الأخبار
أخبار إقليمية
ليست نكتة : طريقة شيطانية لجمع الرسوم من المواطن
ليست نكتة : طريقة شيطانية لجمع الرسوم من المواطن


10-24-2013 02:46 PM

الحاج محمد درار توجه الى مكتب المعاشات لان لديه حقوق متاخرة لديهم
وقف امام موظف المعاشات وقدم اوراقه
موظف المعاشات قلب الاوراق يمينا وشمال ثم باغت الحاج محمد بسؤال لا يخطر على بال انسان : طيب الضمان شنو انك عايش (حى) ؟؟
الحاج محمد درار : ما انا اهو قدامك يا ابنى
الموظف : لا ..مش كفاية انك واقف قدامى عشان تثبت انك عايش
الحاج محمد : طيب اعمل شنو يا ولدى انطط ؟؟
الموظف : لا امشى للجنة الادارية فى حيك وهات منهم شهادة تثبت انك حى ..
لم يصدق نفسه وذهب فعلا للجنة الادارية فى الحى الذى يقطنه وتفاجئ بالفعل ان هناك شهادة اثبات حياة !!!
اتفهم انه لو كان صاحب المعاش عاجزا وذهب من ينوب عنه ان يطالبك الموظف باثبات حياة الشخص لكن ان يكون الشخص امامك بشحمه ولحمه وبدلا من ان تطالبه باثبات شخصيته تطالبه باثبات انه حي فهذه كارثة لا يمكن ان تحدث حتى فى دولة مجانين ..
طبعا لم اتحدث عن ربط الكترونى بين المعاشات والاحصاء تحدد تلقائيا مثل هذه الامور لاننا خارج اطار الزمن اصلا .

لكنها عبقرية حكومة فاشلة فى احياء خزانتها الخاوية بسرقة المواطنين عبر سبل وطرق مضحكة بل ومسيئة بهذا الشكل
المهم عندهم ان يغذوا بعضهم بمثل هذه الوسائل .
هذا وقد كتبت منشورى وانا لا اعلم احى انا ارزق ام اكتب اليكم من الاخرة الى حين ان تخطركم لجنتنا الادارية اننى حى ..


تعليقات 41 | إهداء 0 | زيارات 9498

التعليقات
#810875 [ALKALAS]
0.00/5 (0 صوت)

10-27-2013 10:22 AM
الكلام دة ما فيه أي حاجة غريبة ،، من زماااااان المعاشات بتطالب بشهادة الحياة ، عشان تكون في الملف كسند صرف كل مرة ، و حتى لا يستفيد الأحياء من أموال الأموات ، عادي ، دي نفس القوانين التي ورثناها من الإنجليز


#809300 [ابومونتي.]
0.00/5 (0 صوت)

10-25-2013 10:43 AM
انا الان فهمته لماذا السودانيين يموتون
في سن صغيره بالنسبه بالبلاد المستقره
ضغوط نفسيه واجتماعيه وحكوميه ومنزليه
وهموم الناتج اصابه بالامراض وعدم وجود العلاج
الاعمار بيد الله لكن تعددت الاسباب والموت واحد ربنا
يعين ويفك كربة الشعب السوداني الفضل.


#809144 [سوداني وبس]
0.00/5 (0 صوت)

10-25-2013 02:07 AM
فعلا شيء غريب
المفروض يطلب منو إثبات شخصية.


#809139 [kanzman]
0.00/5 (0 صوت)

10-25-2013 01:48 AM
الوالد علية رحمة الله توفى منذ عشر سنوات كان يطالب بشهادة اثبات حياة وكان لم يمشى يصرف المعاش بطلع قبل صلاة الصبح, وكان الموظغ بعد الساعة الثانية والنصف يرفض العمل لانتهاء الوقت , فيجمع المعاشيين مبلغ من كل واحد منهم لاقناع الموظف بالبقاء لصرف المعاش, مع العلم ان المعاش كان عشرين جنية ومكتب الصرف للمعاشيين الذين تجاوزو السبعين فى الطابق السادس
وبرضو دولتنا رسالية


#809003 [lwlawa]
0.00/5 (0 صوت)

10-24-2013 09:31 PM
هذه دولة التطفل والجبايات كل الشعب السوداني يعمل بالسخرة لدى هؤلاء


#809000 [Zingar]
5.00/5 (1 صوت)

10-24-2013 09:29 PM
أنا يادوب فهمت ليه عملوا طناش من حلايب...عشان يورونا الحلب الجد جد.


#808981 [د/سعد]
5.00/5 (5 صوت)

10-24-2013 09:11 PM
دة كلو كويس
انا مشيت اطلع معاش جدي قالو لى شنو ناس المعاشات
ههههه

امشي جيب شهادة من المستشفي تثبت انو حبوبتك ما حامل
هههههههههه
عمرها سبعين سنة



ماعرفت اقول ليهم شنو في البيت


#808965 [ود كترينا]
5.00/5 (1 صوت)

10-24-2013 08:47 PM
*** يا أخوان...موظف المعاشات ما غلطان...الموظف ده كان فى اجازة فى الجزيرة أبا من يوم 20 سبتمبر ورجع لشغلو بعد عيد الأضحى...كويس كده...وهو هناك فى البلد فى الجزيرة أبا سمع حكاية المظاهرات والكتل بالجملة طاخ...طيخ...فى شوارع الخرطوم...وسمع انو البرارى دى بالذات الجماعة مافضلو فيها زول حايم...مليشيات الخضر كتلتهم جت...فالعارفو الموظف انو برى دى مافضل فيها زول عايش...عشان كده كل مايجيهو واحد معاشى من البرارى بيقول ليهو أمشى جيب شهادة حياة!!!يعنى عمنا درار الحلفاوى ده لو كان قال ليهو أنا ساكن كافورى أو الحى الراقى كان الحكاية ما احتاجت (نطيط)!!!


#808962 [فعلاً ميتين؟؟]
5.00/5 (2 صوت)

10-24-2013 08:39 PM
صحيح نحن ميتين ، لأنه مبسوطين ومتابعين هذه المهازل ، والرجال بلزوا في النسوان عشان يطلعوا والرجال متكومين خلف الكيبورد وضاربين همبريب الراكوبة ، والله لو في عشرة مثل جعفر خضر لتغير حالنا ما ان وجد فرصة وخرج من الزنزانة وكلاب الأمن يحوطونه بالباب والنافذة إلا كتب اسماء من يثق بأنهم أتوا لتصفيته ويؤمن بأن الموت واحد.. اللهم يا قادر يا مقتدر ولأجل جعفر خضر أن تفرح قلبه وتحييه هانئاً راضياً وترىه يوماً قريباً في كل من ذكر اسمه وأذاقه العذاب اللهم عذبهم أحياء وأموات أللهم أنك جبار وهم لا يعجزونك .. اللهم عجل بنصرك..آمين


#808902 [quickly]
5.00/5 (2 صوت)

10-24-2013 06:53 PM
اتوقع دا تمهيد لأضافة رسوم جديدة على الساكنين في الاحياء من قبل اللجان الشعبية
وهي رسوم ضريبة هواء ( يعني هو حي وبتنفس !!.. يبقى لازم يدفع مقابل النفس الداخل والطالع دا)و تضاف الى بقية الرسوم الشهرية في الحلة او الحارة زي رسوم الزبالة ورسوم العتب ووو..وخلافة الداخلة في جيوب اللجنة الشعبية

بالمناسبة اغلب اعضاء اللجان الشعبية ديل بشتغلوا جواسيس وبتاعين وشايات شغلتهم بس يشمشموا في الاحياء لصالح النظام اعملوا حسابكم منهم, واقترح على المواطنين داخل الاحياء ان يتم احتجاز اي بتاع لجان شعبية داخل بيتة مع الحراسة المشددة 24ساعة,,,, وذلك مع اشارة ساعة الصفر


#808893 [Adam Ibrahim]
5.00/5 (1 صوت)

10-24-2013 06:42 PM
ممكن تقول بطالبوا بيها لما يكون شخص آخر عايز يصرف معاش بالإنابة عن صاحب المعاش الحقيقي.. بعدين لازم يكون فى اتصال مع مكتب الإحصاء عشان اى شهادة وفاة صدرت منهم تلقائياً يسقط اسم المتوفى من سجل المعاشات..


#808879 [G.Suliman]
5.00/5 (1 صوت)

10-24-2013 06:23 PM
بعد كم يوم السرقه حتكون من البيوت مباشرة بقرار ضريبة السكن داخل الدوله


#808876 [Moussa]
5.00/5 (3 صوت)

10-24-2013 06:19 PM
سبحان الله 0000حاجة غريبة ------والله حنيت لي الراجل دا------- وانا ضحكت شديد وقت "الحاج محمد درار قال : ما انا اهو قدامك يا ابنى
الموظف : لا ..مش كفاية انك واقف قدامى عشان تثبت انك عايش
الحاج محمد : طيب اعمل شنو يا ولدى انطط ؟؟


ردود على Moussa
United States [خازن الاسرار] 10-26-2013 01:17 PM
.


#808867 [مشروع حضاري]
5.00/5 (1 صوت)

10-24-2013 06:03 PM
الى هذا الحد مبلوعة؟
انا خايف بكرة يعمموا الشهادة في كل الاماكن والممرات وتصبح زي دمغة شهيد ودمغة جريح..
والحكاية اصلها مقلوبة من فوق لي تحت ناس المحلية ناس ميتين وقوم نيام ويعملوا لصالح عربة الانقاذ والذي ضمن كوادر الحكومة وهو يعلم انها تكذب وتقتل وتفسد فهذا الرجل ليس حيا وانما هو ميت موت سريري كامل (ان فرعون وهامان وجنودهمااااا كانو خاطئين)حتى الجنود .. والحكاية مقولوبة ان الزول الميت يطلب من الزول الحي شهادة تفيد بأنه على قيد الحياة؟ شفتم ماقلت لكم الحكاية مقلوبة...


#808854 [متفرج]
4.88/5 (6 صوت)

10-24-2013 05:49 PM
أنت ما سمعت قصة المعاشى الذى لم يصرف معاشه لعدة أشهر و عندما ذهب لصرفه استخرج شهادة حياة للشهر الأخير. رفض الموظف صرف معاشه للأشهر السابقة ما لم ياتى بشهادة تثبت أنه كان حياً فى تلك الأشهر!!!!!!!!!!


#808843 [معروف]
5.00/5 (1 صوت)

10-24-2013 05:36 PM
يا شباب الغرض هو جمع اموال المواطنين لانو هذه الشهادة برسوم ماليه لانو البديهي والمنطقي اثبات الشخصيه هو ما يطلبه الموظف واذا غير الشخص المستحق للمعاش يطالب الموظف بتوكيل شرعي ولكن هو واحده من افكار الانقاذ لجمع الاموال مثل دمغة الجريح والقناة الفضائيه .


#808837 [جربندي]
0.00/5 (0 صوت)

10-24-2013 05:30 PM
السلام عليكم
يا شباب بالراحة وبالرواق
الموضوع عادي جدا نسبة لتخلفنا في امور التنظيم الاسرية

بالتالي لازم شهادة حياة تعرض سنويا بالنسبة للمعاشيين
الناس البقولوا يتأكد عن طريق بطاقة شخصية , كلامكم جميل لكن
اذا الموظف يتاكد كيف يمكنه تأكيد حياة المعاشي في تقاريره لرؤساؤه
اتمنى اكون قدرت اوصل الفكرة
يعني الموظف ممكن يتاكد بسهولة
لكن لمن يرفع خطاب او رسالة بخصوص المعاشي كيف يؤكد حياته عن طريق البطاقة
البطاقة ممكن تكون موجودة بعد وفاة اي شخص وهي لا تؤكد حياته
الموظف زاته ممكن يكون في لحظة متهم انه قبض معاشات ناس متوفيين
ودي حصلت كتير عند الكيزان بالنسبة لشهدائهم البقولوهم


ردود على جربندي
United States [المر] 10-25-2013 02:36 PM
بسيطة يكتب حضر فلان الفلاني امامي انا يذكر اسمه ووظيفته وتطابقت صورته مع بطاقته الشخصية رقم كدا----- وانتهي الموضوع - لما تمشي البنك تصرف الموظف يعاين لبطاقتك ولوجهك ثم يصرف لك المبلغ حتي لو كان ملايين مو ملالين المعاشيين الغلبانين الذين افنوا زهرة شبابهم في العمل للحكومة مفروض يودوها ليهم في البيت ويتاكدوا انه حي علي الطبيعة .


#808833 [الطرمبه]
5.00/5 (1 صوت)

10-24-2013 05:26 PM
احيييييييييييييييييييييييييييييييييييييييييييييييييييييييييييييييييييييييييييييييي
احييييييييييييييييييييييييييييييييييي
سمبك وركب فينا
قالو في شيخ قال الانقاذ بتقعد ٣١ سنه ونص
وانا بقول حتقعد العمر كلو ديل مستعدين يحكمونا من قبورم طالما شباب البلد هج
انا راي نشوف تياب وطرح بعد ده اكرم واشرف لينا من ادعاء الرجوله لان لو في رجوله ولاكراع


ردود على الطرمبه
United States [عبد الله عبد الله] 10-24-2013 06:48 PM
أخـي الطرمبة،،،
هون عليك ... فكل هذه التفاهات ستنتهي قريباً، ستنتهي كما انتهت في مصر وتونس والجزائر وأفغانستان وباكستان وغيرها من الدول،،،
هؤلاء مرضى نفسيين، ولا يفيد أن تحزن عليهم، اهم شئ الصبر فالصبر مفتاح الفرج،،،،
الاموال المنهوبة ستعود، السلطة ستعود، لكن التفاهة ستظل تلاحقهم حتى بعد مماتهم،،،


#808820 [الليد]
5.00/5 (1 صوت)

10-24-2013 05:08 PM
النظرية النسبية لانشتاين بتقول( لو الزول تحرك بسرعه اكبر من سرعة الضو ممكن يعود للماضى ) ولان سفينة الانقاذ منطلقة بسرعة فائقة فقد يكونوا ادركو السيد ضرار فى الماضى فبتالى عايزين ما يسبت حقيقة وجدوا اللحظى !!!! استغفر الله العظم


ردود على الليد
[نوجا] 10-25-2013 01:31 PM
هههههههههههههههههههههههه

[G.Suliman] 10-24-2013 06:22 PM
انت متأكد من النظريه ده؟


#808816 [الغريب في بلدو]
5.00/5 (1 صوت)

10-24-2013 05:04 PM
ياجماعة موظف المعاشات استند الى مقولة ديك الصباح ( بونس) ابها الشعب السوداني ( الفضل)عشان كدة طلب شهادة لمعرفة انه من الناس (الفضلوا )

ياجماعه انا كنت معلم مرحلة متوسطة وفي عام اصدرت لنا شهادة( فقر) بس هم جملوها وسموها بطاقة محدودي الدخل وطبعا لازلت احتفظ بهذه البطاقة


#808803 [كلكلى]
5.00/5 (1 صوت)

10-24-2013 04:43 PM
شهادة من اللجنة الشعبية ماكفاية ممكن اى واحد ميت يطلع الف شهادة حياة وكمان جنسية وجواز وبطاقة شخصية ورقم وطنى ودة كلو ما بحلك انت واح شايلك حمار الموت .


#808801 [كردفانى]
1.00/5 (1 صوت)

10-24-2013 04:42 PM
ياجماعه والله الشىء الطلبه هذا الموظف صحيح جدا" وهو إجراء صحيح . يمكن يكون هذا ليس هو الشخص نفسه أو مزور أى مستند عشان يتحايل على القانون ويدبس فيها الموظف المسكين ويكون الشخص ميت عشان كده هذا الموظف تبع المعاشات يريد يحمى نفسه واذا حصل أى شىء غير ذلك تكون اللجنه الشعبيه تتحمل المسئوليه لان النصب والاحيال فى العالم كله اصبح كثير جدا" ليس فى السودان بس فى السودان وفى غيره .


ردود على كردفانى
United States [ود باين] 10-25-2013 04:14 AM
لكن يا كردفاني اثبت انك انسان غ..............

United States [عاصم] 10-24-2013 09:31 PM
اصحى شويه يا كردفاني في الحالة دي مفروض يطلب الموظف فقط اثبات هوية وانت ما عارف اصل الحكاية عشان بعد شوية تفرض رسوم على شهادة لجنة الحي لاصدار مثل هذه الشهادة وبهذا تكون الحكومة فرضت ضريبة على بقائنا على قيد الحياة

United States [حاجة عجيبة!!] 10-24-2013 06:27 PM
يا زول انت تبريراتك دايماً غير عقلانية.. بالله عليك بلاش مكابرة لتبرير ظلم الحكومة.. البشكير عاداكم كلكم بغباءه يا جدادى يلقط الحبة..

United States [gyu] 10-24-2013 06:17 PM
سالتك بالله ده شكل ختم انت شفت شكل ورقة فوق ولا التوقيع ولدي فى الروضه بوقعه لوجبته جداده وختيت ليها حبر بتوقع احسن منو تزوير هو فى مزور اكتر من موظفين الكيزان حسبي الله ونعم الوكيل ياجبار يامنتقم خذهم اخذ عذيذ مقتدر ببركة الايام المباركه دي ولاتزر فيهم صغيرا ولاكبيرا

United States [انبوبة غاز فاضيه] 10-24-2013 06:13 PM
اي كلامك صاح طالما مافي ناس بتفكر بطريقتك دي فمفروض كل صباح نمشي نطلع شهادة حياه لان النوم موت اصغر ونلغي الاوراق الثبوتيه بطاقه شخصيه جواز جنسيه لانها كلها بتتزور بس شهادة الحياه حاشاها وكلاها من التزوير بتتكتب علي كرتونه وممضيه بزول اسمو الثلاثي مابقدر يجمعو بقلم جاف بس الحلو فيها انو انت بتدفع للخروف البطلعه ليك غير المواصلات وانت راجل علي المعاش يعني فيها قبلي تصل بتاع اللجنه الشعبيه امكن نكير يشيل روحك وبتاعين اللجنه الشعبيه جاماليين ياتلقاهو فى سمايه يافي عرس يافى راس البيت بركب طابق جديد للمره الجديده ياراجل فقعتو مرارتنا حرام عليكم احترمو عقولنا عملتو رقم وطني وعملتو زواج الكتروني وعملتو دمغة جريح وعملتو زكاه وعملتو ضرايب وعملتو نفايات وعملتو عتب وعملتو جمره خبيث وعملتو هضربه فى المصران الغليظ وسويتوهو حار حار حار حار حار شديد


#808797 [ما اغباكم من اين اتيتم]
5.00/5 (2 صوت)

10-24-2013 04:38 PM
هذا لم يبدو حتي للعم جحا
يالغباء الانقاذيين حقا كما قال عبقري الرواية منانتم و من اين اتيتم

فهذه الوريقة لاتصلح ليوم واحد بعد تاريخ اصدارها فغدا لن تصلح ولو امد الله في عمركم

عودا الي حيث كنتم قبل ١٩٨٩


#808795 [بلل]
0.00/5 (0 صوت)

10-24-2013 04:35 PM
الزمن دا في السودان وخاصه في حكم ديل انت ماشي السوق اولا تضمن حق المواصلات المشية والرجعه وثانيا حق الخضار وثالثا حق الحمامات لصلاة الظهر اواي صلاه تحضرها في قلب الخرطوم دي بلد دي حكومة واقفيه علي رأس مواطنينها انا ماحاسي انوا الحكومة دي بتمثلني ولابتمثل الدين ديل جو من وين


#808794 [ممكون وصابر]
5.00/5 (1 صوت)

10-24-2013 04:34 PM
شوية منطقية لو ما الشخص نفسه واقف قدامه ,, لكن طالما صاحب الشهادة واقف واكيد شايل بطاقته دي معناها جرجرة من الموظف ساي ,,


#808782 [خازن الاسرار]
0.00/5 (0 صوت)

10-24-2013 04:19 PM
iiiiiiiiiiiiiiiiiiiii


ردود على خازن الاسرار
United States [خازن الاسرار] 10-26-2013 01:17 PM
.


#808781 [عطيه الاحمري]
5.00/5 (1 صوت)

10-24-2013 04:18 PM
ياجماعة الحكومة السودانية اصلا منذ زمن بعيد اصدرت شهادات وفاة لجميع الشعب السوداني والا ماكان افترت على المسلمين


#808778 [ود امدر]
5.00/5 (1 صوت)

10-24-2013 04:12 PM
لا دي بالغو فيها عديل كدة ( وضرار مش درار) اريتم كان بعرفو يكتبو (وشمال شمال )دي يعني القطب الشمالي واللا شنو


#808769 [ohgv]
5.00/5 (1 صوت)

10-24-2013 03:50 PM
باب ابتكار ابواب السرقه


#808745 [ابوالتيمان]
0.00/5 (0 صوت)

10-24-2013 03:29 PM
وأنا زاتى هسى بعلق على الموضوع ده وأنا ما متأكد أنى حى ولا ميت غايتو برسل توكيل لاهلى فى السودان يمشو اللجنة تثبت حياتى بس المشكلة أنا بره السودان فكيف حايعرفو ولا أظل كده بين الحياة والموت حتى إجى إجازة ههههههههههههههههههههههه


#808739 [ابو منيب]
4.00/5 (4 صوت)

10-24-2013 03:23 PM
الياهو الباقى ( على قيد الحياة حتى تاريخ تحرير هذا الخطاب ) !!!!!!!!!!
ماإقوموا إرجعو عمنا / محمد درار كمان وإقولوا ليه
( ممكن مت بعد تحرير هذا الخطاب ) !!!!!


شيطان عقلياتهم لا يتفتق إلا للأذى


#808736 [Sudani]
5.00/5 (1 صوت)

10-24-2013 03:22 PM
و الله يا اخوي غلبنا البنقولو
حسبي الله و نعم الوكيل


ردود على Sudani
[ود الضهيبان] 10-24-2013 06:03 PM
صدق...!!1
قريتا...
غلبنا ...( النبقو...!!!) ...

هي هي هي..
ياناس الدرب بي وين؟؟


#808731 [sasa]
5.00/5 (3 صوت)

10-24-2013 03:20 PM
اللهم لاتقتلنى بمغصتى هذه قبل ان تيسر لى امر الهوية الغير سودانية .... اللهم امين ...


ردود على sasa
United States [quickly] 10-24-2013 06:59 PM
اميين ربنا يوفقك ... بس بعدين ارجع لينا انشاالله خبير اجنبي


#808727 [ربش]
5.00/5 (1 صوت)

10-24-2013 03:17 PM
و الله مهذلة و إحتقار و إستهتار بعقول البشر .... يا ناس راجين شنو بعد دا... أبقو مارقين لي بره لنقتلع هذا السرطان من جذورو .


#808719 [المهندس سلمان إسماعيل بخيت على]
4.50/5 (3 صوت)

10-24-2013 03:12 PM
النظام الذى يطلب شهادة حياة من مواطنيه الأحياء نظام ميت
أنا قلت لكم هذا النظام مات من زمان ولكنه يقف على عصى سليمان التى أكلتها دابة الأرض
الرباطابى قال لى أخيه ( اللبد دى مافى راجل يقوم يقلبه ؟ ) رد عليه أخيه ( يقلبوا شنو دى مقلوبة من زمان إنتو بس غالبكم تمرقوا من تحتها )
خاطبت إخوتى فى الجبهة الثورية طالبا منهم ترك القتال والإلتحام من قوى شعبكم
أنتم تقاتلون نظام البشير
وتخطئون حين تقتلون إنسان دارفور وإنسان جنوب كردفان وإنسان جنوب النيل الأزرق والبشير وجماعته بعيدين عن مرمى نيرانكم
تقتلون أهلنا فى الغرب والدولة تقول كل موارد الدولة نوجهها للحرب فيموت أهلى فى دارفور بالرصاص ويموت أهلى فى الرباطاب وتحديدا فى كرقس بإلتهاب الكبد الوبائى فإيرادات الدولة كلها موجهه لقتالكم
أتركوا هذه الحرب اللعينة
وكلنا من جنوب ربك لحلفا ومن غرب الجنينة لشرق الفشة سننضم جنود سلام ومحبة للجبهة الثورية
توحدوا مع أنفسكم
توحدوا مع شعوبكم
توحدوا حتى مع حزب الأمة ( الصادق ) وأى حزب وطنى صادق لم يرهن نفسه للنظام
وخلال فترة زمنية قليلة ستكونون الأعلون
ويا محمد درار محمد أحمد كم دفعت من الجنيهات لمحليات البشير حتى تثبت أنك حي يرزرق ؟


#808718 [kamba]
0.00/5 (0 صوت)

10-24-2013 03:12 PM
وعشان نتأكد انك حي وعايش عندما كنت تكتب هذا الخبر أو المعلومة! لازم تجيب لينا الشهادة انت كمان! لانه أي حاجة في زمن حكومة الانقاذ ممكنة! فلا تستغرب - مثل هذه الاشياء عادي عندهم! وكمان لو داير فتوي ممكن ينجرو ليك واحدة ذي بتاع رئيسهم كان مسافر الصين ولا وين ما عارف!


#808715 [حميد]
5.00/5 (1 صوت)

10-24-2013 03:10 PM
مافي داعي لكتابة اسم وعنوان المواطن


#808709 [قنقر]
5.00/5 (1 صوت)

10-24-2013 03:04 PM
اللهم أرنا فيهم عجائب قدرتك .


#808701 [صلاح علي الشيخ]
2.00/5 (1 صوت)

10-24-2013 02:58 PM
الكلام دة ما فيه أي حاجة غريبة ،، من زماااااان المعاشات بتطالب بشهادة الحياة ، عشان تكون في الملف كسند صرف كل مرة ، و حتى لا يستفيد الأحياء من أموال الأموات ، عادي ، دي نفس القوانين التي ورثناها من الإنجليز


ردود على صلاح علي الشيخ
United States [المهندس سلمان إسماعيل بخيت على] 10-25-2013 08:29 PM
نحن والله ياسيد صلاح سمعنا بشهادة وفاة يتقدم بها وكيل الورثة مع إعلام شرعى بالورثة عشان يأخذوا حقوق المتوفى ويوزعوا الميراث
لكن شهادة إثبات الحي البطاقة الشخصية الهوية الوطنية الجنسية الباسبورت وبفهمك دا مفروض لمان أكون مسافر فى المطار يقولوا لى جيب شهادة تثبت أنك حي ترزق لأننا لا نرحل الموات إلا فى تابوت على طائرات شحن
دى إمور جباية إضافية إختلقها هذا النظام زى رسوم النفايات ولا نفايات تجمع

United States [ياسر المريود] 10-24-2013 04:01 PM
الواحد فينا لازم يشغل مخه كويس.
يعني بدل المطالبة بمثل هذه الشهادة (والمقصود منها اصلا الجباية ليس إلا) مفروض علي موظف المعاشات للتأكد من شخصية الواقف امامه (وبالتالي حيّ أم ميت) بسؤاله عن اثبات الشخصية (بطاقة-جواز سفر ...الخ).

لم نرث من الأنجليز مثل هذه التفاهات ... بل ورثنا منهم اقوي جهاز خدمة مدنيّة.
لقد ترك لناالانجليز أقوي جهاز خدمة مدنية بدول العالم الثالث حينذاك، وتركوا لنا نظاما تعليميا مميزا وبنية اقتصادية كبيرة .. الخ
اما تلك الجبايات والتفاهات فهي إبن شرعيا لحكم الاخوان المتأسلمين ولعهدهم القميء في زمن العجز والانحطاط.

*********************

وانت ماشي بعيد ليه؟
الحمامات التي حول الجامع الكبير لازم تدفع المعلوم من الدنانير حتي تستعملها وتقضي حاجتك .......!!!!

بالله عليك حدثني عن دولة محترمة (او لنقل دولة بائسة .. تافهه) في هذا العالم الواسع الكبير تقوم بجباية الأموال نظير استخدام مواطنيها لحمامات الوضوء في قلب عاصمتها الحضارية؟

European Union [عبيـد علي حسن / بحري] 10-24-2013 04:01 PM
نعم أنا بتفق معاك جدا الكلام القلتو صحيح 100% والعيب حقيقة في عدم قدرتنا على تصحيح القوانين الموؤوثة أو بالأحرى تحديثها لكن قديما كانت اللجان في الأحياء تمنح مثل هذه الشهادة مجانا , والغريب في الأمر إن كان الإثبات للحياة من حيث الوجهتين المعتبرتين يجب أن يكون بموجب مثل هذه الشهادة وطبعا ده لأنه الوفاة تثبت من الناحية القانونية بموجب الإعلام الشرعي بإثبات الوفاة وإنحصار الإرث ومن الناحية الإكلينيكية بشهادة الوفاة و ماهو مدون بها من سبب للوفاة أما شهادة حية فهي ومن الواضح وكما ورثنا أنها ترجمة خاطئة لمفردة أو عبارة أراد بها من إشترطها أن تكون شهادة صادرة من الجهة الشعبية أو المحلية بالمنطقة لتعزيز بقية المستندا .

لكن وبرغم كل ذلك نقول وين مشروعكم الحضاري يا كيزان السحت والسجم شهادة زي دي ما قادرين تلغوها أو تطوروا موضوعها بس فالحين في النهب والسرقة و الزنا و والإغتصاب ,

لعنة اللع عليكم محل ما قبلتو , إنشاء الله تنقرضوا لامن تعدمو نفاخ النار واليحرر ليهم شهادة وفاة إنشاء الله هو الشعب السوداني النبيل الشجاع الشريف .


#808699 [ABU ALGASIM]
0.00/5 (0 صوت)

10-24-2013 02:56 PM
هاهاهاهاهاهاهاهاهاهاهاها
هاهاهارهاهاهاهاهاها
هاهاهاهاهاهاهاه
هاهاهاهار
هاهاهاها


#808698 [عطيطو الاسوانى]
0.00/5 (0 صوت)

10-24-2013 02:56 PM
هذه جديدة ويمكن ماتكرر ابدا حتى فى المستقبل .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (6 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة