الأخبار
أخبار السودان
أستاذ جامعي يستولي على أموال طالباته ويفر خارج البلاد
أستاذ جامعي يستولي على أموال طالباته ويفر خارج البلاد


11-03-2013 04:14 AM
الخرطوم - علي بلدو

قام أستاذ يعمل في جامعة معروفة - يحمل درجة الدكتوراه - بالاستيلاء على مبالغ مالية مقدرة من مجموعة من طالباته بالجامعة التي يعمل بها، وعدد من الجامعات الأخرى التي يعمل بها متعاوناً.
وكان الأستاذ قد وعد الطالبات بالتوظيف «بحكم علاقاته الواسعة»، كما وعد بعضهن بالزواج، وقام بتسلّم مبالغ مالية منهم لإنجاز إجراءات ادعاها، ثم غادر للعمل خارج البلاد.
ومن جانبها قالت إحدى الضحايا إنهن بصدد تدوين بلاغات بالاحتيال، وشرعن في التوصل إلى باقي الضحايا. وحذرت زميلاتها من الوقوع في فخ مماثل.

المجهر






تعليقات 20 | إهداء 0 | زيارات 8594

التعليقات
#817423 [Amin]
0.00/5 (0 صوت)

11-03-2013 10:23 PM
من حسنات الإنقاذ :
1/ مافي تهيب وتعظيم لي زول تاني .. كل واحد يشتغل شغلته ويأخذ أجره ويتّكل
2/ ضباط ودبابير وهيبة مافي .. مسخوا .. مسحت بيهم الواطة .. تاني زول فيهم يقول يحكم مافي
3/ الأئمة والدعاة وأصحاب الحلاقيم ..انتهت منهم .. مصداقيتهم هبطت ل 2٪
4/ التكاسة .. افتروا في الديمقراطية .. هل تسمع لهم حساً ؟
5/ نافع علي نافع كان أستاذ جامعي .. في داعي تاني زول يعظم ليه زول

لا تقللوا من شأنكم بتوهم عظمة الآخرين


#817283 [abusafarouq]
1.00/5 (1 صوت)

11-03-2013 07:03 PM
شنو حكاية البنات الجامعيات ديل مرة شاب وسيم يستدرجهن ويسرق منهن جوالاتهن ومرة أستاذ جامعى يوعدهن بالزواج وتوظيف يهرب بالفلوس يعنى الجامعيات غبيات بهذه الدرجة الحق ما عليهن بل على أولياء الامور اليدفعو المصاريف الزائد للجامعيات عايزة خمسين ستين ممئة ألف مائتين ألف عشان أصور كتاب أشترى مزكرة أعمل بحث ونحن ندفع بلا سؤال وهى وتدفع للنصابين والمستهبلين


#817230 [ود امدر]
0.00/5 (0 صوت)

11-03-2013 05:19 PM
دة كلام ملغوس هو الواحدة لو عندها مبلغ ( مقدر ) كما ذكرتم وظيفة شنو البتفتش فيها ووعد بالزواج كيف بالقروش دة كلام خارم بارم ساكت


#817228 [ود جبل حلة]
0.00/5 (0 صوت)

11-03-2013 05:11 PM
خربانة من عاليها بقت علي ال دكتور؟


#817009 [جاكوما]
0.00/5 (0 صوت)

11-03-2013 01:19 PM
يابنات الزول عايز يدفع حق مكتب الاستخدام وحيرجع يسددليكن القروش على داير المليم
بس اصبرن شوية !! اما حكاية العرس دى فتعيشوا وتاكلوا غيرها


#817006 [تينا]
5.00/5 (1 صوت)

11-03-2013 01:17 PM
حكاية غريبة عرفنا الوعدن بالتوظيف أدنو الأموال بغرض الاجراءات كما قال . طيب الوعدن بالزواج أدنو الأموال ليشنو ؟؟ غلطتكن يلا خمن وصرن يا الموعودات بالزواج .


#816890 [الفراهيدي]
0.00/5 (0 صوت)

11-03-2013 10:40 AM
الأمر الأكثر غرابة كان من ناشر الخبر . لماذا لم يذكر اسم الاستاذ الجامعي المحتال ،؟ لأنه من المحتمل أنه احتال حتى على الجامعات التي يعمل بها مادم متعاون ، وقد يكون ما عنده أي مؤهلات ، وطبعاً هذا ليس بالأمر الجديد إذ كان هناك من احتال على مستشفى وعمل بها عدة شهور وسنوات وأجرى عمليات جراحية ولم يتم اكتشافه إلا بالصدفة ، أيضاً ممكن يكون المحتال هذا مثل المحتال الذي أدعى أنه طبيب . ولذا أرجو ذكر اسمه والجامعات التي عمل بها وتخصصه العام وتخصصه الدقيق ، ولأي شيء عنه بيته أصحابه اسم كلبه كما يقول السي أي أي من الأمريكان في أفلامهم .عشان نتجنبه لأنه من المحتمل أن يكون هناك ضحايا في طريقهم إليه حسب وعده . وهذا النوع من البشر يستمر في احتياله على الناس حتى في بلاد الغربية التي ذهب إليها ويحرجنا في الخارج كما تحرجنا حكومتنا ملايين المرات يومياً ، لدرجة أننا أصبحنا نتجنب ذكر انتماءنا .


#816848 [كاتوحة]
0.00/5 (0 صوت)

11-03-2013 09:50 AM
ده أستاذ جامعي ويحمل دردة الدكتوراة.. إمال الباعة المتجولون وأصحاب المهن الهامشية يعملوا شنو يعني؟!


ردود على كاتوحة
[nagatabuzaid] 11-03-2013 09:20 PM
كن منضبط فى تعليقك يا هذا الباعة المتجولين واصحاب الحرف الهامشية خدمة يمين وعرق جبين
وما سراقين الدكاترة وحملة الدكتوراة فى جكومتك بلطجية وحرامية عندك نافع حامل دكتوراة لص واخر سرقاته لبن كلية الزراعة وحرمان الصغار والرضع ولن تكون الاخيرة د المتعافى اكبر حرامى اخ رئيسكم الدكتور وزوجته الدكتورة حرامية رائحة فضيحة الشركة الزراعية لا زالت تزكم الانوف اقول ليك منو ولا منو لا يحصى عدد دكاترة الانقاذ الحرامية
مليون تعظيم سلام للباعة المتجولين واصحاب الحرف الهامشية ا


#816772 [abumazin]
0.00/5 (0 صوت)

11-03-2013 08:44 AM
والله هذا الكلام لا يصدق -اولا كيف لاستاذ جامعي ان يعمل خاطبا لطالباته -ثانيا اذا كان تفكير هؤلاء الطالبات بهذه السزاجة فيستاهلن ما وقعن فيه


#816736 [سعاد خيرى]
0.00/5 (0 صوت)

11-03-2013 08:18 AM
خايفين يشتكيكم ولاشنو ؟؟؟ ماتجيبوا إسمه وأسم الجامعه البيعمل فيها ,, طبعا أكيد لهعلاقه بالكيزان ,, لان هذه هى أفعالهم ,, وأصله شهادة الدكتوراه في زمن الانغاذ صارت تعطى وتوزع بالمجان


#816722 [سامي]
0.00/5 (0 صوت)

11-03-2013 08:03 AM
طيب ياجماعة اسم الاستاذ دا منو . يجب التشهير به .هذا زمن الدكتوراة المضروبة


#816692 [شمالو جنوب فى محنة]
0.00/5 (0 صوت)

11-03-2013 07:31 AM
جدنا كان عندو حمار بطلع بيهو الخلاء للزراعة و في المحل عارهو منه عما ليتا كان مادح بعد اسيوع المداح رجع الحمار لجدنا اول ما ركبو و حاول اطلع بيهو على البلدات الحمار كل مرة الف على بيت عمنا قبل و رجع للمادح و قال ليهو (االه العنك يا ولدى اكان علمت حمارى على الشحدة) فدحين الله انعل ناس الانقاز العلمو حتى الدكاترة السرقة


#816687 [بت الخرطوم]
0.00/5 (0 صوت)

11-03-2013 07:26 AM
يستاهلن طالبات متخلفات بلاهى اخجلوا على انفسكن تدوين بلاغات شنو العايزات ترفعنها لو سألكن القاضى لما دفعتن هذة المبالغ حتقولن شنو القانون لا يحمى المغفل خليكن فى غفلتكم الى ان يقضى الله كان مكتوبا


ردود على بت الخرطوم
European Union [روز] 11-03-2013 10:07 AM
يا بت الخرطوم بل القانون يحمى المعفلين وارجو ان يصحح هذا المفهوم الخاطى..واقرائى فى القانون كثقافة عامة وستفهمى معنى القانون يحمى المغفلين


#816680 [مصطفى الرقيع]
0.00/5 (0 صوت)

11-03-2013 07:19 AM
يااخوانا ضرورى اسم النصاب الواطى يصلنا اليوم ، لان اكيد سوف يمارس نفس المهنة فى بلد الغربة الجديد ويشوه سمعتنا بالخارج ( يعنى برة وجوة ) وانا مقيم بالسعودية بالجامعات ويمكن التعميم على اخواننا السسودانيين بالجامعات حتى يعملوا حسابهم ، الله لاكسبه عافية وتدخل عليه بالساحق والمحاق والبلاء المتلاحق ..


#816653 [Abu Ali Ali]
1.00/5 (1 صوت)

11-03-2013 06:30 AM
طالبات اخر زمن عاوزات الاستاذ يكون لهن خطابة اكيد يكون لعب معهن اولا ثم تم المقصر وما خفي اعظم - كما اننا لا نلوم الاستاذ او الدكتور لانه اكيد بكون حصل على عمل وما عندة بتاع التذكرة شنو يعمل ، اصبرن يا جاهلات سوف يرد لكن المبالغ بعد صرف راتب اول شهر


ردود على Abu Ali Ali
[ابو احمد] 11-03-2013 09:31 AM
اتقى الله يا هذا ولا تسئى الى بناتنا لاننا لا نرضى بالقذف فى بناتنا السودانيات مهما ما كان وانك يهذا التعليق السيئى قد جرحت كرامة الكثيرين من اسر هؤلاء الطالبات وهذه من الاسباب التى ادت الى تهتك النسيج الاجتماعى السودانى.كما ان تعليقك هذا يدل على سوء تربيتك او انك تعانى من عقدة ما.
ارجع الى نفسك وتوب واستغفر وتذكر دوما بانك سودانى وانك اخو البنات.

[الكارورى] 11-03-2013 08:14 AM
مش طالبات آخر ,, بل أساتذة جامعات آخر زمن البيشتغلوا حراميه وطاطبات وواسطات للشغل ,,


#816644 [abubaker]
0.00/5 (0 صوت)

11-03-2013 06:17 AM
يا بتي اتوقعي كل شي في السودان دا بحمل درجة دكتوراة وشرد في ناس بحملوا رتبة وزير وشردو وجو وقاعدين فوضي امرك لله لانه ما في زول بعمل كدا خلاف الكيزان وهو ماخد اشارة خضراء من عندهم ويمكن تكون في فتوى من عندهم لاخز الاموال دي


#816634 [دكتوراه في النصب والاحتيال من جامعة الإنقاذ]
0.00/5 (0 صوت)

11-03-2013 06:00 AM
هل يمكن أن يحدث هذا من د عبد الله الطيب او د ابو سليم او د داوؤد مصطفى او كمال شداد او.... اى استاذ من جيل ما قبل الانقاذ .... انه السقوط الكبير ... والناس على دين ملوكهم


ردود على دكتوراه في النصب والاحتيال من جامعة الإنقاذ
United States [نادرة محمد عوض] 11-03-2013 09:52 AM
نعم لا يمكن ان يحدث من المذكورين لكن من معاوي شداد يمكن و نص و خمسة


#816628 [قسم السيد خليل]
0.00/5 (0 صوت)

11-03-2013 05:35 AM
ايه الهنا الاحنا فيه ده؟


#816619 [فارس الصياد]
0.00/5 (0 صوت)

11-03-2013 04:52 AM
البلد لسع فيها اساتذة جامعيين ويحملون الدكتوراه كمان ؟ والله انا متخيلهم فزوا كلهم


#816616 [Abdulrhman]
0.00/5 (0 صوت)

11-03-2013 04:41 AM
والله البواجهو استاذة الجامعات الايام دي تخليهم يسرقو بنك مش بس طلبة !!
دخلو الشهري ما بتجاوز 150 دولار !!



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة