الأخبار
أخبار السودان
الجيش الحكومي : قادرون على فرض السلام بقوة السلاح
الجيش الحكومي : قادرون على فرض السلام بقوة السلاح


بعد تفتيت السودان
11-08-2013 05:23 AM

أعلنت القوات المسلحة السودانية، استعدادها لتأمين مناطق الريف الشرقي بولاية جنوب كردفان، وتوسيع الدائرة الأمنية لإعادة المواطنين الفارّين من مناطقهم. وأكد قائد الفرقة 14 مشاة بكادقلي اللواء عبدالهادي عبدالله، قدرة الجيش على فرض السلام بقوة السلاح.


وقال إن القوات المسلحة مستعدة بكل قوتها، أن تدعم جهود الحكومة باتجاه السلام، كما أنها تعلن جاهزيتها لحسم التمرد إذا رفضت الحركة الشعبية مطالب جماهير الولاية، الداعية إلى ضرورة وقف الحرب وإحلال السلام.


وخاطب عبدالله نحو 2000 من قوات الدفاع الشعبي، ضمن برامج الجمع التنشيطي الذي ينفذه الدفاع الشعبي بالولاية.


من جانبه قال معتمد محلية الريف الشرقي مصطفى أبيض، إن الجمع يأتي في إطار برامج الحكومة الداعية إلى السلام الاجتماعي ووحدة الصف، انطلاقاً من أن الأمن مسؤولية جماعية. مؤكداً سعي الحكومة المحلية لتقوية الترابط بين الحكومة والمجتمعات بمحلية الريف الشرقي.


وقال أبيض إن الجمع التنشيطي للدفاع الشعبي، من أجل تفعيل المجتمعات بالقضايا الآنية والعمل من أجلها، والذي تتصدره العملية السلمية، ورتق النسيج الاجتماعي، وتأمين المواطنين من الأنشطة العدائية التي تنفذها قوات الحركة الشعبية.


شبكة الشروق






تعليقات 15 | إهداء 0 | زيارات 3139

التعليقات
#823578 [عمار سليمان]
0.00/5 (0 صوت)

11-11-2013 11:34 AM
ياود القاضي . خالي زول نضيف وانا عارفو كويس يادوب عمل ليهو بيت في الفتيحاب ولسة ما اكتمل . وبعدين كردفان دي مشي ليها قبل ستة شهور .


#822021 [وطني اتحادي]
0.00/5 (0 صوت)

11-09-2013 01:37 PM
معقــــــــــــــــــــــــــــــــــــــــــــــــــــــــــــــــــول ؟ ؟ ؟


#821750 [عمار سليمان]
0.00/5 (0 صوت)

11-09-2013 08:07 AM
يا جماعة عندي بعض الملاحظات الصغيرة . اولا اللواء عبد الهادي . ما مؤتمر وطني . ثانيا هو راجل متعلم وعندو دكتوراة في العلوم السياسية .
ثالثا الراجل خالي . وبراحه عليهو شوية


ردود على عمار سليمان
United States [القاضي] 11-09-2013 03:47 PM
عصروا على خالك الراجل النظيق يا زعيم ... خالك معروف زول جيش "قوقو" ساي ما يهموا كان ما في راسها كيزان ولا في راسها حركة شعبية ولا حتى غيرهم,. تهموا بلدو والزيو كتااااااااااار بالذات الخشو الجيش قبل 89 ... بس ده ما ينفي إنو مسؤول من اي إنتهاكات تحصل تحت قيادته ..وما إعتقد إنو حا يسمح بيها " على الأقل عساكره " بالذات هو زول دكتور وذو مرجعية علمية " في علم السياسة " ...والنت مليان يازعيم إنتهاكات حصلت في جنوب كردفان في السابق .. بالذات في كادقلي من قبل الإستخبارات العسكرية ... وراجع كتابات يحي فضل الله ... عشان بعدين ما تتخرب عبره ويقول زي صاحبنا القال هو جاي يوم القيامة نضيف


#821654 [هميم]
0.00/5 (0 صوت)

11-08-2013 11:28 PM
حاولوا يا قواتنا المسلحة حماية المتظاهرين من بطش حكومتكم فإن كنتم عاجزين عن ذلك فأنتم أعجز عن فرض السلام بقوة السلاح


#821639 [ابو يوسف]
5.00/5 (1 صوت)

11-08-2013 10:44 PM
الجيش والله صح كنا نسمع بهذا المؤسسة زمان و لكن لا ندرى هسى فعلا موجوده ولا مجرد اسم


#821592 [وكيل عريف]
0.00/5 (0 صوت)

11-08-2013 09:07 PM
لواءات آخر زمن .. مجرد( كلام جيش ) و رفع معنويات في الفاضي لا بودي و لا بجيب ..

و دونك الحروب التي يخوضها الجيش السوداني منذ مارس 1955 و حتي اليوم .. فعمر الحرب ما أتت بسلام بل بفرض شروط المنتصر الي حين .. و معلوم فالطرفان خاسران ما لم تؤدي بهم الحروب الي مفاوضات بندية كاملة و من ثم التوصل الي السلام المرضي لكل الاطراف .


#821566 [الدبلماسى]
0.00/5 (0 صوت)

11-08-2013 08:30 PM
الجيش من زمان تبعوه للمليشيات وانتهى امره


#821564 [مدحت عروة]
0.00/5 (0 صوت)

11-08-2013 08:26 PM
سعادة اللواء عبدالهادى عبدالله الا تعتقد ان السلام لا ياتى فى السودان الا من خلال مؤتمر قومى دستورى ليقرر السودانيين كيف تحكم بلادهم ويؤسسوا لدولة الحريات والمؤسسات وسيادة القانون الخ الخ الخ؟؟؟؟؟؟
وان حزب واحد او فرد او جماعة لا يستطيعون فرض رؤيتهم او فكرهم على باقى اهل الوطن وبالقوة مهما بلغت قوتهم؟؟؟؟؟؟؟؟
والا تعتقد ن مهمة الجيش هى حماية اراضى الوطن والمواطن وليس حماية نظام اتى بانقلاب على الشرعية وفرض رؤيته على الوطن وماتقول لى ان النظام شرعى بانتخابات 2010 لان الشرعية والانتخابات لا تكون من نظام اتى بانقلاب !!!!!!!!!!!
شغل السياسة والوفاق هو شغل مدنيين وليس شغل عسكريين العسكريين يحافظوا على الامن والحدود ويقفوا مسافة واحدة من الجميع يعنى الكاكى يمتثل للحكومة المدنية المنتخبة وليس لاى ضابط مغامر يخرف القانون والدستور ويقيف معاه بحجة الانضباط هسع لو قرر ضابط امريكى عمل انقلاب باقى الجيش بيقيف معاه ما بيقوموا طوالى يعتقلوه وبالقوة ويحاكم!!!!
ما عشان كده المصريين والحبش والاسرائيليين بيتفسحوا فى الوطن شىء احتلال وشى اعتداء والمواطن السوانى ما قادر يتفسح بالحرية السياسية فى الوطن لانكم بتعتبروه ضد النظام مما يجعله يحمل السلاح!!!!!!
عملية السلام هى عملية سياسية وليست عسكرية وبعد اتفاق الناس على كيفة الحكم بعد داك البيرفع السلاح ليكم حق تدفنوه نحت التراب ولا كيف يا سعادتو؟؟؟؟؟؟


#821534 [abusafarouq]
0.00/5 (0 صوت)

11-08-2013 07:21 PM
يفرض السلام بقوة السلاح قال والله مضحك زى رئيسو بعده خلو الدواس لجبهة الثورية الكلام مش فى عددية القوات الكلام فى النوعية هؤلاء المتمردين هم القوات المسلحة الاصلين لا القبلين المنقين من ثلاثة أجناس أختشو ح ينقرض هذا الجيش والجنس فى القريب العاجل لو أستمر البشير فى قتاله بهذه التشكيلة من المقاتلين زول جنوبى غرباوى شرقى وسط حتى بعض من أهل الشمال بقاتل معاكم مافى لأنكم ظلمتم الناس بإسم الشمال ذورا ونصبتم كل قادة الجيش والامن والشرطة من أولاد الشمال وثلاثة قبائل فقط القادة وأصحاب الحظوة للمحافظة على حكم أولاد الشمال المنفردين بالسلطة والثروة وكل أجهزة الدولة دى الحقيقة السودان بلد للكل وشعب متجانس أتيتم ياملاقيط فتتو النسيج السودانى جعلتوه قبلية لن يسبقكم أحد هذه الفعلة سوف تدفعون الثمن غالى نراه قريبا وترونه بعيدا العنصرية يولد العنصرية نعوذ بالله من العنصرية والقبلية إنها نتنة.


#821484 [الغريب]
5.00/5 (1 صوت)

11-08-2013 05:22 PM
طزززززززززززززززززززززززززززززززززززززززززز فيكم وفي جيشكم المعفن هذا ليس جيش السودان !!


#821480 [انصاري]
5.00/5 (1 صوت)

11-08-2013 05:16 PM
حصل ياعبدالهادي.. قريت أو سمعتا بسلام فرض بالسلاح !!.. سمعنا بالحرب تدور بالسلاح والسلام بالمفاوضات...حتي الحربين العالميتين..رسخت للسلام بالمفاوضات... إنت ما قريت تاريخ .. ولا تاريخ عسكري... إنت صول كلية مرقى... ولاشنو..!!؟؟ ولا قادي تاريخ.. آل "سلام بالسلاح"..آل


#821236 [mohd]
5.00/5 (2 صوت)

11-08-2013 10:13 AM
يبدو ان الراجل دا غلطان وقاصد قوات الدفاع الشعبي

لانه لو في جيش اصلا ماكان التيس البشير لليوم قاعد في الحكم

وانت يا عبد الهادي والضباط المعاك كلكم امعة ان احسن الناس احسنتم وان اساؤا اسأتم واللا لو فيكم راجل ما كان الطرطور الاهبل دا ووزير دفاعكم الراكب فوقكم خريج معهد سكينة دا

بالله عليك دا وزير دفاع اشتغل تحته لو انت فعلا ضابط وراجل , لو انت والمعاك رجال وعندكم غيرة على البلد ما كان الهبل البهائم ديل قاعدين لليوم في الحكم وماكان رضيتوا بالاهانات البتحصل لما يسمى بالجيش دي
جيشكم قبل كم يوم قتلوا منه 200 في دارفور دا جيش دا ؟ حركة تمرد تعمل فيه كدا

لكن كل الشعب مقتنع انه مافي جيش ومافي رجال بالجيش

ولو كنتوا رجال اقل شيء استقيلوا او اتمردوا او اقلبوها عينكم في عصابة المؤتمر الوطني مشغلاكم عبيد ، شفت زملاك الضباط المأسورين لدى الجبهة الثورية في الفيديو وكيف الحكومة اتنكرت لهم وقالت ماتوا وهم احياء ولما مشوا ادوهم مستحقاتهم ورجعوا ثاني قالوا لهم الناس ديل حايين الضابط قال لهم مستحقاتهم واخدتوها انشاء الله يموتوا هسع دي ، يرضيك الكلام دا يا عبد الهادي ؟ واكيد فيهم من هم دفعتك ، لكن تأكد ان وقعت في الاسر انت ومن معك من الضباط والجنود فسوف تجلسون معهم وسيكون مصيرك ومن معك مصيرهم ، وسيجلس البشير ووزير الدفاع الاهبل في الحكم وانتم كبش الفداء وسيأتي واحد اهبل مثلك ويكرر نفس الكلام ويقع في الاسر وفي النهاية الفائز البشير والمتخلف عبد الرحيم حسين وتضيع البلد وتتففتت والسبب جبنكم انتم ممن يسمون بالضباط ، اكيد انت اسلامي وتم تعيينك او استقطابك في الكلية الحربية لانك اسلامي ، هل انت اسلامي صادق ؟ هل ما فعلته العصابة من تدمير وقتل وسرقة للبلد هل هذا اسلام ؟ ان كنت فعلا اسلامي ولست اجرامي مثلهم
انتم عبيد لدى البشير ليس الا ومافيكم راجل يقدر يرفع عينه ويقول له دا غلط او دا صح انتم مجرد ادوات ووقود يستخدمها المجرم البشير في صب الزيت على نار التقسيم والحقد والقتل وسوف تموتون وتسألون
وخليكم نايمين كدا وعبيد للبشير واخسروا دنياكم واخرتكم وتاكد بان الشعب سائلك انت ومن معك على السكوت على الظلم والفساد والقتل والتشريد وتفتيت البلد


#821230 [مشروع حضاري]
5.00/5 (1 صوت)

11-08-2013 10:03 AM
يا جماعة الحكومة والجيش اتركوا هذه التصريحات النارية واهلنا يقولوا (السواي ما حداث) فإنت ان هددت تهدد مسلمين وتهدد سودانيين ولا يوجد سلام بقوة السلاح ولم نسمع به اطلاقا.. يا جماعة انت قلتوا اصحاب مشروع حضاري ودين فأعملوا بالموعظة الحسنة والكلام الطيب والله ما كان الرفق في شئ الا زانه وما خرج عن شئ الا شانه ..
لا تكونوا زي الحاج ادم نائب الرئيس (يهدد اسرائيل بالسواطير ويهدد شعبه بقوة السلاح). شوف قائد الجيش الاسباني الذي يقاتل الانفصاليين في اقليم الباسك الاسباني شوف تصريحاته هل سمعتم مثل هذه التصريحات
امش شوف تصريحات القادة الانجليزي ضد الجيش الايرلندي
شوفوا تصريحات القائد الفلبيني ضد جبهة موروا
يا جماعة نحن المفروض نتعلم الكلام وادب التصريح .. صحيح في خلاف والخلاف محله معروف ولغاية ما يتوصل الطرفين لحل نضبط اجهزة السنتنا


#821204 [ali alfred]
5.00/5 (1 صوت)

11-08-2013 09:36 AM
هؤلاء الشرذمة من فلول القوات المسلحة او مهما كان اسمهم هم قطط صغيرة امام قوة الحركة الشعبيةالمدرب.تعم يااللواء عبدالهادي الحركة الشعبية خبير بالتعامل مع فلول القوات المسلحة.من يتجرء على محاربة الحركة الشعبية اليوم ؟؟صدقوني الثمن سيكون عاليا جدا جدا لذلك هي كلها ثرثرات وكلام اعلامي للاستهلاك.


#821057 [ود البلد]
0.00/5 (0 صوت)

11-08-2013 05:40 AM
((أكد قائد الفرقة 14 مشاة بكادقلي اللواء عبدالهادي عبدالله، قدرة الجيش على فرض السلام بقوة السلاح.))
هههههههههههههههه
انتو تسخن معاكم تقدروا على الانقلاب على المدنين فقط
الجيش السودانى منذ اول انقلاب مفروض يزاح من الخرطه السياسية نهائيا
حان الان وقت نهاية الجيش كما انتهى جيش منقستو ..على الوطنين فية و
على الشباب الانضمام للحركة الشعبية شمال .او تكوين وحدات تنسق مع الجبهة الثورية



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة