الأخبار
منوعات سودانية
إلقاء القبض على (24) صومالياً حاولوا التسلل عبر البحر الأحمر
إلقاء القبض على (24) صومالياً حاولوا التسلل عبر البحر الأحمر


11-20-2013 10:37 PM
بورتسودان (smc)

شهد السودان واحدة من الحالات النادرة بمحاولة التسلل إلى أراضيه من رعايا دولة أخرى عن طريق البحر، حيث ألقت السلطات بولاية البحر الأحمر القبض على (24) متسللاً صومالياً من بينهم نساء قادمين من اليمن بعد أن قام مهربو البشر بإنزالهم في منطقة مرسى هيدوب جنوب مدينة سواكن.
وعلمت (smc) أن محكمة جنايات سواكن برئاسة القاضي نادر خليفة عبد الرحمن أصدرت أحكاماً ضد المتسللين بالغرامة بمبلغ (500) جنيه لكل والسجن لمدة شهرين في حالة عدم الدفع إضافة للإبعاد من الأراضي السودانية وذلك بموجب المواد (9) و(30) من قانون الجوازات والهجرة لسنة 1994م.
من جهته اعتبر اللواء حيدر أحمد سليمان مدير شرطة ولاية البحر الأحمر في تصريح لـ(smc) أن محاولة التسلل للبلاد عبر البحر تعتبر سابقة تستوجب التوقف عندها لإمكانية أن يصبح السودان ملاذاً للهاربين من الأوضاع الداخلية غير المستقرة في الدول جنوب البحر الأحمر خاصة أنه يشهد استقراراً أمنياً وتوفر فرص العمل فيه، مشيراً إلى أن مهربي البشر يملكون مراكب معدة تقوم عادة بإنزال المتسللين خارج الحدود السودانية.
وقال اللواء حيدر إن السلطات ستعمل على تنفيذ حكم الإبعاد للمتسللين إلى بلادهم رغم عدم امتلاك بعضهم لوثائق سفر وارتفاع تكلفة اعاشتهم وترحيلهم.


تعليقات 7 | إهداء 0 | زيارات 1387

التعليقات
#833752 [موسى محمد]
0.00/5 (0 صوت)

11-21-2013 11:02 AM
(وعلمت (smc) أن محكمة جنايات سواكن برئاسة القاضي نادر خليفة عبد الرحمن أصدرت أحكاماً ضد المتسللين بالغرامة بمبلغ (500) جنيه لكل والسجن لمدة شهرين في حالة عدم الدفع إضافة للإبعاد من الأراضي السودانية)
هم إذا كان عندهم قروش 500 ولا غيرها ما كانوا حاولوا التسلل إلى بلادنا.
هؤلاء أنسب عقوبة لهم هي إدخالهم إلى البلاد ليذوقوا معنا المعاناة من غلاء وحروب وعنصرية وخلافه من مخرجات عهد الإنقاذ.


#833640 [عادل]
0.00/5 (0 صوت)

11-21-2013 09:43 AM
يا سلام والله انجاز رائع لشرطة سواكن وحرس السواحل والحكومة السودانية ،،، 24 صومالي مره واحده ؟؟ ايه الحلاوة دي ؟ وكمان حيرجعوهم بلدهم ؟؟ والله قمه في الامن والسلامة ،، عشان كده بقول ليكم خلاص قربتوا باقي ليكم 24 مليون متسلل بطريقة غير شريعة للسودان الهامل ده ،، الي الامام ربنا يوفقكم


#833638 [عادل]
4.07/5 (5 صوت)

11-21-2013 09:43 AM
يا سلام والله انجاز رائع لشرطة سواكن وحرس السواحل والحكومة السودانية ،،، 24 صومالي مره واحده ؟؟ ايه الحلاوة دي ؟ وكمان حيرجعوهم بلدهم ؟؟ والله قمه في الامن والسلامة ،، عشان كده بقول ليكم خلاص قربتوا باقي ليكم 24 مليون متسلل بطريقة غير شريعة للسودان الهامل ده ،، الي الامام ربنا يوفقكم


#833492 [mohd]
0.00/5 (0 صوت)

11-21-2013 08:03 AM
قام مهربو البشر بإنزالهم في منطقة مرسى هيدوب جنوب مدينة سواكن

وعلمت (smc) أن محكمة جنايات سواكن برئاسة القاضي نادر خليفة عبد الرحمن أصدرت أحكاماً ضد المتسللين بالغرامة بمبلغ (500) جنيه لكل



اول شي وين حرس السواحل ؟

كيف يرسى المركب وينزل الناس ديل برضوا البحر طالق ؟

طيب وين جماعة الدفاع بالنظر مركب في الارض وناس نزلوا ما شافهم داير يشوف له طيارة او صاروخ في الجو؟


بعدين دا شنو دا لو مسكوا واحد ببيع خمرة دايرين يغرموه

لو مسكوا عاهرة دايرين يغرموها

طيب انتوا ما قلتوا بتاعين دين وشريعة كيف ترضوا اموال الحرام واموال السحت؟

ياخي انتوا ما فارزين حلال من حرام ولا عارفين الدين بقول شنو اصلا

ياخي دي حكومة تجيب النفسيات والله


#833451 [alfadl]
0.00/5 (0 صوت)

11-21-2013 07:11 AM
مانعنهم مالهم .. ما يخلوهم يخشو يعانو مع اخوانهم شويه ..


#833439 [سافَر زمان]
5.00/5 (1 صوت)

11-21-2013 06:54 AM
خاصة أنه يشهد استقراراً أمنياً وتوفر فرص العمل فيه، مشيراً إلى أن مهربي البشر يملكون مراكب معدة تقوم عادة بإنزال المتسللين خارج الحدود السودانية.

أضحك الله سنك يا أخ العرب. والله الليلة ضحكتني ضحك لي كم شهر كدا ماضحكت زيو. يا زول انت شارب حاجة ولّ شنو ولّ أنا الشارب حاجة؟؟؟ إني اتنفس تحت الماء
إني اغرق
أغرق
أغرق


#833434 [بديري]
0.00/5 (0 صوت)

11-21-2013 06:46 AM
السودان ملاّذ وتوفر فرص العمل حاله تسلل نادره ...
شارع محمد نجيب ملان صوماليين لي عينو ومافي صومالي عندو اوراق ثبوتيه ؟؟ ديل دخلو بمطار الخرطوم الدولي
الكاتب دا بتكلم عن سنه كم بالتحديد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة