها النجاح فالنظام إن صحت هذه الميادرة فلن يقبلها وعملية توحيد الحركة الإسلامية أيضاً لن تكون ذات جدوى كبيرة خاصة إذا ما نظرنا إلى ما حل بإخوانهم في شمال الودي (مصر)الذي دق لديهم ناقوس الخطر ولكن ستأتي هذه الخطوة متأخرة فالشعب السوداني لم يعد يثق فيهم الطرفين الشعبي والوطني . الأيام القادمة ستكشف المزيد فلنتظر


#800776 [taluba]
5.00/5 (4 صوت)

10-14-2013 08:43 AM
ردنا لدوله قطر هو كرد المبعوث الروسي في الامم المتحده شوركين خليكي في .....بسبب قطر تقسم السودان وازدادت العنصريه في السودان بآموال الشعب القطري بس اخطونا.


#800773 [زاهراحمد]
5.00/5 (2 صوت)

10-14-2013 08:39 AM
هيهات هيهات فى الصيف ضيعتى اللبن شعبنا المكلوم لن يقبل غير اسقاط النظام والمحاسبة على كل الفظائع التى ارتكبوها فى حقننا لا يصلح العطار ما افسد القمع


#800770 [بت حبوبتها]
4.50/5 (2 صوت)

10-14-2013 08:30 AM
خروج آمن له وللأربعين حرامي, ما عندنا مانع !

دم أطفالنا الذي استباحه البشير أغلى من أن نساوم عليه, فليرحل البشير وأهله وصحبه بما خف حمله وغلا ثمنه, تصحبهم دعوات الملايين "ما عافين ليكم" وتنتظرهم عدالة السماء يوم الحشر يوم تبيض وجوه وتسود وجوه جزاء ما فعلت


#800752 [ما مرتاح ....وما مرتاح]
5.00/5 (1 صوت)

10-14-2013 07:43 AM
عندنا تارات شخصية وعيدان مجهزنها عاد نوديها وين ياناس؟
تنحوا سليما اوبصفقة قطرية او بانتفاضة شعبيةعيدانا تحت عناقريبنا
ووين ما مشوا وراهم والزمن طويل؟


#800745 [الضي السافريوم عرسو]
5.00/5 (2 صوت)

10-14-2013 07:19 AM
كل من اخترح علي البشير الخروج خرج هو من اوسع الابواب وامامكم حسني وقذافي وعلي عبدالله صالح


#800741 [اسمر جميل فتان]
5.00/5 (3 صوت)

10-14-2013 07:13 AM
لاحظو يا شباب بشة بيطقطق اصباعينه كيف!!!!
ده الحالة وزير ما ل لو جا الامير كان عمل شنو؟؟
شكلها القعدة ظااااااهرة في شحدة كبيرة؟؟؟ والله كون الوزير يجي في ساعة ونصف بس ده لوحدها اهانة للشعب السوداني الكريم
وبعدين يا بشة الوزير يا اخي ما تخليه يقبلوا الوزير والا حتى النائب الثاني او حتى الاول
كرهتنا ومرمطة بكرامتنا الارض .... السفرة الفي عاوز تسافر ... الوزير الجاي عاوز تقابله؟؟؟!!!
في شنو مالك يا خي اقعد في الواطة دي
الحج جا عاوز تسافر يا اخي اركب الطيارة دي ولف بيها بالليل جو السودان لمااااان تفتر
وبعد داك تعال راجع ارجا الراجياك !!!!
وخلي النواب والوزراء ديل ينظروك في المطار في الاستقبال



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.50/10 (3 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة