الأخبار
منوعات سودانية
"الواتساب" و"الفيسبوك" يدفعان خمسينية لطلب الطلاق بأمدرمان
"الواتساب" و"الفيسبوك" يدفعان خمسينية لطلب الطلاق بأمدرمان



11-08-2013 04:19 AM
.

قامت سيدة سودانية في الخمسين من العمر - وأم لأربعة أبناء - برفع دعوى طلاق للضرر من زوجها لدى المحكمة الشرعية في “كرري”.

وقد عللت الزوجة دعواها بأن زوجها يقضي معظم الوقت داخل المنزل في الدردشة بالـ “واتساب” و”الفيسبوك” مع من هم في الغالب فتيات صغيرات السن، وأحياناً تجده في حديث غير محتشم - حسب ما أفادت.

كما أضافت الزوجة أن زوجها أصبح عنيفاً وأثر انشغاله بالدردشة على اهتمامه بأمور المنزل وعدم تقديرها على الوجه الأكمل. وقد انتدبت الزوجة محامياً معروفاً لمتابعة القضية بعد أن يتم تصريح الدعوى وفق قانون الأحوال الشخصية لعام 1991 الطلاق للضرر.

وكالات


تعليقات 14 | إهداء 0 | زيارات 7023

التعليقات
#822564 [abdelazem]
0.00/5 (0 صوت)

11-10-2013 09:56 AM
المراة عمرها خمسين سنة مالك ماراجل شوف ما عيالك وين وبيتك انشاء الله يدردش مع بنات ولا عجايز


#821926 [تاني ما تقول أنتهينا]
0.00/5 (0 صوت)

11-09-2013 11:58 AM
الموضوع عادي وما في سفاهة ولا حاجة ... وبيني وبينكم البنات بقن سمحات شديد ... ومن وسائل البحث عن زوجة ثانية الفيس والوتس...


#821925 [Abeer]
0.00/5 (0 صوت)

11-09-2013 11:57 AM
ضل راجل ولا ضل حيطة


#821684 [nona almajnona]
0.00/5 (0 صوت)

11-09-2013 01:53 AM
عُفّوا تَعُفُّ نِساؤُكُم في المَحرَمِ وَتَجَنَّبوا ما لا يَليقُ بِمُسلِمِ
إِنَّ الزِنا دَينٌ فَإِن أَقرَضتَهُ كانَ الوَفا مِن أَهلِ بَيتِكَ فَاِعلَمِ
يا هاتِكاً حُرَمَ الرِجالِ وَقاطِعاً سُبُلَ المَوَدَّةِ عِشتَ غَيرَ مُكَرَّمِ
لَو كُنتَ حُرّاً مِن سُلالَةِ ماجِدٍ ما كُنتَ هَتّاكاً لِحُرمَةِ مُسلِمِ
مَن يَزنِ يُزنَ بِهِ وَلَو بِجِدارِهِ إِن كُنتَ يا هَذا لَبيباً فَاِفهَمِ
إِن كُنتَ يا هَذا لَبيباً فَاِفهَمِ !!!94
للامام الشافعى


#821572 [Fed up!!]
0.00/5 (0 صوت)

11-08-2013 08:37 PM
الناس البتقول المرة تطول بالها عليه ... ليه عشان شنو ؟ عيالها وتحت يدها وهو الخسران ...
بعدين النسوان مازي زمان تتقبل من الرجل الكلام الفارغ ...الزمن اتغير والنسوان مابيتحملو الرجال زي زمان


#821546 [ابومونتي.]
3.00/5 (2 صوت)

11-08-2013 07:49 PM
كلنا ,,,في الهواء سوا
لكن نسوانا صبورات ربنا يديهم
العافيه ويصبرهم علي مراهقتنا المتأخره.


ردود على ابومونتي.
European Union [ههههههه] 11-09-2013 12:53 AM
ههههههه...الله يجازي محنك يا ابو مونتي


#821545 [ابوعبدالرحمن]
3.00/5 (2 صوت)

11-08-2013 07:44 PM
شوفى ياختى انت وااحد من اتنين يا ولية صالحة وشريفة ياوقحة و سفيهةومعليش للكلمة والحل فى تقديرى اذا كنتى شريفة فهذا ابتلاء من الله وان الله اذا احب عبدا ابتلاه فعليكى بالصبر والاجاويد وماتضيعى اولادك بتسرعك وطلبك للطلاق وادعى الله ان يهديهو ويرجعو لى صوابو عندها حتما سيتوب واما اذا كنتى سفيهة فالجزاء من جنس العمل فعليكى أن تتوبى لله وتقلعى عن سفهك وتتوبى توبة نصوووح مش تووبة زنقة عابرة وتناقشى زوجك وتتفاهمى معاهو بلطف وحسن تبعل وصراحة وتدعى الله وعندها سوف تجدى زوجك كما تحبين ..هذه نصيحتى ليك ياأختى الكريمة .


#821526 [rashidiya]
3.50/5 (4 صوت)

11-08-2013 07:05 PM
يا اختى الله يهديكى مهما كان المسأله ما بتستحق ولا هو نفسه اذا كان فعلا دا سلوكه بيستحق تبهدلى اولادك عشانه. اتكلمى معاه ووضحى ليهو انه الكلام دا غلط وعيب فى حق عياله.اذا رجع الحمد لله واذا استمر تجاهليه وحافظى على بيتك وشعور اولادك. هم رصيدك يا ستى واكيد مصيره يحس بالتجاهل ويعقل


#821519 [عصمتووف]
1.00/5 (2 صوت)

11-08-2013 06:43 PM
اصبري علي سفهة من اجل مصلحة اولادك لا تهدمي بيتك اقسي ما تقدمية له هو حرمانه منك والله والله قابلت زوجات رجالهم في قمة السفة سكاري وحياري بل تصل مرحلة الضرب وطردهن صبرن وربنا عوضهم في اولادهم ومصيرك الجنة نعم للانسان حدود في الصبر لكن صبركم عظيم وجليل تحملتونا 9 اشهر حملا وهي اقسي من معاشرة حياة زوجية عذاب يوم واحد لزوجة حبلي يساوي سنين في بيوت الزوجية


#821329 [بدون اسم]
1.00/5 (2 صوت)

11-08-2013 12:32 PM
مرة عمرها خمسين سنة وعندها بيت واولاد تطلب الطلاق عشان تسوي شنو ؟انا انصح الوليةدي بالاهتمام ببيتهاواولادها اخدي من الراجل اقصي ماعنده وكملي الباقي بنفسك وراسمالك عيالك ولو تاب ورجع الباب مفتوح وماحينسى ليك الفضل ده


ردود على بدون اسم
[سودانية] 11-08-2013 05:36 PM
عشان تسوي شتو ؟! عشان ترتاح من السفيه ده... بعدين مالا الخمسين هو بكون بالميتة كده عمرو ستين وعامل فيه عندو حيل


#821246 [مريود]
5.00/5 (1 صوت)

11-08-2013 10:26 AM
يا جماعة الواحد يقفل الزوجة بعد كلمتين ثلاثة .
ويمكث ساعتين ثلاثة يحادث واحدة قطعا هي أسفل من زوجته.
نسأل الله السلامة . والعافية.
لا أريد أن أطيل لأن التحليل يطول ويطول ويطول .


#821154 [كاره الكضابين]
5.00/5 (2 صوت)

11-08-2013 08:45 AM
راجل بلا استحياء


#821070 [سوداني ود بلد]
1.50/5 (2 صوت)

11-08-2013 06:24 AM
أقول لهذه الزوجة المتضررة سيبك من حكاية الطلاق لمصلحة الأولاد وعيلك نصحه بالتي هي أحسن وتذكيره بحرمة مايقوم به ودوره في رعاية بيته وأسرته وكقدوة لأبنائه وإذا دا ما جاب نتيجة حينها فقط عليك بالأجاويد من ناس يقدرهم زوجك ليقنعوه بخطا مايفعله ويذكروه بدوره كقدوة ومثل أعلي لأبنائه.


ردود على سوداني ود بلد
United States [نوارة] 11-08-2013 02:01 PM
ياسوداني والله هذا بلى استشري في الامة حتي النساء كمان تعرف رجال وعلاقات خاصة واولادها وبناتها في منتصف العشرين وهي مبتليه بهذا الاثم نسال الله العفو والعافية هذا اخر الزمن والغريق قدام

United States [Abu Ahmed] 11-08-2013 11:21 AM
جزاك الله خير ياسوداني على الكلام الطيب وفعلاً أنك ود بلد.


#821065 [خجاج الكيزان]
5.00/5 (3 صوت)

11-08-2013 06:12 AM
لها الحق راجل ما عندو ادبواحترام لبيتو .كثيرون مثله .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة