الأخبار
أخبار إقليمية
حظر جوي غير معلن
حظر جوي غير معلن
حظر جوي غير معلن


11-12-2013 03:44 AM
إبراهيم ميرغني

قلنا فيما سبق أن ما يسمى بحزمة الإصلاح الاقتصادي هي حزمة الخراب الاقتصادي. وهاهي التداعيات تتوالى، فبالإضافة للغلاء والتضخم فأن ارتفاع تكلفة التشغيل أدت لتوقف(9) شركات طيران في وقت سابق، وبالأمس أعلنت شركة مارسلاند ولوفتهانزا عن توقفهما لذات الأسباب، حيث جاء في خبر صحيفة (الأيام) أن الشركة الإلمانية لوفتهانزا قررت إيقاف رحلاتها إلى السودان بعد خدمة استمرت(51)عاماً بسبب ارتفاع كلفة التشغيل، وذلك اعتباراً من 19 يناير القادم. وكما هو معروف فان شركة الطيران الهولندية KLM فقد أوقفت رحلاتها أيضاً منذ مارس مطلع العام الحالي، وبعد هذا التوقف تبقى الخطوط التركية والكينية والاثيوبية وبعض الشركات العربية هي التي تقدم خدماتها في السودان. وطالما كانت القرارات الاقتصادية تستهدف فقط زيادة الإيرادات عن طريق فرض الضرائب والرسوم وزيادة أسعار السلع، فالنتيجة المتوقعة هي توقف القطاعات الإنتاجية والخدمية وبالتالي تزداد الأزمة عمقاً. فأنظروا معي كيف سيتضرر المسافرون والعاملون في هذه الشركات وأسرهم من توقف نشاط هذه الشركات من حركة الطيران. في وقت تنعدم فيه حركة النقل البري إلى بعض المناطق كدارفور مثلاً. ولن تقتصر التداعيات على هذا الجانب فحسب، بل ستمتد إلى كل نواحي الاقتصاد مما يحول حياة الناس إلى جحيم. أما كيف تنتهي هذه المعاناة فبإسقاط النظام ولا مخرج غير ذلك.

الميدان


تعليقات 8 | إهداء 0 | زيارات 13261

التعليقات
#824714 [الراصد]
3.00/5 (2 صوت)

11-12-2013 03:09 PM
والله يااخوانا الحكومه دي كوم ومعتمد الخرطوم البقلوا عليهو اللواء نمر ده كوم تاااني براااهو... ياخي ده معتمد مركب مكنه امين عام للامم المتحده عدييييل كده... تعالوا شوفوا صورو الملصقه في كل زقاق في الخرطوم... ولا اعلانات محليتو الماليه الجرائد واولها صورتو عليها وطبعا مابينسي يخت معاهو الوالي من باب يتمسكن لغاااايه مايبقي الوالي ظااااتو... والله تشوف صوره في مكتبو ووراهه اعلام السودان والولايه والمحليه تقول عليهو جورج واشنطن والخمسين ولايه امريكيه... والله ده ظاهره فريده في الحكم والادعاء... اوسخ واقذر عاصمه عنده حتكون حسب خططو الموهومه الاجمل والاكثر خضره بس نهاااايه السنه دي والله كمان لو اديتوهو فرصه للسنه البعديها... يااخونا مافي زول يفتينا في الزول ده اصلو شنو..??!! ومن وين...??!! وكيف ظااااتو..??!!


ردود على الراصد
United States [جركان فاضى] 11-12-2013 05:10 PM
المعتمد الزبالة جعل الخرطوم زبالة....هون عليك يا اخوى الراصد الناس ديل بيفقعوا مرارتك


#824668 [مواطن]
0.00/5 (0 صوت)

11-12-2013 02:25 PM
خطوط الطيران
خطوط البحرية
خطوط السكة حديد
خطوط النقل البري
خطوط النار
خطوط التلفون والتلغراف
خطوط التوازي
خطوط حمراء
ياتو خط ما هبشوهاكلللللها الكيزان استباحوها وما خلو لينا خط واحد نعيش بيهو


ردود على مواطن
[الساكت] 11-13-2013 10:56 AM
خط هيثرو .. لأنهم خايفين منو

United States [محمد علي] 11-12-2013 05:31 PM
كفانا الخط الوهمي..

United States [ضد الارتزاق والعمالة] 11-12-2013 05:31 PM
يا مواطن نسيت خط هيثرو ياخى حرام عليك الفاتح جبرة ده صوتو بح وحلقو اتجرح من الكواريك ولا حس ولاخبر حتى توجيهات الرقاص لحقت امات طه .

United States [جركان فاضى] 11-12-2013 05:12 PM
خطوط الهجرة بالصحراء لليبيا فاضية...الحق قبل ما يضيعوها كما ضيعوا كل الخطوط


#824591 [hsdfbhk]
3.00/5 (1 صوت)

11-12-2013 01:14 PM
الكيزان ابلد خلق الله
في كل شي


الا التآمر


#824538 [وطني غيور]
0.00/5 (0 صوت)

11-12-2013 11:57 AM
في الحقيقة انا كنت مفتكر الوزراء الدكاتره بتاعين الانقاذ ديل بيفهموا
دكتور اقتصاد
دكتور فلسفه
دكتور جداد
دكتور في كل شي
لكن اتضح ان هولاء الناس يعيشون في وهم نسجوه بانفسهم و صدقهوه
حينما ياتي نائب الرئيس التعيس علي عثمان ويقول لدينا خطط
يعني 24 سنه دي راحت شمار في مرقه

هذا هو الخذي و العام
والله البلد دي لو سبتوها براها بتمشي كويس
اكثر من اضر السودان هم العسكر و المتعلمين امثال علي عثمان و الخضر و الشيخ المتشيخ الكروري كرور و الدكتور مصطفي اسماعيل و الدكتور امين حسن عمر و الجاز و نافع و المتعافي انا مش عارف ديل عندهم شهادات من فيه
انا اعتقد ان هولاء الناس و بهذه العقليات مريضين نفسيين ادعوا لهم بالشفاء يا جماعه
وما تنسوا البشكير ادعوا له بالهدايه و الدخول في الملة الاسلاميه هذا الزنديق المارق
يجمع في المال وليس لخ خلف من صلبه
لست ادري لاي سبب هو يجمع في القصور و الاراضي والارصدة
لعنة الله عليكم يا مؤتمرجيه


#824425 [zoul]
5.00/5 (1 صوت)

11-12-2013 09:38 AM
سؤال برئ أين Sudan Airways ? سفريات الشمس المشرقة


ردود على zoul
United States [الماعاجبو العجب ولا....] 11-12-2013 06:36 PM
https://www.facebook.com/photo.php?fbid=749247038435669&set=a.145031188857260.29528.100000511394858&type=1

United States [ibnalsudan] 11-12-2013 03:22 PM
ASK OMER ELBASHER & HIS GROUP.
SUDAN AIRWAYS ONLY MEMORY

[كاك] 11-12-2013 02:33 PM
كان السودان رخيصا ///// لوعرفت موقع رخيصا من الاعراب حترف اين سفريات الشمس المشرقة


#824346 [الزعيم الكوكه]
3.50/5 (3 صوت)

11-12-2013 08:31 AM
وبعدين ياناس ،،،، باقى الخطوط دي ،،،كينيه،،اثيوبيه ،،تركيه،، لووقفت حنعمل شنو،،،، والله النظام ده حيغرق البلد حتى النخاع،،، والشعب المغلوب على أمره لا حول له ولا قوه،،،، اللهم يسر الأمور ولاتعسر،،،امين،


ردود على الزعيم الكوكه
United States [جركان فاضى] 11-12-2013 05:18 PM
يا زعيم الناس قاعدين يشتروا فى الاراضى ...بس انا اليومين ديل بشترى فى الحمير...تعال بعد ستة شهور حتلقانى راكب لكزس مع الاحتفاظ بثروتى من الحمير السائبة والموجرة لاصحاب الكارو...التاريخ فى السودان يعيد نفسو...بس الناس مش مقتنعة


#824224 [المتجهجه بسبب الانفصال]
5.00/5 (9 صوت)

11-12-2013 06:07 AM
علي عثمان في برنامج بلا حدود قال وهو واثق نحن لدينا خطط نحن لدينا خطط ،،

الظاهر الناس ديل الـ 24 سنة الاولى كان الهدف منها التمكين وتولية الغبي السمين ،، والبشير في حملة انتخابات 2010 قال نحن يا جماعة انشغلنا بأمور ادارة الدولة والسلام ووضع بنية المشاريع الاساسية نحن يا جماعة الشعب اتناسيناها للظروف دي لكن ما أهملناهو نحن ياجماعة بعد الانتخابات دي حا نلتفت للشعب ،، أول ما انتهت الانتخابات ارتفع سعر السكر وبعض السلع ،، فقد التفت للشعب فعليا وليته ظل معسماً ولم يلتفت،،،


ردود على المتجهجه بسبب الانفصال
United States [أنور النور عبدالرحمن] 11-12-2013 02:08 PM
أخي المتجهجه أصلح الله جهجهتنا جميعابزوال الأنقاذ لقد قلت (الظاهر الناس ديل الـ 24 سنة الاولى كان الهدف منها التمكين وتولية الغبي السمين ،، والبشير في حملة انتخابات 2010 قال نحن يا جماعة انشغلنا بأمور ادارة الدولة والسلام ووضع بنية المشاريع الاساسية نحن يا جماعة الشعب اتناسيناها للظروف دي لكن ما أهملناهو نحن ياجماعة بعد الانتخابات دي حا نلتفت للشعب ،، ) نعم التمكين وأمور إدارة الدولة إنشغل بشلها وتشريد كوادرهاوالسلام بالانفصال والشتات والحروب المستمرة في بلادنا بلا حدود وهدم بنية المشاريع الزراعيةالاساسية والصناعية أما الشعب إتناسيناهو للظروف دي وقال نلتفت للشعب ولما ألتفت أفرغ الرصاص الي في رأس الشعب ولسة وقد صدق الطاغية بوعده حقيقة فقد كذبوا في كل شيء وصدقوا في استخدام الخطة(ب)في ضرب الشعب وقتل الأبرياء. ومن يومها إنحاز كل الشرفاء الي ثوار وشهداء سبتمبر 2013م فلا نامت أعين الجبناء ... المعركة القادمة طوفان ... الطغمة الحاكمة تتهاوى وينخزل عنها داعموها ومساندوهابفعل دوي بركان الثورة فلا عاصم من الله.

[بدر النهار] 11-12-2013 01:03 PM
بااااااااااااااااااااااااااااااااااااااااااااااااااااااااااااااااااااااااااااااااااع

[سوداني] 11-12-2013 06:48 AM
خطط شنو .. علي عثمان دا راسو فاضي ساكت وموهوم ومفروض اول واحد يتحكم بخصوص الانفصال


#824216 [الممغوص]
0.00/5 (0 صوت)

11-12-2013 05:49 AM
تمام



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.94/10 (5 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة