الأخبار
أخبار إقليمية
المريخ يستعيد لقب الدوري الممتاز السوداني بهدفين في مرمى الفاشر
المريخ يستعيد لقب الدوري الممتاز السوداني بهدفين في مرمى الفاشر
المريخ يستعيد لقب الدوري الممتاز السوداني بهدفين في مرمى الفاشر
فريق كرة القدم بنادي المريخ السوداني


11-19-2013 08:50 PM
بدر الدين بخيت

استعاد فريق كرة القدم بنادي المريخ السوداني لقب الدوري الممتاز من خصمه اللدود الهلال، وذلك بعد حقق الفوز مساء اليوم بملعبه بمدينة أم درمان على فريق مريخ الفاشر بهدفين دون رد في آخر مباريات الفريقين بالبطولة، وهي النتيجة التي جعلت مباراة الهلال مع ضيفه الأهلي شندي غدا بدون قيمة تنافسية.

وقد استحق فريق المريخ التتويج باللقب، حيث وصل إلى النقطة 63 نقطة، وقد حصل عليها الفريق بعد ما حقق الفوز في 19 مباراة وخسر ثلاث وتعادل في مثلها.

وبالعودة إلى المباراة فقد برهن لاعبو المريخ منذ الحظات الاولى للمبارة على إصرارهم في عدم ترك شئ للصدفة وعملوا على حسم المباراة بسرعة في مواجهة خصم غامض هو ثالث بطولة أندية سيكافا لهذا الموسم، في وقت دفع فيه مدرب المريخ الألماني كروجر بأقوى تشكيلة له.

وظهرت النية الهجومية بشراسة وكللها العاجي أوليفيه بالهدف الأول في الدقيقة 15، وواصل اللاعب نفسه محاولاته المتكررة لغزو المرمى ونجح في تأمين النتيجة بالهدف الثاني 29 من صناعة راجي الذي مرر له كرة أرضية خلف المدافعين فخطفها وصوبها أرضية في مرمى الحارس عبد العزيز.
وفي الشوط الثاني أظهر مريخ الفاشر شكلا مختلفا وقاوم المريخ وأوقف خطورته، بل وحاول الوصول للمرى في تراجع فيه أداء المريخ بعض الشئ إلا أن المباراة انتهت بهدفين كفلا للمريخ فوزه باللقب السابع في تاريخ الدوري الممتاز.

كوورة


تعليقات 21 | إهداء 0 | زيارات 4713

التعليقات
#832996 [المغبون من الاسلاميين]
0.00/5 (0 صوت)

11-20-2013 03:14 PM
مبروك للمريخ الدوري الممتاذ ولكن مع هذه الحكومه الفاشله القاتله لا طعم للمريخ ولا هلال مورده اهلي مدني وغيرهم ومنذ مقتل الشهدا لا طعم للحياه القصاص والانتقام لكل شهدأ بلادي نعود لحياتنا بدون كيزان ( قوم لوط) فرع السودان


#832858 [فخرالدين عبدالرحمن]
0.00/5 (0 صوت)

11-20-2013 01:30 PM
الف الف مبرووووووك والنتيجة طبيعية يعني ما جديدة علي زعيم الاتيام و عقبال مريخ الفاشر الكان حضورو مشرف


#832775 [نسيب نافع]
0.00/5 (0 صوت)

11-20-2013 12:32 PM
مبروك ليكم الدوري لكن الكاس السودان لحس كوع


#832650 [Hassaan]
0.00/5 (0 صوت)

11-20-2013 11:00 AM
الف مبروك عودة الكاس الى مكانه الطبيعى والذى يجد فيه نفسه بعد ان امتلء رهقا وكدرا وطينا فى الفترة السابقة ولا عزاء لاصحاب الصفر الدولى الكبير .... وطبعا مباراة الهلال واهلى شندى ودية فالاحسن نحضر مسلسل الوعد


#832577 [مجاهد]
3.00/5 (1 صوت)

11-20-2013 10:15 AM
اود ان اعرف شي محدد كيف تم التجهيز لتسليم الكأس وتم احضار الكأس وقادة الاتحاد العام ... علما بانه هناك مباراة اخري بين الهلال واهلي شندي ... وانو كان من المحتمل ان تكون مباراة المريخين تعادلية يعني ذلك لابد من انتظار مباراة الاهلي والهلال .... او ان هناك نيه مبيته بفوز مريخ العاصمة علي مريخ السلاطين ... وين انت يامحسن سيد ماقلتو بتلعبو بكل امانة وين الامانة ... الاتحاد مجهز كل شي ومجهز الشركة الراعية عشان تسلم الكأس ....اتحاد السجم والرماد اتحاد فضيحة سيف مساوي ...اتحاد كل المباريات المشبوهة ( هلال كادوقلي ضد نيل الحيصاحيصا ..هلال كادوقلي ضد الامل عطبرة ... نيل الحيصاحيصا ضد الاتحاد مدني ... النسور ضد اهلي الخرطوم ... النسور ضد الامل عطبرة ) هذه عينة فقط والمباريات جميعها مسجلة ارجو من الاتحاد اذا كان صادقا تكوين لجنة فنية لدراسة هذه المباريات ... حتي اخر مباراة اهلي مدني ضد النيل الحيصاحيصا والضرب علي الميت حرام ...


#832477 [العيساوي]
0.00/5 (0 صوت)

11-20-2013 08:59 AM
مبروك يا البطل العظيم القلل نوم الناس


#832401 [جر كان فاضى]
0.00/5 (0 صوت)

11-20-2013 08:08 AM
مبروك يا زعيم الكرة السودانية...فالمستديرة براك ما عندها طعم...بس يا اخوانا فى ادرة المريج رجاء خاص ان تدعموا فريق الموردة ...بالمال والخبرة...فالموردة تاريخ يؤلمنا غيابه عن ساحات البطولات


#832305 [ود الحصا حيصا]
4.00/5 (1 صوت)

11-20-2013 06:56 AM
مبروك يابوالين،،،، والله كل ما أشوف أشكالكم دي أشم ريحة معفنة


ردود على ود الحصا حيصا
European Union [اللحوي] 11-25-2013 12:15 PM
لـكـن يـاود الـحـصـاحـيـصـا بـالـعـقـل كـده ... إنـتـوا حـمـامـات مـا عـنـدكـم يـبـولـوا لـيـكـم ويـن ... ؟؟؟؟ يـتـشـقـوا بـالـبـول ... !!!

واحـد قـاعـد يـسـكـر مـع واحـد فـي بـيـتـوا ... قـالـيـهـوا أنـا مـاشـى الـحـمـام أعـمـل بـونـا مـلـوال ... لـمـا رجـع قــالـيـهـوا إنـتـوا لـمـا تـفـتـحـوا بـاب حـمـامـكـم الـنـور بـراهـوا بـولـع .... صـاحـب الـبـيـت قـالـيـهـوا لا .... الـسـكـران قـالـيـهـوا كـان كـده أنـا مـا بـولـتـه فـي ثـلاجـتـكـم ....

[ابو الليل] 11-20-2013 12:22 PM
ياوطني غيور الراجل كتب تعليقو على اساس حادثة حصلت فعلاً في الحصاحيصا.

وما تخلي تشجيعك لفريق معين يوقعك في الذنوب مع ربك الذي قال ولا تنابذوا بالألقاب.

وخصوصاإذا كنت ما بتعرفو أصلا كدة ده يبقى إفتراء على الراجل.

وما تخلي الفاظك زي عمايل لعيبة فريقك.

ولو ده مستوى تعليقك حقو تغير اسمك من وطني غيور لأي حاجة تانية.

United States [ود الحصاحيصا] 11-20-2013 11:53 AM
يا من تسمي نفسك العدالة

الظاهر انك ما شايف انو العملوه في الحصاحيصا دة غلط
لأنو التبول في الأماكن الغلط عندك شي عاااااادي

نسأل الله لك أن يجعلك من التوابين والمتطهرين.

ولو كان العملوه في الحصاحيصا دة حصل في بلد راقية يا من تتحدث عن الإرتقاء لتم
مسح هؤلاء السفلة الذين تراهم أنت نجوم من وجه الأرض.
آل عدالة جاية آل

European Union [وطني غيور] 11-20-2013 11:25 AM
اسكت انكتم انت ملقب في الحصاحيصا في الحله بتاعتكم بابو هررررررررررررره

United States [العدالة الحتمية جاية جاية] 11-20-2013 08:54 AM
يبدو ان الحقد قد اعماك يا هذا

واسلوبك فى الكتابة يفضح مستواك

نسأل الله لك الشفاء والارتقاء والهداية .


#832267 [ابو شريف]
0.00/5 (0 صوت)

11-20-2013 06:06 AM
الف الف الف مبروك يا مريخ السودان العظيم وعقبال للافريقي وانتم اهﻻ له ،، واتمني التوفيق للهﻻل ايضا افريقيا ...... هﻻﻻبي


#832265 [أبوفاطمة]
0.00/5 (0 صوت)

11-20-2013 06:05 AM
مبروك للمريخ المختصب ومبروك لكل محبي المريخ ... غدا سنستعيد الوطن ونعيدك لمجدك وقمتك .


#832208 [abuahmed]
0.00/5 (0 صوت)

11-20-2013 03:16 AM
مبرووك للسودان هذا الانجاز الكبير بانضمام الارباب صلاح ادريس الى المريخ وكدة مشاكلنا كلها اتحلت الرغيفة بقت كبيرة والمحروقات اسعاره بقت ارخص من عام 1989 والجنيه السودانى بقى يساوي دولار واحد والجماعه اعترفوا بالقتل الخطا في سمبتمر الماضى و خصصوالاموال التى استردت من الفساد كتعويضات لاهالى الشهداء والاهم انا من اليوم ما مريخابى عشان اتقرغ لافراحى ويا شماتة ابله لاظه فينا واعوذبالله من الطابور والجداد الالكترونى


#832207 [salintod]
0.00/5 (0 صوت)

11-20-2013 03:10 AM
مبروك للمريخ ........ لكن فوز مسيخ......البطولة ما عندها طعم بدون الفوز علي الهلال

سيد البلد ماشاء الله لمن يفوز بالدوري الممتاز بكون بجدارة و استحقاق اقل شئ فوز علي المريخ و بفارق كبير من النقاط

مرة مرة لازم المريخ يفوز بالبطولة حتي لا تفقد طعمها و لكن تظل السيادة لسيد البلد و الوصافة للمريخ

و تاني مبروووووك لشقيقنا الاصغر المريخ


#832195 [jaaakm blaaaaa]
0.00/5 (0 صوت)

11-20-2013 12:57 AM
الف مبروك يا هيثم


#832177 [حمادة (الحمش)]
0.00/5 (0 صوت)

11-19-2013 11:42 PM
ديل لعيبة شنو! بس زي ما بتقول نينا حبوبتي (حلة كوارع).


#832151 [المغنون]
0.00/5 (0 صوت)

11-19-2013 10:53 PM
مبروك لزعيم الكرة السودانية وهارد لك يا وصيفاب ، كورتكم بكرة وديه ولا كيف ، ههههههههه


#832143 [أيمن]
4.00/5 (3 صوت)

11-19-2013 10:45 PM
أنا هلالابي و أبارك لجمهور المريخ بطولة الدوري و أقول لهم الحرب سجال يوم ليك و يوم عليك و أتمنى التوفيق للهلال و المريخ في دوري أبطال افريقيا


#832095 [Amir]
5.00/5 (1 صوت)

11-19-2013 09:32 PM
مبروك لكل احبتي المريخاب وححتي مريخ الفاشر له التحيه ونتمني ان يصل أيضاً الي مراكز مرموقة بإذن الله. ...
بامناسبه الزرق حيلعبو بكره؟؟؟


#832094 [رامى البشير]
0.00/5 (0 صوت)

11-19-2013 09:29 PM
الف الف الف مليون وخمسمائة مليار مبرووووووووووووووووك الزعيم المريخ البطل وعقبال الكاس رفاق العجب والبرنس


#832091 [sokrta]
0.00/5 (0 صوت)

11-19-2013 09:28 PM
الف الف الف مبروك ياابطال المريغ الاشاوش واقبال الكاس في الدمازين


#832089 [الكردفانى]
0.00/5 (0 صوت)

11-19-2013 09:26 PM
مبروووووووووك للأحمر الوهاج وعقبال بطولة الاندية الأفريقية


#832087 [abdo]
0.00/5 (0 صوت)

11-19-2013 09:23 PM
مبــــــــــــــــــــــروك الدوري



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة