في


الأخبار
أخبار السودان
والي ولاية الخرطوم : التحقيقات مستمرة في أحداث التظاهرات
والي ولاية الخرطوم : التحقيقات مستمرة في أحداث التظاهرات
 والي ولاية الخرطوم : التحقيقات مستمرة في أحداث التظاهرات


بعد مجزرة الخرطوم
10-15-2013 06:53 AM

قال والي ولاية الخرطوم د. عبد الرحمن الخضر إن اللجنة المختصة بحصر الخسائر في الأحداث الأخيرة مازالت تجري عمليات الحصر للأرواح والممتلكات التي فقدت في التظاهرات الأخيرة بالخرطوم وأن التحقيق جارٍ لمعرفة المتورطين وتقديمهم للمحكمة وفق القانون.


وأضاف الخضر في كلمة ألقاها للمواطنين بمناسبة حلول عيد الأضحى المبارك إن الولاية ستشهد في الأيام القادمة إضافة مشاريع جديدة خاصة في الجوانب الصحية وسبل المواصلات الجديدة.


وفتح فرص عمل للخريجين واستيعابهم في الخدمة المدنية بالإضافة إلى التوسع في مشاريع استقرار الشباب عبر نوافذ التمويل الأصغر.


شبكة الشروق


تعليقات 18 | إهداء 0 | زيارات 2212

التعليقات
#802221 [كسار الثلج]
1.00/5 (1 صوت)

10-16-2013 06:21 PM
الخايب.


#801984 [elfatih]
1.00/5 (1 صوت)

10-16-2013 09:25 AM
كضاب يا منافق انت قلت بعظمة لشانك انو لم يصرف طلقه وااحده على اى شرطى

ثم تانيا الشعب يعلم تمام العلم انو الحاكم هو الجلاد والحاكم فالقضاء فى زمنكم ملطشه انا قيتو قنعاااااااان من القضاء السودانى

انت يا الجقر متين مسكت الولايه عشان تملك طلبمات ( اوليبيا ) ويكون عندك مزرعه كبيييرة للدزاجن بالدروشان وكلها مسجله بأسم ولدك وراااااجل بتك

قال تخريب قال


#801922 [fight4sudanl]
1.00/5 (1 صوت)

10-16-2013 07:21 AM
لكل الإخوة سلام من الله مباركا" وكل عام وأنتم بخير ونتمني أن نري العيد القادم والسودان خال من أي أثر للإنقاذ آمين ....الحديث عن من الذي قتل من وكيف ومن ثم محاولات البحث عن أفراد في النظام أو أسماء بعينها لا تخدم قضية الشهداء أو بالأحري قضيتنا كشعب .. نحن ننسب القتل لنظام الحكم في السودان .. التحليل لأول يصب في خانة النظام إذ من السهل للحكومة "إصطياد" نفر أو نفرين من "الجاويشية" ومحاكمتهم علي الملأ و-"خلاص "حققنا العدالة" ..الإدانة للنظام حتي لو قام بمحاكمة الآف من بني جلدته ..يجب ألا نقع في فخ إعلام الأنجاس .


#801881 [متمحن]
1.00/5 (1 صوت)

10-16-2013 03:02 AM
والله ماعارف لكن قالو اللبيب بالأشارة يفهم
أنا غايتو جوني شباب وقالو لي نطلع بكرة مظاهرة
قلت ليهم والله زول شكلو واااضح صيني أتكلم معاهو بالعربي (أكيد ماحيفهمني )
الناس ديل مابفهمو الا بي لغتم (لغة البندقية )
اقوم أطلع ليهم بي يدي معارض صيدة ساااهلة أبشر !!!!
أطلع بي بندقية أكتل تلاتة ويكتلوني مامشكلة...

بدليل ...

1- الناس ديل مافاوضو الا الحركات المسلحة وكلو يوم بيستهترو بالمعارضة السياسية (رغم انها تستحق ذلك) وكذلك حتى بقية الكومبارس في الحذب (ناس غازي وجماعتو و الأصلاحيين) لأنو البلد مصيطرين عليها مجموعة بعدد الأصابع وكلو واحد عندو مليشياتو والبقية في الحذب أرزقية وتمامة عدد لذلك عندما عارضو لم يهتمو لهم .

2- الترتيب في السلطة في مابينهم يتم حسب عدد وقوة مليشيات كل فرد نافع وعلي والبشير

3- قالوها غير الله الدارعنا يجي يقلعنا.

4- عدد القتلى بالنسبة لعدد المتظاهرين كبير جدا يعني لمن يتظاهرو(بصراااحة) على أكبر تقدير 500 ياسيدي قول ألف ويكتلو منهم أكتر من 200 يعني 25% غير الجرحى ؟؟؟!!!!!!!(دي ما ابادة)

5- والأبادة حصلت قبل كدا في دارفور والنيل الأزرق وحتى جنوب السودان لكن المشكلة في الشعب السوداني أنه لم يصبح كالجسد الواحد اذا اشتكى منه عضو تداعى له سائر الجسد بالسهر والحمى وانما الناس بتسمع في الاخبار وتقول مادام بعيد عن بيتي ماعندي غرض لمن جاتنا في بيتنا (الخرطووم) هسي يادوووب حرقتنا.

6- تعاملهم مع الداخل (المواطن) يختلف عن تعاملهم مع الخارج (مصر أحتلت حلايب وشلاتين وأثيوبيا احتلت الفشقة ولم يقتل ولا مصري واحد أو اثيوبي واحد) وقتل أكثر من 200 مواطن سوداني لمجرد أنه أحتج على غلاء الاسعار ورفع الدعم وياسيدي قول خرب ولا حرق طرمبة (الجريمة الحقيقية للمواطن أنو هز الكرسي ) طيب والشال محافظة ولا قرية كاملة ؟؟؟ (لكن لوفتحو خشمهم معا مصر ولا أثيوبيا حيردو عليهم بي لغتهم البفهموهاالبندقية ).

فالحل أعتقد والله أعلم من منظوري المتواضع واحد من اتنين :

- اما بأنقلاب عسكري لأنو الجيش معاهو الفهامة حقتم (البندقية) ودا مستبعد لأنو معظم الشرفاء في الجيش والذين أحسو بأن ولاؤهم للوطن ويمكن أن يتخذو مواقف ولهم الجرئة في تغيير مجرى الاحداث تم
التخلص منهم بالصالح العام وتم تسليم قيادات الجيش أما لموالين لهم أو لأشخاص لايهشو ولا ينشو
يعني بقاؤهم زي عدمهم . وكذلك أتخاذ الجيش لنفس مواقف الشعب من بعضه البعض (موقف مواطن الخرطوم من مواطن دارفور) وو الله أنا لاقيت عدد من الضباط وسألتهم عن موقفهم من المظاهرات وقالو لي : ( ماعندنا قضية بيهامالنابيها ) وكمان اليومين ديل بيستلمو في العربات من جياد (BYD)من رتبة رائد.

- الخيار التاني بالحرب الأهليةوالصوملة ودي ربنا يستر علينا منها وبالجد البلد في مزنق ومنعطف خطييييرخطييييير.
( اللهم أني لا أسألك رد القضاء ولكني أسألك اللطف فيه)


#801868 [متمحن فيكم]
0.00/5 (0 صوت)

10-16-2013 01:39 AM
والله ماعارف اقول ليكم شنو؟
ثورة ثورة ثورة !!!!؟؟؟؟
ياخوانا ثورة شنو وسلمية شنو؟؟
جوني شباب قالو طالعين مظاهرة بكرةتتطلع معانا
قلت ليهم
واحد هندي مابتكلم معاهو عربي (لانو ماحيفهمني)
الناس ديل مابيفهمو الا بي لغة البندقية
وانا مابمشليهم اعزل سااااي الا بي سلاح اكتل اتنين تلاتة
ويكتلوني مامشكلة
لكن امشي يدي فاضية ابشر ساااي واخد لي طلقة ابدا...!!!!!
والكلام دا ما ساي
١- الناس ديل قالو غير الله الدارعنا يجي يقلعنا
٢-الناس ديل مافاوضو الا الحركات المسلحة
٣-عدد القتلى بالنسبة لعدد المتظاهرييين كبير يعني لمن يكون بصرااااحة عدد المتظاهرين على اكبر تقدير ٥٠٠ ويكتل منهم اكثر من ٢٠٠ نفر يعني ٥٠٪ يعني البمشي ليهم اعزل مع احترامي
سازج واهبل
٤-هل لو كان المتظاهرين مسلحين كان مات منهم العدد دا؟؟؟؟


#801830 [hassan]
5.00/5 (1 صوت)

10-15-2013 11:26 PM
تكتلوا الكتيل وتمشوا في جنازتو ، كيف يستقيم عقل ان يكون الخصم هو الحكم ؟ لجنة ايه وبتاع ايه المنتظر من لجنكم دي انصاف يكون عشمو زي عشم ابليس في الجنه ، الناس منتظره انصاف رب العالمين وعدله ليقتص من الذين جنوا وممن هم وراءهم وهو الذي يمهل ولايهمل .


#801739 [مهندس محمد الحاج]
5.00/5 (1 صوت)

10-15-2013 07:31 PM
نفهم انو الزول دا جرا واطي وداير يشغل ليه كم خريج كدا ويجيب بصات تاني ولا شنو ؟؟ نحن مشكلتنا فيكم انتو اللي دايرين تحكموا الناس غصبا عنها كدي اعملوا انتخابات مبكرة بس بشرط المراقبين والموظفين يكونوا من خارج البلد عشان ناسكم ما يدنسوها ساعتها بس بتعرفوا ناسكم قدر كم ( اكيد اولادكم ونسوان اولادكم وبس ديل جماهيركم + قلة من المنتفعين) وانتو يا ناس نسيتوا الانتخابات الفاتت كان بيلزموا الموظفين يسوطوا ليهم والا ...... صاح ولا انا ضهبان


#801665 [عصمتووف]
5.00/5 (1 صوت)

10-15-2013 05:04 PM
هو ملف وبلف امني اجرامي مقفول لن يفتح ولن ينال اسر الضحايا واصحاب المرافق المحترقة جنية ولو تعويض


#801627 [قهران]
5.00/5 (1 صوت)

10-15-2013 03:30 PM
لا امان لك بعد اليوم ولكل قادة الامن


#801611 [لن ترتاحوا يا لصوص]
0.00/5 (0 صوت)

10-15-2013 02:48 PM
يقول والي الخرطوم عبدالرحمن الحضر في حديث مذاع ومنشور «إن الشرطة لم تقتل مواطناً واحداً بالذخيرة الحية، لأنها أصلاً لم تُصرف لها،)) انتهى ...
طيب يا والى لما ان الشرطة لم تقتل متظاهرا واحدا ..اذن القتلة هم رباطة وامنجية الاخوان (( المندسون وسط المتظاهرين )) بالدليل الضربة القاتلة من قناصة تدربوا على shoot to kill !! .وهناك ادلة اخرى بجانب ما سبق الاشارة اليه ..منها :-
* ان النظام بمختلف اركانه كان يصر على ان الشهداء هم 30 فقط واخيرا قالوا 70 !!بينما العدد الحقيقى يفوق ال 200 بكثير !! ( انت ما قتلت ولا واحد طيب ليه بتنقص الارقام الحقيقية ؟؟
* الجهات الامنية اجبرت عدد من الاطباء على تغيير التقارير الطبية من وفاة نتيجة اطلاق الرصاص الى وفاة طبيعية !!!( لما انت يا والى ما قتلت ولا واحد ..لماذا تتدخلوا لتغيروا التقارير الطبية ؟؟
تكذبون على من ؟؟كلكم كاذبون من الراقص الاكبر حتى وزير اعلام قناة قلبك ..
يكذبون ويتحرون الكذب ...!! ويجب ان لا ننسى ان المؤمن لا يكذب ..انتو ايه يا قتلة يا سفلة ؟!!


#801538 [abood]
0.00/5 (0 صوت)

10-15-2013 12:15 PM
you are such a a liar


#801527 [خالد حسن]
5.00/5 (1 صوت)

10-15-2013 11:18 AM
المجرم الخضر ورينا اول قاتل عوضيه عملتوا معاه شنو بعدين تعال اوعدما بالتحقيق في قتل شهذاء الشعب
نحن لاننتظر عدلا ولا انصافا من مجرم كاذب منافق افاك مثلك متي وعدت فاوفيت انت ورئيسك الكضاب الاكبر حتي ننتظر من المنافقين امثالكم وفاء للوعد!
انتظر مصيرك الاسود ايها الكلب الاجرب


#801496 [ود البطانة]
5.00/5 (1 صوت)

10-15-2013 09:57 AM
هههههههههههههههه والله انا مستغرب يعني هو فاكر إنه الشعب منتظر حضرته إقول التحقيقات اثبتت تنفيذ ما طلبه البشير وعلي عثمان بقتل المتظاهرين علي يد رجال الأمن وكتائب البشير ...

ولا عنده مسرحية تانية وطبخة علي نار هادئة بدنكلو فيها ..الخوف من السذج والعبطاء ..

بس بالله مرة في حياتك يا والي الخرطوم احترم عقول الناس وما تجي تتهابل وتقول لينا الجبهة الثورية وأيادي خفية والكلام اللابودي ولا بجيب دا ...

يا ناس هووووي لو منتظرين عدالة من هؤلاء الترابة دي في خشمكم ...

اللجان دي مكونة من منو؟؟ وما مدي صدقها وامانتها بالنسبة للشعب السوداني وليس بالنسبة ليكم إنتو ...ياتو يوم كونتو لجنة قالت الحكومة متورطة ولا المسئول الفلاني متورط ذكروني بس ...

كفاية ضحك علي الدقون ودم اولادنا بناخده بيدنا بس ما نلم في اولادكم علي القسم دمنا ما نخليهو ...


#801490 [أبوعلي]
0.00/5 (0 صوت)

10-15-2013 09:52 AM
الكذب والتلفيق والنفاق هو فقط ما تستطيعون
أن تعيّدوا به على الشعب الصامد رغم القهر
الناس فرحة رغم المآسي وأنتم في تعاسة ورعب


#801481 [المشتهى السخينه]
5.00/5 (1 صوت)

10-15-2013 09:25 AM
الوالى الخضر نفتيه بانه لا يحتاج ان يضحى . فقد ضحى ب 250 صبى وشاب قدمهم قربانا لولى نعمته الرئيس الدائم السفاح القاتل ..اللهم العن الوالى الخضر لعنا كبيرا هو ورهطه من المجرمين .. اللهم املأ جيوبهم بالمال الحرام واحرمهم نعة تذوقه..اللهم العن البشير السفاح وضيق عليه الخناق .. اللهم لا تقبض روحه الا بعدان يرى هوان نفسه وذلته ..


ردود على المشتهى السخينه
[بعانخي] 10-15-2013 05:27 PM
امين يامنتقم ياجبار ياواحد يااحد يافرد ياصمد

[الطيب] 10-15-2013 10:51 AM
.
اللهم آمين
اللهم آمين
اللهم آمين


#801475 [abood]
0.00/5 (0 صوت)

10-15-2013 09:16 AM
he is a such a liar


#801462 [بت البلد]
0.00/5 (0 صوت)

10-15-2013 09:04 AM
كلام معسول من رجل مجرم يرتكب مع زمرته أبشع ألوان التعذيب فى حق المسحوقين ... نسأل الله أن يورينا فيهم يوماً أسودا


#801442 [atif]
5.00/5 (1 صوت)

10-15-2013 07:57 AM
شكلك لسه ماشبعت كذب جاي من القضارف مطرود عشان اللغف وجيت انضميت لعصابة اخوان رئيس الغفله للاستحواذ علي الاراضي والسمسره فيها واصبحتم لا يطربكم الا كلمة مليار ودولار ولقد صدق قول علي بن اب طالب الا نرجو الخير من بطون جاعت ثم شبعت فالشح فيها باقي .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة