الأخبار
أخبار إقليمية
نافع : نفتح الباب لعودة د.غازي ومجموعته لمدة عشرة أيام.
نافع : نفتح الباب لعودة د.غازي ومجموعته لمدة عشرة أيام.
نافع : نفتح الباب لعودة د.غازي ومجموعته لمدة عشرة أيام.


11-16-2013 09:08 PM
صادق مجلس الشورى كأعلى سلطة في الحزب الحاكم بالسودان على قرار فصل ثلاثة من قيادات الاصلاحيين داخل الحزب على رأسهم د غازي صلاح الدين وأعلن عن بدء سريان القرار بعد عشرة أيام من الآن لافساح المجال أمام المجموعة الاصلاحية للتراجع والعودة لاحضان الحزب .

وكان المكتب القيادي للمؤتمر الوطني أجاز مؤخرا توصية قدمتها لجنة المحاسبة الخاصة بالتحقيق مع مجموعة من الاصلاحيين يتقدمهم رئيس كتلة المؤتمر الوطني السابق د غازي صلاح الدين لطرحهم مزكرة إصلاحية ادبان احتجاجات سبتمر التي صاحبت اعلان الحكومة لرفع الدعم عن المحروقات.

وقال نائب رئيس الحزب الحاكم د نافع علي نافع في تصريحات عقب اجتماعات مجلس الشورى بالخرطوم إن قرار المجلس سيسقط تلقائيا اذا تراجعت المجموعة خلال العشرة ايام التي حددها المجلس لسريان قرارات الفصل والتجميد .

وذكر أن مهلة العشرة أيام منحت لافساح المجال أمام إنجاح المحاولات التي تتم حاليا مع المجموعة لاثناءها عن خطوتها واعادتها لرحاب الحزب واوضح "القرار نفسة سيتم تجاوزه ويسقط اذا أكدوا رغبتهم في اعادة نشاطهم بالحزب، أما اذا حدث العكس ستسقط عضويتهم تلقائيا".


تعليقات 43 | إهداء 0 | زيارات 13680

التعليقات
#829617 [عصمت الوكيل]
0.00/5 (0 صوت)

11-18-2013 04:32 AM
الاخت امال الطريفي ..تحياتي...
عذرا لم تفهمي ما قصدته رغم ان ما كتبته بلغة بسيطة و انا لست محسوبا علي الموتمر الوطني لا و لم و لن اكون موتمرجي ...
مارست السياسة ردحا من الزمان و لانها كما يقال لعبة قذرة ابتعدت عن تلك الساحة و لكن ساظل مع قضايا الشعب لانني منهم و من المناطق التي تدور فيها رحي الحرب الان و لحظة كتابتي لهذه السطور تسمع اصوات الدانات و الرشاشات و تحلق الطيران فوق رووس اهلي الذين صاروا يميزون اصوات انواع الطائرات حيث يعرفون صت الانتنوف من صوت الميج بل اصوات مختلف الاسلحة التي تستعمل لقتلهم و تشريدهم يميزون الاربجي من الدوشكا و مدافع الكلانكيت و الجيم و الكلاشنكوف حتي انهم يعرفون مدي كل سلاح..نعم انا من جبال النوبة و افتخر.....لك العتبي.....


#829597 [المستغرب]
0.00/5 (0 صوت)

11-18-2013 01:11 AM
بدل مهلة العشرة أيام كان من الأفضل الإستعانة بزوجات وبنات وأمهات المذكورين حتي يضغطن عليهم ليعودوا للحوش ويادارا ما دخلك شر ويمكنهم بعد ذلك أن يطلبوا حتي لبن الطير دعك من الوظائف والذي منه، هم عايزين شنو في الدنيا دي أحسن من كدة ؟ غريبة!


#829508 [adil a omer]
0.00/5 (0 صوت)

11-17-2013 10:03 PM
اليوم والايام التاليه

المسلسل التركى الكبير

سياسة الانشقاق فى فكر الاستنكاح

بطولة مهند عتبانى وحسن اوزال والممثلة القديره ساميه اردوغان


#829427 [nagatabuzaid]
0.00/5 (0 صوت)

11-17-2013 08:12 PM
( لا بريدك لا بحمل براك ) انسلاخ غازى ومن معه هز الجماعة ديل هزة عنيفة زلزال زلزلهم زلزلة نافع يلغلغل بجهة ورئيسهم يهضرب بهناك وبعد ما وصفوهم بالعقوق وفصلوهم قالو ا ليهم الباب موارب لكن فى جماعة حيدخلوا بالنفاج
يا جماعة مسؤلين من الخير موقف حريم المؤتمر شنو ؟؟


#829381 [ردود على حسن ابو محمد]
0.00/5 (0 صوت)

11-17-2013 07:27 PM
طيب انت البتفهم فى السياسية رايك شنو فى اغتصاب الشيوخ للطالبات بل بالجملة فى الغرب والاسباب معروفه وضرب النساء امام الرجال والتحرش بالاطفال فى المدارس ولبع اموال البلد وانهيار الاقتصاد وتدمير المشاريع وحاجات ووحاجات كتييييرة حصيلة ربع قرن داير المعلقين تغنوا ليهم يا النجيض الناضج


#829154 [زاهراحمد]
5.00/5 (1 صوت)

11-17-2013 03:00 PM
كنت اقول دائما ان نظام اللشير هومافيا فهل يعقل لرجال كانوا معكم على قلب رجل واحد ياتتراجع عن وجهة نظرك سنفصلك وطعا ستكون معرضا للتصفية حتى لا تبوح بفضائحهم فاهرب بجلدك قبل فوات الاوان


#829150 [حسن ابو محمد]
5.00/5 (2 صوت)

11-17-2013 02:58 PM
للاسف كل المعلقين غير ناضجين وواضح لايفقهون شى فى السياسة وتعليقاتهم كلها نبذ وشتايم وسجم ام المعارضة المعتمدة عليكم


ردود على حسن ابو محمد
United States [متسكع] 11-17-2013 10:01 PM
يعني البشير رئيسك ناضج والسباسي وتعليقاته
التي سمعها كل السودان والعالم العربي تخلو من
النبذ و الشتائم

ولا ابو العفين هو الاكثر تهذيب من الرقاص الذي
شاهده الناس يحت فى العفش هو و وداد (مليون سنة)
الرجالة طير
ادب شنو كلكم صنف واحد غارقين في الفساد يا فاشلين
كل اهل الانقاذ اصحاب سوابق نفسية و اولهم عمر الكذاب

[nagatabuzaid] 11-17-2013 08:22 PM
محتاجين وبشدة لخبرتك ونضجك السياسى يبدو انك محاضرا متميزا فى كلية كاك كاك النافعية لتخريج الدجاج او مشرفا عاما لتربية وحضانة السواسيو لتحويلها لجداد

[الفدائي] 11-17-2013 07:18 PM
للاسف انت ما تدري بالحاصل لانك مؤتمر الناس ممكن تصبر على الجوع لكنها لا تصبر على الذل ياحيوان


#829138 [ام احمد]
5.00/5 (1 صوت)

11-17-2013 02:47 PM
ذي تقول خرجوا من مله الاسلام وعشره يوم للرجوع للاستتابه الله ينعلكم كلكم بلا مؤتمروطني بلا لمه


#829117 [ابو أمين]
0.00/5 (0 صوت)

11-17-2013 02:32 PM
احذر الباب المتاكه !!!!


#829092 [ياسر عبد الوهاب]
5.00/5 (1 صوت)

11-17-2013 02:14 PM
يا ناس المؤتمر اللاوطني استحلفكم بي بشبش ووداد وبكري وعبد الرحيم واسامه وعبد الله...طبعا لن استحلفكم بالله ولا نبيه..وإنتو عافين...
المهم عليكم المذكورين اعلاه ما تشتتوا لينا الكيمان..نحنا عاوزين لمن ربنا يقدرنا ونصلكم نلقاكم بي ربطة المعلم..ونكون شاكرين لو لميتو معاكم الترابي وزمرته..وسيكتب في ميزان حسناتكم الخاليه من الحسنات لو قدرتو تلموا معاكم الصادق والميرغني..
والله هذه ستكون اول حسنه تكتب في ميزان حسناتكم ..
عاوزنكم بي ربطة المعلم...


#829021 [المهندس سلمان إسماعيل بخيت على]
5.00/5 (1 صوت)

11-17-2013 12:57 PM
رسالة مستعجلة للأخ نافع على نافع
أرجع وأقفل بابك دا بسرعة على الناس اللى فيهو
والله العظيم تخليه 10 مفتوح إحتمال الريس ذاتوا تانى ماتلقاه
دى مركب بيغرق من قفز منها فقد نجى ومن لم يقفز لحق أمات طه قبال جزيرة بمبدوسا الإيطالية


ردود على المهندس سلمان إسماعيل بخيت على
[امبده اميدة] 11-17-2013 11:22 PM
هههههه والله يا الهندسة !!! بمبدوسا دي أحلى حاجة في التعليق دة ، ولو ما كنت مهندس تكتب كيف ؟


#829010 [الضكير]
5.00/5 (1 صوت)

11-17-2013 12:49 PM
دولة (الجودية) و (باركوها) و( الباب مفتوح) للتوبة .. بالله دي دولة دي ؟؟
يا نافع إنت قايل نفسك قاعد في زريبة في حجر الطير ولاّ شنو ..
ساعيلك (حمير) !!


#829002 [ابومونتي.]
4.00/5 (1 صوت)

11-17-2013 12:43 PM
باب الريده وإنسده
نقول ياربي إتجده
تمر أيام وتتعده ونقعد نحسب في المده.


#828960 [home]
4.00/5 (1 صوت)

11-17-2013 12:08 PM
يا معشر التائبات لا تعدن الي-البروس-خالتو نافع قايم عليها


#828949 [عزة]
5.00/5 (2 صوت)

11-17-2013 12:01 PM
على الطلاق يا عمر البشير تدخل نافع السجن كل الشعب السودانى يغفر لك اسمعها منى ولو عاوز تحكم بس اربطوا فى السوق العربى وخلى اى زول ممغوس منو اديوه كف على شرط كف واحد بس والله نخليك تحمك 100 سنه


ردود على عزة
United States [خبير الاعواد] 11-18-2013 12:45 AM
الله يا عزه وانا كمان على اليمين وطلاق تلاته كل يوم بعد صلاة الفجر اديهو كف ......
احححححححححح خلى يربطوهو انا حسا دي بى حرسو ده لو لقيتو فى وشي وحاة الله اقوم بيهو
غايتو عارفو روحو روح كلب ما بيموت بسهوله لكن اضعف الايمان بخلى عايش بعين واحده
كان بى طلقه كان رجولى كان بضفوري كان بسنونى زااتو ما بخليهو العايب الخايب
عره الرجال نفوووووو عليهو وعلى اى واحد قريب منو

[nagatabuzaid] 11-17-2013 07:29 PM
ليه كف ؟ الناس بطلت لبس المراكيب ؟؟ معليش مراكيب السوق العربى جميلة وغالية نحن عايزين مراكيبل قديمة كل اهب واتى يديه مركوب


#828924 [عبود حمزه]
0.00/5 (0 صوت)

11-17-2013 11:39 AM
الاخت امال..تحياتي...
عذرا لم تفهمي ما قصدته رغم ان ما كتبته بلغة بسيطة و انا لست محسوبا علي الموتمر الوطني لا و لم و لن اكون موتمرجي ...
مارست السياسة ردخا من الزمان و لانها كما يقال لعبة قذرة ابتعدت عن تلك الساحة و لكن مع قضايا الشعب و انا من المناطق التي تدور فيها رحي الحرب الان و لحظة كتابتي لهذه السطور تسمع اصوات الدانات و الرشاشات و تحلق الطيران فوق رووس اهلي الذين صاروا يميزون اصوات الطائرات بل اصوات مختلف الاسلحة التي تستعمل لقتلهم و تشريدهم..نعم انا من جبال النوبة و افتخر.....لك العقبي


#828912 [wad sudani]
0.00/5 (0 صوت)

11-17-2013 11:27 AM
تسلم عزيزنا و الله ذكرتنا الشوقيات


#828881 [سيمو]
0.00/5 (0 صوت)

11-17-2013 10:55 AM
والله مهزلة،، دة حزب ولا شلة كتشينة؟؟

نافع عارف الجماعة ديل ما حيرجعوا لكن عايز يسجل نقطة إنو الجماعة ديو إنشقوا ولم يطردوا من الحزب،،،


#828877 [مستغرب]
0.00/5 (0 صوت)

11-17-2013 10:48 AM
-1- قضية حزبية داخلية شغلت الجميع،،، ماذا يستفيد منها الآخرين؟
-2- لاحظوا الإصلاح ليس للسودان والسودانيين وإنما لاصلاح المؤتمر الوطني او الحركة الاسلامية،، ليحكموا ثاني وثالث ورابع الخ،،، فكل الذين هم في الحركة الاسلامية عندما يعارضون هذا الحزب الحاكم لا لشيء إلاّ تجميل وجه الحركة الاسلامية لتحكم من جديد وبنفس الطريقة ولكن بوجوه جديدة هذا هو الاصلاح والانتقادات التي تقدم،،، فإذا أتي غيرهم من الحركة الاسلامية بأي مسمي، ماذا سيقدم غير الذي قدمه هؤلا؟؟؟ فسوف يكون له نفس المنهج الاقتصادي الذي خطوه من البداية وهو السوق المفتوح او الرأسمالية الطفيلية والتبعية للرأسمالية العالمية، فالخصصة، وبيع أراضي الدولة،، والفساد الخ هو سمة هذا النمط من الاقتصاد،،وهو الذي سيستمر متي ما استولت الحركة الاسلامية مقالد الامور اي كان مسماها!!! ،،وسوف يكون ايضا هو المنهج في التوظيف لمنتسبي الحركة الاسلامية ،،، وسيكون كذلك في الخدمات الخ الخ يعني ستتضاعف المشاكل والقضايا،، فعن أي اصلاح تتحدثون؟؟
- 3 - مارال هذا (النافع) يستعمل التهديد والوعيد حتي من كانوا معه (أكلوا الملح والملاح مع بعض) فكيف هذا يكون مسؤلا لقطر بأكمله ويمارس هذه العنجهية وهذا اللؤم،،!!!


#828860 [عبد الولي]
0.00/5 (0 صوت)

11-17-2013 10:29 AM
يا جماعة الوزير وزير والمسنتشار مستشار والتعديل الوزاري بالشباب سيتم على النحو التالي
استخراج جوازات ليكون عمر عوض الجاز 40 سنة (شهادة ميلاد وموثقة من القمسون الطبي) ضارعلى 38 سنة على نائب على طول 32 سنة مصطفى ديدي 21 سنة وبالتالي على الإصلاحييين أن ينتظروا سنيين عدة لو كانوا متوقعين الدور حايجيهم ليكونوا وزراء


#828850 [ودالباشا]
5.00/5 (1 صوت)

11-17-2013 10:21 AM
ابوابكم مغلقة العفانة كتلت البلد انت عندك مفاتيح الابواب وداك عندو مفتاح البلف يفتح راسكم


#828797 [مهاجر]
0.00/5 (0 صوت)

11-17-2013 09:49 AM
10 ايام زريبة غنم .


#828761 [جركان فاضى]
5.00/5 (1 صوت)

11-17-2013 09:23 AM
يا اخى الانقاذ لايحتاج الى اصلاح...الانقاذ قاذورات يجب ازالتها...كيف يمكن اصلاح القاذورات؟


#828730 [الطريفى]
0.00/5 (0 صوت)

11-17-2013 09:07 AM
مسرحيه مسرحيييييييييييييييه وبقت قديمه قدييييييييييييييمه يا جماعه الناس ديل قامت ليهم قنابير انصحوهم يبطلوا المسرحيات المعروفه الفصول والسيئة الاخراج يا عالم البيحصل ده عار علينا نحن كشعب الارض دى ربنا اداها لينا عشان نعمرها ونحن خلائف الرب فيها الناس ديل اتفرعنوا عدييييييييل انتوا الراجين ليها شنو يعنى منتظرين يقولوا ليكم خلاص قنعنا وشبعنا يعنى ؟


#828706 [أبوفاطمة]
5.00/5 (1 صوت)

11-17-2013 08:51 AM
احسن يرجعوا علشان بعدين نلقاهم كلهم في خزب واحد ولا رافه بهم . يوح الحساب ات وبعدين يانافع بتجرس ياخائب


#828681 [راعي]
4.00/5 (2 صوت)

11-17-2013 08:36 AM
الثور فر من حظيرة البقر، الثور فر ،
فثارت العجول في الحظيرة ،
تبكي فرار قائد المسيرة ،
وشكلت على الأثر ،
محكمة ومؤتمر ،
فقائل قال : قضاء وقدر ،
وقائل : لقد كفر
وقائل : إلى سقـر ،
وبعضهم قال امنحوه فرصة أخيرة ،
لعله يعود للحظيرة ؛
وفي ختام المؤتمر ،
تقاسموا مربطه، وجمدوا شعيره
وبعد عام وقعت حادثة مثيرة
لم يرجع الثور ، ولكن ذهبت وراءه الحظيرة


ردود على راعي
United States [nagatabuzaid] 11-17-2013 07:35 PM
من اجمل التعليقات واعمقها تعبيرا امييييين يا رب تحدث الحادثة المثيرة وتذهب الحظيرة بخنازيره

لك التحية


#828675 [الفجري داك]
0.00/5 (0 صوت)

11-17-2013 08:30 AM
للأسف نحن ندري في أي درك نحن بهذا الوضع !! وماوصلنا له وحتماً فيه ،لانحتاج تعليق فيما قيل ويقال ،فهؤلا لامفر فيما يفعلون ،فهم أساؤا الكثير وبطشوا وسرقوا وتحدوا وفعلوا مالم يفعلة الشيطان ،ونحن نتوعد بثورةوإسقاط النظام وهم يعدون العدة بالبطش والأعتقال والتعذيب والقتل ،وقد مات منا شهداء صغار السن وتعذبن نسوة وجلدوا بالسياط وحلقت رؤسهم وأغتصبت نساء وسجنن وماذال هناك قابعون خلف القضبان ،والجبهة الثورية تتوعد والمعارضة تنهق والمواطن لايملك عزيمته التي كانت ،لقد فتك به المرض والجوع والعطش ويأمل كل صباح أن يتم الصياح لتتغير ألاوضاع فصارت 24عاماً الي هذا الدرك الأسفل بزعامة البشير وطة ونافع وماتبعهم فهل من مغيث غير الخالق عز وجل ،الموت واحد وباي أسلوب ياتي فهو سنة ،وعلينا بالأيمان القاطع أن الموت حق إما هذة الزمرة أونموت معاً،فالثورة دون تردد والقتل قتل والقتل لكل منافق ولكل مؤتمري الحزب الفاشل والعزة للسودان ولاحول ولاقوة الابالله.


#828663 [المتجهجه بسبب الانفصال]
5.00/5 (2 صوت)

11-17-2013 08:24 AM
عشرة أيام حسوما بعدها أموال وتجارة الاصلاحيين ملمومة ضغط على كل اصلاحي أو ذو خصومة إن قطع الارزاق سنة هذه الحكومة تذكرة منها بالصالح العام الذي أملاه فقه الضرورة فانتبه لنفسك حالا المغرورة واثبت على الاصلاح حتى تذق الشراء من الدكان بالجرورة تسوي كريت تلقه في جلده بالضرورة سنجعلكم تتركوا السياسة وتشجعوا الكورة هكذا قصد نافع بالعشرة أيام بعد أن أوصى بترك التدريس الجامعي وممارسة تجارة الليمونة،،


ردود على المتجهجه بسبب الانفصال
United States [جركان فاضى] 11-17-2013 09:17 AM
كلام سليم يا متجهجه...عشرة ايام عشان يتوبوا والا يطرشوا الاكلوا


#828642 [الحركة السودانية للحرية والعدالة]
5.00/5 (2 صوت)

11-17-2013 08:11 AM
- مزكرة
- لاثناءهم
أخطاؤكم اللغوية والنحوية يا ناس الراكوبة أشد إيلاماً من ممارسات المؤتمر الوطني، بس هم مشكلتهم عويصة أكتر ينتظرون معجزة، أما أنتم فمشكلتكم بسيطة جداًمحتاجين مدقق لغوي، وإذا ما قادرين مستعدين ندفع مرتبه على حسابنا الخاص. عشان نتفادى الفلايت والقطايع وجروح وإصابات من تكسير اللغة، أحياناً كتيرة نشك إنو كتابكم سودانيين،لأنه باستثناء بعض الكتابات الرصينة وخاصة من معلقي الراكوبة الذين هم أفضل بكثير وكثير جداً من بعض كتابكم وصحفييكم - نرى أن لغة الراكوبة أقرب للغة السواحيلية أو عربي جوبا أو عربي انجامينا. جريدة بكل هذا الانتشار تقع في أخطاء لغوية ونحوية لا يقع فيها تلميذ الروضة؟؟؟؟ الحكاية شنو؟؟؟؟؟؟؟؟؟؟ احترموا عقول القراء.


ردود على الحركة السودانية للحرية والعدالة
United States [nagatabuzaid] 11-17-2013 08:01 PM
يا سيبويه والخليل بن احمد الفراهيدى الاخطاء غالبا مطبعية كما يقولون اما بسرعة الكتابة او لمشاكل فى بعض الحروف فى الجهاز لكن عليك الله يا سيبويه ز مانك وفر قريشاتك لشراء طبلة من النوع الماكن الكبير الاصلى لنافع لقفل الباب على ان تصله قبل العشرة ايام
ولعلمك استاذنا الكريم صاحب الدرس القيم اللغة السواحلية لغة حية مكتوبة وكدى جاوب على سؤالى ده ( ماهى مكونات وتركيبات اللغة السواحلية مع ذكر امثلة ) اما عربى جوبا فهو جميل ومحبب الله يلمنا تاااااااااانى يا ناس جوبا ونتونس معاكم بعربيكم الجميل

European Union [سلوى بوتيك] 11-17-2013 05:36 PM
كلامك سليم 100% لكن أبدأأولاً بنفسك

في بداية حديثك هناك خطأ شنيع وهوهاتان الكلمتان:
- مزكرة
- لاثناءهم

[الــســيــف الــبــتــار] 11-17-2013 02:08 PM
اللبيب بالاشارة يفهمو !!!!!

United States [اللهم ألعن الانقاذ لعنا كبيرا] 11-17-2013 12:46 PM
عليكم الله شوفوا زي دا الزول دا مالو؟؟؟ ياخي فكنا... هو الضيعنا شنو غير نوع الفهم بتاعك دا

United States [omer] 11-17-2013 12:36 PM
يا عطوي اللغة العربية لغة القرآن الكريم تقول عنها في ستين داهيه نرجو ان تكون اعقل من ذلك ولعلمك هي اللغة الخالدة الي يوم يبعثون .

United States [عبد العظيم علي] 11-17-2013 12:12 PM
الحركه السودانيه للحريه والعدالة...دقق في الهاء والتاء..
الراكوبه صحيفه قائمه على مجهود متطوعين لملئ فراغ نحتاجه كثيراً ن ومن الطبيعي أن تأتي بعض المواضيع على عجل...
ولكننا نكون سعداء أكثر إذا أثريت لنا الساحه بمنبر إضافي مثل الراكوبه..
مع شكرنا وتقديرنا للجميع

United States [wad sudani] 11-17-2013 11:44 AM
بسم الله
اكبر معضلة الدولة السودانية و المجتمع معا هي القبول بالآخر,يأخي إقبل بي كما انا و هذا من أسباب إنفصال الجنوب و جنوبيات أخرى إن لم نتدارك هذا التعالي.
كما أن من أسباب إندثار الغة العربية و إختفائها قريباهو تجميد(العرب) اللغة العربية و تنطؤ أهلها هو ما سيودي بها إلى زوال و سوف تكون مثل اللغة اللآتينية (لغة تعبد فقط).
تعلموا من الحضارات الأخرى كيف طاوعت لغاتها و إحترمت كل من حاول التحدث بها و لم تنتقد إعوجاج السنتهم و لكناتهم حتى صار العالم كله متحدث بها.

[بعشوم] 11-17-2013 10:49 AM
من اليوم أعتبر نفسك مدقق اللغة العربية في الراكوبة رسمياً .. أرجو ان تتفرغ لمراجعة وتصحيح أي موضوع او خبر وإعادة صياغته وارسالة الى بريد الراكوبة ..
لك الشكر على تعاونك مع محرري الراكوبة

[المتجهجه بسبب الانفصال] 11-17-2013 10:36 AM
أخطاؤكم اللغوية والنحوية يا ناس الراكوبة أشد إيلاماً من ممارسات المؤتمر الوطني،

بالغت يا الحرية والعدالة ،، المعلقون أغلبهم يعلقون بالدارجي على غرار الونسة باللهجة المفهومة المتعارف عليها أما الخطأ الطباعي فمسألة عادية ،، اعتبرها ونسة ،، الموقع ليس مسئولا عن تدقيق التعليقات ولا المقالات الا ما ندر وذلك لإزدحامه، الواضح من تعليقك أنك لا تدري الجهد الذي تبذله ادارة الراكوبة في هذا العمل الجبار مما جعلك تعتقد أن هناك جيش من العاملين ،،،

European Union [سودانى] 11-17-2013 10:01 AM
دى وجهة نظرك نحترمها لكن كتاب الراكوبة سودانيين بكل اللهجات واللغات والمهم ايصال الموضوع حتى لو بالدارجى واهو انت استخدمت كلمات مثل فلايت وقطايع فارجو ان نترك الشكليات والتى لها اسبابها والاخطاء واردة ونحاول قدر الامكان مراجعة النصوص ايضا احتراما للغة الضاد واحترام مايكتبه الراكوبيون حتى ولو كانت به اخطاء ايمانا بالديمقراطية وحرية التعبير فليكتب الحلفاوى بلهجته والدنقلاوى والنوباوى والبجاوى ولتتفتح الف زهرة

United States [أحمد] 11-17-2013 10:01 AM
كان الأوفق وأنت تذكر الأخطاء اللغوية والنحوية أن تكتب باللغة الفصيحة بدلا عن الكتابة بالعامية. لكن عموما ملاحظاتك صحيحة (وكلامك في محلو).

European Union [عطوى] 11-17-2013 09:53 AM
الناس فى شنو وانت فى شنو يا سيبوية ؟؟؟؟؟؟؟؟؟؟؟؟؟؟؟؟؟؟؟؟


شنو قادينا قواعد املائية وزوبعة ياااااااااااااخ اللغة العربية فى ستين داهية70% من الشعب السودانى مش عندو علاقة بالعرب ياااااخ الله يهديك فكنا والعايز العرب يدينا جنسيتنا الشينا دى ويتفضل لاهولو وعشيرتة فى الشام او الحجاز اما نحن خلينا نعك فى عربى جوبا وعربى تشاد وعربى المحس ياااااااخ اففففففففففففففف .


#828633 [تينا]
5.00/5 (3 صوت)

11-17-2013 08:02 AM
صراحة ما عندكم موضوع وبقيتو تعملوا كدا عشان تشغلونا من بلاوى البلد ونجحتوا لأننا أصبحنا شغالين بيكم زيادة عن اللزوم .


#828624 [أبو علي]
1.00/5 (1 صوت)

11-17-2013 07:56 AM
ارجع أخي غازي ، وسوف تجد الاحترام والتقدير من الجميع، لا تتبع شياطين المعارضة والهوان، جميعهم قلوبهم شتي ،عد كما كنت، وطنيا ، وأصلح من الداخل ، وانتم يا دعاءات الوطنية عودوا لرفدكم ، واتركوا الشقاق ، وليكن الوطن للجميع


ردود على أبو علي
United States [خبير الاعواد] 11-18-2013 12:58 AM
ابو على عله التمسكك ... منين كان الوطن للجميع ما اتمكنتوا منو وجدعتو اولادو وشردونهم فى المنافي اوعك ننكلم عن الوطن للجميع الوطن انتو مستبيحنو وعاملنو مملكة اهاليكم ح نوريكم الاقصاء والاخصاء المارستوهو علينا تبا وتانى تبا للكيزان تجار الدين هزازي الوسط ومهزوزي الضمير

United States [كاك] 11-17-2013 03:42 PM
ما هذا المنطق الاعوج من الذي يتراجع المفصول ام الذي فصل يعني غازي يتراجع يقول شنو بلاش مذكرة الاصلاح انا أسف . بالله ورينا صيغة الرجوع نافع ما يفهم عشان كدة قال اتراجعوا

United States [المتفائلة جدا] 11-17-2013 01:07 PM
لا تنخدع .. كلهم شياطين تربية إبليس ورضعوا ذات الحليب الآسن فلا خير فيهم..والأفعى حين تبدل ثوبها تظل هى ذات الأفعى وأقول لكل الطيبين من الشعب السودانى لاتنخدعوا فيهم مرة أخرى..
إن الأفاعى وإن لانت ملامسها..عند التغلب فى أنيابها العطب ..
فلا تصدقهم يا أبو على.

United States [جركان فاضى] 11-17-2013 09:20 AM
ما تاخدك العاطفة يا ابوعلى...هؤلاء كل واحد انجس من التانى

[كسره بالهوت دوق] 11-17-2013 09:15 AM
قلت لي شنو يرجع ؟ .. هو اصلا راح وين علشان يرجع ما قاعد معاهم جوه وغرقان كمان يعني هسه انت صدقت المسرحيه دي ولا انت اصلك تابع ليهم ؟ بعدي نيلقي احترام من الجميع دي كيف ترجمها لينا انت قاصد ياتوا جميع ؟؟ .. دعاه الوكنيه يتركوا الشقاق هو في زول شقق البلد غيرهم نحنا لا بينفع معانا لا البشير ولا غازي زلا غيرهم كلهم بنحاسبهم.

United States [حسون الشاطر / دنقلا] 11-17-2013 08:36 AM
(( لا تتبع شياطين المعارضة والهوان )) و الله كلام يا أبو علي شياطين المعارضة


ميييين ؟

بالله هو في شيطان أكبر من الكيزان يا وهم !


#828555 [ابو عبده]
5.00/5 (1 صوت)

11-17-2013 07:04 AM
اعتقد أن هذا الذ يسمى بالنافع لا يعرف طبيعة الشعب السوداني ...نقول له غدا لناظره غريب يا نافع ليك يوم و لأمثالك .. حسبنا الله ونعم الوكيل عليكم.. رسالتي لهذا الشعب العظيم المظلوم أن يكثر من الدعاء على هؤلاء الظلمة


#828548 [كجيك]
4.50/5 (2 صوت)

11-17-2013 06:59 AM
عشرة يوم كثيرة كان تخليها 24 ساعة ياخي انت داخل معركة عسكرية قال دكتور انت راعي غنم ما تنفع مع احترمنا للغنم
غور انت وغازي


#828513 [ود جبل حلة]
4.50/5 (2 صوت)

11-17-2013 06:18 AM
وقمة المهزلة ان يتراجع المنشقون.


#828506 [عبدالعزيزمبارك محمد]
3.00/5 (2 صوت)

11-17-2013 06:01 AM
لو رجعو للحزب تانى يكونو جبانين ومنافقين والشعب السودانى لو ما حمل السلاح ضد هاؤلا المجرمين البلد ستسقط فى ايدى الخوارج من المفترض ان يمنحو البشير جائزة نوبل للخيانة والجبن لكن الله يمهل ولا يهمل @


#828488 [المانجلوك]
5.00/5 (4 صوت)

11-17-2013 05:19 AM
معقولة دة مستوى تنظيمى نفصلك ونرجعك افتح البلف ياعوض اقفل البلف ياعوض كنت اظن فى الماضى ان هولاء الابالسة لهم مقدرة تنظيمية ولكن من الواضح كغيرى من الشعب السودانى اتخدعنا كثيرا فى هولاء فهم اشبه بالغوغاية والدهماء ورعاع القوم لقد عرفنا من اين اتى هولاء. كما قال المثل يموت الزمار وصباعو بتلعب فلم يجدو لهم مكانا" فى السودان الامة العريقة والتاريخ المجيد فنحا هولاء بسوداننا الى مصاف تليق بهم من قبلية وعنصرية وهمباتية حتى يجدوا حالة من التوازن النفسى تليق باصلهم الخبيث والله الاسلام برئ منكم ومن امثالكم وليلعنكم الله وليلعنكم اللاعنون.


#828486 [ود البلد]
5.00/5 (1 صوت)

11-17-2013 05:15 AM
لف ودوران ساكت ،،، غازى ليس اناس جيد اي حال من الاحوال
ولا يقل خبثا من باقى المتأسلمين والافضل له ان يرجع الى قطيع الذئاب


#828484 [رانيا]
5.00/5 (3 صوت)

11-17-2013 04:57 AM
اسلوب التهديد والوعيد ده اثبت فشله حتى في تربية الاطفال . وحيحصل شنو بعد عشرة يوم يعنى? كلام فاضى . .


#828471 [عبود حمزه]
3.00/5 (1 صوت)

11-17-2013 01:46 AM
(وقال نائب رئيس الحزب الحاكم د نافع علي نافع في تصريحات عقب اجتماعات مجلس الشورى بالخرطوم إن قرار المجلس سيسقط تلقائيا اذا تراجعت المجموعة خلال العشرة ايام التي حددها المجلس لسريان قرارات الفصل والتجميد . وذكر أن مهلة العشرة أيام منحت لافساح المجال أمام إنجاح المحاولات التي تتم حاليا مع المجموعة لاثناءها عن خطوتها واعادتها لرحاب الحزب واوضح "القرار نفسة سيتم تجاوزه ويسقط اذا أكدوا رغبتهم في اعادة نشاطهم بالحزب، أما اذا حدث العكس ستسقط عضويتهم تلقائيا".)
الخطوة التي قامت بها مجموعة الاصلاحيين ابعدتهم درجة من محاسبة التاريخ لنظام الانقاذ و تراجعهم او العدول عن موقفهم يجعلهم علي راس القائمة بل سيفسر ذلك انهم تراجعوا و اختاروا مواصلة اقتراف و انتهاك القوانين الدولية في ارتكاب الابادة الجماعية في مناطق جنوب كردفان و النيل الازرق و دارفور وقد يمتد اياديهم الي الشمالية و الشرق....
عدولكم يا غازي و من معك يقربكم من حبل المشنقة او التصفيات الجماعية و هي مهنة الحكومة كما تعلمون و كنتم جزءأ اساسيا من هذه الحكومة طيلة ال25 سنة عمر حكم الانقاذ و عدولكم او تراجعكم يفسر قانونيا بانكم اعترفتم بالخطأ و قد تحاكمون .....( هذا شرك نصبه نافع لكم)
لا تتركونا نشك في موقفكم بعدم ردكم المبكر لتصريحات نافع ولتعلموا ان مكانتكم محجوزة في دهاليز المعارضة و في قلوب كثير من السودانيين رغم عدم ارتياحه لتوبة الانقاذيين المتأرجحة.....


ردود على عبود حمزه
United States [amal] 11-17-2013 07:18 AM
نرجوا منك أن تترك التعميم و الحديث بإسم الشعب المفتري عليه بالانقلابات من حزبك و عليك أن تتحدث بأسمك وحدك متي قلنا لك أن غازي في قلوبنا وقلوب الشعب السوداني? أنه حلمكم أحلام ظلوط بعد أن ذبحتم قيم الدين كما قالت لكم مزاهر نجم - أختكم المنسلخة إن ما كتبته وهي محاولة يائسة منك -كعادتكم في الدعاية الكاذب- والتأثير علي أفكار الناس بالزور -محاولة لأنقاذ حزبك الإسلامي أو علي الأقل جزء منه من المحاسبة العسيرة التي تنتظره ولكن هيهات .فلتعلم أيها الأخ أن مجموعة غازي مثلها ومثل البقية وسوف تتحاسب علي سكوتها الشيطاني والبلد تتدمر ودارفور تذبح, لا أريد أن أمنعك حق الحلم ولكن أحلم بعيد من راكوبتنا يازول ..امال الطريفي


#828425 [سودانر]
1.00/5 (1 صوت)

11-16-2013 10:31 PM
الم يكن فيكم رجل رشيد ؟ الاهذا الرجل الضار وانت ياحبيبنا غازى قدامك (10)ايام اما اسلاحى ثبت على المبدع تجاه شعبك واما انبتحت وبقيت زول مصالح وبعدين انت لوفصلت من الحزب ده يعنى بتفصل من رحمة الله ؟


#828417 [alshifit]
5.00/5 (3 صوت)

11-16-2013 10:20 PM
مدة العشرة ايام الممنوحة لهم للتراجع مرتبطة بالتشكيل الوزارى المرتقب فان تراجعوا شملهم التشكيل الوزارى كوزراء وان لم يتراجعوا سيواجهوا بالتدابير الامنية


#828412 [ابو عكاز]
4.25/5 (3 صوت)

11-16-2013 10:09 PM
يا غازي لو رجعت تتمرمت مع نافع اني لك من الناصحين هو داير يكسر التعالي الجميل بتاعك ده


#828392 [Mohamed Bandi]
4.63/5 (4 صوت)

11-16-2013 09:41 PM
أها كدى نشوف مسرحيتكم دى حدها وين؟؟ يا صعاليق يا لصوص, قال شورى واصلاح ومؤسسات؟؟؟!!1 انتو لو بتعرفو معنى الكلمات دى دى ما كانت حالتنا يا وهم, قومو لفو لفاكم البلا يخمكم.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة