الأخبار
أخبار إقليمية
شاهد صور " فيلا " ضابط الأمن أحمد هارون وتعرف على فساد القاضي منفذ الإبادة الجماعية
شاهد صور " فيلا " ضابط الأمن أحمد هارون وتعرف على فساد القاضي منفذ الإبادة الجماعية
شاهد صور


10-19-2013 05:45 AM
الراكوبة
الإبادة الجماعية و القتل و التآمر بجانب نهب أموال الشعب جريمتان لا تنفصمان بل في زمن الإنقاذ يكافأ القاتل و المجرم و تفتح له خزائن الدولة لينهب بها دون رقيب أو حسيب. و الصورة أدناه ل "فيلا " المجرم طريد الشعب و العدالة الدولية أحمد هارون و ليست هنالك أي أسانيد تبين قدرة الرجل علي بناء هذ ه " الفيلا " " غرب البيت السوري" في حي الصبابي أحد أجمل أحياء الخرطوم بحري و العاصمة المثلثة التي يمتلك فيها بعض جبابرة الطغمة الفاسدة قصورا من عرق الشعب و علي رأسهم غازي صلاح الدين.

لا يقتصر فساد الرجل علي هذه "الفيلا " وتؤكد " الراكوبة " أن هارون أيضا يمتلك مزرعة فارهة شاسعة مميزة تتكون من أربعة مزارع بمنطقة الدخينات جنوب الخرطوم شرق الطريق المؤدي لجبل الأولياء اشتراها من مالكيها مباشرة و استغل سلطته كمنسق عام للشرطة الشعبية و أحضر المستجدين بالشرطة كعمال سخرة للعمل بمزرعته و العناية بها.

و ليس معروفا للمجرم أحمد هارون ثروة خاصة أو ميراث أو مصادر دخل تثبت قدرته علي امتلاك هذا القصر و هذه المزرعة المميزة في المنطقة المميزة الأمر الذي يثبت أنها تم امتلاكها من مال الشعب و من السقف المفتوح له دون حسيب أو رقيب عندما كان يعمل في وظيفته كمنسق للشرطة الشعبية حتي عام 2003م و الكل يعلم أنها غطاءً لمليشيات المؤتمر الوطني التي يتم استخدامها في جرائم الأمن و القمع و جرائم الإبادة بدارفور و جنوبي كردفان و النيل الأزرق و كذلك عندما تم تعيينه كوزير دولة بوزارة الداخلية مسئولا أعلى عن المنسقية المذكورة و كذلك عندما كان وزير دولة أيضا بوزارة الشئون الإنسانية في حكومة الوحدة الوطنية في سبتمبر 2005م.

من المعروف أن أحمد هارون و هو من أسرة ليست ميسورة الحال و متزوج لامرأتين و غير معروف من المحظية منهن بالسكن في هذه الفيلا .

من المعروف أيضا أن أحمد هارون خريج كلية الحقوق جامعة القاهرة و قد كان يصرف عليه تنظيم الاتجاه الإسلامي طوال فترة دراسته و أصبح له بندا مفتوحا للصرف ابان توليه رئاسة اتحاد الطلاب السودانيين بمصر حتى تخرجه عام 1988م فهو قد تعود علي الجاه و النعيم و التغول علي أموال الغير منذ فترة دراسته و هو من المحسوبين القلائل الذين تم تعيينهم في السلك القضائي بسرعة البرق بعد تخرجه بسنتين و بعد أن عمل في مكتب محاماة لفترة قصيرة جدا ، و هو الآن أحد أبرز المطلوبين للمحكمة الجنائية الدولية و يشغل منصب والي شمال كردفان و هو يتفاخر لأهل الأبيض في خطبه العصماء بأن له مكانة خاصة لدى الحكومة المركزية و له بند مفتوح ضمن الخزائن المفتوحة لتجييش المليشيات و تسخيرها للإبادة الجماعية و هذه هي وظيفته الحقيقية بجانب كونه ضابطاً بجهاز الأمن والمخابرات منذ تخرجه وحتى اللحظة لا يزال يتقاضى راتبه و مخصصاته كاملا نهاية كل شهر بجانب الحوافز و البدلات.


image

image

image

....


..


تعليقات 60 | إهداء 0 | زيارات 41686

التعليقات
#804826 [بيلى]
3.00/5 (2 صوت)

10-20-2013 08:48 PM
عارفين العامل المشترك بين الحكومه والمعارضه شنو ؟ العنصريه السودانيين بطبعهم عنصريين وبيحتقرو بعضهم البعض - الجنوبيين إنفصلو بى سبب العنصريه وبكره الغرابه حينفصلو ويخلوها ليكم وبعدو ناس الشرق - قبائل نهر النيل والشماليه متعاليين بطبعهم على باقى القبائل وشايفين روحهم هم أهل البلد والبقيه مقاطيع الجاى من درافور وكردفان يقولو عليهو غرابى تشادى والجاى من الشرق يقولو حبشى - عشان كدا السودان حيتفتت لى 5 دويلات خلو عنصريتكم دى تنفعكم


#804699 [kori ackongue]
5.00/5 (2 صوت)

10-20-2013 05:24 PM
.Yes, he is from that tribe, even if the majority of this tribe are not thieves, but Ahmed Haroun has succeeded his predecessor Dr. Babeib Makhtoum to take the same line of stealing the resources of the region called Nuba Mountains Region/Southern Kordofan State and both were the governors of this poor plotted against region/state the late Majzoub Yousef Babiker from Al Jireif Area in Khartoum has also stolen the money and property of the region and constructed a Mosque in Al Jerief, may be under his name and he was an intelligent thief from Hamdy Triangle who used to pour his tears while addressing the Nuba people, but in fact he was a Hippocratic man used to gain the hearts of the people of Southern Kordofan and in the end had swept out their resources for his party and for himself. Ahmed Haroun the other thief, if consider himself from the West as what others call him, why then he steals the resources of his western people who are more poor to be helped. Can you as the Bank of Sudan in El Obied about the signatures of those who used to withdraw bulk of cash or transfer big bundles of money through their signed handy pens?? And under whose authority that could be done form the period of his appointment as the governor of the state/Nuba Mountains Region till his departure to the Northern Kordofan and after that? Do not try by any means to cover up for those who had and are still drying up the resources of the Sudanese in general. There are facts that can’t be burned, or even if that has been done to destroy the tracks of finding the roots of thefts documents, things are no longer easy to be hided either.


#804669 [ابو الهول]
5.00/5 (4 صوت)

10-20-2013 04:30 PM
هؤلاء هم الذين يتاجرون بالدين :
الرجل الذي يحمل مطرقته ومسماره ليغرسه عميقا فى راس نقيب الاطباء يومها ويتركه جثة هامدة لم يكن يقرأ رأس المال لكارل ماركس وانما كان يتلو القرءان ويبكى في صلاته
والرجال الذين قتلوا المهيب وشمس الدين وابو الريش لم يكونوا يقرأون كراسات السجن لغرامشى وانما كانوا يقرأون ظلال القرءان ومعالم فى الطريق ويصومون الاثنين والخميس
والرجال الذين اطلقوا الرصاص على على أحمد البشير امام زوجته واطفاله واردوه قتيلا لم يكونوا يترنحون من الخمر وانما كانت فى جباههم غرة الصلاة ومحجلين من الوضوء
والرجال الذين عذبوا ابو ذر على الامين حتى تمزقت كليته لم يكونوا رجال السافاك ولا الموساد وانما كانوا رجال امن دولة المشروع الحضارى.
والرجال الذين اطلقوا النار على البسطاء فى بورتسودان وقتلوا 29 شهيدا اعزل لم يكونوا عناصر الحزب الشيوعى الروسي ولا النيقرز وانما كانوا رجال المؤتمر الوطنى.
والذين قتلوا شهداء كجبار لم يكونوا رجال كاسترو فى كوبا ولكن كانوا رجال عمر البشير الاسلامى
والذين اغتصبوا الحرائر وجلدوا النساء وهم يقهقهون وقتلوا صفية في منزلها بدم بارد كانوا من حماة المشروع الحضاري .
ومن اطلق الرصاص على طلاب الفاشر ونيالا لم يكونوا قادمين من حزب الليكود الاسرائيلى وانما كانوا رجال حزب نافع وعلى عثمان الاسلاميين.
والبرلمان الذى احل الربا لم يكن برلمان الجبهة الثورية وانما برلمان الحركة الاسلامية جناح المؤتمر الوطنى.
وكل المختلسين للزكاة والاوقاف وشركة الاقطان وخط هيثرو وفاسدى التقاوى وووو..لم يكونوا علمانيين اواعضاء الحزب الشيوعى او بعثيين وانما رجال المؤتمر الوطنى.
والطيران الذى لم يستثنى امرأة او طفلا اوشيخا اوشجرة فى دارفور لم يكن طيران دولة علمانية وانما كان طيران حكومة السودان الاسلامية.
و(الذين يكنزون الذهب والفضه) لم يكونوا فاروق ابوعيسى ونقد وفاطمه احمد ابراهيم..وانما البشير واخوانه والمتعافى وعبدالباسط حمزه وجمال زمقان وكرتى ووووو كبار الاسلاميين.
والاسلام الذى نعرفه ونؤمن به يكلمنا عن امرأة دخلت النار فى هرة..فقط (هرة) ورجال امن البشير يتعاملون مع اكباد الناس واطفالهم كانهم اقل من القطط.
واعلامهم يحدثنا عن (احتمال) تسلل الجبهة الثورية ونحدثهم (يقينا) عن تعودهم قتلهم لاخوانهم من قبل وبطشهم وسحلهم للناس برصاص الامن والشرطة.
والاسلام الذى نعرفه ليس اسلام المؤتمر الوطنى الاسلام الذي يستحل الربا والدم الحرام ، فاسلامنا يعلن ان من لم تنهه صلاته عن الفحشاء والمنكر فلا صلاة له.
ويحدثوننا عن اسلامهم ونحدثهم عن عجل السامرى ..وعن كذب السامرى وهو يقول ( هذا الهكم واله موسى )

فعن اى وحدة صف تكلموننا..وعن اى مواجهة باطل وعن اى حركة اسلام
الاسلام الذى نعرفه يبكى على جثة يهودى تتفلت الى النار.
الاسلام الذى نعرفه يمشي بين الناس يعدل ويقسم بالسوية..ويتحمل الاذى وينشر القسط ويقتص من الرسول عليه الصلاة والسلام فى طعنة مسواك..اسلام يقضى بالدرع ليهودى من خصمه امير المؤمنين على ابن ابى طالب… اسلام يقاسم ابن امير المؤمنين عمر ابن الخطاب ماله لشبهة فقط شبهة وليس جريمة…
اسلام يستشعر المسئولية عن بغلة تعثر فى العراق.
اسلا م يدعو على الظالم ( اللهم من شق على امتى فأشقق عليه ).
اسلام يقِوِم فيه عوام الناس اعوجاج اميرهم بحد سيوفهم.
اسلام يحس بالناس (ليس منا من بات شبعان وجاره جائع الى جواره ).
اسلام جاء انحيازا للفقراء والمحرومين والمستضعفين والمستعبدين تحريرا وارتقاءا.
ذلك الاسلام الذى نراه وسط الناس فى مايو والصحافات والكلاكلات والثورة وامبدات والحاج يوسف وفى كل قرى السودان وعند عوام الناس.
اسلام هؤلاء هو اسلامنا واحب الينا من اسلام المؤتمر الوطنى.
فقط سنسمع نصيحتكم فى دعوتنا للوقوف فى وجه الفاسدين والمخربين واللصوص.
ولا لصوص ولافاسدين ولا مخربين اكثر منكم


#804639 [suliman]
5.00/5 (1 صوت)

10-20-2013 03:37 PM
نحن السودانيون عندما يتولي شخص ما من اقليم غير الشمال اوالوسط نقول ان هذا الوزير برقاوي ما سوداني من غرب افريقيا مثل احمد هارون ووزير الداخليه لانه من الشرق غير سوداني وتدعون التهميش انتم تهمشون انفسكم بانفسكم


#804614 [ساهر]
4.00/5 (1 صوت)

10-20-2013 02:45 PM
It can by anything but a villa. The so-called villa proves that even high profile officials outside Khartoum are marginalized also.


ردود على ساهر
European Union [Ali Seedo] 10-20-2013 09:24 PM
You are so pathetic


#804547 [Abu Waraga]
0.00/5 (0 صوت)

10-20-2013 01:07 PM
أها والروزات الواقفات ديل اللات منو ؟


#804516 [سوداني كردفاني]
5.00/5 (1 صوت)

10-20-2013 12:23 PM
الحل في الثورة واقتاع هؤلاء الانجاس ومصادرة كل ممتلكاتهم حتي الذي تزوج باخري بعد الانقاذ تطلق كل من تزوجوها ويترك كما جاء ويكفي دين صاحب قدرة الفول الذي نساه بعد ثراء الانقاذ


#804401 [أسامة الكردي]
5.00/5 (1 صوت)

10-20-2013 10:05 AM
هذا حي سكني ؟ وكمان جميل ؟ والفلا فخمة وجميلة ؟
سبحان الله


#804366 [abumuwafaq]
5.00/5 (3 صوت)

10-20-2013 08:59 AM
الموضوع الاساسي الفساد وما ادراك ما الفساد لدي الاسلاميين عامة سواء كانوا كيزان او اخوان او سلفيون كلهم يتفنون في سرقة الاموال باسم الدين والتمكين ويا شباب هل وجدتم قائد من قادة الاسلامين مفلس منهم من يسرق الخليجين باسم بناء المساجد وكفالة الايتام وغيرها ويبني العمارات والفلل وهنا اخص السلفيون والاخوان اما الكيزان فمعروفين وما داسين هذه السرقة وعندهم اية خاصة بهم (الذين ان مكناهم في الارض اقاموا الصلاة) فكانت لغة التمكين منذ استيلائهم علي الحكم وتذكرون شنطتهم الشهيرة تمكنا كان بيدخلوا بها الدواوين الحكومية فارغة وتخرج مليئة بالدنانير فلذلك لا استغرب ان يمتلك أي فرد منهم قصورا لانهم 25 سنة ينهبون خيرات البلد وبالنسبة لهارون انا اعتقد اذا كان هذا مبناه فانه مغفل جد لان هناك من امتلك اكثر منه وافخم من هذه البناية وفي مناطق قيمة فيكون صاحبنا ده شرب المقلب واحتمال يا عزيزي يكون عنده قصور في مناطق اخري ولا ندري
الموضوع الاخر بخصوص من يتحدثون عن الجهوية والقبلية ويسيئون للسياسي بقبيلته فهل يا تري القبيلة هي من قالت له اسرق وهل يا تري القبيلة هي فقط يمثله هذا الحرامي فيا اخوة بعيدا عن القبيلة النقاش افيد واجمل ومعلومة اخرى لمن لا يعلم من هم البرقو ( مملكة وداي) اصلها وموطنها هو السودان الاوسط الي حدود موريتانيا وكان تحدها من الشرق مملكة اكسوم الحبشية أي يعني هم سودانيون مائة في المائة و معلومة اخرى هي من اكبر القبائل في السودان الحالي ولها مساهمة فاعلة في انتشار الدين في السودان وحتي الرواية المنتشرة في الخلاوي رواية الدوري هي الرواية الرئيسة زمان ملكهم والمذهب المالكي هو مذهب مملكتهم فكيف اذا يكونون وافدون
وعلي حسب دراستي هذه القبيلة تنتشر في اكثر من دولة افريقية وبمسميات مختلفة ولكن تتمركز في السودان باسم الصليحاب وهم اكثر تعداد وكذلك في شرق تشاد وفي منطقة شمال افريقيا وحتي منطقة الحبشة لهم وجود كثيف
تعريجة هارون مطلوب في الجنائية ويمتلك بناية يمتلكها كادر ركن نقاش في جامعة السودان ايام التسعينات معقولة يا جماعة في حاجات متخبية انت ما عارفنها وين عيونكم الناس ديل ح نحاسب كيف ونحن عارفين انهم تهبوا اكثر من ذلك


#804358 [محمد علي]
5.00/5 (1 صوت)

10-20-2013 08:56 AM
هؤلاء قد اسبتاحوا السودان. حتى عشش فلاتة التي رحلوا منها أصحابها الأصليين تم توزيعها على النافذين في المتآمر العفني.. نسأل الله أن لا يذلهم وينزع عنهم السلطة التي لا يستحقون والتي حصلوا عليها بالمكر والخداع والحيلة وباسم الدين، لا مكن الله لهم أكثر من ذلك..أمين.


#804257 [صابر]
5.00/5 (1 صوت)

10-20-2013 01:58 AM
دا كلو سيتصادر، أحمد هارون وغازي والطفل المعجزة والجاز ونافع والمتعافي وجمال الوالي والقائمة تطول سيخضعون للقانون الثوري: "من أين لك هذا" وعليهم أن يثبتوا للشعب مقومات امتلاكهم للأصول التي بحوزتهم وتلك المسجلة تحت أسماء زوجاتهم وأبنائهم وإخوانهم وأقاريهم وأصهارهم ووووووووووووووووووووووووووو.
حينها وبعد تطبيق هذا القانون قد يسترد الشعب السوداني شيء مما نهب من مقدرات الشعب وينطلق لمطالبة كل الدول التي استثمر فيها سارقو الإنقاذ برد أموال الشعب المنهوبة وتسليمها للفاسدين المفسدين الذين يحضرون في ملاجئ آمنة وردية لهم ولأسرهم عندما تقوم الطامة الكبرى.


#804252 [حمدي ابارو]
5.00/5 (1 صوت)

10-20-2013 01:23 AM
يستاهل مادام الشعب راضي شن اسرق ياقاضي


#804212 [ود الحله]
0.00/5 (0 صوت)

10-19-2013 11:37 PM
ههههههههههههههه
اسه يجينا واحد ناطي يقول ليك الزول ده بعرفه اهله مرطبين وتجار ماشيه ....
ابسط ياعم فيلا ومزرعه وما خفيه اعظم .... والله لو الزمن ما دوار كان اسه ....... اخ يا بلد


#804210 [ثائر]
0.00/5 (0 صوت)

10-19-2013 11:33 PM
الاخ محمد الفاتح صدقت حقا انما اقعد السودان كدولة بين الدول هذا السرطان الذي استشري حتي علي عقول المتعلمين منا(داء القبلية)فكنا ايام الدراسة وحتي ايام التخرج لا نعلم لاي كان من الزملاء من قبيلة فكنا نعرف بعضنا بالمناطق التي اتينا منها للتحصيل للعلم ولكن في هذا الزمن الغابر ولضحالة العقول وخواء المواد الدراسية من المناهج العلمية وتفريغها من المحتوي المفيد اصبحنا جهلة بمعني التجهل لذا طغت القبلية عليها لعنة الله وهذا اس البلاء الذي نعيشه اليوم من تمزق و التشرزم فأي رياح نتنة هبت علبناففصلت جنوبنا الحبيب الذي تغني لها جل من فنانينا امثال احمد المصطفي ومحمود عيد العزيز لهم الرحمة.وان لم ندرك هذا الداء يايجاد دواء شافي سوف تذهب غدا جنوب كردفان والنيل الازرق ثم دارفورثم الشرق فيا لها من مصيبة جهل وجهل وغباء ثم غباء من من اذا كلنا مسؤلون


#804021 [الماحي]
5.00/5 (1 صوت)

10-19-2013 06:17 PM
الحكومة تلونة حسب انشغاله والياتهاالعسكرية في دارفور عندما كان والي كله تسبب في الفقر ومعه كثيرون


#804005 [محمد الفاتح]
5.00/5 (6 صوت)

10-19-2013 05:53 PM
اذا كانت هناك محاكمة او ماّخذ او أراء على الولى بجب ان تكون في حدود ذلك الامر !! لكن ان نلجأ الى التبخيس والتقليل من القبيله ووصفه بالبرقاوى وبقايا الحجاج و بعدم السودانيه هذا أسفاف وعدم موضوعيه وهذا امر لا يليق بنا وباخلاقنا الاسلاميه التى جبلنا عليها نحن وليس هم !!واذا اردنا ان نعَرف من هو السودانى لن نجد سودانى بالمفهوم الذى تتحدثون به ويجب ان لا نقع او نسقط في الجب الذى سقطت فيه الانقاذ واعادت القبيله بوجها كالح يجب ان نسعى كمنظمات عمل ومجتمع مدنى وحركات مسلحةوطلاب في الجامعات والثانويات ونقابات الظل الحره الى ترسيخ سودانيتنا والسعى الى رتق نسجينا الاجتماعى بعيداّعن كل ما يرمز الى القبيله وحتى الرفض وعدم التقيدبالمستندات الحكوميه التى تذكر اسم القبيله عدا المتقيده بالجنسيه واستخراج الجواز ولماذا لا نجعل يوم في العام او ورشه عمل ثقافيه توعويه نسميها مثلا ( انا سودانى ) ! زوجتى لها صديقه منذ ما يقارب الخمسة عشر عام سالتها هى من اى القبائل قالت لى وهى صادقه لا تدرى !! ونتمنى ان يجد أقتراحى هذا الدعم من طلاب الجامعات والمنظمات والحركات الثوريه والاحرار من ابناء السودان. وهذا بعيداعن نقاش الهويه فنثبت سودانيتنا اولا بعيدا عن تميز القبليه؟؟


ردود على محمد الفاتح
[ياسرر] 10-20-2013 09:37 AM
اصبت عين الحقيقة يا محمد الفاتح .. لله درك .. ليتهم يعقلون ليتهم ويتذكرون انها منتنة ....ليتهم يدركون إن اكرمكم عند الله اتقاكم.. في الغرب عموما يتم منح الجنسية والجواز في مدة خمسة سنوات ...دعونا نحاسب الناس بأعمالهم لا بقبائلهم أو هوياتهم ايا كانت ..طالما حمل اي كان الجنسية السودانية بشكل قانوني فهو سوداني وكفى.

[شوربة لسان عصفور] 10-20-2013 09:06 AM
أخ محمد الفاتح لك التحية وأرجو أن لايؤثرلك فى نفسك كثيرا كون أن الوالى تاماوى أو برقاوى (يبرك فيه فيك ) نحن لايهما من يكون ها الاحمد هارون فقط تهمنا المبادئ والقيم والاخلاق ، ونحن كشعب غيور على وطنه لابد من تلاحم الصفوف ونب التطرف والقبلية والإلتفات الى ماهو أفيد وانجع لإصلاح مادمرته بمايسمى حكومة (الإفلاس ) ، اليوم بإنه تعالى سوف تبدأ الشرارة التى أتمنى بأن لاتنطفئ إلا بزوال ها النظام ، وهه هى مهمة طلاب الجامعات الين أراهم (صغارا ) مثل طلاب رياض الأطفال الين لاحوله ولاحيلة لهم ، والى الأمام ثورة ثورة حتى النصر

United States [فتفت] 10-20-2013 08:38 AM
معليش ياشاب اعتبرناه سوداني وبرضو وزير الدخليةاصبح سوداني لكن يوم من الايام سيرجعان الي تشاد وارتريا


#804002 [ود نيفاشا]
5.00/5 (2 صوت)

10-19-2013 05:47 PM
ديل شعارهم نعم للسلطة ونعم للجاه ونعم للتسلط والشعب جياع


#803997 [حمد النيل]
5.00/5 (1 صوت)

10-19-2013 05:39 PM
من صاحب الصورة هل هو الكاتب ام المكتوب فهو صاحب الترمس والكبكبيف الخالق النتطق الذي يمر بحينا عصر كل الجمعة


ردود على حمد النيل
United States [بتاع ترمس] 10-20-2013 11:24 AM
لماذايكون بتاع الترمس ياخوز كشل الوالى احمد هارون مايكون شكل ام حمد`ياحاسد

[ABOALKALAM] 10-19-2013 10:30 PM
بتاع الترمس والكب كبي رجل شريف لايسرق من اموال الشعب السودان

ويساهر اليلي يقراء القران وهو يحرس البيت تحت الأنشاء المجاور لبيتنا

ولايسمح بان تضيع منه طوبة واحدة وهو ينام قرير العين بدون هم

المحكمة الجنائية الدولية فاين هو من الزول ده


#803941 [الضي السافريوم عرسو]
3.25/5 (5 صوت)

10-19-2013 04:36 PM
أسألو ال المهدي وال الميرغني عن الملازمين والمرغنية وودنوباوي والختمية والجويرة ابا وسواقي كسلا وغيرها-- هل هؤلاء كانو تجار؟ برضهم جابو من وين؟ مالكم كيف تحكمون؟ اولاد الغبش ناس احمد هارون وغيرو لازم يلقو فرصة للنعمة انتو مالكم حاسدنهم؟ اي واحد فيكم لو لقي فرصة بجيه امورو طبعا بالحلال وحسب اللوئح ياما جايبين خبر---


ردود على الضي السافريوم عرسو
United States [احمد] 10-20-2013 11:13 PM
بس احمد هارون ماسوداني فرز اول دي جن حداد جراب الفول امو وحدا ابه 100 دي ما بعرف جدو الثالث

United States [Utopia] 10-19-2013 08:18 PM
corruption is corruption whether you are from a rich family or poor .Ahamed Haroun is a criminal regardless of his race .he should stand trial.


#803940 [كيدهم]
5.00/5 (1 صوت)

10-19-2013 04:35 PM
يا اخي دي فلة دي لا ده بيت عادي انا ببيع بصل في سوق ام دفسوا بنيت احسن واجمل منه الراجل الظاهر عليه دغري ومابيسرق


ردود على كيدهم
United States [quickly] 10-19-2013 06:49 PM
ظاهر عليهو دغري ومابسرق ؟؟؟؟!!!
وكمان عندك فله من بيع البصل انت بصلك دا جايبوا من وين يا.... كيدكم في نحركم؟؟؟!!!


#803922 [المهندس سلمان إسماعيل بخيت على]
5.00/5 (2 صوت)

10-19-2013 03:45 PM
وعد الله الذين أمنوا منكم وعملوا الصالحات
يا ربيع أى صالحات عملتم بها حتى يمكنكم فى الأرض
والله العظيم أنت محتاج لعلاج نفسى
طيب يا ربيع ليه ما مكن جماعة مرسى
أم أنتم من عمل بالصالحات وناس مرشد مصر ماعملوش بالصالحات
والله الفرق بينكم وبين الصالحات
بيع شلك والربيع
مفروض يسموك صيف حار جدا جاف قبيح


#803918 [الكناني]
5.00/5 (1 صوت)

10-19-2013 03:24 PM
نحن لا ننتقص من اجورنا وثوابنا ليعطي لمن هم لا يعرفون الله لان القول فيهم وهم غياب يعتبر غيبة ونميمه والغيبة والنميمة ينتقص من اجر المسلم وكذلك قد يعجل بعذابه في قبره لذلك قول ان كانوا حقا اكلوا اموال هذا الشعب المسكين المثابر والصابر علي ظلم ذي القربي اللهم ارينا فيهم يوما اسودا وعوضنا خير منهم


#803912 [ود الفاضل]
4.75/5 (3 صوت)

10-19-2013 03:10 PM
السيد/ علي عثمان طه النائب الاول ، اوضح قبل فترة ان راتبه الشهري 10 مليون جنيه، وهل تعلموا ان راتب اي معتمد فى منطقة نائية فى السودان هو 150000000 خمسة عشر مليون شهريا بالاضافة الى واحد مليون نثريات يومية لزوم الفشخرة ، يعني اي معتمد تعبان سحبوه من سوق الغنم او كان بائع بصل ( مع احترامنا لتجار الغنم والبصل فهم اشرف من رئيس البلاد ) وعلى مبدأ التمكين اصبح راتبه الشهري 4500000000( خمسة واربعين مليون جنيه سوداني ) فكيف تستغربون فلل ومزارع هذا البرقاوي ، ومن المهاذل ان هؤلاء يوضعون فى اعلى سلطات السودان المنكوب فى زمانهم ، والشيئ المؤسف انه ناس الابيض قبلوا بهذا الرقاوي السفاح حاكما عليهم.. ألم أقل لكم ان السودانيين تركوا البلد وخلوها للاغراب ، احمد هارون ليته نوباوي اصيل او فوراوي عريق ولكنه من بقايا متخلفي حجاج غرب افريقيا ، وما أكثرهم فى حكومة الانقاذ اليوم . وهؤلاء الحاقدين على الشعب هم سبب الكارثة والويل من تحكم الضعفاء كما قالت العرب قديما ..
اذا فضل بالسودان رجال فالامر يحتاج لهبة واحدة تسحف على قصر الضلال بالملايين وفى كل ولاية ( ياشعب لهبك فى ثوريتك )


ردود على ود الفاضل
United States [عبدالرحمن عكاشة] 10-19-2013 09:41 PM
عليك الله إنت ودالفاضل من شنو؟؟؟!!!وعدين مشكلتك مع البرقو والا مع أحمدهرون؟والله متخلفى الحجيج خير ألف مرة من متخلفى الاستعمارات .


#803900 [عباس التحت اللباس]
0.00/5 (0 صوت)

10-19-2013 02:49 PM
هههههههههههه هذا بيت عادي في كيزان عندهم قصور ولا في الف ليلة وليلة


#803891 [الممكون]
0.00/5 (0 صوت)

10-19-2013 02:35 PM
كر يا جدادة


#803871 [تينا]
0.00/5 (0 صوت)

10-19-2013 02:13 PM
المحيرنى ناس العصابة ديل ليه كل واحد فيهم أول حاجة فكر يبنى ليهو فيلا ؟؟ حاجة محيرانى شديد كلهم نفس التفكير بناية الفلل .


ردود على تينا
[سوداني ممكون و زهجاااااااان و قرفاااااااان] 10-19-2013 04:14 PM
متعودين علي الرواكيب(مع الإعتذار لناس الراكوبة)


#803860 [nagatabuzaid]
0.00/5 (0 صوت)

10-19-2013 02:00 PM
يا داليا الفيلا دى فى الصبابى فى الخرطوم بحرى حى عريق وراقى وسكانه معروفين لكن دنيا غريبة غريبة دنيا والبيت قبيح وكريه ولا يشبه فلل الصبابى شكلوا سجن سجن معتقل معتقل بيوت اشباح بيوت اشباح دائما المنزل فيه من روح صاحبه


ردود على nagatabuzaid
United States [Adam Ibrahim] 10-19-2013 06:25 PM
والله يا اخت نجاة كنت عايز اقول نفس كلامك.. فيلا عاملة زى السجن ما فيها شبابيك كافية للتهوية.. زى الزول الخايف من حاجة كده..


#803855 [كركاب]
0.00/5 (0 صوت)

10-19-2013 01:59 PM
انا عجبتنى زره عبد العاطى الواطى
محل ما يقبل يلقا العصر ....


#803843 [كجام]
0.00/5 (0 صوت)

10-19-2013 01:41 PM
الله الله اين تذهبون من يوم الحساب وماذا اعدتم لهذا اليوم يا هارون ونافع والبقيه...


#803841 [الراصد]
0.00/5 (0 صوت)

10-19-2013 01:38 PM
أنتموا ليه ما بتجيبوا فلل وقصور الصقور زي نافع وطه وكمال عبد اللطيف واسامه عبدالله يمكن تناوله الناس على الطائر كده

كذلك يملك عبد الرحيم حسين رصيد حسابه بتركيا فيه

مبلغ 3 مليار دولار واخوه شغال بيع دولار تش

بأحد دول الخليج

وأما القاضى المتهم بقتل الانسانية باقليم دارفور جبال النوبة

ومعه الطيب سيخه واحمد خميس وزمرة المؤتمر الوطنى

هل يملك الفيلا الصغيرة دي بس ؟ اكشفوا لنا حاجات التماسيح الكبار


#803831 [واحد]
0.00/5 (0 صوت)

10-19-2013 01:25 PM
كبر علي عثمان الطوارق عبدالحي يوسف وبينهم زواج الجنيات
ثالث ايام العيد كانت مجموعة مختلفة من المعيدين اجتمعت علي غير ميعاد وبعضهم تجاوز الستيين او كاد والفضائيه السودانيه تقدم رقصات من دارفور فجاءة اعلن مذيع الحلقة عن رقصة قبيلة الطوارق بدارفور وبدأ الامر غريبآ ف المغنية تمدح الوالي كبر ورئيس الجمهورية عمر البشير = كبر اولآ = اجمع الحضور كلهم ان فبيلة الطوارق ليست من دارفور وقال احدهم ان كبر وعلي عثمان هم من احضروها للاستعانة بهم ضد السودانيين وهم من هدد بهم البشير المتظاهرين واضاف اخر ان عبدالحي يوسف حين حذر من زواج الجنيات فقد عني الطوارق = رقصتهم هي رقصة ابليس فال ان كبر يعمل بالسحر ويستعين به وان بعض الطوارق يستعينون بهم = ويمكن يكونوا متزوجين بهم .


ردود على واحد
United States [واحد] 10-20-2013 05:40 AM
والله يا سبيل ادم انا ذاتي لما وصلني كلام عبدالحي يوسف وزواج الجنيات = منشور في راكوبتنا دي = قلت دا شنو ولما شفت في تلفزيون السودان الطوارق وقالو من قبايل السودان قعدت اعد في القبايل وما لقيت لي طوارق الا كان قاصدين ناس الشلوخ المطارق سوو ليهم قبيله = غايتو يا الحبيب =البلد دي تحلف تقول مسكونه زي ما قال الخليفة عبدالله التعايشي

United States [سبيل آدم] 10-19-2013 03:35 PM
ده شنو ده , كلام الطير في الباقير !

كبر و دافور و طوارق و سحر !


يا زول إنت مسحور و ألا مكبور وألا مطروق ؟


الكيزان ديل ما عندهم أي دين غير المصلحة عشان كده ممكن يتحالفو مع إبليس


عشان يكسبو, عشان كده زبدة كلامك المطربق ده ممكن تكون صاااااااح يا مسحور إنت .


#803826 [الموجوعة]
5.00/5 (3 صوت)

10-19-2013 01:19 PM
هذا هو دار رعاية الايتام في المستقبل القريب باذن الله تعالى


#803817 [صليحابى]
5.00/5 (1 صوت)

10-19-2013 01:08 PM
يا أخوانا الزول ده بنعرفو كويس وهو مننا والبيت ده هو البيت الكبير وتانى عندو إتنين فيلا فى كافورى جوار بيت الرئيس وسواقه اسمه اسامة بشهادة سودانية والان اصبح مدير مكتبو وعندو عمارة كبيرة و3 عربات لاندكروزر وشغلو فى السمسرة فى كل المشتريات الحكومة من الجاز واشياء اخرى كثيرة طبعا عندو اكتر من مدير مكتب وكلهم بنفس المستوى.


#803816 [الكدرو]
5.00/5 (1 صوت)

10-19-2013 01:08 PM
ناس دارفور مساكين ضربو ببعضهم وضربتهم الحكومة قصفا بطائراتها واستفادت من مواردهم وثرواتهم


#803794 [شقى ومجنون]
0.00/5 (0 صوت)

10-19-2013 12:31 PM
والاحفلات ديل طبعاً النقاطات ..ناس مرتاااحة على معناة الشعب...الخايب


#803784 [nagatabuzaid]
0.00/5 (0 صوت)

10-19-2013 12:24 PM
لما يموت ومن الدنيا يفوت ما ينسى يشيل معاه الفيلا تحميه من نار جهنم ويدخل فيها راسه البجقجق ويفور يوم الموقف العظيم
فى تعليق لى بالراكوبة قبل مدة انتقدت هرون مستغربة لقسوته مع اهله كنت اظنه من جبال النوبة فرد على احد الكرام قائلا ان احمد هرون برقاوى من قبيلتهم ولكنهم تبراءوا منه يعنى البرقوا متبرئين منه الان قبيلته المؤتمر الوطنى حيث كل حثالة وطريد ومنبوذ ومجرم ولص ومرفوض وداعر وقواد وعلى راسه اضينة ديوث


#803778 [المشتهى السخينه]
4.75/5 (3 صوت)

10-19-2013 12:18 PM
السفاح احمد هارون خدم خليفة المسلمين الرئيس الدائم .. وقتل له كل سكان دارفور من غير العرب .. وسلموا اراضيهم لعرب النيجر ومالى ..وكافأه المشير الرئيس الدائم بمبالغ ضخمه لانه يعرف ان قتل النفس مهمة صعبه لا يقوم بها السودانيون ولو اعطيتهم ملء الارض ذهبا .. هنيئا للسيد الوالى ( بيت الدم ) ونأمل ان يتمكن من النوم فيه ولا تزعجه ارواح الضحايا واصوات الثكالى .. وبكاء الاطفال اليتامى ..ويمكرون ويمكر الله ..


#803757 [tejani]
5.00/5 (4 صوت)

10-19-2013 12:01 PM
ياناس الراكوبة خلى احمد هارون ياخ نسيبو اسمو عبد الفتاح متزوج اخت مرتو كان شغال صبى اجزخانة يعنى بياع فى صيدلية قام احمد هارون شغلو فى شركة تابعة للداخلية عمل ليهو فييلا احسن من الفى الصورة دة والفرش والعفش من الصين.


#803741 [ابو ]داليا]
0.00/5 (0 صوت)

10-19-2013 11:48 AM
ما عرفنا الفيلا فى اى المناطق هى فى الخرطوم ام الابيض ام ام المهم من الصورة هى فى حى عريق لانه شكل الاشجار التى بالمنطقه يبدو انها ضاربه فى القدم لان الاحياء الجديده لايوجد بها اشجار بهذا الحجم مما يعنى بان القطعه اما ميدان عام او تم نزعها من احد اهلنا الطيبين او شرائها بالشى الفلانى وبرضو يضاف الى قيمه الفيلا


ردود على ابو ]داليا
United States [ود الدلنج] 10-20-2013 07:45 AM
يا عمك انت ما قريت الخبر ولا شنوا ما قالوا ليك في الصبابي ما بتعرف الصبابي الفي بحري جنب البيت السوري بتاع الباسطة والبتزا ولا شنو؟


#803739 [أبوعلي]
0.00/5 (0 صوت)

10-19-2013 11:43 AM
كلّ أوّل له آخر - ولكلّ بداية نهاية
وآخرهم بات أقرب للثورة من مؤخّراتهم النتنة


#803724 [راسطا مان]
0.00/5 (0 صوت)

10-19-2013 11:28 AM
افهم فسر طبق
(الشعب يخشى رجال الحكومة ورجال الحكومة يخشون الأجانب والأجانب يخشون الشعب )
والمثل يقول ( لا تشرب الماء بعد أكل السمك لانه يمكن أن يعود إلى الحياة مرة أخرى)


#803708 [اقبضو السفاح الهارب من العدالة الدولية]
1.00/5 (1 صوت)

10-19-2013 11:17 AM
بالله الفلة دي في حي الصبابي ؟؟؟
الظاهر ما لقى فرقة في حي الكفار اقصد كافوري


#803673 [نوبي]
3.00/5 (4 صوت)

10-19-2013 10:43 AM
مجرم الحرب احمد هارون ينتمي الي قبيله البرقو التي وفدت من تشاد وتحديدا اهله في ابشي التشاديه
وطبعا هذه ليست مشكلة كما ان غازي صلاح الدين يتبع للاتراك ومعه الخال الرئاسي ووزير الداخلية يتبع لاريتريا
ومبروك الوزير بوزارة النقل يتبع للسعودية قبيلة الرشايدة


ردود على نوبي
United States [الساكت] 10-19-2013 10:25 PM
معلوماتك غير صحيحة ...البرقو موطنهم الأصلي السودان وأنهم ذهبوا من السودان إلى تشاد وليس العكس، فهم لا ينطبق عليهم وصف الوافدين .... كذلك أنت مخطيء في تحديدإنتماءات كل من غازي صلاح الدين ووزير الداخلية والطيب مصطفى ... يجب أن تتحقق من تاريخ الجماعات السودانية قبل الخوض في مسائل هامشية لا تفيد النقاش بشيء.

[سمك] 10-19-2013 02:02 PM
طيب المشكلة شنو يا نوباوي؟؟؟؟؟؟؟؟؟؟؟؟؟؟؟؟!!!!!!!!!!!!! ما الرئيس والنائب الاول والنائب الثاني ورئيس المجلس الوطني وكل السودانيين وفدوا من بلدان اخري وتمازجوا وكونوا العنصر السوداني ولا عندك راي اخر.؟؟؟اذا كان تفكيركم بالطريقة دي هنيئا لكم يا كيزان بطول البقاء في السلطة


#803660 [زاهر احمد]
5.00/5 (2 صوت)

10-19-2013 10:32 AM
لن ننسى قوله وهو يلبس الزى الرسمى لعساكره لا اريد جريح ولا اسير بمعنى اقتلوا الجميع نامت نواطر مصر عن ثعالبها فقد بشمن وما تفنى العناقيد


#803659 [ود نيفاشا]
0.00/5 (0 صوت)

10-19-2013 10:31 AM
دا ما عادى كل واحد ملوث يده بدماء الأبرياء لازم يترفح بأموال الشعب المغلوب على امره والمثل بقول ( وليد مسكين رأس تيس بملأ بيتم لحم ) والبلد ماحاكمينو أجانب ( نيجيريين وحبشيين وتشاديين وتركيين و............) عشان كدة الفيل لو وقع بتكتر سكاكينو


#803654 [محمد]
0.00/5 (0 صوت)

10-19-2013 10:29 AM
ما قالوا هي لله ولا للسلطة ولا للجاه شعارات الهوس الديني بتاعتهم دي


#803652 [جبهة حراك النضال الوطني الثورية]
0.00/5 (0 صوت)

10-19-2013 10:28 AM
الاخ abubaker امر عادي كيف ماهو المنطق في هذا سرقة مال الشعب وقتله في صور ابادة جماعية اموال الشعب هذه هي احق لي تنمية المدراس والمستشفيات وتطوير البلد لكن للاسف في البلد الحبيب يوجد نوعية من امثالك قمة في الخضوع او مجموعة من الارزقية بي حبة فلوس تبيع اهلك ووطنك بكره دا كلو بينتهي وترجع عزة من جديد ولان يكون لكم مكان في عزة الشريفة
حرية سلام وعدالة والثورة خيار الشعب

جبهة حراك النضال الوطني الثورية
الثورة خلاص عزة


#803635 [سامي]
0.00/5 (0 صوت)

10-19-2013 10:18 AM
وبرضو نحن الدنيا المامسكنا نحن سكنا هناك فى الجنة!!!!!


#803625 [لن ترتاحوا يا لصوص]
5.00/5 (1 صوت)

10-19-2013 10:10 AM
الفلل يمتلكها حتى مديرو مكاتب الوزراء الولائيين كاتمى اسرارهم من فساد مالى واخلاقى ..
انا شخصيا اعرف مدير مكتب وزير ولائى لديه فيلا فخمة فى جبرة !! فما بالك بالوالى المجرم ؟؟
لسوء حظهم ربنا كاشف ادق اسرارهم لان معظمهم مسجلين هذه الفلل باسماء زوجاتهم ومعروف عن المراة السودانية التباهى بما تملك فانفضح امر معظمهم والحساب قريب ..


#803616 [ma yenoom]
0.00/5 (0 صوت)

10-19-2013 10:02 AM
شينه ما سمحه زي حقت ............


#803611 [taluba]
0.00/5 (0 صوت)

10-19-2013 09:56 AM
نحن قادمون وسيصادر هذا المنزل واكيد ان الشعب سيوافق علي ذالك قبل الحساب معه شخصيا.


#803610 [المستعرب الخلوى]
0.00/5 (0 صوت)

10-19-2013 09:56 AM
هذا هو دأب تجار الدين والنصابين بإسم الإسلام ..
ولكن عليهم أن يعلموا أن الله يمهل ولا يهمل ..
وأكرر أن لهم فى العقيد الهالك عظة لمن يعتبر ..
واللهم لا تجعلنا عظة لغيرنا ..


#803605 [عبد الشكور]
0.00/5 (0 صوت)

10-19-2013 09:55 AM
بدون تعليق


#803582 [بتاع روزا]
0.00/5 (0 صوت)

10-19-2013 09:29 AM
الروزات الواقفات ديل حقاتو ؟؟؟ولا واقفات ساكت في الضل ... قطع شك حقاتو ...


#803558 [Fato]
5.00/5 (1 صوت)

10-19-2013 08:58 AM
أشيد بصحيفة الراكوبة بفتح ملفات فاسدى الأنقاذ ويجب عمل أرشيف كامل عن كل فرد فيهم من زمن دراسته المتوسطة أو الثانوية العامة والحالة الأسرية وتقلبه فى المناصب وحتى وضعه الحالى.هذه الملفات قد تساعدنا فى محاسبة كل فرد فيهم ويسهل أرجاع ما سرق من أموال الشعب.


#803554 [ابوعديلة]
0.00/5 (0 صوت)

10-19-2013 08:52 AM
بالساحق والماحق والبلا المتلاحق.
أين ستذهب من حق العباد من رب العباد أيها المجرم واللص القاتل ؟


#803538 [بت السوكي]
0.00/5 (0 صوت)

10-19-2013 08:25 AM
الفيلا دي يااخوانا عاديه لزول اتقلد مناصب كتيره زي دي مافيها شئ مبالغ


ردود على بت السوكي
United States [اسمر جميل فتان] 10-19-2013 05:54 PM
كلامك صاح يا بتي السوكي شئ عادي جدا!!!!!!!!!!!!!!!!!!!! بس اتخيلي انو في السودان في كم وزير (اتقلد) مناصب كثيرة زي ده ولو شاطرة في الضرب اضربيها في تكلفة الفيلا الواحدة (في المتوسط) شوفيها تطلع معاك كم ده غير وكلاء الوزارات ومدراء الافرع والمؤلفة قلوبهم و... و...
(اهه برضو عادي) لو كانت الاجابة بتاعتك ايوه عادي في الحالة دي اسمحي لي بان لا ارد عليك عشان الواحد يحفظ لسانو وادبو لغاية اخر لحظة معاك!!!!
ده حاجة
الحاجة التانية شكلك بتكوني مبسوطة بتعليقاتك المشاترة دي من باب خالف تذكر او خالف تعرف
ولكن يا بنتي ما هكذا تورد الأبل
وداعا ممكن هذه اخر مرة اتنازل وارد عليك لاني كشفتك على حقيقتك انتي بتكوني مبسوطة لما الناس تزعل الله يشفيك لانو ده نوع من المرض النفسي والعياذ بالله وين القدوة الحسنة وين الحاكم لما يكون اخر واحد بياكل من الناس الحواليه ده كلها راحت وين (يا نور العين) زمااااان ما قلتو نوبة
مع السلامة
عمك الاسمراني

[لن ترتاحوا يا لصوص] 10-19-2013 04:29 PM
لكن وشو القبيح دة عليك الله يا بت السوكى ما بستاهل مركوب نافع ؟؟؟ دة المركوب كتيرة عليو يستاهل فرع شوك قديم ..الاجرام ظاهر عليو بس اصبرى شوية يا بت السوكى ..البشير بفاوض على رحيل امن وباقى الكبار بحاولوا ينهبوا ويزوغوا والشعب جاهز بتطيروا ولا بتجروا ؟؟

United States [ابوعديلة] 10-19-2013 12:39 PM
مهما تقلد من مناصب فهو فى النهاية يعتبر موظف دولة ذه مرتب أو دخل محدود فمن أين لموظف دولة بمثل هذه الفيلا ؟
أين هذا اللص من وزير الأشغال المرحوم محمد نورالدينالذى خرجت جنازته من أحد بيوت الأسكان الشعبى وهو كان فى امكانه ان يكون من أثرياء السودان .


#803520 [عوض عبدالرحمن الامين]
2.00/5 (1 صوت)

10-19-2013 07:39 AM
دا شكله في الدنيا (وسنحشره يوم القيامة اعمي)كما قال المولي عز وجل نتمني له الدرك الاسفل من النار


#803500 [سيد احمد الشايقي]
1.50/5 (2 صوت)

10-19-2013 06:52 AM
اتعلموا كل ماهو قبيح ومشين من قتل ونهب وتجبر ولم يتعلموا كيف ينظفون بيوتهم واجسادهم انظر الي قذارة هذه الفيلا وقارنها مع نظافة بيوت البسطاء في كل انحاء السودان . حكي لي احدهم بزيارته لبيت الحاج آدم بحي المطار والبيت ملئ بالغزلان ورائحته كرائحة العرين


ردود على سيد احمد الشايقي
United States [بيلى] 10-20-2013 11:41 PM
طبعاً الضمير هنا يعود الى الغرابه وأنت تقصدهم بحديثك ولكنك أجبن من التصريح بمكنونات دواخلك العنصريه البغيضه

[الصليحابي] 10-19-2013 09:47 AM
كلام صحيح ، وهو أول ما لفت نظري ، قلت أين يقع هذا القصر ، هل هو بجوار مزبلة أم مجرى للقاذورات ، لا حظ أخي ليس فيه نور يسر العين ويفرح القلب ، رغم بنيانه الذي كلف مليارات من الجنيهات البائسة .

United States [ود الحاجة] 10-19-2013 09:12 AM
يا شايقي القذارة في الشارع و ليست في الفيلا و هذه من مشاكلنا في السودان تقرأ او تسمع ان الحي الفلاني حي راقي و درجة اولى و اذا رايته تجده لا يقارن باحياء وسط في دول مثل مصر او سوريا


#803498 [abubaker]
0.00/5 (0 صوت)

10-19-2013 06:43 AM
يا احوانا امر عادي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة