الأخبار
أخبار إقليمية
جهاز المغتربين يعلن استعداده لاستقبال العائدين من المملكة العربية السعودية



11-11-2013 07:18 AM
(سونا) أعلن جهاز تنظيم شئون السودانيين بالخارج استعداده الكامل لاستقبال العائدين من المملكة العربية السعودية بعد انتهاء فترة تصحيح الأوضاع .
جاء ذلك خلال اجتماع لجنة الطوارئ بخصوص العائدين من السعودية بجهاز المغتربين الذى انعقد امس برئاسة الاستاذ حسن بابكر احمد المدير العام للهجرة والجاليات والمنظمات بالجهاز ، وكشف بابكر عن حزمة من الترتيبات بين جهاز المغتربين وعدد من الجهات ذات الصلة متمثلة فى مجلس الوزراء ، ووزارة الخارجية وادارة الجمارك ووزارة الداخلية لتسهيل عملية دخول العائدين الى البلاد ، الى جانب التنسيق مع وزارتى التعليم العالى والتعليم العام لاستيعاب الطلاب من أبناء العائدين بمؤسسات التعليم العالى والعام .
الجدير بالذكر أن اللجنة تتابع الأوضاع عن كثب بالتواصل مع السفارة السودانية بالرياض والقنصلية العامة بجدة للإحاطة بأية مستجدات فى الأمر وذلك انطلاقاً من الدور الرئيسي لجهاز المغتربين فى تنفيذ سياسة الدولة فى رعاية السودانيين بالخارج والاهتمام بشئونهم داخل السودان وخارجه بالتنسيق مع الجهات المختصة ، وإيجاد السبل الكفيلة بتحقيق رضاء العائدين الذين لم يتمكنوا من تصحيح أوضاعهم


تعليقات 30 | إهداء 0 | زيارات 5028

التعليقات
#824145 [quickly]
0.00/5 (0 صوت)

11-12-2013 12:50 AM
ياناس جهاز المغتربيين تستقبلوهم بالورود ,,,, ولا بأيصالات الضرائب ؟؟؟؟؟؟


#824133 [صديق]
0.00/5 (0 صوت)

11-11-2013 11:57 PM
( الى جانب التنسيق مع وزارتى التعليم العالى والتعليم العام لاستيعاب الطلاب من أبناء العائدين بمؤسسات التعليم العالى والعام . )

كل الكلام دا واللف عشان الفائدة الفوق دى اللى حيقدموها .
شكرا ليكم ما عاوزين . وإنتو عارفين إنو العائدين هم الأفراد الغير مقيمين إقامة نظامية . أما أرباب الأسر فهم قد قاموا بتصحيح أضاعهم ؛ عالم لايوق وكذابين .
دا موش المطلوب - المطلوب تشغيلهم عندما يأتوكم ؛ ثم إعادة ما قبضتموه منهم من ضرائب وزكاة غير شرعية بل جبرية وأنتم تعلمون عدم جواز إزدواجية الضريبة فى الإسلام .
حرام عليكم رجعوا للناس حقوقهم .
ثم النظر فى مظلماتهم ؛ فمن ذهب بتأشير من المكاتب التى استحدثتموها لتسفير العمالة - والتى نعرف أن أصحابها منكم وفيكم - وأن من ذهب بهذه التأشير لم يجد عملا لدى الكفيل ؛ بل أطلقه الكفيل ( عكس الهواء ) ليبحث عن قوته ؛ واستنزفه سنينا ؛ ثم الآن طلب منه نقل كفالته خوفا من غرامة العمل عند آخر ؛ بل ولم حتى يشفع عنده ما كان يستصله منه من ريع السخرة والعبودية .

هذا المطلوب يا كرار التهامى وأنت قد تسلقت على ظهر هؤلاء إلى هذا المنصب - النار


#824012 [عمر]
0.00/5 (0 صوت)

11-11-2013 08:56 PM
استعداد جهاز المغتربين ولا جهاز سماسره المغتربين


#823862 [karlos]
5.00/5 (1 صوت)

11-11-2013 05:27 PM
جهاز المغتربين يعلن استعداده لاستقبال العائدين من المملكة ؟؟


و القاعدين فى السودان عملتوا ليهم شنو؟؟؟؟؟ الجوع المرض العطالة؟التعليم؟؟؟؟؟ ال تكونوا جهزتو ليهم عصاية القذافى؟؟؟؟؟


#823831 [معاوية ابو عشرة]
0.00/5 (0 صوت)

11-11-2013 04:46 PM
جهاز فاشل همه الاول و الاخير الجباية مثله مثل كثير من دور الجباية في السودان... و هو يجبي الاموال من عرق الغلابة الذين طفشوا من البلد لسؤ الاحوال و لو كان الحال بيسر ما كان تغرب المواطن السوداني المغلوب على امره لان الغربة عن الاوطان والاهل والاحباب هي اسؤ شئ في الدنيا وهذا الكلام عن تجربة مرة .. واذكر باع لنا الجهاز اراضي شفنها على الخريطة فقط بيعت لنا بالدولار وبسعر اعلى من سعر السوق في تلك الفترة وتم ذلك بواسطة وفد من الاراضي والجهازو بعد ان جئت الى السودان وجت ان سعرها لا يساوي شئ و تخلصت منها بعد مرور قرابة العشرة سنوات لم يحصل اي تغير على ارض الواقع ولم يتغير سعرها و تم البيع بالخسارة ... حسبي الله ونعم الوكيل .


#823815 [محمد حسن]
0.00/5 (0 صوت)

11-11-2013 04:29 PM
يقصدو جهاز مص دماء المغتربين قبل ما يخدم الرجعوا المفروض يخدم المغتربين يعنى الحراميه ديل مت عارفين القنصليات والسفارات بتمص دم المغترب كيف والان يتكلموا عن دعم ياخوانا اذا البيسمع عاقل فالمتحدث حرامى ومصاص دماء بلاش كذب خافو الله


#823801 [نسيب نافع]
0.00/5 (0 صوت)

11-11-2013 04:19 PM
كرار كيف الحال قلت كيف ؟ جهزتوا كل المعينات للعايدين عفيت منكم


#823754 [سلوى بوتيك]
0.00/5 (0 صوت)

11-11-2013 03:12 PM
ماحك جلدك مثل ظفرك

أقترحنا قبل كده أسم جديد وهو "الأمانة العامة للمغتربين الاحرار بالخارج"وأن يتم اختيار وفد من المغتربين أنفسهم من "التكنو قراط " وباقى الفئات تقوم بمهام اخرى توكل أليها لاحقا التكنو قراط يقومون بالإتصال بلجنة حقوق الانسان بالامم المتحدة ولشرح وتوضيح ماتقوم به حكومة الكيزان من أعمال استعباد للعباد والتى هى من اعمال السخرة والاتجار فى نهب عرق حقوق البشر .. وأن يتم اصدار جواز الامم المتحدة لتسهيل التنقل للمغتربين ونقل الاقامة عليه أو اصدار وثيقة سفر يتم الاتفاق عليها وايضا عدم الذهاب للسودان الا بعد زوال النظام .. أو اصدار جوازات من دولة اخرى وبمساندة من الامم المتحدة وهذا الجواز يتيح لك زيارة السودان بنأشيرة مثلك ومثل أى أجنبي زائر .. وسوف نصدر قرارات رادعة اخرى ضد هذا النظام الجاثم على صدر الوطن والمواطن مايقارب الربع قرن قرارت تمنع استغلال المفترب وأهانته.


#823705 [تينا]
5.00/5 (2 صوت)

11-11-2013 02:25 PM
((( جهاز المغتربين يعلن استعداده لاستقبال العائدين من المملكة ؟؟ ياربى خلاص كما عودتوهم توفروا ليهم كل سبل الراحة والخدمات الماخمج لما يرجعوا السودان يعنى جهزتوا ليهم أشغالهم وجهزتوا ليهم مساكنهم وكل سبل الراحة وبس فضل تستقبلوهم بالورود وترحبوا بيهم شوقتوهم شديد يرجعوا سريع لينعموا بالنعيم والراحات الماشافوها خالص فى المملكة.


#823663 [ودالجمالاب]
5.00/5 (1 صوت)

11-11-2013 01:47 PM
ياجماعة نفسى واحد يقول لي شنو البقدمو الجهاز للمعتربين البدفعو حتي يقدمو للناس العايدين ياخي ما ترفعو ضغطنا نحن عارفين اي حاجة شنو التصريحات الكاذبة دي


#823582 [كاكا]
0.00/5 (0 صوت)

11-11-2013 12:40 PM
السودان به عطالة مقنعة وهي لا تكتفي بعطالتها المقنعة بل تضطهد وتفرض الجبايات والمكوس والرسوم على الآخرين لتنعم هي وتحول حياة المواطنين والشعب لجحيم،، والمعني بالعطالة المقنعة سادتي القراء هم كل موظفي وساسة حكومة السودان والعائشين على ما يدفعه المواطن وشغلهم الشاغل هو تعطيل الانتاج والشعب ووضع المعوقات أمام كل من يبادر أو يرغب في تقديم عمل وكيفية التحصيل وزيارة الغلة من كل فرد ماشي أور اجل أو راقد بلا ضمير وبأنانية مفرطة وقد أوردوا بمسلكهم هذا البلاد مورد البلاد الفاشلة التي يكرهها مواطنيها،، وباتت البلد معطلة لا انتاج ولا عمل ولا ابداع ويبرطع فيها الجباة وعلى رأسهم البشير وعطالة المؤتمر الوطني وانتهازية تحيط بهم لا فكاك للشعب منهاإلا بثورة الجياع القادمة إن شاء الله .. اللاهم خلص البلاد من الجباة والموظفين العاطلايى والحاقدين على لاشعب منهم خاصة واللهم رانا عجائب قدرتك في البشير وصحبه ومن يحيط بهم ومن يؤيدهم ويزين لهم الباطل للحفاظ على مصالحه وما نهبه..


#823524 [زول سوداني مغترب]
4.50/5 (4 صوت)

11-11-2013 11:47 AM
يا كبر تصريحاتكم النظرية يا جهاز المغتربين (الحقيقة "الطفشانين") .. ماذا أنتم فاعلون.. ما صرحتم به كلام نظري إنشائي فارغ كفؤاد أم موسى!!!! يا حبيبي يا جهاز يا مغتربين هل تعلم أن 1 زائد 1 يساوي 2 وليس 3؟؟؟؟؟ قولوا للناس أنه برجوعكم للسودان وبما ساهمتم به من أموالكم في سبيل السودان فإننا سنكافئكم بكذا وكذا وكذا وبحساب الأرقام وليس بحساب الأقوال والحروف!! لقد سئمنا وقرفنا كثيراً من القول المعسول وقلة الاحسان !!! قولوا خيراً أو اصمتوووووووووووا يرحمكم الله......


#823504 [عباس التحت اللباس]
5.00/5 (2 صوت)

11-11-2013 11:22 AM
لن يقدم الجهاز شي للقادمين المكششويين بل هو اداة لحلب الضان السوداني اص


#823499 [طه جعفر]
5.00/5 (1 صوت)

11-11-2013 11:16 AM
جهاز مغتربين وتنفس اصطناعي .... احياء كالاموات


#823473 [ود الدلنج]
5.00/5 (2 صوت)

11-11-2013 10:54 AM
انتو من قبل أكثر من ستة أشهر لم تفعلوا شيئاً وسع دايرين تعملوا شنو؟ يعني حتقدموا شنو للعائدين؟ شنو يعني استيعاب أبناؤهم في الجامعات ، ما حق أولادهم في الجامعات مكفول باعتبارهم مواطنين سودانيين . ولا جهاز المغتربين يري في العائدين ناس غير سودانيين؟


#823411 [عادل خوجلى]
5.00/5 (2 صوت)

11-11-2013 09:56 AM
يجب ان يكون الكلام واضح من جهاز المغتربين ويوضحوا ماهى امكانياتهم والاشياء التى يمكن ان يقدموهاللعائدين مثال اعادة من ترك عمله السابق بالسودان الى عمله والاعفاء من نسبه من جمارك السيارة وادخال الابناء فى مؤسسات التعليم وكثير من التسهيلات التى يمكن ان تشجع اصحاب الكفاءات للعودة النهائية الى السودان عايزين جهاز مغتربين فاعل وواضح


#823406 [الغاضبة]
4.25/5 (5 صوت)

11-11-2013 09:53 AM
أولا: هم خلاص ما بقوا مغتربين عادوا إلى البلد ولا شأن لكم بهم، وبما انهم مواطننين سودانيين فلا يحتاجون أي وساطة من أي جهة اخرى لتسوية اوضاعهم في السودان ومن حقهم اختيار المدارس المناسبة لابنهائهم يعني يا جهاز المغتربين دورك معاهم انتهى زماااان وما عندهم فلوس يدفعوا ليك ضرائب لانهم لو اصلا كانوا في وضع مستقر في السعودية لما اضطروا للعودة، شوفوا ليكم شغلة تانية غيرهم خلوهم في حالهم وهمهم العليهم...


#823401 [محمد النو - صحار]
5.00/5 (1 صوت)

11-11-2013 09:48 AM
الناس محتاجة لمساعدات وعمل سريع ما دايرين اي استقبال والتعليم حق وليست هبة من الحكومة مرحب بكم في بلدكم السودان لا زال السودان يساوي مليون ميل باهله وكرمهم وعزتهمز


#823387 [ساهر]
3.00/5 (2 صوت)

11-11-2013 09:34 AM
هذا الدور الذي ذكر الجهاز أنه سيلعبه، كمن ظل منتظراً مريضه المحتضر حتى يموت دون أن يعالجه، فلما مات قال: (عليً بدفنه).


#823372 [البيان الواضح]
5.00/5 (1 صوت)

11-11-2013 09:23 AM
جهاز المغتربين عبارة عن جزء من مصلحة الجمارك والنهب الحكومي المصلح ، لا هم له سوى الاستفادة من مصائب المغتربين والحصول على البدلات ( عمل إضافي - انتدابات خارجية وداخلية - المناوبات - الدفع تحت التربيزة للمشاريع التي لم يستفيدمنها أحد ) وغيرها كثير هذا فضلاً عن شفط الجيوب الذي هو من أكبر تخصصاتهم ومديره تاجر يملك شركات الدعاية والاعلان في الرياض وجدة ومع أنه يتولى منصب رفيع في الدولة فهو يحتفظ بإقامة سارية المفعول في السعودية مثله مثل باقي مسئولي الدولة الذين يتمتعون بجوازات السفرالأجنبية فمنهم البريطاني والأمريكي والكندي والاسترالي والهولندي والدنماركي ( يعني السودان دولة محتلة من أجانب ) وهذا النظام لا يتولى المسئولية فيه إلا من كان تاجراً عديم الضمير أو مجهول الهوية يرفعه المؤتمر الوطني فيكون ولي نعمته الذي لا يخالفه ، بل لا مجد ورفعة له إلا في ظل هذا النظام الظالم فهم جمع من الفاقد التربوي والفاقد المجتمعي أفسد الحياة في السودان .


#823364 [ممكون وصابر]
5.00/5 (1 صوت)

11-11-2013 09:16 AM
والله مغترب لي 11 سنة ماشفنا من جهاز المغتربين غير قلع القروش والالتفاف على المواطنين بأنواع الضرائب المختلفة ,, أذكر في سنة من السنين تم سرقة مبلغ مالي مني كان حصيلة غربة عام كامل فتقدمت ببلاغ في الشرطة بسرقة المبلغ وتم اعطائي ورقة من وكيل النيابة تفيد بسرقة المبلغ , فذهبت لجهاز - نهب المغتربين - وبدلاً عن اسقاط الزكاة عني لعدم المقدرة علىالسداد , والتي لم يبلغ مالي فيها النصاب اصلاً قبل السرقة تم تأجيلها للعام المقبل فقمت بالاحتجاج لدى المسئول فكان رده - ياأخينا انت سرقتك دي داير تعملها لينا شغلة ,,, غير الأراضي التي عرضت علينا قبل ذلك ووجدنا سعرها في السوق أرخص من عرض جهاز المغتربين ,, وقتها عرفنا أن هذا الجهاز ما هو الا وسيلة لجباية أموال المغتربين بالحق والباطل والحمد لله نفضنا يدنا من أي تعامل معه الا الإجباري في التأشيرات .


#823346 [المتجهجه بسبب الانفصال]
4.00/5 (3 صوت)

11-11-2013 08:59 AM
جهاز وصمة عار للعاملين فيه ،،،


#823344 [كتاحة امريكا]
5.00/5 (1 صوت)

11-11-2013 08:56 AM
-
جهاز حماية الحرامية وزيادة جشعهم


#823324 [omer]
5.00/5 (1 صوت)

11-11-2013 08:42 AM
تمخض الجمل فولد فارا اخيرا صحتو الحكومة لما عملت جهاز المغتربين ما عملتو عشان البهجه والسفر و يموم جاى الشغل ويومين غياب عملتو عشان مساعة
الناس التى كانت بتعطى اليوم عايز تاخذ
الناس التى فارقت عوائلهاو اهلها عشان توفر لهم لقمة العيش لا بد لها ان ترجع
جهاز المغتربين يا د التهامى والقائمين عليه بوضع استراتجيات و افكار للاخوة المغتربين ليس فى دول الخليج بل فى جميع انحاء العالم


#823314 [يسقط البشير!]
3.50/5 (3 صوت)

11-11-2013 08:34 AM
ياتعس حظ المبعدين؟؟ كشات السعودية وجحيم السودان!


#823305 [ابو عبده]
5.00/5 (4 صوت)

11-11-2013 08:25 AM
هذا الجهاز لافائدة منه للمغتربين كفاية كذب ونفاق


#823300 [مشروع حضاري]
5.00/5 (4 صوت)

11-11-2013 08:20 AM
حزمة شنو؟ يا جهاز المغتربين اسكتوا ساكت ما عندكم اي موضوع ولا اصلا انت تحلوا ولا تربطوا فالحين بس في المؤتمرات والسفر للخارج؟ فكروا في مؤتمر لي شهر يوليو واغسطس الجاي وبلاش حزمة انتوا ما جاء زول عندكم وحليتو ليهو مشكلة ولا اصلا مؤهلين لحل مشكلة ... انتو عبارة عن كومبارس في دولاب كامل للدولة فاقد للصلاحية واكيد اكيد هذه الحزمة التي تقصدها انكم تفكرون كيف تخرجون رابحين من العائدين حتى لو كانت جنائز فكل هم الدولة وجهاز المغتربين الخروج بأكبر قدر من الغنائم لان الحكومة ليس لديها اي موارد اخرى سوى الاستفادة من البشر والمغتربين


#823299 [aldufar]
5.00/5 (3 صوت)

11-11-2013 08:19 AM
الخير ما اختاره الله سبحانه وتعالى : السادة إدارة جهاز المغتربين هؤلاء القادمين من اخواننا بعد ان قضوا شبابهم في فجاج الغربة المضنية وبعد ان اصبح الرأس شيبا لقد قدموا هؤلاء الاخوة ثمرة شبابهم من اجل غدا افضل لهم ولاهلهم واولادهم ولكن الحظ لم يحالفهم سؤالي ماذا سيقدم جهاز المغتربين للعائدين ؟ وخاصة أن منهم... ومنهم ... والجميع دفعوا كل الالتزامات المالية للوطن فهل الوطن الآن ممثلا في جهاز المغتربين سيقوم بمساعدتهم لمواصلة حياتهم بين اهلهم واولادهم ومنهم من له اسرة صغيرة او كبيرة ماذا يقدم الجهاز لهؤلاء ؟

نرى ونسمع ونشوف غدا خير


#823267 [مصطفى الرقيع]
5.00/5 (1 صوت)

11-11-2013 07:44 AM
جهاز المغتربين اصبح مثل الجامعة العربية أسم كبير وحضور اعلامى فى الصحف والفضائيات دون اى فاعليه حقيقية على الارض ، يتحدث امين الجهاز وادارته عن قضياب كبيرة وضخمة للمغتربين ولكن للاسف لم يقدموا مبادرة تخاطب قضايا المغتربين الاساسية وتعالج الطوارى التى تحدث فى بلدان الاغتراب مثل موضوع تصحيح الاوضاع بالمملكة العربية السعودية الذى مس شريحة كبيرة من ابناء السودان خاصة العمال واصحاب المهن البسيطة ، ولم نرى اى تنسيق بين السفارة السودانية بالرياض (التى قامت بدور كبير ومشهود) وبين الجهاز الذى ظل غائبا تماما اثناء فترة تصحيح الاوضاع التى امتدت لاكثر من ستة اشهر


#823264 [الزول الكان سمح]
5.00/5 (3 صوت)

11-11-2013 07:37 AM
الجماعة ديل وضعوا خطة عايزين يَنَفِضوا العائدين من ما تبقى فى جيوبهم من مدخرات ..إن وجدت ويفكوهم عكس الهوا ...الله لايوفقك يا كرار الحرامى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة